ᠰᠢᠶᠠᠨ ᠵᠢᠦᠢ ᠲᠠᠬᠢᠶᠠ （仙居鸡） ᠪᠣᠯ ᠮᠠᠨᠤ ᠣᠯᠣᠰᠤᠨ ᠰᠢᠯᠢᠳᠡᠭ ᠰᠠᠢ᠌ᠨ ᠪᠠᠭᠠ ᠬᠡᠯᠪᠡᠷᠢ ᠵᠢᠨ ᠦᠨᠳᠡᠭᠡᠨ ᠲᠠᠬᠢᠶᠠᠨ ᠡᠭᠦᠯᠳᠡᠷ ᠮᠦᠨ᠃
（ᠨᠢᠭᠡ） ᠪᠡᠶᠡ ᠭᠠᠯᠪᠢᠷ
1. ᠭᠠᠳᠠᠷ ᠳᠦᠷᠰᠦ ᠵᠢᠨ ᠤᠨᠴᠠᠯᠢᠭ
ᠴᠤᠷᠪᠠᠭᠠ ᠲᠠᠬᠢᠶᠠ ᠵᠢᠨ ᠨᠣᠯᠣᠣᠷ ᠦᠳᠦᠨᠢ ᠰᠢᠷᠠ ᠦᠩᠭᠡᠲᠠᠢ᠂ ᠭᠦᠨ ᠭᠦᠢ᠍ᠬᠡᠨ ᠠᠳᠠᠯᠢ ᠦᠭᠡᠢ᠂ ᠬᠣᠰᠢᠭᠤ᠂ ᠰᠢᠯᠪᠢ᠂ ᠬᠦᠯ ᠣᠯᠠᠩᠬᠢᠨᠢ ᠰᠢᠷᠠ ᠦᠩᠭᠡᠲᠠᠢ᠂ ᠴᠦᠬᠡᠨᠨᠢ ᠬᠦᠬᠡ ᠦᠩᠭᠡᠲᠠᠢ ᠪᠠᠢ᠌ᠳᠠᠭ᠃ ᠰᠢᠶᠠᠨ ᠵᠢᠦᠢ ᠲᠠᠬᠢᠶᠠ ᠵᠢᠨ ᠲᠣᠯᠣᠭ᠋ᠠᠢ ᠵᠢᠨ ᠬᠡᠰᠡᠭᠤᠨ ᠶᠡᠬᠡ ᠪᠠᠭᠠᠨᠢ ᠲᠤᠬᠢᠷᠠᠮᠵᠢᠲᠠᠢ᠂ ᠨᠢᠷᠤᠭᠤᠨ ᠬᠡᠰᠡᠭᠨᠢ ᠴᠡᠪᠡᠷᠬᠡᠨ ᠪᠠᠢ᠌ᠳᠠᠭ᠃ ᠳᠠᠩ ᠰᠡᠴᠢᠭ᠂ ᠰᠡᠴᠢᠭᠤᠨ ᠤᠷᠤᠢᠨᠢ ᠲᠡᠭᠰᠢᠳᠭᠡᠭᠡᠳ 6 ᠪᠠᠢ᠌ᠳᠠᠭ᠃ ᠮᠣᠯᠴᠤᠭᠨᠢ ᠳᠣᠮᠳᠠ ᠵᠡᠷᠭᠡ᠂ ᠨᠡᠯᠢᠶᠡᠳ ᠨᠢᠮᠭᠡᠨ᠂ ᠴᠢᠬᠢᠨ ᠳᠡᠯᠪᠢᠨᠢ ᠵᠣᠣᠪᠠᠩ᠂ ᠰᠤᠷᠭᠤᠭ ᠤᠯᠠᠭ᠋ᠠᠨ ᠦᠩᠭᠡᠲᠠᠢ᠃ ᠨᠢᠳᠦᠨᠤ ᠰᠣᠯᠣᠩᠭ᠋ᠠᠨ ᠪᠦᠷᠬᠦᠭᠦᠯᠨᠢ ᠵᠦᠷᠵᠢᠨ ᠰᠢᠷᠠ ᠦᠩᠭᠡᠲᠠᠢ᠂ ᠪᠠᠰᠠ ᠵᠠᠷᠢᠮᠨᠢ ᠬᠠᠷᠠ ᠪᠣᠷᠣ᠂ ᠠᠯᠲᠠᠨ ᠰᠢᠷᠭ᠋ᠠᠯ ᠪᠣᠶᠣ ᠬᠦᠷᠡᠩ ᠦᠩᠭᠡᠲᠠᠢ ᠪᠠᠢ᠌ᠳᠠᠭ᠃ ᠡᠷᠡᠭᠴᠢᠨ ᠲᠠᠬᠢᠶᠠᠨᠤ ᠰᠡᠴᠢᠭᠨᠢ ᠠᠰᠬᠠᠨ᠂ ᠦᠨᠳᠦᠷᠨᠢ 2～4cm᠂ ᠡᠡᠮᠭᠴᠢᠨ ᠲᠠᠬᠢᠶᠠᠨᠤ ᠰᠡᠴᠢᠭᠨᠢ ᠤᠬᠤᠷ ᠰᠢᠭ᠂ ᠪᠠᠷᠤᠭ 2cm ᠪᠠᠢ᠌ᠳᠠᠭ᠃
ᠰᠢᠶᠠᠨ ᠵᠢᠦᠢ ᠲᠠᠬᠢᠶᠠ ᠵᠢᠵᠢᠭ ᠠᠪᠰᠠᠷᠬᠠᠨ᠂ ᠦᠳᠦᠨᠢ ᠪᠦᠬᠦ ᠪᠡᠶᠡᠲᠠᠢᠨᠢ ᠴᠢᠩᠭᠠ ᠨᠠᠭ᠋ᠠᠯᠳᠣᠵᠣ᠂ ᠨᠢᠷᠣᠭᠣᠨ ᠬᠡᠰᠡᠭᠨᠢ ᠲᠡᠭᠰᠢᠬᠡᠨ᠂ ᠡᠷᠡᠭᠴᠢᠨ ᠲᠠᠬᠢᠶᠠᠨᠤ ᠦᠳᠦᠨᠢ ᠰᠢᠷᠠ ᠤᠯᠠᠭ᠋ᠠᠨ ᠦᠩᠭᠡᠲᠠᠢ ᠪᠠᠢ᠌ᠵᠤ᠂ ᠬᠠᠳᠤᠭᠤᠷ ᠦᠳᠦ ᠪᠠ ᠰᠡᠭᠦᠯᠤᠨ ᠦᠳᠦᠨᠢ ᠬᠠᠷᠠ ᠦᠩᠭᠡᠲᠠᠢ᠃ ᠡᠮᠡᠭᠴᠢᠨ ᠲᠠᠬᠢᠶᠠᠨᠤ ᠦᠳᠦᠨᠢ ᠰᠢᠷᠠ ᠦᠩᠭᠡᠪᠠᠷ ᠭᠣᠣᠯᠯᠠᠵᠤ᠂ ᠬᠦᠵᠦᠭᠦᠨ ᠬᠡᠰᠡᠭᠤᠨ ᠦᠩᠭᠡᠨᠢ ᠭᠦᠨ ᠰᠢᠭ᠂ ᠳᠠᠯᠠᠪᠴᠢᠨᠢ ᠰᠢᠷᠠ ᠬᠠᠷᠠ ᠦᠩᠭᠡ ᠠᠯᠠᠭᠯᠠᠵᠤ᠂ ᠰᠡᠭᠦᠯᠤᠨ ᠦᠳᠦᠨᠢ ᠬᠠᠷᠠ ᠦᠩᠭᠡᠲᠠᠢ ᠪᠠᠢ᠌ᠳᠠᠭ᠃
ᠲᠤᠰ ᠲᠠᠬᠢᠶᠠᠨᠤ ᠠᠷᠠᠰᠤᠨᠢ ᠴᠠᠭ᠋ᠠᠨ ᠪᠤᠶᠤ ᠭᠦᠢ᠍ᠬᠡᠨ ᠰᠢᠷᠠ ᠦᠩᠭᠡᠲᠠᠢ᠂ ᠬᠦᠯᠨᠢ ᠰᠢᠷᠠ ᠦᠩᠭᠡᠲᠠᠢ ᠪᠠᠢ᠌ᠳᠠᠭ᠃ ᠤᠷᠴᠢᠮᠤᠨ ᠵᠢᠯᠠᠴᠠ ᠨᠠᠰᠢ ᠰᠢᠯᠪᠢ᠂ ᠬᠦᠯᠨᠢ ᠬᠦᠬᠡ ᠦᠩᠭᠡᠲᠠᠢ ᠪᠣᠶᠣ ᠰᠢᠯᠪᠢ ᠵᠢᠨ ᠬᠡᠰᠡᠭᠲᠤᠨᠢ ᠪᠠᠭᠠ ᠦᠳᠦᠲᠠᠢ ᠬᠢᠨᠢ ᠲᠤᠩ ᠴᠦᠬᠡᠨ ᠬᠠᠷᠠᠭᠳᠠᠳᠠᠭ᠃ ᠭᠡᠲᠡᠯᠡ ᠰᠢᠯᠪᠢ ᠵᠢᠨ ᠶᠠᠰᠤᠨᠤ ᠪᠦᠳᠦᠭᠦᠨ ᠨᠠᠷᠢᠨᠨᠢ ᠵᠤᠬᠢᠬᠤ ᠵᠦᠷᠢᠶᠡᠨᠲᠠᠢ ᠪᠠᠢ᠌ᠳᠠᠭ᠃
ᠰᠢᠶᠠᠨ ᠵᠢᠦᠢ ᠲᠠᠬᠢᠶᠠ ᠵᠢᠨ ᠪᠡᠶᠡᠨᠢ ᠬᠦᠩᠭᠡᠨ ᠵᠢᠵᠢᠭ᠂ ᠪᠡᠶᠡ ᠪᠠᠢ᠌ᠴᠠᠨᠢ ᠵᠢᠭᠲᠡ᠂ ᠠᠷᠤᠭ ᠶᠠᠰᠤᠨᠢ ᠲᠤᠩ ᠨᠠᠷᠢᠨ᠂ ᠦᠨᠳᠡᠭᠡᠨ ᠬᠡᠷᠡᠭᠯᠡᠭᠡᠨᠤ ᠲᠠᠬᠢᠶᠠᠨᠤ ᠨᠡᠢ᠌ᠲᠡᠯᠢᠭ ᠤᠨᠴᠠᠯᠢᠭᠲᠠᠢ ᠪᠠᠢ᠌ᠳᠠᠭ᠂ ᠬᠦᠳᠡᠯᠬᠦᠨᠢ ᠬᠤᠷᠴᠠ ᠱᠠᠯᠠᠮᠠᠭ᠋ᠠᠢ ᠴᠤ᠌ ᠰᠤᠴᠢᠮᠠᠲᠠᠭ᠋ᠠᠢ ᠪᠠᠢ᠌ᠳᠠᠭ᠃ ᠡᠨᠡᠨᠢ ᠦᠨᠳᠡᠭᠡᠨ ᠬᠡᠷᠡᠭᠯᠡᠭᠡᠨᠤ ᠲᠠᠬᠢᠶᠠᠨᠤ ᠤᠨᠴᠠᠯᠢᠭᠲᠤ ᠲᠤᠬᠢᠷᠠᠳᠠᠭ᠃
2. ᠪᠡᠶᠡ ᠵᠢᠨ ᠵᠢᠩ᠂ ᠪᠡᠶᠡ ᠵᠢᠨ ᠬᠡᠮᠵᠢᠶᠡ
ᠵᠧᠵᠢᠶᠠᠩ ᠮᠤᠵᠢ ᠵᠢᠨ ᠲᠠᠷᠢᠶᠠᠯᠠᠩᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠬᠦᠷᠢᠶᠡᠯᠡᠩᠤᠨ ᠬᠡᠮᠵᠢᠭᠰᠡᠨ ᠵᠶ᠋ᠡᠷ ᠨᠠᠰᠤ ᠭᠦᠢ᠍ᠴᠡᠭᠰᠡᠨᠤ ᠰᠡᠭᠦᠯᠡᠷᠬᠢ ᠰᠢᠶᠠᠨ ᠵᠢᠦᠢ ᠲᠠᠬᠢᠶᠠᠨᠤ ᠪᠡᠶᠡ ᠵᠢᠨ ᠵᠢᠩ᠂ ᠪᠡᠶᠡ ᠵᠢᠨ ᠬᠡᠮᠵᠢᠶᠡᠨᠢ ᠬᠦᠰᠦᠨᠦᠭᠲᠦ 2-1 ᠮᠡᠲᠦ᠃
ᠬᠦᠰᠦᠨᠦᠭᠲᠦ 2-1 ᠰᠢᠶᠠᠨ ᠵᠢᠦᠢ ᠲᠠᠬᠢᠶᠠᠨᠤ ᠪᠡᠶᠡ ᠵᠢᠨ ᠵᠢᠩ᠂ ᠪᠡᠶᠡ ᠵᠢᠨ ᠬᠡᠮᠵᠢᠶᠡ
（ᠬᠤᠶᠠᠷ） ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢ
1. ᠦᠨᠳᠡᠭᠡᠯᠡᠬᠦ ᠴᠢᠳᠠᠪᠤᠷᠢ
ᠨᠡᠯᠢᠶᠡᠳ ᠰᠠᠢ᠌ᠨ ᠠᠷᠠᠴᠢᠯᠠᠨ ᠲᠡᠵᠢᠭᠡᠬᠦ ᠨᠦᠭᠦᠴᠡᠯ ᠳᠤᠤᠷᠠ ᠰᠢᠶᠠᠨ ᠵᠢᠦᠢ ᠲᠠᠬᠢᠶᠠᠨᠢ 150 ᠡᠳᠦᠷᠤᠨ ᠤᠷᠴᠢᠮᠳᠤ ᠡᠬᠢᠯᠡᠵᠦ ᠦᠨᠳᠡᠭᠡᠯᠡᠳᠡᠭ᠃ ᠭᠡᠲᠡᠯᠡ ᠲᠠᠷᠢᠶᠠᠯᠠᠬᠤ ᠤᠷᠤᠨᠳᠤ ᠰᠣᠯᠠᠪᠠᠷ ᠲᠡᠵᠢᠭᠡᠬᠦ ᠨᠦᠭᠦᠴᠡᠯ ᠳᠤᠤᠷᠠ 180 ᠡᠳᠦᠷ ᠪᠣᠯᠣᠮᠠᠨᠵᠢᠨ ᠰᠠᠶᠢ ᠡᠬᠢᠯᠡᠵᠦ ᠦᠨᠳᠡᠭᠡᠯᠡᠳᠡᠭ᠃ ᠪᠤᠰᠤᠳ ᠡᠭᠦᠯᠳᠡᠷᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠲᠤᠰ ᠲᠠᠬᠢᠶᠠᠨᠢ ᠨᠡᠯᠢᠶᠡᠳ ᠡᠷᠲᠡ ᠪᠤᠯᠪᠠᠰᠤᠷᠠᠬᠤ ᠨᠣᠲᠣᠭᠤᠨ ᠡᠭᠦᠯᠳᠡᠷᠤᠨ ᠨᠢᠭᠡ ᠪᠣᠯᠣᠨᠠ᠃
ᠰᠢᠶᠠᠨ ᠵᠢᠦᠢ ᠲᠠᠬᠢᠶᠠ ᠵᠢᠯᠳᠤ 160～180 ᠦᠨᠳᠡᠭᠡᠯᠡᠳᠡᠭ᠂ ᠨᠡᠯᠢᠶᠡᠳ ᠰᠠᠢ᠌ᠨ ᠲᠡᠵᠢᠭᠡᠯᠭᠡ ᠵᠢᠨ ᠨᠦᠭᠦᠴᠡᠯ ᠳᠤᠤᠷᠠ ᠪᠣᠯ 200ᠠᠴᠠ ᠳᠡᠭᠡᠭᠰᠢ ᠦᠨᠳᠡᠭᠡᠯᠡᠳᠡᠭ᠃ ᠦᠨᠳᠡᠭᠡᠨᠤ ᠬᠦᠨᠳᠦᠨᠢ ᠲᠡᠭᠰᠢᠳᠭᠡᠭᠡᠳ 42g ᠤᠷᠢᠴᠮ ᠪᠠᠢ᠌ᠳᠠᠭ᠃ ᠦᠨᠳᠡᠭᠡᠨ ᠬᠠᠯᠢᠰᠤᠨᠢ ᠬᠦᠩᠭᠡᠨ ᠬᠦᠷᠡᠩ ᠦᠩᠭᠡᠪᠠᠷ ᠭᠤᠤᠯᠯᠠᠳᠠᠭ᠂ ᠦᠨᠳᠡᠭᠡᠨ ᠰᠢᠷᠠᠨᠢ ᠡᠬᠢᠨᠤ ᠬᠤᠭᠤᠴᠠᠭ᠋ᠠᠨᠳᠠᠭᠠᠨ ᠨᠡᠯᠢᠶᠡᠳ ᠰᠢᠷᠠ ᠪᠠᠢ᠌ᠵᠤ᠂ ᠰᠡᠭᠦᠯᠴᠢ ᠵᠢᠨ ᠬᠤᠭᠤᠴᠠᠭ᠋ᠠᠨᠳᠠᠭᠠᠨ ᠭᠦᠢ᠍ᠬᠡᠨ ᠰᠢᠷᠠ ᠦᠩᠭᠡ ᠪᠣᠯᠵᠣ ᠬᠤᠪᠢᠷᠠᠳᠠᠭ᠃
2. ᠮᠢᠬᠠᠨᠤ ᠭᠠᠷᠴᠠ
ᠰᠢᠶᠠᠨ ᠵᠢᠦᠢ ᠲᠠᠬᠢᠶᠠᠨᠢ ᠦᠨᠳᠡᠭᠡᠨ ᠬᠡᠷᠡᠭᠯᠡᠭᠡᠨᠤ ᠲᠠᠬᠢᠶᠠᠨ ᠲᠦᠷᠦᠯ ᠪᠣᠯᠪᠠᠴᠤ ᠦᠰᠦᠯᠲᠡ ᠵᠢᠨ ᠬᠤᠷᠳᠣᠴᠠ ᠪᠠ ᠮᠢᠬᠠᠨᠤ ᠴᠢᠨᠠᠷᠨᠢ ᠴᠤ᠌ ᠨᠡᠯᠢᠶᠡᠳ ᠰᠠᠢ᠌ᠨ ᠪᠠᠢ᠌ᠳᠠᠭ᠃ ᠲᠤᠰ ᠲᠠᠬᠢᠶᠠᠨᠤ ᠲᠦᠷᠦᠯᠨᠢ 180 ᠡᠳᠦᠷ ᠪᠣᠯᠬᠣ ᠦᠶᠡᠰᠲᠤ᠂ ᠡᠷᠡᠭᠴᠢᠨ ᠲᠠᠬᠢᠶᠠᠨᠤ ᠪᠡᠶᠡ ᠵᠢᠨ ᠵᠢᠩᠨᠢ 1256gᠳᠤ ᠬᠦᠷᠴᠦ᠂ ᠡᠮᠡᠭᠴᠢᠨ ᠲᠠᠬᠢᠶᠠᠨᠤ ᠪᠡᠶᠡ ᠵᠢᠨ ᠵᠢᠩᠨᠢ 953g ᠪᠠᠢ᠌ᠵᠤ᠂ ᠨᠠᠰᠤ ᠭᠦᠢ᠍ᠴᠡᠭᠰᠡᠨ ᠲᠠᠬᠢᠶᠠᠨᠤ ᠪᠡᠶᠡ ᠵᠢᠨ ᠵᠢᠩᠲᠠᠢ ᠤᠢ᠌ᠷᠠᠲᠤᠳᠠᠭ （ᠬᠦᠰᠦᠨᠦᠭᠲᠦ 2-2）᠃
ᠬᠦᠰᠦᠨᠦᠭᠲᠦ 2-2 ᠰᠢᠶᠠᠨ ᠵᠢᠦᠢ ᠲᠠᠬᠢᠶᠠᠨᠤ ᠮᠢᠬᠠᠨᠤ ᠭᠠᠷᠴᠠ
3. ᠦᠷᠡᠵᠢᠬᠦ ᠴᠢᠳᠠᠪᠤᠷᠢ
ᠰᠢᠶᠠᠨ ᠵᠢᠦᠢ ᠲᠠᠬᠢᠶᠠ ᠬᠦᠩᠭᠡᠨ᠂ ᠴᠤᠪᠤᠭᠤᠯᠢᠭ᠂ ᠦᠷᠡ ᠲᠤᠭᠲᠠᠬᠤ ᠴᠢᠳᠠᠪᠤᠷᠢᠪᠠᠷ ᠴᠢᠩᠭᠠ᠂ ᠡᠷᠡᠭᠴᠢᠨ ᠡᠮᠡᠭᠴᠢᠨᠤ ᠬᠠᠷᠢᠴᠠᠯᠨᠢ 1∶16～20ᠪᠠᠷ ᠨᠢᠭᠡ ᠰᠦᠷᠦᠭ ᠪᠤᠯᠭ᠋ᠠᠳᠠᠭ᠃ ᠬᠡᠮᠵᠢᠯᠲᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠦᠷᠡ ᠲᠤᠭᠲᠠᠬᠤ ᠨᠤᠷᠮᠠᠨᠢ 94.3％ᠳᠤ ᠬᠦᠷᠴᠦ᠂ ᠦᠷᠡ ᠲᠤᠭᠲᠠᠭᠰᠠᠨ ᠦᠨᠳᠡᠭᠡᠨᠤ ᠨᠡᠪᠴᠢᠯᠲᠡ ᠵᠢᠨ ᠨᠤᠷᠮᠠᠨᠢ 83.5％ ᠬᠦᠷᠳᠡᠭ᠃
ᠳᠠᠷᠣᠰᠢᠬᠤ ᠴᠢᠳᠠᠪᠤᠷᠢᠨᠢ ᠨᠡᠯᠢᠶᠡᠳ ᠳᠤᠷᠤᠢ ᠶᠤᠮ᠂ ᠡᠩᠤᠨ ᠪᠠᠢ᠌ᠳᠠᠯ ᠳᠤᠤᠷᠠ᠂ ᠳᠠᠷᠣᠰᠢᠬᠤ （ᠡᠭᠦᠷᠰᠢᠬᠦ） ᠡᠮᠡ ᠲᠠᠬᠢᠶᠠᠨᠢ ᠪᠦᠬᠦ ᠰᠦᠷᠦᠭᠤᠨ ᠲᠠᠬᠢᠶᠠᠨ ᠲᠤᠭ᠋ᠠᠨᠤ 10％～20％ ᠵᠢ ᠯᠡ ᠡᠵᠡᠯᠡᠳᠡᠭ᠃ ᠰᠣᠩᠭᠤᠨ ᠪᠤᠢ᠌ᠵᠢᠭᠤᠯᠵᠤ ᠪᠠᠢ᠌ᠭᠠ ᠲᠠᠬᠢᠶᠠᠨ ᠰᠦᠷᠦᠭᠲᠤ ᠪᠣᠯ ᠳᠠᠷᠣᠰᠢᠬᠤ ᠡᠮᠡ ᠲᠠᠬᠢᠶᠠᠨᠤ ᠲᠤᠭᠠᠨᠢ 5％ ᠯᠡ ᠬᠦᠷᠳᠡᠭ᠃ ᠡᠨᠡ ᠨᠢᠭᠡ ᠤᠨᠴᠠᠯᠢᠭᠨᠢ ᠮᠠᠨᠤ ᠣᠯᠣᠰᠤᠨ ᠨᠤᠲᠤᠭᠤᠨ ᠲᠠᠬᠢᠶᠠᠨ ᠡᠭᠦᠯᠳᠡᠷᠲᠤ ᠴᠢᠬᠤᠯᠠ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ ᠶᠤᠮ᠃ ᠡᠷᠯᠢᠰᠡᠵᠢᠭᠦᠯᠬᠦ ᠠᠷᠭᠠᠪᠠᠷ ᠳᠠᠮᠵᠢᠵᠤ᠂ ᠨᠤᠲᠤᠭᠤᠨ ᠲᠠᠬᠢᠶᠠᠨᠤ ᠦᠨᠳᠡᠭᠡᠯᠡᠬᠦ ᠨᠤᠷᠮᠠ ᠵᠢ ᠴᠤ᠌ ᠳᠡᠭᠡᠭᠰᠢᠯᠡᠭᠦᠯᠵᠦ ᠪᠣᠯᠣᠨᠠ᠃
（ᠭᠤᠷᠪᠠ） ᠠᠷᠠᠴᠢᠯᠠᠵᠤ ᠬᠠᠮᠢᠶᠠᠷᠬᠤ ᠤᠨᠴᠠᠯᠢᠭ
ᠰᠢᠶᠠᠨ ᠵᠢᠦᠢ ᠲᠠᠬᠢᠶᠠ ᠵᠢ ᠲᠡᠵᠢᠭᠡᠬᠦ ᠠᠷᠭᠠ ᠮᠠᠶᠢᠭᠨᠢ ᠨᠡᠯᠢᠶᠡᠳ ᠪᠦᠳᠦᠭᠦᠯᠢᠭ᠂ ᠭᠤᠤᠯᠳᠠᠭᠤ ᠰᠤᠯᠠ ᠲᠡᠵᠢᠭᠡᠬᠦᠳᠤ ᠲᠦᠰᠢᠭᠯᠡᠵᠦ᠂ ᠬᠡᠭᠡᠷᠡᠠᠴᠠ ᠡᠪᠡᠰᠦᠨ ᠦᠷᠡ᠂ ᠰᠢᠪᠡᠵᠢ ᠲᠡᠭᠦᠨ ᠢᠳᠡᠳᠡᠭ᠃ ᠬᠦᠳᠡᠯᠦᠩᠭᠦᠢ᠂ ᠪᠡᠶᠡᠨᠢ ᠬᠦᠳᠡᠷ ᠪᠠᠢ᠌ᠳᠠᠭ ᠪᠣᠯᠬᠣᠷ ᠵᠣᠬᠢᠴᠠᠬᠤ ᠴᠢᠳᠠᠪᠤᠷᠢᠪᠠᠷ ᠴᠢᠩᠭᠠ ᠪᠠᠢ᠌ᠳᠠᠭ᠂ ᠲᠤᠰ ᠲᠠᠬᠢᠶᠠᠨᠢ ᠡᠷᠲᠡ ᠬᠤᠭᠤᠴᠠᠭ᠋ᠠᠨᠳᠠᠭᠠᠨ ᠪᠣᠢ᠌ᠵᠢᠯᠲᠠᠨᠢ ᠲᠦᠷᠭᠡᠨ ᠪᠠᠢ᠌ᠳᠠᠭᠠᠴᠠ ᠨᠢᠯᠬᠠ ᠦᠶᠡ ᠵᠢᠨ ᠠᠷᠠᠴᠢᠯᠠᠨ ᠬᠠᠮᠢᠶᠠᠷᠤᠯᠲᠠ ᠵᠢ ᠤᠨᠴᠠᠭ᠋ᠠᠢ᠌ᠯᠠᠨ ᠠᠩᠬᠠᠷᠴᠤ᠂ ᠦᠰᠦᠯᠲᠡ ᠵᠢᠨ ᠱᠠᠭ᠋ᠠᠷᠳᠠᠯᠭᠠ ᠵᠢᠨᠢ ᠬᠠᠩᠭ᠋ᠠᠬᠤ ᠬᠡᠷᠡᠭᠲᠡᠢ᠃ ᠡᠭᠦᠨᠠᠴᠠ ᠭᠠᠳᠠᠨᠠ ᠲᠤᠰ ᠲᠠᠬᠢᠶᠠ ᠭᠠᠳᠠᠭ᠋ᠠᠳᠤ ᠤᠷᠴᠢᠨᠳᠤ ᠰᠡᠷᠡᠮᠡᠲᠡᠭᠡᠢ᠂ ᠰᠤᠴᠢᠮᠠᠲᠠᠭ᠋ᠠᠢ ᠪᠣᠯᠬᠣᠷ ᠲᠡᠵᠢᠭᠡᠯᠭᠡ ᠵᠢᠨ ᠶᠠᠪᠤᠴᠠᠳᠤ ᠭᠠᠳᠠᠭ᠋ᠠᠳᠤ ᠤᠷᠴᠢᠨᠤ ᠨᠦᠯᠦᠭᠡ ᠵᠢ ᠪᠠᠭ᠋ᠠᠰᠬᠠᠬᠤ ᠵᠢ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ᠃
ᠪᠤᠰᠤᠳ ᠨᠤᠲᠤᠭᠤᠨ ᠡᠭᠦᠯᠳᠡᠷᠲᠠᠢ ᠠᠳᠠᠯᠢᠬᠠᠨ ᠰᠢᠶᠠᠨ ᠵᠢᠦᠢ ᠲᠠᠬᠢᠶᠠᠨᠢ ᠦᠳᠦᠨᠤ ᠦᠩᠭᠡ᠂ ᠪᠡᠶᠡ ᠵᠢᠨ ᠬᠡᠯᠪᠡᠷᠢ ᠵᠡᠷᠭᠡ ᠲᠠᠯᠠᠪᠠᠷ ᠨᠡᠯᠢᠶᠡᠳ ᠵᠦᠷᠢᠶᠡᠨᠲᠠᠢ᠂ ᠰᠣᠩᠭᠤᠨ ᠪᠣᠢ᠌ᠵᠢᠭᠣᠯᠬᠣᠪᠠᠷ ᠳᠠᠮᠵᠢᠭ᠋ᠠᠳ ᠠᠳᠠᠯᠢᠬᠠᠨ ᠪᠣᠯᠭ᠋ᠠᠵᠣ ᠪᠣᠯᠣᠨᠠ᠃
（ᠢᠷᠡᠯᠲᠡ᠄ ᠤᠳᠬᠠᠨᠬᠦᠦ᠂ ᠤᠶᠤᠨᠴᠢᠮᠡᠭᠤᠨ ᠨᠠᠢ᠌ᠷᠠᠭᠤᠯᠤᠭᠰᠠᠨ 《ᠦᠨᠳᠡᠭᠡᠨ ᠲᠠᠬᠢᠶᠠ ᠵᠢᠨ ᠰᠠᠢ᠌ᠨ ᠡᠭᠦᠯᠳᠡᠷ ᠰᠣᠩᠭᠣᠬᠣ ᠮᠡᠷᠭᠡᠵᠢᠯ》 ᠭᠡᠬᠦ ᠨᠤᠮᠠᠴᠠ ᠰᠣᠩᠭᠣᠨ ᠰᠡᠢ᠌ᠷᠡᠭᠦᠯᠪᠡ᠃）