— ᠲᠤᠰ ᠰᠡᠳᠬᠦᠯᠤᠨ 30 ᠵᠢᠯᠤᠨ ᠣᠢ ᠵᠢᠨ ᠪᠠᠶᠠᠷᠲᠤ ᠵᠣᠷᠢᠭᠤᠯᠪᠠ
ᠣᠭᠣᠨᠤᠴᠢᠨ ᠵᠢᠷᠭ᠋ᠠᠯᠲᠤ ᠵᠣᠬᠢᠶᠠᠪᠠ
ᠨᠠᠮᠠ ᠵᠢ ᠠᠬᠠᠮᠠᠳ ᠰᠡᠳᠬᠦᠯᠴᠢ ᠭᠡᠬᠦᠳᠤ ᠠᠷᠠᠢ ᠠᠬᠠᠳᠠᠬᠤᠪᠠᠷ ᠴᠤ᠌ ᠦᠭᠡᠢ ᠪᠠᠢ᠌ᠬᠠ᠂ ᠰᠡᠭᠦᠯᠤᠨ 6 ᠵᠢᠯᠢ ᠨᠡᠮᠡᠪᠡᠯ ᠪᠢ ᠶᠠᠭ 44 ᠵᠢᠯ ᠰᠡᠳᠬᠦᠯᠤᠨ ᠠᠵᠢᠯ ᠬᠢᠵᠠᠢ᠃ ᠮᠠᠨᠤ 〈〈ᠴᠣᠮᠣᠷᠯᠢᠭ〉〉᠂ 〈〈ᠦᠪᠣᠷ ᠮᠣᠩᠭᠣᠯᠤᠨ ᠵᠠᠯᠠᠭᠤᠴᠤᠳ〉〉 ᠰᠡᠳᠬᠦᠯ ᠵᠶ᠋ᠠᠷ ᠠᠪᠴᠤ ᠬᠡᠯᠡᠭᠰᠡᠨ ᠴᠤ᠌ ᠪᠢ ᠦᠶᠤᠭ᠌ ᠲᠠᠩᠰᠤᠭ ᠴᠠᠭᠢᠨᠢ ᠡᠳ᠋ᠯᠡᠭᠰᠡᠨ᠂ ᠭᠠᠴᠢᠭ ᠶᠠᠳᠠᠷᠠᠭᠤ ᠦᠶᠡ ᠵᠢᠨᠢ ᠴᠤ᠌ ᠲᠤᠭᠤᠯᠤᠭᠰᠠᠨ᠃ ᠦᠨᠡᠨᠳᠤᠪᠠᠨ ᠪᠢ ᠲᠡᠢ᠌ᠮᠤ ᠢᠪᠴᠤᠤ ᠦᠵᠡᠯᠲᠠᠢ ᠬᠦᠮᠤᠨ ᠪᠢᠰᠢ᠂ ᠰᠢᠨᠡ ᠬᠡᠷᠡᠭ ᠪᠣᠳᠠᠰᠢ ᠶᠡᠬᠡ ᠳᠤᠷᠠᠲᠠᠢ ᠬᠦᠯᠢᠶᠡᠨ ᠠᠪᠳᠠᠭ ᠶᠤᠮ᠃ ᠭᠡᠪᠡᠴᠤ ᠳᠤᠬᠠᠢ ᠵᠢᠨ ᠦᠶᠡ ᠵᠢᠨ ᠰᠡᠳᠬᠦᠯᠤᠨ ᠠᠵᠢᠯᠤᠨ ᠬᠠᠲᠠᠭᠤ ᠪᠡᠷᠬᠡ ᠪᠠᠢ᠌ᠳᠠᠯ ᠳᠤᠤᠷᠠ᠂ 〈〈ᠤᠷᠤᠭ ᠭᠡᠷ ᠪᠦᠯᠢ ᠨᠡᠢ᠌ᠬᠡᠮ〉〉 ᠭᠡᠬᠦ ᠰᠢᠨᠡ ᠰᠡᠳᠬᠦᠯ ᠡᠷᠬᠢᠯᠡᠨᠡ ᠭᠡᠰᠡᠨᠢ ᠰᠣᠨᠣᠰᠤᠭᠰᠠᠨ ᠳᠠᠷᠤᠢ 《ᠬᠠᠰᠢᠷᠠᠭᠰᠠᠨ ᠣᠭᠣᠨᠤ ᠬᠠᠲᠠᠷᠢᠪᠠ》ᠭᠡᠭᠴᠢᠪᠠᠷ ᠬᠠᠯᠠ ᠵᠢᠨᠢ ᠦᠵᠡᠵᠤ ᠬᠠᠰᠢᠷᠠᠴᠢᠬᠠᠭᠰᠠᠨ ᠨᠠᠳᠠᠳᠤ ᠡᠢ᠌ᠮᠤ ᠬᠣᠶᠠᠷ ᠪᠤᠷᠤᠭᠤ ᠲᠠᠨᠢᠯᠲᠠ ᠪᠣᠢ ᠪᠣᠯᠪᠠ᠃ ᠲᠠᠨᠢᠯᠲᠠ ᠳᠤᠷᠰᠢᠯᠭᠠᠠᠴᠠ ᠢᠷᠡᠳᠡᠭ ᠭᠡᠰᠡᠨᠨᠢ ᠡᠭᠦᠨᠢ ᠬᠡᠯᠡᠵᠤ ᠪᠠᠢ᠌ᠭᠠ ᠴᠤ᠌ ᠪᠣᠯᠪᠠ ᠦᠦ ⁉
ᠪᠤᠷᠤᠭᠤ ᠲᠠᠨᠢᠯᠲᠠ ᠨᠢᠭᠡ
〈〈ᠤᠷᠤᠭ ᠭᠡᠷ ᠪᠦᠯᠢ ᠨᠡᠢ᠌ᠬᠡᠮ〉〉 ᠰᠡᠳᠬᠦᠯ ᠬᠡᠪᠯᠡᠯ ᠡᠬᠢᠯᠡᠬᠦᠠᠴᠠ ᠡᠮᠤᠨᠡ᠂ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮᠤᠨ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠭᠠᠵᠠᠷ （ᠡᠳᠤᠭᠡ ᠨᠡᠢ᠌ᠬᠡᠮᠤᠨ ᠬᠡᠷᠡᠭ ᠶᠠᠪᠤᠳᠠᠯᠤᠨ ᠭᠠᠵᠠᠷ ᠭᠡᠵᠤ ᠪᠣᠢ）ᠤᠨ ᠳᠠᠷᠤᠭᠠ ᠨᠠᠰᠤᠨᠳᠠᠯᠠᠢ ᠠᠬᠠ ᠰᠡᠳᠬᠦᠯ ᠡᠷᠬᠢᠯᠡᠬᠦ ᠳᠤᠬᠠᠢ ᠪᠠᠢ᠌ᠴᠠᠭ᠋ᠠᠨ ᠰᠤᠳᠤᠯᠤᠯᠲᠠ ᠬᠢᠵᠤ᠂ ᠮᠠᠨᠤ ᠰᠡᠳᠬᠦᠯᠤᠨ ᠬᠣᠷᠢᠶᠠᠨᠳᠤ ᠢᠷᠡᠪᠡ ᠃
ᠳᠤᠬᠠᠢ ᠵᠢᠨ ᠦᠶᠡᠳᠤ᠂ ᠮᠠᠨᠤ ᠰᠡᠳᠬᠦᠯᠤᠨ ᠬᠣᠷᠢᠶᠠ ᠴᠦ᠍ ᠪᠣᠰᠤᠳ ᠰᠣᠨᠢᠨ ᠰᠡᠳᠬᠦᠯᠤᠨ ᠬᠣᠷᠢᠶᠠᠲᠠᠢ ᠠᠳᠠᠯᠢᠬᠠᠨ ᠬᠠᠮᠤᠭᠤᠨ ᠭᠠᠴᠢᠭ ᠶᠠᠳᠠᠷᠠᠭᠤ ᠴᠠᠭ ᠦᠶᠡᠳᠤᠪᠠᠨ ᠪᠠᠢ᠌ᠭᠰᠠᠨ ᠶᠤᠮ᠃ ᠨᠡᠢ᠌ᠬᠡᠮ ᠨᠡᠢ᠌ᠲᠡᠪᠠᠷ ᠵᠶ᠋ᠠᠨ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠴᠠᠭ ᠡᠷᠢᠨᠳᠤ ᠣᠷᠣᠵᠤ᠂ ᠵᠠᠷᠤᠳᠠᠯ ᠮᠦᠩᠭᠦ ᠵᠢᠨ ᠲᠠᠯᠠᠪᠠᠷ ᠰᠣᠨᠢᠨ ᠰᠡᠳᠬᠦᠯᠤᠨᠬᠢᠨ ᠪᠦᠷ ᠪᠦᠬᠦ ᠲᠣᠭ᠋ᠠᠨᠤ ᠳᠦᠰᠤᠪᠤᠨ ᠨᠢᠭᠡᠴᠢᠠᠴᠠᠪᠠᠨ ᠵᠦᠷᠢᠶᠡᠨᠲᠤ ᠲᠣᠭ᠋ᠠᠨᠤ ᠳᠦᠰᠤᠪᠤᠨ ᠨᠢᠭᠡᠴᠢ ᠪᠣᠯᠵᠤ᠂ ᠠᠵᠢᠯᠲᠠᠨᠤ ᠬᠢᠨᠢ ᠴᠠᠯᠢᠩᠤᠨ 60% ᠵᠢ ᠡᠳ᠋ᠤᠨ ᠵᠠᠰᠠᠭᠠᠴᠠ ᠦᠭᠴᠤ᠂ ᠪᠣᠰᠤᠳᠢᠨᠢ ᠦᠪᠡᠰᠤᠪᠠᠨ ᠠᠷᠭ᠋ᠠᠴᠠᠭ᠋ᠠᠬᠤ ᠪᠠ ᠰᠡᠳᠬᠦᠯᠤᠨ ᠨᠠᠢ᠌ᠷᠠᠭᠤᠯᠬᠤ᠂ ᠬᠡᠪᠯᠡᠭᠦᠯᠬᠦ᠂ ᠤᠬᠠᠭᠤᠯᠤᠨ ᠵᠠᠬᠢᠶᠠᠯᠠᠭᠤᠯᠬᠤ᠂ ᠳᠠᠷᠬᠠᠭ᠋ᠠᠬᠤ᠂ ᠡᠬᠡ ᠪᠢᠴᠢᠭᠤᠨ ᠬᠠᠷᠠᠮᠵᠢ ᠦᠭᠬᠦ ᠵᠡᠷᠭᠡ ᠠᠵᠢᠯᠳᠤ ᠵᠠᠷᠤᠳᠠᠯ ᠮᠦᠩᠭᠦ ᠬᠦᠷᠤᠯᠴᠡᠬᠦ ᠦᠭᠡᠢ ᠠᠵᠤ ᠠᠬᠤᠢ ᠵᠢᠨ ᠬᠦᠴᠢᠷᠳᠡᠯᠳᠤ ᠲᠤᠯᠭ᠋ᠠᠷᠠᠭᠰᠠᠨ ᠵᠶ᠋ᠠᠷ ᠬᠠᠭ᠋ᠠᠰ ᠰᠠᠷᠠ ᠵᠢᠨ ᠰᠡᠳᠬᠦᠯᠨᠢ ᠰᠠᠷᠠ ᠵᠢᠨ ᠰᠡᠳᠬᠦᠯ᠂ ᠰᠠᠷᠠ ᠵᠢᠨ ᠰᠡᠳᠬᠦᠯᠨᠢ ᠬᠣᠣᠰ ᠰᠠᠷᠠ ᠵᠢᠨ ᠰᠡᠳᠬᠦᠯ ᠪᠣᠯᠵᠤ ᠪᠠᠢ᠌ᠪᠠ᠃ ᠲᠡᠷᠡᠴᠢᠯᠡᠨ ᠰᠡᠳᠬᠦᠯᠳᠤ ᠮᠢᠨᠢ ᠡᠬᠡ ᠪᠢᠴᠢᠭ ᠪᠢᠴᠢᠳᠡᠭ ᠵᠣᠬᠢᠶᠠᠯᠴᠢ ᠵᠣᠬᠢᠶᠠᠭᠴᠢ ᠨᠠᠷ ᠴᠤ᠌ 〈〈ᠳᠠᠯᠠᠢ〉〉ᠳᠤ ᠣᠷᠤᠭ᠋ᠠᠳ ᠠᠷᠠᠯᠵᠢᠶᠠ ᠮᠠᠢ᠌ᠮᠠᠢ ᠬᠢᠬᠦ ᠪᠣᠯᠤᠭᠰᠠᠨ ᠵᠶ᠋ᠠᠷ ᠡᠬᠡ ᠪᠢᠴᠢᠭᠤᠨ ᠢᠷᠡᠯᠲᠡ ᠴᠤ᠌ ᠦᠨᠳᠤᠰᠤᠨᠳᠤᠪᠠᠨ ᠳᠠᠰᠤᠷᠠᠵᠤ ᠪᠠᠢ᠌ᠭᠰᠠᠨ ᠪᠠᠢ᠌ᠳᠠᠯ ᠳᠣᠣᠷᠠ ᠰᠢᠨᠡᠪᠠᠷ ᠰᠡᠳᠬᠦᠯ ᠡᠷᠬᠢᠯᠡᠬᠦ ᠭᠡᠭᠴᠢ ᠭᠤᠨᠵᠢ ᠵᠢᠨ ᠵᠣᠭᠣᠭ ᠭᠡᠵᠤ ᠮᠡᠳᠡ ᠭᠡᠵᠤ ᠪᠣᠳᠣᠵᠤ ᠠᠮᠵᠢᠪᠠ ᠃
ᠪᠤᠷᠤᠭᠤ ᠲᠠᠨᠢᠯᠲᠠ ᠬᠣᠶᠠᠷ
ᠬᠡᠪᠯᠡᠯ ᠡᠬᠢᠯᠡᠬᠦᠳᠤ ᠰᠡᠳᠬᠦᠯᠤᠨ ᠵᠶ᠋ᠠᠨ ᠨᠡᠷᠡ ᠵᠢ 〈〈ᠤᠷᠤᠭ ᠭᠡᠷ ᠪᠦᠯᠢ ᠨᠡᠢ᠌ᠬᠡᠮ〉〉 ᠭᠡᠵᠤ ᠠᠪᠴᠠᠢ᠃ ᠳᠤᠬᠠᠢ ᠵᠢᠨ ᠦᠶᠡᠳᠤ ᠮᠢᠨᠤ ᠮᠡᠳᠡᠬᠦᠪᠠᠷ 〈〈ᠦᠪᠣᠷ ᠮᠣᠩᠭᠣᠯᠤᠨ ᠵᠠᠯᠠᠭᠤᠴᠤᠳ〉〉᠂ 〈〈ᠦᠪᠣᠷ ᠮᠣᠩᠭᠣᠯᠤᠨ ᠡᠮᠡᠭᠲᠡᠢ᠌ᠴᠤᠳ〉〉 ᠵᠡᠷᠭᠡ ᠨᠡᠯᠢᠶᠡᠳ ᠬᠡᠳᠤᠨ ᠰᠡᠳᠬᠦᠯ 〈〈ᠤᠷᠤᠭ ᠭᠡᠷ ᠪᠦᠯᠢ ᠨᠡᠢ᠌ᠬᠡᠮ〉〉 ᠭᠡᠰᠡᠨ ᠪᠤᠯᠤᠩᠲᠠᠢ ᠪᠠᠢ᠌ᠪᠠ᠃ ᠨᠢᠭᠡ ᠪᠤᠯᠤᠩᠤᠨ ᠨᠡᠷᠡᠪᠠᠷ ᠰᠡᠳᠬᠦᠯᠤᠨ ᠨᠡᠷᠡᠪᠠᠨ ᠪᠣᠯᠭ᠋ᠠᠭ᠋ᠠᠳ᠂ ᠰᠡᠳᠬᠦᠯᠤᠨ ᠠᠭᠤᠯᠭᠠ ᠬᠡᠯᠪᠡᠷᠢᠨᠢ ᠳᠠᠩᠴᠤ ᠢᠪᠴᠤᠤ ᠪᠣᠯᠴᠢᠬᠠᠬᠤ ᠪᠢᠰᠢ ᠦᠦ？ ᠭᠡᠵᠤ ᠦᠯᠤ ᠲᠣᠭᠣᠮᠰᠠᠷᠯᠠᠵᠤ ᠪᠠᠢ᠌ᠪᠠ᠃
ᠡᠷᠬᠢᠴᠡᠭᠦᠯᠤᠯ ᠨᠢᠭᠡ
〈〈ᠤᠷᠤᠭ ᠭᠡᠷ ᠪᠦᠯᠢ ᠨᠡᠢ᠌ᠬᠡᠮ〉〉 ᠰᠡᠳᠬᠦᠯ ᠮᠠᠨᠢ 1991 ᠣᠨᠳᠤ ᠬᠡᠪᠯᠡᠯ ᠵᠶ᠋ᠠᠨ ᠡᠬᠢᠯᠡᠭᠰᠡᠨ ᠶᠤᠮ᠃ ᠳᠤᠬᠠᠢ ᠵᠢᠨ ᠦᠶᠡᠳᠤ ᠲᠤᠰ ᠰᠡᠳᠬᠦᠯᠤᠨ ᠬᠣᠷᠢᠶᠠᠨ ᠳᠠᠷᠤᠭᠠ᠂ ᠶᠡᠷᠤᠩᠬᠡᠢ ᠨᠠᠢ᠌ᠷᠠᠭᠤᠯᠤᠭᠴᠢᠪᠠᠷ ᠵᠠᠯᠠᠭᠳᠠᠵᠤ ᠢᠷᠡᠭᠰᠡᠨ ᠮᠦᠩᠬᠡᠨᠠᠰᠤᠨ ᠭᠤᠸᠠᠢ ᠤᠤᠯᠳᠤᠪᠠᠨ ᠮᠦᠨ ᠰᠡᠳᠬᠦᠯᠴᠢ ᠪᠠᠢ᠌ᠭᠰᠠᠨ ᠪᠣᠯᠬᠣᠷ ᠰᠡᠳᠬᠦᠯ ᠡᠷᠬᠢᠯᠡᠬᠦ ᠠᠵᠢᠯᠤᠨ ᠬᠦᠴᠢᠷ ᠵᠣᠪᠠᠯᠠᠩᠢ ᠮᠡᠳᠡᠨᠡ᠂ ᠭᠡᠪᠡᠴᠤ ᠰᠢᠨᠡ ᠰᠡᠳᠬᠦᠯ ᠪᠣᠰᠬᠠᠵᠤ ᠡᠷᠬᠢᠯᠡᠬᠦ ᠵᠢᠨ ᠨᠡᠩ ᠬᠦᠨᠳᠤ ᠬᠠᠲᠠᠭᠤ ᠬᠦᠴᠢᠷ ᠵᠣᠪᠠᠯᠠᠩᠢ ᠬᠠᠷᠠᠬᠠᠨ ᠲᠡᠢ᠌ᠮᠤ ᠰᠠᠢ᠌ᠨ ᠮᠡᠳᠡᠭᠡᠳᠤᠢ ᠪᠠᠢ᠌ᠪᠠ᠃ 〈〈ᠨᠢᠯᠬᠠ ᠲᠤᠭᠤᠯ ᠪᠠᠷᠰᠠᠴᠠ ᠠᠶᠤᠳᠠᠭ ᠦᠭᠡᠢ〉〉 ᠭᠡᠳᠡᠭ ᠵᠶ᠋ᠠᠷ ᠶᠠᠭᠤ ᠴᠤ᠌ ᠭᠡᠰᠡᠨ ᠲᠡᠷᠡ ᠳᠤᠰᠴᠤ ᠠᠪᠤᠭᠰᠠᠨ ᠠᠵᠢᠯ ᠵᠶ᠋ᠠᠨ ᠡᠬᠢᠯᠡᠭᠦᠯᠪᠡ᠃ ᠲᠡᠭᠦᠨᠤ ᠡᠮᠤᠨᠡ ᠰᠡᠳᠬᠦᠯ ᠵᠶ᠋ᠠᠨ ᠵᠢᠩᠬᠢᠨᠢᠴᠢᠯᠡᠵᠤ ᠡᠷᠤᠬᠡ ᠪᠣᠰᠬᠠᠬᠤ᠂ ᠵᠠᠷᠤᠳᠠᠯ ᠮᠦᠩᠭᠦᠪᠠᠨ ᠠᠷᠭ᠋ᠠᠴᠠᠭ᠋ᠠᠵᠤ ᠡᠨᠳᠡ ᠲᠡᠨᠲᠡᠠᠴᠠ ᠳᠤᠰᠤᠯ ᠭᠤᠶᠤᠬᠤ᠂ ᠠᠯᠪᠠᠨ ᠭᠡᠷ ᠣᠯᠵᠤ ᠠᠵᠢᠯᠲᠠᠨ ᠡᠯᠰᠡᠬᠦ᠂ ᠡᠬᠡ ᠪᠢᠴᠢᠭ ᠵᠣᠬᠢᠶᠠᠨ ᠪᠠᠢ᠌ᠭᠤᠯᠬᠤ᠂ ᠰᠡᠳᠬᠦᠯᠤᠨ ᠠᠭᠤᠯᠭᠠ ᠬᠡᠯᠪᠡᠷᠢᠪᠠᠨ ᠤᠬᠠᠭ᠋ᠠᠯᠠᠨ ᠳᠦᠰᠣᠪᠯᠡᠬᠦ᠂ ᠨᠠᠢ᠌ᠷᠠᠭᠤᠯᠵᠤ ᠬᠠᠷᠭᠤᠭᠤᠯᠬᠤ᠂ ᠬᠢᠨᠠᠵᠤ ᠣᠩᠰᠢᠬᠤ᠂ ᠵᠢᠷᠤᠵᠤ ᠴᠢᠮᠡᠭᠯᠡᠬᠦ᠂ ᠬᠡᠪᠯᠡᠵᠤ ᠳᠠᠷᠬᠠᠭ᠋ᠠᠬᠤ ᠵᠡᠷᠭᠡ ᠲᠣᠭᠠ ᠲᠣᠮᠰᠢ ᠦᠭᠡᠢ ᠠᠵᠢᠯ ᠣᠪᠣᠭ᠋ᠠᠷᠠᠨᠠ᠃ ᠶᠠᠭ᠋ᠠᠬᠢᠯᠲᠠᠢ ᠪᠢᠯᠡ？ ᠲᠤᠯᠵᠤ ᠢᠷᠡᠭᠰᠡᠨ ᠬᠦᠴᠢᠷᠢ ᠲᠤᠭᠤᠯᠵᠤ ᠭᠠᠷᠬᠤᠠᠴᠠ ᠪᠢᠰᠢ ᠲᠣᠭᠣᠷᠢᠵᠤ ᠭᠠᠷᠬᠤ ᠵᠠᠮ ᠲᠡᠭᠦᠨᠳᠤ ᠦᠭᠡᠢ᠃ ᠲᠡᠷᠡ ᠮᠠᠨᠢ ᠨᠠᠢ᠌ᠷᠠᠭᠤᠯᠤᠭᠴᠢ ᠨᠦᠬᠦᠳ ᠵᠶ᠋ᠠᠨ ᠳᠠᠭ᠋ᠠᠭᠤᠯᠤᠨ᠂ ᠨᠢᠭᠡ ᠲᠠᠯᠠᠪᠠᠷ ᠡᠬᠡ ᠪᠢᠴᠢᠭ ᠵᠶ᠋ᠠᠨ ᠨᠠᠢ᠌ᠷᠠᠭᠤᠯᠤᠨ᠂ ᠨᠦᠭᠦᠭᠡ ᠲᠠᠯᠠᠪᠠᠷ ᠦᠪᠣᠷ ᠮᠣᠩᠭᠣᠯ ᠵᠢᠴᠢ ᠬᠦᠬᠡᠨᠠᠭᠤᠷ ᠂ ᠰᠢᠨᠵᠢᠶᠠᠩ᠂ ᠯᠢᠶᠣᠣᠨᠢᠩ᠂ ᠬᠠᠷᠠᠮᠦᠢ᠍ᠷᠠᠨ ᠵᠡᠷᠭᠡ ᠮᠣᠩᠭᠣᠯ ᠦᠭᠡ ᠬᠡᠯᠡ ᠦᠰᠤᠭ᠌ ᠪᠢᠴᠢᠭ ᠬᠡᠷᠡᠭᠯᠡᠵᠤ ᠪᠠᠢ᠌ᠭᠠ ᠬᠤᠰᠢᠭᠤ ᠰᠢᠶᠡᠨ ᠵᠶ᠋ᠠᠷ ᠬᠦᠷᠴᠤ ᠣᠩᠰᠢᠭᠴᠢᠳᠤᠨ ᠵᠶ᠋ᠠᠨ ᠳᠤᠮᠳᠠ ᠭᠦᠨᠵᠡᠭᠡᠢ᠌ᠷᠡᠨ ᠪᠠᠢ᠌ᠴᠠᠭ᠋ᠠᠨ ᠰᠤᠳᠤᠯᠤᠯᠲᠠ ᠬᠢᠪᠡ᠃ 《ᠵᠣᠷᠢᠭᠲᠠᠢ ᠬᠦᠮᠤᠨ ᠴᠢᠳᠠᠯᠲᠠᠢ᠂ ᠵᠣᠷᠢᠯᠭᠠᠲᠠᠢ ᠬᠦᠮᠤᠨ ᠵᠠᠮᠲᠠᠢ》 ᠭᠡᠳᠡᠭ ᠵᠶ᠋ᠠᠷ ᠲᠡᠷᠡ 〈〈ᠠᠮᠢᠳᠤᠷᠠᠯᠳᠤ ᠰᠠᠭᠤᠷᠢᠯᠠᠨ᠂ ᠭᠣᠣᠯᠢᠨᠢ ᠠᠳᠬᠤᠵᠤ᠂ ᠣᠩᠰᠢᠭᠴᠢᠳᠤᠨ ᠵᠶ᠋ᠠᠨ ᠬᠡᠷᠡᠭᠴᠡᠭᠡ ᠱᠠᠭ᠋ᠠᠷᠳᠠᠯᠭᠠ ᠳᠤᠷᠠ ᠰᠣᠨᠢᠷᠬᠠᠯᠳᠤᠨᠢ ᠵᠣᠬᠢᠴᠠᠭᠤᠯᠤᠨ ᠬᠤᠷᠴᠠ ᠰᠢᠷᠤᠭᠦᠨ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠦᠷᠢᠰᠤᠯᠳᠤᠭᠡᠨᠤ ᠳᠤᠮᠳᠠ ᠰᠢᠯᠢᠳᠡᠭ ᠪᠦᠲᠤᠭᠡᠯ᠂ ᠶᠠᠰᠤ ᠴᠢᠨᠠᠷ ᠵᠶ᠋ᠠᠷ ᠵᠶ᠋ᠠᠨ ᠦᠪᠡᠷᠤᠨ ᠭᠡᠰᠡᠨ ᠣᠷᠣᠨ ᠵᠠᠢ ᠣᠷᠣᠰᠢᠯ ᠳᠣᠭᠲᠠᠨᠢᠯ ᠵᠶ᠋ᠠᠨ ᠣᠯᠬᠤ〉〉 ᠰᠡᠳᠬᠦᠯ ᠡᠷᠬᠢᠯᠡᠬᠦ ᠵᠠᠮ ᠵᠶ᠋ᠠᠨ ᠰᠤᠩᠭᠤᠯᠡ᠃ ᠲᠡᠷᠡ ᠮᠠᠨᠢ ᠡᠨᠡ ᠰᠤᠩᠭᠤᠯᠲᠠ ᠵᠢᠨ ᠵᠠᠮ ᠵᠶ᠋ᠠᠨ ᠴᠢᠩᠭᠠ ᠪᠠᠷᠢᠮᠲᠠᠯᠠᠨ ᠬᠠᠲᠠᠭᠤᠵᠢᠯᠲᠠᠢ ᠴᠢᠷᠮᠠᠢ᠌ᠨ ᠠᠵᠢᠯᠯᠠᠭᠰᠠᠨ ᠵᠶ᠋ᠠᠷ ᠬᠦᠴᠢᠷ ᠪᠡᠷᠬᠡ ᠵᠢ ᠪᠣᠰᠤᠳ ᠰᠡᠳᠬᠦᠯᠠᠴᠠ ᠳᠦᠭᠦᠮ ᠲᠦᠳᠡ ᠠᠮᠵᠢᠯᠲᠠ ᠪᠦᠲᠤᠮᠵᠢᠲᠠᠢ ᠲᠤᠭᠤᠯᠵᠤ᠂ ᠣᠷᠣᠨᠤᠪᠠᠨ ᠮᠣᠩᠭᠤᠯ ᠰᠡᠳᠬᠦᠯ ᠰᠣᠨᠢᠨᠤ ᠳᠣᠲᠣᠷᠠᠪᠠᠨ ᠲᠠᠷᠬᠠᠭ᠋ᠠᠯᠲᠠᠪᠠᠷ ᠵᠶ᠋ᠠᠨ ᠣᠷᠣᠢ᠌ᠯᠠᠭᠰᠠᠨ ᠵᠶ᠋ᠠᠷ ᠪᠠᠷᠠᠬᠤ ᠦᠭᠡᠢ ᠪᠣᠰᠤᠳ ᠣᠯᠠᠨ ᠰᠡᠳᠬᠦᠯᠳᠤᠪᠠᠨ ᠬᠡᠪ ᠳᠠᠭᠤᠷᠢᠶᠠᠯ ᠪᠣᠯᠤᠭᠰᠠᠨ ᠪᠠᠢ᠌ᠨᠠ᠃
30 ᠵᠢᠯᠤᠨ ᠬᠤᠭᠤᠴᠠᠭ᠋ᠠᠨᠳᠤ᠂ 〈〈ᠤᠷᠤᠭ ᠭᠡᠷ ᠪᠦᠯᠢ ᠨᠡᠢ᠌ᠬᠡᠮ〉〉 ᠰᠡᠳᠬᠦᠯ ᠮᠠᠨᠢ ᠳᠤᠷᠰᠢᠯᠲᠠ ᠵᠢᠨ ᠬᠤᠭᠤᠴᠠᠭᠠ᠂ ᠤᠯᠠᠷᠢᠯᠤᠨ ᠰᠡᠳᠬᠦᠯ᠂ ᠬᠣᠣᠰ ᠰᠠᠷᠠ ᠵᠢᠨ ᠰᠡᠳᠬᠦᠯ᠂ ᠰᠠᠷᠠ ᠵᠢᠨ ᠰᠡᠳᠬᠦᠯ ᠭᠡᠵᠤ ᠤᠯᠠᠷᠢᠨ ᠬᠤᠪᠢᠷᠠᠭ᠋ᠠᠳ᠂ ᠡᠳᠤᠭᠡ ᠨᠢᠭᠡᠨᠲᠡ ᠭᠤᠷᠪᠠᠨ ᠵᠠᠭᠤᠨ ᠠᠷᠪᠠᠨ ᠬᠡᠳᠤᠨ ᠬᠤᠭᠤᠴᠠᠭᠠ ᠬᠡᠪᠯᠡᠭᠳᠡᠭᠰᠡᠨ ᠪᠠᠢ᠌ᠨᠠ᠃ 2009 ᠣᠨᠳᠤ ᠰᠡᠳᠬᠦᠯᠤᠨ ᠨᠡᠷᠡᠪᠠᠨ 〈〈ᠨᠡᠢ᠌ᠬᠡᠮ〉〉 ᠰᠡᠳᠬᠦᠯ ᠭᠡᠵᠤ ᠬᠠᠯᠠᠨ ᠠᠭᠤᠯᠭᠠᠪᠠᠨ ᠨᠡᠩ ᠡᠯᠪᠡᠭ ᠪᠠᠶᠠᠯᠢᠭ ᠪᠣᠯᠭ᠋ᠠᠵᠤ ᠰᠢᠨᠡᠳᠬᠡᠭᠡᠳ᠂ ᠦᠨᠳᠤᠰᠤᠨ ᠱᠠᠲᠤ᠂ ᠲᠦᠪ ᠬᠣᠲᠠ᠂ ᠣᠷᠣᠨᠤ ᠳᠣᠳᠤᠨᠠ ᠭᠠᠳᠠᠨᠠ ᠵᠢ ᠢᠯᠭ᠋ᠠᠯ ᠦᠭᠡᠢᠪᠠᠷ ᠮᠣᠩᠭᠣᠯ ᠰᠤᠶᠤᠯᠳᠤᠪᠠᠨ ᠬᠠᠢ᠌ᠷᠠᠲᠠᠢ᠂ ᠵᠢᠳᠬᠦᠯᠲᠠᠢ᠂ ᠨᠡᠷᠡ ᠲᠦᠷᠤᠲᠠᠢ ᠠᠬᠠᠮᠠᠳ ᠢᠳᠡᠷ ᠵᠠᠯᠠᠭᠤ ᠬᠦᠮᠤᠰᠤᠨ ᠰᠡᠭᠦᠳᠡᠷᠢ ᠰᠡᠳᠬᠦᠯᠤᠨ ᠵᠶ᠋ᠠᠨ ᠨᠢᠭᠤᠷᠲᠤ ᠨᠡᠢ᠌ᠲᠡᠯᠡᠵᠤ᠂ ᠠᠮᠵᠢᠯᠲᠠ ᠪᠦᠲᠤᠭᠡᠯᠢᠨᠢ ᠣᠩᠰᠢᠭᠴᠢᠳᠲᠤᠪᠠᠨ ᠲᠠᠨᠢᠯᠴᠠᠭᠤᠯᠵᠠᠢ᠃ ᠡᠭᠦᠨᠤ ᠬᠠᠮᠲᠤ ᠰᠡᠳᠬᠦᠯᠤᠨ ᠵᠶ᠋ᠠᠨ ᠶᠠᠰᠤ ᠴᠢᠨᠠᠷᠢ ᠴᠢᠩᠭᠠ ᠪᠠᠲᠤᠯᠠᠬᠤ ᠵᠢᠨ ᠳᠤᠰᠠᠳᠠ᠂ 〈〈ᠨᠠᠢ᠌ᠷᠠᠭᠤᠯᠤᠭᠴᠢ ᠵᠢ ᠬᠢᠨᠠᠨ ᠰᠢᠯᠭ᠋ᠠᠷᠠᠭᠤᠯᠬᠤ ᠠᠷᠭᠠ〉〉᠂ 〈〈ᠬᠢᠨᠠᠨ ᠣᠩᠰᠢᠬᠤ ᠬᠠᠷᠢᠭᠤᠴᠠᠯᠭᠠ ᠨᠡᠬᠡᠮᠵᠢᠯᠡᠬᠦ ᠲᠦᠷᠢᠮ〉〉᠂ 〈〈ᠡᠳ᠋ᠤᠨ ᠶᠠᠪᠤᠳᠠᠯᠤᠨ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠳᠣᠭᠲᠠᠭ᠋ᠠᠯ〉〉 ᠵᠡᠷᠭᠡ ᠳᠦᠷᠢᠮ ᠳᠣᠭᠲᠠᠭ᠋ᠠᠯᠤᠳᠢ ᠳᠣᠭᠲᠠᠭ᠋ᠠᠨ ᠲᠡᠭᠦᠯᠳᠡᠷᠵᠢᠭᠦᠯᠵᠤ᠂ ᠬᠠᠮᠢᠶᠠᠷᠤᠯᠲᠠᠪᠠᠨ ᠴᠢᠩᠭ᠋ᠠᠳᠬᠠᠭᠰᠠᠨᠠᠴᠠ ᠠᠵᠢᠯ ᠦᠢ᠍ᠯᠡᠰᠨᠢ ᠤᠯᠠᠮ ᠢᠯᠭᠤᠮ ᠤᠷᠤᠭᠰᠢᠲᠠᠢ ᠪᠣᠯᠤᠭᠰᠠᠨ ᠪᠠᠢ᠌ᠨᠠ᠃ ᠢᠩᠬᠢᠭᠰᠡᠨ ᠵᠶ᠋ᠠᠷ ᠲᠤᠰ ᠰᠡᠳᠬᠦᠯᠨᠢ 1996 ᠣᠨᠳᠤ ᠤᠮᠠᠷᠠᠲᠤ ᠣᠷᠣᠨᠤ ᠭᠤᠷᠪᠠᠳᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ ᠠᠷᠪᠠᠨ ᠰᠤᠳᠤᠨ ᠬᠤᠭᠤᠴᠠᠭ᠋ᠠᠲᠤ ᠰᠡᠳᠬᠦᠯᠤᠨ ᠰᠢᠯᠭ᠋ᠠᠷᠠᠭᠤᠯᠤᠯᠲᠠᠳᠤ 〈〈ᠰᠢᠯᠢᠳᠡᠭ ᠬᠤᠭᠤᠴᠠᠭ᠋ᠠᠲᠤ ᠰᠡᠳᠬᠦᠯ〉〉 ᠵᠶ᠋ᠠᠷ ᠦᠨᠡᠯᠡᠭᠳᠡᠨ᠂ 2002 ᠣᠨᠳᠤ ᠲᠦᠪᠤᠨ ᠤᠬᠠᠭᠤᠯᠬᠤ ᠭᠡᠯᠲᠡᠰ ᠪᠠ ᠤᠯᠤᠰᠤᠨ ᠰᠣᠨᠢᠨ ᠮᠡᠳᠡᠭᠡ ᠬᠡᠪᠯᠡᠯᠤᠨ ᠶᠡᠷᠤᠩᠬᠡᠢ ᠵᠠᠬᠢᠷᠭᠠ ᠵᠢᠨ ᠬᠢᠨᠠᠨ ᠰᠢᠯᠭ᠋ᠠᠷᠠᠭᠤᠯᠤᠯᠲᠠᠪᠠᠷ ᠳᠠᠮᠵᠢᠨ ᠪᠦᠬᠦ ᠤᠯᠤᠰᠤᠨ 〈〈ᠬᠤᠭᠤᠴᠠᠭ᠋ᠠᠲᠤ ᠰᠡᠳᠬᠦᠯᠤᠨ ᠵᠢᠭᠰᠠᠭ᠋ᠠᠯᠲᠠ〉〉ᠳᠤ ᠰᠤᠩᠭᠤᠭᠳᠠᠵᠤ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ 〈〈ᠬᠣᠣᠰ ᠦᠷᠡ ᠪᠦᠲᠤᠮᠵᠢᠲᠤ ᠬᠤᠭᠤᠴᠠᠭ᠋ᠠᠲᠤ ᠰᠡᠳᠬᠦᠯ〉〉ᠤᠨ ᠨᠢᠭᠡ ᠪᠣᠯᠣᠭᠰᠠᠨ ᠪᠦᠭᠡᠳ 2009 ᠣᠨᠳᠤ ᠮᠦᠨ 〈〈ᠤᠮᠠᠷᠠᠲᠤ ᠣᠷᠣᠨᠤ ᠰᠢᠯᠢᠳᠡᠭ ᠰᠡᠳᠬᠦᠯ〉〉 ᠵᠶ᠋ᠠᠷ ᠱᠠᠩᠨᠠᠭᠳᠠᠭᠰᠠᠨ ᠪᠠᠢ᠌ᠨᠠ᠃
ᠡᠷᠬᠢᠴᠡᠭᠦᠯᠤᠯ ᠬᠣᠶᠠᠷ
ᠪᠢ 2015 ᠣᠨᠤ ᠡᠬᠢᠨᠳᠤ᠂ ᠤᠭᠤᠨ ᠣᠷᠣᠨᠤ ᠡᠪᠯᠡᠯᠤᠨ ᠬᠣᠷᠢᠶᠠᠨᠤ ᠰᠡᠳᠬᠦᠯᠤᠨ ᠬᠣᠷᠢᠶᠠᠨᠳᠤ ᠠᠵᠢᠯᠯᠠᠵᠤ ᠪᠠᠢ᠌ᠭ᠋ᠠᠳ ᠠᠮᠠᠷᠠᠯᠲᠠᠪᠠᠨ ᠠᠪᠤᠭᠰᠠᠨᠤ ᠳᠠᠷᠤᠢ᠌ᠬᠠᠨ 〈〈ᠨᠡᠢ᠌ᠬᠡᠮ〉〉 ᠰᠡᠳᠬᠦᠯᠤᠨ ᠶᠡᠷᠤᠩᠬᠡᠢ ᠨᠠᠢ᠌ᠷᠠᠭᠤᠯᠤᠭᠴᠢ ᠵᠢᠨ ᠤᠷᠢᠯᠭᠠᠪᠠᠷ ᠣᠷᠣᠨᠤ ᠵᠠᠰᠠᠭᠤᠨ ᠤᠷᠳᠤᠨᠤ ᠪᠠᠢ᠌ᠭᠣᠯᠭᠠ ᠵᠢᠨ ᠲᠣᠮᠣ ᠬᠦᠷᠢᠶᠡᠨᠳᠤ ᠠᠵᠢᠯᠯᠠᠬᠤ ᠠᠵᠠ ᠵᠠᠪᠰᠢᠶᠠᠨ ᠣᠯᠵᠤ᠂ ᠲᠤᠰ ᠰᠡᠳᠬᠦᠯᠢ 6 ᠵᠢᠯ ᠬᠠᠪᠰᠤᠷᠴᠤ ᠠᠵᠢᠯᠯᠠᠭᠰᠠᠨ ᠶᠤᠮ᠃ ᠲᠤᠰ ᠰᠡᠳᠬᠦᠯᠤᠨ ᠬᠣᠷᠢᠶᠠᠨᠢ 〈〈ᠨᠡᠢ᠌ᠬᠡᠮ〉〉 ᠰᠡᠳᠬᠦᠯᠢ ᠨᠠᠢ᠌ᠷᠠᠭᠤᠯᠵᠤ ᠬᠡᠪᠯᠡᠭᠦᠯᠬᠦᠠᠴᠠ ᠭᠠᠳᠠᠨᠠ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮᠤᠨ ᠮᠣᠩᠭᠣᠯ ᠰᠦᠯᠵᠢᠶᠡ ᠵᠢ ᠡᠷᠬᠢᠯᠡᠨ ᠨᠠᠢ᠌ᠷᠠᠭᠤᠯᠵᠤ ᠪᠠᠢ᠌ᠭᠠ ᠶᠤᠮ᠃ ᠮᠢᠨᠤ ᠡᠭᠦᠷᠭᠡ ᠭᠡᠪᠡᠯ᠂ 〈〈ᠨᠡᠢ᠌ᠬᠡᠮ〉〉 ᠰᠡᠳᠬᠦᠯᠤᠨ ᠡᠬᠡ ᠪᠢᠴᠢᠭᠤᠨ ᠬᠣᠶᠠᠳᠠᠬᠢ ᠬᠢᠨᠠᠯᠲᠠ ᠪᠠ ᠬᠡᠪᠯᠡᠯᠳᠤ ᠣᠷᠣᠬᠤᠠᠴᠠ ᠡᠮᠤᠨᠡᠬᠢ ᠳᠠᠬᠢᠨ ᠬᠢᠨᠠᠵᠤ ᠣᠩᠰᠢᠬᠤ᠂ ᠲᠡᠷᠡᠴᠢᠯᠡᠨ ᠬᠢᠲᠠᠳ ᠰᠦᠯᠵᠢᠶᠡᠨᠠᠴᠠ ᠰᠤᠩᠭᠤᠵᠤ ᠭᠠᠷᠭ᠋ᠠᠭᠰᠠᠨ ᠡᠬᠡ ᠪᠢᠴᠢᠭᠤᠳᠢ ᠬᠦᠮᠤᠨ ᠣᠯᠵᠤ ᠣᠷᠴᠢᠭᠤᠯᠤᠭ᠋ᠠᠳ ᠨᠠᠢ᠌ᠷᠠᠭᠤᠯᠤᠨ ᠬᠢᠨᠠᠵᠤ ᠮᠣᠩᠭᠣᠯ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠨᠡᠢ᠌ᠲᠡᠯᠡᠬᠦ ᠵᠡᠷᠭᠡ ᠠᠵᠢᠯ ᠪᠣᠯᠤᠨᠠ᠃ ᠲᠤᠰ ᠰᠡᠳᠬᠦᠯᠤᠨ ᠤᠳᠤᠷᠢᠳᠤᠯᠭᠠᠠᠴᠠ ᠡᠬᠢᠯᠡᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠠᠵᠢᠯᠲᠠᠨ ᠬᠦᠷᠲᠡᠯᠡ ᠪᠦᠷ ᠳᠤᠬᠠᠢ᠌ᠯᠠᠭᠰᠠᠨ ᠠᠵᠢᠯᠳᠤᠪᠠᠨ ᠬᠠᠷᠢᠭᠤᠴᠠᠯᠭᠠᠲᠠᠢ᠂ ᠡᠶᠡᠯᠳᠡᠭ ᠳᠠᠷᠤᠤ ᠬᠦᠮᠤᠰ ᠪᠠᠢ᠌ᠯᠠ᠃ ᠤᠨᠴᠠᠭ᠋ᠠᠢ᠌ᠯᠠᠨ ᠶᠡᠷᠤᠩᠬᠡᠢ ᠨᠠᠢ᠌ᠷᠠᠭᠤᠯᠤᠭᠴᠢ ᠪᠣᠯᠤᠭᠰᠠᠨ ᠮᠦᠩᠬᠡᠨᠠᠰᠤᠨ ᠭᠤᠸᠠᠢ ᠪᠣᠯ ᠠᠵᠢᠯᠳᠤᠪᠠᠨ ᠲᠦᠢ᠍ᠯᠤᠨ ᠬᠠᠷᠢᠭᠤᠴᠠᠯᠭᠠᠲᠠᠢ ᠴᠢᠩᠭᠠ ᠨᠢᠮᠪᠡᠢ ᠬᠦᠮᠤᠨ ᠪᠠᠢ᠌ᠪᠠ᠃ ᠲᠡᠷᠡ ᠭᠠᠷᠠᠭᠤᠨ ᠡᠳᠤᠷ ᠠᠮᠠᠷᠠᠯᠲᠠ ᠵᠢᠨ ᠴᠠᠭ ᠭᠡᠰᠡᠨ ᠦᠭᠡᠢ ᠣᠯᠠᠩᠬᠢᠳᠤᠪᠠᠨ ᠪᠦᠷ ᠠᠯᠪᠠᠨ ᠭᠡᠷᠲᠤᠪᠠᠨ ᠠᠵᠢᠯᠯᠠᠭ᠋ᠠᠳ ᠰᠠᠭᠤᠳᠠᠭ᠃ ᠬᠤᠭᠤᠴᠠᠭᠠ ᠪᠦᠷᠢ ᠵᠢᠨ ᠰᠡᠳᠬᠦᠯᠤᠨ ᠪᠦᠬᠦ ᠠᠭᠤᠯᠭᠠ ᠵᠢ ᠬᠡᠪᠯᠡᠬᠦᠠᠴᠠ ᠡᠮᠤᠨᠡ ᠶᠠᠭ ᠪᠡᠶᠡᠪᠠᠷ ᠵᠶ᠋ᠠᠨ ᠪᠠᠰᠠ ᠨᠢᠭᠡ ᠳᠠᠬᠢᠨ ᠬᠢᠨᠠᠨ ᠦᠵᠡᠵᠤ ᠵᠦᠪᠰᠢᠶᠡᠭᠡᠳ ᠬᠡᠪᠯᠡᠯᠳᠤ ᠦᠭᠭᠦᠭᠡᠳ ᠰᠠᠶᠢ ᠰᠠᠨᠠᠭᠠ ᠠᠮᠤᠷ ᠬᠠᠷᠢᠳᠠᠭ᠃ 〈〈ᠴᠢᠷᠮᠠᠢ᠌ᠯᠭᠠ ᠬᠦᠮᠤᠨᠢ ᠭᠤᠮᠤᠲᠠᠭ᠋ᠠᠳᠠᠭ ᠦᠭᠡᠢ〉〉 ᠭᠡᠭᠴᠢ ᠶᠠᠭ ᠡᠭᠦᠨᠢ ᠬᠡᠯᠡᠵᠤ ᠪᠣᠢ᠃ ᠲᠡᠭᠦᠨᠤ ᠡᠨᠡ ᠬᠦ᠌ ᠠᠵᠢᠯᠤᠨ ᠣᠪᠣᠷ ᠰᠤᠷᠲᠠᠯᠨᠢ ᠨᠠᠢ᠌ᠷᠠᠭᠤᠯᠤᠭᠴᠢ ᠨᠦᠬᠦᠳ ᠵᠶ᠋ᠠᠨ ᠨᠦᠯᠤᠭᠡᠯᠡᠭᠰᠡᠨ ᠵᠶ᠋ᠠᠷ ᠦᠯᠤ ᠪᠠᠷᠠᠮ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠰᠢᠰᠲᠸᠮᠤᠨ ᠦᠷᠭᠡᠨ ᠣᠯᠠᠨ ᠺᠠᠳ᠋ᠷ ᠠᠵᠢᠯᠲᠠᠳᠤᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯᠢ ᠣᠯᠵᠤ᠂ ᠦᠨᠳᠤᠷ ᠵᠶ᠋ᠠᠷ ᠦᠨᠡᠯᠡᠭᠳᠡᠨ᠂ ᠰᠢᠯᠢᠳᠡᠭ ᠨᠠᠢ᠌ᠷᠠᠭᠤᠯᠤᠭᠴᠢ᠂ ᠭᠠᠪᠢᠶᠠᠲᠤ ᠨᠠᠢ᠌ᠷᠠᠭᠤᠯᠤᠭᠴᠢ ᠵᠢᠨ ᠠᠯᠳᠠᠷ ᠬᠦᠨᠳᠤ ᠵᠢ ᠬᠦᠷᠲᠡᠵᠤ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠵᠢᠱ᠌ᠢᠶᠡᠴᠢ ᠠᠵᠢᠯᠲᠠᠨ᠂ ᠣᠷᠣᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠰᠢᠰᠲᠸᠮᠤᠨ ᠲᠡᠷᠢᠭᠦᠨᠤ ᠠᠵᠢᠯᠲᠠᠨ᠂ ᠵᠢᠱ᠌ᠢᠶᠡᠴᠢ ᠨᠠᠮᠤᠨ ᠬᠡᠰᠢᠭᠦᠨ ᠵᠡᠷᠭᠡᠪᠠᠷ ᠣᠯᠠᠨᠲᠠ ᠬᠦᠬᠢᠭᠦᠯᠤᠭ᠌ᠳᠡᠭᠰᠡᠨ ᠪᠠᠢ᠌ᠨᠠ᠃
ᠰᠡᠭᠦᠯᠤᠨ ᠦᠭᠡ
ᠪᠢ ᠡᠨᠳᠡ 6 ᠵᠢᠯ ᠠᠵᠢᠯᠯᠠᠭᠰᠠᠨ ᠳᠠᠰᠢᠷᠠᠮ ᠵᠶ᠋ᠠᠷ᠂ ᠲᠤᠰ ᠰᠡᠳᠬᠦᠯᠤᠨ ᠭᠣᠣᠯ ᠤᠳᠤᠷᠢᠳᠤᠯᠭᠠ ᠵᠢᠨ ᠰᠢᠨᠡ ᠬᠠᠭᠤᠴᠢᠨᠤ ᠰᠣᠯᠢᠯᠴᠠᠭᠠ ᠵᠢ ᠪᠠᠶᠠᠪᠠᠷ ᠵᠶ᠋ᠠᠨ ᠦᠩᠭᠡᠷᠡᠭᠦᠯᠵᠤ᠂ ᠰᠢᠨᠡ ᠤᠳᠤᠷᠢᠳᠤᠯᠭᠠ ᠵᠢᠨ ᠵᠢᠯᠣᠭᠣᠳᠤᠯᠭᠠ ᠳᠣᠣᠷᠠ ᠵᠢᠯ ᠢᠯᠡᠭᠦᠤ ᠠᠵᠢᠯᠯᠠᠵᠤ ᠳᠠᠰᠤᠯᠴᠠᠪᠠ᠃ ᠰᠢᠨᠡ ᠬᠣᠷᠢᠶᠠᠨ ᠳᠠᠷᠤᠭᠠ᠂ ᠶᠡᠷᠤᠩᠬᠡᠢ ᠨᠠᠢ᠌ᠷᠠᠭᠤᠯᠤᠭᠴᠢ ᠬᠠᠢ ᠹᠸᠩ （ᠲᠠᠩᠬᠢᠰ） ᠭᠤᠸᠠᠢ ᠴᠤ᠌ ᠮᠦᠨ ᠬᠠᠰᠢᠷ ᠰᠡᠳᠬᠦᠯᠴᠢ ᠪᠣᠯᠬᠤ ᠮᠦᠷᠳᠡᠭᠡᠨ ᠠᠵᠢᠯᠴᠢ ᠪᠣᠷᠣᠭᠵᠢᠭᠤᠨ ᠠᠪᠢᠶᠠᠰ ᠴᠢᠳᠠᠪᠤᠷᠢᠲᠠᠢ᠂ ᠠᠵᠢᠯᠳᠤᠪᠠᠨ ᠲᠦᠢ᠍ᠯᠤᠨ ᠬᠠᠷᠢᠭᠤᠴᠠᠯᠭᠠᠲᠠᠢ᠂ ᠦᠷᠭᠡᠨ ᠮᠡᠳᠡᠯᠭᠡᠲᠠᠢ᠂ ᠮᠣᠩᠭᠣᠯ ᠬᠢᠲᠠᠳ ᠬᠡᠯᠡᠨᠳᠤᠪᠠᠨ ᠨᠡᠪᠲᠡᠷᠡᠭᠰᠡᠨ ᠯᠠᠪᠳᠠᠭᠤᠨ ᠳᠣᠭᠲᠠᠭᠤᠨ ᠵᠠᠯᠠᠭᠤ ᠪᠠᠢ᠌ᠯᠠ᠃ ᠲᠡᠷᠡ ᠮᠠᠨᠢ ᠰᠢᠨᠡ ᠠᠵᠢᠯᠤᠨ ᠭᠠᠷᠤᠭᠠᠪᠠᠨ ᠡᠯᠭᠦᠨ᠂ ᠨᠠᠢ᠌ᠷᠠᠭᠤᠯᠤᠭᠴᠢ ᠨᠦᠬᠦᠳ ᠵᠶ᠋ᠠᠨ ᠳᠠᠢ᠌ᠴᠢᠯᠠᠨ ᠰᠢᠨᠡᠴᠢᠯᠡᠯᠲᠡ ᠬᠢᠵᠤ᠂ ᠠᠪᠢᠶᠠᠰ ᠴᠢᠳᠠᠪᠤᠷᠢᠪᠠᠨ ᠪᠠᠳᠠᠷᠠᠭᠤᠯᠤᠨ ᠠᠵᠢᠯᠯᠠᠵᠤ ᠡᠬᠢᠯᠡᠪᠡ ᠃ 〈〈ᠨᠡᠢ᠌ᠬᠡᠮ〉〉 ᠰᠡᠳᠬᠦᠯ ᠮᠠᠨᠢ ᠲᠡᠭᠦᠨᠤ ᠤᠳᠤᠷᠢᠳᠤᠯᠭᠠ ᠳᠣᠣᠷᠠ ᠨᠡᠩ ᠢᠯᠡᠭᠦᠤ ᠰᠢᠨᠡᠲᠤᠨ ᠬᠦᠭᠵᠢᠵᠤ᠂ ᠦᠷᠭᠡᠨ ᠣᠯᠠᠨ ᠣᠩᠰᠢᠭᠴᠢᠳᠲᠤᠪᠠᠨ ᠨᠡᠩ ᠢᠯᠡᠭᠦᠤ ᠬᠦᠷᠢᠶᠡᠯᠡᠭᠳᠡᠨ᠂ ᠦᠯᠡᠮᠵᠢ ᠶᠡᠬᠡ ᠠᠮᠵᠢᠯᠲᠠ ᠪᠦᠲᠤᠭᠡᠯ ᠣᠯᠬᠣᠨᠢ ᠭᠠᠷᠴᠠᠭᠠ ᠦᠭᠡᠢ！ ᠪᠢ ᠴᠤ᠌ ᠡᠨᠳᠡ ᠲᠡᠭᠦᠨᠤ ᠰᠠᠢ᠌ᠨ ᠰᠠᠢ᠌ᠬᠠᠨᠢ ᠵᠦᠩᠨᠡᠨ᠂ ᠭᠠᠨᠵᠤᠭᠠ ᠳᠦᠭᠦᠷᠡᠩ ᠠᠮᠵᠢᠯᠲᠠ ᠪᠦᠲᠤᠭᠡᠯᠲᠠᠢ ᠶᠠᠪᠤᠬᠤ ᠵᠢ ᠴᠢᠩ ᠰᠡᠳᠬᠢᠯᠠᠴᠠᠪᠠᠨ ᠬᠦᠰᠡᠨ ᠢᠷᠤᠭᠡᠵᠤ ᠪᠠᠢ᠌ᠨᠠ᠃