| ᠮᠢᠬᠠᠨ ᠦᠬᠡᠷ ᠢ ᠪᠡᠯᠴᠢᠭᠡᠷ ᠢᠶᠠᠷ ᠲᠠᠷᠭᠤᠯᠠᠭᠤᠯᠬᠤ ᠨᠢ ᠪᠠᠶᠢᠭᠠᠯᠢ ᠶᠢᠨ ᠡᠪᠡᠰᠦ ᠪᠡᠯᠴᠢᠭᠡᠷ ᠢ ᠭᠦᠢᠴᠡᠳ | ᠠᠰᠢᠭᠯᠠᠵᠤ ᠨᠠᠷᠢᠯᠢᠭ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠶᠢ ᠠᠷᠪᠢᠯᠠᠬᠤ ᠰᠠᠶᠢᠨ ᠠᠷᠭᠠ ᠪᠣᠯᠣᠨᠠ᠃ ᠡᠭᠦᠨ ᠤ ᠬᠠᠮᠲᠤ ᠡᠷᠯᠢᠰᠡ | ᠦᠬᠡᠷ ᠠᠮᠠᠷᠬᠠᠨ ᠤᠷᠤᠭᠠ ᠤᠷᠤᠬᠤ ᠲᠤᠯᠠ ᠮᠢᠬᠠᠨ ᠦᠬᠡᠷ ᠤᠨ ᠮᠢᠬᠠᠨ ᠤ ᠶᠠᠰᠤ ᠴᠢᠨᠠᠷ ᠢ ᠳᠡᠭᠡᠭᠰᠢᠯᠡᠭᠦᠯᠬᠦ | ᠰᠠᠭᠤᠷᠢᠨ ᠳᠡᠭᠡᠷᠡ ᠲᠡᠳᠡᠭᠡᠷ ᠢ ᠠᠯᠢ ᠪᠣᠯᠬᠤ ᠪᠠᠷ ᠨᠢᠲᠤᠯᠭᠠᠨ ᠳᠤ ᠭᠠᠷᠭᠠᠬᠤ ᠰᠠᠷᠠ ᠶᠢᠨ ᠨᠠᠰᠤ ᠶᠢ ᠨᠢ | ᠤᠷᠢᠳᠴᠢᠯᠠᠭᠤᠯᠵᠤ᠂ ᠲᠡᠵᠢᠭᠡᠯ ᠤᠨ ᠦᠪᠡᠷ ᠤᠨ ᠦᠷᠲᠡᠭ ᠢ ᠨᠢ ᠬᠢᠮᠳᠠᠷᠠᠭᠤᠯᠬᠤ ᠬᠡᠷᠡᠭᠲᠡᠢ᠃ ᠳᠤᠤᠷᠠ ᠠᠳᠠᠯᠢ ᠪᠣᠰᠣ | ᠰᠠᠷᠠ ᠶᠢᠨ ᠨᠠᠰᠤᠲᠠᠢ ᠡᠷᠯᠢᠰᠡ ᠦᠬᠡᠷ ᠢ ᠲᠠᠷᠭᠤᠯᠠᠭᠤᠯᠬᠤ ᠬᠡᠳᠦᠨ ᠵᠦᠢᠯ ᠤᠨ ᠠᠷᠭᠠ ᠶᠢ ᠲᠠᠨᠢᠯᠴᠠᠭᠤᠯᠤᠶᠠ᠃ | 1. ᠲᠤᠰ ᠵᠢᠯ ᠤᠨ ᠲᠤᠭᠤᠯ ᠢ ᠪᠣᠷᠳᠣᠬᠤ᠄ ᠡᠷᠯᠢᠰᠡ ᠶᠢᠨ ᠬᠤᠶᠠᠳᠤᠭᠠᠷ ᠦᠶᠡ ᠶᠢᠨ ᠡᠷᠡ ᠲᠤᠭᠤᠯ ᠪᠣᠶᠣ | ᠰᠦᠨ ᠠᠴᠠ ᠪᠠᠨ ᠰᠠᠯᠤᠭᠰᠠᠨ 180kg ᠠᠴᠠ ᠳᠡᠭᠡᠭᠰᠢ ᠪᠡᠶᠡ ᠶᠢᠨ ᠵᠢᠩ ᠲᠠᠢ ᠡᠷᠯᠢᠰᠡ ᠶᠢᠨ ᠨᠢᠭᠡᠳᠦᠭᠡᠷ | ᠦᠶᠡ ᠶᠢᠨ ᠡᠷᠡ ᠲᠤᠭᠤᠯ ᠢ ᠰᠣᠩᠭᠤᠭᠠᠳ 80～100 ᠬᠤᠨᠤᠭ ᠪᠤᠷᠳᠤᠨᠠ᠃ ᠡᠳᠦᠷ ᠲᠤ 2.5～3.5kg | ᠨᠠᠷᠢᠯᠢᠭ ᠲᠡᠵᠢᠭᠡᠯ ︵60％ ᠶᠢᠨ ᠡᠷᠳᠡᠨᠢ ᠰᠢᠰᠢ᠂ 30％ ᠤᠨ ᠬᠡᠪᠡᠭ᠂ 80％ ᠶᠢᠨ ᠰᠢᠬᠠᠳᠠᠰᠤ᠂ ᠬᠤᠭᠤᠯᠠᠨ | ᠳᠠᠪᠤᠰᠤ ᠪᠣᠯᠣᠨ ᠡᠷᠦᠳᠡᠰᠦᠲᠦ ᠲᠡᠵᠢᠭᠡᠯ ᠢ ᠲᠤᠰ ᠪᠦᠷᠢ 2％︶ ᠦᠭᠴᠦ᠂ ᠬᠠᠲᠠᠭᠠᠭᠰᠠᠨ ᠡᠪᠡᠰᠦ ᠶᠢ ᠳᠤᠷᠠ ᠪᠠᠷ | ᠨᠢ ᠢᠳᠡᠭᠦᠯᠪᠡᠯ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ ᠡᠳᠦᠷ ᠲᠤ 1～1.2kg ᠨᠡᠮᠡᠭᠳᠡᠬᠦ ᠪᠣᠯᠣᠨᠠ᠃ ᠡᠭᠦᠨ ᠳᠤ 9～10 | ᠰᠠᠷᠠ ᠶᠢᠨ ᠨᠠᠰᠤᠲᠠᠢ ᠶᠢᠨ ᠬᠢᠨᠢ ᠨᠢᠲᠤᠯᠭᠠᠨ ᠤ ᠵᠢᠩ ᠨᠢ 280～300kg ᠳᠤ ᠬᠦᠷᠦᠨᠡ᠃ ᠡᠨᠡ ᠬᠦ ᠪᠤᠷᠳᠤᠬᠤ | ᠠᠷᠭᠠ ᠪᠠᠷ ᠪᠤᠷᠳᠤᠪᠠᠯ ᠡᠪᠦᠯ ᠢ ᠦᠩᠭᠡᠷᠡᠭᠦᠯᠬᠦ ᠬᠡᠷᠡᠭ ᠦᠭᠡᠢ ᠪᠣᠯᠵᠣ᠂ ᠡᠭᠦᠨ ᠤ ᠤᠯᠠᠮ ᠢᠶᠠᠷ ᠶᠡᠭᠡ ᠬᠡᠮᠵᠢᠶᠡᠨ ᠤ | ᠲᠡᠵᠢᠭᠡᠯ ᠢ ᠠᠷᠪᠢᠯᠠᠨ ᠦᠪᠡᠷ ᠤᠨ ᠦᠷᠲᠡᠭ ᠢ ᠬᠢᠮᠳᠠᠷᠠᠭᠤᠯᠵᠤ ᠴᠢᠳᠠᠨᠠ᠃ | 2. 18 ᠰᠠᠷᠠ ᠶᠢᠨ ᠨᠠᠰᠤᠲᠠᠢ ᠮᠢᠬᠠᠨ ᠦᠬᠡᠷ ᠢ ᠪᠤᠷᠳᠤᠬᠤ᠄ ᠲᠤᠭᠤᠯ ᠢ ᠨᠢᠭᠡ ᠡᠪᠦᠯ᠂ ᠬᠤᠶᠠᠷ ᠨᠤᠭᠤᠭᠠᠲᠤ | ᠤᠯᠠᠷᠢᠯ ᠢ ᠦᠩᠭᠡᠷᠡᠭᠦᠯᠦᠭᠡᠳ ᠡᠴᠦᠰ ᠲᠤ ᠪᠣᠭᠤᠨᠢ ᠬᠤᠭᠤᠴᠠᠭᠠ ᠪᠠᠷ ᠪᠤᠷᠳᠤᠨᠠ᠂ ᠡᠪᠦᠯᠵᠢᠭᠦᠯᠬᠦ ᠦᠶᠡ ᠳᠤ | ᠲᠤᠭᠤᠯ ᠳᠤ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠬᠠᠲᠠᠭᠰᠠᠨ ᠡᠪᠡᠰᠦ᠂ ᠨᠠᠷᠢᠯᠢᠭ ᠲᠡᠵᠢᠭᠡᠯ ᠨᠦᠬᠦᠪᠦᠷᠢᠯᠡᠨ ᠦᠭᠪᠡᠯ 18 | ᠰᠠᠷᠠ ᠶᠢᠨ ᠨᠠᠰᠤᠲᠠᠢ ᠶᠢᠨ ᠬᠢᠨᠢ ᠪᠡᠶᠡ ᠶᠢᠨ ᠵᠢᠩ ᠨᠢ 320～350kg ᠳᠤ ᠬᠦᠷᠳᠡᠭ᠃ ᠡᠳᠦᠷ ᠲᠤ 3kg | ᠬᠤᠯᠢᠮᠠᠭ ᠲᠡᠵᠢᠭᠡᠯ᠂ 7kg ᠬᠠᠲᠠᠭᠰᠠᠨ ᠡᠪᠡᠰᠦ ᠦᠭᠴᠦ᠂ 60～80 ᠬᠤᠨᠤᠭ ᠪᠤᠷᠳᠤᠬᠤ ᠳᠤ ᠪᠡᠶᠡ ᠶᠢᠨ ᠵᠢᠩ | ᠨᠢ 400～420kg ᠳᠤ ᠬᠦᠷᠳᠡᠭ᠃ | 3. 30 ᠰᠠᠷᠠ ᠶᠢᠨ ᠨᠠᠰᠤᠲᠠᠢ ᠨᠢᠲᠤᠯᠭᠠᠨ ᠳᠤ ᠭᠠᠷᠭᠠᠬᠤ ᠦᠬᠡᠷ ᠢ ᠪᠤᠷᠳᠤᠬᠤ᠄ ᠬᠡᠷᠪᠡ ᠡᠪᠦᠯ ᠨᠡᠮᠡᠯᠲᠡ | ᠲᠡᠵᠢᠭᠡᠯ ᠦᠭᠬᠦ ᠨᠦᠭᠦᠴᠡᠯ ᠦᠭᠡᠢ ᠪᠣᠯ 30 ᠰᠠᠷᠠ ᠶᠢᠨ ᠨᠠᠰᠤᠨ ᠳᠤ ᠬᠦᠷᠲᠡᠯᠡ ᠤᠷᠲᠤᠰᠬᠠᠭᠠᠳ᠂ ᠦᠭᠡᠷᠡ ᠪᠠᠷ | ᠬᠡᠯᠡᠪᠡᠯ᠂ ᠬᠤᠶᠠᠷ ᠡᠪᠦᠯ᠂ ᠭᠤᠷᠪᠠᠨ ᠨᠤᠭᠤᠭᠠᠲᠤ ᠣᠯᠠᠷᠢᠯ ᠢ ᠦᠩᠭᠡᠷᠡᠭᠦᠯᠦᠭᠡᠳ ᠨᠢᠲᠤᠯᠭᠠᠨ ᠳᠤ ᠭᠠᠷᠭᠠᠵᠤ ᠪᠤᠯᠤᠨᠠ᠃ | ᠨᠢᠲᠤᠯᠭᠠᠨ ᠳᠤ ᠭᠠᠷᠭᠠᠬᠤ ᠡᠶᠢᠮᠦᠷᠬᠦᠦ ᠠᠷᠭᠠ ᠶᠢ ᠪᠠᠶᠢᠭᠠᠯᠢ ᠶᠢᠨ ᠬᠢᠮᠲᠠᠬᠠᠨ ᠪᠡᠯᠴᠢᠭᠡᠷ ᠤᠨ ᠨᠦᠬᠡᠴᠡ ᠳᠤ ᠪᠦᠷᠢᠨ | ᠲᠦᠰᠢᠭᠯᠡᠭᠦᠯᠦᠭᠡᠳ᠂ ᠨᠢᠲᠤᠯᠭᠠᠨ ᠳᠤ ᠭᠠᠷᠭᠠᠬᠤ ᠦᠶᠡ ᠳᠤ ᠪᠡᠶᠡ ᠶᠢᠨ ᠵᠢᠩ ᠢ 350～400kg ᠳᠤ ᠬᠦᠷᠭᠡᠨᠡ᠃ | 4. ᠰᠢᠷᠪᠢᠭᠳᠡᠭᠰᠡᠨ ᠦᠬᠡᠷ ᠢ ᠪᠤᠷᠳᠤᠬᠤ᠄ ᠶᠡᠷᠦᠩᠬᠡᠢ ᠳᠡᠭᠡᠨ 300kg ᠠᠴᠠ ᠳᠡᠭᠡᠭᠰᠢ ᠬᠦᠨᠳᠦ | ᠰᠢᠷᠪᠢᠭᠳᠡᠭᠰᠡᠨ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠨ ᠦᠬᠡᠷ ᠲᠤ ᠡᠮ ᠴᠢᠳᠬᠤᠵᠤ ᠬᠤᠷᠤᠬᠠᠢ ᠶᠢ ᠨᠢ ᠲᠠᠭᠤᠭᠰᠠᠨ ᠤ ᠳᠠᠷᠠᠭᠠ | 70～100 ᠬᠤᠨᠤᠭ ᠪᠣᠷᠳᠣᠨᠠ᠃ ᠨᠠᠷᠢᠯᠢᠭ ᠲᠡᠵᠢᠭᠡᠯ ᠦᠭᠴᠦ᠂ ᠬᠠᠲᠠᠭᠰᠠᠨ ᠡᠪᠡᠰᠦ ᠶᠢ ᠳᠤᠷᠠ ᠪᠠᠷ ᠨᠢ | ᠢᠳᠡᠭᠦᠯᠬᠦ ᠳᠤ ᠪᠡᠶᠡ ᠶᠢᠨ ᠵᠢᠩ ᠨᠢ ᠡᠳᠦᠷ ᠲᠤ 0.8～1.2kg ᠨᠡᠮᠡᠭᠳᠡᠭᠡᠳ᠂ 400～450kg ᠵᠢᠩ | ᠬᠦᠷᠪᠡᠯ ᠨᠢᠲᠤᠯᠭᠠᠨ ᠳᠤ ᠭᠠᠷᠭᠠᠨᠠ᠃ | 5. ᠪᠠᠵᠢᠮᠠᠭ ᠢᠶᠠᠷ ᠪᠤᠷᠳᠤᠬᠤ᠄ ᠦᠬᠡᠷ ᠲᠤ ᠡᠳᠦᠷ ᠲᠤ 20kg ᠪᠠᠵᠢᠮᠠᠭ᠂ 0.5kg ᠡᠷᠳᠡᠨᠢ ᠰᠢᠰᠢ᠂1kg | ᠬᠡᠪᠡᠭ᠂ 50kg ᠬᠤᠭᠤᠯᠠᠨ ᠳᠠᠪᠤᠰᠤ ᠦᠭᠬᠦ ᠳᠤ ᠬᠤᠨᠤᠭ ᠲᠤ 1.3～1.4kg ᠨᠡᠮᠡᠭᠳᠡᠬᠦ ᠪᠣᠯᠣᠨᠠ᠃ | 6. ᠰᠢᠬᠢᠷ ᠤᠨ ᠮᠠᠨᠵᠢᠨ ᠤ ᠬᠠᠶᠠᠭᠳᠠᠮᠠᠯ ᠢᠶᠠᠷ ᠪᠤᠷᠳᠤᠬᠤ᠄ ᠦᠬᠡᠷ ᠲᠤ ᠡᠳᠦᠷ ᠲᠤ 50～70kg | ᠰᠢᠬᠢᠷ ᠤᠨ ᠮᠠᠨᠵᠢᠨ ᠤ ᠬᠠᠶᠠᠭᠳᠠᠮᠠᠯ᠂ 1kg ᠬᠤᠯᠢᠮᠠᠭ ᠲᠡᠵᠢᠭᠡᠯ᠂ 50g ᠬᠤᠭᠤᠯᠠᠨ ᠳᠠᠪᠤᠰᠤ᠂ ᠪᠠᠭᠠ ᠰᠠᠭᠠ | ᠰᠢᠭᠡᠭ ᠦᠭᠪᠡᠯ ᠪᠡᠶᠡ ᠶᠢᠨ ᠵᠢᠩ ᠨᠢ ᠡᠳᠦᠷ ᠲᠤ 0.8～1kg ᠨᠡᠮᠡᠭᠳᠡᠨᠡ᠃ | | ︵ᠢᠷᠡᠯᠲᠡ᠄ ᠰᠤᠳᠤᠭᠡᠷᠡᠯ᠂ ᠪᠠᠪᠤᠯᠠᠢ᠂ ᠬᠦᠭᠵᠢᠯᠲᠦ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠠᠯ ᠤᠨ ᠲᠡᠵᠢᠭᠡᠯᠭᠡ ᠪᠤᠷᠳᠤᠯᠭᠠ | ᠪᠠ ᠠᠰᠢᠭ ᠰᠢᠮᠡ ᠶᠢᠨ ᠪᠤᠯᠪᠠᠰᠤᠷᠠᠭᠤᠯᠭᠠ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |