ᠰᠠᠶ᠋ᠢᠵᠢᠷᠠᠭ᠍ᠣ
《ᠪᠡᠶᠡ ᠲᠦᠪ ᠪᠣᠯᠪᠠᠰᠦ ᠳᠠᠭᠤᠷᠢᠶᠠᠯ᠂ ᠮᠡᠳᠡᠯᠭᠡ ᠭᠦᠨ ᠪᠣᠯᠪᠠᠰᠦ ᠪᠠᠭᠰᠢ》 ᠭᠡᠳᠡᠭᠴᠢᠯᠡᠨ ᠬᠡᠦᠬᠡᠳᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠠᠪᠴᠦ ᠦᠵᠡᠪᠡᠯ᠂ ᠭᠡᠷᠤᠨ ᠠᠬᠠᠮᠠᠳᠤᠨ ᠬᠤᠪᠢ ᠬᠦᠮᠦᠨᠤ ᠵᠠᠩ ᠠᠭ᠋ᠠᠰᠢ᠂ ᠮᠣᠷᠠᠯ ᠰᠣᠷᠲᠠᠯ᠂ ᠠ᠋ᠷᠳᠡᠮ ᠮᠡᠳᠡᠯᠭᠡᠨᠢ ᠪᠦᠷ ᠯᠡ ᠬᠡᠦᠬᠡᠳᠲᠤ ᠲᠠᠭᠤᠷᠢᠶᠠᠯ ᠪᠣᠯᠣᠨᠠ᠃ ᠠᠷᠪᠠᠭ᠋ᠠᠳ ᠵᠢᠯᠤᠨ ᠠ᠋ᠮᠦᠨᠡ ᠨᠢᠭᠡ ᠣᠳᠠᠭ᠋ᠠᠨᠤ ᠭᠡᠷᠤᠨ ᠠᠬᠠᠮᠠᠳᠤᠨ ᠰᠠᠭᠤᠳᠠᠯᠤᠨ ᠬᠤᠷᠠᠯᠳᠤ ᠭᠡᠷᠤᠨ ᠠᠬᠠᠮᠠᠳ ᠬᠡᠳᠦᠨ ᠦᠭᠡ ᠬᠡᠯᠡᠨᠡ ᠤᠤ ᠭᠡᠵᠦ ᠣᠷᠢᠭᠰᠠᠨᠳᠤ᠂ ᠨᠢᠭᠡᠨ ᠭᠡᠷᠤᠨ ᠠᠬᠠᠮᠠᠳ 《ᠪᠢ ᠨᠢᠭᠡ ᠲᠠᠷᠢᠶᠠᠴᠢᠨ ᠬᠦᠮᠦᠨ᠂ ᠬᠡᠦᠬᠡᠳᠲᠤ ᠶᠠᠭᠤ ᠯᠡ ᠵᠢᠭ᠋ᠠᠨᠠ ᠳ᠋ᠠ᠂ ᠬᠡᠦᠬᠡᠳ ᠬᠠᠰᠢ ᠯᠡ ᠪᠠᠭᠰᠢ ᠵᠢᠨ ᠵᠶ᠋ᠠᠨ ᠦᠭᠡ ᠵᠢ ᠰᠣᠨᠣᠰᠣᠨᠠ》 ᠭᠡᠵᠤ ᠶᠠᠷᠢᠯᠠ᠃ ᠠ᠋ᠨᠡ ᠪᠠᠳᠠᠭ ᠦᠭᠡᠨᠢ ᠨᠠᠳᠠᠳᠤ ᠲᠤᠩ ᠠᠶᠠ ᠦᠭᠡᠢ ᠰᠠᠨᠠᠭᠳᠠᠵᠠᠢ᠃ 《ᠦᠰᠭᠡᠭᠡᠳ ᠰᠣᠷᠭ᠋ᠠᠬᠤ ᠦᠭᠡᠢ ᠪᠣᠯ ᠠᠪᠤ ᠡᠵᠢ ᠪᠣᠯᠣᠭᠰᠠᠳᠤᠨ ᠠᠯᠳᠠᠭᠠ᠂ ᠰᠣᠷᠭ᠋ᠠᠭ᠋ᠠᠳ ᠰᠣᠷᠬᠤ ᠦᠭᠡᠢ ᠪᠣᠯ ᠬᠡᠦᠬᠡᠳ ᠪᠣᠯᠣᠭᠰᠠᠳᠤᠨ ᠪᠣᠷᠣᠭᠤ》 ᠭᠡᠳᠡᠭᠴᠢᠯᠡᠨ ᠮᠢᠨᠤ ᠦᠵᠡᠬᠦᠪᠠᠷ ᠠᠪᠤ ᠡᠵᠢ ᠪᠣᠯᠣᠭᠰᠠᠳᠨᠢ ᠬᠡᠦᠬᠡᠳᠤᠨ ᠠᠩᠬᠠᠨᠤ ᠪᠠᠭᠰᠢ᠂ ᠮᠥᠨᠴᠣ ᠨᠠᠰᠤᠨ ᠲᠤᠷᠰᠢᠳᠠ ᠵᠢᠨ ᠪᠠᠭᠰᠢ ᠮᠦᠨ᠃ ᠬᠡᠦᠬᠡᠳᠤᠨ ᠨᠢᠭᠡ ᠨᠠᠰᠤᠨᠳᠤ ᠭᠡᠷᠤᠨ ᠠᠬᠠᠮᠠᠳᠤᠨ ᠵᠠᠩ ᠠᠭ᠋ᠠᠰᠢ᠂ ᠮᠣᠷᠠᠯ ᠰᠣᠷᠲᠠᠯ᠂ ᠠ᠋ᠷᠳᠡᠮ ᠮᠡᠳᠡᠯᠭᠡ ᠵᠡᠷᠭᠡᠨᠢ ᠬᠡᠦᠬᠡᠳᠤᠨ ᠠ᠋ᠷᠡᠭᠦᠯ ᠵᠶ᠋ᠠᠷ ᠦᠰᠦᠨ ᠪᠣᠶ᠋ᠢᠵᠢᠨ ᠰᠤᠷᠭ᠋ᠠᠭᠳᠠᠨ ᠬᠦᠮᠦᠵᠢᠭᠳᠡᠬᠦᠳᠤ ᠬᠠᠮᠤᠭᠤᠨ ᠶᠡᠭᠡ ᠨᠦᠯᠦᠭᠡ ᠪᠣᠯᠣᠨᠠ᠃ ᠬᠡᠦᠬᠡᠳ ᠠ᠋ᠨᠡ ᠶᠢᠷᠲᠢᠨᠴᠦᠳᠤ ᠢᠷᠡᠬᠦᠳᠤᠪᠠᠨ ᠴᠠᠭ᠋ᠠᠨ ᠴᠠᠭ᠋ᠠᠰᠤ ᠠᠳᠠᠯᠢ ᠴᠡᠪᠡᠷᠬᠡᠨ ᠬᠤᠭᠤᠰᠤᠨ ᠪᠠᠶ᠋ᠢᠳᠠᠭ᠃ ᠠᠪᠤ ᠡᠵᠢ ᠪᠤᠯᠤᠭᠰᠠᠳ ᠬᠡᠦᠬᠡᠳᠤᠨ ᠨᠢᠭᠡ ᠨᠠᠰᠣᠨᠤ ᠠᠮᠢᠳᠣᠷᠠᠯᠢ ᠡ᠊ᠨᠡ ᠭᠦ᠌ ᠴᠠᠭ᠋ᠠᠰᠣᠨᠳᠤ ᠶᠡᠷᠦᠩᠬᠡᠢ ᠲᠦᠰᠦᠪ ᠭᠠᠷᠭ᠋ᠠᠨ᠂ ᠬᠠᠮᠤᠭᠤᠨ ᠲᠦᠷᠦᠭᠦᠨᠳᠤ ᠣᠷᠠᠯᠠᠨ ᠵᠢᠷᠣᠭᠴᠢᠯᠠᠨᠠ᠃ ᠬᠡᠷᠪᠡ ᠭᠡᠷᠤᠨ ᠠᠬᠠᠮᠠᠳ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠬᠠᠷᠠ ᠪᠡᠭᠡᠪᠠᠷ ᠪᠢᠯᠳᠠᠭ᠋ᠠᠳ ᠬᠠᠶᠠᠴᠢᠬᠠᠭᠰᠠᠨ ᠪᠣᠯ᠂ ᠬᠤᠵᠢᠮ ᠬᠤᠶ᠋ᠢᠰᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ᠂ ᠳᠣᠮᠳᠠᠲᠣ ᠰᠣᠷᠭ᠋ᠠᠭᠤᠯᠢ᠂ ᠶᠡᠭᠡ ᠰᠣᠷᠭ᠋ᠠᠭᠤᠯᠢ ᠵᠢᠴᠢ ᠨᠡᠶ᠋ᠢᠭᠡᠮᠤᠨ ᠰᠣᠷᠭ᠋ᠠᠭᠤᠯᠢᠶᠢᠨ ᠵᠠᠮᠳᠤ ᠬᠡᠦᠬᠡᠳ ᠦᠩᠭᠡ ᠭᠢᠯᠪᠠᠭᠠ ᠰᠠᠴᠣᠷᠠᠭᠰᠠᠨ ᠭᠡᠷᠡᠯ ᠰᠠᠴᠣᠷᠠᠩᠭᠤᠢ ᠬᠠᠭᠤᠳᠠᠰᠦ ᠵᠢ ᠵᠢᠷᠣᠭᠯᠠᠨᠠ ᠭᠡᠳᠡᠭ ᠴᠢᠨᠢ ᠬᠤᠭᠤᠰᠣᠨ ᠦᠭᠡ᠃ ᠠᠪᠤ ᠡᠵᠢ ᠪᠣᠯᠣᠭᠰᠠᠳ ᠬᠡᠦᠬᠡᠳᠤᠨ ᠵᠶ᠋ᠠᠨ ᠨᠢᠭᠡ ᠨᠠᠰᠣᠨᠤ ᠢᠷᠡᠭᠡᠳᠦᠢ ᠵᠢ ᠪᠣᠳᠣᠯᠬᠢᠯᠠᠨ᠂ ᠬᠡᠦᠭᠡᠳ ᠵᠶ᠋ᠠᠨ ᠨᠡᠶ᠋ᠢᠭᠡᠮ ᠨᠡᠶ᠋ᠢᠳᠡᠲᠤ ᠲᠣᠰᠠᠲᠠᠢ᠂ ᠣᠯᠠᠨ ᠲᠦᠮᠡᠨᠳᠤᠪᠠᠨ ᠬᠦᠷᠢᠶᠡᠯᠡᠯᠲᠡᠢ ᠬᠦᠮᠦᠨ ᠪᠣᠯᠭ᠋ᠠᠵᠣ ᠬᠦᠮᠦᠵᠢᠭᠦᠯᠬᠦᠪᠠᠷ ᠬᠦᠰᠡᠯ ᠪᠣᠯᠭ᠋ᠠᠨ᠂ ᠬᠡᠦᠬᠡᠳᠲᠤᠪᠠᠨ ᠦᠪᠡᠷ ᠵᠶ᠋ᠠᠨ ᠲᠠᠭᠤᠷᠢᠶᠠᠯ ᠪᠣᠯᠵᠣ᠂ ᠬᠡᠦᠬᠡᠳᠲᠤᠪᠠᠨ ᠢᠯᠡᠭᠦᠬᠡᠨ ᠵᠦᠪ ᠲᠠᠯᠠ ᠵᠢᠨ ᠬᠦᠮᠦᠵᠢᠯᠢ ᠬᠦᠷᠳᠡᠭᠡᠵᠤ᠂ ᠬᠡᠦᠬᠡᠳ ᠵᠶ᠋ᠠᠨ ᠶᠣᠰᠣ ᠮᠣᠷᠠᠯ᠂ ᠠ᠋ᠷᠳᠡᠮ ᠮᠡᠳᠡᠯᠭᠡ᠂ ᠪᠡᠶᠡ ᠲᠠᠮᠢᠷ᠂ ᠣᠷᠠ ᠠᠪᠢᠶᠠᠰ᠂ ᠭᠤᠸᠡ ᠰᠠᠶ᠋ᠢᠬᠠᠨ ᠵᠡᠷᠭᠡ ᠡᠯᠡ ᠲᠠᠯᠠᠪᠠᠷ ᠬᠦᠮᠦᠵᠢᠭᠦᠯᠬᠦᠪᠠᠷ ᠱᠠᠭ᠋ᠠᠷᠳᠠᠯᠭᠠ ᠪᠣᠯᠭ᠋ᠠᠨ ᠴᠢᠷᠮᠠᠶ᠋ᠢᠳᠠᠭᠲᠤ ᠯᠡ ᠭᠦᠷᠪᠡᠯ᠂ ᠬᠡᠦᠬᠡᠳᠤᠨ ᠵᠶ᠋ᠠᠨ ᠢᠷᠡᠭᠡᠳᠦᠢ ᠵᠢ ᠨᠡᠩ ᠭᠤᠶᠣ ᠰᠠᠶ᠋ᠢᠬᠠᠨ ᠭᠡᠷᠡᠯ ᠰᠠᠴᠣᠷᠠᠩᠭᠤᠢ ᠬᠠᠭᠤᠳᠠᠰᠣ ᠪᠣᠯᠭ᠋ᠠᠨ ᠵᠢᠷᠣᠭᠯᠠᠵᠣ ᠳᠡᠶ᠋ᠢᠯᠦᠨᠡ ᠭᠡᠳᠡᠭᠢ ᠢᠲᠡᠭᠡᠬᠦ ᠬᠡᠷᠡᠭᠲᠡᠢ᠃
ᠠᠪᠤ ᠡᠵᠢ ᠪᠣᠯᠣᠭᠰᠠᠳ ᠬᠡᠦᠬᠡᠳᠲᠤᠪᠠᠨ ᠵᠢᠭ᠋ᠠᠬᠤ ᠵᠦᠢ᠍ᠯᠨᠢ ᠣᠯᠠᠨᠠᠴᠠ ᠣᠯᠠᠨ᠂ ᠤᠯᠠᠨᠭ᠌ᠬᠢ ᠭᠡᠷᠤᠨ ᠠᠬᠠᠮᠠᠳᠤᠨ ᠣᠶ᠋ᠢᠯᠠᠭ᠋ᠠᠵᠣ ᠪᠠᠶ᠋ᠢᠭᠠ ᠰᠣᠷᠭ᠋ᠠᠨ ᠬᠥᠮᠥᠵᠢᠯ ᠭᠡᠳᠡᠭᠨᠢ ᠲᠠᠩ ᠭᠠᠭᠴᠠ ᠬᠢᠴᠢᠶᠡᠯᠤᠨ ᠪᠢᠴᠢᠭᠳᠤᠬᠢ ᠰᠢᠨᠵᠢᠯᠡᠬᠦ ᠣᠬᠠᠭ᠋ᠠᠨᠤ ᠮᠡᠳᠡᠯᠭᠡ ᠵᠢᠨ ᠰᠣᠷᠭ᠋ᠠᠨ ᠬᠥᠮᠥᠵᠢᠯ ᠪᠣᠯᠣᠨᠠ᠃ ᠬᠡᠣᠬᠡᠳᠤᠨ ᠰᠣᠷᠭ᠋ᠠᠨ ᠬᠥᠮᠥᠵᠢᠯᠨᠢ ᠲᠠᠩ ᠭᠠᠭᠴᠠ ᠰᠢᠨᠵᠢᠯᠡᠬᠦ ᠣᠬᠠᠭ᠋ᠠᠨᠤ ᠮᠡᠳᠡᠯᠭᠡ ᠵᠢᠨ ᠰᠣᠷᠭ᠋ᠠᠨ ᠬᠥᠮᠥᠵᠢᠯ ᠪᠢᠰᠢ᠂ ᠨᠡᠩ ᠴᠢᠬᠤᠯᠠᠨᠢ ᠶᠣᠰᠣ ᠮᠣᠷᠠᠯᠤᠨ ᠰᠣᠷᠭ᠋ᠠᠨ ᠬᠥᠮᠥᠵᠢᠯ ᠪᠣᠯᠬᠤ ᠵᠢ ᠣᠶ᠋ᠢᠯᠠᠭ᠋ᠠᠬᠤ ᠴᠢᠬᠤᠯᠠᠳᠠᠢ᠃ ᠮᠢᠨᠣ ᠦᠵᠡᠬᠦᠪᠠᠷ ᠬᠡᠦᠭᠡᠳᠤᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠳᠣᠣᠷᠠᠬᠢ ᠭᠤᠷᠪᠠᠨ ᠲᠠᠯᠠᠪᠠᠷ ᠣᠨᠴᠠᠭ᠋ᠠᠶ᠋ᠢᠯᠠᠨ ᠠᠩᠬᠠᠷᠣᠯᠳᠤ ᠠᠪᠴᠣ᠂ ᠬᠡᠦᠬᠡᠳᠲᠤᠪᠠᠨ ᠳᠠᠭᠤᠷᠢᠶᠠᠯ ᠪᠣᠯᠬᠤ ᠴᠢᠬᠤᠯᠠᠲᠠᠢ ᠭᠡᠳᠡᠭᠢ ᠣᠶ᠋ᠢᠯᠠᠭ᠋ᠠᠬᠤ ᠬᠡᠷᠡᠭᠲᠡᠢ᠃
1. ᠭᠡᠷᠤᠨ ᠠᠬᠠᠮᠠᠳ ᠦᠪᠡᠷᠤᠨ ᠠᠪᠤ ᠡᠵᠢ᠂ ᠠᠬᠠᠰ ᠵᠠᠭ᠍ᠠᠰ ᠵᠢᠴᠢ ᠠᠶ᠋ᠢᠯ ᠠᠶ᠋ᠢᠮᠠᠭᠤᠨ ᠠᠬᠠᠮᠠᠳ ᠵᠶ᠋ᠠᠨ ᠭᠦᠨᠳᠦᠳᠭᠡᠬᠦ ᠴᠢᠬᠤᠯᠨᠲᠠᠢ᠃ ᠭᠡᠷᠤᠨ ᠠᠬᠠᠮᠠᠳ ᠦᠪᠡᠷᠤᠨ ᠠᠪᠤ ᠡᠵᠢ᠂ ᠠᠬᠠᠰ ᠵᠠᠭ᠍ᠠᠰ ᠵᠶ᠋ᠠᠨ ᠬᠦᠨᠳᠦᠳᠭᠡᠨ ᠬᠠᠶ᠋ᠢᠷᠠᠯᠠᠳᠠᠭᠲᠤ ᠯᠡ ᠬᠦᠷᠪᠡᠯ ᠬᠡᠦᠬᠡᠳᠲᠤᠪᠠᠨ ᠳᠠᠭᠤᠷᠢᠶᠠᠯ ᠪᠣᠯᠵᠣ᠂ ᠬᠡᠦᠬᠡᠳ ᠴᠤ᠌ ᠭᠡᠷᠤᠨ ᠠᠬᠠᠮᠠᠳ ᠵᠶ᠋ᠠᠨ ᠳᠠᠭᠤᠷᠢᠶᠠᠨ ᠠᠪᠤ ᠡᠵᠢᠪᠠᠨ ᠭᠦᠨᠳᠦᠳᠭᠡᠨ ᠬᠠᠶ᠋ᠢᠷᠠᠯᠠᠵᠣ᠂ ᠠᠪᠤ ᠡᠵᠢ ᠵᠢᠨ ᠵᠶ᠋ᠠᠨ ᠰᠣᠷᠭ᠋ᠠᠯ ᠵᠠᠬᠢᠶᠡ ᠵᠢ ᠵᠢᠷᠣᠮᠯᠡᠨ ᠲᠠᠭ᠋ᠠᠵᠣ᠂ ᠠᠪᠤ ᠡᠵᠢ ᠵᠢᠨᠢᠶᠠᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠵᠠᠩ ᠠᠭ᠋ᠠᠯᠢ ᠮᠣᠷᠠᠯ ᠰᠣᠷᠳᠠᠯᠢ ᠰᠢᠯᠢᠳᠡᠭ ᠵᠶ᠋ᠠᠷ ᠵᠠᠯᠭ᠋ᠠᠮᠵᠢᠯᠠᠨ ᠰᠢᠯᠢᠳᠡᠭ ᠵᠶ᠋ᠠᠷ ᠬᠦᠮᠦᠵᠢᠭᠳᠡᠨᠡ᠃ ᠣᠯᠠᠩᠬᠢ ᠭᠡᠷᠤᠨ ᠠᠬᠠᠮᠠᠳ ᠪᠦᠷ ᠯᠡ ᠬᠡᠦᠬᠡᠳ ᠪᠠᠭᠰᠢ ᠵᠢᠨ ᠵᠶ᠋ᠠᠨ ᠦᠭᠡ ᠵᠢ ᠰᠣᠨᠣᠰᠣᠨᠠ ᠭᠡᠵᠦ ᠦᠵᠡᠳᠡᠭ᠃ ᠦᠪᠡᠷᠤᠨ ᠠᠪᠤ ᠡᠵᠢᠪᠠᠨ ᠬᠦᠨᠳᠦᠳᠬᠡᠬᠦ ᠦᠭᠡᠢ ᠬᠦᠮᠦᠨ ᠪᠣᠰᠣᠳ ᠬᠦᠮᠦᠨᠢ ᠬᠦᠨᠳᠦᠳᠭᠡᠬᠦ ᠭᠡᠳᠡᠭ ᠴᠢᠨᠢ ᠬᠤᠳᠠᠯ ᠦᠭᠡ᠂ ᠦᠪᠡᠷᠤᠨ ᠠᠪᠤ ᠡᠵᠢᠪᠠᠨ ᠬᠠᠶ᠋ᠢᠷᠠᠯᠠᠭ᠍ᠣ ᠦᠭᠡᠢ ᠬᠦᠮᠦᠨ ᠪᠣᠰᠣᠳ ᠬᠦᠮᠦᠨᠢ ᠬᠠᠶ᠋ᠢᠷᠠᠯᠠᠭ᠍ᠣ ᠭᠡᠳᠡᠭ ᠴᠢᠨᠢ ᠭᠤᠨᠵᠢ ᠵᠢᠨ ᠵᠣᠭᠤᠭ᠃ ᠠ᠋ᠶ᠋ᠢᠮᠦᠠᠴᠠ ᠭᠡᠷᠤᠨ ᠠᠬᠠᠮᠠᠳ ᠬᠡᠦᠬᠡᠳᠲᠤ ᠮᠣᠷᠠᠯ ᠰᠣᠷᠲᠠᠯᠤᠨ ᠲᠠᠯᠠᠪᠠᠷ ᠠ᠋ᠷᠬᠡᠪᠰᠢ ᠬᠡᠪ ᠳᠠᠭᠤᠷᠢᠶᠠᠯ ᠪᠣᠯᠬᠤ ᠴᠢᠬᠤᠯᠠᠲᠠᠢ᠃ ᠢᠩᠭᠢᠪᠡᠯ ᠰᠠᠶᠢ ᠬᠡᠦᠬᠡᠳ ᠠᠪᠤ ᠡᠵᠢ ᠵᠢᠨ ᠦᠭᠡ ᠵᠢ ᠰᠣᠨᠣᠰᠴᠣ᠂ ᠦᠪᠡᠷᠤᠨ ᠪᠡᠶᠡᠪᠠᠨ ᠴᠢᠩᠭᠠ ᠱᠠᠭ᠋ᠠᠷᠳᠠᠨ᠂ ᠪᠠᠭᠰᠢ ᠵᠢᠨ ᠦᠭᠡ ᠵᠢ ᠰᠣᠨᠣᠰᠴᠣ᠂ ᠰᠣᠷᠭ᠋ᠠᠭᠤᠯᠢ ᠵᠢᠨ ᠰᠠᠬᠢᠯᠭᠠ ᠪᠠᠲᠣ ᠵᠢ ᠰᠠᠬᠢᠨ᠂ ᠬᠢᠴᠢᠶᠡᠯᠤᠨ ᠴᠠᠭ ᠪᠠᠭᠰᠢ ᠵᠢᠨ ᠲᠠᠶ᠋ᠢᠯᠪᠣᠷᠢᠯᠠᠭ᠍ᠣ ᠵᠢ ᠠᠩᠬᠠᠷᠣᠨ ᠰᠣᠨᠣᠰᠴᠣ᠂ ᠰᠣᠯᠠ ᠰᠡᠯᠡᠭᠦᠦ ᠴᠠᠭᠢ ᠠᠰᠢᠭᠯᠠᠨ ᠢᠯᠡᠭᠦᠬᠡᠨ ᠰᠢᠭ ᠬᠢᠴᠢᠶᠡᠯᠤᠨ ᠪᠢᠴᠢᠭᠲᠤᠪᠠᠨ ᠰᠢᠮᠳᠠᠵᠣ᠂ ᠰᠣᠷᠣᠯᠭᠠ ᠠᠮᠢᠳᠣᠷᠠᠯᠳᠤᠪᠠᠨ ᠢᠲᠡᠭᠡᠯᠲᠠᠢᠪᠠᠷ ᠢᠯᠡᠬᠦᠬᠡᠨ ᠬᠦᠴᠦ ᠬᠦᠯᠦᠰᠦ ᠣᠷᠣᠰᠬᠠᠨ ᠴᠢᠷᠮᠠᠶ᠋ᠢᠳᠠᠭᠲᠤ ᠯᠡ ᠬᠦᠷᠪᠡᠯ ᠨᠡᠯᠢᠶᠡᠳ ᠰᠠᠶ᠋ᠢᠨ ᠠᠮᠵᠢᠯᠲᠠ ᠪᠦᠲᠦᠭᠡᠯ ᠤᠯᠵᠤ ᠪᠤᠯᠬᠤ ᠶᠤᠮ᠃
2. ᠭᠡᠷᠤᠨ ᠠᠬᠠᠮᠡᠳ ᠦᠪᠡᠷᠤᠨ ᠰᠠᠳᠣᠨ ᠲᠦᠷᠦᠯ᠂ ᠠᠶ᠋ᠢᠯ ᠠᠶ᠋ᠢᠮᠠᠭᠲᠠᠢᠪᠠᠨ ᠠ᠋ᠶᠡᠯᠳᠡᠭ ᠲᠣᠳᠣᠨᠣ ᠶᠠᠪᠣᠯᠴᠠᠵᠣ᠂ ᠬᠡᠦᠬᠡᠳᠲᠤᠪᠠᠨ ᠬᠡᠪ ᠳᠦᠷᠢᠮ ᠪᠣᠯᠬᠤ ᠬᠡᠷᠡᠭᠳᠡᠢ᠃ ᠭᠡᠷᠤᠨ ᠠᠬᠠᠮᠠᠳ ᠬᠡᠷᠪᠡ ᠦᠪᠡᠷᠤᠨ ᠰᠠᠳᠣᠨ ᠲᠦᠷᠣᠯ᠂ ᠠᠶ᠋ᠢᠯ ᠠᠶ᠋ᠢᠮᠠᠭ ᠪᠠ ᠠᠬᠠ ᠳᠡᠭᠦᠦ ᠲᠦᠷᠦᠯ ᠰᠠᠳᠣᠨ ᠲ᠋ᠠᠢ ᠪᠠᠨ ᠠ᠋ᠶᠡᠯᠳᠡᠭ ᠶᠠᠪᠣᠯᠴᠠᠳᠠᠭ ᠲᠤ ᠯᠡ ᠬᠦᠷᠪᠡᠯ᠂ ᠬᠡᠦᠬᠡᠳ ᠴᠤ᠌ ᠬᠠᠮᠲᠦ ᠰᠣᠷᠦᠯᠭ᠋ᠠᠳᠠᠨ᠂ ᠨᠠᠶ᠋ᠢᠵᠢ ᠨᠦᠬᠦᠳᠲᠠᠢᠪᠠᠨ ᠠ᠋ᠶᠡᠯᠳᠡᠭ ᠶᠠᠪᠣᠯᠴᠠᠨ᠂ ᠬᠠᠷᠢᠯᠴᠠᠨ ᠬᠠᠪᠰᠣᠷᠣᠯᠴᠠᠨ᠂ ᠬᠠᠷᠢᠯᠴᠠᠨ ᠬᠠᠮᠵᠢᠯᠴᠠᠨ᠂ ᠬᠡᠷᠡᠭ ᠶᠠᠪᠣᠳᠠᠯᠢ ᠬᠠᠮᠲᠦᠪᠡᠷ ᠶᠠᠷᠢᠯᠴᠠᠨ ᠰᠢᠢ᠍ᠳᠪᠣᠷᠢᠯᠡᠵᠦ᠂ ᠬᠠᠮᠲᠣᠪᠠᠷ ᠳᠠᠪᠰᠢᠬᠤ ᠵᠢ ᠠ᠋ᠷᠬᠢᠮᠯᠡᠳᠡᠭᠲᠤ ᠯᠡ ᠬᠦᠷᠪᠡᠯ᠂ ᠰᠣᠷᠭ᠋ᠠᠭᠤᠯᠢᠳᠤ ᠪᠠᠶ᠋ᠢᠬᠤ ᠬᠤᠭᠤᠴᠠᠭ᠋ᠠᠨᠳᠤᠪᠠᠨ ᠬᠡᠷᠡᠭᠦᠯ ᠵᠣᠳᠣᠭ᠋ᠠᠨᠳᠤ ᠣᠷᠣᠯᠴᠠᠭ᠍ᠣ ᠦᠭᠡᠢ᠂ ᠠᠷᠢᠬᠢ ᠳᠠᠮᠠᠬᠢ ᠲᠠᠲᠠᠭ᠍ᠣ ᠦᠭᠡᠢ᠂ ᠲᠣᠣᠷ ᠰᠦᠯᠵᠢᠶᠡᠨᠳᠤ ᠭᠦᠶᠦᠭᠦ ᠦᠭᠡᠢ᠂ ᠰᠣᠷᠭ᠋ᠠᠭᠤᠯᠢ ᠵᠢᠨ ᠰᠠᠬᠢᠯᠭᠠ ᠪᠠᠲᠣ ᠶᠣᠰᠣ ᠮᠣᠷᠠᠯᠢ ᠵᠢᠷᠤᠮᠯᠡᠨ ᠲᠠᠭ᠋ᠠᠳᠠᠭ ᠰᠠᠶ᠋ᠢᠨ ᠰᠣᠷᠣᠭᠴᠢ ᠪᠣᠯᠵᠣ ᠬᠦᠮᠦᠵᠢᠭᠳᠡᠬᠦ ᠣᠴᠢᠷᠠᠴᠠ ᠬᠡᠦᠬᠡᠳᠤᠨ ᠢᠷᠡᠭᠡᠳᠦᠢ ᠨᠡᠩ ᠭᠡᠭᠡᠨ ᠰᠠᠷᠠᠭᠤᠯ ᠪᠣᠯᠣᠨᠠ᠃
3. ᠭᠡᠷᠤᠨ ᠠᠬᠠᠮᠠᠳ ᠭᠡᠷ ᠪᠦᠯᠢ ᠵᠢᠨ ᠠᠳᠠᠯ ᠠᠮᠢᠳᠣᠷᠠᠯ ᠵᠶ᠋ᠠᠨ ᠵᠣᠬᠢᠰᠳᠠᠢ ᠲᠣᠬᠢᠷᠠᠭᠤᠯᠣᠨ᠂ ᠠᠵᠢᠯ ᠬᠦᠳᠡᠯᠮᠦᠷᠢᠳᠤ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠨ᠂ ᠭᠡᠷᠤᠨ ᠠᠮᠢᠳᠣᠷᠠᠯ ᠦᠭᠡᠳᠡ ᠠ᠋ᠰᠡᠷᠡᠭ ᠪᠠᠶ᠋ᠢᠵᠣ᠂ ᠠᠷᠢᠬᠢᠨᠳᠤ ᠲᠠᠪᠲᠣᠵᠣ ᠨᠠᠭ᠋ᠠᠳᠣᠮᠳᠤ ᠰᠢᠨᠣᠬᠤ ᠦᠭᠡᠢ᠂ ᠭᠡᠷ ᠪᠦᠯᠢ ᠵᠢᠨ ᠲᠣᠲᠣᠷᠠᠪᠠᠨ ᠠ᠋ᠶᠡ ᠡᠪᠲᠠᠢ ᠪᠠᠶ᠋ᠢᠬᠤ ᠲᠠᠯᠠᠪᠠᠷ ᠬᠡᠦᠬᠡᠳᠲᠤᠪᠠᠨ ᠬᠡᠪ ᠲᠦᠷᠢᠮ ᠪᠣᠯᠬᠤ ᠴᠢᠬᠤᠯᠠᠲᠠᠢ᠃ ᠭᠡᠷᠤᠨ ᠠᠬᠠᠮᠠᠳ ᠡᠷᠡ ᠡᠮᠡ ᠬᠤᠶᠠᠭᠤᠯᠠᠪᠠᠨ ᠠ᠋ᠶᠡ ᠡᠪᠳᠡᠢ᠂ ᠭᠡᠷᠤᠨ ᠠᠮᠢᠳᠣᠷᠠᠯᠤᠨ ᠲᠦᠯᠦᠭᠡ ᠮᠡᠷᠡᠶ᠋ᠢᠨ ᠴᠢᠷᠮᠠᠶ᠋ᠢᠵᠣ ᠪᠠᠶ᠋ᠢᠪᠠᠯ ᠬᠡᠦᠬᠡᠳᠲᠤᠪᠠᠨ ᠬᠡᠪ ᠳᠠᠭᠤᠷᠢᠶᠠᠯ ᠪᠣᠯᠵᠣ᠂ ᠬᠡᠦᠬᠡᠳᠤᠨ ᠰᠡᠳᠬᠢᠯᠳᠤ ᠨᠠᠷᠠ ᠰᠢᠬ ᠭᠡᠷᠡᠯᠲᠡᠢ ᠪᠣᠯᠣᠨᠠ᠃ ᠠ᠋ᠶᠡ ᠨᠠᠶ᠋ᠢᠷᠲᠠᠢ ᠭᠡᠷ ᠪᠦᠯᠢᠨᠢ ᠣᠬᠠᠭ᠋ᠠᠨ ᠲᠦᠬᠦᠭᠡᠲᠠᠢ ᠬᠡᠦᠬᠡᠳ ᠬᠦᠮᠦᠵᠢᠭᠦᠯᠵᠦ ᠭᠠᠷᠭ᠋ᠠᠬᠤᠨᠢ ᠯᠠᠪᠲᠠᠢ᠃ ᠭᠡᠷ ᠪᠦᠯᠢ ᠵᠢᠨ ᠠ᠋ᠶᠡ ᠨᠠᠶ᠋ᠢᠷᠲᠠᠢ ᠠᠮᠢᠳᠣᠷᠠᠯᠨᠢ ᠬᠡᠦᠬᠡᠳᠤᠨ ᠨᠢᠭᠡ ᠨᠠᠰᠣᠨᠳᠤ ᠨᠦᠯᠦᠭᠡ ᠪᠣᠯᠣᠨᠠ᠃ ᠭᠡᠷᠤᠨ ᠠᠬᠠᠮᠠᠳ ᠭᠡᠷ ᠪᠦᠯᠢᠳᠤᠪᠠᠨ ᠠ᠋ᠶᠡ ᠡᠪᠲᠡᠢ᠂ ᠠᠳᠠᠯ ᠠᠮᠢᠳᠣᠷᠠᠯ ᠦᠭᠡᠳᠡ ᠠ᠋ᠰᠡᠷᠡᠭ᠂ ᠠᠵᠢᠯ ᠬᠦᠳᠡᠯᠮᠦᠷᠢᠳᠤ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠳᠠᠭᠲᠤ ᠯᠡ ᠬᠦᠷᠪᠡᠯ᠂ ᠬᠡᠦᠬᠡᠳᠨᠢ ᠠᠪᠤ ᠡᠵᠢᠪᠠᠨ ᠲᠠᠭᠤᠷᠢᠶᠠᠨ ᠦᠪᠡᠷᠤᠨ ᠰᠣᠷᠣᠯᠭᠠ ᠠᠮᠢᠳᠣᠷᠠᠯᠳᠤᠪᠠᠨ ᠮᠡᠷᠡᠶ᠋ᠢᠨ ᠴᠢᠷᠮᠠᠶ᠋ᠢᠵᠣ᠂ ᠪᠠᠭᠰᠢ ᠵᠢᠨ ᠦᠭᠡ ᠵᠢ ᠰᠣᠨᠣᠰᠴᠣ᠂ ᠰᠢᠯᠢᠳᠡᠭ ᠬᠢᠷᠢ ᠪᠦᠳᠦᠮᠵᠢᠪᠠᠷ ᠰᠣᠶᠣᠯ ᠰᠣᠷᠣᠯᠭᠠ ᠵᠢᠨ ᠵᠠᠮ ᠵᠶ᠋ᠠᠨ ᠬᠦᠭᠡᠭᠡᠵᠣ᠂ ᠬᠤᠵᠢᠮ ᠢᠷᠡᠭᠡᠳᠦᠢᠳᠤ ᠣᠯᠣᠰ ᠦᠨᠳᠦᠰᠦᠳᠡᠨ᠂ ᠭᠡᠷ ᠪᠦᠯᠢᠳᠤᠪᠠᠨ ᠬᠡᠷᠡᠭᠴᠡᠭᠡᠲᠠᠢ ᠬᠦᠮᠦᠨ ᠪᠣᠯᠵᠣ ᠬᠦᠮᠦᠵᠢᠭᠳᠡᠵᠣ ᠳᠡᠶ᠋ᠢᠯᠦᠨᠡ᠃
ᠭᠡᠷᠤᠨ ᠠᠬᠠᠮᠠᠳ ᠬᠡᠦᠬᠡᠳᠤᠨ ᠬᠦᠮᠦᠵᠢᠯᠳᠤ ᠳᠡᠭᠡᠷᠡᠬᠢ ᠭᠤᠷᠪᠠᠨ ᠵᠦᠢ᠍ᠯᠤᠨ ᠠᠩᠬᠠᠷᠠᠭ᠍ᠣ ᠵᠦᠢ᠍ᠯᠢ ᠲᠣᠳᠣᠷᠬᠠᠢ ᠣᠶ᠋ᠢᠯᠠᠭ᠋ᠠᠨ ᠶᠠᠪᠣᠭᠳᠠᠭᠤᠯᠬᠤᠳᠤᠪᠠᠨ ᠪᠠᠰᠠ ᠭᠤᠷᠪᠠᠨ ᠲᠠᠯᠠ ᠵᠢᠨ ᠵᠠᠷᠣᠴᠠᠭᠤᠯᠭᠠ ᠪᠠᠶ᠋ᠢᠬᠤ ᠴᠢᠬᠤᠯᠠᠲᠠᠢ᠃ ᠠ᠋ᠭᠦᠨᠳᠤ ᠨᠢᠭᠡᠳᠦᠭᠡᠷᠨᠢ᠂ ᠬᠠᠶ᠋ᠢᠷᠠ ᠰᠡᠳᠬᠢᠯᠭᠡᠪᠠᠨ ᠦᠷᠡᠭᠳᠡᠭᠦᠯᠬᠦ ᠬᠡᠷᠡᠭᠲᠡᠢ᠃ ᠬᠤᠶᠠᠳᠣᠭ᠋ᠠᠷᠨᠢ᠂ ᠣᠶᠣᠨ ᠣᠬᠠᠭ᠋ᠠᠨ ᠵᠶ᠋ᠠᠨ ᠵᠦᠳᠡᠭᠡᠬᠦ ᠬᠡᠷᠡᠭᠲᠡᠢ᠃ ᠭᠤᠷᠪᠠᠳᠣᠭ᠋ᠠᠷᠨᠢ᠂ ᠵᠣᠭᠤᠰ ᠮᠦᠩᠭᠦᠪᠠᠨ ᠵᠠᠷᠣᠴᠠᠭᠤᠯᠬᠤ ᠬᠡᠷᠡᠭᠲᠡᠢ᠃ ᠣᠳᠣ ᠵᠢᠨ ᠭᠡᠷᠤᠨ ᠠᠬᠠᠮᠠᠳ ᠵᠦᠪᠬᠡᠨ ᠵᠣᠭᠤᠰ ᠮᠦᠩᠭᠦ ᠵᠢᠨ ᠵᠠᠷᠣᠴᠠᠭᠤᠯᠭᠠ ᠵᠢ ᠬᠦᠨᠳᠦᠳᠭᠡᠨ᠂ ᠬᠠᠶ᠋ᠢᠷᠠ ᠰᠡᠳᠬᠢᠯᠭᠡ ᠪᠠ ᠣᠶᠣᠨ ᠣᠬᠠᠭ᠋ᠠᠨᠤ ᠵᠠᠷᠣᠴᠠᠭᠤᠯᠭᠠ ᠵᠢ ᠬᠦᠩᠭᠡᠪᠴᠢᠯᠡᠳᠡᠭ᠃ ᠬᠤᠭᠤᠴᠠᠭ᠋ᠠᠨ ᠡᠴᠦᠰᠲᠤ ᠠ᠋ᠰᠡᠭᠦᠯᠡ ᠣᠯᠣᠰᠤᠨ ᠰᠢᠯᠭ᠋ᠠᠯᠳᠠ ᠵᠢᠨ ᠰᠡᠭᠦᠯᠡᠷ᠂ ᠬᠡᠦᠬᠡᠳᠨᠢ ᠭᠡᠷᠲᠤᠪᠠᠨ ᠠᠨᠠᠶ᠋ᠢᠬᠠᠨ ᠬᠢᠷᠢ ᠪᠦᠳᠦᠮᠵᠢᠪᠠᠷ ᠬᠠᠷᠢᠬᠤᠳᠤ᠂ ᠴᠢᠨᠦ ᠵᠠᠷᠣᠬᠤ ᠵᠣᠭᠤᠰᠢ ᠬᠦᠮᠦᠨᠠᠴᠠ ᠲᠣᠳᠠᠭᠤ ᠦᠭᠴᠦ ᠦᠦ？ ᠵᠣᠭᠤᠰ ᠵᠶ᠋ᠠᠨ ᠪᠠᠷᠠᠭ᠋ᠠᠳ ᠰᠣᠷᠣᠭᠰᠠᠨ ᠶᠠᠭᠤᠮᠠ ᠦᠭᠡᠢ ᠭᠡᠵᠦ ᠨᠢᠳᠦ ᠠ᠋ᠷᠡᠶ᠋ᠢᠨ ᠪᠠᠷᠬᠢᠷᠠᠳᠠᠭ᠃ ᠠ᠋ᠨᠡ ᠦᠶᠡᠳᠤ ᠨᠢᠭᠡᠨᠲᠡ ᠣᠷᠣᠶ᠋ᠢᠲᠠᠪᠠ᠃ ᠶᠠᠭ ᠰᠠᠶ᠋ᠢᠬᠠᠨ ᠬᠠᠪᠣᠷᠲᠤ ᠭᠠᠩᠳᠠᠨ᠂ ᠵᠣᠨᠳᠤ ᠣᠰᠣᠳᠠᠨ᠂ ᠨᠠᠮᠣᠷᠤᠨ ᠰᠡᠭᠦᠯ ᠰᠢᠪᠲᠣᠷᠬᠤᠳᠤ ᠬᠤᠷᠠ ᠪᠣᠷᠣᠭ᠋ᠠᠨᠨᠢ ᠲᠣᠰᠴᠢᠬᠠᠯᠠ ᠭᠡᠳ ᠬᠤᠷᠢᠶᠠᠨ ᠣᠯᠬᠤ ᠵᠦᠢ᠍ᠯᠨᠢ ᠪᠠᠭᠠ ᠰᠢᠭ ᠬᠠᠶ᠋ᠢᠷᠠ ᠰᠡᠳᠬᠢᠯᠭᠡ ᠵᠢᠨ ᠦᠷᠡᠭᠳᠡᠯ ᠭᠡᠳᠡᠭᠨᠢ ᠭᠡᠷᠤᠨ ᠠᠬᠠᠮᠠᠳ ᠬᠡᠦᠬᠡᠳᠲᠠᠢᠪᠠᠨ ᠢᠯᠡᠭᠦᠬᠡᠨ ᠶᠠᠷᠢᠯᠴᠠᠵᠣ᠂ ᠬᠡᠦᠭᠡᠳᠤᠨ ᠵᠶ᠋ᠠᠨ ᠰᠡᠳᠬᠢᠯᠤᠨ ᠪᠠᠶ᠋ᠢᠳᠠᠯᠢ ᠣᠶ᠋ᠢᠯᠠᠭ᠋ᠠᠵᠣ᠂ ᠴᠠᠭ ᠲᠣᠬᠠᠢᠳᠤᠨᠢ ᠬᠡᠦᠬᠡᠳᠤᠨ ᠵᠶ᠋ᠠᠨ ᠪᠣᠳᠠᠳᠠᠢ ᠪᠠᠶ᠋ᠢᠳᠠᠯᠳᠤ ᠴᠢᠭᠯᠡᠭᠦᠯᠵᠤ᠂ ᠬᠦᠮᠦᠵᠢᠯ ᠰᠣᠷᠭ᠋ᠠᠯ ᠣᠯᠭᠤᠵᠣ᠂ ᠬᠡᠦᠭᠡᠳᠤᠨ ᠬᠦᠮᠦᠨ ᠪᠣᠯᠵᠣ ᠬᠦᠮᠦᠵᠢᠬᠦ ᠵᠠᠮᠳᠤ ᠲᠦᠰᠢᠭ ᠲᠣᠯᠭ᠋ᠠᠭᠤᠷᠢ ᠪᠣᠯᠵᠣ᠂ ᠬᠡᠦᠬᠡᠳᠤᠨ ᠢᠷᠡᠭᠡᠳᠦᠢ ᠵᠢᠨ ᠵᠠᠮᠳᠤ ᠭᠡᠷᠡᠯ ᠭᠡᠭᠡ ᠪᠣᠯᠣᠨᠠ᠃ ᠣᠶᠣᠨ ᠣᠬᠠᠭ᠋ᠠᠨᠤ ᠵᠦᠳᠡᠬᠡᠯᠲᠡ ᠭᠡᠳᠡᠭᠨᠢ ᠬᠡᠦᠬᠡᠳᠤᠨ ᠵᠶ᠋ᠠᠨ ᠪᠣᠳᠠᠳᠠᠢ ᠪᠠᠶ᠋ᠢᠳᠠᠯᠳᠤ ᠲᠣᠬᠢᠷᠠᠭᠤᠯᠣᠨ᠂ ᠵᠣᠬᠢᠰᠳᠠᠢ ᠵᠢᠭ᠋ᠠᠨ ᠰᠣᠷᠭ᠋ᠠᠬᠤ ᠠᠷᠭᠠ ᠠᠪᠴᠣ᠂ ᠬᠡᠦᠬᠡᠳᠤᠨ ᠵᠶ᠋ᠠᠨ ᠶᠠᠮᠠᠷ ᠶᠠᠩᠵᠤ ᠵᠢᠨ ᠬᠦᠮᠦᠨ᠂ ᠶᠠᠮᠠᠷ ᠲᠡᠰᠤᠨ ᠠ᠋ᠷᠳᠡᠮ ᠮᠡᠳᠡᠯᠭᠡᠲᠠᠢ ᠪᠣᠯᠭ᠋ᠠᠵᠣ ᠬᠦᠮᠦᠵᠢᠭᠦᠯᠬᠦ ᠵᠢ ᠣᠨᠴᠠᠭ᠋ᠠᠶ᠋ᠢᠯᠠᠨ ᠠᠩᠬᠠᠷᠴᠣ᠂ ᠴᠠᠭ ᠲᠣᠬᠠᠢᠳᠤᠨᠢ ᠵᠣᠬᠢᠰᠲᠠᠢ ᠠᠷᠭᠠ ᠪᠠᠷᠢᠯ ᠠᠪᠴᠣ᠂ ᠬᠡᠦᠬᠡᠳᠲᠤᠪᠠᠨ ᠵᠣᠬᠢᠰᠲᠠᠢ ᠰᠣᠷᠭ᠋ᠠᠨ ᠬᠦᠮᠦᠵᠢᠬᠦᠯᠬᠦ ᠠᠷᠭᠠ ᠠᠪᠴᠠᠯ ᠠᠪᠲᠠᠭᠲᠤ ᠯᠡ ᠬᠦᠷᠪᠡᠯ᠂ ᠬᠡᠦᠬᠡᠳ ᠯᠠᠪᠳᠠᠢ ᠠ᠋ᠷᠡᠭᠦᠯ ᠴᠢᠬᠢᠷᠠᠭ ᠦᠰᠦᠨ ᠪᠣᠶ᠋ᠢᠵᠢᠵᠣ ᠳᠡᠶ᠋ᠢᠯᠦᠨᠡ᠃ ᠵᠣᠭᠤᠰ ᠮᠦᠩᠭᠦᠨᠤ ᠵᠠᠷᠣᠴᠠᠭᠤᠯᠭᠠ ᠵᠢ ᠠ᠋ᠷᠬᠡᠪᠰᠢ ᠵᠣᠬᠢᠰᠲᠠᠢ ᠪᠠᠶ᠋ᠢᠯᠭ᠋ᠠᠬᠤ ᠵᠢ ᠠᠩᠬᠠᠷᠠᠭ᠍ᠣ ᠬᠡᠷᠡᠭᠲᠡᠢ᠃ ᠬᠡᠦᠬᠡᠳ ᠦᠨᠦᠳᠦᠷᠤᠨ ᠴᠢᠷᠮᠠᠶ᠋ᠢᠯᠭᠠ ᠦᠭᠡᠢ ᠪᠣᠯ ᠮᠠᠷᠭ᠋ᠠᠰᠢ ᠵᠢᠨ ᠠᠮᠵᠢᠯᠲᠠ ᠵᠢ ᠤᠯᠵᠤ ᠴᠢᠳᠠᠭ᠍ᠣ ᠦᠭᠡᠢ᠃ ᠬᠡᠦᠬᠡᠳᠲᠠᠢᠪᠠᠨ ᠢᠯᠡᠭᠦᠬᠡᠨ ᠶᠠᠷᠢᠯᠴᠠᠵᠣ ᠬᠡᠦᠬᠡᠳᠤᠨ ᠪᠠᠶ᠋ᠢᠳᠠᠯᠢ ᠢᠯᠡᠭᠦᠬᠡᠨ ᠣᠶ᠋ᠢᠯᠠᠭ᠋ᠠᠵᠣ᠂ ᠬᠡᠦᠬᠡᠳᠤᠨ ᠠᠯᠢᠪᠠ ᠦᠢ᠍ᠯᠡ ᠠᠵᠢᠯᠯᠠᠭᠠᠳᠤ ᠵᠢᠭ᠋ᠠᠨ ᠵᠢᠯᠣᠭᠤᠳᠣᠯᠭᠠ ᠬᠢᠨᠡ᠃ ᠬᠡᠦᠬᠡᠳᠲᠤᠪᠠᠨ ᠬᠠᠷᠢᠭᠤᠴᠠᠨ ᠬᠡᠦᠬᠡᠳᠤᠨ ᠬᠦᠮᠦᠵᠢᠯᠳᠤ ᠭᠦᠴᠦᠯᠡᠵᠦ ᠵᠣᠷᠢᠭᠤᠯᠬᠤ ᠴᠢᠬᠤᠯᠠᠲᠠᠢ᠃ ᠬᠡᠦᠬᠡᠳ ᠵᠶ᠋ᠠᠨ ᠵᠦᠪᠬᠡᠨ ᠶᠡᠭᠡ ᠰᠣᠷᠭ᠋ᠠᠭᠤᠯᠢᠳᠤ ᠣᠷᠣᠭᠤᠯᠬᠤᠪᠠᠷ ᠵᠣᠷᠢᠯᠭᠠ ᠪᠣᠯᠭ᠋ᠠᠵᠣ ᠪᠣᠯᠬᠤ ᠥᠭᠡᠢ᠃ ᠠ᠋ᠶ᠋ᠢᠮᠦᠠᠴᠠ ᠭᠡᠷᠤᠨ ᠠᠬᠠᠮᠠᠳ ᠬᠡᠦᠬᠡᠳᠤᠨ ᠵᠶ᠋ᠠᠨ ᠪᠠᠶ᠋ᠢᠳᠠᠯᠢ ᠠ᠋ᠷᠬᠡᠪᠰᠢ ᠣᠶ᠋ᠢᠯᠠᠭ᠋ᠠᠬᠤ ᠬᠡᠷᠡᠭᠲᠡᠢ᠃ ᠦᠷᠭᠦᠯᠵᠢ ᠠᠩᠭᠢ ᠵᠢᠨ ᠪᠠᠭᠰᠢ᠂ ᠬᠢᠴᠢᠶᠡᠯᠤᠨ ᠪᠠᠭᠰᠢᠲᠠᠢ ᠬᠠᠷᠢᠯᠴᠠᠵᠣ ᠬᠡᠣᠬᠡᠳᠤᠨ ᠵᠶ᠋ᠠᠨ ᠪᠠᠶ᠋ᠢᠳᠠᠯᠢ ᠣᠶ᠋ᠢᠯᠠᠭ᠋ᠠᠵᠣ ᠪᠠᠢ᠍ᠢ᠍ᠪᠠᠯ ᠵᠤᠬᠢᠨᠠ᠃
ᠭᠡᠷᠤᠨ ᠠᠬᠠᠮᠠᠳ ᠭᠡᠤᠭᠡᠳᠤᠨ ᠵᠶ᠋ᠠᠨ ᠰᠤᠷᠭ᠋ᠠᠨ ᠭᠦᠮᠦᠵᠢᠯᠳᠤ ᠢᠯᠡᠭᠦᠭᠡᠨ ᠠᠨᠭ᠌ᠬᠠᠷᠤᠯ ᠲᠠᠯᠪᠢᠵᠤ ᠭᠦᠴᠦ ᠤᠷᠤᠭᠤᠯᠬᠤ ᠴᠢᠬᠤᠯᠠᠲᠠᠢ᠃ ᠭᠡᠤᠭᠡᠳᠤᠨ ᠰᠤᠷᠭ᠋ᠠᠨ ᠭᠦᠮᠦᠵᠢᠯᠤᠨ ᠶᠠᠭᠤ ᠪᠦᠭᠦᠨᠢ ᠰᠤᠷᠭ᠋ᠠᠭᠤᠯᠢᠳᠤ ᠨᠠᠢ᠍ᠢ᠍ᠳᠠᠬᠤ ᠪᠤᠯ ᠵᠤᠬᠢᠰ ᠦᠭᠡᠢ ᠶᠤᠮ᠃ ᠭᠡᠷ ᠪᠦᠯᠢ ᠵᠢᠨ ᠰᠤᠷᠭ᠋ᠠᠨ ᠭᠦᠮᠦᠵᠢᠯᠨᠢ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠭ᠋ᠠᠨ ᠭᠦᠮᠦᠵᠢᠯᠲᠠᠢ ᠠᠳᠠᠯᠢᠬᠠᠨ ᠴᠢᠬᠤᠯᠠ ᠭᠡᠳᠡᠭᠢ ᠤᠢ᠍ᠢ᠍ᠯᠠᠭ᠋ᠠᠬᠤ ᠭᠡᠷᠡᠭᠳᠠᠢ᠃
ᠬᠠᠶᠢᠬ᠄ ᠬᠥᠷᠢᠶᠡ ᠬᠤᠰᠢᠭᠤᠨᠤ ᠨᠢᠭᠡᠳᠥᠭᠡᠷ ᠲᠣᠮᠳᠠᠳᠣ ᠰᠣᠷᠭ᠋ᠠᠭᠤᠯᠢ
（ᠠ᠋ᠾᠤᠢ᠍ᠩ ᠮᠸᠢ ᠨᠠᠢ᠍ᠢ᠍ᠷᠠᠭᠤᠯᠪᠠ）
2019 ᠣᠨᠤ 2 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ