ᠠ᠋ᠯᠪᠡᠭᠴᠡᠴᠡᠭ
ᠨᠢᠭᠡ᠂ ᠤᠯᠠᠮᠵᠢᠯᠠᠯᠳᠦ ᠵᠠᠩ ᠳᠠᠳᠬᠠᠯᠤᠨ ᠭᠦᠮᠦᠵᠢᠯᠤᠨ ᠲᠠᠯᠠᠪᠠᠷ ᠤᠷᠤᠰᠢᠵᠤ ᠪᠠᠶ᠋ᠢᠭᠠ ᠠᠰᠠᠭᠤᠳᠠᠯ
ᠤᠯᠠᠮᠵᠢᠯᠠᠯᠳᠦ ᠵᠠᠩ ᠳᠠᠳᠬᠠᠯ ᠭᠡᠳᠡᠭ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠠ᠋ᠷᠳᠡ ᠳᠡᠭᠡᠳᠦᠠᠴᠠᠪᠠᠨ ᠤᠯᠠᠮᠵᠢᠯᠠᠭ᠋ᠠᠳ ᠢᠷᠡᠭᠰᠡᠨ ᠰᠤᠶᠤᠯᠤᠨ ᠦᠪ ᠬᠦᠷᠦᠩᠭᠡ ᠮᠦᠨ᠃ ᠭᠡᠪᠡᠴᠤ ᠤᠳᠤᠬᠠᠨᠤ ᠮᠤᠩᠭᠤᠯ ᠴᠡᠴᠡᠷᠯᠢᠭᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠠ᠋ᠨᠡ ᠲᠠᠯᠠ ᠵᠢ ᠬᠦᠨᠳᠦᠳᠬᠡᠵᠤ ᠦᠵᠡᠬᠦ ᠦᠭᠡᠢ᠂ ᠮᠤᠩᠭᠤᠯ ᠰᠤᠶᠤᠯ ᠵᠶ᠋ᠠᠨ ᠳᠡᠭᠡᠳᠦᠯᠡᠵᠤ ᠦᠵᠡᠬᠦ ᠦᠭᠡᠢ ᠦᠵᠡᠭᠳᠡᠯ ᠤᠷᠤᠰᠢᠵᠤ ᠪᠠᠶ᠋ᠢᠨᠠ᠃ ᠨᠡᠶ᠋ᠢᠭᠡᠮᠤᠨ ᠬᠤᠪᠢᠷᠠᠯᠳᠠ᠂ ᠠᠵᠤ ᠠᠬᠤᠢ ᠵᠢᠨ ᠦᠳᠳᠡᠷ ᠲᠦᠷᠭᠡᠨ ᠬᠦᠭᠵᠢᠯᠲᠡ ᠵᠢᠴᠢ ᠬᠤᠳᠠᠴᠢᠯᠠᠯᠳᠠ ᠵᠢ ᠳᠠᠭ᠋ᠠᠯᠳᠤᠨ ᠴᠡᠴᠡᠷᠯᠢᠭᠤᠨ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯᠤᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠᠳᠤ ᠮᠠᠰᠢ ᠤᠯᠠᠨ ᠠᠰᠠᠭᠤᠳᠠᠯ ᠠᠪᠴᠢᠷᠠᠭᠰᠠᠨ ᠪᠠᠶ᠋ᠢᠨᠠ᠃
（ᠨᠢᠭᠡ） ᠮᠤᠩᠭᠤᠯ ᠬᠡᠥᠬᠡᠳᠤᠳ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠳᠠᠳᠬᠠᠯ ᠵᠶ᠋ᠠᠨ ᠲᠠᠮᠠᠢ ᠮᠡᠳᠡᠬᠦ ᠦᠭᠡᠢ ᠪᠠᠢ᠍ᠢ᠍ᠬᠤ᠃
ᠨᠡᠶ᠋ᠢᠭᠡᠮᠤᠨ ᠬᠦᠭᠵᠢᠯᠲᠡ ᠬᠤᠪᠢᠷᠠᠯᠲᠠ ᠵᠢ ᠳᠠᠭ᠋ᠠᠯᠳᠤᠨ ᠨᠡᠭᠦᠳᠡᠯ ᠰᠤᠶᠤᠯ ᠪᠢᠳᠡᠨᠠᠴᠠ ᠤᠯᠠᠮᠠᠴᠠ ᠤᠯᠠᠮ ᠬᠤᠯᠠᠳᠴᠤ ᠪᠠᠶ᠋ᠢᠭᠠ ᠦᠨᠦᠳᠦᠷ ᠮᠤᠩᠭᠤᠯ ᠦᠨᠳᠦᠰᠦᠲᠡᠨᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠨᠢ ᠦᠪᠡᠷᠤᠨ ᠭᠡᠰᠡᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠰᠢᠨᠵᠢᠲᠠᠢ ᠪᠠᠶ᠋ᠢᠬᠤ ᠵᠢ ᠱᠠᠭ᠋ᠠᠷᠳᠠᠵᠤ ᠪᠠᠶ᠋ᠢᠨᠠ᠃
ᠮᠠᠯᠵᠢᠬᠤ ᠠᠮᠢᠳᠤᠷᠠᠯᠤᠨ ᠬᠤᠪᠢᠳᠤ ᠪᠡᠯᠴᠢᠭᠡᠷ ᠨᠤᠲᠤᠭᠢ ᠠ᠋ᠷᠦᠬᠡᠳᠤ ᠳᠠᠭ᠋ᠠᠭ᠋ᠠᠴᠢᠯᠠᠭᠤᠯᠤᠭᠰᠠᠨ᠂ ᠡᠪᠡᠰᠤᠨ ᠬᠦᠷᠢᠶᠡ ᠲᠡᠳᠠᠭᠰᠠᠨ᠂ ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠲᠠᠴᠢᠷᠳᠠᠯ᠂ ᠵᠢᠯ ᠳᠠᠷᠠᠭ᠋ᠠᠯᠠᠨ ᠭᠠᠩ ᠭᠠᠴᠢᠭ ᠪᠤᠯᠤᠭᠰᠠᠨ ᠵᠡᠷᠭᠡ ᠤᠯᠠᠨ ᠰᠢᠯᠲᠠᠭ᠋ᠠᠨᠠᠴᠠ ᠪᠤᠯᠵᠤ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠴᠦᠭᠡᠷᠡᠵᠦ᠂ ᠮᠠᠯ ᠠᠵᠤ ᠠᠬᠤᠢᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠮᠠᠰᠢ ᠤᠯᠠᠨ ᠰᠤᠶᠤᠯ ᠤᠰᠠᠳᠬᠤ ᠬᠡᠮᠵᠢᠶᠡᠨᠳᠤ ᠬᠦᠷᠪᠡ᠃ ᠵᠢᠱ᠌ᠢᠶᠠᠯᠡᠪᠡᠯ᠄ 《ᠱᠠᠭᠠ ᠨᠠᠭ᠋ᠠᠳᠬᠤ》᠂ 《ᠲᠠᠪᠤᠨ ᠬᠤᠰᠢᠭᠤ ᠮᠠᠯᠤᠨ ᠢᠷᠦᠭᠡᠯ ᠮᠠᠭᠲᠠᠭ᠋ᠠᠯ》 ᠵᠡᠷᠭᠡ ᠦᠨᠡᠲᠦ ᠰᠤᠶᠤᠯ ᠤᠰᠠᠳᠬᠤ ᠬᠡᠮᠵᠢᠶᠡᠨᠳᠤ ᠬᠦᠷᠦᠭᠰᠡᠨ ᠪᠠᠶ᠋ᠢᠨᠠ᠃ ᠤᠷᠴᠢᠨ ᠲᠤᠭᠤᠷᠢᠨᠤ ᠨᠦᠯᠦᠭᠡᠠᠴᠠ ᠪᠤᠯᠵᠤ ᠮᠤᠩᠭᠤᠯ ᠭᠡᠷᠲᠤ ᠰᠠᠭᠤᠬᠤ ᠭᠦᠮᠦᠰ ᠴᠦᠭᠡᠷᠡᠵᠦ᠂ ᠮᠤᠩᠭᠤᠯ ᠭᠡᠷᠤᠨ ᠲᠤᠬᠠᠢ ᠦᠪ ᠰᠤᠶᠤᠯ ᠭᠡᠭᠡᠭᠳᠡᠨ ᠤᠷᠬᠢᠭᠳᠠᠵᠤ ᠪᠠᠶ᠋ᠢᠨᠠ᠃ ᠰᠢᠨᠡᠯᠡᠬᠦ ᠶᠤᠰᠤ ᠵᠠᠩᠰᠢᠯ᠂ ᠭᠠᠯ ᠲᠠᠬᠢᠯᠭᠠ ᠵᠢᠨ ᠵᠠᠩᠰᠢᠯᠠᠴᠠ ᠠ᠋ᠬᠢᠯᠡᠭᠡᠳ ᠪᠤᠰᠤᠳ ᠮᠠᠯ ᠮᠠᠯᠵᠢᠯᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠠ᠋ᠳᠤᠷ ᠳᠤᠲᠤᠮᠤᠨ ᠠᠮᠢᠳᠤᠷᠠᠯ ᠳᠤᠮᠳᠠᠬᠢ ᠵᠠᠩ ᠦᠢ᠍ᠯᠡᠨᠢ ᠴᠦᠮ ᠪᠠᠯᠠᠷᠬᠠᠢ᠍ᠢ᠍ᠰᠢᠵᠦ ᠪᠠᠶ᠋ᠢᠨᠠ᠃ ᠶᠠᠭ ᠠ᠋ᠶ᠋ᠢᠮᠦᠠᠴᠠ ᠴᠡᠴᠡᠷᠯᠢᠭᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠤᠯᠠᠮᠵᠢᠯᠠᠯᠳᠤ ᠵᠠᠩ ᠦᠢ᠍ᠯᠡ ᠵᠢᠨ ᠭᠦᠮᠦᠵᠢᠯᠢ ᠰᠢᠮᠡᠳᠭᠡᠨ ᠤᠷᠤᠭᠤᠯᠬᠤᠨᠢ ᠲᠦᠢ᠍ᠯᠤᠨ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠪᠤᠯᠵᠤ ᠪᠠᠶ᠋ᠢᠬᠤ ᠮᠦᠷᠲᠡᠭᠡᠨ ᠮᠦᠨ ᠴᠦ᠍ ᠨᠢᠭᠡ ᠬᠦᠴᠢᠷᠳᠡᠯᠭᠡ ᠪᠤᠯᠵᠤ ᠪᠠᠶ᠋ᠢᠨᠠ᠃
（ᠬᠤᠶᠠᠷ） ᠮᠤᠩᠭᠤᠯ ᠬᠡᠥᠬᠡᠳᠤᠳ ᠦᠨᠳᠦᠰᠤᠲᠡᠨᠤ ᠦᠭᠡ ᠬᠡᠯᠡᠪᠠᠨ ᠴᠡᠪᠡᠷ ᠰᠠᠶ᠋ᠢᠬᠠᠨ ᠶᠠᠷᠢᠵᠤ ᠢᠯᠡᠳᠬᠡᠬᠦ ᠲᠠᠯᠠᠪᠠᠷ ᠠᠨᠠᠢ᠃
ᠢᠷᠡᠭᠡᠳᠦᠢᠳᠤ ᠦᠨᠳᠦᠰᠦᠲᠡᠨᠤᠪᠠᠨ ᠦᠭᠡ ᠬᠡᠯᠡ᠂ ᠦᠰᠦᠭ ᠪᠢᠴᠢᠭ ᠵᠶ᠋ᠠᠨ ᠶᠠᠭ᠋ᠠᠬᠢᠵᠤ ᠬᠦᠭᠵᠢᠭᠦᠯᠦᠨᠡ ᠭᠡᠳᠡᠭ ᠪᠤᠯ ᠮᠤᠩᠭᠤᠯ ᠬᠡᠥᠬᠡᠳᠤᠳᠤᠨ ᠮᠦᠷᠦᠨ ᠳᠡᠭᠡᠷᠡ ᠲᠠᠯᠪᠢᠭᠳᠠᠵᠤ ᠪᠠᠶ᠋ᠢᠭᠠ ᠬᠦᠨᠳᠦ ᠠ᠋ᠭᠦᠷᠭᠡ ᠪᠠᠶ᠋ᠢᠭᠠ ᠶᠤᠮ᠃ ᠭᠡᠲᠡᠯᠡ ᠤᠳᠤ ᠵᠢᠨ ᠮᠤᠩᠭᠤᠯ ᠬᠡᠥᠬᠡᠳᠤᠳ ᠦᠭᠡ ᠬᠡᠯᠡᠪᠠᠨ ᠴᠡᠪᠡᠷ ᠰᠠᠶ᠋ᠢᠬᠠᠨ ᠶᠠᠷᠢᠵᠤ ᠴᠢᠳᠠᠭ᠍ᠤ ᠦᠭᠡᠢ ᠪᠠᠢ᠍ᠢ᠍ᠵᠤ᠂ ᠴᠡᠪᠡᠷ ᠮᠤᠩᠭᠤᠯ ᠵᠶ᠋ᠠᠷ ᠵᠶ᠋ᠠᠨ ᠤᠷᠤᠰᠤᠮᠠ ᠰᠠᠶ᠋ᠢᠬᠠᠨ ᠶᠠᠷᠢᠵᠤ ᠴᠢᠳᠠᠭ᠍ᠤ ᠬᠡᠥᠬᠡᠳ ᠠ᠋ᠳᠦᠷᠤᠨ ᠤᠳᠤ ᠰᠢᠬ ᠴᠦᠭᠡᠨ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠮᠤᠩᠭᠤᠯ ᠬᠡᠤᠬᠡᠳᠤᠳ ᠦᠪᠡᠷᠤᠨ ᠦᠭᠡ ᠬᠡᠯᠡᠪᠠᠨ ᠤᠷᠤᠰᠤᠮᠠ ᠳᠤᠳᠦ᠂ ᠪᠦᠷᠢᠨ ᠵᠦᠪ ᠬᠡᠯᠡᠵᠤ ᠴᠢᠳᠠᠭ᠍ᠤ ᠦᠭᠡᠢ ᠪᠠᠶ᠋ᠢᠭᠠᠨᠢ ᠬᠡᠤᠬᠡᠳᠲᠤ ᠠᠰᠢᠭᠯᠠᠵᠤ ᠬᠡᠷᠡᠭᠯᠡᠬᠦ ᠨᠤᠮ ᠰᠡᠳᠬᠦᠯ ᠲᠤᠶ᠋ᠢᠯᠤᠨ ᠬᠤᠪᠤᠷ ᠴᠤᠬᠠᠭ᠂ ᠠ᠋ᠳᠦᠷ ᠲᠤᠳᠤᠮᠤᠨ ᠠᠮᠢᠳᠤᠷᠠᠯ ᠳᠤᠮᠳᠠ ᠴᠤᠯ ᠮᠤᠩᠭᠤᠯ ᠦᠭᠡ ᠬᠡᠯᠡᠪᠠᠨ ᠬᠡᠷᠡᠭᠯᠡᠵᠤ ᠪᠠᠶ᠋ᠢᠬᠤ ᠨᠤᠷᠮᠠᠨᠢ ᠲᠤᠤᠷᠠ᠂ ᠰᠤᠨᠢᠷᠬᠠᠵᠤ ᠪᠠᠭ᠍ᠠᠷᠬᠠᠬᠤ ᠳᠡᠯᠭᠡᠴᠡ ᠦᠷᠭᠡᠨ ᠳᠡᠯᠭᠡᠷ ᠪᠢᠰᠢ᠂ ᠬᠢᠴᠢᠶᠡᠯᠤᠨ ᠴᠠᠭᠲᠤ ᠴᠦ᠍ ᠲᠡᠷᠡ ᠭᠡᠷᠲᠤᠪᠠᠨ ᠬᠠᠷᠢᠭᠰᠠᠨ ᠴᠦ᠍ ᠲᠠᠷᠠ ᠪᠦᠷ ᠬᠢᠲᠠᠳ ᠮᠤᠩᠭᠤᠯᠢ ᠬᠤᠯᠢᠵᠤ ᠶᠠᠷᠢᠬᠤᠠᠴᠠ ᠰᠢᠯᠳᠠᠭ᠋ᠠᠯᠠᠭᠳᠠᠨᠠ᠃ ᠮᠤᠩᠭᠤᠯ ᠴᠡᠴᠡᠷᠯᠢᠭᠤᠨ ᠬᠤᠪᠢᠳᠤ᠂ ᠮᠤᠩᠭᠤᠯ ᠪᠠᠭᠰᠢ ᠨᠠᠷᠤᠨ ᠬᠤᠪᠢᠳᠤ ᠢᠷᠡᠭᠡᠳᠦᠢ ᠵᠢᠨ ᠬᠤᠶ᠋ᠢᠴᠢ ᠦᠶᠡ ᠪᠤᠯᠤᠭᠰᠠᠨ ᠮᠤᠩᠭᠤᠯ ᠬᠡᠥᠬᠡᠳᠤᠳ ᠵᠶ᠋ᠠᠨ ᠶᠠᠭ᠋ᠠᠬᠢᠵᠤ ᠴᠡᠪᠡᠷ ᠮᠤᠩᠭᠤᠯ ᠰᠡᠳᠭᠢᠬᠦᠢᠪᠠᠷ ᠬᠦᠮᠤᠵᠢᠭᠦᠯᠬᠦ ᠠᠰᠠᠭᠤᠳᠠᠯᠨᠢ ᠲᠡᠳᠡ ᠨᠠᠷᠤᠨ ᠮᠦᠷᠦᠨ ᠳᠡᠭᠡᠷᠡ ᠲᠠᠯᠪᠢᠭᠳᠠᠵᠤ ᠪᠠᠶ᠋ᠢᠭᠠ ᠳᠠᠷᠬᠠᠨ ᠠ᠋ᠭᠦᠷᠭᠡ ᠪᠠᠶ᠋ᠢᠭᠠ ᠶᠤᠮ᠃
（ᠭᠤᠷᠪᠠ） ᠬᠡᠥᠬᠡᠳᠤᠨ ᠴᠡᠴᠡᠷᠯᠢᠭᠤᠨ ᠵᠢᠭ᠋ᠠᠬᠤ ᠮᠠᠲᠸᠷᠢᠶᠠᠯ ᠲᠤᠲᠠᠮᠠᠭ᠃
ᠮᠤᠩᠭᠤᠯ ᠬᠡᠥᠬᠡᠳᠤᠨ ᠴᠡᠴᠡᠷᠯᠢᠭᠤᠨ ᠵᠢᠭ᠋ᠠᠬᠤ ᠮᠠᠲᠸᠷᠢᠶᠠᠯᠤᠨ ᠵᠢᠭ᠋ᠠᠬᠤ ᠠᠭᠤᠯᠭᠠ ᠵᠢᠨ ᠬᠤᠪᠢᠳᠤ ᠰᠢᠰᠲᠸᠮᠲᠦ ᠴᠢᠨᠠᠷ ᠵᠶ᠋ᠠᠷ ᠰᠤᠯᠠ ᠪᠠ ᠦᠨᠳᠦᠰᠦᠲᠡᠨᠤ ᠤᠨᠴᠠᠯᠢᠭᠲᠤ ᠵᠠᠩ ᠳᠠᠳᠬᠠᠯᠤᠨ ᠬᠦᠮᠦᠵᠢᠯᠤᠨ ᠠᠭᠤᠯᠭᠠ ᠵᠢ ᠬᠠᠮᠤᠷᠤᠭᠰᠠᠨ ᠵᠶ᠋ᠠᠷ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠠᠶ᠋ᠢᠳᠠᠯ ᠤᠷᠤᠰᠢᠵᠤ ᠪᠠᠶ᠋ᠢᠨᠠ᠃ ᠤᠯᠠᠩᠬᠢ ᠨᠤᠮᠨᠢ ᠤᠷᠴᠢᠭᠤᠯᠤᠨ ᠪᠠᠭᠤᠯᠭ᠋ᠠᠭᠰᠠᠨ ᠪᠠᠶ᠋ᠢᠵᠤ ᠵᠠᠷᠢᠮ ᠰᠢᠯᠦᠭᠤᠨ ᠬᠡᠯᠡ ᠬᠡᠯᠡᠯᠭᠡᠨᠢ ᠤᠷᠤᠰᠤᠮᠠ ᠪᠢᠰᠢ᠂ ᠠᠶ᠋ᠢᠵᠠᠮ ᠴᠤᠬᠢᠯᠭᠠ ᠠᠯᠳᠠᠴᠢᠬᠠᠭᠰᠠᠨ᠂ ᠦᠨᠦᠷ ᠠᠮᠲᠠᠪᠠᠷ ᠠᠨᠠᠶ᠋ᠢᠬᠠᠨ ᠶᠠᠭᠤᠮᠠᠰ ᠤᠯᠠᠨ ᠪᠠᠶ᠋ᠢᠳᠠᠭ᠃ ᠴᠡᠴᠡᠷᠯᠢᠭᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠨᠢ ᠵᠦᠪᠬᠡᠨ ᠤᠷᠴᠢᠭᠤᠯᠭᠠ ᠵᠢᠨ ᠬᠡᠳᠦᠬᠡᠨ ᠨᠤᠮᠳᠤ ᠪᠠᠷᠢᠭᠳᠠᠭ᠋ᠠᠳ ᠪᠠᠶ᠋ᠢᠵᠤ ᠪᠤᠯᠬᠤ ᠦᠭᠡᠢ᠃ ᠦᠨᠳᠦᠰᠦᠲᠡᠨᠤ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠳᠠᠳᠬᠠᠯ ᠵᠶ᠋ᠠᠨ ᠬᠡᠷᠬᠢᠨ ᠠᠮᠢᠳᠤᠯᠢᠭ ᠵᠶ᠋ᠠᠷ ᠮᠤᠩᠭᠤᠯ ᠬᠡᠥᠬᠡᠳᠤᠳᠲᠤᠪᠠᠨ ᠤᠯᠠᠮᠵᠢᠯᠠᠨ ᠰᠤᠷᠭ᠋ᠠᠬᠤ ᠪᠤᠢ ᠭᠡᠳᠡᠭ ᠠᠰᠠᠭᠤᠳᠠᠯ ᠤᠳᠤᠬᠠᠨᠤ ᠮᠤᠩᠭᠤᠯ ᠴᠡᠴᠡᠷᠯᠢᠭᠤᠨ ᠠ᠋ᠮᠦᠨᠡ ᠲᠠᠯᠪᠢᠭᠳᠠᠵᠤ ᠪᠠᠶ᠋ᠢᠨᠠ᠃
（ᠳᠦᠷᠪᠡ） ᠵᠠᠷᠢᠮ ᠮᠤᠩᠭᠤᠯ ᠪᠠᠭᠰᠢ ᠨᠠᠷᠤᠨ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠳᠠᠳᠬᠠᠯᠤᠨ ᠲᠤᠬᠠᠢ ᠮᠡᠳᠡᠯᠭᠡ ᠭᠦᠢ᠍ᠴᠡᠳ ᠪᠤᠰᠤ᠃
ᠵᠢᠭ᠋ᠠᠬᠤ ᠠᠵᠢᠯ ᠪᠤᠯ ᠳᠠᠷᠤᠢ ᠵᠢᠭ᠋ᠠᠬᠤ ᠤᠷᠠᠯᠢᠭ ᠪᠤᠯᠤᠨᠠ᠃ ᠴᠡᠴᠡᠷᠯᠢᠭᠤᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠠᠵᠢᠯ ᠪᠤᠯ ᠤᠷᠠᠯᠢᠭᠤᠨ ᠳᠤᠲᠤᠷᠠᠬᠢ ᠨᠠᠷᠢᠨ ᠤᠷᠠᠯᠢᠭ ᠪᠤᠯᠤᠨᠠ᠃ ᠬᠡᠥᠬᠡᠳᠤᠨ ᠴᠡᠴᠡᠷᠯᠢᠭᠤᠨ ᠵᠢᠭ᠋ᠠᠬᠤ ᠠᠭᠤᠯᠭᠠ ᠭᠡᠳᠤᠢ᠍ᠢ᠍ᠪᠠᠷ ᠲᠤᠩ ᠲᠦᠭᠦᠮᠭᠡᠨ ᠪᠠᠢ᠍ᠢ᠍ᠵᠤ᠂ 10 ᠳᠤᠲᠤᠷᠠᠬᠢ ᠲᠤᠭᠠ᠂ ᠲᠦᠭᠦᠮ ᠰᠢᠯᠦᠭ᠂ ᠨᠠᠶ᠋ᠢᠷᠠᠭᠤᠯᠤᠯ᠂ ᠤᠨᠢᠰᠤᠭᠠ᠂ ᠳᠠᠭᠤᠤ᠂ ᠵᠢᠷᠤᠭ ᠵᠡᠷᠭᠡ ᠪᠠᠶ᠋ᠢᠳᠠᠭ ᠪᠤᠯᠪᠠᠴᠤ ᠲᠡᠳᠡᠭᠡᠷᠢ ᠬᠡᠤᠬᠡᠳᠲᠤ ᠵᠢᠭ᠋ᠠᠬᠤ᠂ ᠲᠡᠭᠦᠨᠴᠢᠯᠡᠨ ᠤᠷᠮᠠᠰᠢᠯᠲᠠᠢ ᠪᠤᠯᠭ᠋ᠠᠬᠤ ᠭᠡᠭᠴᠢ ᠶᠡᠬᠡᠬᠡᠨ ᠤᠷᠠ ᠳᠡᠮ ᠱᠠᠭ᠋ᠠᠷᠳᠠᠳᠠᠬ ᠶᠤᠮ᠃ ᠴᠡᠴᠡᠷᠯᠢᠭᠤᠨ ᠱᠠᠲᠤᠨᠳᠤᠬᠢ ᠬᠡᠤᠬᠡᠳᠤᠨ ᠤᠢ ᠪᠢᠯᠢᠭᠢ ᠨᠡᠭᠡᠭᠡᠵᠤ᠂ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠵᠢᠨᠢ ᠬᠦᠭᠵᠢᠭᠡᠨ᠂ ᠰᠤᠷᠬᠤ ᠪᠠ ᠤᠷᠤᠯᠳᠤᠬᠤ ᠰᠤᠨᠢᠷᠬᠠᠯᠲᠠᠢ ᠪᠤᠯᠭ᠋ᠠᠬᠤᠨᠢ ᠲᠡᠳᠡᠨᠤ ᠴᠠᠭ᠋ᠠᠰᠢᠲᠠ ᠵᠢᠨ ᠨᠠᠰᠤᠨ ᠲᠤᠷᠰᠢᠲᠠ ᠵᠢᠨ ᠰᠤᠷᠤᠯᠴᠠᠯᠭᠠᠳᠤ ᠬᠤᠯᠪᠤᠭᠳᠠᠭ᠍ᠤ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠪᠤᠯᠬᠤ ᠶᠤᠮ᠃ ᠦᠨᠳᠦᠰᠦᠲᠡᠨᠤ ᠵᠠᠩ ᠳᠠᠳᠬᠠᠯᠤᠨ ᠬᠦᠮᠦᠵᠢᠯ ᠬᠢᠬᠦᠳᠤ ᠪᠠᠭᠰᠢ ᠨᠠᠷ ᠵᠠᠪᠠᠯ ᠵᠦᠪ ᠦᠵᠡᠯᠲᠡ ᠲᠠᠨᠢᠯᠲᠠᠲᠠᠢ ᠪᠠᠶ᠋ᠢᠬᠤ ᠬᠡᠷᠡᠭᠲᠡᠢ᠃ ᠦᠨᠳᠦᠰᠦᠲᠡᠨ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠭ᠍ᠤ ᠰᠡᠳᠭᠢᠯᠭᠡᠲᠠᠢ᠂ ᠦᠨᠳᠦᠰᠦᠲᠡᠨᠤᠪᠠᠨ ᠰᠤᠶᠤᠯ ᠵᠠᠩ ᠵᠠᠩᠰᠢᠯᠢ ᠬᠠᠶ᠋ᠢᠷᠠᠯᠠᠨ ᠬᠠᠮᠠᠭ᠋ᠠᠯᠠᠵᠤ ᠴᠠᠭ᠋ᠠᠰᠢᠳᠠ ᠤᠯᠠᠮᠵᠢᠯᠠᠨ ᠭᠦᠭᠵᠢᠭᠦᠯᠭᠦ ᠤᠬᠠᠮᠰᠠᠷᠲᠠᠢ ᠪᠠᠶ᠋ᠢᠬᠤ ᠬᠡᠷᠡᠭᠲᠡᠢ᠃ ᠢᠩᠭᠢᠮᠡᠨᠵᠢᠨ ᠰᠠᠶᠢ ᠦᠨᠳᠦᠰᠦᠲᠡᠨᠤᠪᠠᠨ ᠰᠢᠯᠢᠳᠡᠭ ᠰᠠᠶ᠋ᠢᠬᠠᠨ ᠵᠠᠩ ᠵᠠᠩᠰᠢᠯ᠂ ᠶᠤᠰᠤ ᠰᠤᠷᠲᠠᠭ᠍ᠤᠨ ᠵᠶ᠋ᠠᠷ ᠬᠡᠥᠬᠡᠳ ᠵᠶ᠋ᠠᠨ ᠬᠦᠮᠦᠵᠢᠭᠦᠯᠦᠨ᠂ ᠦᠨᠳᠦᠰᠦᠲᠡᠨᠤᠪᠠᠨ ᠦᠭᠡ ᠬᠡᠯᠡ ᠵᠢ ᠰᠠᠶ᠋ᠢᠲᠤᠷ ᠰᠤᠷᠭ᠋ᠠᠵᠤ᠂ ᠦᠨᠳᠦᠰᠦᠲᠡᠨᠤᠪᠠᠨ ᠰᠤᠶᠤᠯ ᠤᠷᠠᠯᠢᠭᠢ ᠤᠯᠠᠮᠵᠢᠯᠠᠨ ᠬᠦᠭᠵᠢᠭᠦᠯᠬᠦ ᠵᠤᠷᠢᠯᠭᠠᠳᠤᠪᠠᠨ ᠬᠦᠷᠴᠦ ᠴᠢᠳᠠᠨᠠ᠃ ᠭᠡᠪᠡᠴᠦ ᠤᠳᠤ ᠵᠢᠨ ᠪᠤᠳᠠᠲᠤ ᠪᠠᠶ᠋ᠢᠳᠠᠯᠠᠴᠠ ᠠᠪᠴᠤ ᠦᠵᠡᠪᠡᠯ ᠮᠠᠰᠢ ᠤᠯᠠᠨ ᠴᠡᠴᠡᠷᠯᠢᠭ ᠵᠢᠴᠢ ᠪᠠᠭᠰᠢ ᠨᠠᠷ ᠮᠤᠩᠭᠤᠯ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠳᠤᠮᠳᠠ ᠦᠨᠳᠦᠰᠦᠲᠡᠨᠤ ᠤᠯᠠᠮᠵᠢᠯᠠᠯᠲᠤ ᠦᠪ ᠰᠤᠶᠤᠯᠤᠨ ᠤᠬᠢ ᠰᠢᠮᠡ ᠵᠢ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠᠳᠤᠪᠠᠨ ᠠᠭᠤᠰᠬᠠᠨ ᠰᠢᠮᠡᠳᠭᠡᠭᠦ ᠵᠢ ᠤᠮᠠᠷᠳᠠᠵᠤ᠂ ᠮᠡᠳᠡᠯᠭᠡ ᠵᠢᠨ ᠲᠣᠰ ᠪᠡᠶᠡ ᠵᠢ ᠯᠡ ᠵᠢᠭ᠋ᠠᠵᠤ ᠪᠠᠢ᠍ᠢ᠍ᠨᠠ᠃
ᠬᠤᠶᠠᠷ᠂ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠢ ᠴᠡᠴᠡᠷᠯᠢᠭᠤᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠᠲᠠᠢ ᠬᠡᠷᠬᠢᠨ ᠤᠶᠠᠯᠳᠤᠭᠤᠯᠬᠤ ᠲᠤᠬᠠᠢ
ᠦᠨᠳᠦᠰᠦᠲᠡᠨᠤᠪᠠᠨ ᠰᠤᠶᠤᠯᠢ ᠰᠡᠷᠭᠦᠨ ᠮᠠᠨᠳᠤᠭᠤᠯᠤᠶᠠ ᠭᠡᠪᠡᠯ ᠵᠠᠪᠠᠯ ᠰᠠᠭᠤᠷᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠠᠴᠠ ᠠ᠋ᠬᠢᠯᠡᠨ ᠰᠠᠶ᠋ᠢᠲᠤᠷ ᠠᠳᠬᠤᠬᠤ ᠬᠡᠷᠡᠭᠲᠡᠢ᠃ ᠰᠠᠭᠤᠷᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠢ ᠰᠠᠶ᠋ᠢᠲᠤᠷ ᠠᠳᠬᠤᠬᠤ ᠵᠢᠨ ᠵᠠᠩᠭᠢᠯᠠᠭᠠᠨᠢ ᠴᠡᠴᠡᠷᠯᠢᠭᠤᠨ ᠬᠦᠮᠦᠵᠢᠯᠢ ᠭᠦᠨᠳᠤᠳᠭᠡᠭᠦᠳᠤ ᠪᠠᠢ᠍ᠢ᠍ᠨᠠ᠃
（ᠨᠢᠭᠡ） ᠦᠯᠢᠭᠡᠷ ᠳᠤᠮᠤᠭ᠂ ᠪᠠᠭ᠋ᠠᠲᠤᠷᠤᠨ ᠲᠤᠤᠯᠢᠰ ᠵᠡᠷᠭᠡ ᠵᠢ ᠴᠡᠴᠡᠷᠯᠢᠭᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠠᠰᠢᠭᠯᠠᠭ᠍ᠤ᠃
ᠦᠯᠢᠭᠡᠷ ᠳᠤᠮᠤᠭ᠂ ᠪᠠᠭ᠋ᠠᠲᠤᠷᠤᠨ ᠲᠤᠤᠯᠢᠰ ᠪᠤᠯ ᠮᠤᠩᠭᠤᠯ ᠦᠨᠳᠤᠰᠤᠳᠠᠨᠤ ᠦᠨᠢ ᠠ᠋ᠷᠲᠡᠠᠴᠠ ᠠᠪᠤᠭ᠋ᠠᠳ ᠠᠮᠠᠪᠠᠷ ᠳᠠᠮᠵᠢᠨ ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠭᠰᠡᠨ ᠬᠡᠯᠡᠨᠤ ᠤᠷᠠᠯᠢᠭᠤᠨ ᠨᠢᠭᠡᠨ ᠲᠤᠮᠤᠬᠠᠨ ᠲᠦᠷᠦᠯ ᠪᠤᠯᠬᠤ ᠶᠤᠮ᠃ ᠵᠢᠱ᠌ᠢᠶᠡᠯᠡᠭᠡᠳ ᠬᠡᠯᠡᠬᠦᠳᠤ᠄ 《ᠰᠢᠯᠢᠨ ᠭᠠᠯᠵᠠᠭᠤ ᠪᠠᠭ᠋ᠠᠲᠤᠷ》ᠲᠤ ᠮᠠᠭᠤ ᠲᠠᠯᠠ ᠵᠢᠨ ᠳᠦᠷᠢᠶᠢ ᠠ᠋ᠰᠭᠡᠬᠦᠳᠤᠪᠠᠨ 《ᠭᠡᠳᠡᠰᠦᠨᠢ ᠲᠠᠰᠤᠷᠠᠭ᠋ᠠᠳ ᠮᠤᠭ᠋ᠠᠢ ᠪᠤᠯᠵᠤ ᠭᠡᠨᠡ᠂ ᠭᠡᠵᠢᠭᠡᠨᠢ ᠲᠡᠰᠤᠷᠠᠭ᠋ᠠᠳ ᠬᠤᠷᠤᠬᠠᠢ ᠪᠤᠯᠵᠤ ᠭᠡᠨᠡ᠂ ᠴᠢᠰᠤ ᠲᠤᠰᠤᠭᠰᠠᠨ ᠭᠠᠵᠠᠷᠨᠢ ᠬᠠᠮᠬᠤᠤᠯ ᠵᠠᠩᠭᠤᠤ ᠤᠷᠭᠤᠵᠤ ᠭᠡᠨᠡ》 ᠭᠡᠬᠦᠴᠢᠯᠡᠨ ᠬᠠᠶ᠋ᠢᠯᠠᠭ᠍ᠤᠳᠤ ᠭᠡᠳᠤᠢ᠍ᠢ᠍ᠪᠠᠷ ᠠᠶᠤᠮᠰᠢᠭᠲᠠᠢ ᠰᠤᠨᠤᠰᠳᠠᠭ᠍ᠤ ᠪᠤᠯᠪᠠᠴᠤ ᠦᠨᠡᠨᠳᠤᠪᠠᠨ ᠬᠡᠥᠬᠡᠳᠲᠤ ᠠᠮᠢᠲᠠᠨ ᠤᠷᠭᠤᠮᠠᠯᠤᠨ ᠬᠡᠯᠪᠡᠷᠢ ᠳᠦᠷᠰᠦ ᠵᠢ ᠲᠠᠨᠢᠭᠤᠯᠬᠤ ᠪᠠ ᠰᠠᠶ᠋ᠢᠨ ᠮᠠᠭᠤ᠂ ᠠᠰᠢᠭ ᠬᠤᠤᠷᠤᠨ ᠢᠯᠭ᠋ᠠᠯᠢ ᠲᠠᠨᠢᠭᠤᠯᠵᠤ ᠪᠠᠶ᠋ᠢᠭᠠ ᠶᠤᠮ᠃ 《ᠡᠪᠲᠡᠢ ᠳᠦᠷᠪᠡᠨ ᠠᠮᠢᠲᠠᠨ》 ᠭᠡᠳᠡᠭ ᠦᠯᠢᠭᠡᠷᠲᠤ 《ᠠ᠋ᠷᠲᠡᠨᠤ ᠠ᠋ᠨᠡᠳᠭᠡᠭᠤᠨ ᠰᠠᠶ᠋ᠢᠬᠠᠨ ᠤᠷᠤᠨᠳᠤ ᠵᠠᠭ᠋ᠠᠨ᠂ ᠰᠠᠮᠵᠠ᠂ ᠲᠠᠤᠯᠠᠢ᠂ ᠲᠠᠭᠲᠠᠭᠠ ᠳᠦᠷᠪᠡ ᠠ᠋ᠶᠡ ᠡᠪᠲᠡᠢ ᠠᠮᠢᠳᠤᠷᠠᠵᠤ ᠪᠠᠶ᠋ᠢᠵᠠᠢ》 ᠭᠡᠬᠦᠴᠢᠯᠡᠨ ᠶᠠᠷᠢᠬᠤᠳᠤ ᠬᠡᠥᠬᠡᠳᠲᠤ ᠲᠠᠶ᠋ᠢᠪᠤᠭᠤ ᠰᠡᠳᠭᠢᠯ᠂ ᠠ᠋ᠶᠡ ᠨᠠᠶ᠋ᠢᠷᠠᠮᠳᠠᠭᠤ ᠠᠮᠢᠳᠤᠷᠠᠯᠤᠨ ᠤᠷᠴᠢᠨ᠂ ᠠᠬᠠ ᠳᠡᠭᠦᠦ ᠵᠢᠨ ᠨᠠᠶ᠋ᠢᠷ ᠲᠠᠯᠠ ᠵᠢᠨ ᠲᠤᠬᠠᠢ ᠮᠠᠳᠡᠭᠦᠯᠭᠦᠠᠴᠠ ᠭᠠᠳᠠᠨᠠ ᠠᠮᠢᠲᠠᠨ ᠤᠷᠭᠤᠮᠠᠯ᠂ ᠭᠠᠵᠠᠷ ᠤᠰᠤᠨᠤ ᠨᠡᠷᠡᠶ᠋ᠢᠳᠦᠯ ᠵᠡᠷᠭᠡ ᠤᠯᠠᠨ ᠵᠦᠢ᠍ᠯᠢ ᠲᠤᠨᠭ᠌ᠭ᠋ᠠᠵᠤ ᠠᠪᠬᠤᠳᠤ ᠠᠰᠢᠭᠲᠠᠢ᠃
ᠤᠯᠠᠮᠵᠢᠯᠠᠯᠲᠤ ᠳᠤᠮᠤᠭ ᠦᠯᠢᠭᠡᠷᠤᠨ ᠠᠷᠭᠠ ᠪᠠᠷᠢᠯᠢ ᠤᠳᠤᠬᠢ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠠᠷᠭᠠ ᠪᠠᠷᠢᠯᠲᠠᠢ ᠤᠶᠠᠯᠳᠤᠭᠤᠯᠬᠤᠨᠢ ᠬᠡᠥᠬᠡᠳᠲᠤ ᠦᠨᠳᠦᠰᠦᠲᠡᠨᠤ ᠲᠡᠤᠬᠡ ᠰᠤᠶᠤᠯᠢ ᠤᠢ᠍ᠢ᠍ᠯᠠᠭ᠋ᠠᠭᠤᠯᠬᠤᠪᠠᠷ ᠳᠠᠮᠵᠢᠭᠤᠯᠵᠤ ᠬᠡᠥᠬᠡᠳᠤᠨ ᠤᠢ ᠤᠬᠠᠭ᠋ᠠᠨᠢ ᠨᠡᠭᠡᠭᠡᠭᠳᠡᠭᠦᠯᠭᠦᠳᠤ ᠴᠢᠬᠤᠯᠠ ᠦᠢ᠍ᠯᠡᠳᠦᠯ ᠦᠵᠡᠭᠦᠯᠳᠡᠭ ᠲᠤᠯᠠ ᠴᠡᠴᠡᠷᠯᠢᠭᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠠ᠋ᠨᠡ ᠲᠠᠯᠠ ᠵᠢᠨ ᠬᠦᠮᠦᠵᠢᠯᠢ ᠵᠠᠪᠠᠯ ᠤᠶᠠᠯᠳᠤᠭᠤᠯᠬᠤ ᠬᠡᠷᠡᠭᠲᠡᠢ᠃
（ᠬᠤᠶᠠᠷ） ᠤᠯᠠᠮᠵᠢᠯᠠᠯᠲᠤ ᠠᠮᠠᠨ ᠢᠷᠠᠭᠤ ᠨᠠᠶ᠋ᠢᠷᠠᠭᠢ ᠴᠡᠴᠡᠷᠯᠢᠭᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠠᠰᠢᠭᠯᠠᠭ᠍ᠤ᠃
ᠠᠮᠠᠨ ᠢᠷᠠᠭᠤ ᠨᠠᠶ᠋ᠢᠷᠠᠭᠨᠢ ᠮᠤᠩᠭᠤᠯᠴᠤᠳᠤᠨ ᠠ᠋ᠷᠲᠡ ᠦᠶᠡ ᠵᠢᠨ ᠠᠮᠢᠳᠤᠷᠠᠯ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠳᠤᠮᠲᠠ ᠰᠡᠷᠡᠭᠳᠡᠵᠦ ᠬᠠᠷᠠᠭᠳᠠᠭᠰᠠᠨ ᠲᠡᠳᠡᠭᠡᠷ ᠪᠤᠰᠤᠳᠴᠢ ᠤᠷᠤᠰᠢᠬᠤᠢ ᠬᠡᠷᠡᠭ ᠪᠤᠳᠠᠰ᠂ ᠶᠠᠭᠤᠮᠠ ᠦᠵᠡᠭᠳᠡᠯ ᠪᠤᠶᠤ ᠤᠶᠤᠨ ᠲᠠᠷᠢᠬᠢᠨᠳᠤᠪᠠᠨ ᠪᠤᠳᠤᠵᠤ ᠲᠤᠩᠭ᠋ᠠᠵᠤ ᠪᠤᠯᠪᠠᠰᠤᠷᠠᠭᠤᠯᠵᠤ ᠭᠠᠷᠭ᠋ᠠᠭᠰᠠᠨ ᠰᠠᠨᠠᠭᠠ ᠪᠤᠳᠤᠯ᠂ ᠰᠡᠳᠭᠢᠭᠳᠡᠭᠰᠡᠨ ᠵᠦᠢ᠍ᠯ ᠵᠶ᠋ᠠᠨ ᠬᠤᠯᠪᠤᠨ ᠳᠦᠷᠰᠦᠯᠡᠬᠦ᠂ ᠤᠶᠠᠩᠭ᠋ᠠᠯᠠᠬᠤ ᠮᠠᠶᠢᠭ ᠵᠶ᠋ᠠᠷ ᠢᠯᠠᠳᠭᠡᠳᠡᠭ ᠰᠢᠯᠦᠭᠤᠳᠢ ᠵᠢᠭ᠋ᠠᠵᠤ ᠪᠠᠶ᠋ᠢᠨᠠ᠃ ᠠ᠋ᠭᠦᠨᠳᠤ ᠭᠤᠤᠯᠳᠠᠭᠤ ᠲᠤᠮ ᠰᠢᠪᠰᠢᠯᠭᠡ ᠵᠢᠨ ᠦᠭᠡ᠂ ᠳᠠᠯᠠᠯᠭᠠ ᠳᠠᠭᠤᠳᠠᠯᠭᠠ ᠵᠢᠨ ᠦᠭᠡ᠂ ᠲᠠᠬᠢᠯᠭᠠ ᠳᠠᠶ᠋ᠢᠯᠠᠯᠭᠠ ᠵᠢᠨ ᠦᠭᠡ᠂ ᠢᠷᠦᠭᠡᠯ ᠮᠠᠭᠲᠠᠭ᠋ᠠᠯ᠂ ᠠᠷᠠᠳᠤᠨ ᠳᠠᠭᠤᠤ᠂ ᠬᠤᠯᠪᠤᠭᠠ ᠰᠢᠯᠦᠭ᠂ ᠵᠦᠢ᠍ᠷ ᠰᠡᠴᠡᠨ ᠦᠭᠡ᠂ ᠶᠢᠷᠲᠢᠨᠴᠦ ᠵᠢᠨ ᠭᠤᠷᠪᠠ᠂ ᠬᠡᠯᠡ ᠵᠦᠭᠰᠢᠷᠡᠭᠦᠯᠬᠦ ᠦᠭᠡ ᠵᠡᠷᠭᠡ ᠵᠢ ᠪᠠᠭᠲᠠᠭ᠋ᠠᠳᠠᠭ᠃ ᠠ᠋ᠳᠡᠭᠡᠷᠢ ᠴᠡᠴᠡᠷᠯᠢᠭᠤᠨ ᠬᠡᠥᠬᠡᠳᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠲᠠᠢ ᠤᠶᠠᠯᠳᠤᠭᠤᠯᠪᠠᠯ ᠬᠡᠥᠬᠡᠳᠤᠨ ᠦᠰᠦᠯᠲᠡ ᠪᠤᠶ᠋ᠢᠵᠢᠯᠲᠠ᠂ ᠮᠤᠩᠭᠤᠯ ᠰᠤᠶᠤᠯᠤᠨ ᠤᠯᠠᠮᠵᠢᠯᠠᠯ ᠵᠠᠯᠭ᠋ᠠᠮᠵᠢᠯᠠᠯᠳᠤ ᠶᠡᠬᠡᠬᠡᠨ ᠨᠦᠯᠦᠭᠡ ᠦᠵᠡᠭᠦᠯᠦᠨᠡ᠃
ᠵᠦᠢ᠍ᠷ ᠰᠡᠴᠡᠨ ᠦᠭᠡᠪᠠᠷ ᠵᠢᠱ᠌ᠢᠶᠡᠯᠡᠵᠦ ᠬᠡᠯᠡᠬᠦᠳᠤ᠂ ᠵᠦᠢ᠍ᠷ ᠰᠡᠴᠡᠨ ᠦᠭᠡ ᠪᠤᠯ ᠰᠤᠶᠤᠨ ᠰᠡᠩᠬᠡᠷᠡᠭᠦᠯᠬᠦ ᠪᠠ ᠢᠳᠬᠠᠨ ᠴᠡᠭᠡᠷᠯᠡᠭᠦᠯᠬᠦ ᠵᠤᠷᠢᠯᠭᠠᠲᠠᠢ᠃ ᠵᠦᠢ᠍ᠷ ᠰᠡᠴᠡᠨ ᠦᠭᠡᠠᠴᠠ ᠬᠡᠥᠬᠡᠳᠤᠳᠲᠤ ᠵᠢᠭ᠋ᠠᠵᠤ ᠰᠤᠷᠭ᠋ᠠᠬᠤᠨᠢ ᠮᠤᠩᠭᠤᠯ ᠬᠡᠥᠬᠡᠳᠤᠨ ᠬᠡᠯᠡᠨᠤ ᠰᠠᠭᠤᠷᠢ ᠵᠢ ᠪᠠᠲᠤᠳᠬᠠᠬᠤᠳᠤ ᠤᠮᠳᠤᠭ᠋ᠠᠶ᠋ᠢᠯᠠᠵᠤ ᠪᠤᠯᠤᠰᠢ ᠦᠭᠡᠢ ᠦᠢ᠍ᠯᠡᠳᠦᠯᠲᠠᠢ᠃
ᠮᠤᠩᠭᠤᠯ ᠠᠮᠠᠨ ᠨᠠᠶ᠋ᠢᠷᠠᠭᠲᠤ ᠶᠢᠷᠲᠢᠨᠴᠤ ᠵᠢᠨ ᠭᠤᠷᠪᠠ ᠭᠡᠳᠡᠭ ᠤᠨᠴᠠᠭ᠋ᠠᠢ ᠨᠢᠭᠡᠨ ᠲᠦᠷᠦᠯ ᠪᠠᠶ᠋ᠢᠳᠠᠭ᠃ ᠲᠡᠷᠡᠨᠢ ᠮᠤᠩᠭᠤᠯᠴᠤᠳᠤᠨ ᠳᠤᠮᠳᠠ ᠲᠤᠩ ᠦᠷᠭᠡᠨ ᠵᠶ᠋ᠠᠷ ᠲᠠᠷᠬᠠᠵᠤ ᠦᠶᠡ ᠵᠢᠨ ᠦᠶᠡᠳᠤ ᠤᠯᠠᠮᠵᠢᠯᠠᠭᠳᠠᠭᠰᠠᠭ᠋ᠠᠷ ᠢᠷᠡᠵᠡᠢ᠃ ᠵᠢᠱ᠌ᠢᠶᠡᠯᠡᠪᠡᠯ᠄ 《ᠦᠬᠦᠬᠦᠳᠤ ᠶᠠᠰᠤ ᠴᠠᠭ᠋ᠠᠨ᠂ ᠦᠲᠡᠯᠬᠦᠳᠤ ᠦᠰᠦ ᠴᠠᠭ᠋ᠠᠨ᠂ ᠦᠰᠬᠦᠳᠤ ᠰᠢᠳᠦ ᠴᠠᠭ᠋ᠠᠨ》᠂ 《ᠠᠷᠪᠠᠨ ᠲᠠᠪᠤᠨᠤ ᠰᠠᠷᠠᠨ ᠨᠢᠭᠡ ᠰᠠᠶ᠋ᠢᠬᠠᠨ᠂ ᠠᠪᠤ ᠡᠵᠢ ᠵᠢᠨ ᠰᠤᠷᠭ᠋ᠠᠯ ᠨᠢᠭᠡ ᠰᠠᠶ᠋ᠢᠬᠠᠨ᠂ ᠠᠴᠢᠲᠤ ᠪᠠᠭᠰᠢ ᠵᠢᠨ ᠬᠦᠮᠦᠵᠢᠯ ᠨᠢᠭᠡ ᠰᠠᠶ᠋ᠢᠬᠠᠨ》 ᠭᠡᠬᠦ ᠮᠡᠲᠦ ᠵᠢᠨ ᠶᠢᠷᠲᠢᠨᠴᠤ ᠵᠢᠨ ᠭᠤᠷᠪᠠᠨᠢ ᠬᠡᠥᠬᠡᠳᠤᠨ ᠰᠢᠯᠦᠭ ᠵᠤᠬᠢᠶᠠᠯᠢ ᠴᠤᠬᠢᠯᠭᠠᠲᠠᠢ ᠴᠡᠭᠡᠵᠢᠯᠡᠵᠤ ᠰᠤᠷᠬᠤ᠂ ᠪᠠᠰᠠ ᠵᠤᠬᠢᠶᠠᠯᠤᠨ ᠬᠡᠯᠡ ᠵᠢ ᠤᠶ᠋ᠢᠯᠠᠭ᠋ᠠᠬᠤᠳᠤ ᠠᠰᠢᠭᠲᠠᠢᠪᠠᠷ ᠪᠠᠷᠠᠭ᠍ᠤ ᠦᠭᠡᠢ ᠮᠤᠩᠭᠤᠯ ᠬᠡᠥᠬᠡᠳᠲᠤᠪᠠᠨ ᠬᠡᠯᠡᠨᠤ ᠪᠠᠶᠠᠯᠢᠭᠢ ᠮᠡᠳᠡᠭᠦᠯᠵᠦ᠂ ᠦᠨᠳᠦᠰᠦᠲᠡᠨᠤ ᠰᠤᠶᠤᠯᠤᠨ ᠦᠪᠢ ᠬᠠᠷᠠᠬᠠᠨ ᠪᠠᠭᠠᠠᠴᠠᠨᠢ ᠵᠢᠭ᠋ᠠᠵᠤ ᠰᠤᠷᠭ᠋ᠠᠬᠤᠨᠢ ᠲᠡᠳᠡᠨᠤ ᠬᠤᠵᠢᠮᠤᠨ ᠵᠦᠪ ᠠᠮᠢᠳᠤᠷᠠᠭ᠍ᠤᠢ ᠵᠢᠨ ᠦᠵᠡᠯᠲᠠᠲᠠᠢ ᠪᠤᠯᠬᠤᠳᠤ ᠠᠰᠢᠭᠲᠠᠢ ᠪᠠᠢ᠍ᠢ᠍ᠳᠠᠬ᠃
（ᠭᠤᠷᠪᠠ） ᠤᠯᠠᠮᠵᠢᠯᠠᠯᠲᠤ ᠨᠠᠭ᠋ᠠᠳᠤᠮ ᠲᠤᠭᠯᠠᠭ᠋ᠠᠮᠢ ᠴᠡᠴᠡᠷᠯᠢᠭᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠠᠰᠢᠭᠯᠠᠭ᠍ᠤ᠃
ᠤᠯᠠᠮᠵᠢᠯᠠᠯᠲᠤ ᠦᠨᠳᠦᠰᠦᠲᠡᠨᠤ ᠲᠤᠭᠯᠠᠭ᠋ᠠᠮᠨᠢ ᠬᠡᠤᠬᠡᠳᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠭᠦᠯᠬᠦᠳᠤ ᠶᠡᠬᠡᠬᠡᠨ ᠨᠦᠯᠦᠭᠡ ᠦᠵᠡᠭᠦᠯᠳᠡᠭ᠃ ᠮᠤᠩᠭᠤᠯ ᠠᠷᠠᠳᠤᠨ ᠲᠤᠭᠯᠠᠭ᠋ᠠᠮᠳᠤ ᠱᠠᠭᠠ ᠨᠠᠭ᠋ᠠᠳᠬᠤ （ᠠᠷᠪᠠᠨ ᠭᠤᠷᠪᠠᠨ ᠱᠠᠭᠠ ᠤᠷᠬᠢᠬᠤ᠂ ᠮᠤᠷᠢ ᠤᠷᠤᠯᠳᠤᠬᠤ᠂ ᠰᠠᠶᠢᠩ ᠬᠠᠶᠠᠭ᠍ᠤ᠂ ᠬᠠᠯᠵᠠ ᠬᠠᠷᠪᠤᠬᠤ᠂ ᠰᠤᠪᠤᠷᠭᠠ ᠪᠤᠰᠬᠠᠬᠤ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠯᠪᠢᠵᠤ ᠱᠠᠩ ᠬᠤᠪᠢᠶᠠᠭ᠍ᠤ）᠂ ᠤᠨᠢᠰᠤᠨ ᠲᠤᠭᠯᠠᠭ᠋ᠠᠮ᠂ ᠶᠢᠰᠤᠨ ᠭᠠᠷᠬᠠ ᠬᠦᠯᠢᠵᠦ ᠪᠠᠭᠤᠯᠭ᠋ᠠᠬᠤ ᠲᠤᠭᠯᠠᠭ᠋ᠠᠮ᠂ ᠰᠢᠲᠠᠷᠠ᠂ ᠤᠨᠢᠰᠤᠭᠠ ᠲᠠᠭ᠋ᠠᠬᠤ ᠵᠡᠷᠭᠡᠨᠢ ᠴᠦᠮ ᠬᠡᠤᠬᠡᠳᠤᠨ ᠨᠠᠮ ᠰᠠᠭᠤᠵᠤ ᠰᠡᠳᠬᠢᠨ ᠪᠤᠳᠤᠯᠬᠢᠯᠠᠭ᠍ᠤ᠂ ᠤᠶᠤᠨ ᠤᠬᠠᠭ᠋ᠠᠨᠢᠨᠢ ᠨᠡᠭᠡᠭᠡᠭᠳᠡᠭᠦᠯᠬᠦᠳᠤ ᠠᠰᠢᠭᠲᠠᠢ ᠪᠠᠢ᠍ᠢ᠍ᠳᠠᠬ᠃ ᠬᠤᠷᠤᠭᠤᠨ ᠲᠤᠭᠯᠠᠭ᠋ᠠᠮ᠂ ᠲᠡᠮᠡᠭᠡᠯᠴᠡᠬᠦ ᠲᠤᠭᠯᠠᠭ᠋ᠠᠮ᠂ ᠲᠠᠷᠪᠠᠭ᠋ᠠᠴᠠᠭ᠍ᠤ ᠲᠤᠭᠯᠠᠭ᠋ᠠᠮ᠂ ᠪᠤᠷᠭ᠋ᠠᠰᠤᠨ ᠮᠤᠷᠢ ᠤᠨᠤᠬᠤ᠂ ᠪᠦᠬᠡ ᠪᠠᠷᠢᠯᠳᠤᠬᠤ ᠵᠡᠷᠭᠡ ᠲᠤᠭᠯᠠᠭ᠋ᠠᠮᠨᠢ ᠬᠡᠤᠬᠡᠳᠤᠨ ᠪᠡᠶᠡ ᠪᠢᠯᠳᠠᠷᠤᠨ ᠦᠰᠦᠯᠲᠡ ᠪᠤᠶ᠋ᠢᠵᠢᠯᠲᠠ ᠪᠠ ᠦᠭᠡ ᠬᠡᠯᠡᠨᠤ ᠬᠦᠭᠵᠢᠯᠲᠡ ᠬᠢᠭᠡᠳ ᠪᠤᠰᠤᠳᠲᠠᠢ ᠬᠠᠮᠲᠤᠷᠠᠨ ᠠᠵᠢᠯᠯᠠᠭ᠍ᠤ ᠵᠡᠷᠭᠡ ᠡᠯᠡ ᠲᠠᠯᠠᠳᠤ ᠠᠰᠢᠭᠲᠠᠢ ᠲᠤᠭᠯᠠᠭ᠋ᠠᠮᠤᠳ ᠪᠤᠯᠤᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠄ ᠬᠤᠷᠤᠭᠤᠨ ᠲᠤᠭᠯᠠᠭ᠋ᠠᠮᠤᠨ 《ᠰᠦᠮᠪᠤᠷ ᠠᠭᠤᠯᠠ》 ᠪᠠᠷᠢᠬᠤ ᠲᠤᠭᠯᠠᠭ᠋ᠠᠮᠳᠤ ᠬᠤᠶᠠᠷ ᠬᠡᠤᠬᠡᠳ ᠨᠠᠭ᠋ᠠᠳᠤᠨᠠ᠃ ᠠ᠋ᠭᠦᠨᠳᠤ ᠨᠢᠭᠡ ᠬᠡᠤᠬᠡᠳᠨᠢ 《ᠰᠦᠮᠪᠤᠷ ᠠᠭᠤᠯᠠ》 ᠪᠠᠷᠢᠨᠠ᠃ ᠨᠦᠭᠦᠬᠡ ᠬᠡᠤᠬᠡᠳᠨᠢ ᠠᠰᠠᠭᠤᠨᠠ᠄
ᠠ᠋ᠨᠡᠨᠢ ᠶᠠᠭᠤ ᠪᠤᠢ？ ᠰᠦᠮᠪᠦᠷ ᠠᠭᠤᠯᠠ
ᠠ᠋ᠨᠡᠨᠢ ᠶᠠᠭᠤ ᠪᠤᠢ？ ᠠᠯᠲᠠᠨ ᠪᠠᠭ᠋ᠠᠨᠠ
ᠠ᠋ᠨᠡᠨᠢ ᠶᠠᠭᠤ ᠪᠤᠢ？ ᠮᠦᠩᠭᠦᠨ ᠪᠠᠭ᠋ᠠᠨᠠ
ᠠ᠋ᠨᠡᠨᠢ ᠶᠠᠭᠤ ᠪᠤᠢ？ ᠱ᠌ᠢᠷᠤᠨ ᠪᠠᠭ᠋ᠠᠨᠠ
ᠠ᠋ᠨᠡᠭᠦᠷᠨᠢ ᠶᠠᠭᠤ ᠤᠷᠤᠳᠠᠭ ᠪᠤᠢ？ ᠠᠳᠤᠭᠤ
ᠠ᠋ᠨᠡᠭᠦᠷᠨᠢ ᠶᠠᠭᠤ ᠤᠷᠤᠳᠠᠭ ᠪᠤᠢ？ ᠦᠬᠡᠷ
ᠠ᠋ᠨᠡᠭᠦᠷᠨᠢ ᠶᠠᠭᠤ ᠤᠷᠤᠳᠠᠭ ᠪᠤᠢ？ ᠲᠡᠮᠡᠭᠡ
ᠢᠮᠠᠭᠠ ᠵᠢ ᠶᠠᠭ᠋ᠠᠬᠢᠭᠰᠠᠨ ᠪᠤᠢ？ ᠪᠡᠯᠴᠢᠭᠡᠷᠲᠤ ᠭᠠᠷᠭ᠋ᠠᠭᠰᠠᠨ
ᠠ᠋ᠨᠡᠨᠢ ᠶᠠᠭᠤ ᠪᠤᠢ？ ᠬᠤᠨᠢᠨᠤ ᠬᠤᠶᠠᠷ ᠬᠡᠤᠬᠡᠳ ᠪᠦᠬᠡ ᠪᠠᠷᠢᠯᠳᠤᠵᠤ ᠪᠠᠶ᠋ᠢᠨᠠ
ᠠ᠋ᠨᠡᠨᠢ ᠶᠠᠭᠤ ᠪᠤᠢ？ ᠡᠵᠢ ᠵᠢᠨ ᠰᠢᠷᠢᠭᠰᠡᠨ ᠤᠯᠪᠤᠬ
ᠠ᠋ᠨᠡᠨᠢ ᠶᠠᠭᠤ ᠪᠤᠢ？ ᠴᠢᠳᠤᠷᠲᠠᠢ ᠪᠤᠷᠤ ᠳᠠᠭᠠ᠂ ᠪᠢ ᠪᠤᠷᠤ ᠳᠠᠭᠠᠪᠠᠨ ᠤᠨᠤᠭ᠋ᠠᠳ ᠰᠦᠮᠪᠦᠷ ᠠᠭᠤᠯᠠ ᠵᠢᠨ ᠤᠷᠤᠢᠳᠤ ᠭᠠᠷᠴᠤ ᠠᠳᠤᠭᠤ ᠮᠠᠯ ᠵᠶ᠋ᠠᠨ ᠬᠠᠷᠢᠭᠤᠯᠵᠤ ᠵᠢᠷᠭ᠋ᠠᠨᠠ ᠁ ᠭᠡᠬᠦ ᠮᠡᠲᠦᠪᠠᠷ ᠠᠰᠠᠭᠤᠵᠤ ᠬᠠᠷᠢᠭᠤᠯᠵᠤ ᠲᠤᠭᠯᠠᠳᠠᠭ᠃ ᠲᠤᠰ ᠲᠤᠭᠯᠠᠭ᠋ᠠᠮᠨᠢ ᠬᠡᠤᠬᠡᠳᠤᠨ ᠬᠤᠷᠤᠭᠤᠨᠤ ᠪᠤᠯᠴᠢᠩᠤᠨ ᠬᠦᠭᠵᠢᠯᠲᠡᠳᠤ ᠠᠰᠢᠭᠲᠠᠢᠪᠠᠷ ᠪᠠᠷᠠᠭ᠍ᠤ ᠦᠭᠡᠢ ᠠᠮᠢᠳᠤᠷᠠᠯᠤᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨᠢ ᠪᠡᠯᠭᠡᠳᠡᠭᠰᠡᠨ ᠰᠠᠨᠠᠭᠠᠲᠠᠢ ᠪᠠᠶ᠋ᠢᠳᠠᠭ᠃ ᠠ᠋ᠨᠡ ᠬᠦ᠌ ᠲᠤᠭᠯᠠᠭ᠋ᠠᠮᠨᠢ ᠤᠳᠤ ᠵᠢᠨ ᠬᠦᠳᠡᠭᠡ ᠵᠢᠨ ᠮᠠᠯᠵᠢᠬᠤ ᠠᠮᠢᠳᠤᠷᠠᠯᠠᠴᠠ ᠵᠠᠶ᠋ᠢᠳᠠᠭᠰᠠᠨ ᠬᠡᠤᠬᠡᠳᠲᠤ ᠮᠠᠰᠢ ᠲᠤᠬᠢᠷᠠᠭ᠍ᠤ ᠲᠤᠭᠯᠠᠭ᠋ᠠᠮᠤᠨ ᠬᠢᠴᠢᠶᠡᠯ ᠪᠤᠯᠤᠨᠠ᠃ ᠬᠡᠳᠦᠶ᠋ᠢᠪᠡᠷ ᠵᠢᠵᠢᠭᠬᠡᠨ ᠬᠤᠷᠤᠭᠤᠨ ᠲᠤᠭᠯᠠᠭ᠋ᠠᠮ ᠪᠤᠯᠪᠠᠴᠤ ᠮᠠᠯᠵᠢᠬᠤ ᠠᠮᠢᠳᠤᠷᠠᠯᠤᠨ ᠤᠯᠠᠨ ᠠᠭᠤᠯᠭᠠ ᠵᠢ ᠬᠠᠮᠤᠷᠴᠤ ᠪᠠᠢ᠍ᠢ᠍ᠳᠠᠬ᠃
ᠤᠨᠢᠰᠤᠭᠠ ᠪᠤᠯ ᠪᠠᠶ᠋ᠢᠭ᠋ᠠᠯᠢ ᠨᠡᠶ᠋ᠢᠭᠡᠮᠤᠨ ᠲᠦᠮᠡᠨ ᠪᠤᠳᠠᠰ ᠪᠠ ᠬᠡᠷᠡᠭ ᠦᠵᠡᠭᠳᠡᠯᠢ ᠤᠷᠠᠯᠢᠭ ᠵᠶ᠋ᠠᠷ ᠢᠯᠡᠳᠭᠡᠵᠦ ᠬᠦᠮᠦᠰᠢ ᠰᠡᠳᠬᠢᠨ ᠪᠤᠳᠤᠭᠤᠯᠳᠠᠬ ᠪᠠᠰᠠ ᠨᠢᠭᠡᠨ ᠠᠮᠠᠨ ᠢᠷᠠᠭᠤ ᠨᠠᠶ᠋ᠢᠷᠠᠭ ᠮᠦᠷᠲᠡᠭᠡᠨ ᠲᠤᠭᠯᠠᠭ᠋ᠠᠮ ᠮᠦᠨ᠃ ᠤᠨᠢᠰᠤᠭᠠᠳᠤ ᠬᠡᠤᠬᠡᠳᠤᠨ ᠳᠦᠷᠰᠦᠯᠡᠨ ᠪᠤᠳᠤᠬᠤ ᠴᠢᠳᠠᠪᠤᠷᠢ ᠵᠢ ᠳᠡᠭᠡᠭᠰᠢᠯᠡᠭᠦᠯᠭᠦ᠂ ᠤᠶᠤᠨ ᠤᠬᠠᠭ᠋ᠠᠨᠢ ᠨᠡᠭᠡᠭᠡᠭᠳᠡᠭᠦᠯᠭᠦ ᠵᠡᠷᠭᠡ ᠮᠠᠰᠢ ᠤᠯᠠᠨ ᠲᠠᠯᠠ ᠵᠢᠨ ᠬᠦᠮᠦᠵᠢᠯ ᠳᠠᠭ᠋ᠠᠯᠳᠤᠵᠤ ᠪᠠᠶ᠋ᠢᠳᠠᠭ᠃ ᠵᠢᠱ᠌ᠢᠶᠡᠯᠡᠪᠡᠯ᠄ 《ᠠᠳᠬᠤᠪᠠᠯ ᠠᠳᠬᠤ ᠳᠦᠭᠦᠷᠬᠦ ᠦᠭᠡᠢ᠂ ᠲᠠᠯᠪᠢᠪᠠᠯ ᠲᠠᠯᠠ ᠳᠦᠭᠦᠷᠦᠨᠡ》 （ᠨᠢᠳᠦ）᠂ 《ᠤᠯᠠᠭ᠋ᠠᠨ ᠪᠢᠷᠠᠭᠤ ᠶᠠᠰᠤᠨ ᠬᠤᠷᠤᠭᠠᠲᠠᠢ》 （ᠰᠢᠳᠦ） ᠭᠡᠬᠦ ᠮᠡᠲᠦ ᠵᠢᠨ ᠶᠦᠮᠦᠷᠯᠢᠭ ᠮᠦᠷᠲᠡᠭᠡᠨ ᠦᠭᠡᠨᠢ ᠬᠢᠯᠪᠠᠷ᠂ ᠬᠡᠤᠬᠡᠳ ᠴᠡᠭᠡᠵᠢᠯᠡᠬᠦᠳᠤ ᠳᠦᠭᠦᠮ ᠪᠠᠶ᠋ᠢᠳᠠᠭ ᠤᠨᠴᠠᠯᠢᠭᠲᠠᠢ᠃ ᠠ᠋ᠳᠡᠭᠡᠷ ᠤᠨᠢᠰᠤᠭᠠᠪᠠᠷ ᠳᠠᠮᠵᠢᠭᠤᠯᠵᠤ ᠬᠡᠤᠬᠡᠳᠲᠤ ᠠ᠋ᠷᠬᠡᠲᠡᠨ ᠵᠶ᠋ᠠᠨ ᠲᠠᠨᠢᠬᠤ ᠪᠠ ᠲᠡᠭᠦᠨᠢ ᠬᠡᠷᠬᠢᠨ ᠬᠠᠶ᠋ᠢᠷᠠᠯᠠᠵᠤ ᠬᠠᠮᠠᠭ᠋ᠠᠯᠠᠭ᠍ᠤ ᠬᠦᠮᠦᠵᠢᠯᠢ ᠬᠢᠵᠤ ᠪᠤᠯᠬᠤ ᠲᠡᠳᠦᠢ ᠦᠭᠡᠢ ᠶᠠᠭᠤᠮᠠ ᠦᠵᠡᠭᠳᠡᠯᠢ ᠰᠤᠨᠢᠭᠤᠴᠢᠯᠠᠨ ᠰᠡᠳᠬᠢᠬᠦ᠂ ᠤᠨᠢᠰᠤᠭᠠᠳᠤ ᠭᠠᠷᠤᠭᠰᠠᠨ ᠦᠭᠡ ᠪᠤᠯᠭ᠋ᠠᠨᠢ ᠬᠢᠨᠠᠭᠤᠷ ᠪᠤᠳᠤᠯᠬᠢᠯᠠᠭ᠍ᠤ᠂ ᠦᠭᠡᠰᠤᠨ ᠰᠠᠩᠢᠨᠢ ᠨᠡᠮᠡᠭᠳᠡᠬᠦᠯᠭᠦ ᠵᠡᠷᠭᠡ ᠮᠠᠰᠢ ᠰᠠᠶ᠋ᠢᠨ ᠬᠦᠮᠦᠵᠢᠯᠤᠨ ᠦᠨᠡ ᠦᠷᠳᠡᠭᠲᠠᠢ ᠶᠤᠮ᠃
ᠨᠠᠭ᠋ᠠᠳᠤᠮ ᠲᠤᠭᠯᠠᠭ᠋ᠠᠮᠤᠨ ᠳᠤᠮᠳᠠ ᠪᠠᠰᠠ ᠱᠦᠭᠦᠯᠴᠡᠭᠡᠨᠤ ᠦᠭᠡ ᠭᠡᠵᠤ ᠪᠠᠶ᠋ᠢᠳᠠᠭ᠃ ᠱᠠᠭᠠ ᠨᠠᠭ᠋ᠠᠳᠤᠭ᠋ᠠᠳ ᠱᠦᠭᠦᠭᠳᠡᠬᠦ ᠪᠤᠶᠤ ᠤᠨᠢᠰᠤᠭᠠ ᠲᠠᠭ᠋ᠠᠭ᠋ᠠᠳ ᠱᠦᠭᠦᠭᠳᠡᠬᠦ ᠦᠶᠡᠰ 《ᠠᠰᠠᠭᠤᠭᠳᠠᠭ᠋ᠠᠳ ᠠᠰᠠᠭᠤᠭᠳᠠᠭ᠋ᠠᠳ ᠮᠤᠬᠤᠷᠳᠠᠭᠰᠠᠨ ᠠᠷᠭᠠ ᠮᠠᠭᠤᠲᠤ ᠵᠢ ᠬᠤᠳᠠᠯᠳᠤᠶᠠ᠂ ᠳᠠᠭ᠋ᠠᠭ᠋ᠠᠳ ᠲᠠᠭ᠋ᠠᠭ᠋ᠠᠤᠨ ᠲᠠᠭᠵᠢᠷᠠᠭᠰᠠᠨ ᠲᠠᠭ ᠲᠡᠨᠡᠭᠢ ᠬᠤᠳᠠᠯᠳᠤᠶᠠ》᠂ 《ᠭᠤᠴᠢᠨ ᠭᠤᠴᠢᠨ ᠲᠡᠮᠡᠭᠡᠨᠠᠴᠠ᠂ ᠭᠤᠷᠪᠠᠨ ᠠᠳᠬᠤ ᠰᠢᠷᠦᠢᠠᠴᠠ᠂ ᠰᠠᠨᠵᠢ ᠦᠭᠡᠢ ᠵᠡᠭᠦᠦᠠᠴᠠ᠂ ᠰᠡᠮᠡᠷᠬᠡᠢ ᠬᠠᠨᠳᠢᠭᠠᠴᠠ᠂ ᠰᠢᠷᠠᠵᠤ ᠢᠳᠡᠬᠦ ᠮᠢᠬᠠᠠᠴᠠ᠂ ᠰᠢᠷᠠ ᠨᠤᠬᠠᠢ ᠵᠢᠨ ᠭᠤᠶᠠᠠᠴᠠ᠂ ᠠᠷᠤ ᠵᠢᠨ ᠮᠠᠶ᠋ᠢᠮᠠᠢᠳᠤ ᠬᠤᠳᠠᠯᠳᠤᠶᠠ᠂ ᠠᠷᠭ᠋ᠠᠯ ᠬᠤᠷᠭᠤᠤᠯᠳᠤ ᠬᠤᠳᠠᠯᠳᠤᠶᠠ᠂ ᠬᠤᠶ᠋ᠢᠲᠤ ᠮᠠᠶ᠋ᠢᠮᠠᠢᠳᠤ ᠬᠤᠳᠠᠯᠳᠤᠶᠠ᠂ ᠬᠤᠷᠭᠤᠤᠯ ᠪᠤᠤᠪᠤᠪᠠᠷ ᠬᠤᠳᠠᠯᠳᠤᠶᠠ ᠁》 ᠭᠡᠬᠦ ᠮᠡᠲᠦᠪᠠᠷ ᠨᠠᠭ᠋ᠠᠳᠤᠮᠤᠨ ᠳᠦᠷᠢᠮ ᠭᠤᠷᠢᠮᠢ ᠰᠠᠬᠢᠬᠤ᠂ ᠬᠤᠷᠤᠰᠬᠠᠨ ᠦᠳᠦᠭᠡᠵᠤ᠂ ᠴᠢᠷᠮᠠᠶ᠋ᠢᠬᠤ ᠵᠢ ᠳᠠᠶ᠋ᠢᠴᠢᠯᠠᠭᠰᠠᠨ ᠰᠠᠨᠠᠭᠠ ᠠᠬᠤᠢ ᠠᠭᠤᠯᠵᠤ ᠪᠠᠶ᠋ᠢᠳᠠᠭ᠃
（ᠳᠦᠷᠪᠡ） ᠤᠷᠠᠯᠢᠭᠤᠨ ᠬᠢᠴᠢᠶᠡᠯ ᠵᠶ᠋ᠠᠷ ᠦᠨᠳᠦᠰᠦᠲᠡᠨᠤ ᠵᠠᠩ ᠦᠢ᠍ᠯᠡ ᠵᠢᠨ ᠬᠦᠮᠦᠵᠢᠯ ᠬᠢᠬᠦ᠃
ᠤᠷᠠᠯᠢᠭᠨᠢ ᠨᠢᠭᠡ ᠦᠨᠳᠦᠰᠦᠲᠡᠨᠤ ᠰᠤᠶᠤᠯᠤᠨ ᠠᠴᠢᠶᠠᠯᠠᠭᠴᠢ ᠪᠤᠯᠬᠤ ᠮᠦᠷᠲᠡᠭᠡᠨ ᠬᠡᠤᠬᠡᠳᠤᠨ ᠬᠠᠮᠤᠭᠠᠴᠠ ᠢᠳᠡᠪᠬᠢᠲᠡᠢ ᠤᠷᠤᠯᠴᠠᠳᠠᠭ ᠬᠦᠳᠡᠯᠭᠡᠭᠡᠨᠤ ᠨᠢᠭᠡ ᠬᠡᠯᠪᠡᠷᠢ ᠪᠤᠯᠤᠨᠠ᠂ ᠲᠡᠶ᠋ᠢᠮᠤᠠᠴᠠ ᠤᠷᠠᠯᠢᠭᠤᠨ ᠬᠦᠳᠡᠯᠭᠡᠭᠡᠨᠳᠤ ᠦᠨᠳᠤᠰᠤᠳᠠᠨᠤ ᠵᠠᠩ ᠦᠢ᠍ᠯᠡ ᠵᠢᠨ ᠬᠦᠮᠦᠵᠢᠯᠢ ᠠᠭᠤᠰᠬᠠᠨ ᠤᠷᠤᠭᠤᠯᠬᠤᠨᠢ ᠬᠠᠮᠤᠭᠤᠨ ᠲᠤᠬᠢᠷᠠᠮᠵᠢᠲᠠᠢ᠂ ᠬᠠᠮᠤᠭᠤᠨ ᠦᠷᠡ ᠠᠰᠢᠭ ᠰᠠᠶ᠋ᠢᠲᠠᠢ᠂ ᠬᠠᠮᠤᠭᠤᠨ ᠤᠷᠠᠨ ᠠᠷᠭᠠ ᠭᠡᠵᠤ ᠪᠤᠳᠤᠵᠤ ᠪᠠᠶ᠋ᠢᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠄ ᠳᠠᠭᠤᠨᠤ ᠬᠢᠴᠢᠶᠡᠯ ᠳᠡᠭᠡᠷᠡ ᠮᠤᠷᠢᠨ ᠬᠤᠭᠤᠷᠢ ᠲᠠᠨᠢᠯᠴᠠᠭᠤᠯᠵᠤ᠂ ᠮᠤᠷᠢᠨ ᠬᠤᠭᠤᠷᠤᠨ ᠠ᠋ᠭᠦᠰᠦᠯ᠂ ᠦᠯᠢᠭᠡᠷ ᠲᠡᠤᠬᠡ ᠵᠢ ᠶᠠᠷᠢᠵᠤ ᠦᠭᠭᠦᠨᠡ᠂ ᠪᠠᠰᠠ ᠤᠯᠠᠮᠵᠢᠯᠠᠯᠲᠤ ᠠᠷᠠᠳᠤᠨ ᠪᠦᠵᠢᠭ ᠰᠤᠨᠢᠷᠬᠠᠭᠤᠯᠤᠨ᠂ ᠰᠢᠨᠡ ᠵᠢᠯᠤᠨ ᠵᠤᠯᠭ᠋ᠠᠯᠲᠠ ᠵᠢᠨ ᠳᠠᠭᠤᠤ᠂ ᠡᠷᠡ ᠵᠢᠨ ᠭᠤᠷᠪᠠᠨ ᠨᠠᠭ᠋ᠠᠳᠤᠮᠤᠨ ᠳᠠᠭᠤᠤ᠂ ᠱᠠᠭᠠ ᠵᠢᠨ ᠳᠠᠭᠤᠤ ᠁ ᠭᠡᠬᠦᠴᠢᠯᠡᠨ ᠠ᠋ᠳᠦᠢ ᠲᠡᠳᠦᠢ ᠮᠤᠩᠭᠤᠯ ᠰᠤᠶᠤᠯ᠂ ᠵᠠᠩ ᠵᠠᠩᠰᠢᠯᠢ ᠬᠠᠷᠠᠭᠤᠯᠤᠭᠰᠠᠨ ᠳᠠᠭᠤᠤ ᠪᠦᠵᠢᠭ᠂ ᠭᠦᠭᠵᠢᠮᠤᠨ ᠵᠦᠢ᠍ᠯᠢ ᠵᠢᠭ᠋ᠠᠵᠤ ᠪᠤᠯᠤᠨᠠ᠃
（ᠲᠠᠪᠤ） ᠤᠷᠴᠢᠨ ᠲᠤᠭᠤᠷᠢᠨᠤ ᠳᠠᠯᠳᠠ ᠴᠢᠨᠠᠷᠳᠦ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠵᠶ᠋ᠠᠷ ᠦᠨᠳᠦᠰᠦᠳᠡᠨᠤ ᠵᠠᠩ ᠤᠶ᠋ᠢᠯᠡ ᠵᠢᠨ ᠬᠦᠮᠦᠵᠢᠯ ᠭᠦᠷᠳᠡᠭᠡᠭᠦ᠃
ᠤᠷᠴᠢᠨ ᠲᠤᠭᠤᠷᠢᠨ ᠪᠤᠯ ᠬᠡᠤᠬᠡᠳᠢ ᠰᠢᠭᠤᠳ ᠨᠦᠯᠦᠭᠡᠯᠡᠬᠦ ᠪᠠᠰᠠ ᠨᠢᠭᠡᠨ ᠴᠢᠬᠤᠯᠠ ᠭᠦᠴᠦᠨ ᠵᠦᠢ᠍ᠯ ᠮᠦᠨ᠃ ᠲᠡᠶ᠋ᠢᠮᠤᠠᠴᠠ ᠴᠡᠴᠡᠷᠯᠢᠭᠤᠨ ᠤᠷᠴᠢᠨ ᠲᠤᠭᠤᠷᠢᠨᠢ ᠦᠨᠳᠦᠰᠦᠲᠡᠨᠤ ᠤᠨᠴᠠᠯᠢᠭᠲᠠᠢ ᠵᠠᠰᠠᠨ ᠴᠢᠮᠡᠭᠯᠡᠵᠤ᠂ ᠬᠡᠤᠬᠡᠳᠲᠤ ᠮᠤᠩᠭᠤᠯ ᠠᠮᠢᠳᠤᠷᠠᠯ᠂ ᠮᠤᠩᠭᠤᠯ ᠰᠤᠶᠤᠯ ᠤᠷᠠᠯᠢᠭᠤᠨ ᠨᠦᠯᠦᠭᠡ ᠵᠢ ᠤᠷᠴᠢᠨ ᠲᠤᠭᠤᠷᠢᠨ ᠵᠶ᠋ᠠᠷ ᠲᠠᠮᠵᠢᠭᠤᠯᠤᠨ ᠬᠦᠷᠲᠡᠭᠡᠨᠡ᠃ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠭᠠᠷ ᠤᠷᠠᠯᠠᠯ᠂ ᠬᠡ ᠤᠭ᠋ᠠᠯᠵᠠ ᠵᠡᠷᠭᠡᠪᠠᠷ ᠠᠩᠭᠢ ᠵᠢᠨ ᠭᠡᠷ᠂ ᠬᠠᠨᠠ ᠵᠢᠨ ᠵᠢᠷᠤᠭᠢ ᠵᠠᠰᠠᠨ ᠴᠢᠮᠡᠭᠯᠡᠨᠡ᠃ ᠠ᠋ᠳᠤᠷ ᠲᠤᠳᠤᠮᠤᠨ ᠠᠮᠢᠳᠤᠷᠠᠯ ᠳᠤᠮᠳᠠᠪᠠᠨ ᠦᠷᠭᠦᠯᠵᠢ ᠦᠵᠡᠵᠦ ᠬᠠᠷᠠᠵᠤ᠂ ᠤᠷᠤᠯᠳᠤᠵᠤ ᠬᠦᠷᠦᠯᠴᠡᠵᠤ ᠪᠠᠢ᠍ᠢ᠍ᠪᠠᠯ 《ᠮᠤᠩᠭᠤᠯ ᠰᠡᠳᠬᠢᠬᠦᠢ》ᠲᠠᠢ ᠪᠤᠯᠭ᠋ᠠᠨ ᠬᠦᠮᠦᠵᠢᠭᠦᠯᠬᠦᠳᠤ ᠲᠦᠢ᠍ᠯᠤᠨ ᠠᠰᠢᠭᠲᠠᠢ᠃
（ᠵᠢᠷᠭᠤᠭᠠ） ᠴᠡᠴᠡᠷᠯᠢᠭᠤᠨ ᠨᠢᠭᠡᠳᠦᠯᠲᠡᠢ ᠵᠢᠭ᠋ᠠᠬᠤ ᠮᠠᠲᠸᠷᠢᠶᠠᠯᠲᠠᠢ ᠤᠶᠠᠯᠳᠤᠭᠤᠯᠤᠨ᠂ ᠦᠨᠳᠦᠰᠦᠲᠡᠨᠤ ᠵᠠᠩ ᠦᠢ᠍ᠯᠡ ᠵᠢ ᠠᠮᠢᠳᠤᠯᠢᠭ ᠵᠶ᠋ᠠᠷ ᠵᠢᠭ᠋ᠠᠬᠤ᠃
ᠴᠡᠴᠡᠷᠯᠢᠭᠤᠨ ᠪᠠᠭᠰᠢ ᠨᠠᠷᠠᠴᠠ ᠴᠡᠴᠡᠷᠯᠢᠭᠤᠨ ᠵᠢᠭ᠋ᠠᠬᠤ ᠮᠠᠲᠸᠷᠢᠶᠠᠯᠲᠠᠢ ᠤᠶᠠᠯᠳᠤᠭᠤᠯᠤᠨ᠂ ᠦᠨᠳᠦᠰᠦᠲᠡᠨᠤ ᠵᠠᠩ ᠦᠢ᠍ᠯᠡ ᠵᠢᠨ ᠠᠭᠤᠯᠭᠠ ᠵᠢ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠᠳᠤᠪᠠᠨ ᠰᠢᠮᠡᠳᠭᠡᠨ ᠤᠷᠤᠭᠤᠯᠵᠤ᠂ ᠵᠢᠭ᠋ᠠᠬᠤ ᠠᠵᠢᠯᠯᠠᠭᠠᠪᠠᠨ ᠦᠷᠨᠢᠭᠦᠯᠵᠦ ᠪᠤᠯᠤᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠄ ᠵᠦᠢ᠍ᠷ ᠰᠡᠴᠡᠨ ᠦᠭᠡ ᠪᠤᠶᠤ ᠰᠤᠷᠭ᠋ᠠᠯ ᠦᠭᠡ᠂ ᠠᠮᠠᠨ ᠤᠩᠰᠢᠯᠭᠠ᠂ ᠤᠨᠢᠰᠤᠭᠠ᠂ ᠮᠤᠩᠭᠤᠯ ᠭᠡᠷᠤᠨ ᠢᠷᠦᠭᠡᠯ ᠮᠠᠭᠲᠠᠭ᠋ᠠᠯ᠂ ᠳᠤᠮᠤᠭ ᠦᠯᠢᠭᠡᠷ ᠵᠡᠷᠭᠡ ᠠᠭᠤᠯᠭᠠ ᠵᠢ ᠵᠢᠭ᠋ᠠᠨᠠ᠃
ᠪᠠᠰᠠ ᠶᠡᠭᠡ ᠪᠠᠭᠠ ᠵᠢ ᠠᠳᠠᠯᠢᠳᠬᠠᠬᠤ᠂ ᠤᠯᠠᠨ ᠴᠦᠭᠡᠨᠢ ᠢᠯᠭ᠋ᠠᠬᠤ ᠵᠡᠷᠭᠡ ᠠᠭᠤᠯᠭᠠᠳᠤ ᠲᠤᠬᠢᠷᠠᠭᠤᠯᠤᠨ᠂ ᠠᠮᠢᠳᠤᠯᠢᠭ ᠵᠶ᠋ᠠᠷ ᠠᠭᠤᠰᠬᠠᠨ ᠤᠷᠤᠭᠤᠯᠤᠨᠠ᠃ ᠲᠤᠭᠠ ᠲᠤᠭ᠋ᠠᠯᠠᠵᠤ ᠰᠤᠷᠬᠤᠳᠤ ᠮᠤᠩᠭᠤᠯ ᠭᠡᠷ᠂ ᠠ᠋ᠳ᠋ᠯᠡᠯ ᠬᠡᠷᠡᠭᠰᠡᠯ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ᠂ ᠲᠦᠯᠢ ᠲᠤᠭ᠋ᠠᠯᠠᠭᠤᠯᠬᠤ （ᠳᠠᠭ᠋ᠠᠯᠳᠤᠭᠤᠯᠤᠨ ᠨᠡᠷᠡᠶ᠋ᠢᠳᠦᠯᠢᠨᠢ ᠬᠡᠯᠡᠭᠦᠯᠵᠦ ᠪᠤᠯᠪᠠᠰᠤᠷᠠᠭᠤᠯᠬᠤ ᠮᠡᠲᠦᠪᠠᠷ） ᠵᠡᠷᠭᠡ ᠠᠷᠭᠠ ᠵᠢ ᠬᠡᠷᠡᠭᠯᠡᠵᠦ ᠪᠤᠯᠤᠨᠠ᠃ ᠡᠷᠡ ᠵᠢᠨ ᠭᠤᠷᠪᠠᠨ ᠨᠠᠭ᠋ᠠᠳᠤᠮ᠂ ᠱᠠᠭᠠ ᠪᠠ ᠰᠢᠲᠠᠷᠠ ᠨᠠᠭ᠋ᠠᠳᠬᠤ ᠵᠡᠷᠭᠡ ᠵᠢ ᠠᠮᠢᠳᠤᠯᠢᠭ ᠵᠶ᠋ᠠᠷ ᠲᠤᠬᠢᠷᠠᠭᠤᠯᠤᠨ ᠤᠷᠤᠭᠤᠯᠵᠤ ᠪᠤᠯᠤᠨᠠ᠃
（ᠳᠤᠯᠤᠭᠠ） ᠦᠨᠳᠦᠰᠦᠲᠡᠨᠤ ᠤᠯᠠᠮᠵᠢᠯᠡᠯᠲᠤ ᠵᠠᠩ ᠦᠢ᠍ᠯᠡ ᠵᠢᠨ ᠲᠤᠰᠬᠠᠢ ᠵᠢᠭ᠋ᠠᠬᠤ ᠮᠠᠲᠸᠷᠢᠶᠠᠯ ᠨᠠᠶ᠋ᠢᠷᠠᠭᠤᠯᠤᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠᠳᠤᠪᠠᠨ ᠠᠰᠢᠭᠯᠠᠬᠤ᠃
ᠤᠳᠤᠬᠠᠨᠤ ᠴᠡᠴᠡᠷᠯᠢᠭᠤᠨ ᠵᠢᠭ᠋ᠠᠬᠤ ᠮᠠᠲᠸᠷᠢᠶᠠᠯ᠂ ᠵᠠᠬᠠ ᠳᠡᠯᠭᠡᠭᠦᠷ ᠳᠡᠭᠡᠷᠡᠬᠢ ᠵᠢᠭ᠋ᠠᠬᠤ ᠮᠠᠲᠸᠷᠢᠶᠠᠯᠨᠢ ᠦᠨᠳᠦᠰᠦᠲᠡᠨᠤ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠦᠢ᠍ᠯᠡ ᠵᠢᠨ ᠠᠭᠤᠯᠭᠠ ᠵᠢ ᠪᠦᠭᠦᠨᠢ ᠬᠠᠮᠤᠷᠴᠦ ᠲᠠᠢ᠍ᠢ᠍ᠯᠦᠭᠰᠡᠨ ᠦᠭᠡᠢ᠂ ᠪᠤᠰᠤᠳᠤᠨᠬᠢ ᠵᠢ ᠤᠷᠴᠢᠭᠤᠯᠵᠤ ᠪᠠᠭᠤᠯᠭ᠋ᠠᠵᠤ ᠠᠪᠤᠭᠰᠠᠨᠨᠢ ᠠᠷᠪᠢᠨ ᠪᠠᠶ᠋ᠢᠭᠠ ᠪᠤᠳᠠᠲᠠᠢ ᠪᠠᠶ᠋ᠢᠳᠠᠯᠳᠤ ᠬᠠᠨᠳᠤᠭᠤᠯᠤᠨ ᠦᠨᠳᠦᠰᠦᠲᠡᠨᠤ ᠵᠠᠩ ᠦᠢ᠍ᠯᠡ ᠵᠢᠨ ᠲᠤᠬᠠᠢ ᠵᠢᠭ᠋ᠠᠬᠤ ᠮᠠᠲᠸᠷᠢᠶᠠᠯ ᠨᠠᠶ᠋ᠢᠷᠠᠭᠤᠯᠤᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠᠳᠤᠪᠠᠨ ᠬᠡᠷᠡᠭᠯᠡᠬᠦᠨᠢ ᠲᠦᠢ᠍ᠯᠤᠨ ᠴᠢᠬᠤᠯᠠ ᠢᠳᠡᠪᠬᠢᠳᠠᠢ ᠦᠢ᠍ᠯᠡᠳᠦᠯᠲᠠᠢ᠃ ᠤᠳᠤ ᠵᠢᠨ ᠴᠡᠴᠡᠷᠯᠢᠭᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠤᠷᠤᠰᠢᠵᠤ ᠪᠠᠶ᠋ᠢᠬᠤ ᠠᠰᠠᠭᠤᠳᠠᠯ ᠵᠶ᠋ᠠᠷ ᠵᠢᠱ᠌ᠢᠶᠡᠯᠡᠵᠦ ᠬᠡᠯᠡᠪᠡᠯ᠄ ᠴᠡᠴᠡᠷᠯᠢᠭᠤᠨ ᠵᠢᠭ᠋ᠠᠬᠤ ᠮᠠᠲᠸᠷᠢᠶᠠᠯ ᠲᠤᠲᠤᠷᠠ ᠦᠨᠳᠦᠰᠦᠲᠡᠨᠤ ᠵᠠᠩ ᠦᠢ᠍ᠯᠡᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠳᠠᠭᠤᠤ ᠲᠦᠢ᠍ᠯᠤᠨ ᠴᠦᠭᠡᠨ ᠪᠠᠶ᠋ᠢᠨᠠ᠃ ᠠ᠋ᠶ᠋ᠢᠮᠦ ᠪᠠᠶ᠋ᠢᠳᠠᠯ ᠳᠤᠤᠷᠠ ᠪᠠᠭᠰᠢ ᠨᠠᠷᠠᠴᠠ ᠦᠪᠡᠷ ᠵᠶ᠋ᠠᠨ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠦᠢ᠍ᠯᠡᠲᠠᠢ ᠬᠤᠯᠪᠤᠭᠳᠠᠭ᠍ᠤ ᠳᠠᠭᠤᠤ ᠵᠢ ᠵᠤᠬᠢᠶᠠᠵᠤ ᠬᠡᠷᠡᠭᠯᠡᠵᠦ ᠪᠤᠯᠤᠨᠠ᠃ ᠪᠠᠰᠠ ᠴᠡᠴᠡᠷᠯᠢᠭᠤᠳ ᠬᠤᠭᠤᠷᠤᠨᠳᠤᠪᠠᠨ ᠵᠢᠭ᠋ᠠᠬᠤ ᠮᠠᠲᠸᠷᠢᠶᠠᠯ ᠵᠶ᠋ᠠᠨ ᠰᠤᠯᠢᠯᠴᠠᠵᠤ ᠪᠠᠶ᠋ᠢᠭ᠋ᠠᠳ ᠬᠡᠥᠬᠡᠳᠤᠳᠤᠨ ᠳᠤᠷᠠ ᠪᠠᠬᠠ ᠪᠠ ᠨᠠᠰᠤᠨᠤ ᠤᠨᠴᠠᠯᠢᠭᠲᠤ ᠲᠤᠬᠢᠷᠠᠭᠰᠠᠨ ᠪᠦᠷᠢᠨ ᠪᠦᠲᠦᠨ ᠰᠢᠰᠲᠸᠮᠴᠢᠯᠡᠭᠰᠡᠨ ᠦᠨᠳᠦᠰᠦᠲᠡᠨᠤ ᠵᠠᠩ ᠦᠢ᠍ᠯᠡ ᠵᠢᠨ ᠲᠤᠬᠠᠢ ᠵᠢᠷᠤᠭᠲᠤ ᠳᠡᠪᠲᠡᠷ᠂ ᠬᠡᠷᠡᠯᠯᠢᠭ ᠲᠠᠪᠠᠭ ᠭᠠᠷᠭ᠋ᠠᠪᠠᠯ ᠮᠤᠩᠭᠤᠯ ᠴᠡᠴᠡᠷᠯᠢᠭᠤᠨ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠦᠢ᠍ᠯᠡ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠶᠡᠬᠡᠬᠡᠨ ᠲᠤᠰᠠᠯᠠᠮᠵᠢ ᠪᠤᠯᠤᠨᠠ᠃
（ᠨᠠᠢ᠍ᠮᠠ） ᠤᠯᠠᠮᠵᠢᠯᠠᠯᠲᠤ ᠵᠠᠩ ᠳᠠᠳᠬᠠᠯᠢ ᠦᠢ᠍ᠯᠡᠳᠦᠯᠭᠡ ᠵᠢᠨ ᠳᠤᠮᠳᠠ ᠤᠴᠢᠵᠤ ᠰᠤᠷᠤᠯᠴᠠᠭ᠍ᠤ ᠨᠦᠬᠦᠴᠡᠯᠢ ᠪᠤᠢ ᠪᠤᠯᠭ᠋ᠠᠵᠤ ᠦᠭᠬᠦ᠃
ᠮᠤᠩᠭᠤᠯ ᠬᠡᠥᠬᠡᠳᠤᠳᠲᠤᠪᠠᠨ ᠦᠨᠳᠦᠰᠦᠲᠡᠨᠤᠪᠠᠨ ᠰᠤᠶᠤᠯ ᠤᠯᠠᠮᠵᠢᠯᠠᠯ᠂ ᠵᠠᠩ ᠳᠠᠳᠬᠠᠯᠢ ᠤᠶ᠋ᠢᠯᠭ᠋ᠠᠭᠤᠯᠬᠤᠨᠢ ᠮᠠᠨᠤ ᠦᠨᠳᠦᠰᠦᠲᠡᠨᠤ ᠬᠤᠵᠢᠮ ᠬᠤᠶ᠋ᠢᠰᠢᠲᠠ ᠵᠢᠨ ᠤᠷᠤᠰᠢᠨ ᠲᠤᠭᠲᠠᠨᠢᠯ ᠪᠠ ᠬᠦᠭᠵᠢᠯᠲᠡᠲᠠᠢ ᠬᠤᠯᠪᠤᠭᠳᠠᠭ᠍ᠤ ᠲᠤᠮᠤᠬᠠᠨ ᠠᠰᠠᠭᠤᠳᠠᠯ ᠶᠤᠮ᠃ ᠰᠤᠷᠭ᠋ᠠᠭᠤᠯᠢᠳᠤ ᠲᠤᠰᠬᠠᠢ᠍ᠢ᠍ᠯᠠᠨ ᠵᠡᠩ ᠦᠢ᠍ᠯᠡ ᠵᠢᠨ ᠬᠢᠴᠢᠶᠡᠯ ᠨᠡᠭᠡᠬᠡᠵᠦ ᠰᠤᠷᠤᠭᠴᠢᠳᠢ ᠳᠠᠭ᠋ᠠᠭᠤᠯᠤᠨ ᠬᠦᠳᠡᠭᠡ ᠵᠢᠨ ᠮᠠᠯᠴᠢᠨ ᠠᠶ᠋ᠢᠯᠳᠤ ᠤᠴᠢᠵᠤ᠂ ᠮᠠᠯᠴᠢᠳ ᠵᠶ᠋ᠠᠷ ᠪᠠᠭᠰᠢ ᠪᠠᠷᠢᠭᠤᠯᠤᠨ᠂ ᠮᠠᠯ ᠤᠨᠤᠭ᠋ᠠᠨᠤ ᠲᠤᠬᠠᠢ ᠵᠠᠩ ᠦᠢ᠍ᠯᠡ ᠵᠡᠷᠭᠡ ᠵᠢ ᠰᠤᠷᠤᠯᠴᠠᠭᠤᠯᠤᠨᠠ᠃ ᠤᠪᠤᠭᠠ ᠲᠠᠬᠢᠯᠭᠠ᠂ ᠨᠠᠶ᠋ᠢᠷ ᠨᠠᠭ᠋ᠠᠳᠤᠮᠤᠨ ᠴᠤᠭᠯᠠᠭ᠋ᠠᠨ ᠵᠡᠷᠭᠡᠳᠤ ᠪᠤᠳᠠᠳᠠᠢ ᠪᠠᠢ᠍ᠢ᠍ᠳᠠᠯ ᠵᠶ᠋ᠠᠨ ᠦᠨᠳᠦᠰᠦᠯᠡᠨ ᠰᠤᠷᠤᠭᠴᠢᠳᠢ ᠵᠤᠬᠢᠶᠠᠨ ᠪᠠᠶ᠋ᠢᠭᠤᠯᠤᠨ ᠤᠴᠢᠭᠤᠯᠵᠤ ᠲᠤᠰᠬᠠᠢ ᠰᠡᠳᠦᠪᠲᠦ ᠵᠠᠩ ᠦᠢ᠍ᠯᠡ ᠵᠢᠨ ᠬᠢᠴᠢᠶᠡᠯᠢ ᠤᠷᠤᠭᠤᠯᠤᠨᠠ᠃ ᠠ᠋ᠭᠦᠨᠠᠴᠠ ᠭᠠᠳᠠᠨᠠ ᠬᠠᠮᠢᠶᠠ ᠪᠦᠬᠦᠢ ᠵᠠᠩ ᠦᠢ᠍ᠯᠡ ᠦᠢ᠍ᠯᠡᠳᠦᠯᠭᠡ ᠵᠢᠨ ᠬᠢᠴᠢᠶᠡᠯᠳᠤ ᠢᠯᠡᠭᠦᠬᠡᠨ ᠤᠷᠤᠯᠴᠠᠭᠤᠯᠤᠨᠠ᠃
ᠭᠤᠷᠪᠠ᠂ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠢ ᠴᠡᠴᠡᠷᠯᠢᠭᠤᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠᠲᠠᠢ ᠤᠶᠠᠯᠳᠤᠭᠤᠯᠬᠤ ᠵᠢᠨ ᠠᠴᠢ ᠬᠤᠯᠪᠤᠭᠳᠠᠯ
（ᠨᠢᠭᠡ） ᠦᠨᠳᠦᠰᠦᠲᠡᠨᠤ ᠵᠠᠩ ᠦᠢ᠍ᠯᠡ ᠵᠢᠨ ᠬᠦᠮᠦᠵᠢᠯ ᠬᠢᠬᠦᠨᠢ ᠦᠨᠳᠦᠰᠦᠲᠡᠨᠤ ᠰᠢᠯᠢᠳᠡᠭ ᠪᠤᠯᠪᠠᠰᠤᠨ ᠵᠠᠩ ᠰᠤᠷᠲᠠᠯᠢ ᠤᠯᠠᠮᠵᠢᠯᠠᠵᠤ᠂ ᠪᠤᠯᠪᠠᠰᠤᠨ ᠶᠤᠰᠤᠷᠬᠠᠭ᠂ ᠬᠡᠪ ᠪᠤᠯᠪᠠᠰᠤᠷᠠᠯ ᠰᠠᠶ᠋ᠢᠲᠠᠢ ᠬᠤᠶ᠋ᠢᠴᠢ ᠨᠢᠭᠡᠨ ᠦᠶᠡ ᠵᠢ ᠬᠦᠮᠦᠵᠢᠭᠦᠯᠬᠦ ᠵᠢᠨ ᠲᠦᠯᠦᠭᠡ ᠶᠤᠮ᠃
ᠬᠡᠥᠬᠡᠳᠲᠤ ᠨᠢᠯᠬᠠ ᠪᠠᠯᠴᠢᠷᠠᠴᠠᠨᠢ ᠠ᠋ᠬᠢᠯᠡᠨ ᠠᠪᠤ ᠡᠵᠢ ᠠᠬᠠᠰ ᠵᠠᠭ᠍ᠠᠰ ᠵᠶ᠋ᠠᠨ ᠬᠦᠨᠳᠦᠯᠡᠬᠦ ᠶᠤᠰᠤᠨᠢ ᠰᠤᠷᠭ᠋ᠠᠵᠤ᠂ ᠮᠡᠨᠳᠦᠴᠢᠯᠡᠨ ᠵᠤᠯᠭ᠋ᠠᠬᠤ ᠶᠤᠰᠤᠨ᠂ ᠵᠤᠴᠢᠨ ᠤᠭᠳᠤᠵᠤ ᠦᠳᠡᠬᠦ ᠶᠤᠰᠤᠨ᠂ ᠪᠤᠰᠤᠳᠲᠤ ᠪᠡᠯᠡᠭ ᠬᠦᠷᠭᠡᠬᠦ ᠪᠠ ᠪᠤᠰᠤᠳᠠᠴᠠ ᠪᠡᠯᠡᠭ ᠲᠤᠰᠬᠤ ᠶᠤᠰᠤᠨ ᠵᠡᠷᠭᠡ ᠵᠢ ᠮᠡᠳᠡᠭᠦᠯᠬᠦ ᠪᠠ ᠰᠤᠷᠭ᠋ᠠᠬᠤᠨᠢ ᠪᠦᠷ ᠪᠤᠯᠪᠠᠰᠤᠨ ᠰᠠᠶ᠋ᠢᠬᠠᠨ ᠮᠤᠷᠠᠯᠤᠨ ᠬᠦᠮᠦᠵᠢᠯ ᠤᠯᠭᠤᠵᠤ ᠪᠠᠶ᠋ᠢᠭᠠ ᠶᠠᠪᠤᠴᠠ ᠪᠤᠯᠤᠨᠠ᠃ ᠤᠪᠤᠭᠠ ᠲᠠᠬᠢᠬᠤ ᠵᠠᠩ ᠦᠢ᠍ᠯᠡᠠᠴᠠ ᠬᠡᠥᠬᠡᠳᠲᠤ ᠮᠤᠩᠭᠤᠯᠴᠤᠳᠤᠨ ᠤᠷᠤᠰᠢᠨ ᠠᠮᠢᠳᠤᠷᠠᠵᠤ ᠪᠦᠬᠦᠢ ᠠ᠋ᠬᠡ ᠪᠠᠶ᠋ᠢᠭ᠋ᠠᠯᠢᠪᠠᠨ ᠬᠠᠶ᠋ᠢᠷᠠᠯᠠᠵᠤ᠂ ᠪᠠᠶ᠋ᠢᠭ᠋ᠠᠯᠢ ᠳᠡᠯᠡᠬᠡᠢᠲᠠᠢᠪᠠᠨ ᠠ᠋ᠶᠡ ᠵᠤᠬᠢᠴᠠᠨ ᠠᠮᠢᠳᠤᠷᠠᠭᠰᠠᠭ᠋ᠠᠷ ᠢᠷᠡᠭᠰᠡᠨ ᠭᠦᠨ ᠨᠢᠭᠤᠴᠠᠭ᠋ᠠᠢ ᠰᠤᠶᠤᠯᠤᠨ ᠤᠬᠠᠮᠰᠠᠷᠲᠠᠢ ᠪᠠᠶ᠋ᠢᠳᠠᠭᠢ ᠮᠡᠳᠡᠭᠦᠯᠦᠨᠡ᠃ ᠠ᠋ᠨᠡ ᠬᠦ᠌ ᠬᠦᠮᠦᠵᠢᠯ ᠳᠤᠮᠳᠠ ᠬᠡᠥᠬᠡᠳᠤᠨ ᠬᠠᠶ᠋ᠢᠷᠠ ᠰᠡᠳᠭᠢᠯᠭᠡ ᠪᠠ ᠦᠵᠡᠯ ᠲᠠᠨᠢᠯᠲᠠ ᠵᠢᠨ ᠲᠠᠯᠠᠪᠠᠷᠬᠢ ᠬᠦᠮᠦᠵᠢᠯᠨᠢ ᠢᠳᠡᠭ ᠢᠳᠡᠭ ᠵᠶ᠋ᠠᠷ ᠭᠦᠨᠵᠡᠭᠡᠶ᠋ᠢᠷᠡᠵᠦ᠂ ᠠ᠋ᠳᠦᠷᠤᠨ ᠤᠳᠠᠭ᠋ᠠᠨᠳᠤᠪᠠᠨ ᠬᠡᠪ ᠪᠤᠯᠪᠠᠰᠤᠷᠠᠯᠨᠢ ᠠᠶᠠᠨᠳᠠᠭ᠋ᠠᠨ ᠳᠡᠭᠡᠭᠰᠢᠯᠡᠨᠡ᠃
（ᠬᠤᠶᠠᠷ） ᠦᠨᠳᠦᠰᠦᠲᠡᠨᠤ ᠵᠠᠩ ᠦᠢ᠍ᠯᠡ ᠵᠢᠨ ᠬᠦᠮᠦᠵᠢᠯ ᠬᠢᠭᠦᠨᠢ ᠮᠤᠩᠭᠤᠯ ᠦᠭᠡ ᠬᠡᠯᠡ ᠰᠤᠷᠤᠯᠴᠠᠬᠤ ᠰᠠᠢ᠍ᠢ᠍ᠨ ᠰᠠᠢ᠍ᠢ᠍ᠬᠠᠨ ᠬᠡᠯᠡᠨᠤ ᠤᠷᠴᠢᠨᠢ ᠪᠦᠷᠢᠯᠳᠦᠭᠦᠯᠵᠦ᠂ ᠦᠭᠡᠰᠤᠨ ᠰᠠᠩᠢ ᠪᠠᠶᠠᠯᠢᠬ᠍ᠵᠢᠭᠤᠯᠬᠤ ᠠᠴᠢ ᠬᠤᠯᠪᠤᠭᠳᠠᠯᠲᠠᠢ᠃
ᠬᠡᠯᠡ ᠪᠤᠯ ᠰᠤᠶᠤᠯᠤᠨ ᠨᠢᠭᠡ ᠬᠡᠰᠡᠭ᠂ ᠬᠡᠯᠡᠨᠳᠤ ᠦᠨᠳᠦᠰᠦᠲᠡᠨᠤ ᠰᠤᠶᠤᠯ ᠵᠠᠩ ᠵᠠᠩᠰᠢᠯ ᠠᠭᠤᠰᠤᠨ ᠰᠢᠩᠭᠡᠵᠦ ᠪᠤᠢ᠃ ᠮᠤᠩᠭᠤᠯ ᠬᠡᠯᠡ ᠦᠭᠡᠢ ᠪᠤᠯ ᠮᠤᠩᠭᠤᠯ ᠰᠤᠶᠤᠯ ᠪᠠᠶ᠋ᠢᠵᠤ ᠴᠢᠳᠠᠭ᠍ᠤ ᠦᠭᠡᠢ᠂ ᠮᠤᠩᠭᠤᠯ ᠬᠡᠯᠡᠪᠠᠨ ᠰᠠᠶ᠋ᠢᠨ ᠰᠤᠷᠤᠶᠠ ᠭᠡᠪᠡᠯ ᠮᠤᠩᠭᠤᠯ ᠠᠮᠢᠳᠤᠷᠠᠯ ᠵᠶ᠋ᠠᠨ ᠤᠶ᠋ᠢᠯᠠᠭ᠋ᠠᠵᠤ ᠮᠡᠳᠡᠬᠦ ᠬᠡᠷᠡᠭᠲᠡᠢ᠃ ᠦᠨᠳᠦᠰᠦᠲᠡᠨᠤ ᠵᠠᠩ ᠦᠢ᠍ᠯᠡ ᠵᠢᠨ ᠬᠦᠮᠦᠵᠢᠯ ᠬᠢᠬᠦᠨᠢ ᠬᠡᠥᠬᠡᠳᠲᠤ ᠮᠤᠩᠭᠤᠯ ᠠᠮᠢᠳᠤᠷᠠᠯᠢ ᠮᠡᠳᠡᠭᠦᠯᠵᠦ᠂ ᠮᠠᠯᠵᠢᠬᠤ ᠠᠮᠢᠳᠤᠷᠠᠯᠠᠴᠠ ᠬᠤᠯᠠᠳᠤᠭᠰᠠᠨᠠᠴᠠ ᠪᠤᠢ ᠪᠤᠯᠤᠭᠰᠠᠨ ᠨᠦᠯᠦᠭᠡ ᠵᠢ ᠪᠠᠭ᠋ᠠᠰᠬᠠᠵᠤ ᠴᠢᠳᠠᠨᠠ᠃
（ᠭᠤᠷᠪᠠ） ᠦᠨᠳᠦᠰᠦᠲᠡᠨᠤ ᠵᠠᠩ ᠦᠢ᠍ᠯᠡ ᠵᠢᠨ ᠬᠦᠮᠦᠵᠢᠯ ᠬᠢᠬᠦᠨᠢ ᠬᠡᠥᠬᠡᠳᠲᠤ ᠬᠠᠷᠠᠬᠠᠨ ᠪᠠᠭᠠᠠᠴᠠᠨᠢ ᠦᠪᠡᠷᠤᠨ ᠦᠨᠳᠦᠰᠦᠲᠡᠨᠢᠨᠢ ᠲᠠᠨᠢᠭᠤᠯᠤᠨ ᠮᠡᠳᠡᠭᠦᠯᠵᠦ᠂ ᠠ᠋ᠭᠦᠨᠤ ᠤᠯᠠᠮᠠᠴᠠ ᠦᠪᠡᠷᠤᠨ ᠦᠨᠳᠦᠰᠦᠲᠡᠨ ᠵᠶ᠋ᠠᠨ ᠪᠠᠭ᠍ᠠᠷᠬᠠᠵᠤ᠂ ᠦᠨᠳᠤᠰᠤᠳᠠᠨ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠭ᠍ᠤ ᠰᠡᠳᠭᠢᠯᠭᠡᠲᠠᠢ ᠪᠤᠯᠭ᠋ᠠᠨ ᠬᠦᠮᠦᠵᠢᠭᠦᠯᠬᠦ ᠠᠴᠢ ᠬᠤᠯᠪᠤᠭᠳᠠᠯᠲᠠᠢ᠃
ᠬᠡᠥᠬᠡᠳᠲᠤ ᠨᠢᠯᠬᠠ ᠪᠡᠯᠴᠢᠷᠠᠴᠠᠨᠢ ᠮᠤᠩᠭᠤᠯ ᠦᠨᠳᠦᠰᠦᠲᠡᠨᠤ ᠰᠢᠯᠢᠳᠡᠭ ᠰᠠᠶ᠋ᠢᠬᠠᠨ ᠶᠣᠰᠣ ᠵᠠᠩᠰᠢᠯ᠂ ᠠ᠋ᠷᠡᠯᠬᠡᠭ ᠪᠠᠭ᠋ᠠᠲᠣᠷᠯᠢᠭ ᠵᠤᠷᠢᠭ ᠰᠠᠨᠠᠭᠠ ᠵᠢ ᠤᠶ᠋ᠢᠯᠠᠭ᠋ᠠᠭᠤᠯᠤᠨ ᠮᠠᠳᠡᠭᠦᠯᠪᠡᠯ ᠬᠡᠤᠭᠡᠳ ᠮᠤᠩᠭᠤᠯ ᠬᠦᠮᠦᠨ ᠪᠤᠯᠤᠭᠰᠡᠨᠳᠤᠪᠠᠨ ᠤᠮᠤᠭᠰᠢᠨ ᠪᠠᠭ᠍ᠠᠲᠤᠬᠤ ᠰᠡᠳᠬᠢᠯ ᠲᠦᠷᠦᠨ᠂ ᠠ᠋ᠭᠦᠨᠤ ᠤᠯᠠᠮ ᠵᠶ᠋ᠠᠷ ᠦᠨᠳᠦᠰᠦᠲᠡᠨ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠬᠤ ᠰᠡᠳᠬᠢᠯᠭᠡᠨᠢ ᠠᠶᠠᠨᠳᠠᠭ᠋ᠠᠨ ᠬᠦᠮᠦᠵᠢᠭᠳᠡᠨᠡ᠃
（ᠲᠦᠷᠪᠡ） ᠦᠨᠳᠦᠰᠦᠲᠡᠨᠤ ᠵᠠᠩ ᠦᠢ᠍ᠯᠡ ᠵᠢᠨ ᠬᠦᠮᠦᠵᠢᠯ ᠬᠢᠬᠦᠨᠢ ᠬᠡᠤᠬᠡᠳᠤᠨ ᠲᠦᠷᠦᠯᠬᠢ ᠬᠡᠯᠡᠨᠤ ᠮᠡᠳᠡᠷᠡᠮᠵᠢ ᠵᠢ ᠲᠡᠭᠡᠭᠰᠢᠯᠡᠭᠦᠯᠦᠨ ᠬᠡᠯᠡᠨᠤ ᠬᠦᠭᠵᠢᠯᠢ ᠠᠬᠢᠭᠤᠯᠵᠦ᠂ ᠴᠡᠴᠡᠷᠯᠢᠭᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠪᠠ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠤ 《ᠠᠮᠠ ᠰᠡᠭᠡᠷ》 ᠵᠤᠯᠭ᠋ᠠᠭᠤᠯᠬᠤ ᠦᠢ᠍ᠯᠡᠳᠤᠯ ᠦᠵᠡᠭᠦᠯᠳᠡᠭ
ᠬᠡᠯᠡ ᠪᠢᠴᠢᠭᠤᠨ ᠬᠢᠴᠢᠶᠡᠯᠯᠡᠭᠡᠳᠤ ᠬᠦᠴᠢᠷᠲᠠᠢ ᠠᠰᠠᠭᠤᠳᠠᠯ ᠲᠤᠯᠭ᠋ᠠᠷᠠᠵᠤ ᠪᠠᠶ᠋ᠢᠭᠠ ᠵᠢᠨ ᠨᠢᠭᠡᠨ ᠰᠢᠯᠳᠠᠭ᠋ᠠᠨ ᠪᠤᠯ ᠮᠤᠩᠭᠤᠯ ᠬᠡᠥᠬᠡᠳ ᠮᠠᠯᠵᠢᠬᠤ ᠠᠮᠢᠳᠤᠷᠠᠯᠠᠴᠠᠪᠠᠨ ᠬᠤᠯᠠᠳᠤᠭᠰᠠᠨᠠᠴᠠ ᠪᠤᠯᠵᠤ ᠮᠠᠯᠵᠢᠬᠤ ᠠᠮᠢᠳᠤᠷᠠᠯᠳᠤᠬᠢ ᠦᠭᠡ ᠶᠠᠷᠢᠶᠠ ᠵᠢ ᠮᠡᠳᠡᠬᠦ ᠦᠭᠡᠢ ᠪᠤᠯᠤᠭᠰᠠᠨ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠠ᠋ᠶ᠋ᠢᠮᠦᠠᠴᠠ ᠮᠤᠩᠭᠤᠯ ᠬᠡᠥᠬᠡᠳᠲᠤᠪᠠᠨ ᠮᠠᠯᠵᠢᠬᠤ ᠠᠮᠢᠳᠤᠷᠠᠯᠳᠤᠬᠢ ᠦᠭᠡ ᠶᠠᠷᠢᠶᠠ ᠵᠢ ᠰᠤᠷᠭ᠋ᠠᠵᠤ᠂ ᠲᠡᠳᠡᠨᠢ ᠪᠠᠶᠠᠯᠢᠭ ᠰᠠᠶ᠋ᠢᠬᠠᠨ ᠦᠭᠡᠰᠤᠨ ᠰᠠᠩᠲᠠᠢ ᠪᠤᠯᠭ᠋ᠠᠵᠤ ᠬᠦᠮᠦᠵᠢᠭᠦᠯᠬᠦᠨᠢ ᠵᠠᠯᠭ᠋ᠠᠭ᠋ᠠᠳ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠬᠦᠷᠲᠡᠬᠦᠳᠤᠨᠢ ᠰᠠᠭᠤᠷᠢ ᠲᠠᠯᠪᠢᠨ 《ᠠᠮᠠ ᠰᠡᠭᠡᠷ》 ᠵᠤᠯᠭ᠋ᠠᠭᠤᠯᠤᠭᠰᠠᠨ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠴᠡᠴᠡᠷᠯᠢᠭᠤᠨ ᠦᠶᠡ ᠪᠤᠯ ᠶᠠᠭ ᠬᠡᠯᠡᠨᠤ ᠮᠡᠳᠡᠷᠡᠮᠵᠢ ᠵᠢ ᠬᠦᠮᠦᠵᠢᠭᠦᠯᠬᠦ ᠪᠠ ᠬᠡᠯᠡᠨᠤ ᠬᠦᠭᠵᠢᠯᠲᠡ ᠵᠢᠨ ᠵᠠᠩᠭᠢᠯᠠᠭᠠ ᠵᠢᠨ ᠴᠠᠭ ᠪᠤᠯᠤᠨᠠ᠃ ᠴᠡᠴᠡᠷᠯᠢᠭᠤᠨ ᠬᠡᠥᠬᠡᠳᠠᠴᠠ ᠠ᠋ᠬᠢᠯᠡᠨ ᠦᠭᠡᠰᠤᠨ ᠰᠠᠩᠢᠨᠢ ᠪᠠᠶᠠᠯᠢᠬ᠍ᠵᠢᠭᠤᠯᠵᠤ᠂ ᠬᠡᠯᠡ ᠬᠡᠯᠡᠯᠭᠡ ᠵᠢ ᠤᠷᠤᠰᠤᠮᠠ ᠰᠤᠷᠭ᠋ᠠᠵᠤ᠂ ᠬᠡᠯᠡᠨᠤ ᠮᠡᠳᠡᠷᠡᠮᠵᠢ ᠵᠢ ᠠᠩᠬᠠᠷᠤᠨ ᠬᠦᠮᠦᠵᠢᠭᠦᠯᠬᠦᠨᠢ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠡᠯᠡ ᠪᠢᠴᠢᠭᠤᠨ ᠬᠢᠴᠢᠶᠡᠯᠯᠡᠭᠡᠳᠤ ᠰᠠᠭᠤᠷᠢ ᠲᠠᠯᠪᠢᠵᠤ ᠪᠠᠶ᠋ᠢᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ᠃
ᠵᠡᠭᠦᠯᠳᠡ
① ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠭ᠍ᠤ ᠤᠷᠤᠨᠤ ᠴᠦᠭᠡᠨ ᠲᠤᠭ᠋ᠠᠲᠤ ᠦᠨᠳᠦᠰᠦᠲᠡᠨᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠰᠤᠳᠤᠯᠭ᠋ᠠᠨᠤ ᠨᠡᠶ᠋ᠢᠭᠡᠮᠯᠢᠭ᠂ 《ᠦᠨᠳᠦᠰᠦᠲᠡᠨᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠲᠤᠬᠠᠢ ᠦᠭᠦᠯᠡᠯᠤᠳ》᠂ 1987 ᠤᠨᠤ 6 ᠰᠠᠷᠠ
② ᠰᠦᠮᠪᠦᠷ᠂ 《ᠦᠨᠳᠦᠰᠦᠳᠡᠨᠤ ᠦᠪ ᠰᠤᠶᠤᠯᠤᠨ ᠤᠯᠠᠮᠵᠢᠯᠠᠯᠳᠠ ᠪᠤᠯ ᠮᠤᠩᠭᠤᠯ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠠᠮᠢᠨ ᠰᠦᠨᠡᠰᠦ》᠂ 2004 ᠤᠨᠤ 5 ᠰᠠᠷᠠ
③ ᠨᠠᠷᠠᠨᠴᠤᠬᠠᠭ᠂ 《ᠤᠯᠠᠮᠵᠢᠯᠠᠯᠳᠦ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠢ ᠴᠡᠴᠡᠷᠯᠢᠭᠤᠨ ᠰᠤᠷᠭ᠋ᠠᠯᠳᠠᠳᠤ ᠤᠶᠠᠯᠳᠤᠭᠤᠯᠬᠤ ᠲᠤᠬᠠᠢ ᠦᠭᠦᠯᠡᠬᠦᠨᠢ》᠂ 2013 ᠤᠨᠤ 8 ᠰᠠᠷᠠ
④ ᠡᠦ ᠵᠢᠨ ᠪᠤᠤ᠂ ᠰᠤᠳᠤᠪᠢᠯᠢᠭ᠌᠂ 《ᠮᠤᠩᠭᠤᠯ ᠬᠡᠥᠬᠡᠳᠤᠨ ᠤᠯᠠᠮᠵᠢᠯᠠᠯᠲᠤ ᠨᠠᠭ᠋ᠠᠳᠤᠮ》᠂ ᠦᠪᠦᠷ ᠮᠤᠩᠭᠤᠯᠤᠨ ᠠᠷᠠᠳᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ 1991 ᠤᠨᠤ 4 ᠰᠠᠷᠠ
⑤ ᠮᠦᠩᠭᠦᠨᠴᠡᠴᠡᠭ᠂ ᠴᠢᠩ ᠱᠠᠨ᠂ 《ᠵᠠᠩ ᠦᠢ᠍ᠯᠡ ᠦᠪ ᠰᠤᠶᠤᠯ》᠂ ᠦᠪᠦᠷ ᠮᠤᠩᠭᠤᠯᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ 2008 ᠤᠨᠤ 12 ᠰᠠᠷᠠ
ᠬᠠᠶᠢᠬ᠄ ᠠ᠋ᠷᠢᠶᠡᠨ ᠬᠤᠳᠠ ᠵᠢᠨ ᠥᠨᠳᠥᠰᠥᠳᠡᠨᠤ ᠬᠡᠤᠬᠡᠳᠤᠨ ᠴᠡᠴᠡᠷᠯᠢᠭ
（ᠦᠨᠡᠨᠪᠠᠳᠤ ᠨᠠᠢ᠍ᠢ᠍ᠷᠠᠭᠤᠯᠪᠠ）
2019 ᠣᠨᠤ 3 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ