ᠭᠡᠭᠡᠨ ᠠᠶᠠᠨ
ᠬᠠᠢ ᠹᠸᠩ ᠴᠢᠨ ᠶᠦᠨ ᠵᠣᠬᠢᠶᠠᠪᠠ
2021 ᠣᠨᠤ 3 ᠳ᠋ᠤᠭ᠋ᠠᠷ ᠰᠠᠷᠠ ᠳᠤ ᠪᠢ ᠦᠢ᠍ᠯᠡᠰᠤᠨ ᠵᠢᠯᠣᠭᠣ ᠪᠠᠨ ᠵᠠᠯᠠᠵᠤ᠂ ᠭᠡᠭᠡᠨ ᠠᠶᠠᠨ ᠵᠶ᠋ᠠᠨ ᠡᠯᠭᠦᠨ᠂ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮᠳᠤ ᠠᠵᠢᠯ ᠰᠢᠯᠵᠢᠵᠦ 《ᠨᠡᠢ᠌ᠭᠡᠮ》 ᠰᠡᠳᠭᠦᠯᠤᠨ ᠬᠤᠷᠢᠶᠠᠨ ᠳᠤ ᠢᠷᠡᠭᠰᠡᠨ ᠶᠤᠮ᠃
ᠨᠢᠭᠡ ᠯᠡ ᠮᠡᠳᠡᠬᠦᠳᠤ ᠪᠢ ᠴᠢᠨᠢ ᠳᠥᠴᠢ ᠵᠢᠨ ᠳᠦᠷᠦᠭᠡ ᠵᠢ ᠰᠢᠭᠦᠷᠡᠭᠡᠳ᠂ ᠦᠪᠦᠷ ᠮᠣᠩᠭᠣᠯᠤᠨ ᠤᠳᠬᠠ ᠤᠷᠠᠯᠢᠭᠤᠨᠬᠢᠨᠤ ᠬᠤᠯᠪᠤᠭᠠ ᠵᠢᠨ 《ᠦᠨᠢᠷ ᠴᠡᠴᠡᠭ》 ᠰᠡᠳᠭᠦᠯᠤᠨ ᠬᠤᠷᠢᠶᠠᠨᠳᠤ 18 ᠵᠢᠯ ᠰᠢᠬᠠᠮ ᠠᠵᠢᠯᠯᠠᠴᠢᠬᠠᠯᠠ ᠰᠢᠦ ᠳ᠋ᠠ！ ᠲᠡᠭᠡᠬᠦᠯᠡᠷ ᠦᠩᠭᠡᠷᠡᠭᠰᠡᠨᠤ ᠲᠡᠳᠡᠭᠡᠷ ᠨᠠᠨᠳᠢᠨ ᠰᠠᠢ᠌ᠬᠠᠨ ᠳᠤᠷᠠᠳᠬᠠᠯ ᠵᠶ᠋ᠠᠨ ᠪᠣᠳᠣᠯᠤᠨ ᠭᠦᠨᠳᠤᠪᠠᠨ ᠬᠠᠳᠠᠭ᠋ᠠᠯᠠᠭ᠋ᠠᠳ᠂ ᠪᠢ ᠰᠢᠨᠡᠬᠡᠨ ᠨᠡᠪᠲᠡᠷᠡᠭᠰᠡᠨ ᠬᠦᠬᠡᠬᠤᠲᠠ ᠵᠢᠨ ᠮᠸᠲᠷᠣ᠋ ᠵᠢᠨ ᠨᠢᠭᠡᠳᠦᠭᠡᠷ ᠱᠣᠭᠤᠮ ᠵᠶ᠋ᠠᠷ ᠮᠤᠷᠳᠠᠨ᠂ ᠰᠢᠨᠡ ᠠᠵᠢᠯᠤᠨ ᠪᠠᠢ᠌ᠷᠢᠳᠤ ᠭᠠᠷᠬᠤ ᠵᠢᠨ ᠬᠦᠭᠰᠡᠯ ᠳᠣᠭᠳᠣᠯᠣᠯ ᠪᠣᠯᠣᠨ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠵᠶ᠋ᠡᠨ ᠠᠴᠢᠶᠠᠯᠠᠨ᠂ ᠠᠷᠠᠳᠤᠨ ᠬᠤᠷᠠᠯᠤᠨ ᠲᠠᠩᠬᠢᠮᠤᠨ ᠦᠷᠲᠡᠭᠡᠨᠡ ᠪᠠᠭᠤᠵᠤ᠂ ᠰᠢᠨᠬᠤᠸᠠ ᠶᠡᠬᠡ ᠵᠡᠭᠡᠯᠢ ᠵᠢᠨ 63 ᠳ᠋ᠤᠭ᠋ᠠᠷ ᠨᠤᠮᠸᠷᠲᠤ ᠪᠠᠢ᠌ᠷᠢᠯᠠᠬᠤ ᠦᠪᠦᠷ ᠮᠣᠩᠭᠣᠯᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠪᠠᠢ᠌ᠭᠣᠯᠭᠠ ᠵᠢᠨ ᠶᠡᠬᠡ ᠬᠦᠷᠢᠶᠡᠨ ᠳᠤ ᠠᠯᠬᠤᠨ ᠣᠷᠣᠭᠰᠠᠨ ᠶᠤᠮ᠃
ᠳᠤᠷᠠᠳᠬᠠᠨ ᠬᠡᠯᠡᠪᠡᠯ᠂ ᠲᠡᠷᠡᠨᠢ 2021 ᠣᠨᠤ 3 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 12ᠤ ᠡᠳᠦᠷᠤᠨ ᠦᠳᠡ ᠵᠢᠨ ᠬᠤᠢ᠌ᠨᠠ ᠪᠠᠢ᠌ᠵᠤ ᠪᠢᠯᠡ᠃ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮ ᠤᠨ ᠠᠵᠢᠯᠠᠴᠠᠪᠠᠨ ᠰᠠᠯᠵᠤ ᠳᠠᠷᠬᠠᠯᠠᠭᠳᠠᠭᠰᠠᠳᠤᠨ ᠠᠵᠢᠯᠤᠨ ᠭᠠᠵᠠᠷᠤᠨ ᠤᠤᠯᠤᠨ ᠳᠡᠳ᠋ ᠳᠠᠷᠤᠭᠠ ᠸᠠᠩ ᠳ᠋ᠠ ᠬᠤ᠌ ᠨᠦᠬᠦᠷ ᠨᠠᠳᠠᠳᠤ ᠤᠲᠠᠰᠤ ᠢᠷᠡᠵᠦ᠂ ᠮᠢᠨᠦ ᠠᠵᠢᠯ ᠰᠢᠯᠵᠢᠬᠦ ᠮᠡᠳᠡᠭᠳᠡᠯ ᠪᠠᠭᠤᠵᠤ ᠢᠷᠡᠭᠰᠡᠨ ᠰᠠᠢ᠌ᠬᠠᠨ ᠴᠢᠮᠡᠭᠡ ᠵᠢ ᠳᠣᠭᠣᠯᠭ᠋ᠠᠬᠤ ᠵᠢᠨ ᠬᠠᠮᠲᠤ ᠨᠠᠮᠠ ᠵᠢ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮᠳᠤ ᠣᠴᠢᠨ ᠮᠡᠳᠡᠭᠳᠡᠯ ᠵᠶ᠋ᠡᠨ ᠠᠪᠤᠭ᠋ᠠᠷᠠᠢ ᠭᠡᠵᠦ ᠵᠠᠬᠢᠪᠠ᠃ ᠰᠢᠨᠡ ᠲᠢᠳᠡᠮᠯᠢᠭ ᠠᠭᠣᠰᠬᠢᠨ ᠦᠷᠪᠢᠰᠦᠯᠤᠨ ᠬᠠᠷᠠ ᠤᠷᠰᠢᠭᠠᠴᠠ ᠪᠤᠯᠵᠤ ᠶᠤᠰᠤᠲᠠᠢ ᠬᠠᠮᠢᠭᠠ ᠴᠤ᠌ ᠭᠠᠷᠴᠣ ᠴᠢᠳᠠᠯ ᠦᠬᠡᠢ᠂ ᠡᠳᠦᠷᠵᠢᠨ ᠭᠡᠷᠲᠤᠪᠠᠨ ᠢᠬᠡᠷᠡ ᠬᠤᠶᠠᠷ ᠬᠡᠦᠭᠡᠳ ᠵᠶ᠋ᠡᠨ ᠬᠠᠷᠠᠭ᠋ᠠᠳ ᠰᠠᠭᠣᠭᠰᠠᠨ ᠪᠢ ᠡᠨᠡ ᠴᠢᠮᠡᠭᠡ ᠵᠢ ᠳᠣᠭᠣᠯᠣᠭ᠋ᠠᠳ ᠠᠯᠠᠰᠬᠢᠨ ᠪᠠᠶᠠᠷᠯᠠᠵᠦ᠂ ᠪᠠᠷᠢᠨ ᠠᠮᠠᠪᠴᠢᠪᠠᠨ ᠵᠡᠭᠦᠭᠡᠳ ᠮᠸᠲᠷᠣ᠋ ᠵᠢᠨ ᠦᠷᠲᠡᠭᠡ ᠵᠢ ᠴᠢᠭᠯᠡᠭᠰᠡᠨ ᠪᠢᠯᠡ᠃ ᠡᠢ᠌ᠨ ᠬᠦ᠌᠂ ᠪᠢ ᠦᠪᠦᠷ ᠮᠣᠩᠭᠣᠯᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠪᠠᠢ᠌ᠭᠣᠯᠭᠠ ᠵᠢᠨ ᠶᠡᠬᠡ ᠬᠦᠷᠢᠶᠡᠪᠠᠷ ᠠᠯᠬᠤᠯᠠᠬᠤᠳᠤ᠂ ᠬᠠᠪᠤᠷᠤᠨ ᠰᠠᠯᠬᠢ ᠰᠡᠪᠡᠯᠵᠡᠨ ᠣᠨᠴᠠ ᠵᠢᠨ ᠲᠠᠭ᠋ᠠᠲᠠᠢ ᠰᠠᠨᠠᠭᠳᠠᠵᠤ᠂ ᠡᠨᠡ ᠬᠦ᠌ ᠨᠠᠮ ᠰᠡᠯᠡᠭᠦᠦ ᠣᠷᠴᠢᠨᠳᠤ ᠲᠡᠷᠢᠭᠦᠯᠡᠭᠴᠢ ᠴᠡᠴᠡᠭ᠂ ᠲᠤᠭᠤᠷᠤᠨ ᠴᠡᠴᠡᠭ ᠨᠢ ᠪᠦᠮᠪᠦᠭᠡᠯᠡᠨ᠂ ᠮᠣᠳᠤᠳᠨᠢ ᠰᠦᠶᠦᠭᠡᠯᠡᠨ ᠨᠠᠬᠢᠶᠠᠯᠠᠵᠤ᠂ ᠨᠠᠷᠠᠰᠤ ᠮᠠᠢ᠌ᠯᠠᠰᠤᠨᠤ ᠴᠠᠭ᠋ᠠᠨᠠᠠᠴᠠ ᠰᠦᠨ ᠴᠠᠭ᠋ᠠᠨ ᠦᠩᠭᠡᠲᠠᠢ ᠶᠢᠰᠦᠨ ᠳᠠᠪᠬᠤᠷ ᠠᠰᠠᠷᠨᠢ ᠰᠦᠨᠳᠡᠷᠯᠡᠨ ᠬᠠᠷᠠᠭᠳᠠᠨᠠ᠃
ᠠᠯᠪᠠᠨ ᠶᠣᠰᠤᠭ᠋ᠠᠷ ᠠᠵᠢᠯ ᠰᠢᠯᠵᠢᠨ ᠢᠷᠡᠭᠰᠡᠨᠤ ᠳᠠᠷᠠᠭᠠ᠂ 5 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 14 ᠤ ᠡᠳᠦᠷ᠂ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮᠠᠴᠠ ᠵᠢᠩᠬᠢᠨᠢᠪᠠᠷ ᠨᠠᠮᠠ ᠵᠢ 《ᠨᠡᠢ᠌ᠭᠡᠮ》 ᠰᠡᠳᠭᠦᠯᠤᠨ ᠬᠤᠷᠢᠶᠠᠨᠤ ᠬᠤᠷᠢᠶᠠᠨ ᠳᠠᠷᠤᠭᠠ᠂ ᠶᠡᠷᠦᠩᠬᠡᠢ ᠨᠠᠢ᠌ᠷᠠᠭᠣᠯᠣᠭᠴᠢᠪᠠᠷ ᠡᠷᠭᠦᠮᠵᠢᠯᠡᠪᠡ᠃ 6 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 5ᠤ ᠡᠳᠦᠷ 《ᠨᠡᠢ᠌ᠭᠡᠮ》 ᠰᠡᠳᠭᠦᠯᠤᠨ ᠬᠣᠷᠢᠶᠠ ᠵᠢᠨ ᠨᠠᠮᠤᠨ ᠡᠭᠦᠷ ᠠᠴᠠ ᠰᠣᠩᠭᠣᠭᠣᠯᠢ ᠵᠢᠨ ᠬᠤᠷᠠᠯ ᠬᠢᠵᠦ᠂ ᠨᠠᠮᠠ ᠵᠢ《ᠨᠡᠢ᠌ᠭᠡᠮ》 ᠰᠡᠳᠭᠦᠯᠤᠨ ᠬᠣᠷᠢᠶᠠ ᠵᠢᠨ ᠨᠠᠮᠤᠨ ᠡᠭᠦᠷᠤᠨ ᠱᠦᠵᠢᠪᠠᠷ ᠰᠣᠩᠭᠣᠨ᠂ 6 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 8 ᠤ ᠡᠳᠦᠷ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮ ᠤᠨ ᠪᠠᠢ᠌ᠭᠤᠯᠭᠠ ᠵᠢᠨ ᠨᠠᠮᠤᠨ ᠬᠣᠷᠢᠶᠠᠨᠳᠤ ᠮᠡᠳᠡᠭᠦᠯᠵᠦ ᠵᠦᠪᠰᠢᠶᠡᠷᠡᠭᠦᠯᠪᠡ᠃ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮᠤᠨ ᠨᠠᠮᠤᠨ ᠣᠳᠤᠷᠢᠳᠬᠤ ᠳᠣᠭᠣᠢ᠌ᠯᠠᠩ ᠪᠣᠯᠤᠨ ᠳᠠᠷᠣᠭᠠ ᠣᠳᠤᠷᠢᠳᠤᠯᠭᠠ ᠨᠠᠷᠤᠨ ᠵᠢᠯᠣᠭᠣᠳᠣᠯᠭᠠ ᠳᠡᠮᠵᠢᠯᠭᠡ ᠵᠢᠨ ᠳᠤᠤᠷᠠ᠂ ᠪᠢ ᠲᠡᠳᠡ ᠨᠠᠷ ᠤᠨ ᠢᠲᠡᠭᠡᠯ ᠨᠠᠢ᠌ᠳᠠᠯᠭᠠ ᠵᠢ ᠬᠦᠰᠡᠷᠳᠡᠭᠦᠯᠬᠦ ᠦᠬᠡᠢ ᠵᠢᠨ ᠲᠦᠯᠦᠭᠡᠨᠡ᠂ 《ᠨᠡᠢ᠌ᠭᠡᠮ》 ᠰᠡᠳᠭᠦᠯᠤᠨ ᠬᠣᠷᠢᠶᠠ ᠵᠢᠨ ᠪᠦᠬᠦ ᠨᠦᠭᠦᠳ ᠵᠶ᠋ᠡᠨ ᠳᠠᠭ᠋ᠠᠭᠤᠯᠤᠨ ᠯᠠᠪᠳᠠᠭᠤᠨ ᠵᠶ᠋ᠠᠷ ᠠᠵᠢᠯᠯᠠᠵᠤ᠂ ᠨᠠᠮᠤᠨ ᠪᠠᠢ᠌ᠭᠣᠯᠣᠯᠲᠠ ᠵᠢᠨ ᠠᠵᠢᠯ ᠵᠶ᠋ᠠᠨ ᠴᠢᠩᠭᠠ ᠠᠳᠬᠤᠨ᠂ 《ᠨᠡᠢ᠌ᠭᠡᠮ》 ᠰᠡᠳᠭᠦᠯ ᠵᠶ᠋ᠡᠨ ᠨᠠᠷᠢᠨ ᠨᠢᠮᠪᠠᠢ ᠲᠦᠰᠦᠪᠯᠡᠨ ᠨᠠᠢ᠌ᠷᠠᠭᠤᠯᠵᠤ᠂ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮᠤᠨ ᠮᠣᠩᠭᠣᠯ ᠰᠦᠯᠵᠢᠶᠡ ᠪᠠᠨ ᠰᠠᠢ᠌ᠲᠤᠷ ᠭᠠᠷᠳᠠᠨ ᠬᠢᠵᠦ᠂ ᠰᠢᠨᠡ ᠠᠵᠢᠯᠤᠨ ᠪᠠᠢ᠌ᠷᠢ ᠳᠡᠭᠡᠷᠡᠪᠠᠨ ᠰᠣᠳᠣᠨ ᠦᠷᠡ ᠪᠦᠲᠦᠮᠵᠢ ᠭᠠᠷᠭ᠋ᠠᠬᠤᠪᠠᠷ ᠴᠢᠷᠮᠠᠢ᠌ᠨ ᠠᠵᠢᠯᠯᠠᠵᠤ ᠡᠬᠢᠯᠡᠭᠰᠡᠨ ᠪᠢᠯᠡ᠃
《ᠦᠨᠢᠷ ᠴᠡᠴᠡᠭ》 ᠭᠡᠮᠡᠬᠦ ᠴᠤᠯ ᠤᠳᠬᠠ ᠵᠣᠬᠢᠶᠠᠯᠤᠨ ᠰᠡᠳᠭᠦᠯ ᠳᠤ ᠠᠵᠢᠯᠯᠠᠵᠤ ᠪᠠᠢ᠌ᠭᠰᠠᠨᠠᠴᠠᠪᠠᠨ ᠶᠡᠷᠦᠩᠬᠡᠢ᠌ᠯᠡᠭᠰᠡᠨ ᠴᠢᠨᠠᠷᠲᠠᠢ ᠨᠡᠢ᠌ᠭᠡᠮᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ ᠰᠡᠳᠭᠦᠯ ᠪᠣᠯᠬᠣ《ᠨᠡᠢ᠌ᠭᠡᠮ》 ᠰᠡᠳᠭᠦᠯᠳᠤ ᠰᠢᠯᠵᠢᠨ ᠢᠷᠡᠭᠰᠡᠨ ᠨᠠᠳᠠᠳᠤ ᠠᠪᠴᠤ ᠬᠡᠯᠡᠪᠡᠯ᠂ ᠠᠷᠠᠳᠤᠨ ᠠᠮᠢᠳᠤᠷᠠᠯ᠂ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠠᠵᠢᠯᠤᠨ ᠣᠨᠴᠠᠯᠢᠭᠨᠢ ᠪᠠᠰᠠ ᠬᠦ᠌ ᠨᠢᠭᠡᠨ 《ᠰᠢᠨᠡ ᠡᠬᠡ ᠬᠠᠭᠤᠷᠠᠢ》 ᠪᠣᠯᠬᠤ ᠲᠤᠯᠠ ᠡᠳᠡᠭᠡᠷ ᠪᠦᠬᠦᠨᠢ ᠲᠠᠨᠢᠨ ᠣᠢ᠌ᠯᠠᠭ᠋ᠠᠵᠤ ᠠᠵᠢᠯᠤᠨ ᠠᠷᠭᠠ ᠪᠠᠷᠢᠯ ᠵᠶ᠋ᠠᠨ ᠣᠯᠵᠣ ᠠᠪᠬᠤ ᠴᠢᠬᠣᠯᠠᠲᠠᠢ᠃ ᠰᠢᠨᠡ ᠠᠵᠢᠯ ᠳᠤᠪᠠᠨ ᠲᠦᠷᠭᠡᠨ ᠳᠠᠳᠬᠤ ᠵᠢᠨ ᠲᠦᠯᠦᠭᠡ᠂ ᠪᠢ ᠦᠳᠡᠳᠤ ᠪᠠᠨ ᠭᠡᠷᠲᠤᠪᠠᠨ ᠬᠠᠷᠢᠯ ᠦᠬᠡᠢᠪᠠᠷ ᠨᠡᠢ᠌ᠲᠡ ᠵᠢᠨ ᠬᠣᠭᠣᠯᠠᠨ ᠭᠡᠷᠲᠤ ᠬᠣᠭᠣᠯᠠᠯᠠᠴᠢᠬᠠᠭ᠋ᠠᠳ᠂ 《ᠳᠣᠮᠳᠠᠳᠣ ᠤᠯᠤᠰᠤᠨ ᠠᠷᠠᠳᠤᠨ ᠶᠠᠪᠤᠳᠠᠯ》᠂《ᠳᠤᠮᠳᠠᠳᠤ ᠤᠯᠤᠰᠤᠨ ᠨᠡᠢ᠌ᠭᠡᠮᠤᠨ ᠰᠣᠨᠢᠨ》 ᠪᠣᠯᠣᠨ ᠦᠩᠭᠡᠷᠡᠭᠰᠡᠨᠤ《ᠨᠡᠢ᠌ᠭᠡᠮ》 ᠰᠡᠳᠭᠦᠯ ᠵᠢᠴᠢ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮ ᠠᠴᠠ ᠪᠠᠭᠤᠯᠭ᠋ᠠᠭᠰᠠᠨ ᠪᠢᠴᠢᠭ ᠮᠠᠲᠸᠷᠢᠶᠠᠯᠤᠳᠢ ᠣᠩᠰᠢᠨ ᠰᠢᠭᠦᠵᠦ᠂ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠥᠷᠦ ᠵᠢᠨ ᠪᠣᠳᠣᠯᠭᠠ᠂ ᠠᠵᠢᠯᠤᠨ ᠴᠢᠳᠠᠪᠬᠢ᠂ ᠡᠭᠦᠷᠭᠡ ᠬᠠᠷᠢᠭᠣᠴᠠᠯᠭᠠ ᠵᠢᠨᠢ ᠦᠯᠦᠰᠴᠤ ᠤᠮᠳᠠᠭ᠋ᠠᠰᠣᠭᠰᠠᠨ ᠮᠡᠲᠦ ᠣᠢ᠌ᠯᠠᠭ᠋ᠠᠵᠤ ᠠᠪᠤᠪᠠ᠃ ᠡᠭᠦᠨᠤ ᠤᠯᠠᠮᠠᠴᠠ 《ᠠᠷᠠᠳᠤᠨ ᠶᠠᠪᠤᠳᠠᠯ ᠠᠷᠠᠳᠤᠨ ᠲᠦᠯᠦᠭᠡ᠂ ᠠᠷᠠᠳᠤᠨ ᠶᠠᠪᠤᠳᠠᠯ ᠠᠷᠠᠳ ᠵᠶ᠋ᠠᠨ ᠬᠠᠢ᠌ᠷᠠᠯᠠᠬᠤ》 ᠭᠡᠬᠦ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠠᠵᠢᠯᠤᠨ ᠣᠢ᠌ᠯᠠᠭ᠋ᠠᠭᠳᠠᠬᠤᠨᠢ ᠲᠠᠨᠢᠨ ᠮᠡᠳᠡᠷᠡᠵᠦ᠂ ᠬᠦᠮᠦᠨ ᠵᠣᠨᠳᠤᠪᠠᠨ ᠪᠤᠶᠠᠨᠤ ᠷᠠᠰᠢᠶᠠᠨ ᠬᠤᠷᠠ ᠪᠠᠭᠤᠯᠭ᠋ᠠᠳᠠᠭ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠠᠵᠢᠯᠢ ᠰᠡᠳᠬᠢᠯ ᠵᠢᠷᠦᠬᠡᠨᠠᠴᠠᠪᠠᠨ ᠪᠢᠰᠢᠷᠡᠨ ᠪᠠᠬᠠᠳᠤᠵᠤ᠂ ᠨᠢᠭᠡᠨ ᠬᠢᠷᠢ ᠲᠡᠩᠴᠡᠭᠰᠡᠨ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠰᠡᠳᠭᠦᠯᠴᠢ ᠪᠣᠯᠬᠣᠪᠠᠷ ᠵᠣᠷᠢᠭ ᠰᠢᠭᠣᠳᠣᠨ ᠠᠵᠢᠯᠯᠠᠯᠠ᠃
ᠠᠵᠢᠯᠠᠴᠠᠪᠠᠨ ᠳᠠᠷᠬᠠᠯᠠᠭᠳᠠᠭᠰᠠᠨ ᠴᠤ᠌ ᠤᠷᠢᠭᠳᠠᠨ ᠠᠵᠢᠯᠯᠠᠵᠤ ᠪᠠᠢ᠌ᠭᠰᠠᠨ《ᠨᠡᠢ᠌ᠭᠡᠮ》 ᠰᠡᠳᠭᠦᠯᠤᠨ ᠤᠤᠯᠤᠨ ᠬᠤᠷᠢᠶᠠᠨ ᠳᠠᠷᠤᠭᠠ ᠂ ᠶᠡᠷᠦᠩᠬᠡᠢ ᠨᠠᠢ᠌ᠷᠠᠭᠣᠯᠣᠭᠴᠢ ᠮᠦᠩᠬᠡᠨᠠᠰᠤᠨ ᠭᠤᠸᠠᠢ ᠪᠣᠯᠣᠨ ᠦᠪᠦᠷ ᠮᠣᠩᠭᠣᠯᠤᠨ ᠦᠨᠳᠦᠰᠦᠳᠡᠨᠤ ᠵᠠᠯᠠᠭᠤᠴᠤᠳ ᠪᠠᠭ᠋ᠠᠴᠣᠳᠤᠨ ᠰᠡᠳᠭᠦᠯᠤᠨ ᠬᠣᠷᠢᠶᠠ ᠵᠢᠨ ᠤᠤᠯ ᠤᠨ ᠳᠡᠳ᠋ ᠬᠣᠷᠢᠶᠠᠨ ᠳᠠᠷᠤᠭᠠ᠂ ᠠᠬᠠᠮᠠᠳ ᠨᠠᠢ᠌ᠷᠠᠭᠣᠯᠣᠭᠴᠢ ᠵᠢᠷᠭ᠋ᠠᠯᠲᠤ᠂ ᠵᠢᠨ ᠲᠠᠨᠠ᠂ ᠨᠣᠮᠢᠨ᠂ ᠰᠡᠴᠡᠩᠭᠤᠸᠠ᠂ ᠰᠡᠴᠢᠩᠭᠠ᠂ ᠡᠦ ᠬᠠᠢ ᠹᠸᠩ᠂ ᠰᠡᠴᠡᠨ᠂ ᠵᠠᠩ ᠪᠢᠨ᠂ ᠪᠠᠢ ᠯᠢ ᠵᠢᠣᠸᠠᠨ᠂ ᠵᠠᠩ ᠱᠤ᠌ ᠶᠣᠸᠠᠨ ᠵᠡᠷᠭᠡ ᠨᠦᠬᠦᠳᠤᠨ ᠬᠠᠪᠰᠣᠷᠣᠯᠭᠠ ᠳᠡᠮᠵᠢᠯᠭᠡᠪᠠᠷ᠂ ᠪᠢ ᠴᠤ᠌ ᠳᠡᠮᠡᠢ ᠤᠳᠠᠯ ᠦᠬᠡᠢ ᠠᠵᠢᠯᠳᠤᠪᠠᠨ ᠭᠠᠷᠮᠠᠭ᠋ᠠᠢ᠌ᠯᠠᠨ ᠣᠷᠣᠵᠣ᠂ ᠰᠡᠳᠭᠦᠯᠤᠨ ᠣᠯᠠᠨ ᠵᠶ᠋ᠠᠷ ᠵᠶ᠋ᠠᠨ ᠬᠠᠷᠢᠯᠴᠠᠨ ᠬᠦᠨᠳᠦᠳᠭᠡᠵᠦ ᠬᠠᠷᠢᠯᠴᠠᠨ ᠪᠦᠯᠬᠦᠮᠳᠡᠨ᠂ ᠦᠢ᠍ᠯᠡᠰᠤᠨ ᠨᠠᠷᠠᠪᠠᠨ ᠬᠠᠮᠲᠤᠪᠠᠷ ᠡᠷᠭᠦᠨ᠂ ᠦᠭᠡᠳᠡᠯᠡᠨ ᠳᠠᠪᠰᠢᠬᠤ ᠬᠡᠢ ᠮᠣᠷᠢᠪᠠᠨ ᠬᠠᠮᠲᠤᠪᠠᠷ ᠬᠤᠷᠤᠢ᠌ᠯᠠᠨ ᠳᠠᠯᠠᠯᠣᠭᠰᠠᠨ ᠶᠤᠮ᠃
ᠠᠯᠳᠠᠷᠲᠤ ᠵᠣᠬᠢᠶᠠᠯᠴᠢ ᠵᠢᠶᠨ ᠫᠢᠩ ᠸᠠ ᠦᠪᠡᠷᠢᠪᠠᠨ᠄《ᠪᠢ ᠪᠣᠯ ᠲᠠᠷᠢᠶᠠᠴᠢᠨ》 ᠭᠡᠵᠦ ᠬᠡᠯᠡᠳᠡᠭ ᠪᠠᠢ᠌ᠭᠰᠠᠨ ᠪᠣᠯ ᠪᠢ《ᠨᠡᠢ᠌ᠭᠡᠮ》 ᠰᠡᠳᠭᠦᠯᠳᠤ ᠢᠷᠡᠭᠡᠳ ᠰᠡᠳᠭᠦᠯᠴᠢ ᠪᠣᠯᠣᠨ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠠᠵᠢᠯᠲᠠᠨ ᠭᠡᠮᠡᠬᠦ ᠬᠤᠶᠠᠷ ᠡᠭᠦᠷᠭᠡ ᠬᠠᠷᠢᠭᠣᠴᠠᠯᠭᠠ ᠵᠢ ᠬᠣᠣᠰ ᠮᠥᠷᠦᠨᠳᠤᠪᠠᠨ ᠲᠡᠩᠨᠡᠨ ᠡᠭᠦᠷᠭᠡᠯᠡᠭᠰᠡᠨ ᠠᠵᠢ᠃ ᠬᠡᠦᠬᠡᠳ ᠨᠢᠯᠬᠠᠰᠠᠴᠠ ᠠᠪᠬᠠᠭᠣᠯᠣᠭ᠋ᠠᠳ ᠪᠣᠭᠣᠷᠣᠯ ᠦᠲᠡᠭᠦᠰᠲᠤ ᠬᠦᠷᠲᠡᠯᠡ ᠦᠢ᠍ᠯᠡᠴᠢᠯᠡᠨ ᠪᠤᠶᠠᠨᠤ ᠦᠢ᠍ᠯᠡ ᠵᠢ ᠳᠡᠯᠭᠡᠷᠡᠭᠦᠯᠳᠡᠭ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠦᠢ᠍ᠯᠡᠰ ᠴᠤ᠌ ᠨᠠᠳᠠᠳᠤᠪᠠᠨ ᠠᠷᠠᠳ ᠲᠦᠮᠡᠨᠳᠤᠪᠠᠨ ᠦᠢ᠍ᠯᠡᠴᠢᠯᠡᠬᠦ ᠬᠣᠪᠣᠷ ᠨᠠᠨᠳᠢᠨ ᠵᠠᠪᠰᠢᠶᠠᠨ ᠲᠤᠬᠢᠶᠠᠯᠢ ᠣᠯᠭᠣᠨ᠂ ᠦᠢ᠍ᠯᠡᠰᠤᠨ ᠲᠡᠭᠷᠢ ᠥᠭᠡᠳᠡᠪᠠᠨ ᠳᠡᠭᠦᠯᠢᠨ ᠨᠢᠰᠬᠦ ᠬᠦᠴᠦᠳᠦ ᠵᠢᠭᠦᠷᠢ ᠰᠣᠶᠣᠷᠬᠠᠭᠰᠠᠨ ᠪᠠᠢ᠌ᠳᠠᠭ᠃
ᠰᠡᠳᠭᠦᠯᠤᠨ ᠵᠶ᠋ᠡᠨ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠣᠨᠴᠠᠯᠢᠭᠢᠨᠢ ᠪᠠᠳᠠᠷᠠᠭᠣᠯᠵᠣ᠂ ᠵᠦᠪ ᠣᠨᠣᠪᠴᠢᠲᠠᠢ ᠣᠯᠣᠰ ᠲᠥᠷᠦ ᠵᠢᠨ ᠴᠢᠭᠯᠡᠯᠢ ᠢᠮᠠᠭᠲᠠ ᠪᠠᠷᠢᠮᠲᠠᠯᠠᠨ᠂ ᠵᠢᠱ᠌ᠢᠶᠡᠴᠢ ᠬᠦᠮᠦᠰ ᠵᠶ᠋ᠡᠨ ᠤᠬᠠᠭᠤᠯᠤᠨ᠂ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤ ᠪᠣᠭᠣᠮᠲᠠ ᠰᠢᠪᠳᠤᠯᠬᠤ ᠳᠠᠢ᠌ᠯᠠᠯᠳᠤᠭ᠋ᠠᠨ ᠪᠠ ᠰᠢᠨᠡ ᠲᠢᠳᠡᠮᠯᠢᠭ ᠠᠭᠣᠰᠬᠢᠨ ᠦᠷᠪᠢᠰᠦᠯᠢ ᠰᠡᠷᠭᠡᠢ᠌ᠯᠡᠨ ᠡᠵᠡᠮᠳᠡᠬᠦ ᠠᠵᠢᠯᠤᠨ ᠦᠷᠡ ᠪᠦᠲᠦᠮᠵᠢ ᠵᠢ ᠳᠡᠯᠭᠡᠷᠡᠭᠦᠯᠦᠨ ᠂ ᠠᠭᠤᠯᠭᠠ ᠰᠡᠳᠦᠪᠯᠡᠬᠦᠨ ᠵᠶ᠋ᠡᠨ ᠪᠠᠶᠠᠯᠢᠭᠵᠢᠭᠣᠯᠵᠣ᠂ ᠣᠩᠰᠢᠭᠴᠢ ᠲᠦᠮᠡᠨᠳᠤᠪᠠᠨ ᠤᠯᠠᠮ ᠰᠠᠢ᠌ᠬᠠᠨ ᠦᠢ᠍ᠯᠡᠴᠢᠯᠡᠵᠦ ᠂ ᠨᠡᠢ᠌ᠭᠡᠮᠤᠨ ᠦᠷᠡ ᠨᠦᠯᠦᠭᠡᠪᠠᠨ ᠳᠡᠭᠡᠭᠰᠢᠯᠡᠭᠦᠯᠬᠦᠪᠠᠷ᠂ 2020 ᠣᠨ ᠤ《ᠨᠡᠢ᠌ᠭᠡᠮ》ᠰᠡᠳᠭᠦᠯᠳᠤᠪᠠᠨ《ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤ ᠪᠣᠭᠣᠮᠲᠠ ᠰᠢᠪᠳᠤᠯᠬᠤ ᠳᠠᠢ᠌ᠯᠠᠯᠳᠤᠭ᠋ᠠᠨᠤ ᠬᠣᠰᠢᠭᠣᠴᠢ》᠂《ᠲᠥᠷᠦ ᠵᠢᠨ ᠪᠣᠳᠣᠯᠭᠠ ᠵᠢᠨ ᠲᠠᠢ᠌ᠯᠣᠮᠵᠢ》᠂《8 ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠰᠢᠰᠲᠸᠮᠤᠨᠬᠢᠨᠤ ᠲᠡᠷᠢᠭᠦᠨᠤ ᠬᠦᠮᠦᠨᠤ ᠵᠢᠱ᠌ᠢᠶᠡᠴᠢ ᠠᠵᠢᠯᠯᠠᠭᠠ》᠂《ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠮᠡᠳᠡᠭᠡ ᠵᠠᠩᠬᠢ》᠂《ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤ ᠪᠣᠭᠣᠮᠲᠠ ᠰᠢᠪᠳᠤᠯᠬᠤ ᠳᠠᠢ᠌ᠯᠠᠯᠳᠤᠭ᠋ᠠᠨᠤ ᠦᠷᠡ ᠪᠦᠲᠦᠮᠵᠢ》᠂《ᠬᠢᠩᠭ᠋ᠠᠨ ᠠᠢ᠌ᠮᠠᠭᠤᠨ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤ ᠪᠣᠭᠣᠮᠲᠠ ᠰᠢᠪᠳᠤᠯᠬᠤ ᠳᠠᠢ᠌ᠯᠠᠯᠳᠤᠭ᠋ᠠᠨ》 ᠵᠡᠷᠭᠡ ᠰᠢᠨᠡ ᠪᠣᠯᠣᠩᠠᠴᠠᠢ ᠨᠡᠬᠡᠬᠡᠵᠦ᠂ ᠬᠠᠮᠢᠶᠠ ᠪᠦᠬᠦᠢ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠢ ᠲᠦᠪᠯᠡᠷᠡᠭᠦᠯᠦᠨ ᠨᠡᠢ᠌ᠲᠡᠯᠡᠭᠰᠡᠨ ᠪᠠᠢ᠌ᠨᠠ᠃ ᠨᠡᠩ ᠢᠯᠠᠩᠭᠣᠶᠠ᠂ ᠠᠯᠳᠠᠷᠲᠤ ᠮᠠᠳᠡᠭᠡᠯᠡᠯᠤᠨ ᠤᠷᠠᠨ ᠵᠤᠬᠢᠶᠠᠯᠴᠢᠳ ᠪᠦᠷᠢᠨᠪᠠᠶᠠᠷ᠂ ᠠᠯᠳᠠᠷᠲᠤ ᠵᠣᠬᠢᠶᠠᠯᠴᠢ ᠬᠠᠩᠳᠠᠭᠤᠳ ᠤᠰᠤᠨᠪᠤᠳᠤᠭ ᠨᠠᠷ ᠢ ᠤᠷᠢᠵᠤ ᠂ ᠵᠠᠷᠤᠳ ᠬᠤᠰᠢᠭᠤᠨᠤ ᠪᠠᠶᠠᠨᠲᠠᠯᠠ ᠰᠤᠮᠤ ᠵᠢᠨ ᠵᠡᠭᠦᠨ ᠰᠠᠯᠠᠭᠠ ᠭᠠᠴᠠᠭᠠ ᠵᠢᠨ ᠨᠠᠮᠤᠨ ᠡᠭᠦᠷᠤᠨ ᠱᠦᠵᠢ᠂ ᠭᠠᠴᠠᠭᠠ ᠵᠢᠨ ᠵᠦᠪᠯᠡᠯᠤᠨ ᠡᠷᠬᠢᠯᠡᠭᠴᠢ᠂《ᠮᠠᠯᠴᠢᠨ ᠠᠢ᠌ᠯ ᠦᠬᠡᠷ ᠲᠡᠵᠢᠭᠡᠬᠦ ᠲᠣᠰᠬᠠᠢ ᠬᠣᠷᠰᠢᠶᠠᠵᠢᠯ》ᠤᠨ ᠬᠡᠷᠡᠭ ᠡᠷᠬᠢᠯᠡᠭᠴᠢ ᠳᠠᠷᠤᠭᠠ ᠡᠦ ᠶᠦᠨ ᠪᠦᠸᠸ ᠵᠢ ᠰᠣᠷᠪᠣᠯᠵᠢᠯᠠᠭᠣᠯᠣᠨ ᠪᠢᠴᠢᠭᠦᠯᠦᠭᠰᠡᠨ《ᠮᠠᠯᠴᠢᠨ ᠠᠢ᠌ᠯᠤᠨ ᠵᠠᠮ》 ᠭᠡᠬᠦ ᠪᠠᠷᠢᠮᠲᠠᠲᠤ ᠷᠣᠮᠠᠨᠢ 《ᠨᠡᠢ᠌ᠭᠡᠮ》 ᠰᠡᠳᠭᠦᠯ ᠳᠡᠭᠡᠷᠡᠪᠠᠨ ᠠᠷᠪᠠᠨ ᠬᠤᠭᠤᠴᠠᠭᠠᠪᠠᠷ ᠦᠷᠭᠦᠯᠵᠢᠯᠡᠨ ᠨᠡᠢ᠌ᠲᠡᠯᠡᠭᠡᠳ ᠨᠡᠢ᠌ᠭᠡᠮ ᠳᠡᠭᠡᠷᠡ ᠦᠷᠭᠡᠨ ᠨᠦᠯᠦᠭᠡ ᠳᠡᠯᠭᠡᠷ ᠲᠤᠰᠬᠠᠯᠲᠠᠢ ᠪᠣᠯᠣᠭᠰᠠᠨ ᠪᠠᠢ᠌ᠨᠠ᠃
ᠪᠢ ᠮᠦᠨ ᠬᠦ᠌《ᠬᠣᠣᠰ ᠬᠠᠷᠢᠭᠣᠴᠠᠯᠭᠠ》ᠪᠠᠨ ᠨᠠᠷᠢᠨ ᠬᠢᠨᠠᠮᠠᠭ᠋ᠠᠢ ᠭᠦᠢ᠍ᠴᠡᠳᠭᠡᠨ᠂ ᠭᠣᠣᠯ ᠴᠣᠭᠴᠠ ᠵᠢᠨ ᠡᠭᠦᠷᠭᠡ ᠬᠠᠷᠢᠭᠣᠴᠠᠯᠭᠠᠪᠠᠨ ᠯᠠᠪᠳᠠᠭᠣᠨ ᠬᠡᠷᠡᠭᠵᠢᠭᠦᠯᠦᠨ᠂ ᠰᠡᠳᠭᠦᠯᠤᠨ ᠬᠣᠷᠢᠶᠠᠨᠤ ᠨᠠᠮᠤᠨ ᠡᠭᠦᠷᠤᠨ ᠵᠶ᠋ᠡᠨ ᠨᠠᠮᠤᠨ ᠪᠠᠢ᠌ᠭᠣᠯᠣᠯᠲᠠ ᠵᠢᠨ ᠠᠵᠢᠯ ᠵᠶ᠋ᠠᠨ ᠨᠠᠢ᠌ᠳᠠᠪᠤᠷᠢᠲᠠᠢ ᠦᠷᠨᠢᠭᠦᠯᠵᠦ᠂ ᠦᠵᠡᠯ ᠤᠬᠠᠮᠰᠠᠷᠤᠨ ᠬᠡᠯᠪᠡᠷᠢ ᠵᠢᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠵᠢᠨ ᠳᠦᠷᠢᠮᠢ ᠪᠠᠳᠤᠲᠠᠢ ᠵᠢᠷᠣᠮᠯᠠᠵᠠᠢ᠃ 2020 ᠣᠨᠤ 9 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠮᠠᠨᠣᠰᠤᠨ ᠦᠪᠦᠷ ᠮᠣᠩᠭᠣᠯᠤᠨ ᠨᠣᠮᠤᠨ ᠰᠠᠩᠤᠨ ᠲᠠᠪᠤᠳᠤᠭ᠋ᠠᠷ ᠨᠠᠮᠤᠨ ᠡᠭᠦᠷᠲᠠᠢ ᠬᠠᠮᠲᠤᠷᠠᠨ ᠦᠷᠨᠢᠭᠦᠯᠦᠭᠰᠡᠨ《ᠦᠢ᠍ᠯᠡᠴᠢᠯᠡᠭᠡᠨᠤ ᠤᠬᠠᠮᠰᠠᠷᠢ ᠪᠣᠢ ᠪᠣᠯᠭ᠋ᠠᠵᠤ ᠰᠣᠳᠣᠨ ᠪᠦᠳᠦᠭᠡᠯ ᠵᠶ᠋ᠡᠨ ᠠᠷᠠᠳ ᠲᠦᠮᠡᠨᠳᠤᠪᠠᠨ ᠳᠡᠪᠰᠢᠭᠦᠯᠬᠦ》 ᠭᠣᠣᠯ ᠰᠡᠳᠦᠪᠲᠦ ᠨᠠᠮᠤᠨ ᠡᠳᠦᠷᠤᠨ ᠠᠵᠢᠯᠯᠠᠭᠠᠨᠢ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮ ᠵᠢᠨ ᠰᠢᠯᠢᠳᠡᠭ ᠨᠠᠮᠤᠨ ᠡᠳᠦᠷᠤᠨ ᠠᠵᠢᠯᠯᠠᠭᠠᠪᠠᠷ ᠰᠣᠩᠭᠣᠭᠳᠠᠭᠰᠠᠨ ᠰᠠᠨᠵᠠᠢ᠃
2020 ᠣᠨᠤ 8 ᠳ᠋ᠤᠭ᠋ᠠᠷ ᠰᠠᠷᠠᠳᠤ ᠪᠢ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮ ᠤᠨ ᠮᠣᠩᠭᠣᠯ ᠰᠦᠯᠵᠢᠶᠡ ᠵᠢ ᠦᠷᠭᠡᠳᠭᠡᠨ ᠪᠠᠢ᠌ᠭᠤᠯᠵᠤ᠂ ᠬᠠᠮᠢᠶᠠᠷᠣᠯᠲᠠᠪᠠᠨ ᠴᠢᠩᠭ᠋ᠠᠳᠬᠠᠨ᠂ ᠣᠨᠤ ᠡᠴᠦᠰᠤᠨ ᠬᠢᠨᠠᠯᠲᠠ ᠰᠢᠯᠭ᠋ᠠᠯᠲᠠ ᠵᠢᠨᠢ ᠠᠮᠵᠢᠯᠲᠠ ᠲᠡᠭᠦᠰ ᠪᠡᠶᠡᠯᠡᠬᠦᠯᠬᠦᠪᠠᠷ᠂ ᠤᠤᠯᠤᠨ ᠲᠥᠪ ᠲᠸᠯᠸᠢᠰᠤᠨ ᠵᠢᠷᠣᠭᠯᠠᠭ᠋ᠠᠴᠢ᠂ ᠰᠤᠷᠪᠤᠯᠵᠢᠯᠠᠭᠴᠢ᠂ ᠣᠷᠴᠢᠭᠣᠯᠣᠭᠴᠢ ᠰᠠᠢ᠌᠊· ᠰᠡᠴᠡᠨᠪᠠᠭ᠋ᠠᠲᠤᠷᠢ《ᠤᠯᠠᠯᠵᠢᠨ ᠪᠦᠷᠭᠡ》ᠠᠴᠠᠨᠢ ᠤᠷᠢᠨ ᠵᠠᠯᠠᠵᠤ ᠠᠪᠴᠢᠷᠠᠭ᠋ᠠᠳ᠂ ᠰᠦᠯᠵᠢᠶᠡᠨᠤ ᠨᠠᠢ᠌ᠷᠠᠭᠣᠯᠣᠭᠴᠢ᠂ ᠰᠡᠳᠭᠦᠯᠤᠨ ᠨᠠᠢ᠌ᠷᠠᠭᠣᠯᠣᠭᠴᠢᠪᠠᠷ ᠠᠵᠢᠯᠯᠠᠭᠤᠯᠵᠠᠢ᠃ ᠮᠠᠨᠤᠰᠤᠨ ᠳᠦᠷᠪᠡᠨ ᠰᠠᠷᠠ ᠵᠢᠨ ᠬᠠᠲᠠᠭᠤᠵᠢᠯᠲᠠᠢ ᠴᠢᠷᠮᠠᠢ᠌ᠯᠭᠠᠪᠠᠷ ᠳᠠᠮᠵᠢᠨ ᠮᠣᠩᠭᠣᠯ ᠰᠦᠯᠵᠢᠶᠡᠪᠠᠨ ᠨᠡᠯᠢᠶᠡᠳ ᠪᠦᠷᠢᠨ ᠲᠡᠭᠦᠯᠳᠡᠷ ᠪᠣᠯᠭ᠋ᠠᠨ ᠪᠦᠲᠦᠭᠡᠨ ᠪᠠᠢ᠌ᠭᠣᠯᠵᠣ᠂ ᠳᠤᠲᠠᠭᠤᠳᠠᠯ ᠵᠶ᠋ᠠᠨ ᠨᠦᠬᠦᠪᠦᠷᠢᠯᠡᠭᠰᠡᠨᠠᠴᠠ 2020 ᠣᠨᠤ ᠡᠭᠡᠯᠵᠢ ᠵᠢᠨ ᠰᠦᠯᠵᠢᠶᠡᠨᠤ ᠲᠣᠭᠠ ᠪᠠᠷᠢᠮᠲᠠ ᠵᠢᠨ ᠪᠦᠷᠢᠳᠭᠡᠯᠤᠨ ᠠᠵᠢᠯᠤᠨ ᠬᠢᠨᠠᠯᠲᠠ ᠰᠢᠯᠭ᠋ᠠᠯᠲᠠ ᠵᠢ ᠠᠮᠵᠢᠯᠲᠠᠲᠠᠢ ᠲᠤᠭᠤᠯᠤᠨ 78.5 ᠬᠤᠪᠢ ᠣᠯᠵᠣ᠂ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠰᠢᠭᠤᠳ ᠬᠠᠷᠢᠶᠠ ᠪᠠᠢ᠌ᠭᠣᠯᠭᠠ ᠵᠢᠨ ᠮᠣᠩᠭᠣᠯ ᠰᠦᠯᠵᠢᠶᠡ ᠵᠢᠨ ᠵᠢᠭᠰᠠᠭ᠋ᠠᠯᠲᠠᠳᠤ ᠨᠠᠢ᠍ᠮᠠᠳᠤᠭ᠋ᠠᠷ ᠨᠡᠷᠡᠰᠲᠤ ᠳᠡᠪᠰᠢᠭᠰᠡᠨ ᠪᠠᠢ᠌ᠨᠠ᠃
ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮ ᠤᠨ 2020 ᠣᠨᠤ ᠡᠭᠡᠯᠵᠢ ᠵᠢᠨ ᠭᠠᠵᠠᠷᠤᠨ ᠳᠡᠰᠤᠨ ᠺᠠᠳ᠋ᠷᠤᠨ ᠠᠵᠢᠯᠤᠨ ᠬᠢᠨᠠᠯᠲᠠ ᠪᠠᠢ᠌ᠴᠠᠭ᠋ᠠᠯᠲᠠᠳᠤ᠂ ᠪᠢ ᠦᠩᠭᠡ ᠭᠡᠷᠡᠯᠲᠠᠢᠪᠠᠷ ᠰᠢᠯᠢᠳᠡᠭ ᠦᠷᠡ ᠪᠦᠲᠦᠮᠵᠢ ᠬᠦᠷᠲᠡᠭᠰᠡᠨᠨᠢ ᠮᠦᠨ ᠮᠢᠨᠦ ᠶᠢᠰᠦᠨ ᠰᠠᠷᠠ ᠭᠠᠷᠣᠢ ᠵᠢᠨ ᠠᠵᠢᠯᠤᠨ ᠲᠣᠬᠠᠢ ᠦᠨᠡᠨᠯᠡᠯᠲᠡ ᠪᠠ ᠤᠷᠮᠠᠰᠢᠭᠣᠯᠣᠯ ᠪᠣᠯᠵᠠᠢ᠃ ᠪᠢ ᠡᠭᠦᠨ ᠵᠶ᠋ᠡᠷ ᠵᠶ᠋ᠡᠨ ᠡᠷᠴᠢ ᠵᠠᠯᠭ᠋ᠠᠨ᠂ ᠬᠣᠢ᠌ᠰᠢᠳᠠ ᠵᠢᠨ ᠠᠵᠢᠯ ᠠᠯᠪᠠᠳᠤᠪᠠᠨ ᠮᠠᠬᠠᠷᠠᠨ ᠵᠢᠳᠬᠦᠵᠦ᠂ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠦᠢ᠍ᠯᠡᠰᠤᠨ ᠴᠢᠨᠠᠷᠯᠢᠭ ᠬᠦᠭᠵᠢᠯᠲᠡ ᠵᠢᠨ ᠲᠦᠯᠦᠭᠡ ᠰᠢᠮᠳᠠᠨ ᠠᠵᠢᠯᠯᠠᠨ᠂《ᠨᠡᠢ᠌ᠭᠡᠮ》 ᠰᠡᠳᠭᠦᠯᠤᠨ ᠠᠵᠢᠯᠳᠤ ᠬᠦᠴᠦᠨ ᠴᠢᠳᠠᠯ ᠵᠶ᠋ᠠᠨ ᠬᠠᠷᠠᠮ ᠦᠬᠡᠢ ᠵᠣᠷᠢᠭᠣᠯᠣᠨᠠ ᠳ᠋ᠠ！
2021 ᠣᠨᠳᠤᠪᠠᠨ᠂ ᠳᠣᠮᠳᠠᠳᠣ ᠣᠯᠣᠰᠤᠨ ᠡᠪ ᠬᠠᠮᠲᠤ ᠨᠠᠮ ᠪᠠᠢ᠌ᠭᠤᠯᠤᠭᠳᠠᠭᠰᠠᠨ100 ᠵᠢᠯᠤᠨ ᠣᠢ ᠵᠢ ᠪᠠᠶᠠᠷᠯᠠᠨ ᠪᠡᠯᠭᠡᠯᠡᠵᠦ᠂ ᠨᠠᠮᠤᠨ ᠲᠡᠦᠬᠡ ᠵᠢᠨ ᠰᠣᠷᠣᠯᠴᠠᠭᠠ ᠬᠦᠮᠦᠵᠢᠯᠢ ᠢᠳᠡᠪᠬᠢᠲᠡᠢ ᠤᠬᠠᠭᠤᠯᠤᠨ᠂ ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠳᠡᠨᠤ ᠬᠠᠮᠲᠤ ᠵᠢᠨ ᠴᠣᠭᠴᠠ ᠵᠢᠨ ᠤᠬᠠᠮᠰᠠᠷᠢ ᠪᠠᠲᠤᠳᠬᠠᠨ᠂《ᠨᠡᠢ᠌ᠭᠡᠮ》 ᠰᠡᠳᠭᠦᠯᠤᠨ ᠵᠶ᠋ᠡᠨ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ 30 ᠵᠢᠯᠤᠨ ᠣᠢ ᠵᠢ ᠳᠤᠷᠠᠰᠬᠠᠵᠤ᠂ ᠰᠡᠳᠭᠦᠯ ᠵᠶ᠋ᠡᠨ ᠤᠯᠠᠮ ᠦᠩᠭᠡ ᠣᠨᠴᠠᠯᠢᠭᠲᠠᠢ ᠰᠠᠢ᠌ᠬᠠᠨ ᠡᠷᠬᠢᠯᠡᠬᠦ ᠪᠠᠷ᠂ ᠰᠢᠨᠡ ᠣᠨᠤ《ᠨᠡᠢ᠌ᠭᠡᠮ》ᠰᠡᠳᠭᠦᠯᠳᠤᠪᠠᠨ《ᠨᠠᠮᠤᠨ ᠠᠷᠪᠠ ᠶᠢᠰᠦᠳᠦᠭᠡᠷ ᠬᠣᠭᠣᠴᠠᠭ᠋ᠠᠨᠤ ᠲᠠᠪᠣᠳᠣᠭ᠋ᠠᠷ ᠪᠦᠭᠦᠳᠡ ᠬᠣᠷᠠᠯᠤᠨ ᠵᠣᠷᠢᠭ ᠰᠠᠨᠠᠭᠠ ᠵᠢ ᠰᠣᠷᠣᠯᠴᠠᠨ ᠲᠣᠭᠣᠰᠢᠯᠠᠭᠣᠯᠬᠣ ᠲᠣᠰᠬᠠᠢ ᠪᠣᠯᠣᠩ》᠂《ᠨᠠᠮ ᠪᠠᠢ᠌ᠭᠣᠯᠣᠭᠳᠠᠭᠰᠠᠨ100 ᠵᠢᠯᠤᠨ ᠣᠢ ᠵᠢ ᠪᠠᠶᠠᠷᠯᠠᠨ ᠪᠡᠯᠭᠡᠯᠡᠬᠦ ᠲᠣᠰᠬᠠᠢ ᠪᠣᠯᠣᠩ》᠂《ᠨᠠᠮᠤᠨ ᠲᠡᠦᠬᠡ ᠵᠢᠨ ᠰᠣᠷᠣᠯᠴᠠᠯᠭᠠ ᠬᠦᠮᠦᠵᠢᠯ》᠂《ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠳᠡᠨᠤ ᠬᠠᠮᠲᠤ ᠵᠢᠨ ᠴᠣᠭᠴᠠ ᠵᠢᠨ ᠤᠬᠠᠮᠰᠠᠷᠢ ᠪᠠᠲᠤᠳᠬᠠᠶᠠ》᠂《ᠰᠢᠨᠡ ᠴᠠᠭ ᠦᠶᠡ ᠵᠢᠨ ᠠᠷᠠᠳᠤᠨ ᠶᠠᠪᠣᠳᠠᠯᠤᠨ ᠺᠠᠳ᠋ᠷᠤᠨ ᠴᠣᠭ ᠵᠢᠪᠬᠣᠭᠠ》᠂《ᠬᠡᠪᠯᠡᠯ ᠡᠬᠢᠯᠡᠭᠰᠡᠨ30 ᠵᠢᠯᠤᠨ ᠣᠢ ᠵᠢᠨ ᠨᠠᠨᠳᠢᠨ ᠳᠣᠷᠳᠬᠠᠯ》᠂《ᠠᠷᠰᠯᠠᠨ ᠲᠠᠪᠠᠭ》᠂《ᠳᠦᠷᠦᠭᠡᠨ ᠰᠤᠷ》᠂《ᠠᠯᠲᠠᠨ ᠬᠣᠷᠭᠣ》᠂《ᠰᠦᠯᠵᠢᠶᠡᠨᠤ ᠣᠷᠠᠨ ᠵᠣᠬᠢᠶᠠᠯ》᠂ 《ᠵᠣᠭᠣᠭᠤᠨ ᠦᠷᠭᠦᠭᠡ》᠂《ᠮᠠᠨᠳᠣᠯᠲᠦ ᠬᠦᠳᠡᠭᠡ》《 ᠭᠠᠵᠠᠷ ᠤᠰᠤᠨᠤ ᠨᠡᠷᠡ》᠂ 《ᠠᠢ᠌ᠮᠠᠭ ᠬᠤᠲᠠ ᠵᠢᠨ ᠮᠡᠳᠡᠭᠡ ᠵᠠᠩᠭᠢ》ᠵᠡᠷᠭᠡ ᠰᠢᠨᠡ ᠰᠣᠳᠣᠨ ᠪᠣᠯᠣᠩᠤᠳᠢ ᠨᠡᠬᠡᠬᠡᠯᠡ᠃ 2021 ᠣᠨ ᠤ ᠨᠠᠢ᠍ᠮᠠᠳᠤᠭ᠋ᠠᠷ ᠬᠣᠭᠣᠴᠠᠭᠠᠠᠴᠠᠪᠠᠨ ᠡᠬᠢᠯᠡᠨ᠂ 《ᠴᠢᠭᠴᠢ ᠵᠠᠰᠠᠭ》᠂ 《ᠬᠠᠯᠠᠮᠰᠢᠯ ᠵᠣᠭᠣᠭ》᠂《ᠨᠠᠰᠤᠲᠠᠨ ᠪᠤᠭᠤᠷᠤᠯᠳᠤᠪᠠᠨ ᠦᠢ᠍ᠯᠡᠴᠢᠯᠡᠶᠡ》᠂《ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠰᠣᠶᠤᠯ》᠂《ᠪᠤᠶᠠᠨᠰᠠᠭ ᠦᠢ᠍ᠯᠡᠰ》 ᠵᠡᠷᠭᠡ ᠠᠷᠠᠳᠤᠨ ᠶᠠᠪᠤᠳᠠᠯ᠂ ᠠᠷᠠᠳᠤᠨ ᠠᠮᠢᠳᠤᠷᠠᠯᠳᠤ ᠰᠢᠭᠤᠳ ᠬᠤᠯᠪᠤᠭᠳᠠᠭᠰᠠᠨ ᠰᠢᠨᠡ ᠪᠣᠯᠣᠩᠤᠳᠢ ᠨᠡᠮᠡᠨ ᠨᠡᠬᠡᠬᠡᠭᠰᠡᠨ ᠪᠢᠯᠡ᠃ ᠮᠦᠨ ᠴᠤ᠌ ᠳᠣᠮᠳᠠᠳᠣ ᠣᠯᠣᠰᠤᠨ ᠡᠪ ᠬᠠᠮᠲᠤ ᠨᠠᠮ ᠪᠠᠢ᠌ᠭᠤᠯᠤᠭᠳᠠᠭᠰᠠᠨ100 ᠵᠢᠯᠤᠨ ᠣᠢ ᠵᠢ ᠪᠡᠯᠡᠭᠡᠯᠡᠬᠦ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠡᠯᠰᠡᠬᠦ ᠠᠵᠢᠯᠯᠠᠭᠠ᠂ 《ᠨᠡᠢ᠌ᠭᠡᠮ》 ᠰᠡᠳᠭᠦᠯᠤᠨ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ 30 ᠵᠢᠯᠤᠨ ᠣᠢ ᠵᠢ ᠳᠤᠷᠠᠰᠬᠠᠬᠤ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠡᠯᠰᠡᠬᠦ ᠠᠵᠢᠯᠯᠠᠭᠠ ᠦᠷᠨᠢᠭᠦᠯᠵᠤ᠂ ᠪᠦᠬᠦ ᠣᠯᠣᠰᠤᠨ ᠨᠠᠢ᠍ᠮᠠᠨ ᠮᠤᠵᠢ ᠣᠷᠣᠨᠤ ᠬᠡᠪᠴᠢᠶᠡᠨᠠᠴᠠ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠡᠯᠰᠡᠭᠰᠡᠨ ᠶᠤᠮ᠃
ᠵᠠᠮ ᠬᠠᠷᠭᠤᠢ ᠮᠠᠨᠢ ᠰᠣᠨᠣᠯᠵᠠᠭᠰᠠᠭ᠋ᠠᠷ᠂ ᠭᠡᠭᠡᠨ ᠠᠶᠠᠨ ᠮᠠᠨᠢ ᠦᠷᠭᠦᠯᠵᠢᠯᠡᠭᠰᠡᠭᠡᠷ ᠁
ᠵᠣᠬᠢᠶᠠᠭᠴᠢ ᠵᠢᠨ ᠬᠠᠶᠢᠭ᠄ ᠬᠦᠬᠡᠬᠣᠲᠠ ᠵᠢᠨ ᠰᠠᠢ᠌ᠬᠠᠨ ᠲᠣᠭᠣᠷᠢᠭ