《ᠨᠡᠢ᠌ᠭᠡᠮ》 ᠰᠡᠳᠭᠦᠯᠤᠨ ᠬᠤᠪᠢᠷᠠᠯᠲᠠ ᠵᠢᠨ ᠲᠤᠬᠠᠢ ᠳᠦᠭᠦᠮ ᠦᠭᠦᠯᠡᠬᠦᠨᠢ
ᠤᠶᠤᠨ ᠵᠣᠭᠢᠶᠠᠪᠠ
ᠤᠶᠤᠨ᠂ 1976 ᠣᠨᠤ 10 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 26ᠤ ᠡᠳᠦᠷ ᠲᠦᠩᠯᠢᠶᠤᠤ ᠬᠤᠲᠠ ᠵᠢᠨ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨᠤ ᠬᠤᠸᠠᠬᠤᠰᠢᠭᠤ ᠰᠤᠮᠤᠨᠳᠤ ᠲᠦᠷᠦᠵᠡᠢ᠃ ᠦᠪᠦᠷ ᠮᠣᠩᠭᠣᠯᠤᠨ ᠨᠣᠮᠤᠨ ᠰᠠᠩᠤᠨ ᠳᠡᠳ᠋ ᠰᠤᠳᠤᠯᠤᠭᠴᠢ ᠰᠠᠩᠴᠢ ᠂ ᠰᠣᠳᠤᠯᠭ᠋ᠠᠨᠤ ᠴᠢᠭᠯᠡᠯᠨᠢ ᠬᠤᠭᠤᠴᠠᠭ᠋ᠠᠲᠤ ᠰᠡᠳᠭᠦᠯᠤᠨ ᠰᠣᠳᠤᠯᠤᠯ ᠪᠠ ᠨᠣᠮᠤᠨ ᠰᠠᠩᠤᠨ ᠦᠢ᠍ᠯᠡᠴᠢᠯᠡᠭᠡᠨᠤ ᠰᠣᠳᠣᠯᠣᠯ ᠃
《ᠨᠡᠢ᠌ᠭᠡᠮ》 ᠰᠡᠳᠭᠦᠯ ᠪᠣᠯ ᠥᠪᠥᠷ ᠮᠤᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮᠠᠴᠠ ᠡᠷᠬᠢᠯᠡᠵᠦ᠂ ᠥᠪᠥᠷ ᠮᠣᠩᠭᠤᠯᠤᠨ《ᠨᠡᠢ᠌ᠭᠡᠮ》ᠰᠡᠳᠭᠦᠯᠤᠨ ᠬᠣᠷᠢᠶᠠᠠᠴᠠ ᠨᠠᠢ᠌ᠷᠠᠭᠤᠯᠤᠨ ᠬᠡᠪᠯᠡᠭᠦᠯᠵᠦ ᠪᠠᠢ᠌ᠭᠠ ᠤᠯᠤᠰᠤᠨ ᠳᠤᠲᠤᠭ᠋ᠠᠳᠤ ᠳᠤᠬᠢ ᠢᠯᠡ ᠬᠡᠪᠯᠡᠯ①ᠤᠨ ᠮᠣᠩᠭᠤᠯ ᠰᠡᠳᠭᠦᠯ ᠮᠥᠨ᠃ ᠲᠤᠰ ᠰᠡᠳᠭᠦᠯ 1991 ᠣᠨᠤ 12 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠬᠦᠬᠡᠬᠣᠲᠠᠳᠤ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ ᠪᠦᠭᠡᠳ ᠤᠳᠤ ᠪᠣᠯᠲᠠᠯᠠ ᠵᠣᠭᠰᠤᠯᠲᠠ ᠦᠭᠡᠢ ᠬᠡᠪᠯᠡᠭᠳᠡᠭᠰᠡᠭᠡᠷ ᠨᠢᠭᠡᠨᠲᠡ ᠪᠦᠬᠦᠯᠢ ᠭᠤᠴᠢᠨ ᠵᠢᠯᠤᠨ ᠳᠠᠪᠠᠭᠠᠪᠠᠨ ᠠᠮᠵᠢᠯᠲᠠᠲᠠᠢ ᠲᠦᠭᠦᠵᠦ ᠪᠣᠢ᠃ ᠨᠠᠮᠤᠨ ᠦᠨᠳᠦᠰᠦᠲᠡᠨᠤ ᠲᠦᠷᠦ ᠵᠢᠨ ᠪᠣᠳᠤᠯᠭᠠ ᠵᠢᠨ ᠲᠤᠶᠠᠭ᠋ᠠᠯᠠᠯ ᠳᠣᠣᠷᠠ ᠡᠰᠡᠨᠢᠨ ᠲᠦᠯᠵᠢᠭᠰᠡᠨ ᠡᠨᠡ ᠬᠦ᠌ ᠰᠡᠳᠭᠦᠯ ᠮᠠᠨᠢ ᠨᠠᠮᠤᠨ ᠴᠢᠭᠯᠡᠯᠲᠡ ᠵᠢᠭ᠋ᠠᠪᠤᠷᠢ ᠵᠢ ᠤᠬᠠᠭᠤᠯᠤᠨ ᠰᠤᠷᠲᠠᠯᠴᠢᠯᠠᠵᠤ᠂ ᠲᠣᠭᠣᠰᠢᠯᠠᠭᠣᠯᠣᠨ ᠬᠡᠷᠡᠭᠵᠢᠭᠦᠯᠬᠦ ᠵᠢ ᠲᠦᠯᠬᠢᠨ ᠠᠬᠢᠭᠤᠯᠬᠤᠪᠠᠷ ᠭᠣᠣᠯ ᠵᠣᠷᠢᠯᠲᠠ ᠪᠣᠯᠭ᠋ᠠᠵᠤ᠂ ᠮᠣᠩᠭᠤᠯ ᠰᠡᠳᠭᠦᠯᠤᠨ ᠡᠩᠨᠡᠭᠡᠨᠳᠤ ᠰᠢᠭᠤᠷᠬᠠᠢ᠌ᠯᠠᠨ ᠭᠠᠪᠰᠢᠭ᠋ᠠᠢ᠌ᠯᠠᠬᠤ ᠳᠤᠪᠠᠨ ᠨᠡᠢ᠌ᠭᠡᠮᠤᠨ ᠦᠨᠳᠦᠰᠦᠨ ᠨᠢᠭᠡᠴᠢ ᠪᠣᠯᠬᠤ ᠭᠡᠷ ᠪᠦᠯᠢᠠᠴᠠ ᠭᠠᠷᠳᠠᠨ ᠡᠬᠢᠯᠡᠵᠦ᠂ ᠢᠨᠠᠭ ᠬᠠᠢ᠌ᠷᠠ᠂ ᠤᠷᠤᠭ ᠬᠣᠷᠢᠮ᠂ ᠭᠡᠷ ᠪᠦᠯᠢ ᠵᠢᠨ ᠲᠤᠭᠤᠷᠢᠨᠳᠤ ᠦᠷᠭᠡᠨ ᠰᠡᠳᠦᠪ ᠳᠡᠯᠭᠡᠵᠦ ᠂ ᠬᠦᠮᠦᠨ ᠨᠡᠢ᠌ᠭᠡᠮᠤᠨ ᠠᠬᠤᠢ ᠠᠮᠢᠳᠤᠷᠠᠯᠳᠤ ᠬᠣᠯᠪᠤᠭᠳᠠᠭᠰᠠᠨ ᠭᠦᠨ ᠳᠠᠯᠲᠠ ᠤᠴᠢᠷ ᠵᠦᠢ ᠵᠢ ᠰᠣᠳᠤᠯᠤᠨ ᠲᠠᠨᠢᠯᠴᠠᠭᠤᠯᠵᠤ᠂ ᠣᠩᠰᠢᠭᠴᠢ ᠲᠦᠮᠡᠨᠤ ᠰᠣᠶᠣᠯ ᠪᠣᠯᠪᠠᠰᠤᠷᠠᠯ᠂ ᠨᠡᠢ᠌ᠭᠡᠮᠤᠨ ᠬᠦᠭᠵᠢᠯ ᠳᠠᠪᠰᠢᠯᠲᠠᠳᠤ ᠴᠢᠬᠤᠯᠠ ᠠᠬᠢᠭᠤᠯᠬᠤ ᠦᠢ᠍ᠯᠡᠳᠦᠯ ᠦᠵᠡᠭᠦᠯᠦᠭᠰᠡᠭᠡᠷ ᠢᠷᠡᠵᠡᠢ᠃ ᠡᠭᠦᠨᠤ ᠵᠡᠷᠭᠡᠪᠠᠷ《ᠨᠡᠢ᠌ᠭᠡᠮ》ᠰᠡᠳᠭᠦᠯ ᠪᠣᠯ ᠤᠷᠤᠭ ᠭᠡᠷ ᠪᠦᠯᠢ᠂ ᠨᠡᠢ᠌ᠭᠡᠮ ᠵᠢᠴᠢ ᠮᠣᠩᠭᠤᠯ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠤᠨ ᠲᠤᠬᠠᠢ ᠮᠡᠳᠡᠯᠭᠡ ᠵᠢᠯᠤᠭᠤᠳᠤᠯᠭᠠ ᠵᠢᠨ ᠴᠢᠨᠠᠷ ᠪᠦᠬᠦᠢ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠲᠠᠢ ᠴᠤᠷᠤᠨ ᠭᠠᠭᠴᠠ ᠮᠣᠩᠭᠤᠯ ᠰᠡᠳᠭᠦᠯ ᠮᠥᠨ᠃ ᠮᠦᠨ ᠴᠤ᠌ ᠮᠤᠩᠭᠤᠯ ᠤᠩᠰᠢᠭᠴᠢᠳᠤᠨ ᠳᠤᠷᠠ ᠰᠤᠨᠢᠷᠬᠠᠯᠢ ᠬᠦᠴᠦᠲᠡᠢ ᠲᠠᠲᠠᠵᠤ᠂ ᠪᠠᠬᠠᠷᠬᠠᠨ ᠲᠠᠭ᠋ᠠᠰᠢᠶᠠᠭᠳᠠᠭᠰᠠᠨ ᠰᠡᠳᠭᠦᠯ ᠮᠥᠨ᠃ ᠭᠡᠬᠦ ᠳᠤᠪᠠᠨ ᠭᠤᠴᠢᠨ ᠵᠢᠯᠤᠨ ᠤᠷᠲᠤ ᠠᠶᠠᠨᠢ ᠲᠤᠭᠤᠯᠬᠤ ᠶᠠᠪᠤᠴᠠᠳᠤ᠂ ᠲᠤᠰ ᠰᠡᠳᠭᠦᠯᠨᠢ ᠰᠡᠳᠭᠦᠯᠤᠨ ᠨᠡᠷᠡ᠂ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷ᠂ ᠬᠡᠪᠯᠡᠯ ᠵᠦᠰᠦᠮ᠂ ᠠᠭᠤᠯᠭᠠ ᠪᠤᠯᠤᠩ᠂ ᠦᠨᠡ ᠬᠠᠩᠰᠢ ᠵᠡᠷᠭᠡ ᠣᠯᠠᠨ ᠲᠠᠯᠠᠪᠠᠷ ᠲᠠᠰᠤᠷᠠᠯᠲᠠ ᠦᠭᠡᠢ ᠲᠤᠬᠢᠷᠠᠭᠤᠯᠭᠠ ᠬᠢᠵᠦ᠂ ᠨᠡᠢ᠌ᠭᠡᠮ ᠨᠡᠢ᠌ᠲᠡ ᠵᠢᠨ ᠲᠤᠯᠭ᠋ᠠᠮ ᠱᠠᠭ᠋ᠠᠷᠳᠠᠯᠭᠠ ᠵᠢ ᠬᠠᠩᠭ᠋ᠠᠬᠤ ᠵᠢᠨ ᠳᠠᠭ᠋ᠠᠤ ᠥᠪᠡᠷᠢᠪᠠᠨ ᠲᠡᠭᠦᠯᠳᠡᠷᠵᠢᠭᠦᠯᠦᠨ ᠬᠦᠭᠵᠢᠭᠦᠯᠵᠦ ᠢᠷᠡᠭᠰᠡᠨ ᠲᠡᠦᠭᠡᠲᠠᠢ᠃ ᠡᠳᠡᠭᠡᠷ ᠬᠤᠪᠢᠷᠠᠯᠲᠠᠨᠤᠭᠤᠳᠢ ᠬᠤᠷᠢᠶᠠᠩᠭᠤᠢ᠌ᠯᠠᠵᠤ ᠪᠦᠬᠦ ᠲᠠᠯᠠᠪᠠᠷ ᠳ᠋ᠦᠩᠨᠡᠬᠦ ᠪᠣᠯ ᠲᠤᠰ ᠰᠡᠳᠭᠦᠯᠤᠨ ᠦᠷᠭᠦᠯᠵᠢᠲᠡ ᠵᠢᠨ ᠬᠦᠭᠵᠢᠯ᠂ ᠤᠩᠰᠢᠭᠴᠢᠳᠤᠨ ᠠᠰᠢᠭᠯᠠᠯᠲᠠ᠂ ᠨᠣᠮᠤᠨ ᠰᠠᠩᠤᠨ ᠬᠠᠮᠢᠶᠠᠷᠤᠯᠲᠠᠳᠤ ᠪᠦᠷ ᠬᠣᠯᠪᠤᠭᠳᠠᠬᠤ ᠮᠠᠰᠢ ᠠᠬᠤᠢ᠌ᠴᠢ ᠠᠴᠢ ᠬᠤᠯᠪᠤᠭᠳᠠᠯᠲᠠᠢ ᠤᠷᠤᠯᠳᠤᠯᠭᠠ ᠪᠣᠯᠣᠨᠠ᠃ ᠡᠨᠳᠡ ᠪᠢ ᠨᠢᠭᠡᠨ ᠨᠣᠮᠤᠨ ᠰᠠᠩᠴᠢ ᠵᠢᠨ ᠡᠭᠦᠳᠡᠨᠠᠴᠠ ᠰᠡᠳᠭᠦᠯᠤᠨ ᠰᠠᠩ ᠬᠠᠳᠠᠭ᠋ᠠᠯᠠᠮᠵᠢ ᠳᠤᠬᠢ ᠦᠨᠳᠦᠷ ᠠᠰᠢᠭᠯᠠᠯᠲᠡ ᠪᠦᠬᠦᠢ《ᠨᠡᠢ᠌ᠭᠡᠮ》ᠰᠡᠳᠭᠦᠯ ᠤᠨ ᠬᠤᠪᠢᠷᠠᠯᠲᠠ ᠵᠢᠨ ᠪᠠᠢ᠌ᠳᠠᠯᠢ ᠬᠡᠰᠡᠭ ᠲᠠᠯᠠᠠᠴᠠ ᠡᠮᠬᠢᠳᠭᠡᠨ ᠳ᠋ᠦᠩᠨᠡᠶᠡ᠃
ᠨᠢᠭᠡ᠂ ᠰᠡᠳᠭᠦᠯᠤᠨ ᠨᠡᠷᠡ ᠪᠠ ᠠᠭᠤᠯᠭᠠ ᠪᠣᠯᠣᠩᠤᠨ ᠬᠤᠪᠢᠷᠠᠯᠲᠠ
（ᠨᠢᠭᠡ） ᠰᠡᠳᠭᠦᠯᠤᠨ ᠨᠡᠷᠡ ᠵᠢᠨ ᠬᠤᠪᠢᠷᠠᠯᠲᠠ
ᠰᠡᠳᠭᠦᠯᠤᠨ ᠨᠡᠷᠡ ᠬᠤᠪᠢᠷᠠᠬᠤ ᠪᠣᠯ ᠰᠡᠳᠭᠦᠯ ᠡᠷᠬᠢᠯᠡᠬᠦ ᠶᠠᠪᠤᠴᠠᠳᠤ ᠣᠯᠠᠩᠭᠢ ᠲᠣᠭ᠋ᠠᠨᠤ ᠰᠡᠳᠭᠦᠯᠳᠤ ᠲᠤᠬᠢᠶᠠᠯᠳᠤᠵᠤ ᠥᠩᠭᠡᠷᠡᠭᠰᠡᠨ ᠰᠡᠳᠭᠦᠯᠤᠨ ᠠᠵᠢᠯᠤᠨ ᠬᠠᠷᠢᠶᠠᠨ ᠳᠤᠬᠢ ᠦᠷᠬᠦᠯᠵᠢ ᠵᠢᠨ ᠴᠢᠨᠠᠷᠲᠠᠢ ᠬᠤᠪᠢᠷᠠᠯᠲᠠ ᠮᠥᠨ᠂ ᠲᠡᠷᠡᠨᠢ ᠰᠡᠳᠭᠦᠯᠤᠨ ᠰᠡᠳᠦᠪ ᠰᠤᠩᠭᠤᠯᠲᠠ᠂ ᠰᠤᠷᠪᠤᠯᠵᠢᠯᠭᠠ ᠨᠠᠢ᠌ᠷᠠᠭᠤᠯᠭᠠ᠂ ᠠᠰᠢᠭᠯᠠᠯᠲᠠ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠲᠠᠯᠠᠪᠠᠷ ᠪᠦᠷ ᠲᠤᠩ ᠶᠡᠬᠡ ᠨᠦᠯᠦᠭᠡ ᠳᠤᠰᠬᠠᠯ ᠭᠠᠷᠭ᠋ᠠᠳᠠᠭ᠃ ᠡᠭᠦᠨᠤ ᠲᠤᠬᠠᠢ ᠪᠢ《ᠨᠣᠮᠤᠨ ᠰᠠᠩᠤᠨ ᠮᠣᠩᠭᠤᠯ ᠰᠡᠳᠭᠦᠯᠤᠨ ᠭᠠᠷᠴᠠᠭᠯᠠᠯ ᠳᠤᠬᠢ ᠬᠤᠪᠢᠷᠠᠯᠲᠠ ᠶᠡᠬᠡᠲᠡᠢ ᠣᠨᠴᠠᠯᠢᠭᠤᠨ ᠲᠠᠰᠤᠯᠪᠤᠷᠢᠨᠤᠭᠤᠳᠤᠨ ᠰᠢᠨᠵᠢᠯᠡᠯ》［1］ ᠭᠡᠬᠦ ᠦᠭᠦᠯᠡᠯᠳᠤ ᠨᠠᠷᠢᠯᠢᠭ ᠶᠠᠷᠢᠭᠰᠠᠨ ᠤᠴᠢᠷ ᠡᠨᠳᠡ ᠲᠠᠬᠢᠨ ᠨᠣᠷᠰᠢᠬᠤ ᠦᠭᠡᠢ᠃《ᠨᠡᠢ᠌ᠭᠡᠮ》ᠰᠡᠳᠭᠦᠯ 1991 ᠣᠨᠤ 12 ᠳ᠋ᠤᠭ᠋ᠠᠷ ᠰᠠᠷᠠᠳᠤ《ᠤᠷᠤᠭ ᠭᠡᠷ ᠪᠦᠯᠢ ᠨᠡᠢ᠌ᠭᠡᠮ》ᠭᠡᠬᠦ ᠨᠡᠷᠡᠪᠠᠷ ᠬᠡᠪᠯᠡᠯ ᠡᠬᠢᠯᠡᠵᠦ᠂ ᠤᠤᠭ᠋ᠠᠨ ᠳ᠋ᠤᠭ᠋ᠠᠷ （ᠶᠡᠷᠦᠩᠬᠡᠢ 1 ᠳ᠋ᠤᠭᠡᠷ）ᠠᠴᠠ ᠡᠬᠢᠯᠡᠨ《婚姻家庭社会》ᠭᠡᠬᠦ ᠬᠢᠲᠠᠳ ᠨᠠᠷᠡ ᠬᠠᠪᠰᠤᠷᠭ᠋ᠠᠨ ᠬᠡᠷᠡᠭᠯᠡᠵᠦ᠂1993 ᠣᠨᠤ 3 （ᠶᠡᠷᠦᠩᠬᠡᠢ 6） ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠨ《Marriage Family Society》ᠭᠡᠬᠦ ᠠᠩᠭ᠍ᠯᠢ ᠬᠡᠯᠡᠨᠤ ᠨᠡᠷᠡ ᠵᠢ ᠬᠠᠪᠰᠤᠷᠭ᠋ᠠᠨ ᠬᠡᠷᠡᠭᠯᠡᠵᠡᠢ᠃《ᠤᠷᠤᠭ ᠭᠡᠷ ᠪᠦᠯᠢ ᠨᠡᠢ᠌ᠭᠡᠮ》ᠨᠡᠷᠡᠪᠠᠷ 2008 ᠣᠨᠤ 12 ᠳ᠋ᠤᠭ᠋ᠠᠷ ᠰᠠᠷᠠ ᠬᠦᠷᠲᠡᠯᠡ ᠠᠷᠪᠠᠨ ᠨᠠᠢ᠍ᠮᠠᠨ ᠵᠢᠯᠤᠨ ᠬᠤᠭᠤᠴᠠᠭ᠋ᠠᠨᠠ ᠨᠡᠢ᠌ᠲᠡ 167 （ᠤᠤᠭ᠋ᠠᠨ ᠳ᠋ᠤᠭ᠋ᠠᠷᠢ ᠪᠠᠭᠲᠠᠭ᠋ᠠᠵᠤ ᠪᠣᠢ） ᠬᠤᠭᠤᠴᠠᠭᠠ ᠬᠡᠪᠯᠡᠭᠳᠡᠵᠡᠢ᠃ 2009 ᠣᠨ ᠤ 1 ᠳ᠋ᠤᠭᠡᠷ （ᠶᠠᠷᠦᠩᠬᠡᠢ 168 ᠳ᠋ᠤᠭ᠋ᠠᠷ） ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠨ ᠰᠡᠳᠭᠦᠯᠤᠨ ᠨᠡᠷᠡᠪᠠᠨ《ᠨᠡᠢ᠌ᠭᠡᠮ》ᠭᠡᠵᠦ ᠥᠭᠡᠷᠡᠴᠢᠯᠡᠭᠡᠳ ᠣᠳᠤ ᠪᠣᠯᠲᠠᠯᠠ ᠬᠡᠪᠯᠡᠭᠳᠡᠭᠰᠡᠭᠡᠷ ᠪᠣᠢ᠃ ᠡᠭᠦᠨᠤ ᠵᠡᠷᠭᠡᠪᠠᠷ ᠰᠡᠳᠭᠦᠯᠤᠨ ᠬᠢᠲᠠᠳ᠂ ᠠᠩᠭ᠍ᠯᠢ ᠬᠡᠯᠡᠨᠤ ᠨᠡᠷᠡ ᠵᠢ ᠲᠤᠰ ᠲᠤᠰ《今日社会》᠂《Society Today》ᠭᠡᠵᠦ ᠥᠭᠡᠷᠡᠴᠢᠯᠡᠪᠡ᠃《ᠤᠷᠤᠭ ᠭᠡᠷ ᠪᠦᠯᠢ ᠨᠡᠢ᠌ᠭᠡᠮ》ᠠᠴᠠ《ᠨᠡᠢ᠌ᠭᠡᠮ》 ᠬᠦᠷᠲᠡᠯᠡᠬᠢ ᠨᠡᠷᠡ ᠵᠢᠨ ᠬᠤᠪᠢᠷᠠᠯᠲᠠᠨᠢ ᠲᠤᠰ ᠰᠡᠳᠭᠦᠯᠤᠨ ᠠᠷᠪᠠᠨ ᠶᠢᠰᠦᠨ ᠵᠢᠯ ᠲᠤᠷᠰᠢᠬᠢ ᠬᠦᠭᠵᠢᠯ ᠪᠤᠵᠠᠭ᠋ᠠᠢ᠌ᠷᠠᠯ ᠪᠠ ᠠᠭᠤᠯᠭᠠ ᠰᠡᠳᠦᠪᠯᠡᠬᠦᠨᠤ ᠦᠷᠭᠡᠵᠢᠯ᠂ ᠭᠦᠨᠵᠡᠭᠡᠢ᠌ᠷᠡᠯᠢ ᠣᠨᠣᠪᠴᠢᠲᠠᠢ ᠰᠠᠢ᠌ᠬᠠᠨ ᠲᠤᠰᠬᠠᠵᠤ ᠪᠣᠢ᠃ ᠤᠷᠤᠭ᠂ ᠭᠡᠷ ᠪᠦᠯᠢ᠂ ᠨᠡᠢ᠌ᠭᠡᠮ ᠪᠣᠯ ᠲᠤᠰ ᠰᠡᠳᠭᠦᠯᠤᠨ ᠡᠬᠢᠯᠡᠯᠲᠡ ᠵᠢᠨ ᠴᠡᠭ᠂ ᠮᠦᠨ ᠴᠤ᠌ ᠤᠳᠤ ᠬᠦᠷᠲᠡᠯᠡᠬᠢ ᠮᠡᠳᠡᠭᠡᠯᠡᠯ ᠰᠤᠷᠲᠠᠯᠴᠢᠯᠠᠭᠠ ᠵᠢᠨ ᠭᠣᠣᠯ ᠠᠭᠤᠯᠭᠠ ᠮᠥᠨ᠃《ᠤᠷᠤᠭ ᠭᠡᠷ ᠪᠦᠯᠢ ᠨᠡᠢ᠌ᠭᠡᠮ》ᠤᠨ ᠬᠤᠭᠤᠴᠠᠭ᠋ᠠᠨᠳᠤ ᠭᠣᠣᠯᠳᠠᠭᠤ ᠬᠠᠢ᠌ᠷᠠ ᠳᠤᠷᠠᠯᠠᠯ᠂ ᠤᠷᠤᠭ ᠬᠣᠷᠢᠮ᠂ ᠭᠡᠷ ᠪᠦᠯᠢ ᠵᠢᠨ ᠲᠤᠭᠤᠷᠢᠨᠳᠤ ᠲᠦᠷᠦ ᠵᠢᠨ ᠪᠣᠳᠤᠯᠭ᠋ᠠᠲᠤ ᠴᠢᠨᠠᠷ᠂ ᠬᠠᠦᠯᠢ ᠰᠤᠷᠲᠠᠯᠴᠢᠯᠠᠯᠲᠤ ᠴᠢᠨᠠᠷ᠂ ᠮᠡᠳᠡᠯᠭᠡᠴᠢ ᠴᠢᠨᠠᠷ᠂ ᠰᠤᠨᠢᠷᠬᠠᠯᠲᠤ ᠴᠢᠨᠠᠷ ᠪᠦᠬᠦᠢ ᠮᠡᠳᠡᠭᠡᠯᠡᠯ ᠵᠣᠬᠢᠶᠠᠯ ᠨᠡᠢ᠌ᠳᠡᠯᠡᠵᠦ᠂ ᠬᠣᠲᠠ ᠬᠦᠳᠡᠭᠡ ᠵᠢᠨ ᠥᠷᠭᠡᠨ ᠣᠯᠠᠨ ᠤᠩᠰᠢᠭᠴᠢᠳᠤᠨ ᠲᠤᠯᠭ᠋ᠠᠮ ᠱᠠᠭ᠋ᠠᠷᠳᠠᠯᠭᠠ ᠵᠢ ᠬᠠᠩᠭ᠋ᠠᠵᠤ᠂ ᠮᠠᠨᠤ ᠤᠯᠤᠰᠤᠨ ᠮᠣᠩᠭᠤᠯ ᠰᠡᠳᠭᠦᠯᠤᠨ ᠬᠤᠭᠤᠰᠤᠨ ᠵᠠᠢ ᠵᠢ ᠲᠤᠬᠢᠳᠠᠢ ᠨᠦᠬᠦᠪᠦᠷᠢᠯᠡᠵᠦ᠂ ᠰᠡᠳᠭᠦᠯᠤᠨ ᠡᠩᠨᠡᠭᠡᠨᠳᠤ ᠯᠠᠪᠳᠠᠭᠤᠨ ᠵᠣᠭᠰᠤᠵᠠᠢ᠃ ᠰᠡᠳᠭᠦᠯᠤᠨ ᠨᠡᠷᠡᠪᠠᠨ《ᠨᠡᠢ᠌ᠭᠡᠮ》ᠭᠡᠵᠦ ᠰᠣᠯᠢᠭᠰᠠᠨᠠᠴᠠ ᠨᠠᠭ᠋ᠠᠰᠢ᠂ ᠤᠤᠯᠤᠨ ᠪᠠᠢ᠌ᠭᠰᠠᠨ ᠤᠷᠤᠭᠤᠨ ᠰᠤᠳᠤᠯᠤᠯ᠂ ᠭᠡᠷ ᠪᠦᠯᠢ ᠵᠢᠨ ᠰᠤᠳᠤᠯᠤᠯ᠂ ᠠᠮᠢᠳᠤᠷᠠᠬᠤ ᠵᠦᠢ ᠵᠢᠨ ᠰᠤᠳᠤᠯᠤᠯ ᠵᠡᠷᠭᠡ ᠵᠢ ᠦᠷᠭᠦᠯᠵᠢᠯᠡᠨ ᠪᠠᠷᠢᠮᠲᠠᠯᠠᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠨᠡᠢ᠌ᠭᠡᠮᠤᠨ ᠤᠬᠠᠭ᠋ᠠᠨ᠂ ᠬᠠᠦᠯᠢ ᠵᠢᠨ ᠤᠬᠠᠭ᠋ᠠᠨ᠂ ᠶᠣᠰᠤ ᠰᠤᠷᠲᠠᠬᠤᠨᠤ ᠤᠬᠠᠭ᠋ᠠᠨ᠂ ᠤᠭᠰᠠᠭ᠋ᠠᠲᠠᠨ ᠵᠦᠢ᠂ ᠠᠷᠠᠳᠤᠨ ᠵᠠᠩ ᠵᠠᠩᠰᠢᠯᠤᠨ ᠤᠬᠠᠭ᠋ᠠᠨ ᠵᠡᠷᠭᠡ ᠨᠡᠢ᠌ᠭᠡᠮ ᠠᠬᠤᠢ ᠵᠢᠨ ᠦᠷᠭᠡᠨ ᠴᠠᠷᠠᠭᠠᠳᠤᠬᠢ ᠪᠠᠶᠠᠯᠢᠭ ᠠᠭᠤᠯᠭᠠ ᠵᠢ ᠳᠡᠯᠭᠡᠷᠡᠭᠦᠯᠦᠨ ᠨᠡᠮᠡᠪᠠ᠃ 《ᠤᠷᠤᠭ ᠭᠡᠷ ᠪᠦᠯᠢ ᠨᠡᠢ᠌ᠭᠡᠮ》ᠪᠠ 《ᠨᠡᠢ᠌ᠭᠡᠮ》ᠰᠡᠳᠭᠦᠯᠤᠨ ᠬᠣᠯᠪᠤᠭᠠ ᠬᠢᠭᠡᠳ ᠢᠯᠭ᠋ᠠᠭᠠ ᠪᠣᠯ ᠳᠠᠷᠤᠢ 《ᠨᠡᠢ᠌ᠭᠡᠮ》ᠰᠡᠳᠭᠦᠯ ᠮᠠᠨᠢ ᠤᠤᠯᠤᠨ ᠪᠠᠢ᠌ᠭᠰᠠᠨ《ᠤᠷᠤᠭ ᠭᠡᠷ ᠪᠦᠯᠢ ᠨᠡᠢ᠌ᠭᠡᠮ》ᠤᠨ ᠬᠡᠪ ᠨᠠᠮᠪᠠ᠂ ᠬᠦᠷᠢᠶᠡ ᠴᠠᠷᠠᠭᠠ᠂ ᠣᠨᠴᠠᠯᠢᠭ ᠳᠦᠷᠬᠦᠪᠠᠨ ᠦᠨᠳᠦᠰᠦᠨ ᠳᠤᠪᠠᠨ ᠬᠠᠳᠠᠭ᠋ᠠᠯᠠᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠣᠳᠤ ᠵᠢᠨ ᠨᠡᠢ᠌ᠭᠡᠮ ᠠᠬᠤᠢᠲᠠᠢ ᠵᠣᠬᠢᠴᠠᠯᠳᠤᠭᠤᠯᠤᠨ᠂ ᠰᠣᠶᠣᠯᠤᠨ ᠡᠴᠢᠨᠡ ᠬᠦᠨ᠂ ᠥᠷᠭᠡᠨ ᠳᠡᠯᠭᠡᠷ᠂ ᠡᠷᠢᠨ ᠵᠣᠯᠪᠤᠭᠠ ᠵᠢ ᠳᠡᠭᠡᠳᠦᠯᠡᠨ ᠳᠤᠰᠬᠠᠬᠤᠪᠠᠷ ᠤᠷᠢᠳᠠᠯ ᠪᠣᠯᠭ᠋ᠠᠵᠤ᠂ ᠨᠡᠢ᠌ᠭᠡᠮ ᠠᠬᠤᠢ ᠵᠢᠨ ᠲᠤᠬᠠᠢᠲᠠᠢ ᠠᠭᠤᠯᠭᠠ ᠠᠭᠤᠯᠤᠭᠳᠠᠴᠠ ᠵᠢ ᠨᠡᠮᠡᠭᠳᠡᠭᠦᠯᠦᠨ᠂ ᠡᠷᠲᠡᠨᠤᠬᠢ ᠪᠠ ᠡᠳᠦᠭᠡᠬᠢ᠂ ᠳᠡᠯᠡᠬᠡᠢ ᠨᠡᠢ᠌ᠲᠡ ᠵᠢᠨ ᠪᠠ ᠤᠯᠤᠰ ᠦᠨᠳᠦᠰᠦᠲᠡᠨᠤᠪᠠᠨ ᠰᠢᠯᠢᠳᠡᠭ ᠰᠣᠶᠣᠯ᠂ ᠠᠵᠤ ᠠᠬᠤᠢ᠂ ᠮᠡᠳᠡᠯᠭᠡ ᠮᠡᠳᠡᠴᠡ᠂ ᠰᠤᠷᠠᠭ ᠵᠠᠩᠭᠢ᠂ ᠬᠦᠭᠵᠢᠯ ᠢᠷᠡᠭᠡᠳᠦᠢ ᠵᠢ ᠬᠠᠷᠠᠭᠤᠯᠵᠤ ᠪᠦᠬᠦᠢ ［2］ ᠠᠭᠤᠯᠭᠠ ᠵᠢ ᠠᠩᠬᠠᠷᠤᠨ ᠨᠡᠢ᠌ᠳᠡᠯᠡᠬᠦ ᠪᠣᠯᠣᠭᠰᠠᠨᠳᠤ ᠪᠣᠢ᠃ ᠡᠳᠡᠭᠡᠷᠠᠴᠠ《ᠨᠡᠢ᠌ᠭᠡᠮ》ᠰᠡᠳᠭᠦᠯᠤᠨ ᠨᠡᠷᠡ ᠵᠢᠨ ᠬᠤᠪᠢᠷᠠᠯᠲᠠᠨᠢ ᠲᠤᠰ ᠰᠡᠳᠭᠦᠯᠤᠨ ᠬᠡᠪᠯᠡᠯ ᠡᠬᠢᠯᠡᠭᠰᠡᠨᠠᠴᠠ ᠢᠨᠠᠭᠰᠢᠬᠢ ᠤᠭ ᠰᠠᠨᠠᠭᠠᠪᠠᠨ ᠦᠯᠦ ᠮᠠᠷᠲᠠᠨ᠂ ᠡᠭᠦᠷᠭᠡ ᠬᠠᠷᠢᠭᠤᠴᠯᠭᠠᠪᠠᠨ ᠪᠠᠲᠦ ᠴᠡᠭᠡᠵᠢᠯᠡᠵᠦ᠂ ᠦᠷᠬᠦᠯᠵᠢᠯᠡᠨ ᠲᠡᠮᠡᠴᠡᠵᠦ ᠶᠠᠪᠤᠭᠠ ᠵᠢ ᠬᠡᠰᠡᠭ ᠲᠠᠯᠠᠠᠴᠠ ᠬᠠᠷᠠᠭᠤᠯᠵᠤ ᠪᠣᠢ ᠬᠡᠰᠡᠨ ᠳ᠋ᠦᠩᠨᠡᠯᠲᠡ ᠦᠭᠬᠦᠳᠤ ᠠᠷᠠᠢ ᠬᠡᠲᠦᠷᠡᠬᠦ ᠦᠭᠡᠢ ᠪᠠᠢ᠌ᠬᠠ ᠃
（ᠬᠣᠶᠠᠷ） ᠠᠭᠤᠯᠭᠠ ᠪᠤᠯᠤᠩᠤᠨ ᠨᠡᠮᠡᠭᠳᠡᠯ
《ᠨᠡᠢ᠌ᠭᠡᠮ》ᠰᠡᠳᠭᠦᠯᠨᠢ《ᠤᠷᠤᠭᠤᠨ ᠬᠠᠮᠢᠶᠠᠷᠤᠯᠲᠠ》᠂《ᠤᠷᠤᠭ ᠬᠤᠯᠪᠤᠭᠠ》᠂《ᠭᠡᠷᠤᠨ ᠰᠤᠷᠭ᠋ᠠᠯ》᠂《ᠠᠯᠳᠠᠷᠲᠤ ᠬᠦᠮᠦᠰᠤᠨ ᠦᠢ᠍ᠯᠡ》《ᠬᠠᠦᠯᠢ ᠵᠢᠨ ᠵᠦᠪᠯᠡᠭᠴᠢ》᠂《ᠡᠷᠡᠭᠦᠯ ᠮᠡᠨᠳᠦ ᠵᠢᠨ ᠬᠠᠨᠢ》᠂《ᠠᠮᠢᠳᠤᠷᠠᠯᠤᠨ ᠮᠡᠳᠡᠯᠭᠡ》᠂《ᠪᠠᠷᠢᠮᠲᠠᠲᠤ ᠵᠣᠬᠢᠶᠠᠯ》᠂《ᠶᠡᠬᠡ ᠳᠡᠯᠡᠭᠡᠢ》᠂《ᠤᠷᠠᠨ ᠵᠢᠷᠤᠭ》ᠭᠡᠬᠦ ᠨᠡᠢ᠌ᠲᠡ ᠠᠷᠪᠠᠨ ᠪᠤᠯᠤᠩᠲᠠᠢ ᠬᠡᠪᠯᠡᠯ ᠡᠬᠢᠯᠡᠵᠡᠢ᠃ ᠵᠠᠯᠭ᠋ᠠᠭ᠋ᠠᠳ ᠴᠠᠭ ᠡᠷᠢᠨᠤ ᠰᠢᠨᠡ ᠰᠤᠷᠭᠤᠭ ᠠᠭᠤᠷ ᠠᠮᠢᠰᠬᠤᠯᠲᠠᠢ ᠡᠭᠡᠨᠡᠭᠳᠡ ᠠᠯᠬᠤᠮ ᠵᠣᠬᠢᠴᠠᠭᠤᠯᠬᠤ ᠵᠢ ᠰᠠᠨᠠᠵᠤ᠂ ᠰᠡᠳᠭᠦᠯᠤᠨ ᠵᠶ᠋ᠠᠨ ᠠᠭᠤᠯᠭᠠ ᠴᠠᠷᠠᠭᠠ ᠵᠢ ᠤᠯᠠᠮ ᠠᠭᠤᠳᠠᠮ ᠪᠠᠶᠠᠯᠢᠭ ᠪᠣᠯᠭ᠋ᠠᠬᠤ ᠵᠢᠨ ᠲᠤᠰᠠᠲᠠ᠂ ᠡᠨᠡ ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠵᠦ᠂ ᠣᠯᠠᠨ ᠲᠦᠮᠡᠨᠳᠤ ᠠᠪᠤᠨ ᠠᠰᠢᠭᠲᠠᠢ᠂ ᠪᠠᠷᠢᠨ ᠬᠡᠷᠡᠭᠴᠡᠭᠡᠲᠡᠢ《ᠮᠡᠳᠡᠭᠡ ᠵᠠᠩᠭᠢ》ᠵᠢᠨ ᠪᠣᠯᠣᠩ ᠢ ᠨᠡᠭᠡᠭᠡᠯᠡ ［3］ ᠭᠡᠳᠡᠭᠴᠢᠯᠡᠨ ᠨᠡᠢ᠌ᠭᠡᠮ ᠠᠮᠢᠳᠤᠷᠠᠯᠤᠨ ᠠᠳᠠᠯᠢ ᠪᠣᠰᠤ ᠵᠢᠨ ᠭᠤᠯᠳᠤᠷᠢᠯᠠᠴᠠ ᠮᠠᠰᠢ ᠣᠯᠠᠨ ᠲᠤᠰᠬᠠᠢ ᠪᠣᠯᠣᠩ ᠤᠳᠢ ᠴᠦᠷᠭᠡᠯᠡᠭᠦᠯᠦᠨ ᠨᠡᠭᠡᠭᠡᠵᠡᠢ᠃ ᠡᠭᠦᠨᠤ ᠳ᠋ᠦᠩᠳᠤ 1996 ᠣᠨᠤ 1 ᠳ᠋ᠤᠭᠡᠷ （ᠶᠡᠷᠦᠩᠬᠡᠢ 18 ᠳ᠋ᠤᠭ᠋ᠠᠷ） ᠬᠤᠭᠤᠴᠠᠭᠠ ᠵᠢ ᠨᠡᠢ᠌ᠲᠡ 25 ᠪᠤᠯᠤᠩᠲᠠᠢ ᠬᠡᠪᠯᠡᠭᠦᠯᠦᠭᠰᠡᠨ ᠪᠠᠢ᠌ᠨᠠ᠃ ᠲᠤᠰ ᠬᠤᠭᠤᠴᠠᠭᠠ ᠪᠣᠯ《ᠨᠡᠢ᠌ᠭᠡᠮ》ᠰᠡᠳᠭᠦᠯᠤᠨ ᠭᠤᠴᠢᠨ ᠵᠢᠯ ᠲᠤᠷᠰᠢ ᠬᠡᠪᠯᠡᠨ ᠲᠠᠷᠬᠠᠭ᠋ᠠᠭᠰᠠᠨ ᠨᠡᠢ᠌ᠲᠡ 318 ᠬᠤᠭᠤᠴᠠᠭᠠ ᠰᠡᠳᠭᠦᠯ ᠳᠤᠲᠤᠷᠠᠬᠢ ᠲᠤᠰᠬᠠᠢ ᠪᠤᠯᠤᠩ ᠵᠶ᠋ᠠᠷ ᠬᠠᠮᠤᠭ ᠣᠯᠠᠨ ᠨᠢᠭᠡ ᠬᠤᠭᠤᠴᠠᠭᠠᠳᠤ ᠲᠤᠭ᠋ᠠᠴᠠᠭᠳᠠᠨᠠ᠃ ᠲᠤᠰ ᠰᠡᠳᠭᠦᠯ ᠣᠯᠠᠩᠬᠢ ᠳᠤᠪᠠᠨ ᠬᠤᠭᠤᠴᠠᠭᠠ ᠪᠦᠷᠢ ᠵᠢᠨ ᠰᠡᠳᠭᠦᠯᠳᠤ ᠬᠤᠷᠢ ᠣᠷᠴᠢᠮ ᠲᠤᠰᠬᠠᠢ ᠪᠣᠯᠣᠩ ᠲᠤᠬᠢᠷᠠᠭᠤᠯᠵᠤ᠂ ᠠᠳᠠᠯᠢ ᠪᠣᠰᠤ ᠬᠤᠭᠤᠴᠠᠭᠠᠳᠤ ᠠᠳᠠᠯᠢ ᠪᠣᠰᠤ ᠪᠣᠯᠤᠩ ᠤᠳᠢ ᠰᠣᠩᠭᠤᠨ ᠰᠤᠯᠪᠢᠴᠠᠭᠣᠯᠣᠨ ᠨᠡᠢ᠌ᠳᠡᠯᠡᠵᠦ᠂ ᠤᠩᠰᠢᠭᠴᠢᠳᠲᠤ ᠡᠯᠡ ᠬᠠᠷᠠᠭ᠋ᠠᠰᠤᠠᠴᠠ ᠣᠯᠠᠨ ᠲᠠᠯᠠ ᠵᠢᠨ ᠰᠣᠶᠣᠯᠤᠨ ᠦᠢ᠍ᠯᠡᠴᠢᠯᠭᠡ ᠬᠠᠩᠭ᠋ᠠᠭᠰᠠᠭ᠋ᠠᠷ ᠢᠷᠡᠵᠡᠢ᠃ ᠪᠠᠰᠠ1997—2000 ᠣᠨᠤ ᠬᠤᠭᠤᠷᠤᠨᠲᠤ ᠵᠢᠯ ᠪᠦᠷᠢ ᠨᠢᠭᠡ ᠬᠤᠭᠤᠴᠠᠭᠠ ᠵᠢ《ᠣᠨᠴᠠᠭ᠋ᠠᠢ ᠳ᠋ᠤᠭ᠋ᠠᠷ》ᠪᠣᠯᠭ᠋ᠠᠵᠤ᠂ ᠲᠤᠰ ᠰᠡᠳᠭᠦᠯᠤᠨ ᠬᠡᠪ ᠨᠠᠮᠪᠠ᠂ ᠬᠡᠪᠰᠢᠯ ᠬᠡᠯᠪᠡᠷᠢᠳᠤ ᠪᠠᠷᠢᠭᠳᠠᠬᠤ ᠦᠭᠡᠢᠪᠠᠷ ᠤᠩᠰᠢᠭᠴᠢᠳᠲᠤ ᠴᠢᠨᠠᠷ ᠰᠠᠢ᠌ᠲᠠᠢ᠂ ᠦᠨᠡ ᠦᠷᠳᠡᠭ ᠪᠦᠬᠦᠢ ᠰᠤᠷᠠᠭ ᠴᠢᠮᠡᠭᠡ ᠵᠢ ᠲᠦᠪᠯᠡᠷᠡᠭᠦᠯᠦᠨ ᠳᠠᠮᠵᠢᠭᠤᠯᠪᠠ᠃《ᠨᠡᠢ᠌ᠭᠡᠮ》ᠰᠡᠳᠭᠦᠯ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ ᠭᠤᠴᠢᠨ ᠵᠢᠯᠤᠨ ᠲᠤᠷᠰᠢ 《ᠶᠠᠲᠤᠭᠠ ᠵᠢᠨ ᠳᠤᠯᠤᠭ᠋ᠠᠨ ᠡᠭᠡᠰᠢᠭ》᠂《ᠲᠤᠤᠯᠢᠶᠠᠨᠲᠤ ᠬᠣᠷᠸᠠ》᠂《ᠣᠳᠤᠳᠤᠨ ᠰᠢᠪᠡᠨᠡᠭᠡ》᠂《ᠲᠡᠪᠡᠨᠡ ᠰᠦᠪᠡᠪᠠᠷ》᠂《ᠥᠷᠭᠡᠨ ᠴᠢᠯᠦᠭᠡ》᠂《ᠵᠠᠭᠤᠨ ᠠᠯᠤᠰᠯᠠᠬᠤ ᠥᠪᠦᠷ ᠮᠣᠩᠭᠤᠯᠴᠤᠳ》᠂《ᠬᠦᠯᠦᠭᠤᠨ ᠰᠤᠷ》᠂《ᠲᠡᠦᠬᠡᠨᠳᠤᠬᠢ ᠨᠢᠭᠡᠨ ᠬᠠᠭᠤᠳᠠᠰᠤ》᠂《ᠰᠢᠨᠡ ᠠᠮᠢᠳᠤᠷᠠᠯ》᠂《ᠠᠵᠤ ᠠᠬᠤᠢ ᠵᠢᠨ ᠵᠠᠭᠤᠴᠢ》᠂《ᠨᠣᠮᠤᠨ ᠬᠦᠷᠳᠦ》ᠵᠡᠷᠭᠡ ᠲᠤᠭᠳᠠᠮᠠᠯ ᠪᠠ ᠲᠤᠭᠲᠠᠮᠠᠯ ᠪᠣᠰᠤ ᠰᠣᠳᠤᠨ ᠰᠠᠢ᠌ᠬᠠᠨ ᠲᠤᠰᠬᠠᠢ ᠪᠣᠯᠤᠩ ᠤᠳᠢ ᠨᠡᠢ᠌ᠲᠡ ᠵᠠᠭᠤ ᠭᠠᠷᠤᠢ ᠡᠭᠦᠳᠦᠨ ᠨᠡᠭᠡᠭᠡᠪᠡ᠃
ᠬᠣᠶᠠᠷ᠂ ᠬᠡᠪᠯᠡᠯᠤᠨ ᠲᠠᠯᠠᠪᠠᠷᠬᠢ ᠬᠤᠪᠢᠷᠠᠯᠲᠠ
（ᠨᠢᠭᠡ） ᠬᠡᠪᠯᠡᠯᠤᠨ ᠬᠤᠭᠤᠴᠠᠭ᠋ᠠᠨᠤ ᠬᠤᠪᠢᠷᠠᠯᠲᠠ
ᠰᠡᠳᠭᠦᠯᠤᠨ ᠬᠡᠪᠯᠡᠯᠤᠨ ᠬᠤᠭᠤᠴᠠᠭᠠ ᠪᠣᠯ ᠲᠡᠭᠦᠨᠤ ᠬᠡᠪᠯᠡᠭᠳᠡᠨ ᠲᠠᠷᠬᠠᠭᠳᠠᠬᠤ ᠶᠠᠪᠤᠴᠠ ᠳᠤᠬᠢ ᠴᠠᠭ ᠬᠤᠭᠤᠴᠠᠭ᠋ᠠᠨᠤ ᠳᠠᠪᠲᠠᠮᠵᠢ᠂ ᠰᠡᠳᠭᠦᠯᠤᠨ ᠨᠢᠭᠡ ᠵᠢᠯᠤᠨ ᠬᠤᠭᠤᠴᠠᠭ᠋ᠠᠨ ᠳᠤᠬᠢ ᠬᠡᠪᠯᠡᠭᠳᠡᠬᠦ ᠲᠤᠭᠠ ᠪᠠ ᠬᠤᠷᠳᠤᠴᠠ ᠵᠢ ᠲᠦᠯᠦᠭᠡᠯᠡᠵᠦ ᠪᠣᠢ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠰᠠᠷᠠ ᠵᠢᠨ ᠰᠡᠳᠭᠦᠯ ᠪᠣᠯ ᠲᠤᠰ ᠰᠡᠳᠭᠦᠯᠨᠢ ᠰᠠᠷᠠ ᠪᠣᠯᠭ᠋ᠠᠨᠳᠤ ᠨᠢᠭᠡ ᠬᠤᠭᠤᠴᠠᠭᠠ ᠬᠡᠪᠯᠡᠭᠳᠡᠬᠦ ᠮᠥᠷᠲᠡᠭᠡᠨ ᠵᠢᠯᠳᠤ ᠨᠡᠢ᠌ᠲᠡ 12 ᠬᠤᠭᠤᠴᠠᠭᠠ ᠭᠠᠷᠳᠠᠭᠢ ᠵᠢᠭ᠋ᠠᠨᠠ᠃《ᠨᠡᠢ᠌ᠭᠡᠮ》ᠰᠡᠳᠭᠦᠯ ᠬᠡᠪᠯᠡᠯ ᠡᠬᠢᠯᠡᠭᠰᠡᠨᠠᠴᠠ ᠣᠳᠤ ᠬᠦᠷᠲᠡᠯᠡ ᠬᠡᠪᠯᠡᠯᠤᠨ ᠬᠤᠭᠤᠴᠠᠭᠠ ᠵᠢᠨ ᠬᠤᠪᠢᠳᠤ ᠨᠡᠢ᠌ᠲᠡ ᠭᠤᠷᠪᠠ ᠤᠳᠠᠭ᠋ᠠᠨᠤ ᠬᠤᠪᠢᠷᠠᠯᠲᠠ ᠭᠠᠷᠴᠠᠢ᠃ ᠭᠤᠴᠢᠨ ᠵᠢᠯᠤᠨ ᠭᠤᠤᠯᠳᠤ ᠬᠠᠷᠠᠭ᠋ᠠᠰᠤᠠᠴᠠ ᠲᠡᠭᠦᠨᠤ ᠬᠡᠪᠯᠡᠯᠤᠨ ᠬᠤᠭᠤᠴᠠᠭᠠ ᠵᠢ ᠠᠵᠢᠭᠯᠠᠬᠤᠳᠤ ᠲᠤᠭᠳᠠᠮᠠᠯ ᠪᠣᠰᠤᠠᠴᠠ ᠲᠤᠭᠲᠠᠮᠠᠯ᠂ ᠤᠷᠲᠤᠠᠴᠠ ᠪᠤᠭᠤᠨᠢ᠂ ᠤᠳᠠᠭ᠋ᠠᠨᠠᠴᠠ ᠬᠤᠷᠳᠤᠨ ᠬᠦᠷᠬᠦ ᠬᠠᠨᠳᠤᠰᠢᠪᠠᠷ ᠲᠤᠭᠳᠠᠭᠤᠨ ᠬᠤᠪᠢᠰᠴᠤ ᠢᠷᠡᠵᠡᠢ᠃ ᠲᠤᠰ ᠰᠡᠳᠭᠦᠯ ᠠᠩᠬᠠ ᠬᠡᠪᠯᠡᠯ ᠡᠬᠢᠯᠡᠬᠦ ᠳᠤᠪᠠᠨ ᠬᠡᠳᠦᠢ᠌ᠪᠡᠷ ᠬᠡᠪᠯᠡᠭᠦᠯᠬᠦ ᠡᠷᠭᠡ ᠵᠢᠨ ᠬᠠᠭᠤᠳᠠᠰᠤᠨᠳᠤ《ᠤᠯᠠᠷᠢᠯᠤᠨ ᠰᠡᠳᠭᠦᠯ》ᠭᠡᠵᠦ ᠲᠤᠳᠤᠷᠬᠠᠢ ᠪᠢᠴᠢᠭᠰᠡᠨ ᠪᠣᠯᠪᠠᠴᠤ᠂ ᠦᠨᠡᠨᠳᠤᠪᠠᠨ ᠲᠤᠭᠲᠠᠮᠠᠯ ᠪᠣᠰᠤ ᠬᠤᠭᠤᠴᠠᠭ᠋ᠠᠲᠤ ᠰᠡᠳᠭᠦᠯ ᠵᠶ᠋ᠠᠷ ᠬᠡᠪᠯᠡᠭᠳᠡᠵᠦ᠂ ᠬᠣᠶᠠᠷ ᠵᠢᠯᠤᠨ ᠳᠠᠷᠠᠭᠠ 1993 ᠣᠨᠠᠴᠠ ᠡᠬᠢᠯᠡᠵᠦ ᠤᠯᠠᠷᠢᠯ ᠪᠦᠷᠢ ᠨᠢᠭᠡ ᠬᠤᠭᠤᠴᠠᠭᠠ ᠬᠡᠪᠯᠡᠭᠦᠯᠦᠨ ᠲᠠᠷᠬᠠᠭ᠋ᠠᠵᠤ᠂ ᠲᠤᠭᠲᠠᠮᠠᠯ ᠬᠤᠭᠤᠴᠠᠭ᠋ᠠᠲᠤ ᠤᠯᠠᠷᠢᠯᠤᠨ ᠰᠡᠳᠭᠦᠯ ᠪᠤᠯᠵᠤ ᠬᠤᠪᠢᠷᠠᠵᠠᠢ᠃ ᠳᠠᠷᠤᠢ᠂ 1991 —1992 ᠣᠨᠤ ᠬᠤᠭᠤᠷᠤᠨᠳᠤ ᠲᠤᠭᠲᠠᠮᠠᠯ ᠪᠣᠰᠤ ᠬᠤᠭᠤᠴᠠᠭ᠋ᠠᠲᠤ ᠰᠡᠳᠭᠦᠯ ᠪᠠᠢ᠌ᠵᠤ᠂ 1991 ᠣᠨᠳᠤ ᠨᠢᠭᠡ （ᠶᠡᠷᠦᠩᠬᠡᠢ 1 ᠳ᠋ᠤᠭᠡᠷ ᠬᠤᠭᠤᠴᠠᠭᠠ） ᠯᠡ ᠬᠤᠭᠤᠴᠠᠭᠠ᠂ 1992 ᠣᠨᠳᠤ 2 （ᠶᠡᠷᠦᠩᠬᠡᠢ 2—3 ᠳ᠋ᠤᠭ᠋ᠠᠷ ） ᠬᠤᠭᠤᠴᠠᠭᠠ ᠬᠡᠪᠯᠡᠭᠳᠡᠵᠡᠢ᠃1993 ᠣᠨᠤ 1 （ᠶᠡᠷᠦᠩᠬᠡᠢ 4） ᠳ᠋ᠤᠭᠡᠷ ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠵᠦ ᠰᠠᠶᠢ ᠤᠯᠠᠷᠢᠯᠤᠨ ᠰᠡᠳᠭᠦᠯ ᠪᠣᠯᠵᠤ᠂ 1994 ᠣᠨᠤ ᠡᠴᠦᠰ ᠬᠦᠷᠲᠡᠯᠡ ᠨᠡᠢ᠌ᠲᠡ 8 （ᠶᠡᠷᠦᠩᠬᠡᠢ 4 —11 ᠳ᠋ᠤᠭᠡᠷ） ᠬᠤᠭᠤᠴᠠᠭᠠ ᠬᠡᠪᠯᠡᠭᠳᠡᠪᠡ᠃ 1995 ᠣᠨᠤ 1 ᠳ᠋ᠤᠭᠡᠷ （ᠶᠡᠷᠦᠩᠬᠡᠢ 12 ᠳ᠋ᠤᠭ᠋ᠠᠷ） ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠵᠦ ᠬᠤᠤᠰ ᠰᠠᠷᠠ ᠵᠢᠨ ᠰᠡᠳᠭᠦᠯ ᠪᠣᠯᠵᠤ᠂ ᠳ᠋ᠠᠩ ᠰᠠᠷᠠ ᠪᠦᠷᠢ ᠵᠢᠨ 15ᠳᠤ ᠬᠡᠪᠯᠡᠭᠳᠡᠨ᠂ 1996 ᠣᠨᠤ ᠡᠴᠤᠰ ᠬᠦᠷᠲᠡᠯᠡ ᠨᠡᠢ᠌ᠲᠡ 12 （ᠶᠡᠷᠦᠩᠬᠡᠢ 12—23 ᠳ᠋ᠤᠭ᠋ᠠᠷ） ᠬᠤᠭᠤᠴᠠᠭᠠ ᠬᠡᠪᠯᠡᠨ ᠲᠠᠷᠬᠠᠭᠳᠠᠵᠠᠢ ᠃ 1997 ᠣᠨᠤ 1 （ᠶᠡᠷᠦᠩᠬᠡᠢ 24） ᠳ᠋ᠤᠭᠡᠷ ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠨ ᠰᠠᠷᠠ ᠵᠢᠨ ᠰᠡᠳᠭᠦᠯ ᠪᠣᠯᠵᠤ᠂ ᠰᠠᠷᠠ ᠪᠦᠷᠢ ᠵᠢᠨ 5ᠳᠤ ᠬᠡᠪᠯᠡᠭᠳᠡᠵᠦ ᠪᠠᠢ᠌ᠭᠰᠠᠨ ᠵᠶ᠋ᠠᠨ 2000 ᠣᠨᠤ 1 ᠳ᠋ᠤᠭᠡᠷ （ᠶᠡᠷᠦᠩᠬᠡᠢ 60 ᠳ᠋ᠤᠭ᠋ᠠᠷ） ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠵᠦ ᠰᠠᠷᠠ ᠪᠦᠷᠢ ᠵᠢᠨ 1ᠳᠤ ᠬᠡᠪᠯᠡᠬᠦ ᠰᠠᠷᠠ ᠵᠢᠨ ᠰᠡᠳᠭᠦᠯ ᠪᠣᠯᠵᠤ ᠣᠳᠤ ᠪᠣᠯᠳᠠᠯᠠ ᠬᠡᠪᠯᠡᠭᠳᠡᠭᠰᠡᠭᠡᠷ ᠪᠣᠢ᠃ ᠰᠠᠷᠠ ᠵᠢᠨ ᠰᠡᠳᠭᠦᠯ ᠪᠣᠯ ᠮᠣᠩᠭᠤᠯ ᠰᠡᠳᠭᠦᠯᠤᠨ ᠣᠳᠤᠬᠠᠨ ᠳᠤᠬᠢ ᠬᠡᠪᠯᠡᠯᠤᠨ ᠳᠠᠪᠲᠠᠮᠵᠢ ᠪᠠᠷ ᠬᠠᠮᠤᠭ ᠤᠨ ᠦᠨᠳᠦᠷ ᠲᠤ ᠲᠤᠭ᠋ᠠᠴᠠᠭᠳᠠᠬᠤ ᠬᠤᠭᠤᠴᠠᠭ᠋ᠠᠲᠤ ᠰᠡᠳᠭᠦᠯ ᠮᠥᠨ ᠃《ᠨᠡᠢ᠌ᠭᠡᠮ》ᠰᠡᠳᠭᠦᠯᠤᠨ ᠤᠯᠠᠷᠢᠯᠤᠨ ᠰᠡᠳᠭᠦᠯᠠᠴᠠ ᠰᠠᠷᠠ ᠵᠢᠨ ᠰᠡᠳᠭᠦᠯ᠂ ᠰᠠᠷᠠ ᠵᠢᠨ ᠳᠤᠮᠳᠠᠴᠢᠠᠴᠠ ᠰᠠᠷᠠ ᠵᠢᠨ ᠡᠬᠢᠨᠳᠤ ᠬᠡᠪᠯᠡᠬᠦ ᠪᠤᠯᠵᠤ ᠬᠤᠪᠢᠷᠠᠭᠰᠠᠨ ᠪᠦᠬᠦ ᠶᠠᠪᠤᠴᠠᠨᠢ ᠲᠡᠭᠦᠨᠤ ᠤᠩᠰᠢᠭᠴᠢᠳᠤᠨ ᠱᠠᠭ᠋ᠠᠷᠳᠠᠯᠭᠠ᠂ ᠨᠡᠢ᠌ᠭᠡᠮᠤᠨ ᠬᠡᠷᠡᠭᠴᠡᠭᠡ ᠵᠢ ᠬᠠᠩᠭ᠋ᠠᠵᠤ ᠵᠢᠨ ᠲᠦᠯᠦᠭᠡ ᠴᠦᠬᠦᠷᠡᠰᠢ ᠦᠭᠡᠢ ᠮᠡᠷᠡᠢ᠌ᠵᠦ᠂ ᠲᠠᠰᠤᠷᠠᠯᠲᠠ ᠦᠭᠡᠢ ᠦᠭᠡᠷᠡᠴᠢᠯᠡᠯᠲᠡ ᠰᠢᠨᠡᠴᠢᠯᠡᠯᠲᠡ ᠬᠢᠵᠦ ᠢᠷᠡᠭᠰᠡᠨ ᠣᠯᠠ ᠮᠥᠷᠢ ᠳᠤᠷᠠᠢ᠌ᠯᠭ᠋ᠠᠬᠤ ᠵᠢᠨ ᠬᠠᠮᠲᠤ ᠲᠡᠭᠦᠨᠤ ᠣᠯᠠᠨ ᠲᠦᠮᠡᠨᠳᠤ ᠲᠠᠭ᠋ᠠᠰᠢᠶᠠᠭᠳᠠᠭᠰᠠᠨ ᠪᠣᠳᠠᠳᠤ ᠬᠡᠷᠡᠭᠢ ᠲᠤᠬᠢᠲᠠᠢ ᠬᠠᠷᠠᠭᠤᠯᠵᠤ ᠪᠣᠢ᠃
（ᠬᠤᠶᠠᠷ） ᠰᠡᠳᠭᠦᠯᠤᠨ ᠦᠨᠡ ᠵᠢᠨ ᠦᠰᠦᠯᠲᠡ
《ᠨᠡᠢ᠌ᠭᠡᠮ》ᠰᠡᠳᠭᠦᠯᠨᠢ ᠬᠡᠪᠯᠡᠯ ᠡᠬᠢᠯᠡᠭᠰᠡᠨᠠᠴᠠ ᠣᠳᠤ ᠬᠦᠷᠲᠡᠯᠡ ᠰᠡᠳᠭᠦᠯᠤᠨ ᠥᠨᠡᠳᠤ ᠨᠡᠢ᠌ᠲᠡ 6 ᠤᠳᠠᠭ᠋ᠠᠨᠤ ᠲᠤᠬᠢᠷᠠᠭᠤᠯᠤᠯᠲᠠ ᠬᠢᠵᠦ᠂ ᠬᠤᠭᠤᠴᠠᠭᠠ ᠪᠦᠷᠢ ᠵᠢᠨ ᠦᠨᠡ ᠬᠠᠩᠰᠢ ᠠᠭ᠋ᠠᠵᠢᠮ ᠵᠶ᠋ᠠᠷ ᠨᠡᠮᠡᠭᠳᠡᠭᠰᠡᠭᠡᠷ ᠬᠠᠮᠤᠭ ᠠᠩᠬᠠᠨᠤ 1.00 ᠲᠦᠭᠦᠷᠢᠭ ᠪᠠᠢ᠌ᠭᠰᠠᠨᠠᠴᠠ 6.00 ᠲᠦᠭᠦᠷᠢᠭᠲᠤ ᠬᠦᠷᠴᠡᠢ᠃ ᠡᠭᠦᠨᠳᠤ᠂ ᠰᠡᠳᠭᠦᠯ ᠡᠷᠬᠢᠯᠡᠭᠰᠡᠨ ᠠᠩᠬᠠᠨᠤ ᠠᠷᠪᠠᠨ ᠵᠢᠯᠳᠤ ᠰᠡᠳᠭᠦᠯᠤᠨ ᠦᠨᠡ ᠣᠯᠠᠨ ᠤᠳᠠᠭᠠ ᠦᠰᠦᠭᠰᠡᠨ ᠮᠥᠷᠲᠡᠭᠡᠨ ᠦᠰᠦᠯᠲᠡ ᠵᠢᠨ ᠬᠤᠷᠳᠤᠴᠠ ᠨᠡᠯᠢᠶᠡᠳ ᠲᠥᠷᠭᠡᠨ᠂ 1992 ᠣᠨᠠᠴᠠ 2000 ᠣᠨ ᠬᠦᠷᠲᠡᠯᠡ ᠵᠢᠯ ᠠᠯᠤᠰᠯᠠᠬᠤ ᠪᠦᠷᠢᠳᠤ ᠨᠢᠭᠡ ᠤᠳᠠᠭ᠋ᠠᠨᠤ ᠦᠨᠡ ᠬᠠᠩᠰᠢ ᠵᠢᠨ ᠲᠤᠬᠢᠷᠠᠭᠤᠯᠤᠯᠲᠠ ᠬᠢᠵᠡᠢ᠃ ᠪᠣᠳᠠᠲᠠᠢ ᠶᠠᠷᠢᠪᠠᠯ᠂ ᠲᠤᠰ ᠰᠡᠳᠭᠦᠯ 1991 ᠣᠨᠳᠤ ᠬᠡᠪᠯᠡᠯ ᠡᠬᠢᠯᠡᠭᠰᠡᠨᠠᠴᠠ 1992 ᠣᠨᠤ 1 ᠳ᠋ᠤᠭᠡᠷ ᠬᠤᠭᠤᠴᠠᠭᠠ ᠬᠦᠷᠲᠡᠯᠡ ᠬᠤᠭᠤᠴᠠᠭᠠ ᠪᠦᠷᠢ ᠵᠢᠨ ᠦᠨᠡᠨᠢ 1.00 ᠲᠦᠭᠦᠷᠢᠭ ᠪᠠᠢ᠌ᠵᠦ᠂ ᠨᠡᠢ᠌ᠲᠡ 2 ᠬᠤᠭᠤᠴᠠᠭᠠ ᠬᠡᠪᠯᠡᠪᠡ᠃ 1992 ᠣᠨᠤ 2—3 （ᠶᠡᠷᠦᠩᠬᠡᠢ 3） ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠨ ᠬᠤᠭᠤᠴᠠᠭᠠ ᠪᠦᠷᠢ ᠵᠢᠨ ᠦᠨᠡ 1.80 ᠲᠦᠭᠦᠷᠢᠭ ᠳᠤ ᠬᠦᠷᠴᠦ᠂1993 ᠣᠨᠤ ᠡᠴᠤᠰ ᠪᠣᠯᠲᠠᠯᠠ ᠨᠡᠢ᠌ᠲᠡ 5 ᠬᠤᠭᠤᠴᠠᠭᠠ ᠬᠡᠪᠯᠡᠵᠡᠢ᠃1994 ᠣᠨᠤ 1 ᠳ᠋ᠤᠭᠡᠷ ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠨ ᠰᠡᠳᠭᠦᠯᠤᠨ ᠦᠨᠡ ᠵᠢ 2.00 ᠲᠦᠭᠦᠷᠢᠭ ᠪᠣᠯᠭ᠋ᠠᠵᠤ᠂ 1995 ᠣᠨᠤ ᠡᠴᠦᠰ ᠪᠣᠯᠲᠠᠯᠠ 2 ᠵᠢᠯᠤᠨ ᠵᠠᠢᠳᠤ ᠨᠡᠢ᠌ᠲᠡ10 ᠬᠤᠭᠤᠴᠠᠭᠠ ᠬᠡᠪᠯᠡᠵᠡᠢ᠃1996 ᠣᠨᠤ 1 ᠳ᠋ᠤᠭᠡᠷ ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠨ ᠰᠡᠳᠭᠦᠯᠤᠨ ᠦᠨᠡ ᠵᠢ 3.80 ᠲᠦᠭᠦᠷᠢᠭ ᠪᠣᠯᠭ᠋ᠠᠵᠤ᠂ 1997 ᠣᠨᠤ ᠡᠴᠦᠰ ᠪᠣᠯᠲᠠᠯᠠ ᠮᠥᠨ 2 ᠵᠢᠯᠤᠨ ᠵᠠᠢᠳᠤ ᠨᠡᠢ᠌ᠲᠡ18 ᠬᠤᠭᠤᠴᠠᠭᠠ ᠬᠡᠪᠯᠡᠪᠡ᠃1998 ᠣᠨᠤ 1 ᠳ᠋ᠤᠭᠡᠷ ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠨ ᠰᠡᠳᠭᠦᠯᠤᠨ ᠦᠨᠡ ᠵᠢ 4.00 ᠲᠦᠭᠦᠷᠢᠭ ᠪᠣᠯᠭ᠋ᠠᠵᠤ᠂ 2000 ᠣᠨᠤ ᠡᠴᠤᠰ ᠬᠦᠷᠲᠡᠯᠡ 3 ᠵᠢᠯᠤᠨ ᠵᠠᠢᠳᠤ ᠨᠡᠢ᠌ᠲᠡ 36 ᠬᠤᠭᠤᠴᠠᠭᠠ ᠬᠡᠪᠯᠡᠪᠡ᠃ 2001 ᠣᠨᠤ 1 ᠳ᠋ᠤᠭᠡᠷ ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠨ ᠰᠡᠳᠭᠦᠯᠤᠨ ᠦᠨᠡ ᠵᠢ 5.50 ᠲᠦᠭᠦᠷᠢᠭ ᠪᠣᠯᠭ᠋ᠠᠵᠤ᠂ 2004 ᠣᠨᠤ ᠡᠴᠦᠰ ᠬᠦᠷᠲᠡᠯᠡ 4 ᠵᠢᠯᠤᠨ ᠵᠠᠢᠳᠤ ᠨᠡᠢ᠌ᠲᠡ48 ᠬᠤᠭᠤᠴᠠᠭᠠ ᠬᠡᠪᠯᠡᠵᠡᠢ᠃ ᠰᠢᠨᠡ ᠵᠠᠭᠤᠨᠳᠤ ᠤᠷᠤᠭᠰᠠᠨᠤ ᠳᠠᠷᠠᠭᠠ᠂ 2005 ᠣᠨᠳᠤ ᠰᠡᠳᠭᠦᠯᠤᠨ ᠦᠨᠡᠪᠠᠨ ᠨᠢᠭᠡ ᠤᠳᠠᠭᠠ ᠦᠰᠭᠡᠭᠡᠳ ᠤᠳᠤ ᠪᠣᠯᠲᠠᠯᠠ ᠬᠤᠪᠢᠷᠠᠭᠠ ᠦᠭᠡᠢ᠃ 2005 —2021 ᠣᠨᠤ ᠬᠣᠭᠤᠷᠤᠨᠳᠤᠬᠢ ᠬᠤᠭᠤᠴᠠᠭᠠ ᠪᠣᠯ《ᠨᠡᠢ᠌ᠭᠡᠮ》ᠰᠡᠳᠭᠦᠯᠤᠨ ᠬᠡᠪᠯᠡᠯ ᠡᠬᠢᠯᠡᠭᠰᠡᠨᠠᠴᠠ ᠨᠠᠭ᠋ᠠᠰᠢᠬᠢ ᠦᠨᠡ ᠬᠠᠩᠰᠢ ᠵᠢᠨ ᠲᠠᠯᠠᠪᠠᠷᠬᠢ ᠬᠠᠮᠤᠭ ᠲᠣᠭᠲᠠᠭᠤᠨ ᠪᠦᠭᠡᠳ ᠦᠷᠬᠦᠯᠵᠢᠯᠡᠭᠰᠡᠨ ᠬᠤᠭᠤᠴᠠᠭᠠ ᠬᠠᠮᠤᠭ ᠤᠷᠲᠤ ᠴᠠᠭ ᠥᠶᠡ ᠪᠣᠯᠣᠨᠠ᠃ 2005 ᠣᠨᠤ 1 ᠳ᠋ᠤᠭᠡᠷ ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠨ ᠰᠡᠳᠭᠦᠯᠤᠨ ᠦᠨᠡ ᠵᠢ ᠦᠰᠭᠡᠵᠦ 6.00 ᠲᠦᠭᠦᠷᠢᠭ ᠪᠣᠯᠭ᠋ᠠᠭ᠋ᠠᠳ ᠤᠳᠤ ᠪᠣᠯᠲᠠᠯᠠ16 ᠵᠢᠯ ᠢᠯᠡᠭᠦᠦ ᠤᠷᠲᠤ ᠵᠠᠢᠳᠤ ᠨᠡᠢ᠌ᠲᠡ199 ᠬᠤᠭᠤᠴᠠᠭᠠ ᠰᠡᠳᠭᠦᠯ ᠬᠡᠪᠯᠡᠭᠰᠡᠨ ᠪᠠᠢ᠌ᠨᠠ᠃ ᠰᠡᠳᠭᠦᠯᠤᠨ ᠦᠨᠡ ᠬᠠᠩᠰᠢ ᠵᠢᠨ ᠦᠰᠦᠯᠲᠡᠨᠢ ᠨᠡᠢ᠌ᠭᠡᠮᠤᠨ ᠣᠯᠠᠨ ᠲᠠᠯᠠ ᠵᠢᠨ ᠡᠯᠧᠮᠧᠨ᠋ᠲᠠᠴᠠ ᠰᠢᠯᠲᠠᠭ᠋ᠠᠯᠠᠭᠳᠠᠭᠰᠠᠨ ᠪᠦᠭᠡᠳ ᠪᠠᠰᠠ ᠨᠡᠢ᠌ᠭᠡᠮᠤᠨ ᠡᠯᠡ ᠵᠦᠢ᠍ᠯᠤᠨ ᠠᠵᠢᠯ ᠮᠡᠷᠭᠡᠵᠢᠯ᠂ ᠠᠵᠤ ᠠᠬᠤᠢ ᠵᠢᠨ ᠪᠣᠳᠠᠳᠤ ᠪᠠᠢ᠌ᠳᠠᠯᠢ ᠵᠤᠬᠢᠬᠤ ᠬᠡᠮᠵᠢᠶᠡᠨᠡ ᠲᠤᠰᠬᠠᠨ ᠬᠠᠷᠠᠭᠤᠯᠳᠠᠭ᠃ ᠡᠭᠦᠨᠢ ᠲᠤᠰ ᠰᠡᠳᠭᠦᠯᠤᠨ ᠦᠭᠡᠪᠠᠷ ᠬᠡᠯᠡᠪᠡᠯ᠂1995 ᠣᠨᠠᠴᠠ ᠴᠠᠭ᠋ᠠᠰᠤᠨᠤ ᠦᠨᠡ ᠭᠡᠨᠡᠨ ᠵᠶ᠋ᠠᠷ ᠦᠰᠴᠦ᠂ ᠬᠡᠪᠯᠡᠯᠤᠨ ᠡᠲᠡᠭᠡᠳᠤᠨᠬᠢᠨᠤ ᠵᠷᠤᠳᠠᠯ ᠮᠥᠩᠭᠦ ᠶᠡᠬᠡᠬᠡᠨ ᠬᠦᠨᠳᠦᠷᠦᠯᠲᠠᠢ ᠪᠣᠯᠣᠭᠰᠠᠨ ᠲᠤᠬᠠᠢ ᠡᠷᠬᠢᠮ ᠤᠩᠰᠢᠭᠴᠢᠳ ᠲᠠ ᠨᠠᠷ ᠮᠢᠨᠢ ᠲᠤᠭᠤᠯᠵᠤ ᠰᠣᠨᠣᠰᠤᠭᠰᠠᠨ ᠪᠠᠢ᠌ᠬᠠ᠃ ᠲᠡᠷᠡ ᠴᠤ᠌ ᠪᠠᠢ᠌ᠲᠤᠭ᠋ᠠᠢ᠂ ᠵᠦᠪᠬᠡᠨ ᠴᠠᠭ᠋ᠠᠰᠤ ᠯᠠ ᠭᠡᠰᠡᠨ ᠦᠭᠡᠢ᠂ ᠬᠡᠪᠯᠡᠯᠳᠤ ᠬᠡᠷᠡᠭᠰᠡᠬᠦ ᠪᠣᠰᠤᠳ ᠡᠯᠡ ᠵᠦᠢ᠍ᠯᠤᠨ ᠮᠠᠲ᠋ᠧᠷᠢᠶᠠᠯ ᠰᠡᠯᠲᠡ ᠪᠣᠯᠣᠨ ᠰᠢᠦᠳᠠᠨᠤ ᠰᠦᠢ᠍ᠳᠭᠡᠯ ᠶᠠᠪᠤᠬᠤ ᠳᠤᠰᠤᠮ ᠵᠶ᠋ᠠᠨ ᠨᠡᠮᠡᠭᠳᠡᠵᠦ᠂ ᠤᠯᠤᠰᠠᠴᠠ ᠥᠭᠳᠡᠭ ᠲᠤᠭᠲᠠᠮᠠᠯ ᠲᠤᠭ᠋ᠠᠨᠤ ᠨᠦᠬᠦᠪᠦᠷᠢ ᠮᠥᠩᠭᠦᠨᠢ ᠭᠡᠳᠡᠷᠬᠦᠪᠠᠨ ᠬᠠᠷᠢᠨ ᠬᠤᠪᠢ ᠳᠠᠬᠢᠨ ᠵᠶ᠋ᠠᠷ ᠪᠠᠭ᠋ᠠᠰᠤᠭᠰᠠᠨ ᠲᠤᠬᠠᠢᠳᠤ᠂ ᠨᠠᠢ᠌ᠷᠠᠭᠤᠯᠤᠭᠴᠢ ᠪᠢᠳᠡᠨᠤ ᠡᠮᠦᠨᠡ ᠰᠡᠳᠭᠦᠯ ᠵᠶ᠋ᠠᠨ ᠬᠡᠷᠬᠢᠨ ᠥᠭᠡᠳᠡ ᠲᠠᠲᠠᠨ ᠡᠷᠦᠬᠡ ᠵᠢᠨᠢ ᠣᠩᠭᠤᠢ᠌ᠯᠭ᠋ᠠᠵᠤ ᠶᠠᠪᠤᠬᠤ ᠤᠬᠠᠭ᠋ᠠᠨ ᠲᠠᠮᠢᠷᠤᠨ ᠶᠡᠬᠡ ᠰᠢᠯᠭ᠋ᠠᠯᠲᠠ ᠲᠤᠯᠭ᠋ᠠᠷᠠᠨᠠᠮ ［4］ ᠬᠡᠵᠡᠢ᠃
（ᠭᠤᠷᠪᠠ） ᠬᠡᠪᠯᠡᠯ ᠵᠦᠰᠦᠮᠤᠨ ᠬᠤᠪᠢᠷᠠᠯᠲᠠ
《ᠨᠡᠢ᠌ᠭᠡᠮ》ᠰᠡᠳᠭᠦᠯ ᠬᠡᠪᠯᠡᠯ ᠡᠬᠢᠯᠡᠭᠡᠳ ᠭᠤᠴᠢᠨ ᠵᠢᠯ ᠪᠣᠯᠲᠠᠯᠠ ᠰᠡᠳᠭᠦᠯᠤᠨ ᠬᠠᠭᠤᠳᠠᠰᠤᠨᠤ ᠲᠤᠭᠠ ᠵᠢ 64 ᠨᠢᠭᠤᠷ ᠵᠶ᠋ᠠᠷ ᠬᠢᠵᠠᠭ᠋ᠠᠷᠯᠠᠵᠤ᠂ ᠶᠡᠷᠦᠨᠢ ᠬᠤᠪᠢᠷᠠᠭᠠ ᠦᠭᠡᠢ᠂ ᠵᠦᠪᠬᠡᠨ ᠵᠦᠰᠦᠮᠤᠨ ᠬᠡᠮᠵᠢᠶᠡᠳᠤ ᠨᠢᠭᠡ ᠤᠳᠠᠭ᠋ᠠᠨᠤ ᠲᠣᠬᠢᠷᠠᠭᠤᠯᠤᠯᠲᠠ ᠬᠢᠵᠦ ᠥᠩᠭᠡᠷᠡᠪᠡ᠃ ᠲᠤᠰ ᠰᠡᠳᠭᠦᠯ ᠤᠤᠭ᠋ᠠᠨ ᠳ᠋ᠤᠭ᠋ᠠᠷᠠᠴᠠᠪᠠᠨ ᠡᠬᠢᠯᠡᠵᠦ16 ᠵᠦᠰᠦᠮ ᠵᠶ᠋ᠠᠷ 2000 ᠣᠨᠤ ᠡᠴᠦᠰ ᠪᠣᠯᠲᠠᠯᠠ10 ᠵᠢᠯᠤᠨ ᠬᠤᠭᠤᠴᠠᠭ᠋ᠠᠨᠠ ᠨᠡᠢ᠌ᠲᠡ71 ᠬᠤᠭᠤᠴᠠᠭᠠ ᠬᠡᠪᠯᠡᠭᠳᠡᠪᠡ᠃ 2001 ᠣᠨᠤ 1 ᠳ᠋ᠤᠭᠡᠷ ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠨ ᠲᠣᠮᠤ 16 ᠵᠦᠰᠦᠮ （ᠣᠯᠠᠨ ᠤᠯᠤᠰᠤᠨ ᠪᠠᠷᠢᠮᠵᠢᠶᠠᠲᠦ A4 ᠵᠦᠰᠦᠮᠤᠨ ᠬᠡᠪᠯᠡᠯ） ᠪᠣᠯᠭ᠋ᠠᠵᠤ ᠣᠳᠤ ᠪᠣᠯᠲᠠᠯᠠ ᠬᠡᠪᠯᠡᠭᠳᠡᠭᠰᠡᠭᠡᠷ ᠪᠣᠢ᠃
ᠭᠤᠷᠪᠠ᠂ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷᠤᠨ ᠨᠡᠮᠡᠭᠳᠡᠯ
《ᠨᠡᠢ᠌ᠭᠡᠮ》ᠰᠡᠳᠭᠦᠯ ᠪᠣᠯ ᠮᠣᠩᠭᠤᠯ ᠰᠡᠳᠭᠦᠯᠤᠨ ᠲᠤᠭᠲᠠᠭᠤᠨ ᠬᠦᠭᠵᠢᠯᠲᠠ[5] ᠵᠢᠨ ᠱᠠᠲᠤ ᠥᠶᠡᠳᠤ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ ᠢᠯᠡ ᠬᠡᠪᠯᠡᠯᠤᠨ ᠮᠣᠩᠭᠤᠯ ᠰᠡᠳᠭᠦᠯ ᠮᠥᠨ᠃ ᠲᠤᠰ ᠰᠡᠳᠭᠦᠯ CN15-1132/C ᠭᠡᠬᠦ ᠤᠯᠤᠰᠤᠨ ᠳᠤᠲᠤᠭ᠋ᠠᠳᠤ ᠵᠢᠨ ᠨᠢᠭᠡᠳᠦᠯᠲᠡᠢ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷᠲᠠᠢ ᠬᠡᠪᠯᠡᠯ ᠡᠬᠢᠯᠡᠪᠡ᠃ ᠤᠯᠤᠰᠤᠨ ᠳᠤᠲᠤᠭ᠋ᠠᠳᠤ ᠵᠢᠨ ᠨᠢᠭᠡᠳᠦᠯᠲᠡᠢ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷ ᠭᠡᠳᠡᠭ ᠪᠣᠯ ᠮᠤᠵᠢ᠂ ᠣᠷᠤᠨ᠂ ᠰᠢᠭᠤᠳ ᠬᠠᠷᠢᠶᠠᠲᠤ ᠬᠣᠲᠠ ᠵᠢᠨ ᠰᠣᠨᠢᠨ ᠮᠡᠳᠡᠭᠡ ᠬᠡᠪᠯᠡᠯᠤᠨ ᠵᠠᠰᠠᠭᠤᠨ ᠪᠠᠢ᠌ᠭᠤᠯᠤᠮᠵᠢᠠᠴᠠ ᠵᠦᠪᠰᠢᠶᠡᠷᠡᠵᠦ᠂ ᠳᠠᠩᠰᠠᠯᠠᠭᠤᠯᠬᠤ ᠭᠠᠷ ᠭᠦᠢ᠍ᠴᠡᠳᠭᠡᠯᠢ ᠭᠦᠢ᠍ᠴᠡᠳᠭᠡᠭᠰᠡᠨᠤ ᠳᠠᠷᠠᠭᠠ ᠮᠠᠨᠤ ᠤᠯᠤᠰᠤᠨ ᠰᠣᠨᠢᠨ ᠮᠡᠳᠡᠭᠡ ᠬᠡᠪᠯᠡᠯ ᠷᠠᠳᠢᠣ᠋ ᠲᠧᠯᠸᠢᠰ ᠶᠡᠷᠦᠩᠬᠡᠢ ᠲᠣᠪᠴᠢᠶᠠᠠᠴᠠ ᠬᠢᠨᠠᠨ ᠰᠢᠯᠭ᠋ᠠᠯᠲᠠᠪᠠᠷ ᠳᠠᠮᠵᠢᠨ ᠰᠡᠳᠭᠦᠯᠳᠤ ᠣᠯᠭᠤᠭᠰᠠᠨ ᠲᠤᠰᠬᠠᠢ ᠳ᠋ᠤᠭ᠋ᠠᠷᠢ ᠵᠢᠭ᠋ᠠᠵᠤ ᠪᠣᠢ᠃《ᠨᠡᠢ᠌ᠭᠡᠮ》ᠰᠡᠳᠭᠦᠯᠤᠨ ᠡᠢ᠌ᠨ ᠬᠦ᠌ ᠤᠯᠤᠰᠤᠨ ᠳᠤᠲᠤᠭ᠋ᠠᠳᠤ ᠵᠢᠨ ᠨᠢᠭᠡᠳᠦᠯᠲᠡᠢ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷᠲᠠᠢ ᠬᠡᠪᠯᠡᠯ ᠡᠬᠢᠯᠡᠭᠰᠡᠨᠨᠢ ᠲᠤᠰ ᠰᠡᠳᠭᠦᠯᠤᠨ ᠬᠣᠷᠢᠶᠠ ᠵᠢᠴᠢ ᠦᠷᠭᠡᠨ ᠣᠯᠠᠨ ᠠᠵᠢᠯᠲᠠᠳᠤᠨ ᠬᠠᠲᠠᠭᠤ ᠴᠢᠷᠮᠠᠢ᠌ᠯᠭᠠ ᠪᠣᠯᠣᠨ ᠬᠦᠢ᠍ᠴᠡᠳ ᠪᠡᠯᠡᠳᠭᠡᠯ᠂ ᠬᠤᠯᠪᠤᠭᠳᠠᠯ ᠪᠦᠬᠦᠢ ᠪᠠᠢ᠌ᠭᠤᠯᠭᠠ ᠨᠢᠭᠡᠴᠡᠨᠦᠭᠦᠳᠤᠨ ᠬᠠᠪᠰᠤᠷᠤᠯᠭᠠ ᠳᠡᠮᠵᠢᠯᠭᠡᠲᠠᠢ ᠰᠢᠭᠤᠳ ᠬᠤᠯᠪᠤᠭᠠᠲᠠᠢ ᠶᠤᠮ᠃ ᠤᠯᠤᠰᠤᠨ ᠳᠤᠲᠤᠭ᠋ᠠᠳᠤ ᠵᠢᠨ ᠨᠢᠭᠡᠳᠦᠯᠲᠡᠢ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷ ᠪᠣᠯ ᠰᠡᠳᠭᠦᠯ ᠡᠷᠬᠢᠯᠡᠬᠦ᠂ ᠬᠡᠪᠯᠡᠯ ᠲᠠᠷᠬᠠᠭ᠋ᠠᠯᠲᠠᠲᠠᠢ ᠨᠢᠭᠲᠠ ᠬᠠᠷᠢᠴᠠᠭᠠᠲᠠᠢ ᠪᠠᠢ᠌ᠵᠤ᠂ ᠰᠡᠳᠭᠦᠯᠳᠤ ᠪᠠᠢ᠌ᠳᠠᠭ ᠲᠤᠰᠬᠠᠢ ᠳᠥᠷᠪᠡᠨ ᠳ᠋ᠤᠭ᠋ᠠᠷᠤᠨ ᠨᠢᠭᠡ ᠪᠢᠯᠡ᠃ ᠮᠦᠨ ᠴᠤ᠌ ᠰᠡᠳᠭᠦᠯᠤᠨ ᠵᠢᠩᠭᠢᠨᠢ ᠬᠠᠭᠤᠷᠮᠠᠭ᠂ ᠢᠯᠡ ᠬᠡᠪᠯᠡᠯ ᠪᠣᠶᠣ ᠳᠤᠲᠤᠭ᠋ᠠᠳᠤ ᠬᠡᠪᠯᠡᠯᠢ ᠢᠯᠭ᠋ᠠᠨ ᠲᠠᠨᠢᠬᠤ ᠭᠤᠣᠯ ᠪᠠᠷᠢᠮᠲᠠ᠃ ᠭᠡᠪᠡᠴᠦ ᠥᠷᠭᠡᠨ ᠣᠯᠠᠨ ᠤᠩᠰᠢᠭᠴᠢᠳ ᠦᠷᠬᠦᠯᠵᠡᠢ ᠲᠤᠬᠢᠶᠠᠯᠳᠤᠳᠠᠭ ᠡᠳᠡᠭᠡᠷ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷᠤᠳᠲᠤ ᠣᠢ᠌ᠯᠠᠭ᠋ᠠᠯᠲᠠᠪᠠᠷ ᠠᠨᠠᠢ᠌ᠬᠠᠨ ᠪᠠᠢ᠌ᠭᠠ ᠪᠠᠢ᠌ᠳᠠᠯᠳᠤ ᠴᠢᠭᠯᠡᠭᠦᠯᠦᠨ ᠵᠠᠯᠭ᠋ᠠᠭ᠋ᠠᠳ ᠰᠡᠳᠭᠦᠯᠤᠨ ᠬᠡᠳᠦᠨ ᠳ᠋ᠤᠭ᠋ᠠᠷᠤᠨ ᠲᠤᠬᠠᠢ ᠵᠢᠭ᠋ᠠᠬᠠᠨ ᠨᠤᠷᠰᠢᠶᠠ᠃ ᠤᠯᠤᠰᠤᠨ ᠳᠤᠲᠤᠭ᠋ᠠᠳᠤ ᠵᠢᠨ ᠨᠢᠭᠡᠳᠦᠯᠲᠡᠢ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷᠨᠢ ᠲᠣᠯᠤᠭ᠋ᠠᠢ᠂ ᠰᠡᠭᠦᠯ ᠬᠣᠶᠠᠷ ᠬᠡᠰᠡᠭ ᠵᠶ᠋ᠠᠷ ᠪᠦᠷᠢᠯᠳᠦᠳᠡᠭ᠃ ᠲᠤᠯᠤᠭ᠋ᠠᠢ ᠬᠡᠰᠡᠭᠨᠢ ᠪᠦᠭᠦᠳᠡ ᠨᠠᠢ᠌ᠷᠠᠮᠳᠠᠬᠤ ᠳᠤᠮᠳᠠᠳᠤ ᠠᠷᠠᠳ ᠤᠯᠤᠰᠤᠨ ᠠᠩᠭ᠍ᠯᠢ ᠬᠡᠯᠡ （CHINA） ᠵᠢᠨ ᠲ᠋ᠦᠭᠦᠮ ᠪᠢᠴᠢᠯᠭᠡ CN ᠪᠣᠯᠤᠨ ᠮᠣᠵᠢ ᠣᠷᠤᠨᠤ ᠲᠦᠯᠦᠭᠡᠨᠤ ᠳ᠋ᠤᠭ᠋ᠠᠷ ᠵᠶ᠋ᠠᠷ ᠪᠦᠷᠢᠯᠳᠦᠵᠦ᠂ CNXX ᠬᠡᠯᠪᠡᠷᠢ ᠵᠢᠨ ᠪᠦᠲᠦᠴᠡᠲᠠᠢ᠃ ᠮᠣᠵᠢ ᠣᠷᠤᠨᠤ ᠲᠦᠯᠦᠭᠡᠨᠤ ᠳ᠋ᠤᠭ᠋ᠠᠷ ᠪᠣᠯ GB/T2260-1999 ᠪᠠ ᠮᠠᠨᠤ ᠤᠯᠤᠰᠤᠨ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠬᠣᠪᠢᠶᠠᠷᠢᠯᠠᠯᠢ ᠦᠨᠳᠦᠰᠦᠯᠡᠨ ᠲᠣᠭᠲᠠᠭ᠋ᠠᠭᠰᠠᠨ 1-2 ᠣᠷᠤᠨᠲᠤ ᠠᠷᠠᠪ ᠲᠣᠭᠠ ᠪᠣᠯᠣᠨᠠ᠃ ᠥᠪᠥᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠮᠤᠵᠢ ᠤᠷᠤᠨᠤ ᠲᠦᠯᠦᠭᠡᠨᠤ ᠳ᠋ᠤᠭ᠋ᠠᠷ 15 ᠪᠣᠯᠬᠤ ᠤᠴᠢᠷᠠᠴᠠ ᠥᠪᠥᠷ ᠮᠣᠩᠭᠤᠯ ᠤᠷᠤᠨᠳᠤ ᠬᠡᠪᠯᠡᠨ ᠨᠡᠢ᠌ᠳᠡᠯᠡᠵᠦ ᠪᠠᠢ᠌ᠭᠠ ᠪᠦᠬᠦ ᠰᠡᠳᠭᠦᠯᠤᠨ ᠤᠯᠤᠰᠤᠨ ᠳᠤᠲᠤᠭ᠋ᠠᠳᠤ ᠵᠢᠨ ᠨᠢᠭᠡᠳᠦᠯᠲᠡᠢ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷ ᠪᠦᠷ CN15 ᠭᠡᠬᠦ ᠲᠤᠯᠤᠭ᠋ᠠᠢ ᠬᠡᠰᠡᠭ ᠵᠶ᠋ᠠᠷ ᠡᠬᠢᠯᠡᠨᠡ᠃ ᠡᠢ᠌ᠮᠦᠠᠴᠠ ᠲᠤᠰ ᠳ᠋ᠤᠭ᠋ᠠᠷᠨᠢ ᠪᠠᠰᠠ ᠤᠩᠰᠢᠭᠴᠢᠳᠲᠤ ᠰᠡᠳᠭᠦᠯ ᠡᠷᠬᠢᠯᠡᠵᠦ ᠪᠠᠢ᠌ᠭᠠ ᠭᠠᠵᠠᠷ ᠣᠷᠤᠨᠢ ᠰᠢᠭᠤᠳ ᠳᠤᠰᠬᠠᠨ ᠦᠵᠡᠭᠦᠯᠬᠦ ᠴᠢᠳᠠᠮᠵᠢᠲᠠᠢ᠃ ᠰᠡᠭᠦᠯ ᠬᠡᠰᠡᠭᠨᠢ 1—4 ᠣᠷᠤᠨᠲᠤ ᠠᠷᠠᠪ ᠲᠣᠭᠠ ᠪᠣᠯᠤᠨ ᠲᠤᠰ ᠰᠡᠳᠭᠦᠯᠤᠨ ᠠᠭᠤᠯᠭᠠ ᠵᠢᠨ《ᠠᠩᠭᠢᠯᠠᠯᠤᠨ ᠺᠣᠳ᠋》② ᠵᠶ᠋ᠠᠷ ᠪᠦᠷᠢᠯᠳᠦᠵᠦ ᠬᠣᠭᠤᠷᠤᠨᠳᠤᠪᠠᠨ ᠲᠠᠰᠢᠭᠤ ᠵᠢᠷᠤᠭ᠋ᠠᠰᠤ "/ " ᠪᠠᠷ ᠲᠠᠰᠤᠯᠤᠭᠳᠠᠨᠠ᠃ ᠲᠤᠯᠤᠭ᠋ᠠᠢ ᠰᠡᠭᠦᠯ ᠬᠡᠰᠡᠭᠤᠨ ᠬᠣᠭᠤᠷᠤᠨᠳᠤ ᠬᠦᠨᠳᠡᠯᠡᠨ ᠵᠢᠷᠤᠭ᠋ᠠᠰᠤ "—"ᠪᠠᠷ ᠬᠤᠯᠪᠤᠵᠤ ᠪᠦᠷᠢᠨ ᠪᠦᠲᠦᠨ ᠤᠯᠤᠰᠤᠨ ᠳᠤᠲᠤᠭ᠋ᠠᠳᠤ ᠵᠢᠨ ᠨᠢᠭᠡᠳᠦᠯᠲᠡᠢ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷᠢ ᠪᠦᠷᠢᠯᠳᠦᠭᠦᠯᠦᠨᠡ᠃ ᠰᠡᠭᠦᠯ ᠬᠡᠰᠡᠭᠤᠨ ᠳᠦᠷᠪᠡᠨ ᠣᠷᠤᠨᠲᠤ ᠲᠤᠭᠠ ᠪᠣᠯ ᠲᠤᠬᠠᠢ ᠵᠢᠨ ᠮᠤᠵᠢ ᠣᠷᠤᠨᠳᠤ ᠬᠡᠪᠯᠡᠨ ᠲᠠᠷᠬᠠᠭᠳᠠᠵᠤ ᠪᠠᠢ᠌ᠭᠠ ᠦᠷᠬᠦᠯᠵᠢᠯᠡᠭᠰᠡᠨ ᠬᠡᠪᠯᠡᠭᠳᠡᠭᠦᠨᠤ ᠳ᠋ᠤᠭ᠋ᠠᠷᠯᠠᠯ ᠮᠦᠨ᠃《ᠨᠡᠢ᠌ᠭᠡᠮ》ᠰᠡᠳᠭᠦᠯᠨᠢ ᠤᠯᠤᠰᠤᠨ ᠳᠤᠲᠤᠭ᠋ᠠᠳᠤ ᠵᠢᠨ ᠨᠢᠭᠡᠳᠦᠯᠲᠡᠢ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷᠲᠠᠢ ᠪᠣᠯᠣᠭᠰᠠᠨ ᠤᠴᠢᠷᠠᠴᠠ ᠤᠤᠭ᠋ᠠᠨ ᠬᠡᠪᠯᠡᠯᠠᠴᠠᠪᠠᠨ ᠡᠬᠢᠯᠡᠵᠦ ᠪᠦᠬᠦ ᠤᠯᠤᠰᠤᠨ ᠬᠡᠪᠴᠢᠶᠡᠨᠡ ᠢᠯᠡᠪᠠᠷ ᠲᠠᠷᠬᠠᠭ᠋ᠠᠵᠤ᠂ ᠴᠢᠯᠦᠭᠡᠲᠡᠢ ᠵᠠᠬᠢᠶᠠᠯᠭᠠ ᠪᠣᠷᠤᠯᠠᠭᠤᠯᠭᠠ ᠬᠢᠵᠦ ᠴᠢᠳᠠᠵᠠᠢ᠃
《ᠨᠡᠢ᠌ᠭᠡᠮ》ᠰᠡᠳᠭᠦᠯ 1992 ᠣᠨᠳᠤ᠂ ᠣᠯᠠᠨ ᠤᠯᠤᠰᠤᠨ ᠦᠷᠬᠦᠯᠵᠢᠯᠡᠭᠰᠡᠨ ᠬᠡᠪᠯᠡᠭᠳᠡᠬᠦᠨᠤ ᠳ᠋ᠡᠢ᠌ᠲ᠋ᠠ ᠰᠢᠰᠲ᠋ᠧᠮᠤᠨ ᠲᠤᠮᠳᠠᠳᠤ ᠤᠯᠤᠰᠤᠨ ᠲᠦᠪᠠᠴᠠ ISSN1004-5481 ᠭᠡᠬᠦ ᠲᠤᠰᠬᠠᠢ ᠳ᠋ᠤᠭ᠋ᠠᠷᠢ ᠭᠤᠶᠤᠴᠢᠯᠠᠨ ᠣᠯᠵᠤ᠂ 1992 ᠣᠨᠤ 2-3 （ᠶᠡᠷᠦᠩᠬᠡᠢ 3） ᠳ᠋ᠤᠭ᠋ᠠᠷ ᠬᠤᠭᠤᠠᠭᠠᠠᠴᠠ ᠡᠬᠢᠯᠡᠨ ᠤᠯᠠᠨ ᠤᠯᠤᠰᠤᠨ ᠪᠠᠷᠢᠮᠵᠢᠶᠠᠲᠤ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷᠲᠠᠢ ᠬᠡᠪᠯᠡᠭᠳᠡᠬᠦ ᠪᠣᠯᠵᠠᠢ᠃ ᠤᠯᠠᠨ ᠤᠯᠤᠰᠤᠨ ᠪᠠᠷᠢᠮᠵᠢᠶᠠᠲᠤ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷ ᠪᠣᠯ ᠣᠯᠠᠨ ᠤᠯᠤᠰᠤᠨ ᠦᠷᠬᠦᠯᠵᠢᠯᠡᠭᠰᠡᠨ ᠬᠡᠪᠯᠡᠭᠳᠡᠬᠦᠨᠤ ᠳ᠋ᠡᠢ᠌ᠲ᠋ᠠ ᠰᠢᠰᠲ᠋ᠧᠮᠤᠨ ᠲᠤᠮᠳᠠᠳᠤ ᠤᠯᠤᠰᠤᠨ ᠲᠦᠪᠠᠴᠠ ᠢᠯᠡ ᠬᠡᠪᠯᠡᠯᠤᠨ ᠰᠡᠳᠭᠦᠯᠳᠤ ᠤᠯᠭᠤᠭᠰᠠᠨ ᠴᠣᠷᠤᠨ ᠭᠠᠭᠴᠠ ᠣᠯᠠᠨ ᠤᠯᠤᠰᠤᠨ ᠳᠡᠰᠤᠨ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷ ᠮᠦᠨ᠂ ᠶᠡᠷᠦᠳᠤᠪᠠᠨ ISSN ᠭᠡᠵᠦ ᠲᠣᠪᠴᠢᠯᠠᠨ ᠪᠢᠴᠢᠳᠡᠭ᠃ ᠲᠡᠷᠡᠨᠢ ᠤᠯᠤᠰᠤᠨ ᠳᠤᠲᠤᠭ᠋ᠠᠳᠤ ᠵᠢᠨ ᠨᠢᠭᠡᠳᠦᠯᠲᠡᠢ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷᠲᠠᠢ ᠠᠳᠠᠯᠢᠪᠠᠷ ᠲᠣᠯᠤᠭ᠋ᠠᠢ᠂ ᠰᠡᠭᠦᠯ ᠬᠣᠶᠠᠷ ᠬᠡᠰᠡᠭ ᠵᠶ᠋ᠠᠷ ᠪᠦᠷᠢᠯᠳᠤᠨᠡ᠃ ᠲᠤᠯᠤᠭ᠋ᠠᠢ ᠬᠡᠰᠡᠭᠨᠢ International Standard Serial Number （ᠤᠯᠠᠨ ᠤᠯᠤᠰᠤᠨ ᠪᠠᠷᠢᠮᠵᠢᠶᠠᠲᠤ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷ）ᠤᠨ ᠳᠦᠭᠦᠮ ᠪᠢᠴᠢᠯᠭᠡ ISSN᠂ ᠰᠡᠭᠦᠯ ᠬᠡᠰᠡᠭᠨᠢ ᠳᠦᠷᠪᠡ ᠳᠦᠷᠪᠡᠪᠠᠷ ᠪᠠᠢ᠌ᠷᠢᠯᠠᠨ ᠬᠦᠨᠳᠡᠯᠡᠨ ᠵᠢᠷᠤᠭ᠋ᠠᠰᠤᠪᠠᠷ ᠬᠣᠯᠪᠤᠯᠳᠤᠭᠰᠠᠨ ᠨᠠᠢ᠍ᠮᠠᠨ ᠣᠷᠤᠨᠲᠤ ᠠᠷᠠᠪ ᠲᠤᠭᠠᠪᠠᠷ ᠪᠦᠷᠢᠯᠳᠦᠵᠦ᠂ ISSNXXXX-XXXX ᠬᠡᠯᠪᠡᠷᠢ ᠵᠢᠨ ᠪᠦᠲᠦᠴᠡᠲᠠᠢ᠃ ᠤᠯᠠᠨ ᠤᠯᠤᠰᠤᠨ ᠪᠠᠷᠢᠮᠵᠢᠶᠠᠲᠤ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷᠤᠨ ᠰᠡᠭᠦᠯ ᠬᠡᠰᠡᠭᠤᠨ ᠡᠮᠦᠨᠡᠬᠢ ᠳᠣᠯᠤᠭ᠋ᠠᠨ ᠣᠷᠤᠨᠲᠤ ᠠᠷᠠᠪ ᠲᠣᠭ᠋ᠠᠨᠳᠤ ᠶᠠᠮᠠᠷ ᠴᠦ᠍ ᠲᠤᠰᠬᠠᠢ ᠤᠳᠬᠠ ᠠᠭᠤᠯᠭᠠ ᠠᠭᠤᠯᠬᠤ ᠦᠭᠡᠢ᠂ ᠴᠤᠯ ᠲᠤᠭ᠋ᠠᠨᠤ ᠳ᠋ᠤᠭ᠋ᠠᠷᠯᠠᠯ ᠮᠦᠨ᠂ ᠵᠦᠪᠬᠡᠨ ᠬᠠᠮᠤᠭ ᠰᠡᠭᠦᠯᠤᠨ ᠣᠷᠤᠨᠤ ᠠᠷᠠᠪ ᠲᠤᠭᠠᠨᠢ ᠬᠠᠷᠭᠤᠭᠤᠯᠬᠤ ᠦᠢ᠍ᠯᠡᠳᠦᠯᠲᠠᠢ᠃ ᠲᠡᠢ᠌ᠮᠦᠠᠴᠠISSN ᠳ᠋ᠤᠭ᠋ᠠᠷ ᠪᠣᠯ ᠰᠡᠳᠭᠦᠯᠤᠨ ᠦᠨᠡᠨ ᠬᠤᠳᠠᠯᠢ ᠢᠯᠭ᠋ᠠᠬᠤ ᠦᠢ᠍ᠯᠡᠳᠦᠯᠲᠠᠢ ᠮᠦᠷᠲᠡᠭᠡᠨ ᠣᠯᠠᠨ ᠤᠯᠤᠰᠤᠨ ᠦᠷᠬᠦᠯᠵᠢᠯᠡᠭᠰᠡᠨ ᠬᠡᠪᠯᠡᠭᠳᠡᠬᠦᠨᠤ ᠳ᠋ᠡᠢ᠌ᠲ᠋ᠠ ᠰᠢᠰᠲ᠋ᠧᠮᠤᠨ ᠲᠤᠮᠳᠠᠳᠤ ᠤᠯᠤᠰᠤᠨ ᠲᠦᠪᠲᠤISSN ᠳ᠋ᠤᠭ᠋ᠠᠷᠲᠠᠢ ᠰᠡᠳᠭᠦᠯᠤᠳᠤᠨ ᠭᠠᠷᠴᠠᠭᠯᠠᠯᠤᠨ ᠳ᠋ᠡᠢ᠌ᠲ᠋ᠠ ᠬᠦᠮᠦᠷᠭᠡᠲᠠᠢ ᠪᠠᠢ᠌ᠵᠤ᠂ ᠰᠡᠳᠭᠦᠯ ᠪᠦᠷᠢ ᠵᠢᠨ ᠬᠤᠪᠢᠷᠠᠯᠲᠠ ᠵᠢᠨ ᠪᠣᠳᠠᠳᠣ ᠶᠠᠪᠤᠴᠠ ᠵᠢ ᠲᠡᠮᠳᠡᠭᠯᠡᠭᠰᠡᠨ ᠨᠠᠷᠢᠯᠢᠭ ᠪᠣᠳᠠᠳᠠᠢ ᠲᠣᠭᠠ ᠪᠠᠷᠢᠮᠲᠠ ᠨᠤᠭᠤᠳ ᠪᠦᠷᠢᠨ ᠬᠠᠳᠠᠭ᠋ᠠᠯᠠᠭᠳᠠᠵᠤ ᠪᠣᠢ᠃ ᠡᠳᠡᠭᠡᠷᠠᠴᠠ ᠦᠵᠡᠬᠦᠳᠤ《ᠨᠡᠢ᠌ᠭᠡᠮ》ᠰᠡᠳᠭᠦᠯᠤᠨ ᠤᠯᠠᠨ ᠤᠯᠤᠰᠤᠨ ᠪᠠᠷᠢᠮᠵᠢᠶᠠᠲᠤ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷᠲᠠᠢ ᠪᠣᠯᠣᠭᠰᠠᠨ ᠶᠠᠪᠤᠳᠠᠯ ᠪᠣᠯ ᠲᠤᠰ ᠰᠡᠳᠭᠦᠯᠤᠨ ᠰᠡᠳᠭᠦᠯ ᠡᠷᠬᠢᠯᠡᠬᠦ ᠶᠠᠪᠤᠴᠠᠳᠠᠬᠢ ᠬᠦᠨᠳᠦ ᠴᠢᠬᠤᠯᠠ ᠶᠠᠪᠤᠳᠠᠯ᠂ ᠬᠦᠴᠦᠲᠡᠢ ᠠᠯᠬᠤᠴᠠ ᠪᠣᠯᠬᠤᠨᠢ ᠯᠠᠪᠲᠠᠢ᠃
1993 ᠣᠨᠳᠤ《ᠨᠡᠢ᠌ᠭᠡᠮ》ᠰᠡᠳᠭᠦᠯ ᠤᠯᠤᠰᠤᠨ ᠳᠣᠲᠤᠭ᠋ᠠᠳᠤᠳᠤ ᠲᠠᠷᠬᠠᠭ᠋ᠠᠬᠤ ᠰᠡᠳᠭᠦᠯᠤᠨ ᠰᠢᠦᠳᠠᠨᠤ ᠳ᠋ᠤᠭ᠋ᠠᠷ （ᠳᠣᠣᠷᠠ ᠰᠢᠦᠳᠠᠨᠤ ᠳ᠋ᠤᠭ᠋ᠠᠷ ᠭᠡᠵᠦ ᠲᠣᠪᠴᠢᠯᠠᠶᠠ ） 16—102ᠲᠠᠢ ᠪᠣᠯᠵᠤ᠂ ᠲᠤᠰ ᠵᠢᠯᠤᠨ4 ᠳ᠋ᠤᠭᠡᠷ （ᠶᠡᠷᠦᠩᠬᠡᠢ 7 ᠳ᠋ᠤᠭ᠋ᠠᠷ） ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠵᠦ ᠰᠢᠦᠳᠠᠨᠤ ᠳ᠋ᠤᠭ᠋ᠠᠷᠲᠠᠢ ᠬᠡᠪᠯᠡᠪᠡ᠃ ᠤᠯᠤᠰᠤᠨ ᠳᠣᠲᠤᠭ᠋ᠠᠳᠤᠳᠤ ᠲᠠᠷᠬᠠᠭ᠋ᠠᠬᠤ ᠰᠡᠳᠭᠦᠯᠤᠨ ᠰᠢᠦᠳᠠᠨᠤ ᠳ᠋ᠤᠭ᠋ᠠᠷ ᠪᠣᠯ ᠮᠠᠨᠤ ᠤᠯᠤᠰᠤᠨ ᠰᠢᠦᠳᠠᠨ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠲᠤᠰᠬᠠᠢ ᠪᠠᠢ᠌ᠭᠤᠯᠭᠠᠠᠴᠠ ᠰᠢᠦᠳᠠᠨ ᠵᠶ᠋ᠠᠷ ᠳᠠᠮᠵᠢᠨ ᠲᠠᠷᠬᠠᠭᠳᠠᠵᠤ ᠪᠠᠢ᠌ᠭᠠ ᠢᠯᠡ ᠬᠡᠪᠯᠡᠯᠤᠨ ᠰᠡᠳᠭᠦᠯᠤᠳᠲᠤ ᠲᠤᠰᠬᠠᠢ᠌ᠯᠠᠨ ᠨᠠᠢ᠌ᠷᠠᠭᠤᠯᠤᠨ ᠵᠣᠬᠢᠶᠠᠭᠰᠠᠨ ᠣᠨᠴᠠᠭ᠋ᠠᠢ ᠲᠦᠯᠦᠭᠡᠨᠤ ᠳ᠋ᠤᠭ᠋ᠠᠷ ᠮᠦᠨ᠂ 2 ᠬᠡᠰᠡᠭ ᠵᠶ᠋ᠡᠷ ᠪᠦᠷᠢᠯᠳᠦᠵᠦ ᠬᠣᠭᠤᠷᠤᠨᠳᠤᠪᠠᠨ ᠬᠦᠨᠳᠡᠯᠡᠨ ᠵᠢᠷᠤᠭ᠋ᠠᠰᠤᠪᠠᠷ ᠬᠣᠯᠪᠤᠯᠳᠤᠳᠠᠭ᠃ ᠬᠦᠨᠳᠡᠯᠡᠨ ᠵᠢᠷᠤᠭ᠋ᠠᠰᠤᠠᠴᠠ ᠡᠮᠦᠨᠡᠬᠢ 1—2 ᠣᠷᠤᠨᠲᠤ ᠠᠷᠠᠪ ᠲᠣᠭᠠᠨᠢ ᠮᠤᠵᠢ ᠣᠷᠤᠨᠢ ᠢᠯᠡᠳᠭᠡᠵᠦ᠂ ᠥᠪᠥᠷ ᠮᠣᠩᠭᠤᠯ ᠣᠷᠤᠨᠳᠤ ᠡᠷᠬᠢᠯᠡᠵᠦ ᠥᠩᠭᠡᠷᠡᠭᠰᠡᠨ ᠪᠣᠶᠣ ᠡᠷᠭᠢᠯᠡᠵᠦ ᠪᠠᠢ᠌ᠭᠠ ᠰᠡᠳᠭᠦᠯᠤᠳᠤᠨ ᠰᠢᠦᠳᠠᠨᠤ ᠳ᠋ᠤᠭ᠋ᠠᠷ ᠪᠥᠷ16ᠪᠠᠷ ᠡᠬᠢᠯᠡᠳᠡᠭ᠃ ᠬᠦᠨᠳᠡᠯᠡᠨ ᠵᠢᠷᠤᠭ᠋ᠠᠰᠤᠠᠴᠠ ᠬᠣᠢ᠌ᠨᠠᠬᠢ ᠬᠡᠰᠡᠭ ᠪᠣᠯ ᠲᠤᠬᠠᠢ ᠵᠢᠨ ᠮᠤᠵᠢ ᠣᠷᠤᠨᠳᠤ ᠬᠡᠪᠯᠡᠨ ᠲᠠᠷᠬᠠᠭᠳᠠᠵᠤ ᠪᠠᠢ᠌ᠭᠠ ᠰᠡᠳᠭᠦᠯᠤᠨ ᠳ᠋ᠤᠭ᠋ᠠᠷᠯᠠᠯ ᠮᠦᠨ᠂1—4 ᠣᠷᠤᠨᠲᠤ ᠠᠷᠠᠪ ᠲᠣᠭᠠᠪᠠᠷ ᠢᠯᠡᠷᠭᠡᠢ᠌ᠯᠡᠳᠡᠭ᠃《ᠨᠡᠢ᠌ᠭᠡᠮ》ᠰᠡᠳᠭᠦᠯ ᠰᠢᠦᠳᠠᠨᠤ ᠳ᠋ᠤᠭ᠋ᠠᠷᠲᠠᠢ ᠪᠣᠯᠣᠭᠰᠠᠨᠤ ᠳᠠᠷᠠᠭᠠ᠂1994 ᠣᠨᠤ 1 ᠳ᠋ᠤᠭᠡᠷ （ᠶᠡᠷᠦᠩᠬᠡᠢ 8 ᠳ᠋ᠤᠭ᠋ᠠᠷ） ᠬᠤᠭᠤᠴᠠᠭᠠᠠᠴᠠ ᠡᠬᠢᠯᠡᠨ ᠥᠪᠡᠷᠲᠡᠭᠡᠨ ᠲᠠᠷᠬᠠᠭ᠋ᠠᠬᠤ ᠵᠢᠨ ᠵᠡᠷᠭᠡᠪᠠᠷ ᠪᠠᠰᠠ ᠪᠦᠬᠦ ᠤᠯᠤᠰᠤᠨ ᠬᠡᠪᠴᠢᠶᠡᠨᠡ ᠰᠢᠦᠳᠠᠨ ᠵᠶ᠋ᠠᠷ ᠲᠠᠷᠬᠠᠭ᠋ᠠᠬᠤ ᠪᠣᠯᠵᠠᠢ᠃ ᠡᠨᠡᠨᠢ ᠵᠦᠪᠬᠡᠨ ᠲᠤᠰ ᠰᠡᠳᠭᠦᠯᠤᠨ ᠵᠠᠬᠢᠶᠠᠯᠠᠭᠠ ᠲᠠᠷᠬᠠᠭ᠋ᠠᠯᠲᠠᠳᠤ ᠦᠷᠭᠡᠨ ᠪᠣᠯᠤᠮᠵᠢ ᠣᠯᠭᠤᠭᠰᠠᠨ ᠲᠡᠳᠦᠢ ᠯᠡ ᠪᠢᠰᠢ᠂ ᠬᠠᠷᠢᠨ ᠲᠤᠰ ᠰᠡᠳᠭᠦᠯᠤᠨ ᠨᠦᠯᠦᠭᠡ ᠲᠣᠰᠬᠠᠯ ᠵᠶ᠋ᠠᠨ ᠨᠡᠮᠡᠭᠳᠡᠬᠦᠯᠬᠦ ᠂ ᠲᠠᠷᠬᠠᠭ᠋ᠠᠯᠲᠠᠶᠢᠨ ᠬᠦᠷᠢᠶᠠ ᠬᠡᠪᠴᠢᠶᠠᠪᠠᠨ ᠦᠷᠭᠡᠳᠭᠡᠬᠦ᠂ ᠵᠠᠬᠢᠶᠠᠯᠭᠠ ᠵᠢᠨ ᠲᠤᠭᠠ ᠵᠢ ᠨᠡᠮᠡᠭᠳᠡᠬᠦᠯᠬᠦ᠂ ᠠᠵᠤ ᠠᠬᠤᠢ ᠵᠢᠨ ᠦᠷᠡ ᠠᠰᠢᠭ ᠵᠶ᠋ᠠᠨ ᠳᠡᠭᠡᠭᠰᠢᠯᠡᠭᠦᠯᠬᠦ ᠵᠡᠷᠭᠡ ᠲᠠᠯᠠ ᠪᠠᠷ ᠪᠦᠷ ᠲᠤᠩ ᠠᠰᠢᠭᠲᠠᠢ ᠲᠤᠬᠢᠶᠠᠯ ᠣᠯᠭᠤᠵᠠᠢ᠃
ᠳᠥᠷᠪᠡ᠂ ᠰᠡᠳᠭᠦᠯᠴᠢᠳᠤᠨ ᠡᠩᠨᠡᠭᠡ ᠵᠢᠨ ᠪᠤᠵᠠᠭ᠋ᠠᠢ᠌ᠷᠠᠯ
《ᠨᠡᠢ᠌ᠭᠡᠮ》ᠰᠡᠳᠭᠦᠯ ᠤᠨ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ ᠤᠤᠭ᠋ᠠᠨ ᠳ᠋ᠤᠭ᠋ᠠᠷᠢ ᠪ᠊· ᠨᠠᠰᠤᠨᠳᠠᠯᠠᠢ ᠶᠡᠷᠦᠩᠬᠡᠢ ᠬᠢᠨᠠᠭᠴᠢᠪᠠᠷ᠂ ᠨᠠᠰᠤᠡᠡᠤᠷᠲᠤ ᠬᠢᠨᠠᠭᠴᠢᠪᠠᠷ᠂ ᠭᠡᠳᠡ ᠨᠠᠢ᠌ᠷᠠᠭᠤᠯᠤᠭᠴᠢᠪᠠᠷ᠂ ᠮᠦᠩᠬᠡᠨᠠᠰᠤᠨ ᠤᠷᠠᠨ ᠵᠢᠷᠤᠭᠤᠨ ᠨᠠᠢ᠌ᠷᠠᠭᠤᠯᠤᠭᠴᠢᠪᠠᠷ ᠨᠠᠢ᠌ᠷᠠᠭᠤᠯᠤᠨ ᠬᠡᠪᠯᠡᠵᠡᠢ᠃ ᠲᠤᠰ ᠰᠡᠳᠭᠦᠯᠤᠨ ᠪᠦᠷᠢᠯᠳᠦᠨ ᠲᠣᠭᠲᠠᠨᠢᠵᠤ᠂ ᠬᠦᠭᠵᠢᠨ ᠪᠠᠳᠠᠷᠠᠭᠰᠠᠨ ᠭᠤᠴᠢᠨ ᠵᠢᠯᠤᠨ ᠤᠷᠲᠤ ᠠᠶᠠᠨᠳᠤ ᠰᠡᠳᠭᠦᠯᠴᠢᠳᠤᠨ ᠡᠩᠨᠡᠭᠡ ᠳᠠᠰᠤᠷᠠᠯᠲᠠ ᠦᠭᠡᠢ ᠦᠰᠦᠨ ᠪᠣᠵᠠᠭ᠋ᠠᠢ᠌ᠷᠠᠵᠤ᠂ ᠮᠠᠰᠢ ᠣᠯᠠᠨ ᠰᠢᠯᠢᠳᠡᠭ ᠰᠡᠳᠭᠦᠯᠴᠢᠳ ᠴᠣᠯᠭᠣᠷᠠᠨ ᠭᠠᠷᠴᠤ᠂ ᠤᠶᠤᠨ ᠤᠬᠠᠭ᠋ᠠᠨ ᠵᠶ᠋ᠠᠨ ᠰᠢᠪᠬᠠᠵᠤ᠂ ᠬᠦᠴᠦ ᠬᠦᠯᠦᠰᠦᠪᠠᠨ ᠬᠠᠷᠠᠮ ᠦᠭᠡᠢ ᠤᠷᠤᠰᠬᠠᠵᠠᠢ᠃ ᠰᠡᠳᠭᠦᠯ ᠡᠷᠭᠢᠯᠡᠭᠰᠡᠨ ᠭᠤᠴᠢᠨ ᠵᠢᠯᠤᠨ ᠭᠠᠷᠤᠭᠠᠠᠴᠠ ᠡᠳᠡᠭᠡᠷ ᠨᠠᠢ᠌ᠷᠠᠭᠤᠯᠤᠭᠴᠢᠳ᠂ ᠬᠢᠨᠠᠭᠴᠢᠳᠤᠨ ᠴᠦᠬᠦᠷᠡᠰᠢ ᠦᠭᠡᠢ ᠮᠡᠷᠡᠢ᠌ᠨ ᠵᠢᠳᠭᠦᠭᠰᠡᠨ ᠲᠡᠦᠬᠡ ᠵᠢᠨ ᠤᠯᠪᠠᠭᠠ ᠵᠢ ᠲᠡᠮᠳᠡᠭᠯᠡᠬᠦ ᠬᠡᠷᠡᠭᠲᠡᠢ᠂ ᠳᠤᠷᠠᠰᠬᠠᠬᠤ ᠶᠣᠰᠤᠲᠠᠢ᠃《ᠨᠡᠢ᠌ᠭᠡᠮ》ᠰᠡᠳᠭᠦᠯ ᠤᠨ ᠶᠡᠷᠦᠩᠬᠡᠢ ᠨᠠᠢ᠌ᠷᠠᠭᠤᠯᠤᠭᠴᠢ ᠵᠢᠨ ᠪᠠᠢ᠌ᠷᠢᠨᠳᠤ ᠮᠢᠩᠭ᠋ᠠᠳ· ᠨᠠᠰᠤᠨᠳᠠᠯᠠᠢ᠂ ᠮᠦᠩᠬᠡᠨᠠᠰᠤᠨ᠂ ᠬᠠᠢ ᠹᠧᠩ ᠨᠠᠷ ᠤᠷᠢᠳ ᠬᠣᠵᠢᠳ ᠠᠵᠢᠯᠠᠯᠠᠵᠤ᠂ ᠬᠠᠷᠢᠭᠤᠴᠠᠭᠰᠠᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠵᠢᠨ ᠠᠵᠢᠯᠢ ᠬᠡᠳᠡ᠂ ᠨᠠᠰᠤᠡᠡᠤᠷᠲᠤ᠂ ᠪᠠᠰᠤᠳᠠᠢ ᠬᠠᠰᠪᠢᠯᠢᠭ᠌᠂ ᠰᠡᠴᠡᠩᠭᠣᠸᠠ᠂ ᠪ᠊· ᠲᠠᠨᠠ᠂ ᠨᠠᠶᠠᠨᠲᠠᠢ᠂ ᠨᠠᠷᠠᠰᠤ᠂ ᠳᠦᠭᠦᠷᠡᠩᠵᠢᠷᠭ᠋ᠠᠯ᠂ ᠰᠡᠴᠡᠨ ᠂ ᠵᠢᠨ ᠲᠠᠨᠠ᠂ ᠦ᠋ ᠬᠠᠢ ᠹᠧᠩ᠂ ᠨᠣᠮᠢᠨ ᠵᠡᠷᠭᠡ ᠣᠯᠠᠨ ᠨᠠᠢ᠌ᠷᠠᠭᠤᠯᠤᠭᠴᠢᠳ ᠬᠦᠴᠦ ᠵᠠᠯᠭ᠋ᠠᠨ ᠡᠭᠦᠷᠭᠡᠯᠡᠵᠦ ᠢᠷᠡᠵᠡᠢ᠃ ᠪᠠᠰᠠ ᠬᠢᠨᠠᠭᠴᠢᠪᠠᠷ ᠨᠠᠰᠤᠡᠡᠤᠷᠲᠤ᠂ ᠬᠡᠳᠡ᠂ ᠮᠥᠩᠬᠡᠨᠠᠰᠤᠨ᠂ ᠵᠢᠷᠤᠭᠤᠨ ᠨᠠᠢ᠌ᠷᠠᠭᠤᠯᠤᠭᠴᠢᠪᠠᠷ ᠮᠦᠩᠬᠡᠨᠠᠰᠤᠨ᠂ ᠪᠢᠯᠢᠭ᠂ ᠬᠠᠦᠯᠢ ᠵᠢᠨ ᠵᠦᠪᠯᠡᠭᠴᠢᠪᠠᠷ ᠪᠠᠪᠤᠤ᠂ ᠴᠢᠶᠠᠨ ᠨᠠᠷᠠᠰᠤ᠂ ᠣᠨᠴᠠ ᠤᠷᠢᠭᠰᠠᠨ ᠨᠠᠢ᠌ᠷᠠᠭᠤᠯᠤᠭᠴᠢᠪᠠᠷ ᠬᠠᠩᠳᠠᠭᠤᠳ ᠤᠰᠤᠨᠪᠣᠳᠤᠭ ᠵᠡᠷᠭᠡ ᠣᠯᠠᠨ ᠰᠡᠳᠭᠦᠯᠴᠢᠳ ᠲᠤᠰ ᠰᠡᠳᠭᠦᠯᠤᠨ ᠨᠠᠢ᠌ᠷᠠᠭᠤᠯᠤᠨ ᠪᠢᠴᠢᠬᠦ ᠠᠵᠢᠯᠳᠤ ᠤᠷᠤᠯᠴᠠᠵᠤ ᠪᠠᠢ᠌ᠵᠠᠢ᠃ ᠡᠭᠦᠨᠠᠴᠠ ᠭᠠᠳᠠᠨᠠ᠂ ᠰᠡᠳᠭᠦᠯᠤᠨ ᠲᠠᠷᠬᠠᠭ᠋ᠠᠬᠤ ᠪᠠ ᠵᠠᠬᠢᠶᠠᠯᠠᠭᠠ ᠵᠢᠨ ᠠᠵᠢᠯᠢ ᠪᠦᠷᠢᠨᠰᠣᠶᠣᠯ ᠵᠡᠷᠭᠡ ᠬᠦᠮᠦᠰ ᠡᠭᠦᠷᠭᠡᠯᠡᠨ ᠬᠠᠷᠢᠭᠤᠴᠠᠵᠤ ᠪᠠᠢ᠌ᠪᠠ᠃ ᠡᠳᠡᠭᠡᠷ ᠰᠣᠳᠤᠨ ᠰᠢᠯᠢᠳᠡᠭ ᠰᠡᠳᠭᠦᠯᠴᠢᠳᠤᠨ ᠬᠠᠷᠠᠮ ᠦᠭᠡᠢ ᠵᠣᠷᠢᠭᠤᠯᠤᠭᠰᠠᠨ ᠰᠡᠴᠡᠨ ᠤᠬᠠᠭ᠋ᠠᠨ᠂ ᠢᠳᠡᠭᠡᠯ ᠵᠣᠷᠢᠭ᠂ ᠲᠠᠮᠢᠷ ᠴᠢᠳᠠᠯ ᠪᠣᠯ《ᠨᠡᠢ᠌ᠭᠡᠮ》ᠰᠡᠳᠭᠦᠯᠤᠨ ᠪᠦᠷᠢᠯᠳᠦᠨ ᠬᠦᠭᠵᠢᠭᠰᠡᠨ ᠲᠤᠯᠭ᠋ᠠᠭᠤᠷᠢ ᠬᠦᠴᠦᠨᠤ ᠨᠢᠭᠡ ᠪᠣᠯᠣᠨᠠ᠃
ᠬᠤᠷᠢᠶᠠᠩᠭᠤᠢ᠌ᠯᠠᠪᠠᠯ᠂《ᠨᠡᠢ᠌ᠭᠡᠮ》ᠰᠡᠳᠭᠦᠯ ᠳᠡᠭᠡᠷᠡ ᠵᠠᠭᠤᠨᠤ ᠶᠡᠷᠡᠭᠡᠳ ᠣᠨᠤ ᠡᠬᠢᠨᠳᠤ ᠬᠡᠪᠯᠡᠯ ᠡᠬᠢᠯᠡᠵᠦ᠂ 2021 ᠣᠨᠤ 7 ᠳ᠋ᠤᠭ᠋ᠠᠷ ᠰᠠᠷᠠ ᠬᠦᠷᠲᠡᠯᠡ ᠨᠡᠢ᠌ᠲᠡ 318 ᠬᠤᠭᠤᠴᠠᠭᠠ ᠬᠡᠪᠯᠡᠭᠳᠡᠵᠡᠢ᠃ ᠲᠤᠰ ᠰᠡᠳᠭᠦᠯᠨᠢ ᠭᠤᠴᠢᠨ ᠵᠢᠯᠤᠨ ᠲᠤᠷᠰᠢ《ᠰᠢᠨᠡ》᠂《ᠬᠤᠪᠢᠷᠠᠯᠲᠠ ᠶᠡᠬᠡᠲᠡᠢ》ᠪᠠᠢ᠌ᠬᠤ ᠪᠣᠯ ᠮᠠᠨᠤ ᠡᠭᠦᠷᠢᠳᠡ ᠵᠢᠨ ᠵᠠᠷᠴᠢᠮ᠂ ᠦᠨᠡᠨ ᠮᠦᠷᠲᠡᠭᠡᠨ ᠡᠩᠤᠨ ᠪᠠᠢ᠌ᠬᠤ ᠪᠣᠯ ᠮᠠᠨᠤ ᠥᠪᠡᠷᠤᠨ ᠣᠨᠴᠠᠯᠢᠭ [6] ᠭᠡᠰᠡᠨ ᠵᠶ᠋ᠠᠨ ᠴᠢᠩᠭᠠ ᠪᠠᠷᠢᠮᠲᠠᠯᠠᠵᠤ᠂ ᠤᠩᠰᠢᠬᠤᠳᠤ ᠤᠷᠮᠠᠲᠠᠢ᠂ ᠤᠩᠰᠢᠭᠰᠠᠨ ᠬᠣᠢ᠌ᠨᠠ ᠰᠠᠭᠤᠭᠳᠠᠯᠲᠠᠢ᠂ ᠬᠠᠷᠠᠬᠤᠳᠤ ᠬᠠᠢ᠌ᠷᠯᠠᠯᠲᠠᠢ᠂ ᠬᠠᠳᠠᠭ᠋ᠠᠯᠠᠵᠤ ᠬᠤᠷᠢᠶᠠᠬᠤ ᠦᠷᠳᠡᠭᠲᠠᠢ ᠡᠢ᠌ᠮᠦ ᠨᠢᠭᠡᠨ ᠰᠡᠳᠭᠦᠯ᠂ ᠤᠩᠰᠢᠭᠴᠢ ᠲᠠ ᠪᠦᠬᠦᠨᠤ ᠠᠮᠢᠳᠤᠷᠠᠯᠤᠨ ᠦᠷᠦᠭᠡᠨᠳᠤ ᠳᠡᠯᠭᠡᠭᠳᠡᠵᠦ᠂ ᠰᠡᠳᠭᠢᠯᠤᠨ ᠦᠷᠭᠦᠭᠡ ᠵᠢ ᠭᠡᠢ᠌ᠭᠦᠯᠬᠦ [7] ᠪᠣᠯᠤᠭ᠋ᠠᠰᠠᠢ ᠭᠡᠵᠦ ᠮᠡᠷᠡᠢ᠌ᠨ ᠴᠢᠷᠮᠠᠢ᠌ᠭᠰᠠᠭ᠋ᠠᠷ ᠢᠷᠡᠵᠡᠢ᠃ ᠡᠨᠡ ᠬᠦ᠌ ᠶᠠᠪᠤᠴᠠᠳᠤ ᠰᠡᠳᠭᠦᠯᠤᠨ ᠨᠡᠷᠡ᠂ ᠠᠭᠤᠯᠭᠠ ᠪᠣᠯᠣᠩ᠂ ᠨᠠᠢ᠌ᠷᠠᠭᠤᠯᠤᠭᠴᠢ ᠬᠢᠨᠠᠭᠴᠢ᠂ ᠬᠡᠪᠯᠡᠯ ᠲᠠᠷᠬᠠᠭ᠋ᠠᠯᠲᠠ ᠵᠢᠨ ᠲᠠᠯᠠᠪᠠᠷ ᠭᠠᠷᠤᠭᠰᠠᠨ ᠣᠯᠠᠨ ᠬᠤᠪᠢᠷᠠᠯᠲᠠᠨᠤᠭᠤᠳᠨᠢ ᠲᠤᠰ ᠰᠡᠳᠭᠦᠯᠤᠨ ᠤᠷᠤᠰᠢᠨ ᠲᠤᠭᠲᠠᠨᠢᠬᠤ᠂ ᠬᠦᠭᠵᠢᠨ ᠴᠡᠴᠡᠭᠯᠡᠬᠦ ᠵᠢᠨ ᠴᠢᠬᠤᠯᠠ ᠠᠷᠭᠠ ᠵᠠᠮ ᠪᠣᠯᠬᠤ ᠵᠢᠨ ᠵᠡᠷᠭᠡᠪᠠᠷ ᠪᠠᠰᠠ ᠲᠤᠬᠠᠢ ᠵᠢᠨ ᠦᠶᠡ ᠵᠢᠨ ᠥᠪᠥᠷ ᠮᠣᠩᠭᠤᠯ ᠤᠷᠤᠨᠤ ᠲᠡᠦᠬᠡ᠂ ᠰᠣᠶᠣᠯᠤᠨ ᠪᠣᠳᠠᠳᠤ ᠪᠠᠢ᠌ᠳᠠᠯ᠂ ᠤᠯᠤᠰ ᠲᠦᠷᠦ ᠠᠵᠤ ᠠᠬᠤᠢ ᠵᠢᠨ ᠪᠦᠲᠦᠭᠡᠨ ᠪᠠᠢ᠌ᠭᠤᠯᠤᠯᠲᠠ ᠵᠢᠨ ᠶᠠᠪᠤᠴᠠ᠂ ᠤᠷᠤᠭ ᠬᠣᠷᠢᠮ᠂ ᠭᠡᠷ ᠪᠦᠯᠢ᠂ ᠨᠡᠢ᠌ᠭᠡᠮᠤᠨ ᠬᠡᠷᠡᠭᠴᠡᠭᠡ ᠱᠠᠭ᠋ᠠᠷᠳᠠᠯᠭᠠ ᠵᠡᠷᠭᠡ ᠵᠢ ᠣᠯᠠᠨ ᠲᠠᠯᠠᠠᠴᠠ ᠠᠮᠢᠳᠤᠯᠢᠭ ᠲᠤᠰᠬᠠᠨ ᠲᠡᠮᠳᠡᠭᠯᠡᠭᠰᠡᠨ ᠵᠶ᠋ᠠᠷ ᠵᠶ᠋ᠠᠨ ᠬᠤᠷᠢᠶᠠᠨ ᠬᠠᠳᠠᠭ᠋ᠠᠯᠠᠵᠤ᠂ ᠰᠤᠷᠤᠯᠴᠠᠨ ᠰᠤᠳᠤᠯᠬᠤ ᠦᠨᠡ ᠴᠠᠨᠠ ᠪᠦᠬᠦᠢ ᠮᠤᠩᠭᠤᠯ ᠰᠡᠳᠭᠦᠯᠤᠨ ᠨᠢᠭᠡ ᠪᠣᠯᠵᠠᠢ᠃ ᠡᠳᠡᠭᠡᠷ ᠬᠤᠪᠢᠷᠠᠯᠲᠠᠨᠤᠭᠤᠳ ᠪᠣᠯ ᠲᠤᠰ ᠰᠡᠳᠭᠦᠯᠤᠨ ᠨᠡᠢ᠌ᠭᠡᠮᠤᠨ ᠱᠠᠭ᠋ᠠᠷᠳᠠᠯᠭᠠᠳᠤ ᠵᠣᠬᠢᠴᠠᠨ᠂ ᠥᠪᠡᠷᠢᠪᠠᠨ ᠲᠡᠭᠦᠯᠳᠡᠷᠵᠢᠬᠦᠯᠬᠦ ᠵᠢᠨ ᠲᠦᠯᠦᠭᠡᠨᠤ ᠪᠦᠲᠦᠭᠡᠯᠴᠢ ᠤᠷᠤᠯᠳᠤᠯᠭᠠ᠂ ᠨᠡᠢ᠌ᠭᠡᠮ ᠵᠢᠷᠤᠮᠤᠨ ᠤᠶᠤᠨᠤ ᠪᠣᠯᠪᠠᠰᠤᠨ ᠪᠣᠯᠣᠨ ᠪᠣᠳᠠᠰᠤᠨ ᠪᠣᠯᠪᠠᠰᠤᠨᠤ ᠪᠦᠲᠦᠭᠡᠨ ᠪᠠᠢ᠌ᠭᠤᠯᠤᠯᠲᠠ ᠵᠢ ᠠᠬᠢᠭᠤᠯᠰᠤᠭ᠋ᠠᠢ [8] ᠭᠡᠵᠦ ᠵᠢᠳᠭᠦᠭᠰᠡᠨᠤ ᠭᠡᠷᠡᠴᠢ ᠪᠠᠷᠢᠮᠳᠠ ᠮᠥᠨ᠃ ᠭᠡᠬᠦ ᠳᠤᠪᠠᠨ ᠣᠯᠠᠩᠬᠢ ᠬᠤᠪᠢᠷᠠᠯᠲᠠᠨᠤᠭᠤᠳᠨᠢ ᠳᠡᠭᠡᠷᠡ ᠵᠠᠭᠤᠨᠤ ᠡᠴᠦᠰᠤᠨ ᠠᠷᠪᠠᠨ ᠵᠢᠯᠳᠤ ᠲᠥᠪᠯᠡᠷᠡᠵᠦ᠂ ᠲᠤᠰ ᠵᠠᠭᠤᠨᠤ ᠬᠣᠷᠢᠨ ᠵᠢᠯᠳᠤ ᠬᠤᠪᠢᠷᠠᠯᠲᠠ ᠴᠦᠭᠡᠨ᠂ ᠲᠤᠭᠳᠠᠭᠤᠨ ᠬᠦᠭᠵᠢᠵᠦ ᠢᠷᠡᠭᠰᠡᠨ ᠲᠦᠯᠦᠪᠲᠠᠢ᠃ ᠡᠳᠡᠭᠡᠷ ᠬᠤᠪᠢᠷᠠᠯᠲᠠᠨᠤᠭᠤᠳᠢ ᠪᠦᠬᠦ ᠲᠠᠯᠠᠪᠠᠷ ᠡᠮᠬᠢᠳᠭᠡᠵᠦ᠂ ᠬᠤᠷᠢᠶᠠᠩᠭᠤᠢ᠌ᠯᠠᠬᠤ ᠪᠣᠯ ᠲᠤᠰ ᠰᠡᠳᠭᠦᠯᠤᠨ ᠥᠩᠭᠡᠷᠡᠭᠰᠡᠨ ᠲᠡᠦᠬᠡ ᠵᠢ ᠡᠷᠭᠢᠴᠡᠭᠦᠯᠵᠦ᠂ ᠲᠤᠷᠰᠢᠯᠭᠠ ᠰᠤᠷᠭ᠋ᠠᠮᠵᠢᠪᠠᠨ ᠳ᠋ᠦᠩᠨᠡᠬᠦ ᠵᠢᠨ ᠳᠠᠭ᠋ᠠᠤ ᠭᠡᠭᠡᠨ ᠢᠷᠡᠭᠡᠳᠦᠢᠪᠠᠨ ᠠᠮᠵᠢᠯᠳᠠᠲᠠᠢ ᠤᠭᠳᠤᠬᠤ ᠵᠢᠨ ᠴᠢᠬᠤᠯᠠᠴᠢᠯᠭᠠ ᠮᠥᠨ᠃ ᠴᠢᠨᠠᠭᠰᠢᠯᠠᠭ᠋ᠠᠳ ᠪᠦᠬᠦᠢ᠌ᠯᠡ ᠮᠣᠩᠭᠤᠯ ᠰᠡᠳᠭᠦᠯᠤᠨ ᠰᠤᠳᠤᠯᠤᠯᠳᠤ ᠵᠣᠬᠢᠬᠤ ᠠᠬᠢᠭᠤᠯᠬᠤ ᠦᠢ᠍ᠯᠡᠳᠦᠯᠲᠠᠢ᠃
ᠵᠣᠬᠢᠶᠠᠭᠴᠢ ᠵᠢᠨ ᠬᠠᠶᠢᠭ᠄ ᠥᠪᠥᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠨᠣᠮᠤᠨ ᠰᠠᠩ