| 1.ᠪᠡᠯᠴᠢᠭᠡᠷᠯᠡᠭᠦᠯᠬᠦ ᠶᠢᠨ ᠬᠠᠮᠲᠤ ᠪᠤᠷᠳᠤᠭᠠ ᠨᠦᠬᠦᠪᠦᠷᠢᠯᠡᠨ ᠲᠠᠷᠭᠤᠯᠠᠭᠤᠯᠬᠤ ᠠᠷᠭᠠ᠄ 1～3 ᠰᠠᠷᠠ ᠶᠢᠨ | ᠨᠠᠰᠤᠨ ᠤ ᠪᠤᠷᠳᠤᠬᠤ ᠲᠤᠭᠤᠯ ᠢ ᠰᠦ ᠪᠠᠷ ᠲᠡᠵᠢᠭᠡᠬᠦ ᠶᠢᠨ ᠬᠠᠮᠲᠤ ᠦᠨᠢᠶᠡᠨ ᠳᠤ ᠡᠳᠦᠷ ᠲᠤ 1kg ᠨᠠᠷᠢᠯᠢᠭ | ᠪᠤᠷᠳᠤᠭᠠ ᠨᠦᠬᠦᠪᠦᠷᠢᠯᠡᠵᠦ᠂ ᠲᠤᠭᠤᠯ ᠳᠤᠨᠢ ᠰᠦ ᠴᠠᠳᠲᠠᠯᠠ ᠬᠦᠬᠦᠭᠦᠯᠦᠨᠡ᠃ 4～6 ᠰᠠᠷᠠ ᠶᠢᠨ ᠨᠠᠰᠤᠨ ᠤ | ᠲᠤᠭᠤᠯ ᠢ ᠬᠦᠬᠦᠭᠦᠯᠬᠦ ᠠᠴᠠ ᠭᠠᠳᠠᠨᠠ ᠡᠳᠦᠷ ᠲᠤ 0.25kg ᠨᠠᠷᠢᠯᠢᠭ ᠪᠣᠷᠳᠤᠭᠠ ᠨᠦᠬᠦᠪᠦᠷᠢᠯᠡᠬᠦ ᠶᠢᠨ ᠬᠠᠮᠲᠤ | 25g ᠲᠦᠮᠧᠶᠢᠰᠦ ᠶᠢᠨ ᠲᠠᠯᠬᠠ ᠢᠳᠡᠭᠦᠯᠵᠦ ᠡᠬᠡ ᠶᠢ ᠨᠢ ᠳᠠᠭᠠᠭᠤᠯᠤᠨ ᠪᠡᠯᠴᠢᠭᠡᠷᠯᠡᠭᠦᠯᠦᠨᠡ᠃ ᠬᠠᠮᠤᠭ ᠤᠨ | ᠬᠤᠯᠠ ᠳᠠᠭᠠᠨ 6kg ᠠᠴᠠ ᠬᠡᠲᠦᠷᠡᠭᠦᠯᠵᠦ ᠪᠣᠯᠬᠤ ᠦᠭᠡᠢ᠃ 6 ᠰᠠᠷᠠ ᠶᠢᠨ ᠨᠠᠰᠤᠨ ᠳᠤᠨᠢ ᠰᠦᠨ ᠠᠴᠠ ᠨᠢ | ᠰᠠᠯᠭᠠᠨᠠ᠃ 7～12 ᠰᠠᠷᠠ ᠶᠢᠨ ᠨᠠᠰᠤᠨ ᠳᠤ ᠬᠠᠭᠠᠰ ᠪᠡᠯᠴᠢᠭᠡᠷᠯᠡᠭᠦᠯᠦᠨ ᠬᠠᠭᠠᠰ ᠬᠤᠲᠠᠯᠠᠨ ᠲᠡᠵᠢᠭᠡᠵᠦ᠂ | ᠡᠳᠦᠷ ᠲᠤ 0.5kg ᠡᠷᠳᠡᠨᠢ ᠰᠢᠰᠢ᠂ 20g ᠦᠰᠦᠯᠲᠡ ᠲᠦᠷᠭᠡᠳᠭᠡᠭᠴᠢ ᠡᠳ᠋᠂ 25g ᠨᠠᠷᠢᠯᠢᠭ ᠳᠠᠪᠤᠰᠤ᠂ 25g | ᠰᠢᠭᠡᠰᠦᠯᠢᠭ ᠡᠳ᠋ ᠵᠡᠷᠭᠡ ᠶᠢ ᠤᠷᠤᠢ ᠬᠤᠲᠠᠯᠠᠭᠰᠠᠨ ᠤ ᠳᠠᠷᠠᠭᠠ 1 ᠤᠳᠠᠭᠠ ᠨᠦᠬᠦᠪᠦᠷᠢᠯᠡᠵᠦ ᠲᠡᠵᠢᠭᠡᠨᠡ᠃ | 13～15 ᠰᠠᠷᠠ ᠶᠢᠨ ᠨᠠᠰᠤᠨ ᠳᠤ ᠬᠦᠬᠡ ᠡᠪᠡᠰᠦᠨ ᠳᠤ ᠪᠡᠯᠴᠢᠭᠡᠷᠯᠡᠭᠦᠯᠦᠨᠡ᠃ 16～18 ᠰᠠᠷᠠ ᠶᠢᠨ | ᠨᠠᠰᠤᠨ ᠳᠤ ᠬᠤᠷᠤᠬᠠᠢ ᠶᠢ ᠨᠢ ᠲᠠᠭᠤᠭᠰᠠᠨ ᠤ ᠳᠠᠷᠠᠭᠠ ᠡᠳᠦᠷᠵᠢᠨ ᠪᠡᠯᠴᠢᠭᠡᠷᠯᠡᠭᠦᠯᠵᠦ᠂ ᠡᠳᠦᠷ ᠲᠤ 3 ᠣᠳᠠᠭᠠ | ᠬᠤᠪᠢᠶᠠᠷᠢᠯᠠᠨ 1.5kg ᠡᠷᠳᠡᠨᠢ ᠰᠢᠰᠢ᠂ 50g ᠰᠢᠭᠡᠰᠦᠯᠢᠭ ᠡᠳ᠋᠂ 40g ᠦᠰᠦᠯᠲᠡ ᠲᠦᠷᠭᠡᠳᠭᠡᠭᠴᠢ ᠡᠳ᠋᠂ | 50g ᠨᠠᠷᠢᠯᠢᠭ ᠳᠠᠪᠤᠰᠤ ᠨᠦᠬᠦᠪᠦᠷᠢᠯᠡᠨᠡ ︵25 ᠬᠤᠨᠤᠭ ᠲᠡᠵᠢᠭᠡᠵᠦ 25 ᠬᠤᠨᠤᠭ ᠵᠤᠭᠰᠤᠨᠠ︶᠃ | 2.ᠬᠦᠬᠡ ᠡᠪᠡᠰᠦᠨ ᠤ ᠬᠤᠭᠤᠴᠠᠭᠠᠨ ᠳᠤ ᠰᠢᠭᠡᠰᠦᠯᠢᠭ ᠡᠳ᠋ ᠨᠡᠮᠡᠵᠦ ᠲᠠᠷᠭᠤᠯᠠᠭᠤᠯᠬᠤ ᠠᠷᠭᠠ᠄ ᠪᠤᠲᠠᠲᠠᠢ | ᠠᠷᠭᠠ ᠨᠢ ᠭᠡᠪᠡᠯ᠂ 250kg ᠤᠷᠴᠢᠮ ᠪᠡᠶᠡ ᠶᠢᠨ ᠬᠦᠨᠳᠦ ᠲᠠᠢ ᠦᠬᠡᠷ ᠢ ᠰᠤᠩᠭᠤᠵᠤ ᠡᠳᠦᠷ ᠪᠡᠯᠴᠢᠭᠡᠷᠯᠡᠭᠦᠯᠵᠦ᠂ | ᠡᠷᠲᠡ᠂ ᠦᠳᠡ᠂ ᠤᠷᠤᠢ ᠳᠠᠭᠠᠨ ᠬᠤᠲᠠᠯᠠᠵᠤ᠂ 8 ᠤᠳᠠᠭᠠ ᠪᠤᠷᠳᠤᠭᠠ ᠨᠦᠬᠦᠪᠦᠷᠢᠯᠡᠨᠡ᠃ 350kg ᠠᠴᠠ | ᠳᠡᠭᠡᠭᠰᠢᠬᠢ ᠪᠡᠶᠡ ᠶᠢᠨ ᠬᠦᠨᠳᠦ ᠲᠠᠢ ᠪᠣᠯᠪᠠᠯ ᠨᠢᠲᠤᠯᠭᠠᠨ ᠳᠤ ᠭᠠᠷᠭᠠᠨᠠ᠃ | ᠬᠤᠨᠤᠭ ᠤᠨ ᠬᠤᠯᠢᠮᠠᠭ ᠲᠡᠵᠢᠭᠡᠯ ᠤᠨ ᠨᠠᠶᠢᠷᠠᠯᠭᠠ᠄ 1.5kg ᠡᠷᠳᠡᠨᠢ ᠰᠢᠰᠢ ᠶᠢᠨ ᠭᠤᠯᠢᠷ᠂ 50g | ᠰᠢᠭᠡᠰᠦᠯᠢᠭ ᠡᠳ᠋᠂ 50g ᠨᠠᠷᠢᠯᠢᠭ ᠳᠠᠪᠤᠰᠤ᠂ 40g ᠦᠰᠦᠯᠲᠡ ᠲᠦᠷᠭᠡᠳᠭᠡᠭᠴᠢ ᠡᠳ᠋ ᠨᠦᠬᠦᠪᠦᠷᠢᠯᠡᠵᠦ᠂ ᠬᠦᠬᠡ | ᠡᠪᠡᠰᠦ ᠶᠢ ᠳᠤᠷᠠ ᠪᠠᠷ ᠨᠢ ᠢᠳᠡᠭᠦᠯᠦᠨᠡ᠃ | 3. ᠰᠢᠪᠲᠦᠷᠵᠢᠭᠦᠯᠦᠭᠰᠡᠨ ᠡᠷᠳᠡᠨᠢ ᠰᠢᠰᠢ ᠶᠢᠨ ᠡᠰᠢ ᠪᠠᠷ ᠲᠠᠷᠭᠤᠯᠠᠭᠤᠯᠬᠤ ᠠᠷᠭᠠ᠄ 200kg ᠪᠡᠶᠡ ᠶᠢᠨ | ᠬᠦᠨᠳᠦ ᠲᠠᠢ ᠮᠢᠬᠠᠨ ᠦᠬᠡᠷ ᠢ ᠬᠠᠰᠢᠶᠠᠨ ᠳᠤ ᠡᠪᠡᠷᠯᠡᠵᠦ ᠤᠶᠠᠭᠠᠳ ᠬᠦᠳᠡᠯᠭᠡᠭᠡᠨ ᠢ ᠨᠢ ᠬᠢᠵᠠᠭᠠᠷᠯᠠᠨᠠ᠃ ᠡᠳᠦᠷ | ᠪᠦᠷᠢ 14kg ᠰᠢᠪᠲᠦᠷᠵᠢᠭᠦᠯᠦᠭᠰᠡᠨ ᠡᠷᠳᠡᠨᠢ ᠰᠢᠰᠢ ᠶᠢᠨ ᠡᠰᠢᠨ ᠤ ᠭᠤᠯᠢᠷ᠂ 2kg ᠪᠠᠭᠰᠤᠷᠤᠮᠠᠯ ᠪᠤᠷᠳᠤᠭᠠ᠂ | 33g ᠬᠤᠯᠢᠴᠠ᠂ 33g ᠬᠤᠭᠤᠯᠠᠨ ᠳᠠᠪᠤᠰᠤ ᠶᠢ 2 ᠤᠳᠠᠭᠠ ᠬᠤᠪᠢᠶᠠᠵᠤ ᠦᠭᠭᠦᠨᠡ᠃ | ᠡᠷᠳᠡᠨᠢ ᠰᠢᠰᠢ ᠶᠢᠨ ᠡᠰᠢ ᠶᠢ ᠰᠢᠪᠲᠦᠷᠵᠢᠭᠦᠯᠬᠦ ᠠᠷᠭᠠ ᠭᠡᠪᠡᠯ᠂ 100kg ᠨᠢᠴᠠᠯᠤᠭᠰᠠᠨ ᠡᠷᠳᠡᠨᠢ | ᠰᠢᠰᠢ ᠶᠢᠨ ᠡᠰᠢᠨ ᠳᠤ 8％ ᠶᠢᠨ ᠰᠢᠭᠡᠰᠦᠯᠢᠭ ᠡᠳ᠋ ᠲᠠᠢ 50kg ᠰᠢᠩᠭᠡᠨ ᠨᠡᠮᠡᠵᠦ ᠵᠢᠭᠲᠡ ᠬᠤᠳᠬᠤᠭᠠᠳ | 40℃ ᠤᠨ ᠳᠤᠯᠠᠭᠠᠨ ᠳᠤ ᠳᠤᠤᠷᠠᠬᠢ ᠮᠡᠲᠦ ᠬᠤᠶᠠᠷ ᠠᠷᠭᠠ ᠪᠠᠷ ᠰᠢᠪᠲᠦᠷᠵᠢᠭᠦᠯᠦᠨᠡ᠃ | ⑴ᠵᠤᠭᠤᠷᠢᠨ ᠳᠤ ᠰᠢᠪᠲᠦᠷᠵᠢᠭᠦᠯᠬᠦ ᠠᠷᠭᠠ᠄ ᠲᠤᠭᠤᠰᠬᠠ ᠱᠦᠢᠨᠢ ᠪᠦᠲᠦᠴᠡ ᠲᠠᠢ ᠵᠤᠭᠤᠷᠢ ᠶᠢ | ᠰᠦᠯᠢᠶᠤᠤ ᠪᠠᠷ ᠳᠤᠲᠤᠷᠯᠠᠵᠤ᠂ ᠳᠦᠷᠪᠡᠨ ᠬᠠᠨᠠᠨ ᠳᠤᠨᠢ ᠬᠠᠭᠤᠷᠠᠢ ᠠᠷᠭᠠᠯ ᠪᠣᠶᠣ ᠮᠣᠳᠣᠨ ᠤ ᠬᠢᠷᠦᠭᠡᠳᠡᠰᠦ | ᠳᠡᠪᠢᠰᠴᠦ᠂ ᠵᠢᠭᠲᠡ ᠬᠤᠳᠬᠤᠭᠰᠠᠨ ᠰᠢᠭᠡᠰᠦᠯᠢᠭ ᠡᠳ᠋ᠳᠦ ᠡᠷᠳᠡᠨᠢ ᠰᠢᠰᠢ ᠶᠢᠨ ᠡᠰᠢ ᠶᠢ ᠵᠤᠭᠤᠷᠢᠨ ᠳᠤ ᠬᠢᠵᠦ | ᠴᠢᠩᠭᠠ ᠳᠠᠷᠤᠭᠠᠳ ᠳᠡᠭᠡᠷᠡ ᠨᠢ ᠰᠦᠯᠢᠶᠤᠤ ᠪᠦᠰ ᠬᠤᠴᠢᠵᠦ ᠰᠠᠶᠢᠨ ᠪᠢᠲᠡᠭᠦᠮᠵᠢᠯᠡᠵᠦ ᠲᠠᠯᠪᠢᠨᠠ᠃ 105 ᠬᠤᠨᠤᠭ | ᠪᠣᠯᠪᠠᠯ ᠵᠤᠭᠤᠷᠢ ᠠᠴᠠ ᠪᠠᠨ ᠭᠠᠷᠭᠠᠵᠤ ᠦᠬᠡᠷ ᠲᠡᠵᠢᠭᠡᠵᠦ ᠪᠣᠯᠣᠨᠠ᠃ | ⑵ ᠤᠪᠤᠭᠠᠯᠠᠬᠤ ᠠᠷᠭᠠ᠄ ᠵᠢᠭᠲᠡ ᠨᠡᠶᠢᠯᠡᠭᠦᠯᠦᠨ ᠰᠢᠪᠲᠦᠷᠵᠢᠭᠦᠯᠦᠭᠰᠡᠨ ᠡᠷᠳᠡᠨᠢ ᠰᠢᠰᠢ ᠶᠢᠨ ᠡᠰᠢ ᠪᠠᠨ | ᠲᠤᠭᠤᠰᠬᠠ ᠪᠣᠶᠣ ᠱᠦᠢᠨᠢ ᠱᠠᠯᠠ ᠳᠡᠭᠡᠷᠡ ᠤᠪᠤᠭᠠᠯᠠᠵᠤ᠂ ᠴᠢᠩᠭᠠ ᠭᠢᠰᠭᠢᠭᠡᠳ ᠰᠠᠶᠢᠨ ᠪᠢᠲᠡᠭᠦᠮᠵᠢᠯᠡᠨ ᠲᠠᠯᠪᠢᠨᠠ᠃ | ᠢᠩᠭᠢᠭᠡᠳ 30 ᠬᠤᠨᠤᠭ ᠪᠣᠯᠪᠠᠯ ᠵᠤᠭᠤᠷᠢ ᠠᠴᠠ ᠪᠠᠨ ᠭᠠᠷᠭᠠᠵᠤ ᠦᠬᠡᠷ ᠲᠡᠵᠢᠭᠡᠵᠦ ᠪᠣᠯᠣᠨᠠ᠃ | 4.ᠪᠠᠵᠢᠮᠠᠭ ᠳᠡᠭᠡᠷᠡ ᠰᠢᠭᠡᠰᠦᠯᠢᠭ ᠡᠳ᠋ ᠨᠡᠮᠡᠵᠦ ᠳᠠᠷᠤᠰᠢᠭᠤᠯᠬᠤ ᠠᠷᠭᠠ᠄ 2～4 ᠰᠠᠷᠠ ᠶᠢᠨ ᠨᠠᠰᠤᠨ ᠤ | 150～200kg ᠪᠡᠶᠡ ᠶᠢᠨ ᠬᠦᠨᠳᠦ ᠲᠠᠢ ᠡᠷᠯᠢᠰᠡᠵᠢᠭᠦᠯᠦᠭᠰᠡᠨ ᠦᠬᠡᠷ ᠢ ᠰᠣᠩᠭᠤᠵᠣ᠂ ᠭᠤᠷᠪᠠᠨ ᠱᠠᠲᠤ | ᠬᠤᠪᠢᠶᠠᠵᠤ 150 ᠬᠤᠨᠤᠭ ᠪᠤᠷᠳᠤᠨᠠ᠃ | ᠨᠢᠭᠡᠳᠦᠷ ᠱᠠᠲᠤ ᠨᠢ ᠨᠡᠶᠢᠲᠡ 30 ᠬᠤᠨᠤᠭ᠃ ᠡᠳᠦᠷ ᠲᠤ 15kg ᠪᠠᠵᠢᠮᠠᠭ᠂ 2.5kg ᠨᠠᠷᠢᠮᠤ ᠶᠢᠨ | ᠡᠪᠡᠰᠦ᠂ 1kg ᠡᠷᠳᠡᠨᠢ ᠰᠢᠰᠢ ᠶᠢᠨ ᠭᠤᠯᠢᠷ᠂ 50g ᠰᠢᠭᠡᠰᠦᠯᠢᠭ ᠡᠳ᠋ ᠢ ᠬᠤᠶᠠᠷ ᠬᠤᠪᠢᠶᠠᠵᠤ ᠦᠭᠭᠦᠨᠡ᠃ 3 | ᠬᠤᠨᠤᠭ ᠪᠦᠷᠢ ᠳᠤ 50gᠢᠳᠡᠰᠢᠨ ᠳᠠᠪᠤᠰᠤ᠂ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠤ ᠦᠰᠦᠯᠲᠡ ᠲᠦᠷᠭᠡᠳᠭᠡᠭᠴᠢ ᠡᠳ᠋ ᠢᠶᠠᠷ | ᠲᠡᠵᠢᠭᠡᠨᠡ᠃ | ᠬᠤᠶᠠᠳᠤᠭᠠᠷ ᠱᠠᠲᠤ ᠨᠢ ᠨᠡᠶᠢᠲᠡ 30 ᠬᠤᠨᠤᠭ᠃ ᠡᠳᠦᠷ ᠲᠤ 20kg ᠪᠠᠵᠢᠮᠠᠭ᠂ 15kg ᠨᠠᠷᠢᠮᠤ ᠶᠢᠨ | ᠡᠪᠡᠰᠦ᠂ 1kg ᠡᠷᠳᠡᠨᠢ ᠰᠢᠰᠢ ᠶᠢᠨ ᠭᠤᠯᠢᠷ᠂ 60g ᠰᠢᠭᠡᠰᠦᠯᠢᠭ ᠡᠳ᠋ ᠢᠶᠠᠷ ᠲᠡᠵᠢᠭᠡᠨᠡ᠃ 2 ᠬᠤᠨᠤᠭ ᠲᠤ 1 | ᠤᠳᠠᠭᠠ᠂ ᠤᠳᠠᠭᠠ ᠪᠦᠷᠢ 50g ᠬᠤᠭᠤᠯᠠᠨ ᠳᠠᠪᠤᠰᠤ ᠦᠭᠴᠦ᠂ ᠪᠠᠰᠠ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠤ ᠦᠰᠦᠯᠲᠡ | ᠲᠦᠷᠭᠡᠳᠭᠡᠭᠴᠢ ᠡᠳ᠋ ᠦᠭᠭᠦᠨᠡ᠃ | ᠭᠤᠷᠪᠠᠳᠤᠭᠠᠷ ᠱᠠᠲᠤ ᠨᠢ 45 ᠬᠤᠨᠤᠭ᠃ ᠡᠳᠦᠷ ᠲᠤ 20kg ᠪᠠᠵᠢᠮᠠᠭ᠂ 1kg ᠡᠷᠳᠡᠨᠢ ᠰᠢᠰᠢ ᠶᠢᠨ | ᠭᠤᠯᠢᠷ᠂ 80kg ᠰᠢᠭᠡᠰᠦᠯᠢᠭ ᠡᠳ᠋ ᠢᠶᠠᠷ ᠲᠡᠵᠢᠭᠡᠨᠡ᠃ ᠡᠳᠦᠷ ᠪᠦᠷᠢ ᠪᠠᠰᠠ 50g ᠬᠤᠭᠤᠯᠠᠨ ᠳᠠᠪᠤᠰᠤ᠂ ᠵᠣᠬᠢᠬᠤ | ᠬᠡᠮᠵᠢᠶᠡᠨ ᠤ ᠦᠰᠦᠯᠲᠡ ᠲᠦᠷᠭᠡᠳᠭᠡᠭᠴᠢ ᠡᠳ᠋ ᠦᠭᠭᠦᠨᠡ᠃ | ᠳᠡᠭᠡᠷᠡᠬᠢ ᠱᠠᠲᠤ ᠪᠦᠷᠢ ᠳᠤ 2～3 ᠣᠳᠠᠭᠠ ᠤᠰᠤᠯᠠᠵᠤ᠂ ᠡᠳᠦᠷ ᠲᠤ 4 ᠴᠠᠭ ᠨᠠᠷᠠᠯᠠᠭᠤᠯᠵᠤ᠂ ᠪᠡᠶᠡ ᠶᠢ | ᠨᠢ 1～2 ᠣᠳᠠᠭᠠ ᠱᠤᠸᠠᠰᠠᠳᠠᠨᠠ᠃ | 5.ᠪᠤᠷᠴᠠᠭ ᠤᠨ ᠰᠢᠭᠠᠷᠤ ᠪᠠᠷ ᠲᠠᠷᠭᠤᠯᠠᠭᠤᠯᠬᠤ ᠠᠷᠭᠠ᠄ ᠨᠢᠭᠡ ᠦᠬᠡᠷ ᠲᠤ ᠡᠳᠦᠷ ᠲᠤ 50kg ᠡᠷᠳᠡᠨᠢ | ᠰᠢᠰᠢ ᠶᠢᠨ ᠭᠤᠯᠢᠷ᠂ 20kg ᠪᠤᠴᠠᠭ ᠤᠨ ᠰᠢᠭᠠᠷᠤ᠂ 5kg ᠨᠠᠷᠢᠮᠤ ᠶᠢᠨ ᠡᠪᠡᠰᠦ᠂ 30g ᠳᠠᠪᠤᠰᠤ ᠦᠭᠭᠦᠨᠡ᠃ | | | ︵ᠢᠷᠡᠯᠲᠡ᠄ ᠰᠤᠳᠤᠭᠡᠷᠡᠯ᠂ ᠪᠠᠪᠤᠯᠠᠢ᠂ ᠬᠦᠭᠵᠢᠯᠲᠦ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠠᠯ ᠤᠨ ᠲᠡᠵᠢᠭᠡᠯᠭᠡ ᠪᠤᠷᠳᠤᠯᠭᠠ | ᠪᠠ ᠠᠰᠢᠭ ᠰᠢᠮᠡ ᠶᠢᠨ ᠪᠤᠯᠪᠠᠰᠤᠷᠠᠭᠤᠯᠭᠠ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |