ᠤᠳᠤᠩᠭᠤᠸᠠ ᠦᠨᠳᠤᠰᠤ
《ᠠᠨᠳᠠ》 ᠭᠡᠰᠡᠨ ᠦᠭᠡ ᠪᠤᠯ 《ᠨᠢᠭᠤᠴᠠ ᠲᠤᠪᠴᠢᠶᠠᠨ》ᠳᠤ ᠲᠡᠮᠳᠡᠭᠯᠡᠰᠤᠳᠠᠢ ᠠ᠋ᠷᠳᠡᠨᠤ ᠦᠭᠡ ᠶᠤᠮ᠃ ᠤᠳᠤ ᠪᠤᠯᠬᠤᠳᠤ 《ᠠᠨᠳᠠ》 ᠭᠡᠰᠡᠨ ᠦᠭᠡᠨᠤ ᠤᠳᠬᠠ ᠪᠠᠯᠠᠷᠬᠠᠶ᠋ᠢᠰᠢᠵᠤ 《ᠠᠨᠳᠠ ᠨᠦᠬᠦᠳ》᠂ 《ᠠᠨᠳᠠ ᠨᠠᠶ᠋ᠢᠵᠠ》 ᠭᠡᠬᠦ ᠮᠡᠳᠤᠴᠢᠯᠡᠨ ᠬᠤᠯᠪᠤᠭᠠ ᠦᠭᠡᠪᠠᠷ ᠭᠡᠷᠡᠭᠯᠡᠬᠦ ᠲᠤᠬᠢᠶᠠᠯᠳᠤᠯ ᠤᠯᠠᠨ ᠪᠤᠯᠤᠭᠰᠠᠨ ᠪᠠᠶ᠋ᠢᠳᠠᠭ᠃ ᠦᠨᠡᠨᠳᠤᠪᠠᠨ 《ᠠᠨᠳᠠ》᠂ 《ᠨᠦᠬᠦᠷ》᠂ 《ᠨᠠᠶ᠋ᠢᠵᠠ》 ᠵᠢᠨ ᠬᠤᠭᠤᠷᠤᠨᠳᠤ ᠤᠳᠬᠠ ᠵᠢᠨ ᠲᠤᠳᠤᠷᠬᠠᠢ ᠢᠯᠭ᠋ᠠᠭᠠᠲᠠᠢ ᠪᠠᠶ᠋ᠢᠳᠠᠭ᠃ 《ᠠᠨᠳᠠ》 ᠭᠡᠰᠡᠨ ᠦᠭᠡ ᠵᠢᠨ ᠬᠤᠪᠢ ᠵᠢᠨ ᠵᠢᠩ ᠪᠤᠯ 《ᠨᠠᠶ᠋ᠢᠵᠠ》 《ᠨᠦᠬᠦᠷ》ᠠᠴᠠ ᠬᠤᠯᠠ ᠬᠦᠨᠳᠤ ᠶᠤᠮ᠃
ᠴᠡᠪᠡᠯᠤᠨ 《ᠮᠤᠩᠭᠤᠯ ᠬᠡᠯᠡᠨᠤ ᠲᠠᠶ᠋ᠢᠯᠪᠤᠷᠢ ᠲᠤᠯᠢ》ᠳᠤ 《ᠠᠨᠳᠠ ᠪᠤᠯᠤᠯᠴᠠᠭ᠍ᠤ》 ᠭᠡᠰᠡᠨᠢ 《ᠲᠠᠩᠭ᠋ᠠᠷᠢᠭ ᠲᠠᠯᠪᠢᠬᠤ᠂ ᠪᠠᠷᠢᠯᠳᠤᠬᠤ》 ᠭᠡᠵᠤ ᠲᠠᠶ᠋ᠢᠯᠪᠤᠷᠢᠯᠠᠭᠰᠠᠨ ᠪᠠᠶ᠋ᠢᠳᠠᠭ᠃ ᠴᠡᠩᠭᠡᠯᠤᠨ 《ᠮᠤᠩᠭᠤᠯ ᠶᠤᠰᠤ ᠵᠠᠩᠰᠢᠯᠤᠨ ᠲᠤᠯᠢ》ᠳᠤ᠄ 《ᠮᠤᠩᠭᠤᠯᠴᠤᠳᠤᠨ ᠨᠢᠭᠡ ᠵᠠᠩᠰᠢᠯᠨᠢ ᠠᠨᠳᠠ ᠪᠤᠯᠤᠯᠴᠠᠭ᠍ᠤ ᠶᠤᠰᠤ ᠶᠤᠮ᠃ ᠠ᠋ᠨᠡ ᠲᠠᠯᠠᠪᠠᠷ 〈ᠮᠤᠩᠭᠤᠯᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ〉᠂ 〈ᠠᠯᠳᠠᠨ ᠲᠤᠪᠴᠢ〉 ᠵᠡᠷᠭᠡ ᠲᠡᠤᠭᠡ ᠵᠢᠨ ᠤᠭ ᠰᠤᠷᠪᠤᠯᠵᠢ ᠪᠢᠴᠢᠭᠤᠳᠲᠤ ᠪᠠᠷᠢᠮᠳᠠ ᠵᠢᠱ᠌ᠢᠶᠡ ᠤᠯᠠᠨ ᠪᠠᠶ᠋ᠢᠳᠠᠭ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠲᠡᠮᠤᠵᠢᠨ ᠵᠠᠮᠤᠬᠠ ᠬᠤᠶᠠᠷ ᠤᠨᠤᠨ ᠮᠦᠷᠡᠨᠤ ᠬᠦᠪᠡᠭᠡᠨᠳᠤ ᠱᠠᠭᠠ ᠰᠤᠯᠢᠯᠴᠠᠨ ᠠᠨᠳᠠ ᠪᠤᠯᠤᠯᠴᠠᠭᠰᠠᠨ ᠲᠡᠤᠭᠡᠠᠴᠠ ᠦᠵᠡᠪᠡᠯ ᠰᠠᠶ᠋ᠢᠨ ᠠ᠋ᠷᠡᠴᠤᠳ᠂ ᠠᠩᠴᠢᠨ ᠬᠦᠷᠤᠭᠡᠴᠢᠨ ᠁ ᠠᠨᠳᠠ ᠪᠤᠯᠤᠯᠴᠠᠭ᠍ᠤᠨᠢ ᠴᠦᠭᠡᠨ ᠦᠭᠡᠢ᠃ ᠲᠡᠭᠡᠵᠤ ᠠᠨᠳᠠ ᠪᠤᠯᠤᠯᠴᠠᠭ᠍ᠤᠳᠤᠪᠠᠨ ᠴᠠᠮᠴᠠ᠂ ᠪᠦᠰᠡ ᠪᠤᠶᠤ ᠬᠠᠶ᠋ᠢᠷᠠᠳᠠᠢ ᠪᠤᠳᠠᠰ ᠵᠶ᠋ᠠᠨ ᠰᠤᠯᠢᠯᠴᠠᠨ᠂ ᠦᠨᠢ ᠠ᠋ᠬᠦᠷᠢᠳᠡ ᠨᠦᠬᠦᠷᠯᠡᠬᠦ ᠵᠢ ᠠᠨᠳᠠᠭ᠋ᠠᠶ᠋ᠢᠯᠠᠨ ᠲᠠᠩᠭ᠋ᠠᠷᠢᠭ ᠲᠠᠯᠪᠢᠯᠴᠠᠳᠠᠭ ᠪᠠᠶ᠋ᠢᠨᠠ》 ᠭᠡᠵᠤ ᠲᠡᠮᠳᠡᠭᠯᠡᠭᠰᠡᠨ ᠪᠠᠶ᠋ᠢᠳᠠᠭ᠃
《ᠨᠢᠭᠤᠴᠠ ᠲᠤᠪᠴᠢᠶᠠᠨ》ᠳᠤ᠄ 《ᠮᠡᠷᠬᠢᠳᠢ ᠲᠠᠷᠤᠭᠰᠠᠨᠤ ᠲᠠᠷᠠᠭᠠ ᠲᠡᠮᠤᠵᠢᠨ ᠵᠠᠮᠤᠬᠠ ᠬᠤᠶᠠᠷ᠂ ᠬᠤᠷᠬᠤᠨᠠᠭᠤᠨ ᠬᠦᠨᠳᠠᠢᠳᠤ ᠨᠡᠶ᠋ᠢᠯᠡᠨ ᠪᠠᠭᠤᠵᠤ᠂ ᠠ᠋ᠷᠳᠡᠨᠤ ᠠᠨᠳᠠ ᠪᠤᠯᠤᠯᠴᠠᠭᠰᠠᠨ ᠵᠶ᠋ᠠᠨ ᠲᠤᠷᠠᠳᠴᠤ᠂ ᠤᠯᠠᠮ ᠲᠤᠳᠤᠨᠤ ᠪᠤᠯᠵᠤ ᠨᠠᠶ᠋ᠢᠷᠠᠮᠳᠤᠶᠠ ᠭᠡᠮᠡᠯᠴᠡᠪᠡ᠃ ᠠᠩᠬᠠ ᠤᠷᠢᠳᠤ ᠠᠨᠳᠠ ᠪᠤᠯᠤᠯᠴᠠᠭ᠍ᠤᠳᠤ ᠲᠠᠮᠤᠵᠢᠨ ᠠᠷᠪᠠᠨ ᠨᠢᠭᠡᠨ ᠨᠠᠰᠤᠲᠠᠢ ᠪᠠᠶ᠋ᠢᠪᠠ᠃ ᠲᠡᠷᠡ ᠴᠠᠭᠲᠤ ᠵᠠᠮᠤᠬᠠ ᠨᠢᠭᠡᠨ ᠭᠤᠷᠠ ᠵᠢᠨ ᠱᠠᠭᠠ ᠵᠢ ᠲᠡᠮᠤᠵᠢᠨᠳᠤ ᠦᠭᠴᠤ᠂ ᠲᠡᠮᠤᠵᠢᠨ ᠨᠢᠭᠡᠨ ᠴᠢᠳᠬᠤᠮᠠᠯ ᠱᠠᠭᠠ （ᠭᠤᠷᠠᠢ） ᠵᠢ ᠵᠠᠮᠤᠬᠠᠳᠤ ᠦᠭᠴᠤ ᠤᠨᠤᠨ ᠮᠦᠷᠡᠨᠤ ᠮᠦᠰᠤᠨ ᠲᠡᠭᠡᠷᠡ ᠱᠠᠭ᠋ᠠᠯᠴᠠᠨ ᠨᠠᠭ᠋ᠠᠳᠴᠤ ᠠᠨᠳᠠ ᠪᠤᠯᠤᠯᠴᠠᠪᠠ᠃ ᠲᠡᠬᠦᠨᠤ ᠬᠤᠶ᠋ᠢᠳᠤ ᠬᠠᠪᠤᠷ ᠠᠯᠤᠩᠬᠢᠷ ᠰᠤᠮᠤᠪᠠᠷ ᠬᠠᠷᠪᠤᠵᠤ ᠪᠦᠬᠦᠢᠳᠤ ᠵᠠᠮᠤᠬᠠ᠂ ᠪᠢᠷᠠᠭᠤ ᠵᠢᠨ ᠬᠤᠶᠠᠷ ᠡᠪᠡᠷᠢ ᠨᠠᠭ᠋ᠠᠵᠤ ᠨᠦᠭᠡᠯᠡᠵᠤ ᠬᠢᠭᠰᠡᠨ ᠲᠠᠭᠤᠳᠤ ᠰᠤᠮᠤ （ᠭᠤᠳᠤᠯᠢ）ᠪᠠᠨ ᠲᠡᠮᠤᠵᠢᠨᠳᠤ ᠦᠭᠴᠤ᠂ ᠲᠡᠮᠤᠵᠢᠨ᠂ ᠠᠷᠴᠠ ᠮᠤᠳᠤᠨ ᠭᠤᠳᠤᠯᠢᠪᠠᠨ ᠵᠠᠮᠤᠬᠠᠳᠤ ᠦᠭᠴᠤ ᠠᠨᠳᠠ ᠪᠤᠯᠤᠯᠴᠠᠪᠠ᠃ ᠬᠤᠶᠠᠷ ᠤᠳᠠᠭᠠ ᠠᠨᠳᠠ ᠪᠤᠯᠤᠯᠴᠠᠭᠰᠠᠨ ᠶᠤᠰᠤᠨ ᠠ᠋ᠶ᠋ᠢᠮᠤ》 （116 ᠳ᠋ᠤᠭ᠋ᠠᠷ ᠵᠤᠶ᠋ᠢᠯ）
《ᠠᠬᠠᠰ ᠲᠡᠭᠡᠳᠤᠰᠤᠨ ᠦᠭᠡ ᠵᠢ ᠰᠤᠨᠤᠰᠪᠠᠰᠤ
ᠠᠯᠢᠪᠠ ᠬᠦᠮᠤᠨ ᠬᠠᠷᠢᠯᠴᠠᠨ
ᠠᠨᠳᠠ ᠨᠦᠬᠦᠷ ᠪᠤᠯᠤᠯᠴᠠᠪᠠᠯ
ᠠᠮᠢ ᠪᠡᠶᠡᠳᠤᠪᠠᠨ
ᠠ᠋ᠷᠡᠴᠢ ᠪᠤᠯᠵᠤ
ᠠᠯᠢ ᠠᠯᠢᠨᠳᠤᠪᠠᠨ ᠲᠦᠰᠢᠭ ᠪᠤᠯᠵᠤ
ᠠᠮᠠᠷᠠᠭᠯᠠᠨ ᠬᠠᠨᠢᠯᠠᠭ᠍ᠤ ᠶᠤᠰᠤᠳᠠᠢ᠃ ᠤᠳᠤ ᠪᠢᠳᠡ ᠠᠮᠠᠷᠠᠭᠯᠠᠨ ᠶᠠᠪᠤᠶᠠ ᠭᠡᠵᠤ ᠲᠡᠮᠤᠵᠢᠨ᠂ ᠮᠠᠷᠬᠢᠳᠤᠨ ᠲᠤᠭᠳᠤᠭᠠᠠᠴᠠ ᠤᠯᠵᠠᠯᠠᠵᠤ ᠠᠪᠤᠭᠰᠠᠨ ᠠᠯᠳᠠᠨ ᠪᠦᠰᠡᠪᠠᠨ ᠵᠠᠮᠤᠬᠠ ᠠᠨᠳᠠᠳᠤ ᠪᠦᠰᠡᠯᠡᠬᠦᠯᠵᠤ᠂ ᠲᠤᠭᠳᠤᠭᠠ ᠵᠢᠨ ᠠ᠋ᠰᠭᠡᠯ （ᠠ᠋ᠷᠡᠮᠡᠭ ᠪᠤᠶᠤ ᠠᠭᠰᠤᠮ） ᠬᠠᠯᠢᠭᠤᠨᠢ ᠵᠠᠮᠤᠬᠠ ᠠᠨᠳᠠᠳᠤ ᠤᠨᠤᠭᠤᠯᠪᠠ᠃ ᠵᠠᠮᠤᠬᠠ ᠬᠠᠷᠢᠭᠤᠳᠤ ᠤᠸᠠᠰ ᠮᠡᠷᠬᠢᠳᠤᠨ ᠲᠠᠶ᠋ᠢᠷ ᠤᠰᠤᠨᠠᠴᠠ ᠤᠯᠵᠠᠯᠠᠵᠤ ᠠᠪᠤᠭᠰᠠᠨ ᠠᠯᠳᠠᠨ ᠪᠦᠰᠡᠪᠠᠨ ᠲᠡᠮᠤᠵᠢᠨᠳᠤ ᠪᠦᠰᠡᠯᠡᠬᠦᠯᠵᠤ᠂ ᠮᠦᠨ ᠲᠠᠶ᠋ᠢᠷ ᠤᠰᠤᠨᠤ ᠤᠨᠠᠭ᠋ᠠᠨ ᠴᠠᠭ᠋ᠠᠨ ᠮᠤᠷᠢ ᠵᠢ ᠲᠡᠮᠤᠵᠢᠨᠳᠤ ᠤᠨᠤᠭᠤᠯᠪᠠ᠃ ᠠ᠋ᠶ᠋ᠢᠨ ᠬᠦ᠌ ᠠᠨᠳᠠ ᠪᠤᠯᠤᠯᠴᠠᠵᠤ
《ᠬᠤᠷᠬᠤᠨᠠᠭ ᠵᠤᠪᠤᠷᠤᠨ ᠬᠦᠨᠳᠠᠢᠳᠤ
ᠬᠤᠯᠳᠠᠭ᠋ᠠᠷ ᠬᠤᠨᠤ ᠦᠪᠤᠷᠲᠤ
ᠰᠠᠭᠯᠠᠭ᠋ᠠᠷ ᠮᠤᠳᠤᠨᠤ ᠲᠤᠳᠤᠷᠠ
ᠰᠠᠶ᠋ᠢᠬᠠᠨ ᠬᠤᠷᠢᠮ ᠦᠢ᠍ᠯᠡᠳᠴᠤ
ᠰᠠᠶ᠋ᠢᠳᠤᠷ ᠪᠦᠵᠢᠭᠯᠡᠨ ᠵᠢᠷᠭ᠋ᠠᠵᠤ
ᠰᠠᠨᠠᠭᠠ ᠰᠡᠳᠬᠢᠯ ᠨᠢᠭᠡᠳᠴᠤ
ᠰᠠᠶ᠋ᠢᠨ ᠨᠦᠬᠦᠳ ᠪᠤᠯᠤᠭ᠋ᠠᠳ
ᠰᠦᠨᠢ ᠨᠢᠭᠡᠨ ᠬᠦᠨᠵᠢᠯᠡᠳᠤ ᠤᠷᠤᠵᠤ ᠬᠤᠨᠤᠪᠠ》 （1117 ᠳ᠋ᠤᠭ᠋ᠠᠷ ᠵᠤᠶ᠋ᠢᠯ） ᠭᠡᠵᠤ ᠨᠠᠷᠢᠨ ᠨᠠᠷᠢᠨ ᠲᠡᠮᠳᠡᠭᠯᠡᠵᠡᠢ᠃ ᠵᠠᠮᠤᠬᠠ ᠴᠢᠩᠬᠢᠰᠠᠴᠠ ᠬᠠᠭ᠋ᠠᠴᠠᠨ᠂ ᠲᠠᠶ᠋ᠢᠰᠤᠩᠨᠠᠭ᠋ᠠᠳ ᠡᠴᠤᠰ ᠲᠤᠪᠠᠨ ᠲᠤᠤᠷᠠᠬᠢ ᠬᠦᠮᠤᠰᠲᠤᠪᠠᠨ ᠪᠠᠷᠢᠭᠳᠠᠨ ᠴᠢᠩᠬᠢᠰᠲᠤ ᠬᠦᠷᠭᠡᠭᠳᠡᠨ ᠢᠷᠡᠬᠦᠳᠤᠪᠠᠨ
《ᠠᠨᠳᠠ ᠨᠦᠬᠦᠷ ᠮᠢᠨᠢ ᠰᠤᠶᠤᠷᠬᠠᠵᠤ
ᠠᠮᠢ ᠵᠢ ᠮᠢᠨᠢ ᠦᠳᠳᠡᠷ ᠲᠤᠨᠢᠯᠭ᠋ᠠᠪᠠᠯ
ᠠᠷᠢᠭᠤᠨ ᠵᠢᠷᠤᠭᠡ ᠴᠢᠨᠢ ᠠᠮᠠᠷᠠᠵᠤ
ᠠᠮᠤᠭᠤᠯᠠᠩ ᠵᠢᠷᠭ᠋ᠠᠬᠤ ᠪᠤᠯᠤᠨᠠ᠃
ᠠᠨᠳᠠ ᠴᠢ ᠰᠤᠶᠤᠷᠬᠠᠵᠤ
ᠠᠰᠬᠠᠷᠠᠭ᠍ᠤ ᠴᠢᠰᠤ ᠵᠢ ᠭᠠᠷᠭ᠋ᠠᠯ ᠦᠭᠡᠢ
ᠠᠯᠠᠭᠤᠯᠵᠤ ᠦᠷᠤᠰᠢᠶᠡ ᠨᠠᠮᠠ ᠵᠢ》 ᠭᠡᠵᠤ ᠦᠬᠦᠯᠡᠭᠰᠡᠨ ᠪᠠᠶ᠋ᠢᠳᠠᠭ᠃ ᠵᠠᠮᠤᠬᠠ ᠵᠢᠨ ᠬᠤᠪᠢᠳᠤ ᠠᠪᠴᠤ ᠬᠡᠯᠡᠪᠡᠯ ᠠ᠋ᠨᠡ ᠪᠤᠯ ᠠᠨᠳᠠᠳᠤᠪᠠᠨ ᠭᠤᠷᠪᠠ ᠤᠳᠠᠭᠠ ᠭᠤᠮᠤᠳᠠᠭᠰᠠᠨ ᠶᠠᠪᠤᠳᠠᠯᠨᠢ ᠪᠤᠳᠠᠳᠤ ᠪᠠᠶ᠋ᠢᠳᠠᠯᠳᠤ ᠦᠯᠤ ᠨᠡᠶ᠋ᠢᠴᠡᠭᠰᠡᠨ ᠵᠶ᠋ᠠᠨ ᠰᠡᠷᠡᠵᠤ ᠤᠬᠠᠭ᠋ᠠᠷᠠᠭᠰᠠᠨ ᠪᠦᠭᠡᠳ ᠲᠡᠮᠤᠵᠢᠨᠤ ᠬᠤᠪᠢᠳᠤ ᠠᠨᠳᠠᠳᠤᠪᠠᠨ ᠰᠡᠵᠢᠭ ᠠᠵᠢᠭ ᠲᠦᠷᠤᠬᠦᠯᠦᠭᠰᠡᠨ ᠵᠶ᠋ᠠᠨ ᠮᠡᠳᠡᠷᠡᠭᠰᠡᠨ ᠤᠴᠢᠷ ᠪᠤᠯᠬᠤ ᠶᠤᠮ᠃ ᠨᠦᠬᠦᠭᠡ ᠲᠠᠯᠠᠪᠠᠷ 《ᠴᠢᠰᠤ ᠦᠵᠡᠬᠦᠯᠬᠦ ᠦᠭᠡᠢᠪᠠᠷ ᠦᠬᠦᠬᠦᠯᠬᠦ》 ᠭᠡᠳᠡᠭ ᠪᠤᠯ ᠵᠠᠮᠤᠬᠠᠠᠴᠠ ᠦᠪᠡᠷᠢᠪᠠᠨ ᠲᠠᠩᠭ᠋ᠠᠷᠢᠭ ᠡᠪᠳᠡᠭᠰᠡᠨ ᠦᠭᠡᠢ ᠭᠡᠳᠡᠭ ᠵᠶ᠋ᠠᠨ ᠪᠠᠳᠤᠯᠠᠭᠰᠠᠨ ᠮᠦᠷᠳᠡᠭᠡᠨ ᠲᠡᠮᠤᠵᠢᠨ ᠴᠤ᠌ ᠲᠡᠭᠡᠵᠤ ᠦᠬᠦᠬᠦᠯᠬᠦ ᠵᠢ ᠵᠦᠪᠰᠢᠶᠡᠷᠡᠭᠰᠡᠨᠨᠢ ᠵᠠᠮᠤᠬᠠ ᠠᠨᠳᠠ ᠲᠠᠩᠭ᠋ᠠᠷᠢᠭ ᠠᠯᠳᠠᠭᠰᠠᠨ ᠦᠭᠡᠢ ᠭᠡᠳᠡᠭᠢ ᠮᠡᠳᠡᠷᠡᠭᠰᠡᠨ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃
ᠶᠡᠷᠤ ᠵᠢᠨ ᠦᠭᠡᠨᠳᠤ 《ᠠᠨᠳᠠ ᠬᠦᠮᠤᠨᠤ ᠠᠮᠢᠨᠢ ᠨᠢᠭᠡ》 ᠭᠡᠵᠤ ᠪᠠᠶ᠋ᠢᠳᠠᠭ᠃ ᠮᠤᠩᠭᠤᠯ ᠶᠤᠰᠤᠨᠳᠤ ᠠ᠋ᠩᠤᠨ ᠪᠠᠶ᠋ᠢᠳᠠᠯᠳᠤ ᠪᠦᠰᠡᠪᠠᠨ ᠬᠦᠮᠤᠨᠳᠤ ᠦᠭᠬᠦ ᠪᠤᠶᠤ ᠰᠤᠯᠢᠯᠴᠠᠳᠠᠭ ᠦᠭᠡᠢ ᠶᠤᠮ᠃ ᠤᠴᠢᠷᠨᠢ ᠡᠷᠡ ᠬᠦᠮᠤᠨᠤ ᠪᠦᠰᠡᠨᠳᠤ ᠭᠡᠶ᠋ᠢᠮᠤᠷᠢ ᠰᠦᠯᠳᠡ ᠪᠤᠶᠤ ᠰᠦᠨᠡᠰᠤ ᠮᠦᠷᠨᠢ ᠤᠷᠤᠰᠢᠳᠠᠭ ᠭᠡᠳᠡᠭ᠃ ᠢᠩᠬᠢᠵᠤ ᠮᠦᠷᠳᠡᠪᠡᠯ ᠲᠡᠮᠤᠵᠢᠨ ᠵᠠᠮᠤᠬᠠ ᠪᠤᠯ ᠰᠦᠭ ᠰᠦᠨᠡᠰᠤᠪᠠᠨ ᠬᠦᠷᠳᠡᠯᠡ ᠰᠤᠯᠢᠯᠴᠠᠵᠤ᠂ ᠬᠠᠭ᠋ᠠᠴᠠᠵᠤ ᠪᠤᠯᠤᠰᠢ ᠦᠭᠡᠢ ᠠᠮᠢᠨᠳᠤ ᠤᠷᠤᠭᠰᠠᠨ ᠠᠨᠳᠠ ᠭᠡᠳᠡᠭᠨᠢ ᠵᠠᠶ᠋ᠢᠯᠠᠰᠢ ᠦᠭᠡᠢ᠃ ᠭᠡᠷᠪᠡ ᠲᠠᠩᠭ᠋ᠠᠷᠢᠭ ᠠᠯᠳᠠᠪᠠᠯ ᠰᠤᠯᠢᠯᠴᠠᠭᠰᠠᠨ ᠬᠢᠳᠤᠭᠠ᠂ ᠰᠤᠮᠤᠨᠤᠪᠠᠨ ᠲᠤᠤᠷᠠ ᠠᠮᠢᠪᠠᠨ ᠦᠭᠳᠡᠭ ᠬᠠᠳᠠᠭᠤ ᠶᠤᠰᠤᠲᠠᠢ᠃ ᠲᠡᠮᠤᠵᠢᠨ ᠵᠠᠮᠤᠬᠠ ᠵᠢᠨ ᠨᠢᠭᠤᠴᠠ ᠦᠭᠡᠨᠤ ᠤᠳᠬᠠ ᠵᠢ ᠤᠯᠵᠤ ᠶᠠᠳᠠᠨ ᠦᠭᠡ ᠲᠠᠭᠤᠨ ᠦᠭᠡᠢ ᠰᠠᠯᠵᠤ ᠤᠳᠤᠭᠰᠠᠨ ᠪᠡ ᠤᠳᠠᠯ ᠦᠭᠡᠢ 《ᠴᠢᠩᠬᠢᠰ》 ᠴᠤᠯᠠᠲᠠᠢ ᠬᠠᠨ ᠪᠤᠯᠤᠭᠰᠠᠨ ᠶᠠᠪᠤᠳᠠᠯᠳᠤ ᠰᠡᠵᠢᠭ ᠲᠦᠷᠤᠵᠤ ᠪᠠᠶ᠋ᠢᠭᠰᠠᠨ ᠵᠠᠮᠤᠬᠠᠳᠤ᠂ ᠠᠳᠤᠭᠤ ᠲᠠᠭᠤᠭᠰᠠᠨ ᠤᠴᠢᠷᠲᠤ ᠲᠠᠶ᠋ᠢᠴᠢᠷ ᠲᠡᠬᠦᠤᠪᠠᠨ ᠠᠯᠤᠭᠤᠯᠤᠭᠰᠠᠨ ᠶᠠᠪᠤᠳᠠᠯᠨᠢ ᠠᠨᠳᠠ ᠲᠡᠮᠤᠵᠢᠨᠳᠤ ᠨᠢᠭᠡᠮᠤᠰᠤᠨ ᠰᠡᠳᠬᠢᠯ ᠠᠯᠳᠠᠵᠤ 《ᠲᠠᠩᠭ᠋ᠠᠷᠢᠭ ᠠᠰᠠᠭᠤᠬᠤ》᠂ 《ᠠᠨᠳᠠᠭ᠋ᠠᠢ ᠨᠡᠭᠡᠬᠦ》 ᠲᠠᠶ᠋ᠢᠨ ᠠ᠋ᠬᠦᠰᠭᠡᠭᠰᠡᠨ ᠶᠤᠮ᠃ ᠵᠠᠮᠤᠬᠠ᠂ ᠲᠡᠮᠤᠵᠢᠨᠤ ᠬᠤᠭᠤᠷᠤᠨᠳᠤᠬᠢ ᠲᠠᠶ᠋ᠢᠨ ᠪᠤᠯ ᠦᠰᠢᠶᠡᠳᠡᠨ ᠲᠠᠶ᠋ᠢᠰᠤᠨᠤ ᠲᠠᠶ᠋ᠢᠨ ᠪᠢᠰᠢ᠂ ᠬᠠᠷᠢᠨ 《ᠲᠠᠩᠭ᠋ᠠᠷᠢᠭ ᠠᠰᠠᠭᠤᠬᠤ》᠂ 《ᠠᠨᠳᠠᠭ᠋ᠠᠢ ᠨᠡᠭᠡᠬᠦ》 ᠲᠠᠶ᠋ᠢᠨ ᠭᠡᠳᠡᠭᠢ ᠮᠡᠳᠡᠬᠦ ᠭᠡᠷᠡᠭᠳᠠᠢ᠃ ᠲᠠᠷᠤᠢ ᠬᠤᠶᠠᠷ ᠠᠨᠳᠠ ᠵᠢᠨ ᠠᠳᠡᠬᠦᠤ ᠤᠶ᠋ᠢᠯᠠᠭ᠋ᠠᠯᠳᠠᠠᠴᠠ ᠠ᠋ᠬᠦᠰᠦᠭᠰᠡᠨ ᠲᠠᠶ᠋ᠢᠨ ᠪᠤᠯᠬᠤ ᠶᠤᠮ᠃
ᠴᠢᠩᠬᠢᠰ ᠪᠤᠭᠳᠠ᠄ 《ᠠᠯᠢᠪᠠ ᠬᠦᠮᠤᠨ ᠬᠠᠷᠢᠯᠴᠠᠨ ᠠᠨᠳᠠ ᠪᠤᠯᠤᠯᠴᠠᠪᠠᠰᠤ ᠶᠤᠰᠤᠳᠠᠢ ᠠᠮᠢ ᠪᠡᠶᠡᠳᠤᠪᠠᠨ ᠠᠷᠠᠰᠤ ᠪᠤᠯᠵᠤ᠂ ᠠᠯᠢ ᠠᠯᠢᠨᠳᠤᠪᠠᠨ ᠲᠦᠰᠢᠭ ᠪᠤᠯᠵᠤ ᠶᠠᠪᠤᠬᠤ ᠴᠢᠬᠤᠯᠠᠳᠠᠢ》 ᠭᠡᠵᠤ ᠰᠤᠷᠭ᠋ᠠᠭᠰᠠᠨ ᠶᠤᠮ᠃ ᠲᠡᠤᠭᠡᠨ ᠲᠡᠭᠡᠷᠡ ᠲᠡᠮᠤᠵᠢᠨ ᠪᠤᠭᠤᠷᠴᠤ ᠬᠤᠶᠠᠷ ᠰᠡᠩᠬᠦᠷ ᠭᠤᠷᠤᠬᠠᠨᠤ ᠬᠦᠪᠡᠭᠡᠨᠳᠤ ᠠᠨᠳᠠ ᠪᠤᠯᠤᠯᠴᠠᠨ᠂ ᠨᠢᠭᠡ ᠨᠠᠰᠤᠨᠤ ᠬᠤᠪᠢ ᠵᠠᠶᠠᠭᠠᠪᠠᠨ ᠬᠠᠮᠳᠤᠳᠬᠠᠵᠤ᠂ ᠪᠤᠭᠤᠷᠴᠤ ᠦᠬᠦᠨ ᠦᠬᠦᠳᠡᠯᠡ ᠠᠨᠳᠠ ᠵᠢᠨ ᠵᠢᠷᠤᠮᠢ ᠠ᠋ᠷᠬᠢᠮᠯᠡᠨ ᠴᠢᠩᠬᠢᠰᠤᠨ ᠦᠢ᠍ᠯᠡᠰᠲᠤ ᠵᠢᠳᠬᠦᠭᠰᠡᠨ ᠪᠠᠶ᠋ᠢᠳᠠᠭ᠃ 《ᠠᠬᠳᠠ ᠵᠢᠨ ᠰᠠᠶ᠋ᠢᠨᠢ ᠤᠨᠤᠨ ᠪᠠᠶ᠋ᠢᠵᠤ ᠮᠡᠳᠡᠨᠡ᠂ ᠠᠨᠳᠠ ᠵᠢᠨ ᠰᠠᠶ᠋ᠢᠨᠢ ᠬᠠᠨᠢᠯᠠᠨ ᠪᠠᠶ᠋ᠢᠵᠤ ᠮᠡᠳᠡᠨᠡ》 ᠭᠡᠵᠤ ᠶᠤᠰᠤᠳᠠᠢ ᠠ᠋ᠬᠦᠨᠢ ᠬᠡᠯᠡᠨᠡ᠃
ᠤᠷᠤᠰᠤᠨ ᠲᠡᠤᠭᠡᠴᠢᠨ ᠸᠠᠯᠳᠢᠮᠢᠷᠽᠤᠸ ᠵᠢᠨ 《ᠮᠤᠩᠭᠤᠯᠤᠨ ᠨᠡᠶ᠋ᠢᠭᠡᠮᠤᠨ ᠪᠠᠶ᠋ᠢᠭᠤᠯᠤᠯᠤᠨ ᠲᠡᠤᠭᠡ》ᠳᠤ᠄ 《ᠬᠦᠴᠦᠷᠭᠡᠭ ᠶᠡᠭᠡ ᠤᠶ᠋ᠢᠷᠠᠳᠤᠨ ᠡᠵᠡᠨ ᠨᠤᠶᠠᠨ ᠪᠠᠭ᠋ᠠᠳᠤᠷ ᠬᠤᠭ ᠲᠠᠶ᠋ᠢᠵᠢ ᠤᠶ᠋ᠢᠷᠠᠳᠤᠨ ᠨᠢᠭᠡᠨ ᠸᠠᠩᠳᠤ ᠵᠠᠷᠢᠮ ᠬᠦᠮᠤᠰᠢ ᠭᠠᠷᠭ᠋ᠠᠵᠤ ᠦᠭ ᠭᠡᠵᠤ ᠵᠠᠷᠯᠢᠭ ᠪᠤᠯᠤᠭᠰᠠᠠᠨᠳᠤ 〈ᠠᠨᠳᠠᠪᠠᠨ ᠭᠠᠷᠭ᠋ᠠᠵᠤ ᠦᠭᠪᠡᠯ ᠪᠢ ᠠᠮᠢᠳᠤ ᠶᠠᠪᠤᠭ᠋ᠠᠳ ᠶᠠᠭᠤ ᠬᠢᠬᠦ ᠪᠤᠢ （415）〉 ᠭᠡᠵᠤ ᠬᠠᠷᠢᠭᠤᠯᠵᠠᠢ》 ᠭᠡᠵᠤ ᠲᠡᠮᠳᠡᠭᠯᠡᠵᠤ ᠪᠤᠢ᠃ ᠠ᠋ᠳᠡᠭᠡᠷᠠᠴᠠ ᠪᠢᠳᠡ ᠠᠨᠳᠠ ᠪᠤᠯᠵᠤ ᠠᠨᠳᠠᠭ᠋ᠠᠢ ᠲᠠᠯᠪᠢᠬᠤ ᠵᠢᠨ ᠤᠴᠢᠷ ᠤᠳᠬᠠ ᠵᠢ ᠤᠶ᠋ᠢᠯᠠᠭ᠋ᠠᠵᠤ ᠪᠤᠯᠬᠤ ᠶᠤᠮ᠃
《ᠨᠦᠬᠦᠷ》 ᠭᠡᠳᠡᠭ ᠪᠤᠯ 《ᠬᠠᠮᠳᠤ ᠵᠢᠨ ᠬᠦᠰᠡᠯᠡᠩ ᠪᠤᠶᠤ ᠶᠠᠮᠠᠷ ᠨᠢᠭᠡᠨ ᠦᠢ᠍ᠯᠡᠰᠤᠨ ᠲᠦᠯᠤᠭᠡ ᠲᠡᠮᠡᠴᠡᠭᠰᠡᠳᠤᠨ ᠨᠡᠷᠡᠶ᠋ᠢᠳᠤᠯ》 ᠪᠤᠶᠤ 《ᠡᠷᠡ ᠡᠮᠡ ᠬᠤᠶᠠᠷᠤᠨ ᠬᠠᠷᠢᠴᠠᠭ᠋ᠠᠨᠤ ᠨᠡᠷᠡ》 ᠪᠤᠯᠤᠨᠠ᠃ ᠠᠷᠠᠳᠤᠨ ᠦᠭᠡᠨᠳᠤ᠄ 《ᠨᠦᠬᠦᠷᠢᠨᠢ ᠨᠦᠬᠦᠷ ᠵᠶ᠋ᠠᠷᠨᠢ ᠰᠢᠨᠵᠢ》᠂ 《ᠨᠦᠬᠦᠷ ᠵᠶ᠋ᠠᠨ ᠦᠵᠡᠵᠤ ᠰᠤᠷ᠂ ᠰᠡᠬᠦᠳᠡᠷ ᠵᠶ᠋ᠠᠨ ᠦᠵᠡᠵᠤ ᠵᠠᠰᠠ》᠂ 《ᠨᠦᠬᠦᠷᠤᠨ ᠮᠠᠭᠤᠪᠠᠷ ᠨᠦᠭᠡᠨᠳᠤ ᠤᠨᠠᠨᠠ᠂ ᠨᠦᠬᠦᠴᠡᠯᠤᠨ ᠮᠠᠭᠤᠪᠠᠷ ᠲᠠᠮᠤᠳᠤ ᠤᠨᠠᠨᠠ》 《ᠰᠠᠶ᠋ᠢᠨᠲᠠᠢ ᠨᠦᠬᠦᠷᠯᠡᠪᠡᠯ ᠰᠠᠷᠠᠨᠤ ᠭᠡᠷᠡᠯ᠂ ᠮᠠᠭᠤᠲᠠᠢ ᠨᠦᠬᠦᠷᠯᠡᠪᠡᠯ ᠮᠤᠭ᠋ᠠᠢ ᠵᠢᠨ ᠬᠤᠤᠷ》 ᠭᠡᠬᠦ ᠮᠡᠳᠤ ᠵᠢᠨ ᠨᠦᠬᠦᠷᠲᠠᠢ ᠬᠤᠯᠪᠤᠭᠠ ᠪᠦᠬᠦᠢ ᠵᠤᠶ᠋ᠢᠷ ᠰᠡᠴᠡᠨ ᠦᠭᠡ ᠲᠤᠩ ᠤᠯᠠᠨ ᠪᠠᠶ᠋ᠢᠳᠠᠭ᠃ 《ᠮᠤᠩᠭᠤᠯᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》ᠳᠤ᠄ 《ᠸᠠᠩ ᠬᠠᠨ ᠨᠠᠳᠠᠠᠴᠠ ᠨᠡᠩ ᠴᠠᠭ᠋ᠠᠰᠢ ᠠᠵᠤᠭᠤ᠃ ᠴᠠᠭᠳᠤ ᠨᠦᠬᠦᠷ ᠪᠤᠶᠤ᠃ ᠠᠨᠳᠠᠳᠤᠷ ᠬᠡᠯᠡ ᠤᠷᠤᠭᠤᠯᠤᠶᠠ》 （166-167 ᠳ᠋ᠤᠭᠡᠷ ᠵᠤᠶ᠋ᠢᠯ） ᠭᠡᠵᠤ 《ᠬᠠᠯᠠ ᠬᠠᠯᠵᠢᠳᠤᠨ ᠬᠠᠳᠬᠤᠯᠳᠤᠭ᠋ᠠᠨ》ᠤ ᠦᠶᠡ ᠵᠢᠨ ᠵᠠᠮᠤᠬᠠ ᠵᠢᠨ ᠦᠭᠡ ᠵᠢ ᠲᠡᠮᠳᠡᠭᠯᠡᠭᠰᠡᠨ ᠪᠠᠶ᠋ᠢᠳᠠᠭ᠃ 《ᠴᠠᠭᠳᠤ ᠨᠦᠬᠦᠷ》 ᠭᠡᠳᠡᠭᠨᠢ 《ᠲᠦᠷ ᠴᠠᠭᠤᠨ᠂ ᠶᠠᠯᠢᠬᠤ ᠦᠭᠡᠢ》 ᠭᠡᠰᠡᠨ ᠰᠠᠨᠠᠭᠠᠲᠠᠢ᠂ ᠠ᠋ᠬᠦᠨᠴᠡ ᠦᠵᠡᠪᠡᠯ ᠨᠦᠬᠦᠷᠲᠤ ᠰᠠᠶ᠋ᠢᠨ ᠨᠦᠬᠦᠷ᠂ ᠮᠠᠭᠤ ᠨᠦᠬᠦᠷ ᠭᠡᠵᠤ ᠪᠠᠶ᠋ᠢᠳᠠᠭ᠃ ᠮᠤᠩᠭᠤᠯᠴᠤᠳ ᠦᠪᠡᠷ ᠵᠶ᠋ᠠᠨ ᠨᠦᠬᠦᠷ ᠰᠤᠩᠭᠤᠬᠤ ᠪᠠᠶ᠋ᠢᠳᠤᠭ᠋ᠠᠢ ᠭᠡᠤᠭᠡᠳᠤᠨ ᠵᠶ᠋ᠠᠨ ᠨᠦᠬᠦᠷᠯᠡᠵᠤ ᠪᠠᠶ᠋ᠢᠭᠠ ᠬᠠᠨᠢ ᠨᠠᠶ᠋ᠢᠵᠠᠶᠢᠨᠢ ᠴᠤ᠌ ᠶᠡᠭᠡᠳᠡ ᠠᠩᠬᠠᠷᠴᠤ 《ᠨᠢᠭᠤᠷᠢᠨᠢ ᠰᠢᠨᠵᠢᠬᠦᠪᠠᠷ ᠨᠦᠬᠦᠷᠢᠨᠢ ᠰᠢᠨᠵᠢ᠂ ᠬᠦᠨᠡᠰᠤ ᠵᠢᠨᠢ ᠰᠢᠨᠵᠢᠬᠦᠪᠠᠷ ᠬᠤᠳᠳᠤᠭᠢᠨᠢ ᠰᠢᠨᠵᠢ》 ᠭᠡᠵᠤ᠂ ᠰᠡᠴᠡᠨ ᠰᠡᠷᠬᠦᠯᠡᠩ ᠤᠬᠠᠭ᠋ᠠᠯᠢᠭ ᠲᠤᠮᠤᠭᠠᠲᠠᠢ ᠬᠡᠤᠬᠡᠳᠯᠦᠭᠡ ᠨᠦᠬᠦᠷᠯᠡᠵᠤ ᠪᠠᠶ᠋ᠢᠪᠠᠯ ᠪᠠᠶᠠᠷᠯᠠᠵᠤ᠂ ᠪᠦᠳᠤᠯ ᠦᠭᠡᠢ ᠬᠡᠤᠬᠡᠳᠲᠠᠢ ᠦᠶᠡᠷᠭᠡᠵᠤ ᠪᠠᠶ᠋ᠢᠪᠠᠯ ᠰᠡᠷᠡᠮᠵᠢᠯᠡᠬᠦᠯᠵᠤ᠂ ᠠᠯᠢ ᠪᠤᠯᠬᠤᠷ ᠠ᠋ᠷᠳᠡᠭᠡᠨ ᠰᠠᠯᠭ᠋ᠠᠵᠤ ᠵᠠᠶ᠋ᠢᠳᠠᠭᠤᠯᠬᠤᠪᠠᠷ ᠤᠷᠤᠯᠳᠤᠳᠠᠭ᠃ ᠮᠤᠩᠭᠤᠯᠴᠤᠳᠤᠨ ᠤᠯᠠᠮᠵᠢᠯᠠᠯᠳᠤ ᠭᠡᠷᠤᠨ ᠰᠤᠷᠭ᠋ᠠᠯᠳᠤ 《ᠨᠡᠬᠦᠷᠡᠰᠤ ᠪᠠᠷᠢᠪᠠᠯ ᠭᠠᠷ ᠵᠶ᠋ᠠᠨ ᠬᠦᠳᠡᠬᠦᠨᠢ ᠵᠦᠪ᠂ ᠨᠦᠬᠦᠷ ᠮᠠᠭᠤᠳᠠᠢ ᠶᠠᠪᠤᠪᠠᠯ ᠨᠦᠭᠡᠨᠳᠤ ᠤᠨᠠᠭ᠍ᠤᠨᠢ ᠯᠠᠪ》 ᠭᠡᠵᠤ ᠪᠦᠳᠤᠯ ᠦᠭᠡᠢ ᠬᠡᠤᠬᠡᠳᠲᠠᠢ ᠤᠳᠠᠭ᠋ᠠᠨ ᠨᠠᠶ᠋ᠢᠵᠠᠯᠠᠭᠰᠠᠨ ᠬᠡᠤᠬᠡᠳ ᠯᠠᠪ ᠪᠦᠳᠤᠯ ᠦᠭᠡᠢ ᠪᠤᠯᠤᠨᠠ ᠭᠡᠵᠤ ᠦᠵᠡᠳᠡᠭ᠃ ᠠ᠋ᠶ᠋ᠢᠮᠤᠠᠴᠠ ᠬᠡᠤᠬᠡᠳ ᠵᠶ᠋ᠠᠨ ᠠᠯᠢ ᠴᠢᠳᠠᠭ᠍ᠤᠪᠠᠷ 《ᠬᠠᠶᠠᠭᠠ ᠰᠠᠶ᠋ᠢᠳᠠᠢ》 ᠠᠶ᠋ᠢᠯᠤᠨ ᠬᠡᠤᠬᠡᠳᠲᠠᠢ ᠤᠶ᠋ᠢᠷᠠᠳᠤᠭᠤᠯᠬᠤ ᠵᠢ ᠪᠤᠳᠤᠳᠠᠭ᠃
《ᠨᠠᠶ᠋ᠢᠵᠠ》 ᠵᠢ 《ᠨᠠᠶ᠋ᠢᠵᠠ ᠨᠦᠬᠦᠷ》 《ᠨᠠᠶ᠋ᠢᠵᠠ ᠨᠠᠶ᠋ᠢᠭ᠋ᠠᠨ》 ᠭᠡᠵᠤ ᠰᠠᠨᠠᠭᠠ ᠰᠡᠳᠬᠢᠯ ᠲᠠᠭ᠋ᠠᠷᠠᠭᠰᠠᠨ᠂ ᠬᠤᠪᠢ ᠢᠷᠤᠭᠡᠯ ᠵᠤᠬᠢᠴᠠᠭᠰᠠᠨ ᠬᠦᠮᠤᠨᠳᠤ ᠭᠡᠷᠡᠭᠯᠡᠳᠡᠭ᠃ ᠲᠠᠷᠤᠢ ᠬᠠᠷᠢᠯᠴᠠᠨ ᠢᠵᠢᠯᠢᠰᠢᠨ ᠨᠦᠬᠦᠷᠯᠡᠭᠰᠡᠨ ᠲᠤᠳᠤᠨᠤ ᠨᠦᠬᠦᠷᠢ ᠵᠢᠭ᠋ᠠᠨᠠ᠃
《ᠮᠢᠨᠤ ᠨᠠᠶ᠋ᠢᠵᠠ》 ᠭᠡᠬᠦ ᠲᠠᠭᠤᠨᠳᠤ᠄ 《ᠲᠤᠷᠠᠰᠤᠭ᠋ᠠᠳ ᠰᠡᠳᠬᠢᠯ ᠲᠠᠩᠰᠡᠯᠡᠬᠦᠳᠤ / ᠲᠠᠭᠤᠯᠠᠭ᠋ᠠᠳ ᠢᠷᠡᠳᠡᠭ ᠳ᠋ᠸ ᠨᠠᠶ᠋ᠢᠵᠠ ᠮᠢᠨᠢ / ᠲᠤᠨᠢᠶᠠᠷᠳᠤᠭᠰᠠᠨ ᠶᠡᠭᠡ ᠲᠠᠯᠠ ᠵᠢ / ᠲᠤᠭᠤᠯᠤᠭ᠋ᠠᠳ ᠢᠷᠡᠳᠡᠭ ᠳ᠋ᠸ ᠨᠠᠶ᠋ᠢᠵᠠ ᠮᠢᠨᠢ / ᠭᠤᠨᠢᠭ᠋ᠠᠳ ᠵᠢᠷᠤᠭᠡ ᠰᠡᠮᠡᠷᠡᠬᠦᠳᠤ / ᠲᠦᠰᠢᠭᠡᠳ ᠢᠷᠡᠳᠡᠭ ᠳ᠋ᠸ ᠨᠠᠶ᠋ᠢᠵᠠ ᠮᠢᠨᠢ / ᠭᠠᠤᠯᠢᠨ ᠰᠢᠷᠭ᠋ᠠᠯ ᠭᠤᠪᠢ ᠵᠢ / ᠭᠡᠳᠤᠯᠤᠭᠡᠳ ᠢᠷᠡᠳᠡᠭ ᠳ᠋ᠸ ᠨᠠᠶ᠋ᠢᠵᠠ ᠮᠢᠨᠢ》 ᠭᠡᠵᠤ ᠲᠠᠭᠤᠯᠠᠳᠠᠭ᠃
ᠠ᠋ᠶ᠋ᠢᠮᠤᠠᠴᠠ 《ᠠᠨᠳᠠ》᠂ 《ᠨᠦᠬᠦᠷ》᠂ 《ᠨᠠᠶ᠋ᠢᠵᠠ》 ᠭᠡᠬᠦ ᠦᠭᠡᠨᠢ ᠤᠳᠬᠠ ᠵᠢᠨ ᠬᠦᠨᠳᠤ ᠬᠦᠩᠭᠡᠨᠤ ᠢᠯᠭ᠋ᠠᠭᠠᠲᠠᠢ ᠪᠦᠭᠡᠳ 《ᠠᠨᠳᠠ》 ᠭᠡᠰᠡᠨ ᠦᠭᠡᠨᠤ ᠤᠳᠬᠠ ᠵᠢᠨ ᠲᠤᠰᠤᠯᠳᠠ 《ᠨᠠᠶ᠋ᠢᠵᠠ》 《ᠨᠦᠬᠦᠷ》ᠠᠴᠠ ᠬᠤᠯᠠ ᠬᠦᠨ ᠪᠠᠶ᠋ᠢᠳᠠᠭ᠃ 《ᠠᠨᠳᠠ ᠪᠠᠷᠢᠯᠳᠤᠬᠤ》 ᠭᠡᠵᠤ ᠬᠡᠯᠡᠬᠦᠠᠴᠠ ᠪᠢᠰᠢ 《ᠨᠠᠶ᠋ᠢᠵᠠ ᠪᠠᠷᠢᠯᠳᠤᠬᠤ》᠂ 《ᠨᠦᠬᠦᠷ ᠪᠠᠷᠢᠯᠳᠤᠬᠤ》 ᠭᠡᠵᠤ ᠬᠡᠯᠡᠬᠦ ᠶᠤᠰᠤ ᠦᠭᠡᠢ᠃ ᠮᠤᠩᠭᠤᠯᠴᠤᠳ ᠠᠨᠳᠠ ᠪᠠᠷᠢᠯᠳᠤᠬᠤ ᠪᠠᠶ᠋ᠢᠳᠤᠭ᠋ᠠᠢ ᠨᠠᠶ᠋ᠢᠵᠠ ᠨᠦᠬᠦᠷ ᠰᠤᠩᠭᠤᠬᠤᠳᠤᠪᠠᠨ ᠴᠤ᠌ ᠭᠡᠷᠰᠡᠤ ᠪᠤᠯᠭᠤᠮᠵᠢᠳᠠᠢ ᠤᠷᠤᠵᠤ᠂ ᠨᠠᠶ᠋ᠢᠵᠠ ᠪᠤᠯᠤᠯᠴᠠᠭ᠍ᠤ ᠬᠦᠮᠤᠨᠤᠪᠠᠨ ᠬᠦᠮᠤᠨ ᠮᠦᠰᠤ᠂ ᠭᠡᠪ ᠴᠢᠨᠠᠷᠢ ᠨᠠᠪᠳᠠ ᠤᠶ᠋ᠢᠯᠠᠭ᠋ᠠᠭᠰᠠᠨ ᠰᠠᠭᠤᠷᠢᠨ ᠲᠡᠭᠡᠷᠡ ᠰᠠᠶᠢ ᠬᠦᠨ ᠨᠦᠬᠦᠷᠯᠡᠳᠡᠭ ᠪᠠᠶ᠋ᠢᠵᠠᠢ᠃ ᠤᠳᠤ ᠪᠤᠯᠬᠤᠳᠤ 《ᠰᠦᠯᠵᠢᠶᠡᠨᠤ ᠨᠠᠶ᠋ᠢᠵᠠ》 《ᠸᠢᠴᠠᠲ ᠨᠠᠶ᠋ᠢᠵᠠ》 ᠭᠡᠬᠦ ᠮᠡᠳᠤ ᠵᠢᠨ ᠦᠭᠡᠰ ᠭᠠᠵᠠᠷ ᠰᠠᠢ ᠦᠭᠡᠢ ᠬᠠᠷᠠᠭᠳᠠᠭ᠍ᠤ ᠪᠤᠯᠵᠠᠢ᠃ ᠠ᠋ᠳᠡᠭᠡᠷ ᠪᠤᠯ ᠵᠦᠪᠭᠡᠨ ᠬᠢᠳᠠᠳ ᠦᠭᠡ ᠵᠢ ᠮᠢᠬᠠᠴᠢᠯᠠᠨ ᠤᠷᠴᠢᠭᠤᠯᠤᠭᠰᠠᠨ ᠵᠤᠶ᠋ᠢᠯᠡᠰ ᠲᠡᠳᠤᠢ᠃ ᠮᠠᠨᠤ ᠮᠤᠩᠭᠤᠯ ᠬᠡᠯᠡᠨᠤ ᠦᠭᠡᠰᠤᠨ ᠰᠠᠩ ᠪᠤᠯ ᠲᠠᠯᠠᠢ ᠪᠠᠶᠠᠨ ᠶᠤᠮ᠃ ᠪᠢᠳᠡ ᠠ᠋ᠭᠡ ᠬᠡᠯᠡᠨᠤᠪᠠᠨ ᠲᠠᠯᠠᠢ ᠪᠠᠶᠠᠨ ᠦᠭᠡᠰᠤᠨ ᠰᠠᠩᠠᠴᠠ ᠰᠤᠪᠤᠳ ᠱᠦᠬᠦᠬᠦᠳᠤᠪᠠᠨ ᠲᠡᠭᠡᠳᠤ ᠭᠡᠮᠵᠢᠶᠡᠨᠤ ᠬᠠᠷᠢᠭᠤᠴᠠᠯᠭ᠋ᠠᠳᠤ ᠤᠪᠤᠷ ᠵᠶ᠋ᠠᠷ ᠬᠠᠨᠳᠤᠵᠤ᠂ ᠦᠭᠡ ᠵᠢ ᠤᠨᠤᠪᠴᠢᠳᠠᠢ᠂ ᠠᠮᠢᠳᠤᠯᠢᠭ ᠭᠡᠷᠡᠭᠯᠡᠵᠤ ᠰᠤᠷᠪᠠᠯ ᠲᠠᠭ᠋ᠠᠷᠠᠨᠠ᠃
ᠬᠠᠶᠢᠬ᠄ ᠦᠪᠤᠷ ᠮᠤᠩᠭᠤᠯᠤᠨ ᠷᠠᠳᠢᠤ᠋ ᠲᠸᠯᠸᠢᠰ ᠬᠤᠷᠢᠶᠠ
ᠤᠯᠠᠭ᠋ᠠᠠᠭ᠍ᠠᠳᠠᠳᠠᠬᠢ ᠮᠤᠩᠭᠤᠯ ᠦᠨᠳᠤᠰᠤᠳᠡᠨᠤ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ
（ᠦᠨᠠᠨᠪᠠᠳᠤ ᠨᠠᠢ᠍ᠢ᠍ᠷᠠᠭᠤᠯᠪᠠ）
5 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ