ᠳᠤᠮᠳᠠᠳᠤ ᠤᠯᠤᠰᠤᠨ ᠮᠣᠩᠭᠣᠯ ᠰᠡᠳᠭᠦᠯᠤᠨᠬᠢᠨᠤ 《ᠮᠣᠩᠭᠣᠯ ᠮᠣᠷᠢᠨᠤ ᠵᠣᠷᠢᠭ ᠰᠠᠨᠠᠭᠠ ᠵᠢ ᠪᠠᠳᠠᠷᠠᠭᠤᠯᠵᠤ ᠰᠢᠨᠡ ᠴᠠᠭ ᠡᠷᠢᠨᠳᠤ ᠰᠢᠨᠡ ᠵᠢᠳᠭᠦᠯ ᠦᠵᠡᠭᠦᠯᠰᠦᠭᠡᠢ》 ᠭᠣᠤᠯ ᠰᠡᠳᠦᠪᠲᠦ ᠪᠣᠯᠪᠠᠰᠤᠷᠠᠯ ᠪᠠ 37 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ ᠣᠨᠤ ᠬᠤᠷᠠᠯ 2023 ᠣᠨ 8 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 11—13ᠤ ᠡᠳᠦᠷ ᠰᠢᠯᠢ ᠵᠢᠨ ᠭᠣᠤᠯ ᠠᠢ᠌ᠮᠠᠭᠤᠨ ᠠᠪᠠᠭᠠ ᠬᠣᠰᠢᠭᠤᠨᠤ ᠪᠡᠯᠭᠦᠳᠡᠢ ᠪᠠᠯᠭ᠋ᠠᠰᠤᠨᠳᠤ ᠶᠠᠪᠤᠭᠳᠠᠯᠠ᠃ ᠲᠤᠰ ᠬᠤᠷᠠᠯᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠮᠣᠩᠭᠣᠯ ᠰᠡᠳᠬᠦᠯ ᠰᠣᠳᠤᠯᠬᠤ ᠬᠤᠷᠠᠯ᠂ ᠥᠪᠥᠷ ᠮᠣᠩᠭᠣᠯᠤᠨ ᠮᠣᠩᠭᠣᠯ ᠰᠡᠳᠬᠦᠯ ᠰᠣᠳᠤᠯᠬᠤ ᠬᠤᠷᠠᠯᠤᠨᠬᠢᠨ ᠭᠣᠤᠯᠯᠠᠨ ᠡᠷᠭᠢᠯᠡᠵᠦ᠂ ᠰᠢᠯᠢ ᠵᠢᠨ ᠭᠣᠤᠯ ᠠᠢ᠌ᠮᠠᠭᠤᠨ ᠠᠪᠠᠭᠠ ᠬᠣᠰᠢᠭᠤᠨᠤ ᠰᠣᠶᠣᠯ ᠪᠡᠶᠡ ᠲᠠᠮᠢᠷ ᠵᠢᠭᠤᠯᠴᠢᠯᠠᠯ ᠷᠠᠳᠢᠣ᠋ ᠲᠧᠯᠸᠢᠰᠤᠨ ᠲᠣᠪᠴᠢᠶᠠ᠂ ᠠᠪᠠᠭᠠ ᠬᠣᠰᠢᠭᠤᠨᠤ ᠤᠳᠬᠠ ᠤᠷᠠᠯᠢᠭᠤᠨᠬᠢᠨᠤ ᠬᠣᠯᠪᠣᠭᠠ ᠵᠢᠨᠬᠢᠨ ᠳᠠᠭ᠋ᠠᠭ᠋ᠠᠴᠢᠯᠠᠨ ᠡᠷᠬᠢᠯᠡᠪᠡ᠃ ᠠᠪᠠᠭᠠ ᠬᠣᠰᠢᠭᠤᠨᠤ ᠨᠠᠮᠤᠨ ᠬᠣᠷᠢᠶᠠ ᠵᠢᠨ ᠪᠠᠢ᠌ᠩᠭᠤ ᠵᠢᠨ ᠬᠡᠰᠢᠭᠦᠨ᠂ ᠤᠬᠠᠭᠤᠯᠬᠤ ᠬᠡᠯᠲᠡᠰᠤᠨ ᠳᠠᠷᠤᠭᠠ ᠭᠠᠩᠴᠣᠭᠲᠤ᠂ ᠠᠪᠠᠭᠠ ᠬᠣᠰᠢᠭᠤᠨᠤ ᠰᠣᠶᠣᠯ ᠪᠡᠶᠡ ᠲᠠᠮᠢᠷ ᠵᠢᠭᠤᠯᠴᠢᠯᠠᠯ ᠷᠠᠳᠢᠣ᠋ ᠲᠧᠯᠸᠢᠰᠤᠨ ᠲᠣᠪᠴᠢᠶᠠ ᠵᠢᠨ ᠲᠣᠪᠴᠢᠶᠠᠨ ᠳᠠᠷᠤᠭᠠ ᠬᠠᠰᠪᠠᠭ᠋ᠠᠨᠠ ᠵᠡᠷᠭᠡ ᠤᠳᠤᠷᠢᠳᠤᠯᠭᠠ ᠪᠣᠯᠤᠨ ᠲᠠᠯᠠᠭ᠋ᠠᠳ ᠰᠡᠳᠬᠦᠯᠴᠢ ᠬᠤᠷᠠᠯᠳᠤ ᠣᠷᠤᠯᠴᠠᠪᠠ᠃
ᠬᠤᠷᠠᠯ ᠳᠡᠭᠡᠷᠡ ᠠᠪᠠᠭᠠ ᠬᠣᠰᠢᠭᠤᠨᠤ ᠨᠠᠮᠤᠨ ᠬᠣᠷᠢᠶᠠ ᠵᠢᠨ ᠪᠠᠢ᠌ᠩᠭᠤ ᠵᠢᠨ ᠬᠡᠰᠢᠭᠦᠨ᠂ ᠤᠬᠠᠭᠤᠯᠬᠤ ᠬᠡᠯᠲᠡᠰᠤᠨ ᠳᠠᠷᠤᠭᠠ ᠭᠠᠩᠴᠣᠭᠲᠤ ᠤᠭᠲᠤᠯᠭᠠ ᠵᠢᠨ ᠶᠠᠷᠢᠶᠠ ᠲᠠᠯᠪᠢᠵᠤ᠂ ᠦᠪᠦᠷ ᠮᠤᠩᠭᠤᠯᠤᠨ ᠮᠣᠩᠭᠣᠯ ᠰᠡᠳᠭᠦᠯ ᠰᠣᠳᠤᠯᠬᠤ ᠬᠤᠷᠠᠯᠤᠨ ᠳᠠᠷᠤᠭᠠ᠂ ᠥᠪᠥᠷ ᠮᠣᠩᠭᠣᠯᠤᠨ ᠵᠢᠷᠤᠭᠲᠤ ᠰᠡᠳᠭᠦᠯᠤᠨ ᠬᠣᠷᠢᠶᠠ ᠵᠢᠨ ᠬᠣᠷᠢᠶᠠᠨ ᠳᠠᠷᠤᠭᠠ ᠪᠠᠶᠠᠨᠪᠤᠯᠠᠭ ᠰᠣᠳᠤᠯᠬᠤ ᠬᠤᠷᠠᠯᠤᠨ ᠠᠵᠢᠯ ᠢ ᠳ᠋ᠦᠩᠨᠠᠪᠠ᠃ ᠲᠤᠰ ᠪᠤᠯᠪᠠᠰᠤᠷᠠᠯᠳᠤ 《ᠦᠨᠳᠦᠰᠦᠲᠡᠨᠤ ᠤᠳᠬᠠ ᠵᠣᠬᠢᠶᠠᠯ》 ᠰᠡᠳᠭᠦᠯᠤᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠶᠦᠩ ᠬᠤᠸᠠ 《ᠡᠬᠡ ᠪᠢᠴᠢᠭ ᠨᠠᠢ᠌ᠷᠠᠭᠤᠯᠬᠤ ᠶᠠᠪᠤᠴᠠᠳᠤᠪᠠᠨ ᠦᠵᠡᠯ ᠤᠬᠠᠮᠰᠠᠷᠤᠨ ᠠᠰᠠᠭᠤᠳᠠᠯᠢ ᠬᠡᠷᠬᠢᠨ ᠰᠢᠢ᠍ᠳᠪᠤᠷᠢᠯᠡᠬᠦ ᠪᠤᠢ》 ᠰᠡᠳᠤᠪ ᠵᠶ᠋ᠠᠷ᠂ 《ᠳᠤᠮᠳᠠᠳᠤ ᠤᠯᠤᠰᠤᠨ ᠮᠣᠩᠭᠣᠯ ᠰᠣᠳᠤᠯᠤᠯ》 ᠰᠡᠳᠭᠦᠯᠤᠨ ᠶᠡᠷᠦᠩᠬᠡᠢ ᠨᠠᠢ᠌ᠷᠠᠭᠤᠯᠤᠭᠴᠢ ᠰᠠᠷᠠᠨᠠ 《ᠦᠷᠭᠦᠯᠵᠢ ᠳᠣᠬᠢᠶᠠᠯᠳᠤᠬᠤ ᠨᠠᠢ᠌ᠷᠠᠭᠤᠯᠭᠠ ᠬᠠᠷᠭᠤᠭᠤᠯᠭᠠ ᠵᠢᠨ ᠠᠯᠳᠠᠭᠠ ᠵᠢᠴᠢ ᠰᠢᠢ᠍ᠳᠪᠦᠷᠢᠯᠡᠬᠦ ᠠᠷᠭᠠ》 ᠰᠡᠳᠤᠪ ᠵᠶ᠋ᠠᠷ ᠢᠯᠡᠳᠭᠡᠯ ᠬᠢᠵᠦ᠂ ᠰᠡᠳᠬᠦᠯᠤᠨ ᠦᠵᠡᠯ ᠤᠬᠠᠮᠰᠠᠷᠤᠨ ᠬᠢᠨᠠᠯᠲᠠ ᠬᠢᠭᠡᠳ ᠨᠠᠢ᠌ᠷᠠᠭᠤᠯᠭᠠ ᠵᠢᠨ ᠲᠦᠪᠰᠢᠨᠢ ᠲᠡᠭᠡᠭᠰᠢᠯᠡᠬᠦᠯᠬᠦ ᠠᠰᠠᠭᠤᠳᠠᠯᠤᠨ ᠲᠤᠭᠤᠷᠢᠨᠳᠤ ᠶᠠᠷᠢᠯᠴᠠᠭᠠ ᠦᠷᠨᠢᠭᠦᠯᠪᠡ ᠃
ᠦᠪᠦᠷ ᠮᠤᠩᠭᠤᠯᠤᠨ ᠮᠤᠩᠭᠤᠯ ᠰᠡᠳᠬᠦᠯ ᠰᠣᠳᠤᠯᠬᠤ ᠬᠤᠷᠠᠯᠤᠨᠬᠢᠨ ᠠᠪᠠᠭᠠ ᠬᠣᠰᠢᠭᠤᠨᠤ ᠤᠳᠬᠠ ᠤᠷᠠᠯᠢᠭᠤᠨᠬᠢᠨᠤ ᠬᠣᠯᠪᠣᠭᠠᠳᠤ ᠨᠣᠮ ᠰᠡᠳᠭᠦᠯ ᠬᠠᠨᠳᠢᠪᠯᠠᠵᠦ᠂ ᠤᠷᠤᠨ ᠨᠤᠲᠤᠭᠤᠨ ᠰᠤᠶᠤᠯᠤᠨ ᠪᠦᠲᠦᠭᠡᠨ ᠪᠠᠢ᠌ᠭᠤᠯᠤᠯᠲᠠᠳᠤ ᠲᠤᠰᠠ ᠪᠤᠯᠬᠤ ᠵᠢ ᠵᠤᠷᠢᠯᠠ ᠃ ᠬᠤᠷᠠᠯ ᠲᠡᠭᠡᠷᠡ ᠦᠪᠦᠷ ᠮᠤᠩᠭᠤᠯᠤᠨ ᠵᠠᠯᠠᠭᠤᠴᠤᠳ ᠪᠠᠭ᠋ᠠᠴᠤᠳᠤᠨ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯᠤᠨ ᠬᠦᠮᠦᠵᠢᠯ ᠦᠢ᠍ᠯᠡᠳᠦᠯᠭᠡ ᠵᠢᠨ ᠲᠦᠪᠤᠨ ᠡᠷᠬᠢᠯᠡᠭᠴᠢ ᠡᠦ ᠵᠢᠨ ᠪᠤᠤ᠂ 〈ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭ ᠰᠡᠳᠬᠦᠯᠤᠨ ᠶᠡᠷᠦᠩᠬᠡᠢ ᠨᠠᠢ᠌ᠷᠠᠭᠤᠯᠤᠭᠴᠢ ᠪᠠᠶᠠᠨᠴᠡᠴᠡᠭ ᠂ 《ᠨᠡᠢ᠌ᠭᠡᠮ》 ᠰᠡᠳᠬᠦᠯᠤᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠡᠦ ᠬᠠᠢ ᠹᠸᠩ᠂ 《ᠵᠢᠷᠢᠮᠤᠨ ᠤᠷᠠᠨ ᠵᠤᠬᠢᠶᠠᠯ》 ᠰᠡᠳᠬᠦᠯᠤᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠪᠤᠤ ᠵᠢᠨ ᠱᠠᠨ᠂ 《ᠴᠡᠴᠡᠭᠲᠦ ᠴᠠᠢ᠌ᠲᠠᠮ》 ᠰᠡᠳᠬᠦᠯᠤᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠲᠤᠩ ᠴᠤᠤᠷᠢᠶᠠ᠂ 《ᠦᠨᠢᠷ ᠴᠡᠴᠡᠭ》 ᠰᠡᠳᠬᠦᠯᠤᠨ ᠤᠤᠯᠤᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠦᠭᠡᠯᠡᠳ ᠪᠠᠭ᠋ᠠᠲᠤᠷ ᠵᠡᠷᠭᠡ 6 ᠬᠦᠮᠦᠨ ᠢ ᠭᠠᠪᠢᠶᠠᠲᠤ ᠨᠠᠢ᠌ᠷᠠᠭᠤᠯᠤᠭᠴᠢᠪᠠᠷ᠂ 《ᠦᠷᠤᠨ ᠴᠤᠯᠮᠤᠨ》 ᠰᠡᠳᠬᠦᠯᠤᠨ ᠳᠡᠳ᠋ ᠶᠡᠷᠦᠩᠬᠡᠢ ᠨᠠᠢ᠌ᠷᠠᠭᠤᠯᠤᠭᠴᠢ ᠬᠤᠶᠠᠭ᠂ 《ᠲᠤᠷᠭ᠋ᠠᠨ ᠵᠢᠯᠤᠭᠤ》 ᠰᠡᠳᠬᠦᠯᠤᠨ ᠶᠡᠷᠦᠩᠬᠡᠢ ᠨᠠᠢ᠌ᠷᠠᠭᠤᠯᠤᠭᠴᠢ ᠬᠠᠰᠡᠷᠳᠡᠨᠢ᠂ 《ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯ》 ᠰᠡᠳᠬᠦᠯᠤᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠲᠤᠶᠠᠭᠠ᠂ 《ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ ᠠᠮᠢᠳᠤᠷᠠᠯ》 ᠰᠡᠳᠬᠦᠯᠤᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠡ᠊ · ᠪᠤᠯᠤᠷ᠂ 《ᠦᠪᠦᠷ ᠮᠤᠩᠭᠤᠯᠤᠨ ᠨᠡᠢ᠌ᠭᠡᠮᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ》 ᠰᠡᠳᠬᠦᠯᠤᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠡᠷᠳᠡᠨᠢᠲ᠋ᠠᠨᠠ᠂ 《ᠴᠤᠮᠤᠷᠯᠢᠭ》 ᠰᠡᠳᠬᠦᠯᠤᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠱ᠌ᠢᠷᠦᠨᠬᠤᠸᠠᠷ᠂ 《ᠦᠢ᠍ᠯᠡᠳᠦᠯᠭᠡ》 ᠰᠡᠳᠬᠦᠯᠤᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠰᠡᠷᠵᠢᠬᠤᠷᠯᠤ᠂ 《ᠦᠨᠳᠦᠰᠦᠲᠡᠨᠤ ᠰᠤᠨᠢᠨ ᠮᠡᠳᠡᠭᠡ ᠬᠡᠪᠯᠡᠯ ᠷᠠᠳᠢᠤ᠋ ᠲᠸᠯᠸᠢᠰ》 ᠰᠡᠳᠬᠦᠯᠤᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠪᠤᠯᠤᠷ᠂ ᠤᠤᠯᠤᠨ 《ᠪᠠᠶᠠᠨ ᠭᠤᠤᠯ》 ᠰᠡᠳᠬᠦᠯᠤᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠲᠦᠯᠦᠮᠵᠠᠢ ᠵᠡᠷᠭᠡ 9 ᠬᠦᠮᠦᠨᠢ ᠰᠢᠯᠢᠳᠡᠭ ᠨᠠᠢ᠌ᠷᠠᠭᠤᠯᠤᠭᠴᠢᠪᠠᠷ ᠬᠦᠬᠢᠭᠦᠯᠪᠡ᠃ ᠬᠤᠷᠠᠯᠤᠨ ᠬᠤᠭᠤᠴᠠᠭ᠋ᠠᠨᠠ 《ᠠᠵᠠ ᠬᠡᠢ᠌ᠮᠦᠷᠢᠲᠦ ᠠᠪᠠᠭᠠ ᠬᠤᠰᠢᠭᠤ》 ᠢᠷᠠᠭᠤ ᠨᠠᠢ᠌ᠷᠠᠭᠤᠨ ᠤᠷᠤᠯᠳᠤᠭ᠋ᠠᠨᠤ ᠰᠢᠢ᠍ᠳᠪᠤᠷᠢᠲᠤ ᠤᠷᠤᠯᠳᠤᠭ᠋ᠠᠨᠢ ᠶᠠᠪᠤᠭᠳᠠᠭᠤᠯᠵᠦ᠂ ᠮᠤᠩᠭᠤᠯ ᠬᠡᠯᠡᠨᠤ ᠲᠤᠭᠤᠢ᠌ᠯᠠᠩᠳᠤ ᠨᠠᠷᠠᠨᠴᠤᠭᠲᠤ ᠲᠡᠷᠢᠭᠦᠯᠡᠵᠦ᠂ ᠬᠢᠲᠠᠳ ᠬᠡᠯᠡᠨᠤ ᠲᠤᠭᠤᠢ᠌ᠯᠠᠩᠳᠤ ᠰᠢ᠊ · ᠭᠡᠭᠡᠨᠲᠤᠶᠠᠭᠠ ᠲᠡᠷᠢᠭᠦᠯᠡᠯᠡ᠃ ᠬᠤᠷᠠᠯᠤᠨ ᠬᠤᠭᠤᠴᠠᠭ᠋ᠠᠨᠠ ᠪᠠᠰᠠ ᠠᠪᠠᠭᠠ ᠬᠣᠰᠢᠭᠤᠨᠤ ᠨᠠᠢ᠌ᠮᠠᠳᠤᠭ᠋ᠠᠷ ᠬᠤᠭᠤᠴᠠᠭ᠋ᠠᠨᠤ ᠠᠷᠠᠳᠤᠨ ᠶᠡᠬᠡ ᠨᠠᠭ᠋ᠠᠳᠤᠮᠤᠨ ᠴᠢᠬᠤᠯᠠ ᠠᠵᠢᠯᠯᠠᠭᠠ ᠪᠣᠯᠬᠤ ᠤᠷᠠᠨ ᠪᠢᠴᠢᠯᠭᠡ ᠵᠢᠨ ᠦᠵᠡᠰᠭᠦᠯᠡᠩᠢ ᠰᠤᠨᠢᠷᠬᠠᠵᠦ᠂ ᠰᠢᠨᠡ ᠬᠥᠳᠡᠭᠡ ᠲᠤᠰᠬᠤᠨᠳᠤ ᠭᠦᠨᠵᠡᠭᠡᠢ᠌ᠷᠡᠵᠦ ᠵᠢᠱ᠌ᠢᠶᠡᠴᠢ ᠮᠠᠯᠴᠢᠳᠤᠨ ᠠᠮᠢᠳᠤᠷᠠᠯᠢ ᠰᠤᠷᠪᠤᠯᠵᠢᠯᠠᠨ᠂ ᠲᠤᠰᠬᠠᠢ ᠰᠡᠳᠤᠪᠲᠤ ᠨᠠᠮᠤᠨ ᠬᠢᠴᠢᠶᠡᠯ ᠰᠣᠨᠤᠰᠪᠠ᠃