ᠪᠤᠭᠤᠨᠢ ᠠᠮᠢᠲᠠᠨᠤ ᠰᠤᠳᠤᠯᠤᠯ ᠳᠡᠭᠡᠷᠡ ᠬᠦᠬᠦᠳᠡᠨᠤ ᠠᠩᠭᠢ᠂ ᠰᠠᠯᠠᠭᠠ ᠲᠤᠭᠤᠷᠠᠢ᠌ᠲᠠᠨᠤ ᠪᠠᠭ᠃ ᠪᠤᠭᠤ ᠵᠢᠨ ᠢᠵᠠᠭᠤᠷᠲᠤ ᠪᠠᠭᠲᠠᠨᠠ᠃ ᠲᠦᠷᠦᠯᠨᠢ ᠲᠠᠪᠢᠭ᠋ᠠᠳ ᠵᠦᠢ᠍ᠯᠳᠤ ᠬᠦᠷᠴᠤ ᠲᠠᠷᠬᠠᠯᠲᠠᠨᠢ ᠦᠷᠭᠡᠨ᠃
ᠬᠠᠯᠢᠭᠤᠨ ᠪᠤᠭᠤ ᠵᠢ ᠪᠠᠰᠠ ᠲᠤᠷᠤᠭ ᠪᠤᠭᠤ ᠭᠡᠳᠡᠭ᠃ ᠲᠤᠷᠤᠭ ᠪᠤᠭᠤ ᠭᠡᠳᠡᠭ ᠨᠢ ᠬᠠᠯᠢᠭᠤᠨ ᠪᠤᠭᠤ ᠵᠢᠨ ᠲᠤᠳᠤᠷᠠᠬᠢ ᠡᠷᠡ ᠪᠤᠭᠤ ᠵᠢ ᠵᠢᠭ᠋ᠠᠳᠠᠭ ᠶᠤᠮ᠃ ᠬᠠᠯᠢᠭᠤᠨ ᠪᠤᠭᠤᠨᠢ ᠬᠠᠯᠢᠭᠤᠨ ᠵᠢᠰᠦᠮᠤᠨ ᠪᠤᠯᠪᠠᠴᠤ ᠴᠠᠭ ᠤᠯᠠᠷᠢᠯᠤᠨ ᠪᠠᠢ᠌ᠳᠠᠯ ᠵᠶ᠋ᠠᠷ ᠤᠯᠠᠭ᠋ᠠᠪᠳᠤᠷ᠂ ᠬᠦᠷᠡᠪᠲᠦᠷ᠂ ᠴᠠᠢ᠌ᠪᠤᠷ᠂ ᠬᠦᠬᠡᠪᠳᠦᠷ ᠪᠤᠯᠵᠦ ᠦᠩᠭᠡ ᠰᠤᠯᠢᠳᠠᠭ᠃ ᠮᠠᠨᠤ ᠤᠷᠤᠨ ᠤ ᠲᠤᠭᠤᠷᠠᠢ᠌ᠳᠠᠨᠤ ᠲᠤᠳᠤᠷᠠ ᠬᠠᠨᠳᠠᠭ᠋ᠠᠢ ᠵᠢᠨ ᠳᠠᠷᠠᠭᠠ ᠤᠷᠤᠳᠠᠭ᠃ ᠬᠠᠯᠢᠭᠤᠨ ᠪᠤᠭᠤ ᠵᠢᠨ ᠪᠡᠶᠡ ᠵᠢᠨ ᠤᠷᠳᠦᠨᠢ 130—140 ᠰᠠᠨᠲ᠋ᠢᠮᠸᠲᠷ᠂ ᠦᠨᠳᠦᠷᠨᠢ ᠰᠡᠷᠪᠡᠭᠡᠪᠠᠷ ᠵᠶ᠋ᠡᠨ 115—155 ᠰᠠᠨᠲ᠋ᠢᠮᠸᠲᠷ᠂ ᠬᠦᠨᠳᠦᠨᠢ 350 ᠺᠢᠯᠤᠭ᠌ᠷᠠᠮ ᠬᠦᠷᠦᠨᠡ᠃ ᠪᠡᠶᠡ ᠬᠦᠢ᠍ᠴᠡᠭᠰᠡᠨ ᠡᠷᠡ ᠪᠤᠭᠤ ᠨᠢᠭᠡ ᠲᠠᠯᠠᠳᠠᠭᠠᠨ 5—6 （ᠵᠠᠷᠢᠮᠨᠢ 7—9） ᠰᠠᠯᠠᠭᠠ ᠪᠦᠬᠦᠢ ᠬᠤᠤᠰ ᠡᠪᠡᠷᠲᠠᠢ᠂ ᠬᠤᠤᠰ ᠡᠪᠡᠷᠤᠨ ᠬᠦᠨᠳᠦᠨᠢ 3—7 ᠺᠢᠯᠤᠭ᠌ᠷᠠᠮ ᠪᠠᠢ᠌ᠨᠠ᠃
ᠪᠡᠶᠡ ᠬᠦᠢ᠍ᠴᠡᠭᠰᠡᠨ ᠪᠤᠭᠤ ᠵᠢᠨ ᠡᠷᠡ ᠵᠢ ᠲᠠᠢ᠌ᠷ （ᠳ᠋ᠠᠢ᠌ᠷ）᠂ ᠲᠤᠷᠤᠭ᠂ ᠡᠮᠡ ᠵᠢ ᠰᠤᠭᠤ᠂ ᠮᠠᠷᠠᠯ᠂ ᠨᠢᠯᠬᠠ ᠲᠤᠭᠤᠯᠢ ᠦᠷᠡ ᠪᠤᠶᠤ ᠢᠯᠢ᠂ ᠨᠢᠭᠡ ᠨᠠᠰᠤᠳᠠᠢ ᠲᠤᠭᠤᠯᠢ ᠵᠤᠷᠭᠤᠯ᠂ ᠬᠤᠶᠠᠷ ᠨᠠᠰᠤᠳᠠᠢ ᠵᠢ ᠵᠢᠢ᠂ ᠭᠤᠷᠪᠠᠨ ᠨᠠᠰᠤᠳᠠᠢ ᠵᠢ ᠴᠦᠬᠦ᠂ ᠲᠦᠷᠪᠠᠨ ᠨᠠᠰᠤᠳᠠᠢ ᠵᠢ ᠲᠠᠢ᠌ᠷᠠᠭ ᠭᠡᠵᠦ ᠨᠡᠷᠡᠯᠡᠨᠡ᠃
ᠬᠠᠯᠢᠭᠤᠨ ᠪᠤᠭᠤ ᠤᠤᠯᠨᠢ ᠮᠤᠩᠭᠤᠯ ᠤᠷᠤᠨᠳᠤ ᠡᠩ ᠨᠡᠢ᠌ᠳᠠᠮ ᠪᠠᠢ᠌ᠭᠰᠠᠨ ᠪᠤᠯᠪᠠᠴᠤ ᠡᠳᠦᠬᠡ ᠶᠡᠬᠡ ᠬᠤᠪᠤᠷᠳᠠᠵᠤ ᠵᠦᠪᠬᠡᠨ ᠶᠡᠬᠡ ᠬᠢᠩᠭ᠋ᠠᠨ ᠳᠠᠪᠠᠭᠠ᠂ ᠠᠯᠠᠱ᠌ᠠ ᠠᠭᠤᠯᠠ ᠬᠢᠭᠡᠳ ᠲᠡᠳᠡᠭᠡᠷᠤᠨ ᠵᠠᠷᠢᠮ ᠰᠠᠯᠪᠤᠷᠢ ᠪᠤᠯᠬᠤ ᠪᠡᠷᠬᠡ ᠪᠠᠷᠲᠠᠭ᠋ᠠᠳᠤ ᠠᠭᠤᠯᠠᠨᠳᠤ ᠬᠠᠷᠠᠭᠳᠠᠨᠠ᠃
ᠤᠯᠠᠷᠢᠯᠢ ᠲᠠᠭ᠋ᠠᠵᠤ ᠪᠠᠢ᠌ᠷᠢᠰᠢᠯᠢ ᠰᠤᠯᠢᠬᠤ ᠪᠠ ᠢᠳᠡᠰᠢ ᠰᠤᠩᠭᠤᠨᠠ᠃ ᠡᠪᠤᠯᠳᠡᠭᠡᠨ ᠨᠡᠷᠡᠨᠤ ᠡᠭᠡᠪᠤᠷ ᠵᠶ᠋ᠠᠷ ᠶᠠᠪᠤᠳᠠᠭ᠃ ᠲᠡᠭᠷᠢ ᠭᠡᠭᠡᠷᠡᠬᠦ ᠵᠢᠨ ᠡᠮᠦᠨᠡ ᠪᠤᠶᠤ ᠰᠢᠷᠠ ᠪᠦᠷᠦᠢᠪᠠᠷ ᠭᠤᠷᠪᠠ ᠲᠠᠪᠤᠪᠠᠷ ᠰᠦᠷᠦᠭᠯᠡᠵᠦ᠂ ᠬᠠᠲᠠᠭᠰᠠᠨ ᠡᠪᠡᠰᠦ ᠪᠤᠶᠤ ᠬᠤᠰᠤᠨ ᠰᠠᠮᠤᠷ᠂ ᠪᠤᠷᠭ᠋ᠠᠰᠤᠨ ᠨᠠᠢ᠌ᠯᠵᠠᠭᠤᠷ ᠢᠳᠡᠨᠡ᠃ ᠵᠤᠨᠳᠠᠭᠠᠨ ᠠᠭᠤᠯᠠᠨ ᠬᠦᠲᠦᠯᠤᠨ ᠤᠢᠳᠤ ᠤᠷᠤᠩᠨᠠᠬᠤ ᠪᠦᠭᠡᠳ ᠭᠤᠤᠯᠳᠤ ᠤᠴᠢᠵᠦ ᠤᠮᠪᠠᠨ ᠰᠡᠷᠢᠭᠦᠴᠡᠳᠡᠭ᠃