ᠰᠤᠶᠤᠯᠤᠨ ᠭᠠᠢ᠌ᠬᠠᠮᠰᠢᠭᠢ ᠨᠠᠷᠭᠢᠭᠤᠯᠤᠭᠰᠠᠨ《ᠨᠡᠢ᠌ᠭᠡᠮ》 ᠰᠡᠳᠬᠦᠯ ᠮᠢᠨᠢ
—《ᠨᠡᠢ᠌ᠭᠡᠮ》ᠰᠡᠳᠬᠦᠯᠤᠨ ᠭᠤᠴᠢᠨ ᠵᠢᠯᠤᠨ ᠤᠢᠳᠤ
ᠨᠠ᠊ · ᠵᠢᠷᠭ᠋ᠠᠯ ᠵᠤᠬᠢᠶᠠᠪᠠ
ᠤᠨ ᠴᠠᠭ ᠤᠷᠴᠢᠨ ᠨᠢᠳᠤ ᠢᠷᠮᠡᠬᠦ ᠵᠠᠭᠤᠷᠠ ᠭᠤᠴᠢᠨ ᠬᠠᠪᠤᠷ ᠨᠠᠮᠤᠷ ᠦᠩᠭᠡᠷᠡᠨ ᠣᠳᠬᠤᠳᠤ ᠬᠦᠮᠦᠨ ᠨᠡᠢ᠌ᠭᠡᠮᠢ ᠲᠠᠨᠢᠭᠤᠯᠤᠨ ᠰᠤᠶᠤᠯᠤᠨ ᠭᠠᠢ᠌ᠬᠠᠮᠰᠢᠭᠢ ᠨᠠᠷᠭᠢᠭᠤᠯᠤᠭᠰᠠᠨ 《ᠨᠡᠢ᠌ᠭᠡᠮ》ᠰᠡᠳᠬᠦᠯ ᠴᠤ᠌ ᠠᠭᠤᠤ ᠶᠡᠬᠡ ᠡᠪ ᠬᠠᠮᠲᠤ ᠨᠠᠮᠤᠨ ᠮᠡᠨᠳᠦᠯᠡᠭᠰᠡᠨ ᠵᠠᠭᠤᠨ ᠵᠢᠯᠤᠨ ᠦᠪᠡᠳᠡᠭᠰᠢ ᠪᠠᠶᠠᠷᠤᠨ ᠬᠦᠭᠵᠢᠶᠡᠨ ᠨᠠᠷᠭᠢᠶᠠᠨᠤ ᠬᠠᠮᠲᠤᠪᠠᠷ ᠭᠤᠴᠢᠨ ᠵᠢᠯᠤᠨ ᠤᠢᠪᠠᠨ ᠤᠭᠲᠤᠨ ᠠᠪᠴᠢᠷᠠᠯᠠ᠃
ᠨᠤᠮᠤᠨ ᠬᠣᠷᠭᠤᠨ ᠳᠤᠬᠢ ᠤᠯᠠᠨ ᠭᠠᠵᠠᠷᠤᠨ ᠮᠤᠩᠭᠤᠯ ᠬᠢᠲᠠᠳ ᠰᠡᠳᠬᠦᠯᠢ ᠤᠷᠪᠠᠭᠤᠯᠤᠨ ᠦᠵᠡᠬᠦ ᠪᠦᠷᠢ 《ᠨᠡᠢ᠌ᠭᠡᠮ》 ᠰᠡᠳᠬᠦᠯ ᠮᠠᠨᠢ ᠬᠠᠷᠠᠭ᠋ᠠᠨᠳᠤ ᠤᠨᠴᠠᠭ᠋ᠠᠢ ᠲᠤᠳᠤᠷᠠᠨ ᠰᠡᠳᠬᠢᠯᠤᠨ ᠳᠤᠲᠤᠷᠠ ᠪᠠᠶᠠᠷ ᠲᠠᠯᠠᠷᠬᠠᠯᠤᠨ ᠦᠭᠡ ᠪᠠᠢ᠌ᠨ ᠪᠠᠢ᠌ᠨ ᠴᠣᠬᠣᠯᠵᠠᠭ᠋ᠠᠳ ᠯᠡ ᠢᠷᠡᠳᠡᠭ᠃
ᠨᠤᠮ ᠰᠡᠳᠬᠦᠯᠤᠨ ᠦᠩᠭᠡ ᠵᠢᠨ ᠴᠡᠴᠡᠭᠡᠰᠤᠨ ᠳᠤᠮᠳᠠ ᠦᠪᠡᠷᠤᠨ ᠭᠡᠬᠦ ᠦᠵᠡᠰᠭᠦᠯᠡᠩ ᠵᠶ᠋ᠠᠷ ᠵᠶ᠋ᠠᠨ ᠰᠤᠳᠤᠨ ᠠᠭᠤᠯᠭᠠ᠂ ᠰᠣᠨᠢᠭᠤᠴᠢ ᠦᠯᠢᠭᠡᠷ᠂ ᠤᠷᠮᠠᠲᠠᠢ ᠪᠦᠲᠦᠭᠡᠯ ᠵᠶ᠋ᠠᠷ ᠵᠶ᠋ᠠᠨ ᠦᠩᠭᠡ ᠦᠵᠡᠮᠵᠢᠪᠠᠨ ᠱᠠᠭᠰᠢᠭᠤᠯᠤᠨ ᠳᠠᠶᠠᠭ᠋ᠠᠷᠤᠨ ᠰᠣᠨᠤᠷᠢ ᠮᠢᠯᠢᠶᠠᠨ ᠬᠠᠷᠠᠭᠠ ᠵᠢ ᠪᠣᠯᠢᠶᠠᠳᠠᠭᠨᠢ 《ᠨᠡᠢ᠌ᠭᠡᠮ》 ᠭᠡᠭᠴᠢ ᠡᠭᠡᠯ ᠵᠢᠷᠤᠨ ᠡᠷᠬᠢᠮ ᠨᠢᠭᠡᠨ ᠮᠣᠩᠭᠤᠯ ᠰᠡᠳᠬᠦᠯ ᠪᠢᠯᠡ᠃
《ᠨᠡᠢ᠌ᠭᠡᠮ》 ᠰᠡᠳᠬᠦᠯ ᠭᠡᠭᠴᠢ ᠨᠡᠢ᠌ᠲᠡ ᠲᠦᠮᠡᠨᠳᠤ ᠣᠶᠤᠨᠤ ᠰᠢᠮᠡ ᠵᠢ ᠬᠦᠷᠲᠡᠭᠡᠵᠦ᠂ ᠲᠦᠷᠦ ᠵᠠᠰᠠᠭᠤᠨ ᠳᠠᠭᠤᠨ ᠬᠤᠭᠤᠯᠠᠢ ᠪᠤᠯᠵᠤ᠂ ᠴᠠᠭ ᠡᠷᠢᠨᠤ ᠬᠦᠭ ᠠᠢ᠌ᠵᠠᠮᠲᠠᠢ ᠠᠯᠬᠣᠭᠠ ᠵᠤᠬᠢᠴᠠᠨ ᠠᠮᠢᠰᠬᠤᠭᠠ ᠨᠢᠭᠡᠳᠴᠦ᠂ ᠦᠪᠡᠷᠤᠨ ᠡᠭᠦᠷᠭᠡᠪᠠᠨ ᠭᠢᠯᠠᠯᠵᠠᠲᠠᠯᠠ ᠰᠠᠢ᠌ᠬᠠᠨ ᠪᠡᠶᠡᠯᠡᠭᠦᠯᠵᠦ ᠶᠠᠪᠤᠭᠰᠠᠨ ᠵᠶ᠋ᠠᠷ ᠵᠶ᠋ᠠᠨ ᠣᠩᠰᠢᠭᠴᠢᠳᠤᠨ ᠲᠠᠭ᠋ᠠᠰᠢᠶᠠᠯᠢ ᠬᠦᠷᠲᠡᠵᠦ ᠣᠢ ᠣᠬᠠᠭ᠋ᠠᠨᠳᠤᠨᠢ ᠭᠦᠨ ᠰᠠᠭᠤᠭᠳᠠᠯᠲᠠᠢ᠂ ᠲᠠᠷᠬᠠᠭ᠋ᠠᠯᠲᠠ ᠵᠢᠨ ᠬᠡᠪᠴᠢᠶᠡ ᠨᠢ ᠦᠷᠭᠡᠨ ᠪᠠᠢ᠌ᠳᠠᠭ᠃
《ᠨᠡᠢ᠌ᠭᠡᠮ》 ᠰᠡᠳᠬᠦᠯ ᠮᠠᠨᠢ ᠦᠷᠭᠡᠨ ᠤᠯᠠᠨ ᠣᠩᠰᠢᠭᠴᠢᠲᠠᠢᠪᠠᠨ ᠵᠣᠯᠭ᠋ᠠᠭᠰᠠᠨ ᠲᠡᠷᠡ ᠴᠠᠭ ᠮᠦᠴᠡᠠᠴᠠ ᠠᠷᠠᠳᠤᠨ ᠠᠮᠢᠳᠤᠷᠠᠯᠲᠠᠢ ᠣᠢ᠌ᠷᠠᠲᠤᠨ᠂ ᠬᠦᠮᠦᠰᠤᠨ ᠳᠤᠷᠠ ᠰᠣᠨᠢᠷᠬᠠᠯᠳᠤ ᠨᠡᠢ᠌ᠴᠡᠭᠰᠡᠨ ᠵᠤᠬᠢᠶᠠᠯ ᠪᠦᠲᠦᠭᠡᠯᠢ ᠤᠳᠠᠭᠠ ᠳᠠᠷᠠᠭ᠋ᠠᠯᠠᠨ ᠨᠡᠢ᠌ᠲᠡᠯᠡᠵᠦ᠂ ᠠᠩᠬᠠᠷᠤᠯᠢᠨᠢ ᠲᠠᠲᠠᠨ ᠮᠠᠰᠢ ᠰᠠᠢ᠌ᠨ ᠨᠦᠯᠦᠭᠡ ᠲᠤᠰᠬᠠᠯ ᠭᠠᠷᠭ᠋ᠠᠵᠤ᠂ 《ᠨᠡᠢ᠌ᠭᠡᠮ》 ᠰᠡᠳᠬᠦᠯᠢ ᠮᠡᠳᠡᠬᠦ ᠦᠭᠡᠢ ᠬᠦᠮᠦᠨ ᠴᠦᠬᠡᠨ ᠪᠣᠯᠤᠭᠰᠠᠨᠨᠢ ᠨᠢᠭᠡᠨ ᠭᠠᠢ᠌ᠬᠠᠮᠰᠢᠭ ᠶᠤᠮ᠃
— 《ᠨᠡᠢ᠌ᠭᠡᠮ》 ᠰᠡᠳᠬᠦᠯᠢᠪᠠᠨ ᠤᠩᠰᠢᠶᠠ᠂ ᠤᠯᠠᠨ ᠤᠴᠢᠷᠢ ᠮᠡᠳᠡᠵᠦ ᠪᠣᠯᠤᠨᠠ᠂ ᠰᠠᠢ᠌ᠬᠠᠨ ᠰᠡᠳᠬᠦᠯ ᠰᠢᠦ！ ᠭᠡᠵᠦ ᠬᠦᠳᠡᠭᠡ ᠵᠢᠨ ᠬᠦᠮᠦᠰ ᠬᠠᠷᠢᠯᠴᠠᠨ ᠵᠤᠭᠤᠭᠳᠠᠵᠤ ᠰᠢᠤᠳᠠᠨᠤ ᠭᠠᠵᠠᠷᠢ ᠴᠢᠭᠯᠡᠬᠦ ᠨᠢ ᠪᠠᠢ᠌ᠩᠭᠤ ᠬᠠᠷᠠᠭᠳᠠᠳᠠᠭᠨᠢ ᠦᠨᠡᠨ ᠃
— ᠲᠡᠷᠡ ᠤᠳᠠᠭᠠ ᠵᠢᠨ ᠰᠡᠳᠬᠦᠯᠳᠤ ᠮᠠᠯᠴᠢᠨ ᠲᠦᠮᠡᠨᠤ ᠠᠮᠢᠳᠤᠷᠠᠯᠤᠨ ᠲᠤᠬᠠᠢ ᠤᠨᠤᠪᠴᠢᠲᠡᠢ ᠰᠠᠢ᠌ᠬᠠᠨ ᠶᠠᠷᠢᠭᠰᠠᠨ ᠶᠤᠮ᠃ ᠮᠠᠨᠤᠰᠲᠤ ᠲᠤᠰᠠ ᠳᠦᠭᠦᠮ ᠪᠤᠯᠤᠭᠰᠠᠨ ᠳ᠋ᠠ！ ᠭᠡᠵᠦ ᠬᠠᠶᠠ ᠨᠢᠭᠡ ᠨ᠊ᠢ ᠪᠤᠳᠤᠯ ᠵᠶ᠋ᠠᠨ ᠳᠡᠯᠭᠡᠳᠡᠭ᠃
ᠬᠦᠳᠡᠭᠡ ᠨᠤᠲᠤᠭᠤᠨ ᠬᠦᠮᠦᠰᠲᠤ《ᠨᠡᠢ᠌ᠭᠡᠮ》 ᠰᠡᠳᠬᠦᠯᠨᠢ ᠤᠩᠰᠢᠬᠤ ᠵᠢᠨ ᠰᠤᠨᠢᠷᠬᠠᠯ᠂ ᠰᠤᠷᠬᠤ ᠵᠢᠨ ᠪᠠᠬᠠᠷᠬᠠᠯ᠂ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠰᠢᠮᠡ ᠬᠦᠷᠲᠡᠭᠡᠯ᠂ ᠠᠮᠢᠳᠤᠷᠠᠯᠤᠨ ᠲᠤᠰᠠᠯᠠᠮᠵᠢ᠂ ᠦᠨᠡᠯᠡᠬᠦ ᠵᠢᠨ ᠰᠢᠵᠢᠮ ᠪᠣᠯᠵᠤ ᠪᠠᠢ᠌ᠭᠰᠠᠨᠨᠢ ᠡᠷᠭᠢᠴᠡᠭᠦᠯᠦᠨ ᠪᠣᠳᠤᠬᠤᠳᠤ ᠢᠲᠡᠭᠡᠭᠳᠡᠰᠢ ᠦᠭᠡᠢ ᠭᠠᠢ᠌ᠬᠠᠮᠰᠢᠭ ᠭᠡᠪᠡᠯ ᠨᠢᠭᠡ ᠯᠡ ᠦᠭᠡ ᠰᠠᠨ᠃
ᠲᠤᠬᠠᠢ ᠵᠢᠨ ᠦᠶᠡᠰ ᠬᠦᠳᠡᠭᠡ ᠶᠠᠪᠤᠬᠤ ᠵᠠᠭᠤᠷᠠ ᠡᠭᠡᠯ ᠵᠢᠷᠤᠨ ᠮᠠᠯᠴᠢᠳ ᠴᠤ᠌《ᠨᠡᠢ᠌ᠭᠡᠮ》 ᠰᠡᠳᠬᠦᠯᠢ ᠬᠤᠪᠢᠪᠠᠷ ᠵᠶ᠋ᠠᠨ ᠵᠠᠬᠢᠶᠠᠯᠠᠨ ᠤᠩᠰᠢᠵᠤ᠂ ᠬᠢᠷᠢ ᠪᠠᠷᠤᠭᠤᠨ ᠪᠢᠴᠢᠭ ᠮᠡᠳᠡᠬᠦ ᠠᠢ᠌ᠯᠳᠤ ᠨᠢᠭᠡᠨ ᠬᠤᠪᠢ ᠬᠠᠷᠠᠭᠳᠠᠵᠤ ᠪᠠᠢ᠌ᠵᠠᠢ ᠭᠡᠬᠦᠳᠤ ᠬᠡᠲᠦᠷᠡᠮᠡᠷ ᠤᠴᠢᠷ ᠦᠭᠡᠢ᠃ ᠬᠠᠮᠢᠭᠠ ᠭᠠᠵᠠᠷ ᠬᠦᠷᠦᠭᠰᠡᠨ ᠴᠤ᠌ ᠨᠣᠮ ᠰᠡᠳᠬᠦᠯᠤᠨ ᠲᠤᠬᠠᠢ ᠵᠤᠭᠤᠭᠳᠠᠪᠠᠯ ᠬᠠᠮᠤᠭᠤᠨ ᠲᠦᠷᠦᠭᠦᠦ 《ᠨᠡᠢ᠌ᠭᠡᠮ》 ᠰᠡᠳᠬᠦᠯᠢ ᠪᠠᠬᠠᠲᠠᠢ᠌ᠬᠠᠨ ᠬᠦᠤᠷᠨᠢᠯᠳᠦᠵᠦ᠂ ᠠᠯᠢ ᠬᠤᠭᠤᠴᠠᠭᠠ ᠵᠢᠨ ᠶᠠᠮᠠᠷ ᠵᠤᠬᠢᠶᠠᠯᠨᠢ ᠤᠩᠰᠢᠬᠤᠳᠤ ᠰᠠᠢ᠌ᠬᠠᠨ᠂ ᠠᠯᠢ ᠬᠤᠭᠤᠴᠠᠭᠠ ᠵᠢᠨ ᠠᠯᠢ ᠨᠢᠭᠡᠨ ᠵᠤᠬᠢᠶᠠᠯᠨᠢ ᠰᠣᠨᠢᠨ ᠰᠡᠪᠡᠭᠦᠨ ᠭᠡᠵᠦ ᠤᠷᠮᠠᠲᠠᠢ ᠶᠠᠷᠢᠯᠳᠤᠨ ᠪᠠᠬᠠᠲᠠᠢ ᠳᠦᠷᠭᠢᠯᠳᠦᠬᠦᠨᠢ ᠨᠢᠭᠡᠨ ᠴᠠᠭᠤᠨ ᠤᠶᠤᠨᠤ ᠲᠡᠵᠢᠭᠡᠯ ᠰᠡᠳᠬᠢᠯᠤᠨ ᠪᠠᠬᠠᠷᠬᠠᠯ ᠪᠤᠯᠵᠤ ᠪᠠᠢ᠌ᠵᠠᠢ᠃
— ᠡᠷᠡᠭᠦᠯ ᠬᠠᠮᠠᠭ᠋ᠠᠯᠠᠯ᠂ ᠠᠮᠢᠳᠤᠷᠠᠯᠤᠨ ᠶᠡᠷᠦ ᠵᠢᠨ ᠮᠡᠳᠡᠯᠭᠡ ᠭᠡᠵᠦ ᠶᠡᠷᠦᠠᠴᠠ ᠤᠯᠵᠤ ᠮᠡᠳᠡᠭᠡᠳᠦᠢ ᠰᠢᠨᠡ ᠤᠴᠢᠷ᠂ ᠶᠤᠰᠤᠲᠡᠢ ᠨᠢᠳᠤ ᠨᠡᠬᠡᠭᠡᠭᠳᠡᠯᠡ！ ᠭᠡᠵᠦ ᠤᠩᠰᠢᠭᠴᠢᠳ ᠪᠤᠳᠤᠯᠤᠨ ᠦᠭᠡᠪᠠᠨ ᠬᠡᠯᠡᠳᠡᠭᠨᠢ ᠪᠠᠢ᠌ᠨ ᠳᠠᠬᠢᠨ ᠰᠤᠨᠤᠷᠲᠤ ᠬᠠᠩᠭᠢᠨᠠᠭ᠋ᠠᠳ ᠪᠠᠢ᠌ᠳᠠᠭᠨᠢ ᠬᠠᠴᠢᠨ ᠶᠤᠮ᠃
ᠮᠢᠨᠤ ᠪᠡᠶᠡ ᠴᠤ᠌ ᠡᠭᠡᠯ ᠨᠢᠭᠡᠨ ᠤᠩᠰᠢᠭᠴᠢ᠂ ᠠᠵᠢᠯᠤᠨ ᠴᠢᠯᠦᠭᠡᠨᠤ ᠵᠤᠬᠢᠶᠠᠭᠴᠢ ᠵᠢᠨ ᠬᠤᠪᠢᠳᠤ 《ᠨᠡᠢ᠌ᠭᠡᠮ》 ᠰᠡᠳᠬᠦᠯᠢᠪᠠᠨ ᠦᠷᠭᠦᠯᠵᠢ ᠠᠩᠬᠠᠷᠤᠨ ᠤᠩᠰᠢᠵᠤ᠂ ᠰᠤᠳᠤᠨ ᠰᠠᠢ᠌ᠬᠠᠨ ᠪᠦᠲᠦᠭᠡᠯᠢᠨᠢ ᠰᠤᠨᠢᠷᠬᠠᠵᠤ᠂ ᠮᠡᠳᠡᠯᠭᠡ ᠵᠢᠨ ᠰᠠᠩᠠᠴᠠ ᠬᠢᠴᠢᠶᠡᠯ ᠰᠤᠷᠴᠤ᠂ ᠦᠭᠡᠰᠤᠨ ᠳᠠᠯᠠᠢᠠᠴᠠ ᠪᠢᠴᠢᠭ ᠡᠵᠡᠮᠰᠢᠵᠦ᠂ ᠬᠦᠮᠦᠨ ᠵᠤᠨᠲᠠᠢᠪᠠᠨ ᠠᠳᠠᠯᠢᠬᠠᠨ ᠪᠠᠬᠠᠷᠬᠠᠨ ᠬᠦᠤᠷᠨᠢᠯᠳᠦᠵᠦ᠂ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠪᠠᠬᠠᠳᠤᠯ ᠵᠤᠷᠢᠭᠵᠢᠯ᠂ ᠠᠴᠢ ᠲᠤᠰᠠ ᠵᠢᠨᠢ ᠬᠦᠷᠲᠡᠵᠦ ᠶᠠᠪᠤᠭᠰᠠᠨ ᠮᠢᠨᠢ ᠬᠡᠵᠢᠶᠡ ᠴᠤ᠌ ᠮᠠᠷᠲᠠᠭᠳᠠᠰᠢ ᠦᠭᠡᠢ ᠪᠠᠯ ᠪᠤᠷᠠᠮ ᠰᠢᠭ᠋ ᠳᠤᠷᠠᠳᠬᠠᠯ ᠪᠠᠢ᠌ᠨᠠᠮ᠃
ᠭᠤᠴᠢᠨ ᠵᠢᠯᠤᠨ ᠬᠠᠪᠤᠷ ᠨᠠᠮᠤᠷᠢᠨᠢ ᠪᠠᠬᠠᠳᠤᠨ ᠡᠷᠭᠢᠴᠡᠭᠦᠯᠬᠦᠳᠤ ᠣᠯᠳᠤᠢ ᠪᠦᠲᠦᠭᠡᠯ ᠮᠢᠨᠢ ᠤᠷᠤᠨ ᠵᠠᠢᠪᠠᠨ ᠡᠵᠡᠯᠡᠵᠦ᠂ ᠳᠦᠷᠪᠡᠨ ᠵᠦᠭᠤᠨ ᠤᠩᠰᠢᠭᠴᠢ ᠵᠢᠨ ᠠᠯᠠᠭ᠋ᠠᠨᠳᠤ ᠳᠤᠷᠠᠢ᠌ᠵᠤ᠂ ᠨᠢᠭᠡᠨ ᠴᠠᠭᠤᠨ ᠵᠤᠭᠠ ᠴᠡᠩᠭᠡᠯ ᠪᠤᠯᠵᠤ ᠪᠠᠢ᠌ᠭᠰᠠᠨᠢ ᠬᠡᠯᠡᠬᠦᠳᠤ ᠪᠠᠬᠠᠲᠠᠢ ᠪᠢᠯᠡ᠃
ᠮᠢᠨᠤ ᠪᠢᠴᠢᠭᠰᠡᠨ 《ᠨᠤᠲᠤᠭᠤᠨ ᠰᠠᠢ᠌ᠬᠠᠨ》᠂ 《ᠰᠦᠨ ᠴᠡᠴᠡᠭ》᠂ 《ᠡᠬᠡ ᠬᠡᠯᠡᠨᠤ ᠢᠪᠡᠭᠡᠯᠳᠤ》᠂ 《ᠬᠦᠳᠡᠭᠡ ᠪᠠᠭᠤᠭᠰᠠᠨ ᠲᠡᠮᠳᠡᠭᠯᠡᠯ》᠂ 《ᠨᠤᠲᠤᠭᠤᠨ ᠦᠳᠡᠰᠢ》᠂ 《ᠡᠪᠦᠯᠤᠨ ᠦᠳᠡ》᠂ 《ᠨᠤᠲᠤᠭᠤᠨ ᠬᠡᠰᠢᠭ》᠂ 《ᠠᠷᠪᠠᠨ ᠵᠢᠷᠭᠤᠭ᠋ᠠᠨ ᠨᠠᠰᠤ》᠂ 《ᠤᠯᠠᠭ᠋ᠠᠡᠮᠦ᠋ᠴᠢᠷ ᠢᠷᠡᠯᠡ》᠂ 《ᠭᠤᠷᠯᠤᠰ ᠨᠤᠲᠤᠭᠲᠤ》 ᠵᠡᠷᠭᠡ ᠵᠢᠨ ᠭᠤᠴᠢᠭ᠋ᠠᠳ ᠪᠦᠲᠦᠭᠡᠯ ᠮᠢᠨᠢ《ᠨᠡᠢ᠌ᠭᠡᠮ》ᠰᠡᠳᠬᠦᠯᠳᠤ ᠨᠡᠢ᠌ᠲᠡᠯᠡᠭᠳᠡᠵᠡᠢ᠃ ᠡᠨᠡ ᠪᠦᠬᠦᠨ ᠪᠣᠯ ᠡᠷᠬᠢᠮ ᠰᠡᠳᠬᠦᠯᠤᠨ ᠮᠢᠨᠢ ᠦᠭᠭᠢᠶᠡᠮᠦᠷ ᠬᠠᠢ᠌ᠷᠠ᠂ ᠡᠷᠬᠢᠮ ᠨᠠᠢ᠌ᠷᠠᠭᠤᠯᠤᠭᠴᠢ ᠪᠠᠭᠰᠢ ᠨᠠᠷᠤᠨ ᠨᠠᠨᠳᠢᠨ ᠬᠦᠳᠡᠯᠮᠦᠷᠢ᠂ ᠴᠠᠭ ᠦᠶᠡ ᠵᠢᠨ ᠦᠩᠭᠡ ᠵᠢᠷᠤᠭᠢ ᠪᠢᠴᠢᠭᠰᠡᠨ ᠲᠡᠮᠳᠡᠭᠯᠡᠯ ᠬᠡᠮᠡᠨ ᠪᠢ ᠴᠢᠩ ᠰᠡᠳᠬᠢᠯᠠᠴᠠᠪᠠᠨ ᠲᠠᠯᠠᠷᠬᠠᠳᠠᠭ᠃
2011 ᠣᠨᠤ 11 ᠳ᠋ᠤᠭᠡᠷ ᠰᠠᠷᠠᠳᠤ ᠡᠬᠡ ᠤᠯᠤᠰᠤᠨ ᠪᠠᠷᠠᠭᠤᠨ ᠡᠮᠦᠨᠡᠲᠦ ᠬᠢᠵᠠᠭ᠋ᠠᠷ ᠲᠤᠬᠢ ᠰᠸᠴᠤᠸᠠᠨ ᠮᠤᠵᠢ ᠵᠢᠨ ᠰᠢᠴᠠᠩ ᠬᠤᠲᠠᠳᠤ ᠮᠤᠩᠭᠤᠯ ᠰᠡᠳᠬᠦᠯᠤᠨ ᠡᠭᠡᠯᠵᠢᠲᠦ ᠬᠤᠷᠠᠯᠳᠤ ᠤᠷᠢᠭᠳᠠᠨ ᠣᠷᠣᠯᠴᠠᠭᠰᠠᠨᠨᠢ ᠡᠨᠡ ᠨᠠᠰᠤᠨᠤ ᠬᠠᠮᠤᠭᠤᠨ ᠶᠡᠬᠡ ᠤᠯᠵᠠᠭᠤᠷᠬᠠᠯ ᠶᠤᠮ᠃ ᠲᠡᠷᠡ ᠤᠳᠠᠭ᠋ᠠᠨᠤ ᠠᠶᠠᠯᠠᠯᠢᠪᠠᠨ ᠡᠮᠬᠢᠯᠡᠨ ᠪᠢᠴᠢᠭᠰᠡᠨ 《ᠲᠦᠮᠡᠨ ᠭᠠᠵᠠᠷ ᠠᠶᠠᠯᠠᠨ ᠲᠦᠷᠦᠯ ᠤᠭᠰᠠᠭᠠᠪᠠᠨ ᠡᠷᠭᠢᠨ ᠦᠵᠡᠭᠰᠡᠨᠨᠢ》 ᠭᠡᠬᠦ ᠵᠤᠬᠢᠶᠠᠯ ᠢ ᠮᠢᠨᠢ 《ᠨᠡᠢ᠌ᠭᠡᠮ》 ᠰᠡᠳᠬᠦᠯ ᠮᠢᠨᠢ 2012 ᠣᠨᠤ ᠭᠤᠷᠪᠠᠳᠤᠭ᠋ᠠᠷ ᠬᠤᠭᠤᠴᠠᠭᠠᠠᠴᠠᠪᠠᠨ ᠡᠬᠢᠯᠡᠨ ᠨᠡᠢ᠌ᠲᠡᠯᠡᠵᠦ᠂ ᠨᠡᠢ᠌ᠲᠡ ᠳᠤᠯᠤᠭ᠋ᠠᠨ ᠬᠤᠭᠤᠴᠠᠭᠠ ᠦᠷᠭᠦᠯᠵᠢᠯᠡᠨ ᠨᠡᠢ᠌ᠲᠡᠯᠡᠭᠰᠡᠨᠨᠢ ᠤᠩᠰᠢᠭᠴᠢᠳᠤᠨ ᠳᠤᠮᠳᠠ ᠭᠦᠨ ᠨᠦᠯᠦᠭᠡ ᠭᠠᠷᠴᠤ ᠲᠠᠭ᠋ᠠᠰᠢᠶᠠᠯᠢᠨᠢ ᠬᠦᠷᠲᠡᠵᠦ᠂ ᠰᠡᠳᠬᠢᠯᠳᠤ ᠮᠢᠨᠢ ᠡᠷᠬᠢᠮ ᠨᠠᠨᠳᠢᠨ ᠳᠤᠷᠠᠰᠤᠯ ᠪᠤᠯᠤᠨ ᠰᠡᠢ᠌ᠯᠦᠭᠳᠡᠭᠰᠡᠨ ᠵᠶ᠋ᠠᠨ ᠡᠷᠭᠢᠴᠡᠭᠦᠯᠦᠨ ᠪᠤᠳᠤᠬᠤᠳᠤ ᠳᠤᠭᠳᠤᠯᠤᠨ ᠪᠠᠶᠠᠰᠳᠠᠭ᠃ ᠪᠢ ᠡᠳᠡᠭᠡᠷ ᠰᠡᠳᠬᠦᠯᠢᠪᠠᠨ ᠲᠢᠭᠯᠡᠵᠦ᠂ ᠳᠠᠩᠰᠡ ᠡᠪᠬᠡᠮᠡᠯᠤᠨ ᠬᠦᠷᠢᠶᠡᠯᠡᠩᠳᠤ ᠬᠦᠷᠭᠡᠨ ᠦᠨᠢᠳᠡ ᠵᠢᠨ ᠦᠪ ᠪᠣᠯᠭ᠋ᠠᠨ ᠬᠠᠳᠠᠭ᠋ᠠᠯᠠᠭᠰᠠᠨ ᠶᠤᠮ᠃
《ᠨᠡᠢ᠌ᠭᠡᠮ》ᠰᠡᠳᠬᠦᠯ ᠮᠢᠨᠢ ᠣᠩᠰᠢᠭᠴᠢ ᠲᠦᠮᠡᠨᠳᠤ ᠣᠶᠣᠨᠤ ᠬᠤᠷᠠ ᠱᠠᠭᠢᠭᠣᠯᠵᠤ᠂ ᠰᠡᠳᠬᠢᠯᠤᠨ ᠷᠠᠰᠢᠶᠠᠨᠢ ᠰᠣᠶᠣᠷᠬᠠᠵᠤ᠂ ᠪᠠᠶᠠᠷ ᠪᠠᠬᠠᠳᠤᠯ᠂ ᠬᠦᠰᠡᠯ ᠪᠤᠳᠤᠯᠤᠨ ᠬᠢᠨᠢ ᠲᠤᠷᠭ᠋ᠠᠨ ᠰᠢᠵᠢᠮ ᠪᠣᠯᠤᠭᠰᠠᠭ᠋ᠠᠷ ᠢᠷᠡᠵᠡᠢ᠃ 《ᠨᠡᠢ᠌ᠭᠡᠮ》 ᠰᠡᠳᠬᠦᠯᠠᠴᠠ ᠠᠷᠠᠳᠤᠨ ᠵᠠᠩ ᠦᠢ᠍ᠯᠡ᠂ ᠰᠤᠶᠤᠯ᠂ ᠬᠡᠤᠬᠡᠳ ᠪᠠᠭ᠋ᠠᠴᠤᠳᠢ ᠬᠦᠮᠦᠵᠢᠭᠦᠯᠬᠦ ᠶᠤᠰᠤᠨ᠂ ᠡᠷᠲᠡ ᠡᠳᠦᠭᠡ ᠵᠢᠨ ᠲᠡᠤᠬᠡ ᠵᠢᠨ ᠲᠤᠬᠠᠢ ᠤᠯᠠᠨ ᠵᠤᠬᠢᠶᠠᠯᠢ ᠠᠮᠲᠠᠷᠬᠠᠨ ᠤᠩᠰᠢᠵᠤ᠂ ᠮᠡᠳᠡᠯᠭᠡ ᠤᠢ᠌ᠯᠠᠭ᠋ᠠᠯᠲᠠᠪᠠᠨ ᠨᠡᠮᠡᠭᠳᠡᠭᠦᠯᠦᠨ᠂ ᠦᠨᠡᠲᠦ ᠴᠤᠬᠠᠭ ᠬᠦᠮᠦᠵᠢᠯᠢ ᠬᠦᠷᠲᠡᠭᠰᠡᠨᠨᠢ ᠠᠵᠢᠯ ᠦᠢ᠍ᠯᠡᠰᠲᠤ ᠮᠢᠨᠢ ᠲᠤᠰᠠ ᠪᠣᠯᠵᠤ᠂ ᠵᠤᠬᠢᠶᠠᠨ ᠪᠢᠴᠢᠯᠭᠡᠳᠤ ᠮᠢᠨᠢ ᠳᠡᠮ ᠦᠵᠡᠭᠦᠯᠦᠭᠰᠡᠨ ᠦᠨᠡ ᠴᠡᠨᠡ ᠨᠢ ᠦᠨᠡᠯᠡᠬᠦ ᠵᠢᠨ ᠠᠷᠭᠠ ᠦᠭᠡᠢ ᠶᠣᠮ᠃
ᠴᠠᠭ ᠡᠷᠢᠨ ᠣᠷᠤᠭᠰᠢᠯᠠᠵᠤ᠂ ᠰᠤᠶᠤᠯ ᠮᠡᠷᠭᠡᠵᠢᠯ ᠨᠢᠰᠬᠦ ᠮᠡᠲᠦ ᠲᠦᠷᠭᠡᠨ ᠬᠦᠭᠵᠢᠵᠤ ᠪᠤᠢ᠃ 《ᠨᠡᠢ᠌ᠭᠡᠮ》ᠰᠡᠳᠬᠦᠯ ᠮᠢᠨᠢ ᠦᠩᠭᠡᠷᠡᠭᠰᠡᠨᠤ ᠠᠮᠵᠢᠯᠲᠠᠪᠠᠨ ᠨᠠᠨᠳᠢᠩᠨᠠᠵᠤ᠂ ᠦᠨᠦᠳᠦᠷᠤᠨ ᠪᠦᠲᠦᠮᠵᠢᠪᠠᠨ ᠡᠷᠬᠢᠮᠯᠡᠵᠦ᠂ ᠢᠷᠡᠬᠦ ᠮᠠᠷᠭ᠋ᠠᠰᠢ ᠵᠢᠨ ᠳᠦᠷᠦᠭᠡ ᠪᠠᠨ ᠴᠢᠩᠭ᠋ᠠᠯᠠᠨ᠂ ᠤᠩᠰᠢᠭᠴᠢ ᠲᠦᠮᠡᠨᠳᠤᠪᠠᠨ ᠣᠶᠣᠨᠢ ᠰᠡᠬᠡᠭᠡᠷᠡᠭᠦᠯᠦᠨ ᠪᠢᠯᠢᠭᠢ ᠬᠤᠷᠴᠠᠯᠠᠬᠤ ᠰᠤᠳᠤᠨ ᠪᠦᠲᠦᠭᠡᠯ ᠵᠶ᠋ᠠᠨ ᠦᠷᠭᠦᠯᠵᠢ ᠬᠦᠷᠲᠡᠭᠡᠬᠦ ᠵᠢ ᠬᠦᠰᠡᠨ ᠵᠦᠩᠨᠡᠨᠡᠮ᠃
《 ᠨᠡᠢ᠌ᠭᠡᠮ》 ᠰᠡᠳᠬᠦᠯ ᠮᠢᠨᠢ ᠮᠤᠩᠭᠤᠯ ᠮᠣᠷᠢᠨᠤ ᠵᠤᠷᠢᠭ ᠰᠠᠨᠠᠭᠠᠪᠠᠷ ᠦᠢ᠍ᠯᠡᠰᠤᠨ ᠠᠶᠠᠨᠳᠤ ᠪᠠᠨ ᠬᠤᠰᠢᠭᠤᠷᠠᠵᠤ᠂ ᠨᠡᠢ᠌ᠭᠡᠮᠤᠨ ᠬᠦᠭᠵᠢᠯᠲᠡ ᠳᠠᠪᠰᠢᠯᠲᠠᠳᠤ ᠠᠷᠠᠯᠤᠨ ᠱᠠᠷ ᠮᠡᠲᠦ ᠵᠢᠳᠬᠦᠨ᠂ ᠠᠵᠢᠯ ᠦᠢ᠍ᠯᠡᠰᠤᠨ ᠢᠷᠠᠭᠤ ᠬᠠᠭᠤᠳᠠᠰᠤ ᠪᠠᠨ ᠳᠠᠬᠢᠨ ᠪᠢᠴᠢᠭᠯᠡᠬᠦ ᠪᠣᠯᠣᠭ᠋ᠠᠰᠠᠢ᠃
《ᠨᠡᠢ᠌ᠭᠡᠮ》 ᠰᠡᠳᠬᠦᠯ ᠮᠢᠨᠢ ᠰᠤᠳᠤᠨ ᠬᠡᠪᠯᠡᠯ
ᠨᠡᠢ᠌ᠲᠡ ᠲᠦᠮᠡᠨᠤ ᠬᠠᠮᠲᠤ ᠵᠢᠨ ᠰᠡᠳᠬᠦᠯ
ᠨᠠᠷᠭᠢᠨ ᠪᠠᠶᠠᠰᠬᠤ ᠵᠢᠨ ᠠᠯᠲᠠᠨ ᠰᠢᠵᠢᠮ
ᠨᠠᠷᠠᠯᠠᠭ ᠬᠤᠷᠸᠠ ᠵᠢᠨ ᠤᠶᠤᠨᠤ ᠬᠤᠷᠠ ᠁ ᠭᠡᠵᠦ ᠭᠤᠴᠢᠨ ᠵᠢᠯᠤᠨ ᠠᠶᠠᠨᠤ ᠠᠮᠵᠢᠯᠲᠠ᠂ ᠬᠦᠰᠡᠯᠤᠨ ᠰᠠᠢ᠌ᠬᠠᠨ ᠢᠷᠡᠭᠡᠳᠦᠢ ᠵᠢ ᠴᠢᠨᠢ ᠪᠢ ᠪᠠᠬᠠᠷᠬᠠᠨ ᠳᠠᠭᠤᠯᠠᠨᠠᠮ᠃
ᠵᠤᠬᠢᠶᠠᠭᠴᠢ ᠵᠢᠨ ᠬᠠᠶᠢᠭ : ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤ ᠵᠢᠨ ᠴᠢᠪᠠᠭᠠ ᠪᠠᠯᠭ᠋ᠠᠰᠤ