ᠰᠠᠢ᠌ᠨᠴᠤᠭᠳᠤ ᠵᠣᠬᠢᠶᠠᠪᠠ
ᠮᠤᠷᠢᠨᠤ ᠳᠤᠬᠠᠢ ᠲᠠᠭᠤᠤ ᠰᠤᠨᠤᠰᠬᠤ ᠪᠦᠷᠢ᠂ ᠮᠤᠷᠢᠨ ᠤᠷᠤᠯᠳᠤᠭ᠋ᠠᠨ ᠦᠵᠡᠬᠦ ᠪᠦᠷᠢ᠂ ᠮᠤᠷᠢᠨᠤ ᠳᠤᠬᠠᠢ ᠺᠢᠨᠤ᠋᠂ ᠲᠦᠷᠰᠦ ᠰᠢᠩᠬᠡᠬᠡᠯᠳᠡ ᠰᠤᠨᠢᠷᠬᠠᠬᠤ ᠪᠦᠷᠢ ᠪᠤᠷᠤ ᠮᠤᠷᠢ ᠮᠢᠨᠢ ᠰᠠᠨᠠᠭ᠋ᠠᠨᠳᠤ ᠤᠷᠤᠵᠤ᠂ ᠪᠤᠳᠤᠯᠤᠨ ᠪᠤᠮᠠᠨ ᠡᠰᠢ ᠰᠡᠷᠡᠬᠡᠬᠡᠨ᠂ ᠬᠠᠷᠠᠭᠠ ᠰᠡᠳᠬᠢᠯᠳᠤ ᠮᠢᠨᠢ ᠤᠯᠠᠨ ᠮᠠᠶᠢᠭ ᠵᠶ᠋ᠡᠷ ᠪᠠᠭᠤᠵᠤ ᠢᠷᠡᠲᠡᠭ ᠰᠠᠨ᠃ 《ᠠᠷᠠᠯᠤᠨ ᠱᠠᠷ》 ᠰᠢᠭ᠋ ᠵᠢᠳᠬᠦᠵᠦ ᠶᠠᠪᠤᠭᠰᠠᠨ ᠬᠦᠬᠡᠷᠦᠬᠦᠢ ᠪᠤᠷᠤ ᠮᠤᠷᠢᠨᠤ ᠳᠤᠬᠠᠢ ᠳᠤᠷᠠᠰᠤᠨ ᠰᠠᠭᠤᠬᠤᠳᠤ ᠨᠢᠬᠡ ᠶᠤᠰᠤᠨᠤ ᠪᠠᠶᠠᠷ ᠭᠤᠨᠢᠭ ᠬᠤᠤᠰᠯᠠᠨ ᠪᠠᠢ᠌ᠯᠠ᠃
ᠨᠢᠬᠡ
ᠪᠤᠷᠤ ᠮᠤᠷᠢ ᠮᠠᠨᠤᠳᠤ ᠰᠢᠳᠦᠯᠡᠩ ᠦᠷᠢᠶᠡ ᠪᠠᠢ᠌ᠬᠤᠳᠤᠪᠠᠨ ᠢᠷᠡᠭᠰᠡᠨ ᠶᠤᠮ᠃ ᠲᠡᠷᠡ ᠦᠶᠡᠳᠤ ᠮᠠᠨᠤᠬᠢ ᠰᠠᠶᠢᠬᠠᠨ 《ᠵᠢᠭ᠋ᠠᠬᠠᠨ ᠰᠡᠤᠬᠡ ᠮᠠᠰᠢᠨ》 ᠬᠡᠮᠡᠭᠳᠡᠭᠰᠡᠨ ᠬᠤᠤᠰ ᠰᠠᠭ᠋ᠠᠷᠠᠯ ᠡᠯᠵᠢᠬᠡᠪᠠᠨ ᠬᠤᠲᠠᠯᠳᠤᠵᠦ ᠶᠠᠪᠤᠭᠤᠯᠤᠭ᠋ᠠᠳ ᠤᠲᠠᠭᠠ ᠦᠬᠡᠢ ᠪᠠᠢ᠌ᠯᠠ᠃ ᠪᠤᠷᠤ ᠮᠤᠷᠢ ᠵᠢ ᠪᠠᠭᠠ ᠨᠠᠭ᠋ᠠᠴᠤ ᠵᠢᠨᠬᠢᠠᠴᠠ ᠬᠤᠲᠠᠯᠳᠤᠵᠤ ᠠᠪᠴᠢᠷᠠᠭ᠋ᠠᠳ ᠬᠡᠳᠦ ᠬᠤᠨᠤᠯ ᠦᠬᠡᠢ ᠪᠢ ᠠᠷᠠᠯᠳᠤ ᠲᠡᠷᠬᠡᠨᠳᠤ ᠬᠦᠯᠵᠦ ᠤᠰᠤ ᠲᠡᠭᠡᠭᠡᠬᠦ ᠭᠡᠵᠦ ᠤᠷᠤᠯᠳᠤᠭᠰᠠᠨ ᠶᠤᠮ᠃ ᠭᠠᠷᠠᠭᠤᠨ ᠰᠡᠬᠦᠯᠴᠢ ᠵᠢᠨ ᠠᠮᠠᠷᠠᠯᠲᠠᠪᠠᠷ ᠰᠤᠷᠭ᠋ᠠᠭᠤᠯᠢᠠᠴᠠ ᠬᠠᠷᠢᠵᠤ ᠢᠷᠡᠭᠡᠳ ᠪᠠᠢ᠌ᠭᠰᠠᠨ ᠪᠢ ᠪᠤᠷᠤ ᠦᠷᠢᠶᠡ ᠵᠢ ᠤᠨᠤᠯᠭ᠋ᠠᠨᠳᠤ ᠪᠢᠰᠢ᠂ ᠲᠡᠷᠭᠡᠨᠳᠤ ᠬᠦᠯᠵᠦ᠂ ᠬᠤᠢ᠌ᠳᠤ ᠠᠢ᠌ᠯᠠᠴᠠ ᠤᠰᠤ ᠲᠡᠭᠡᠭᠡᠬᠦ ᠭᠠᠩᠢᠨᠢ ᠤᠯᠬᠤᠪᠠᠷ ᠭᠠᠷᠤᠭᠰᠠᠨ ᠶᠤᠮ᠃ ᠠᠢ᠌ᠯᠠᠴᠠ ᠤᠰᠤᠨ ᠭᠠᠩ ᠵᠶ᠋ᠡᠨ ᠲᠡᠭᠡᠭᠡᠴᠢᠬᠡᠬᠡᠳ ᠭᠠᠷᠴᠤ ᠢᠷᠡᠭᠰᠡᠨ ᠵᠶ᠋ᠡᠨ ᠠᠷᠠᠢ ᠵᠢᠭ᠋ᠠᠬᠠᠨ ᠰᠢᠪᠠᠲᠠᠭᠤᠯᠵᠤ ᠠᠯᠬᠤᠭᠠ ᠵᠢᠨᠢ ᠬᠤᠷᠳᠤᠯᠠᠭᠤᠯᠬᠤᠳᠤ ᠬᠤᠭᠤᠰᠤᠨ ᠭᠠᠩ᠂ ᠠᠷᠠᠯᠳᠤ ᠲᠡᠷᠬᠡ ᠬᠤᠶᠠᠷ ᠬᠠᠷᠰᠢᠨ ᠲᠦᠴᠢᠬᠢᠨᠡᠵᠦ ᠡᠬᠢᠯᠡᠬᠦᠳᠤ᠂ ᠪᠤᠷᠤ ᠦᠷᠢᠶᠡ ᠰᠤᠴᠢᠰᠬᠢᠨ ᠴᠢᠬᠢᠪᠠᠨ ᠬᠤᠯᠮᠠᠢ᠌ᠯᠭ᠋ᠠᠭᠰᠠᠨ ᠵᠶ᠋ᠡᠨ ᠬᠦᠶᠢ ᠪᠠᠢ᠌ᠵᠠ ᠵᠢ ᠬᠦᠯᠢᠶᠡᠯ ᠦᠬᠡᠢ ᠰᠤᠴᠢᠭᠰᠠᠨ ᠬᠦᠴᠦᠨ ᠳᠤᠪᠠᠨ ᠤᠮ ᠬᠤᠮ ᠦᠬᠡᠢ ᠲᠠᠪᠬᠢᠵᠤ ᠭᠠᠷᠤᠯᠠ᠃ ᠵᠢᠯᠤᠭᠤᠪᠠᠨ ᠪᠠᠷᠢᠨ ᠲᠠᠪᠠᠲᠠᠢ᠌ᠬᠠᠨ ᠰᠠᠭᠤᠵᠤ ᠪᠠᠢ᠌ᠭᠰᠠᠨ ᠮᠢᠨᠤ ᠪᠡᠶᠡ ᠴᠤ᠌ ᠬᠦᠯ ᠤᠯᠠᠪᠠᠨ ᠤᠯᠵᠤ ᠶᠠᠲᠠᠨ ᠪᠠᠭᠤᠬᠤ ᠵᠢ ᠵᠠᠪᠳᠤᠭᠰᠠᠨ ᠴᠤ᠌᠂ ᠮᠤᠷᠢᠨᠤ ᠲᠠᠪᠬᠢᠯᠲᠠᠳᠤ ᠬᠤᠭᠤᠰᠤᠨ ᠲᠡᠮᠦᠷ ᠭᠠᠩ ᠬᠢᠭᠡᠳ ᠠᠷᠠᠯᠳᠤ ᠲᠡᠷᠭᠡᠨᠤ ᠬᠠᠷᠰᠢᠯᠳᠤᠬᠤ ᠲᠠᠭᠤ ᠤᠯᠠᠮ ᠴᠤ᠌ ᠦᠨᠳᠦᠷ ᠪᠤᠯᠤᠭᠰᠠᠨ ᠵᠶ᠋ᠡᠷ ᠪᠤᠷᠤ ᠦᠷᠢᠶᠡ ᠨᠡᠩ ᠴᠤ᠌ ᠰᠤᠴᠢᠨ᠂ ᠤᠯᠠᠮ ᠴᠤ᠌ ᠬᠤᠷᠳᠤᠯᠠᠨ᠂ ᠵᠠᠮᠠᠴᠠᠪᠠᠨ ᠭᠠᠷᠴᠤ᠂ ᠠᠢ᠌ᠯᠤᠨ ᠬᠤᠭᠤᠷᠤᠨᠳᠤᠬᠢ ᠠᠷᠠᠢ ᠤᠷᠤᠭᠤ ᠪᠠᠢ᠌ᠷᠢ ᠵᠢᠨ ᠨᠠᠷᠢᠨ ᠭᠤᠳᠤᠮᠵᠢᠪᠠᠷ ᠴᠢᠨᠡᠬᠡ ᠮᠡᠳᠡᠨ ᠲᠠᠪᠬᠢᠯᠠ᠃ ᠪᠢ ᠴᠤ᠌ ᠪᠠᠭᠤᠵᠤ ᠵᠠᠪᠳᠤᠨ ᠵᠢᠯᠤᠭᠤ ᠵᠢ ᠬᠡᠳᠦ ᠲᠠᠬᠢᠨ ᠲᠠᠲᠠᠵᠤ ᠡᠷᠬᠢᠬᠦᠯᠬᠦ ᠵᠢ ᠤᠷᠤᠯᠳᠤᠭᠰᠠᠨ ᠴᠤ᠌᠂ ᠮᠤᠷᠢᠨᠤ ᠲᠠᠪᠬᠢᠯᠲᠠ ᠬᠢᠬᠡᠳ ᠲᠠᠲᠠᠯᠲᠠᠳᠤ ᠲᠠᠲᠠᠭᠲᠠᠨ ᠡᠯᠢᠬᠡ ᠲᠦᠷᠦᠬᠦᠯᠡᠨ ᠤᠨᠠᠵᠤ ᠵᠢᠯᠤᠭᠤᠪᠠᠨ ᠠᠯᠲᠠᠭ᠋ᠠᠳ ᠶᠠᠪᠤᠭᠤᠯᠴᠢᠬᠠᠯᠠ᠃ ᠵᠢᠯᠤᠭᠤᠪᠠᠨ ᠠᠯᠲᠠᠭᠤᠯᠤᠭᠰᠠᠨ ᠪᠤᠷᠤ ᠦᠷᠢᠶᠡ ᠶᠤᠰᠤᠳᠠᠢ ᠨᠢᠬᠡ ᠬᠦᠭᠯᠡᠨ ᠲᠠᠪᠬᠢᠵᠤ᠂ ᠲᠡᠩᠰᠡᠯᠬᠡ ᠳᠤᠩᠰᠤᠯᠭ᠋ᠠᠨᠳᠤᠨᠢ ᠬᠤᠭᠤᠰᠤᠨ ᠲᠡᠮᠦᠷ ᠭᠠᠩ ᠴᠤ᠌ ᠭᠠᠵᠠᠷᠲᠤ ᠬᠠᠶᠠᠭᠲᠠᠵᠤ᠂ 《ᠠᠶᠤᠮᠰᠢᠭᠳᠤ ᠶᠡᠬᠡ》 ᠬᠠᠷᠰᠢᠯᠳᠤᠬᠤ ᠲᠠᠭᠤ ᠨᠠᠮ ᠪᠤᠯᠤᠭᠰᠠᠨ ᠵᠶ᠋ᠡᠷ ᠮᠤᠷᠢᠨᠤ ᠰᠤᠴᠢᠭᠠ ᠴᠤ᠌ ᠭᠠᠷᠤᠭᠰᠠᠨ ᠪᠤᠯᠤᠯᠲᠠᠢ᠂ ᠲᠠᠪᠬᠢᠵᠤ ᠪᠠᠢ᠌ᠭᠰᠠᠨ ᠵᠶ᠋ᠡᠨ ᠠᠷᠠᠢ ᠬᠡᠵᠦ ᠱᠤᠭᠰᠢᠨ᠂ ᠠᠢ᠌ᠯᠤᠨ ᠵᠡᠬᠦᠨᠳᠡᠬᠢ ᠲᠠᠷᠢᠶᠠᠨᠤ ᠲᠡᠮᠦᠷ ᠲᠤᠤᠷᠲᠤ ᠬᠠᠰᠢᠭᠲᠠᠨ ᠵᠤᠭᠰᠤᠵᠠᠢ᠃ ᠡᠯᠢᠬᠡ ᠲᠦᠷᠦᠬᠦᠯᠡᠨ ᠤᠨᠠᠭᠰᠠᠨ ᠪᠢ ᠠᠶᠤᠬᠤ ᠰᠠᠨᠳᠤᠷᠬᠤ ᠬᠤᠤᠰᠯᠠᠵᠤ ᠬᠤᠷᠤᠮ ᠵᠠᠭᠤᠷᠠ ᠤᠬᠠᠭ᠋ᠠᠨ ᠪᠠᠯᠠᠷᠲᠤᠵᠤ ᠠᠪᠤᠭᠰᠠᠨ ᠴᠤ᠌᠂ ᠬᠤᠷᠳᠤᠬᠠᠨ ᠪᠤᠰᠴᠤ ᠮᠤᠷᠢᠨᠤᠪᠠᠨ ᠬᠤᠢ᠌ᠨᠠᠠᠴᠠ ᠬᠦᠶᠦᠪᠡ᠃ ᠭᠡᠷᠤᠨ ᠵᠶ᠋ᠡᠨ ᠵᠡᠬᠦᠨ ᠲᠠᠯᠠᠳᠤ ᠰᠠᠷᠠᠪᠴᠢᠯᠠᠨ ᠬᠠᠷᠠᠵᠤ ᠪᠠᠢ᠌ᠭᠰᠠᠨ ᠠᠪᠤ ᠡᠵᠢ ᠬᠤᠶᠠᠷ ᠴᠤ᠌ ᠤᠴᠢᠷ ᠪᠢᠰᠢᠲᠡᠭᠰᠡᠨᠢ ᠤᠯᠵᠤ ᠦᠵᠡᠭᠡᠳ ᠶᠠᠭ᠋ᠠᠷᠠᠪᠴᠢᠯᠠᠨ ᠬᠦᠶᠦᠵᠦ ᠢᠷᠡᠵᠦ ᠮᠤᠷᠢ ᠵᠢ ᠬᠠᠰᠢᠨ ᠪᠠᠷᠢᠵᠤ ᠲᠡᠷᠬᠡᠠᠴᠠᠨᠢ ᠰᠤᠯᠠᠯᠠᠨ ᠠᠪᠤᠪᠠ᠃ ᠪᠢ ᠬᠡᠷᠡᠭ ᠬᠢᠵᠦ ᠮᠤᠷᠢᠪᠠᠨ ᠬᠦᠭᠯᠡᠬᠦᠯᠦᠭᠰᠡᠨ ᠳᠤᠪᠠᠨ ᠶᠡᠬᠡ ᠠᠶᠤᠵᠤ᠂ ᠲᠡᠭᠡᠷᠡ ᠲᠠᠭᠤᠪᠠᠷ ᠤᠬᠢᠯᠠᠨ ᠭᠠᠷᠬᠤᠳᠤ᠂ ᠠᠪᠤ ᠡᠵᠢ ᠴᠤ᠌ ᠠᠷᠭᠠᠪᠠᠨ ᠪᠠᠷᠠᠭᠰᠠᠨ ᠪᠤᠯᠤᠯᠲᠠᠢ᠂ ᠳᠤᠯᠤᠭ᠋ᠠᠢ ᠵᠢ ᠢᠯᠢᠨ 《ᠤᠷᠰᠢᠶᠠᠨ ᠬᠢᠬᠦ ᠭᠡᠵᠦ ᠪᠠᠢ᠌ᠭ᠋ᠠᠳ ᠤᠷᠰᠢᠭ ᠲᠠᠲᠠᠭᠰᠠᠨ ᠵᠶ᠋ᠡᠨ ᠮᠡᠲᠡᠪᠡᠯ ᠪᠤᠯᠵᠠᠢ᠃ ᠡᠨᠡ ᠴᠢᠨᠢ ᠡᠯᠵᠢᠬᠡ ᠪᠢᠰᠢ ᠮᠤᠷᠢ ᠰᠢᠤ ᠳ᠋ᠠ᠂ ᠴᠢ ᠴᠤ᠌ ᠲᠡᠩᠳᠡᠬᠦᠦ ᠵᠤᠷᠢᠭ ᠵᠶ᠋ᠡᠷ ᠵᠶ᠋ᠡᠨ ᠠᠭ᠋ᠠᠰᠢᠯᠠᠵᠤ ᠲᠠᠪᠬᠢᠭᠤᠯᠤᠭᠰᠠᠨ ᠪᠠᠢ᠌ᠬᠤ ᠳ᠋ᠠ》 ᠬᠡᠵᠦ ᠪᠠᠬᠠᠨ ᠵᠢᠮᠡᠯᠡᠩᠬᠦᠢ ᠬᠡᠯᠡᠯᠡ᠃ ᠲᠡᠭᠡᠵᠦ ᠨᠢᠬᠡ ᠵᠢᠯᠣᠭᠤ ᠵᠣᠳᠣᠭ ᠦᠬᠡᠢ ᠠᠭ᠋ᠠᠰᠢᠯᠠᠵᠤ ᠪᠤᠷᠤ ᠦᠷᠢᠶᠡᠪᠠᠨ ᠲᠡᠷᠭᠡᠨᠳᠤ ᠬᠦᠭᠯᠡᠬᠦᠯᠦᠭᠰᠡᠨᠠᠴᠠ ᠬᠤᠢ᠌ᠰᠢ ᠲᠡᠷᠭᠡᠨᠳᠤ ᠬᠦᠯᠦᠨᠡ ᠭᠡᠵᠦ ᠲᠠᠬᠢᠵᠤ ᠵᠤᠷᠢᠭᠯᠠᠵᠤ ᠦᠵᠡᠭᠰᠡᠨ ᠦᠬᠡᠢ ᠪᠢᠯᠡ᠃
ᠬᠤᠶᠠᠷ
ᠪᠤᠷᠤ ᠮᠤᠷᠢ ᠨᠠᠰᠤ ᠨᠡᠮᠡᠭᠳᠡᠬᠦ ᠵᠢ ᠲᠠᠭ᠋ᠠᠯᠳᠤᠨ ᠪᠡᠶᠡ ᠦᠰᠴᠦ᠂ ᠴᠢᠲᠠᠯ ᠬᠦᠴᠦ ᠬᠠᠪᠢ ᠦᠬᠡᠢ ᠴᠢᠩᠭ᠋ᠠᠷᠠᠭᠰᠠᠨ ᠵᠶ᠋ᠡᠷ ᠤᠨᠤᠬᠤ᠂ ᠲᠡᠷᠭᠡᠨᠳᠤ ᠬᠦᠯᠬᠦ᠂ ᠠᠨᠵᠢᠰᠤᠨᠳᠤ ᠬᠦᠯᠬᠦ᠂ ᠢᠩᠳᠤ ᠬᠦᠯᠬᠦ ᠭᠡᠳ ᠭᠡᠷᠤᠨ ᠮᠠᠨᠢ ᠠᠵᠢᠯ ᠮᠤᠳᠤᠨᠳᠤ ᠶᠤᠰᠤᠳᠠᠢ ᠨᠢᠬᠡ 《ᠠᠷᠠᠯᠤᠨ ᠱᠠᠷ》 ᠪᠤᠯᠤᠭᠰᠠᠨ ᠶᠤᠮ᠃
ᠮᠠᠨᠤ ᠵᠤ ᠵᠢᠨ ᠲᠠᠷᠢᠶᠠ ᠠᠢ᠌ᠯᠠᠴᠠ ᠪᠠᠷᠠᠭᠤᠨᠲᠠᠬᠢ ᠴᠠᠭ᠋ᠠᠨ ᠴᠢᠯᠠᠭᠤᠳᠤ ᠬᠡᠬᠦ ᠠᠭᠤᠯᠠᠨᠤ ᠡᠩᠬᠡᠷ ᠬᠠᠵᠠᠭᠤᠳᠤ ᠪᠠᠢ᠌ᠲᠠᠭ ᠶᠤᠮ᠃ ᠲᠡᠭᠡᠭᠡᠰᠢᠲᠠᠢ ᠲᠡᠷᠭᠡ ᠶᠠᠪᠤᠲᠠᠭ ᠵᠠᠮᠤᠨ ᠬᠢᠨᠢ ᠬᠠᠵᠠᠭᠤᠪᠠᠷ ᠬᠦᠨ ᠬᠡᠭᠴᠢ ᠦᠶᠡᠷᠤᠨ ᠭᠤᠤ ᠪᠠᠢ᠌ᠲᠠᠭ ᠪᠤᠯᠬᠤᠷ ᠲᠡᠷᠭᠡᠨᠳᠤ ᠰᠠᠭᠤᠬᠤ᠂ ᠲᠠᠷᠢᠶᠠ ᠡᠪᠡᠰᠦ ᠲᠡᠭᠡᠭᠡᠬᠦᠪᠠᠷᠨᠢ ᠵᠢᠭ᠋ᠠᠬᠠᠨ ᠠᠢ᠌ᠲᠠᠰ ᠬᠦᠷᠲᠡᠭ ᠶᠤᠮ᠃ ᠲᠡᠷᠡ ᠵᠢᠯᠤᠨ ᠨᠠᠮᠤᠷᠤᠨ ᠬᠤᠷᠢᠶᠠᠯᠲᠠ ᠵᠢᠨ ᠦᠶᠡᠪᠠᠷ ᠮᠠᠨᠤᠬᠢ ᠬᠠᠳᠤᠵᠤ ᠬᠠᠶᠠᠭᠰᠠᠨ ᠨᠤᠭᠤᠭ᠋ᠠᠨ ᠪᠤᠷᠴᠠᠭ ᠵᠶ᠋ᠡᠨ ᠮᠤᠷᠢᠨ ᠲᠡᠷᠭᠡᠨ ᠳᠤᠪᠠᠨ ᠲᠡᠭᠡᠭᠡᠵᠦ ᠵᠡᠪᠡᠯ ᠲᠤᠭᠤᠯᠬᠤ ᠦᠨᠦᠬᠢ ᠠᠶᠤᠮᠠᠷᠤᠨ ᠵᠠᠮᠳᠤ ᠤᠷᠤᠭᠰᠠᠨ ᠶᠤᠮ᠃ ᠲᠡᠷᠡ ᠵᠠᠮ ᠬᠤᠷᠢᠭ᠋ᠠᠳ ᠮᠸᠲᠷ ᠬᠠᠵᠠᠭᠤ ᠤᠷᠤᠭᠤ ᠲᠡᠭᠡᠷᠡᠪᠠᠨ ᠴᠠᠭ᠋ᠠᠨᠠᠨᠢ ᠦᠶᠡᠷᠤᠨ ᠶᠡᠬᠡ ᠭᠤᠤ ᠲᠦᠩᠬᠦᠢ᠌ᠨ ᠬᠠᠷᠠᠯᠠᠵᠤ ᠦᠵᠡᠭᠳᠡᠬᠦᠪᠠᠷ ᠬᠦᠮᠦᠨᠲᠠᠢ ᠮᠤᠷᠢᠲᠠᠢᠪᠠᠨ ᠪᠠᠬᠠᠨ ᠵᠢᠷᠦᠬᠡᠰᠢᠶᠡᠭᠰᠡᠨᠨᠢ ᠮᠠᠲᠠᠭ ᠦᠬᠡᠢ᠃ ᠠᠪᠤ ᠪᠤᠷᠤ ᠮᠤᠷᠢᠨᠤᠪᠠᠨ ᠵᠢᠯᠤᠭᠤ ᠵᠢ ᠰᠠᠢ᠌ᠳᠤᠷ ᠪᠠᠷᠢᠨ ᠪᠠᠢ᠌ᠨ ᠪᠠᠢ᠌ᠨ ᠮᠤᠷᠢᠨᠳᠠᠭᠠᠨ ᠳᠤᠬᠢᠶᠠ ᠦᠭᠴᠦ ᠠᠯᠬᠤᠭᠠᠪᠠᠨ ᠯᠠᠪᠲᠠᠭᠤᠨ ᠠᠲᠠᠯᠠ ᠠᠭ᠋ᠠᠵᠢᠭᠤᠬᠠᠨ ᠪᠠᠢ᠌ᠬᠤ ᠵᠢ ᠰᠠᠨᠠᠭᠤᠯᠤᠭᠰᠠᠨ ᠲᠦᠯᠦᠪᠲᠠᠢ᠃ ᠶᠡᠷᠦᠨᠢ ᠬᠠᠳᠤᠭᠰᠠᠨ ᠨᠤᠭᠤᠭ᠋ᠠᠨ ᠪᠤᠷᠴᠠᠭ ᠵᠢ ᠡᠪᠳᠡᠢ ᠲᠡᠭᠡᠭᠡᠭᠦ ᠦᠬᠡᠢ ᠪᠤᠯ ᠨᠢᠬᠡ ᠲᠡᠢ᠌ᠰᠢᠪᠠᠨ ᠲᠡᠭᠡᠭᠡᠰᠢ ᠬᠦᠨᠳᠦᠳᠡᠬᠦ ᠪᠦᠬᠡᠳ ᠡᠰᠢᠨᠢ ᠤᠬᠤᠷᠬᠠᠨ ᠪᠤᠯᠬᠤᠷ ᠭᠤᠯᠭᠤᠭ᠋ᠠᠳ ᠲᠤᠭᠲᠠᠵᠤ ᠦᠭᠭᠦ ᠦᠬᠡᠢᠨᠢ ᠴᠤ᠌ ᠬᠦᠮᠦᠨᠤ ᠠᠷᠭᠠ ᠵᠢ ᠪᠠᠷᠠᠭᠲᠠᠭᠤᠯᠲᠠᠭ ᠶᠤᠮ᠃ ᠲᠡᠭᠡᠭᠡᠰᠢᠲᠠᠢ ᠲᠡᠷᠭᠡ ᠦᠨᠦᠬᠢ ᠬᠠᠵᠠᠭᠤ ᠤᠷᠤᠭᠤ ᠤᠷᠤᠭ᠋ᠠᠳ ᠢᠷᠡᠬᠦᠪᠠᠷᠨᠢ ᠲᠡᠷᠭᠡᠨᠤ ᠨᠢᠬᠡ ᠲᠠᠯᠠ ᠵᠢᠨ ᠬᠦᠷᠲᠦ ᠬᠡᠰᠡᠭ ᠬᠡᠰᠡᠭ ᠲᠤᠪᠠᠨ ᠵᠢᠭ᠋ᠠᠬᠠᠨ ᠲᠡᠭᠡᠭᠰᠢ ᠡᠷᠬᠦᠭᠳᠡᠬᠦ ᠰᠢᠭ ᠪᠤᠯᠵᠤ᠂ ᠮᠤᠷᠢᠨᠤ ᠵᠢᠯᠤᠭᠤ ᠪᠠᠷᠢᠲᠠᠭ ᠬᠦᠮᠦᠨ ᠬᠢᠭᠡᠳ ᠮᠤᠷᠢᠨᠤ ᠬᠠᠮᠵᠢᠯᠴᠠᠭᠠ ᠮᠠᠰᠢ ᠠᠪᠴᠠᠯᠳᠤᠩᠭᠤᠢ ᠪᠠᠢ᠌ᠬᠤ ᠵᠢ ᠴᠢᠩᠭᠠ ᠱᠠᠭ᠋ᠠᠷᠲᠠᠲᠠᠭ ᠶᠤᠮ᠃ ᠠᠪᠤ ᠮᠤᠷᠢᠨᠤ ᠵᠢᠯᠤᠭᠤᠪᠠᠨ ᠨᠢᠬᠡ ᠳᠤᠭᠲᠤᠷᠬᠤᠳᠤ ᠪᠤᠷᠤ ᠮᠤᠷᠢ ᠮᠠᠨᠢ ᠨᠢᠬᠡ ᠵᠢᠭ᠋ᠠᠬᠠᠨ ᠠᠷᠤᠭᠰᠢ ᠰᠠᠭᠤᠬᠤ ᠰᠢᠤᠬᠠᠨ ᠪᠤᠯᠲᠠᠭ ᠪᠦᠬᠡᠳ ᠶᠡᠬᠡ ᠯᠡ ᠬᠢᠴᠢᠶᠡᠮᠵᠢᠲᠡᠢ ᠵᠠᠮ ᠵᠶ᠋ᠡᠨ ᠠᠵᠢᠷᠠᠬᠤ ᠲᠡᠲᠦᠢ ᠦᠬᠡᠢ ᠡᠵᠡᠨᠤ ᠵᠢᠭ᠋ᠠᠪᠤᠷᠢ ᠵᠢ ᠨᠢᠮᠪᠠᠢ ᠴᠢᠩᠨᠠᠨ ᠠᠯᠭᠤᠷᠬᠠᠨ ᠪᠠᠭᠤᠯᠠ᠃ ᠲᠡᠭᠡᠭᠡᠰᠢᠨᠤ ᠢᠲᠡᠨᠳᠤ ᠲᠡᠷᠭᠡ ᠴᠤ᠌ ᠪᠠᠢ᠌ᠨ ᠪᠠᠢ᠌ᠨ ᠤᠷᠤᠭᠰᠢ ᠱᠤᠩᠭᠤᠯᠠᠬᠤ ᠠᠭ᠋ᠠᠳ ᠲᠡᠷᠭᠡᠨᠤ ᠬᠦᠷᠲᠦ ᠵᠠᠮᠤᠨ ᠭᠤᠯᠳᠤᠷᠢᠯᠠᠴᠠᠪᠠᠨ ᠭᠠᠷᠬᠤ ᠠᠯᠲᠠᠨᠠ᠃ ᠬᠡᠴᠡᠬᠦᠦ ᠵᠠᠮᠢ ᠬᠠᠭ᠋ᠠᠰ ᠳᠤᠭᠤᠯᠲᠠᠯᠠ ᠲᠡᠷᠭᠡᠨᠤ ᠬᠦᠷᠲᠦ ᠵᠠᠮᠤᠨ ᠭᠤᠯᠳᠤᠷᠢᠯᠠᠴᠠᠪᠠᠨ ᠬᠠᠯᠳᠤ ᠭᠠᠷᠬᠤᠳᠤ ᠲᠡᠭᠡᠭᠡᠰᠢᠲᠠᠢ ᠲᠡᠷᠭᠡ ᠨᠢᠬᠡ ᠲᠡᠢ᠌ᠰᠢᠪᠠᠨ ᠤᠭᠵᠤᠮ ᠡᠷᠬᠦᠭᠳᠡᠬᠦ ᠰᠢᠦᠬᠡᠨ ᠪᠤᠯᠵᠤ᠂ ᠠᠪᠤ ᠶᠠᠭ᠋ᠠᠷᠠᠤᠬᠠᠨ ᠭᠡᠭᠴᠢ ᠵᠢᠯᠤᠭᠤᠪᠠᠨ ᠳᠤᠭᠲᠤᠷᠬᠤᠳᠤ ᠪᠤᠷᠤ ᠮᠤᠷᠢ ᠴᠤ᠌ ᠡᠵᠡᠨᠤᠪᠠᠨ ᠰᠠᠨᠠᠭᠠ ᠵᠢ ᠤᠢ᠌ᠯᠠᠭ᠋ᠠᠭᠰᠠᠨ ᠮᠡᠲᠦ ᠨᠢᠬᠡ ᠰᠠᠢ᠌ᠨ ᠠᠷᠣᠨᠰᠢ ᠰᠠᠭᠤᠬᠤᠳᠤ ᠲᠡᠭᠡᠭᠡᠰᠢ ᠬᠢᠬᠡᠳ ᠲᠡᠷᠭᠡᠨ ᠬᠦᠷᠲᠦ ᠬᠡᠮ ᠵᠶ᠋ᠡᠨ ᠤᠯᠵᠤ ᠬᠡᠪ ᠲᠤᠪᠠᠨ ᠤᠷᠤᠭᠰᠠᠨ ᠪᠠᠢ᠌ᠪᠠᠴᠤ ᠲᠡᠭᠡᠭᠡᠰᠢᠨᠤ ᠬᠦᠴᠦᠨᠳᠤ ᠲᠦᠷᠢᠭᠳᠡᠭᠡᠳ ᠮᠤᠷᠢᠨᠤ ᠳᠤᠭᠤᠷᠠᠢ ᠵᠢᠨ ᠤᠷᠤᠮ ᠵᠤᠷᠠᠢ᠌ᠲᠠᠯᠠ ᠬᠠᠷᠠᠭᠲᠠᠭᠰᠠᠨᠢ ᠠᠯᠢ ᠬᠤᠵᠢᠮᠨᠢ ᠰᠠᠢ᠌ᠬᠠᠨ ᠵᠠᠮᠳᠤ ᠤᠷᠤᠭᠰᠠᠨ ᠲᠠᠷᠠᠭᠠ ᠳᠤᠰᠬᠠᠢ᠌ᠯᠠᠨ ᠤᠴᠢᠵᠤ ᠦᠵᠡᠨ᠂ ᠭᠠᠢ᠌ᠬᠠᠨ ᠪᠢᠰᠢᠷᠡᠭᠰᠡᠨ ᠶᠤᠮ᠃ ᠪᠤᠷᠤ ᠮᠤᠷᠢ ᠲᠡᠭᠡᠵᠦ ᠨᠢᠬᠡ ᠳᠤᠭᠤᠷᠠᠢ ᠵᠢᠨ ᠤᠷᠤᠮ ᠵᠶ᠋ᠡᠨ ᠵᠤᠷᠠᠢ᠌ᠨ ᠦᠯᠡᠲᠡᠭᠡᠲᠡᠯᠡ ᠠᠷᠣᠨᠰᠢᠪᠠᠨ ᠰᠠᠭᠤᠭᠰᠠᠨ ᠦᠬᠡᠢ ᠪᠤᠯ ᠲᠡᠭᠡᠭᠡᠰᠢᠲᠠᠢ ᠲᠡᠷᠭᠡ᠂ ᠮᠤᠷᠢᠲᠠᠢᠪᠠᠨ ᠬᠦᠨ ᠭᠤᠤᠳᠤ ᠤᠷᠤᠨᠠ ᠬᠡᠳᠡᠭ ᠮᠠᠷᠭᠤᠰᠢ ᠦᠬᠡᠢ ᠬᠡᠷᠡᠭ ᠶᠤᠮ᠃ ᠶᠤᠰᠤᠳᠠᠢ ᠨᠢᠬᠡ ᠵᠢᠷᠦᠬᠡᠪᠠᠨ ᠭᠠᠷ ᠲᠤᠪᠠᠨ ᠪᠠᠷᠢᠵᠤ᠂ ᠠᠶᠤᠮᠰᠢᠭᠤᠨ ᠶᠡᠬᠡ ᠵᠠᠮᠢ ᠳᠤᠭᠤᠯᠵᠤ ᠭᠠᠷᠤᠭᠰᠠᠨ ᠳᠤᠪᠠᠨ ᠬᠦᠮᠦᠨᠲᠠᠢ ᠮᠤᠷᠢᠲᠠᠢᠪᠠᠨ ᠰᠡᠳᠬᠢᠯ ᠨᠢᠬᠡ ᠠᠮᠠᠷᠠᠭᠰᠠᠨ ᠶᠤᠮ᠃ ᠬᠦᠬᠡᠷᠦᠬᠦᠢ ᠪᠤᠷᠤ ᠮᠤᠷᠢ ᠡᠵᠡᠨᠤᠪᠠᠨ ᠵᠢᠭ᠋ᠠᠪᠤᠷᠢ ᠵᠢ ᠶᠡᠬᠡ ᠯᠠ ᠤᠬᠠᠭ᠋ᠠᠯᠢᠭ ᠤᠢ᠌ᠯᠠᠭ᠋ᠠᠵᠤ᠂ ᠵᠦᠢ᠍ᠲᠡᠢ ᠰᠢᠢ᠍ᠳᠪᠦᠷᠢᠯᠡᠲᠡᠭ ᠠᠭ᠋ᠠᠳ ᠲᠠᠷᠢᠶᠠ ᠲᠡᠭᠡᠭᠡᠰᠢᠨᠤ ᠬᠠᠷᠠ ᠪᠤᠷᠤ ᠠᠵᠢᠯᠳᠤ ᠶᠤᠰᠤᠳᠠᠢ ᠨᠢᠬᠡ ᠴᠠᠭ᠋ᠠᠷᠠᠭᠰᠠᠨ ᠤᠨᠤᠭᠠ ᠪᠤᠯᠵᠤ ᠪᠢᠯᠡ᠃
ᠭᠤᠷᠪᠠ
ᠪᠤᠷᠤ ᠦᠷᠢᠶᠡᠠᠴᠠᠪᠠᠨ ᠬᠦᠭᠰᠢᠨ ᠪᠤᠷᠤ ᠪᠤᠯᠲᠠᠯᠠᠪᠠᠨ ᠮᠠᠨᠤ ᠭᠡᠷᠤᠨ ᠠᠮᠢᠳᠤᠷᠠᠯ ᠠᠵᠢᠯᠳᠤ 《ᠠᠷᠠᠯᠤᠨ ᠱᠠᠷ》 ᠰᠢᠭ᠋᠂ 《ᠬᠤᠨᠢᠨᠤ ᠪᠤᠷᠤ》 ᠰᠢᠭ᠋ ᠵᠢᠳᠬᠦᠨ ᠶᠠᠪᠤᠭᠰᠠᠨᠨᠢ ᠶᠠᠭᠤᠲᠠᠢ ᠭᠠᠢ᠌ᠬᠠᠮᠠᠷ᠂ ᠶᠠᠭᠤᠲᠠᠢ ᠳᠤᠷᠠᠰᠤᠮᠠᠷ ᠠᠵᠢ᠃ ᠨᠠᠰᠤ ᠬᠦᠭᠰᠢᠷᠡᠭᠰᠡᠨᠤᠬᠢ ᠴᠤ᠌ ᠪᠤᠯᠪᠠ ᠤᠤ᠂ ᠡᠰᠡᠬᠦᠯᠡ ᠵᠠᠷᠤᠲᠠᠯ ᠮᠦᠩᠬᠦ ᠪᠠᠷ ᠭᠠᠴᠢᠭᠲᠠᠭᠰᠠᠨᠤ ᠬᠠᠷᠠᠭᠠᠪᠠᠷ ᠠᠪᠤ ᠡᠵᠢ ᠮᠢᠨᠢ ᠰᠡᠳᠬᠢᠯ ᠵᠶ᠋ᠡᠨ ᠴᠢᠩᠭ᠋ᠠᠯᠠᠨ ᠪᠠᠢ᠌ᠵᠤ᠂ ᠬᠦᠭᠰᠢᠨ ᠪᠤᠷᠤᠪᠠᠨ ᠬᠤᠯᠠ ᠨᠤᠲᠤᠭᠤᠨ ᠨᠢᠬᠡᠨ ᠤᠢ ᠵᠢᠨ ᠲᠠᠯᠠᠪᠠᠢ ᠬᠠᠷᠠᠲᠠᠭ ᠡᠪᠦᠬᠡᠨᠳᠤ ᠬᠤᠲᠠᠯᠳᠤᠨ ᠦᠭᠴᠦ ᠶᠠᠪᠤᠭᠤᠯᠤᠭᠰᠠᠨ ᠶᠤᠮ᠃ ᠲᠡᠷᠡ ᠡᠪᠦᠬᠡᠨ ᠨᠤᠮᠤᠬᠠᠨ ᠮᠦᠷᠲᠡᠭᠡᠨ ᠲᠠᠭ᠋ᠠᠭ᠋ᠠᠴᠠᠲᠠᠢ ᠬᠦᠭᠰᠢᠨ ᠪᠤᠷᠤ ᠵᠢ ᠤᠯᠤᠭᠰᠠᠨᠳᠠᠭᠠᠨ ᠮᠠᠰᠢ ᠤᠯᠵᠠᠭᠤᠷᠬᠠᠵᠤ ᠶᠠᠪᠤᠯᠠ ᠬᠡᠲᠡᠭ᠃
ᠬᠦᠭᠰᠢᠨ ᠪᠤᠷᠤᠪᠠᠨ ᠬᠤᠲᠠᠯᠳᠤᠵᠤ ᠶᠠᠪᠤᠭᠤᠯᠤᠭ᠋ᠠᠳ ᠤᠲᠠᠭᠠ ᠦᠬᠡᠢ ᠦᠶᠡᠳᠤ ᠪᠢᠯᠡ᠃ ᠨᠢᠬᠡᠨ ᠦᠷᠯᠦᠬᠡ ᠠᠪᠤᠳᠤ ᠬᠤᠯᠠ ᠵᠢᠨ ᠤᠲᠠᠰᠤ ᠢᠷᠡᠵᠦ ᠬᠦᠭᠰᠢᠨ ᠪᠤᠷᠤ ᠵᠢ ᠠᠯᠲᠠᠭ᠋ᠠᠳ ᠶᠠᠪᠤᠭᠤᠯᠤᠭᠰᠠᠨ ᠵᠶ᠋ᠡᠨ ᠳᠤᠭᠤᠯᠭ᠋ᠠᠯᠠ᠃ ᠤᠤᠯᠨᠢ ᠬᠦᠭᠰᠢᠨ ᠪᠤᠷᠤ ᠵᠢ ᠬᠤᠲᠠᠯᠳᠤᠨ ᠠᠪᠤᠭᠰᠠᠨ ᠲᠡᠷᠡ ᠡᠪᠦᠬᠡᠨᠤ ᠤᠲᠠᠰᠤ ᠪᠠᠢ᠌ᠵᠤ᠂ ᠬᠦᠭᠰᠢᠨ ᠪᠤᠷᠤ ᠮᠢᠨᠢ ᠬᠦᠮᠦᠨᠤ ᠨᠤᠲᠤᠭ ᠬᠦᠨᠳᠡᠯᠡᠨᠤ ᠭᠠᠵᠠᠷ ᠲᠠᠰᠬᠤ ᠴᠤ᠌ ᠦᠬᠡᠢ᠂ ᠬᠡᠷ ᠨᠤᠲᠤᠭ ᠡᠵᠡᠨ ᠵᠶ᠋ᠡᠨ ᠰᠠᠨᠠᠬᠤ ᠵᠢᠨ ᠡᠷᠬᠡᠪᠠᠷ ᠲᠠᠰᠤᠷᠬᠠᠢ ᠲᠤᠰᠢᠶᠠᠲᠠᠢ ᠭᠠᠷᠴᠤ ᠢᠷᠡᠭᠰᠡᠨᠨᠢ ᠡᠨᠡ ᠪᠢᠯᠡ᠃
ᠮᠤᠩᠭᠤᠯ ᠮᠤᠷᠢ ᠶᠡᠬᠡ ᠭᠠᠵᠠᠷᠴᠢ᠂ ᠶᠡᠬᠡ ᠨᠤᠲᠤᠭᠰᠠᠭ ᠭᠡᠵᠦ ᠮᠠᠨᠤ ᠠᠬᠠᠮᠠᠳᠤᠳ ᠶᠠᠷᠢᠲᠠᠭ ᠪᠦᠬᠡᠳ ᠵᠤᠬᠢᠶᠠᠯᠴᠢᠳᠤᠨ ᠵᠤᠬᠢᠶᠠᠯ ᠪᠦᠲᠦᠬᠡᠯᠳᠤ ᠴᠤ᠌ ᠤᠯᠠᠨᠲᠠ ᠳᠤᠷᠠᠳᠲᠠᠭ ᠪᠠᠢ᠌ᠭᠰᠠᠨ ᠶᠤᠮ᠃ ᠲᠡᠢ᠌ᠮᠦ ᠡ᠃ ᠬᠦᠬᠡᠷᠦᠬᠦᠢ ᠪᠤᠷᠤ ᠮᠤᠷᠢ ᠮᠢᠨᠢ ᠨᠤᠲᠤᠭ ᠵᠶ᠋ᠡᠨ᠂ ᠡᠵᠡᠨ ᠵᠶ᠋ᠡᠨ᠂ ᠢᠵᠢᠯᠢᠪᠠᠨ ᠰᠠᠨᠠᠬᠤᠳᠠᠭᠠᠨ ᠬᠡᠳᠦᠨ ᠵᠠᠭᠤᠨ ᠭᠠᠵᠠᠷᠤᠨ ᠠᠯᠤᠰᠠᠴᠠ ᠲᠠᠰᠤᠷᠬᠠᠢ ᠲᠤᠰᠢᠶᠠᠲᠠᠢ ᠬᠠᠷᠢᠵᠤ ᠢᠷᠡᠭᠰᠡᠨ ᠪᠢᠯᠡ᠃ ᠲᠡᠬᠡᠬᠦᠳᠤ ᠠᠪᠤ ᠡᠵᠢ ᠮᠢᠨᠢ ᠬᠦᠭᠰᠢᠨ ᠪᠤᠷᠤ ᠵᠢᠨ ᠵᠶ᠋ᠡᠨ ᠦᠰᠦ ᠵᠢᠰᠦ ᠵᠢᠨᠢ ᠰᠠᠢ᠌ᠬᠠᠨ ᠶᠠᠩᠵᠤᠯᠠᠵᠤ᠂ ᠲᠠᠰᠤᠷᠬᠠᠢ ᠲᠤᠰᠢᠶᠠ ᠵᠢᠨᠢ ᠲᠠᠢ᠌ᠯᠤᠨ ᠦᠭᠴᠦ᠂ ᠶᠠᠭᠤ ᠪᠦᠬᠦᠨᠢᠨᠢ ᠪᠡᠯᠬᠡᠰᠢᠶᠡᠨ᠂ ᠦᠪᠡᠷᠤᠨ ᠡᠷᠬᠡ ᠦᠬᠡᠢ ᠨᠢᠳᠦᠨᠢ ᠵᠠᠢ᠌ᠷᠳᠤᠵᠤ ᠪᠠᠢ᠌ᠭᠰᠠᠨ ᠵᠶ᠋ᠡᠨ ᠪᠢᠳᠡᠨᠳᠤ ᠶᠠᠷᠢᠵᠤ ᠦᠭᠭᠦᠭᠰᠡᠨ ᠶᠤᠮ᠃ ᠮᠤᠩᠭᠤᠯ ᠮᠤᠷᠢᠨᠤᠪᠠᠨ ᠤᠤᠷ ᠴᠢᠨᠠᠷ ᠪᠦᠬᠦᠨᠢ ᠪᠡᠶᠡ ᠳᠤᠪᠠᠨ ᠠᠪᠴᠤ ᠲᠦᠷᠦᠭᠰᠡᠨ ᠬᠦᠬᠡᠷᠦᠬᠦᠢ ᠬᠦᠭᠰᠢᠨ ᠪᠤᠷᠤᠪᠠᠨ ᠰᠢᠨᠡ ᠡᠵᠡᠨᠨᠢ ᠢᠷᠡᠬᠦ ᠵᠢ ᠵᠠᠪᠳᠤᠨ ᠡᠪᠡᠰᠦ ᠪᠤᠷᠳᠤᠭᠠ ᠵᠢᠨᠢ ᠰᠠᠢ᠌ᠳᠤᠷ ᠦᠭᠴᠦ᠂ ᠰᠡᠳᠬᠢᠯᠤᠨ ᠦᠷᠢᠪᠠᠨ ᠨᠢᠮᠬᠡᠯᠡᠵᠦ᠂ ᠭᠤᠨᠢᠭ ᠬᠠᠷᠠᠭᠤᠰᠤᠯ ᠵᠶ᠋ᠡᠨ ᠵᠢᠭ᠋ᠠᠬᠠᠨ ᠴᠤ᠌ ᠭᠡᠰᠡᠨ ᠲᠠᠢ᠌ᠯᠬᠤ ᠬᠡᠮᠡᠨ ᠴᠢᠷᠮᠠᠢ᠌ᠵᠤ ᠪᠠᠢ᠌ᠭᠰᠠᠨ ᠵᠶ᠋ᠡᠨ ᠴᠤ᠌ ᠨᠦᠬᠦᠪᠦᠷᠢᠯᠡᠵᠦ ᠶᠠᠷᠢᠭᠰᠠᠨ ᠰᠠᠨ᠃
ᠠᠪᠤ ᠵᠢᠨ ᠶᠠᠪᠤᠭᠤᠯᠤᠭᠰᠠᠨ ᠤᠲᠠᠰᠤ ᠵᠢ ᠲᠤᠰᠤᠭ᠋ᠠᠳ ᠲᠡᠷᠡ ᠡᠪᠦᠬᠡᠨ ᠲᠦᠢ᠍ᠯ ᠦᠬᠡᠢ ᠪᠠᠶᠠᠷᠯᠠᠵᠤ᠂ ᠮᠤᠷᠢᠪᠠᠨ ᠪᠢ ᠵᠦᠪ ᠰᠤᠩᠭᠤᠵᠤ ᠬᠤᠲᠠᠯᠳᠤᠨ ᠠᠪᠤᠭᠰᠠᠨ ᠬᠡᠵᠦ ᠤᠯᠵᠠᠭᠤᠷᠬᠠᠨ ᠶᠠᠷᠢᠵᠤ᠂ ᠬᠦᠭᠰᠢᠨ ᠪᠤᠷᠤ ᠵᠢ ᠠᠪᠤᠭ᠋ᠠᠳ ᠬᠠᠷᠢᠬᠤᠳᠤᠪᠠᠨ ᠵᠠᠮᠳᠤ ᠲᠠᠭ᠋ᠠᠷᠠᠭᠰᠠᠨ ᠬᠡᠳᠦᠨ ᠮᠤᠩᠭᠤᠯ ᠠᠢ᠌ᠯᠤᠳ ᠵᠶ᠋ᠡᠷ ᠮᠤᠷᠢᠨᠤᠪᠠᠨ ᠦᠯᠢᠬᠡᠷᠢ ᠶᠠᠷᠢᠵᠤ ᠦᠭᠭᠦᠭᠰᠡᠨ ᠲᠡᠲᠦᠢ ᠦᠬᠡᠢ᠂ ᠲᠠᠷᠠᠭᠠᠪᠠᠷ ᠬᠡᠷᠪᠡ ᠨᠤᠲᠤᠭ ᠵᠦᠭ ᠵᠶ᠋ᠡᠨ ᠲᠡᠮᠡᠤᠯᠵᠦ ᠢᠷᠡᠬᠦ ᠳᠤᠨᠢ ᠵᠠᠮ ᠲᠠᠭ᠋ᠠᠷᠠᠪᠠᠯ ᠬᠠᠰᠢᠵᠤ ᠠᠪᠬᠤ ᠪᠤᠶᠤ ᠰᠤᠷᠠᠭ ᠳᠤᠭᠤᠯᠭ᠋ᠠᠵᠤ ᠦᠭᠭᠦ ᠵᠢ ᠨᠠᠢ᠌ᠲᠠᠭᠰᠠᠨ ᠭᠡᠳᠡᠭ᠃ ᠰᠡᠬᠦᠯ ᠳᠤᠨᠢ ᠬᠦᠭᠰᠢᠨ ᠪᠤᠷᠤ ᠵᠢᠨ ᠳᠤᠬᠠᠢ ᠰᠤᠷᠠᠭ ᠲᠠᠬᠢᠵᠤ ᠰᠤᠨᠤᠰᠳᠠᠭᠰᠠᠨ ᠦᠬᠡᠢ᠃ ᠬᠦᠭᠰᠢᠨ ᠪᠤᠷᠤ ᠮᠢᠨᠢ ᠮᠤᠩᠭᠤᠯ ᠨᠤᠲᠤᠭᠤᠨ ᠵᠶ᠋ᠡᠨ ᠤᠰᠤᠨᠤ ᠳᠤᠩᠭ᠋ᠠᠯᠠᠭᠢ ᠤᠤᠭᠤᠨ᠂ ᠡᠪᠡᠰᠦᠨᠤ ᠰᠤᠷᠢ ᠢᠲᠡᠰᠢᠯᠡᠨ ᠶᠠᠪᠤᠭᠠ ᠪᠠᠢ᠌ᠯᠬᠦᠢ⁈
ᠠᠷᠭᠤᠮᠠᠭ ᠮᠤᠩᠭᠤᠯ ᠮᠤᠷᠢᠨᠤ ᠳᠤᠬᠠᠢ ᠦᠯᠢᠬᠡᠷ ᠤᠴᠠᠷᠠᠯ᠂ ᠭᠠᠢ᠌ᠬᠠᠮᠰᠢᠭᠳᠤ ᠶᠠᠪᠤᠲᠠᠯ ᠳᠤᠮᠤᠭ ᠳᠤᠤᠯᠢ ᠰᠢᠭ ᠠᠮᠠ ᠲᠠᠮᠵᠢᠭᠲᠠᠨ ᠶᠠᠷᠢᠭᠲᠠᠵᠤ᠂ ᠰᠤᠨᠤᠰᠤᠭᠰᠠᠨ ᠪᠦᠬᠦᠨᠤ ᠰᠡᠳᠬᠢᠯᠢ ᠦᠪᠡᠷᠤᠨ ᠡᠷᠬᠡ ᠦᠬᠡᠢ ᠬᠦᠳᠡᠯᠬᠡᠲᠡᠭ ᠰᠠᠨ᠃