ᠡᠯᠳᠡᠪ ᠡᠪᠡᠰᠦ ᠭᠡᠳᠡᠭᠨᠢ ᠬᠦᠮᠦᠨ ᠲᠦᠷᠦᠯᠬᠢᠲᠡᠨᠤ ᠤᠷᠤᠰᠢᠨ ᠲᠤᠭᠲᠠᠨᠢᠬᠤᠳᠤ ᠬᠤᠤᠷᠲᠠᠢ ᠪᠠ ᠬᠦᠳᠡᠯᠭᠡᠭᠡᠨᠤ ᠲᠠᠯᠠᠪᠤᠷᠲᠤ ᠤᠷᠭᠤᠳᠠᠭ ᠤᠷᠭᠤᠮᠠᠯᠢ ᠬᠡᠯᠡᠨᠡ᠂ ᠶᠡᠷᠦᠳᠡᠭᠡᠨ ᠠᠶᠠᠨᠳᠠᠭ᠋ᠠᠨ ᠤᠷᠭᠤᠭᠰᠠᠨ ᠵᠡᠷᠯᠢᠭ ᠤᠷᠭᠤᠮᠠᠯ ᠪᠤᠶᠤ ᠬᠦᠮᠦᠨ ᠲᠦᠷᠦᠯᠬᠢᠲᠡᠨᠳᠤ ᠶᠠᠮᠠᠷ ᠴᠤ᠌ ᠠᠰᠢᠭ ᠦᠭᠡᠢ ᠤᠷᠭᠤᠮᠠᠯ ᠪᠤᠯᠤᠨᠠ᠃ ᠬᠢᠮᠢ ᠵᠢᠨ ᠠᠷᠭᠠᠪᠠᠷ ᠰᠡᠷᠭᠡᠶ᠋ᠢᠯᠡᠨ ᠤᠰᠠᠳᠬᠠᠬᠤ ᠱᠠᠭ᠋ᠠᠷᠳᠠᠯᠭᠠ ᠵᠢ ᠦᠨᠳᠦᠰᠦᠯᠡᠨ ᠦᠶᠡᠲᠦ ᠡᠪᠡᠰᠦ᠂ ᠰᠠᠬᠠᠯ ᠡᠪᠡᠰᠦ ᠪᠤᠯᠤᠨ ᠦᠷᠭᠡᠨ ᠨᠠᠪᠴᠢᠲᠤ ᠡᠪᠡᠰᠦ ᠭᠡᠵᠦ ᠬᠤᠪᠢᠶᠡᠨᠡ᠃ ᠡᠭᠦᠨᠠᠴᠠ ᠭᠠᠳᠠᠨᠠ ᠡᠯᠳᠡᠪ ᠡᠪᠡᠰᠦᠨᠤ ᠰᠢᠮᠡ ᠲᠡᠵᠢᠭᠡᠯᠤᠨ ᠲᠦᠷᠦᠯ ᠵᠦᠢ᠍ᠯ᠂ ᠤᠷᠭᠤᠯᠲᠠ ᠵᠢᠨ ᠬᠡᠪ ᠶᠤᠰᠤ ᠪᠤᠯᠤᠨ ᠦᠷᠡᠵᠢᠯᠤᠨ ᠠᠷᠭᠠ ᠮᠠᠶᠢᠭ ᠵᠡᠷᠭᠡ ᠵᠢᠨᠢ ᠦᠨᠳᠦᠰᠦᠯᠡᠨ ᠲᠦᠷᠦᠯ ᠬᠤᠪᠢᠶᠡᠵᠤ ᠪᠤᠯᠤᠨᠠ᠃ ᠲᠡᠭᠦᠨᠤ ᠠᠮᠢᠳᠤ ᠪᠤᠳᠠᠰᠤᠨ ᠤᠨᠴᠠᠯᠢᠭᠨᠢ᠄ ᠤᠯᠠᠮᠵᠢᠯᠠᠬᠤ ᠬᠡᠯᠪᠡᠷᠢᠨᠢ ᠤᠯᠠᠨ᠂ ᠦᠷᠡᠵᠢᠬᠦ ᠪᠠ ᠳᠠᠬᠢᠨ ᠤᠷᠭᠤᠬᠤ ᠴᠢᠳᠠᠪᠤᠷᠢᠨᠢ ᠴᠢᠩᠭᠠ᠂ ᠠᠮᠢᠳᠤᠷᠠᠯᠤᠨ ᠦᠶᠡᠯᠡᠯᠨᠢ ᠶᠡᠷᠦᠳᠡᠭᠡᠨ ᠲᠠᠷᠢᠮᠠᠯᠠᠴᠠ ᠤᠬᠤᠷ᠂ ᠦᠷᠡᠨᠢ ᠪᠤᠯᠪᠠᠰᠤᠷᠠᠬᠤ ᠵᠢᠨ ᠳᠠᠭ᠋ᠠᠤ ᠤᠨᠠᠵᠤ᠂ ᠰᠦᠷᠬᠦ ᠵᠢ ᠡᠰᠡᠷᠭᠦᠴᠡᠬᠦ ᠴᠢᠨᠠᠷ ᠵᠶ᠋ᠠᠷ ᠴᠢᠩᠭᠠ᠂ ᠭᠡᠷᠡᠯᠤᠨ ᠨᠡᠶ᠋ᠢᠯᠡᠯᠭᠡ ᠵᠢᠨ ᠦᠷᠡ ᠠᠰᠢᠭᠨᠢ ᠦᠨᠳᠦᠷ ᠵᠡᠷᠭᠡ᠃ ᠲᠠᠷᠢᠶᠠᠨᠳᠠᠬᠢ ᠡᠯᠳᠡᠪ ᠡᠪᠡᠰᠦ ᠵᠢᠨ ᠭᠤᠤᠯ ᠬᠦᠨᠦᠭᠡᠯᠨᠢ᠄ ᠲᠠᠷᠢᠮᠠᠯᠲᠠᠢ ᠰᠢᠮᠡ ᠲᠡᠵᠢᠭᠡᠯ᠂ ᠤᠰᠤ᠂ ᠨᠠᠷᠠᠨᠤ ᠭᠡᠷᠡᠯ ᠪᠤᠯᠤᠨ ᠤᠷᠤᠨ ᠵᠠᠢ ᠪᠤᠯᠢᠶᠠᠯᠴᠠᠵᠤ᠂ ᠲᠠᠷᠢᠶᠠᠨᠤ ᠰᠠᠯᠬᠢ ᠨᠡᠪᠲᠡᠷᠡᠬᠦ ᠵᠢ ᠬᠠᠷᠰᠢᠯᠠᠭ᠋ᠠᠳ ᠲᠠᠷᠢᠮᠠᠯᠤᠨ ᠤᠨᠠᠯᠲᠠ ᠪᠤᠯᠤᠨ ᠶᠠᠰᠤ ᠴᠢᠨᠠᠷᠢ ᠳᠤᠷᠤᠭᠰᠢᠯᠠᠭᠤᠯᠤᠨᠠ᠃ ᠮᠠᠰᠢ ᠤᠯᠠᠨ ᠡᠯᠳᠡᠪ ᠡᠪᠡᠰᠦᠨᠢ ᠡᠪᠡᠳᠴᠢᠯᠡᠭᠦᠯᠬᠦ ᠮᠢᠺᠷᠣᠪ ᠪᠤᠯᠤᠨ ᠬᠦᠨᠦᠭᠡᠯᠲᠦ ᠰᠢᠪᠠᠵᠢ ᠵᠢᠨ ᠵᠠᠪᠰᠠᠷᠤᠨ ᠮᠦᠯᠵᠢᠭᠳᠡᠭᠴᠢ ᠪᠤᠶᠤ ᠮᠦᠯᠵᠢᠨ ᠤᠷᠤᠰᠢᠬᠤ ᠭᠠᠵᠠᠷ ᠲᠤᠯᠠ ᠡᠪᠡᠳᠴᠢᠯᠡᠭᠦᠯᠬᠦ ᠪᠠ ᠰᠢᠪᠠᠵᠢ ᠵᠢᠨ ᠬᠦᠨᠦᠭᠡᠯ ᠡᠭᠦᠰᠭᠡᠳᠡᠭ᠃ ᠡᠭᠦᠨᠠᠴᠠ ᠭᠠᠳᠠᠨᠠ ᠵᠠᠷᠢᠮ ᠡᠯᠳᠡᠪ ᠡᠪᠡᠰᠦ ᠵᠢᠨ ᠦᠷᠡ ᠪᠤᠶᠤ ᠴᠡᠴᠡᠭᠤᠨ ᠲᠤᠭᠤᠰᠤ ᠳᠤᠲᠤᠷᠠ ᠬᠤᠤᠷᠲᠤ ᠡᠳ᠋ ᠠᠭᠤᠯᠤᠭᠳᠠᠵᠤ ᠬᠦᠮᠦᠨ ᠮᠠᠯᠢ ᠬᠤᠤᠷᠳᠠᠭᠤᠯᠳᠠᠭ ᠪᠠᠶ᠋ᠢᠨᠠ᠃
（ᠢᠷᠡᠯᠲᠡ᠄ ᠰᠢ ᠢᠩᠤᠨ ᠨᠠᠶ᠋ᠢᠷᠠᠭᠤᠯᠤᠭᠰᠠᠨ 《ᠤᠷᠭᠤᠮᠠᠯᠤᠨ ᠡᠪᠡᠳᠴᠢᠨ ᠬᠤᠷᠤᠬᠠᠢ ᠡᠪᠡᠰᠦᠨᠤ ᠬᠦᠨᠦᠭᠡᠯᠢ ᠬᠢᠵᠠᠭ᠋ᠠᠷᠯᠠᠬᠤ ᠠᠰᠠᠭᠤᠯᠲᠠ ᠬᠠᠷᠢᠭᠤᠯᠲᠠ》 ᠭᠡᠬᠦ ᠨᠤᠮᠠᠴᠠ ᠰᠤᠩᠭᠤᠨ ᠰᠡᠶ᠋ᠢᠷᠡᠭᠦᠯᠪᠡ᠃）