ᠲᠤ᠋ · ᠰᠠᠴᠠᠨᠪᠠᠭ᠋ᠠᠳᠤᠷ
ᠬᠡᠦᠬᠡᠳ ᠪᠠᠭ᠋ᠠᠴᠣᠳᠤᠨ ᠥᠰᠴᠦ ᠪᠥᠢ᠍ᠵᠢᠬᠤ᠂ ᠬᠦᠮᠦᠵᠢᠯ ᠬᠦᠷᠳᠡᠬᠦ ᠪᠥᠬᠦ ᠶᠠᠪᠣᠴᠠ ᠵᠢ ᠨᠥᠯᠣᠭᠡᠯᠡᠬᠦ ᠲᠣᠳᠦᠭ᠋ᠠᠳᠦ ᠰᠢᠯᠳᠠᠭ᠋ᠠᠨ ᠭᠠᠳᠠᠭ᠋ᠠᠳᠦ ᠨᠥᠬᠦᠴᠡᠯ ᠲᠣᠩ ᠣᠯᠠᠨ ᠪᠠᠶ᠋ᠢᠨᠠ᠃ ᠲᠡᠳᠡᠭᠡᠷᠤᠨ ᠲᠣᠳᠣᠷᠠ ᠭᠡᠷᠤᠨ ᠠᠬᠠᠮᠠᠳ᠂ ᠪᠠᠭᠰᠢ᠂ ᠰᠣᠷᠭ᠋ᠠᠭᠤᠯᠢ᠂ ᠨᠡᠶ᠋ᠢᠬᠡᠮ ᠭᠡᠭᠦ ᠲᠥᠷᠪᠡᠨ ᠲᠠᠯᠠ ᠬᠠᠮᠤᠭᠤᠨ ᠭᠤᠣᠯ ᠪᠣᠯᠣᠨᠠ᠃
ᠬᠡᠦᠬᠡᠳᠤᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯ ᠪᠣᠯ ᠭᠡᠷᠤᠨ ᠠᠬᠠᠮᠠᠳ᠂ ᠪᠠᠭᠰᠢ᠂ ᠰᠣᠷᠭ᠋ᠠᠭᠤᠯᠢ᠂ ᠨᠡᠶ᠋ᠢᠬᠡᠮ᠂ ᠲᠥᠷᠣ ᠵᠠᠰᠠᠭᠠᠴᠠ ᠬᠦᠴᠦ ᠬᠠᠮᠳᠣᠳᠬᠠᠵᠦ ᠪᠡᠶᠡᠯᠡᠭᠦᠯᠬᠦ ᠶᠡᠭᠡ ᠥᠢ᠍ᠯᠡᠰ᠃ ᠬᠡᠦᠬᠡᠳᠤᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯ ᠪᠤᠯ ᠰᠤᠷᠭ᠋ᠠᠨ ᠭᠦᠮᠦᠵᠢᠭᠦᠯᠭᠦ ᠤᠬᠠᠭ᠋ᠠᠨᠤ ᠮᠥᠩᠬᠡ ᠵᠢᠨ ᠰᠤᠳᠤᠯᠭ᠋ᠠᠨᠤ ᠰᠡᠳᠦᠪ᠂ ᠮᠦᠨ ᠴᠦ᠍ ᠪᠥᠬᠦ ᠨᠡᠶ᠋ᠢᠭᠡᠮᠤᠨ ᠠᠩᠬᠠᠷᠣᠯᠤᠨ ᠴᠡᠭ ᠪᠤᠯᠵᠤ ᠪᠤᠢ᠃
ᠨᠢᠭᠡ᠂ ᠭᠡᠷᠤᠨ ᠠᠬᠠᠮᠠᠳ
ᠬᠡᠦᠬᠡᠳᠤᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠠᠰᠠᠭᠤᠳᠠᠯ ᠪᠣᠯ ᠭᠡᠷᠤᠨ ᠠᠬᠠᠮᠠᠳᠤᠨ ᠲᠥᠯᠬᠢᠵᠦ ᠪᠣᠯᠣᠰᠢ ᠦᠭᠡᠢ ᠲᠠᠷᠬᠠᠨ ᠠ᠋ᠭᠦᠷᠭᠡ ᠨᠠᠨᠳᠢᠨ ᠬᠠᠷᠢᠭᠤᠴᠠᠯᠭᠠ ᠪᠣᠯᠬᠤ ᠶᠣᠮ᠃ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠠ᠋ᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠠᠴᠠ ᠠᠪᠴᠦ ᠬᠡᠯᠡᠪᠡᠯ᠂ ᠭᠡᠷᠤᠨ ᠠᠬᠠᠮᠠᠳᠨᠢ ᠬᠡᠦᠬᠡᠳᠤᠨ ᠵᠶ᠋ᠠᠨ ᠲᠥᠯᠣᠭᠡ ᠣᠶᠣᠨ ᠣᠬᠠᠭ᠋ᠠᠨ ᠬᠦᠴᠦ ᠬᠥᠳᠡᠯᠮᠣᠷᠢᠪᠠᠨ ᠬᠠᠷᠠᠮ ᠦᠭᠡᠢ ᠶᠡᠭᠦᠯᠡᠬᠦᠨᠢ ᠵᠥᠢ᠃ ᠭᠡᠭᠦᠳᠤᠪᠠᠨ ᠪᠣᠳᠠᠳᠦ ᠠᠮᠢᠳᠣᠷᠠᠯᠨᠢ ᠪᠢᠳᠡᠨᠤ ᠪᠣᠳᠣᠭᠰᠠᠨ ᠰᠢᠬ ᠲᠡᠶ᠋ᠢᠮᠦ ᠠᠮᠠᠷᠬᠠᠨ ᠪᠢᠰᠢ᠃ ᠭᠡᠷᠤᠨ ᠠᠬᠠᠮᠠᠳᠠᠴᠠ ᠬᠡᠦᠬᠡᠳᠲᠤᠪᠠᠨ ᠠ᠋ᠨᠡᠨᠢ ᠪᠣᠯᠬᠤ ᠦᠭᠡᠢ᠂ ᠲᠡᠷᠡᠨᠢ ᠪᠣᠯᠬᠤ ᠦᠭᠡᠢ ᠭᠡᠬᠦ ᠵᠡᠷᠭᠡᠪᠠᠷ ᠬᠢᠷᠢ ᠬᠡᠮᠵᠢᠶᠡᠨᠠᠴᠠᠨᠢ ᠭᠡᠳᠤᠷᠡᠭᠰᠡᠨ ᠪᠣᠶᠣ ᠪᠣᠳᠠᠳᠦ ᠪᠠᠶ᠋ᠢᠳᠠᠯᠲᠠᠢ ᠨᠡᠶ᠋ᠢᠴᠡᠬᠦ ᠦᠭᠡᠢ ᠱᠠᠭ᠋ᠠᠷᠳᠠᠯᠭᠠ ᠲᠠᠯᠪᠢᠬᠤ ᠠ᠋ᠰᠡᠬᠦᠯᠡ ᠬᠡᠦᠬᠡᠳᠨᠢ ᠪᠠᠰᠠ ᠡᠴᠢᠭᠡ ᠠ᠋ᠬᠡ ᠵᠢᠪᠠᠨ ᠠ᠋ᠨᠡᠨᠢ ᠪᠣᠯᠬᠤ ᠦᠭᠡᠢ᠂ ᠲᠠᠷᠠᠨᠢ ᠪᠣᠯᠬᠤ ᠦᠭᠡᠢ ᠭᠡᠳ ᠪᠠᠶ᠋ᠢᠬᠤᠨᠢ ᠵᠦᠨᠭᠳᠡᠭᠡᠨ ᠶᠤᠮ᠃ ᠲᠡᠭᠡᠪᠡᠯ ᠭᠡᠷᠬᠢᠨ ᠭᠡᠤᠭᠡᠳᠤᠨ ᠬᠠᠢ᠍ᠢ᠍ᠷᠠ ᠵᠢ ᠲᠠᠳᠠᠭᠰᠠᠨ᠂ ᠭᠡᠤᠭᠡᠳᠲᠤ ᠲᠤᠯᠠᠭ᠋ᠠᠨ ᠪᠦᠯᠢᠶᠠᠨᠢ ᠤᠯᠭᠤᠬᠤ ᠪᠤᠢ？
ᠵᠠᠷᠢᠮ ᠭᠡᠷᠤᠨ ᠠᠬᠠᠮᠠᠳᠤᠨ ᠬᠡᠯᠡᠬᠦᠪᠠᠷ᠂ ᠣᠳᠣ ᠵᠢᠨ ᠬᠡᠦᠬᠡᠳᠢ ᠴᠤᠬᠢᠬᠤ ᠪᠠᠢ᠍ᠢ᠍ᠳᠤᠭ᠋ᠠᠢ ᠭᠡᠯᠡᠵᠦ ᠴᠦ᠍ ᠪᠣᠯᠬᠤ ᠦᠭᠡᠢ ᠭᠡᠨᠠ᠂ ᠶᠤᠰᠤᠳᠠᠢ ᠶᠠᠭ᠋ᠠᠬᠢᠬᠤᠪᠠᠨ ᠤᠯᠬᠤ ᠪᠤᠯᠤᠭᠰᠠᠨ ᠭᠡᠵᠤ ᠪᠤᠢ᠃ ᠦᠨᠡᠭᠡᠷ ᠬᠡᠦᠬᠡᠳᠨᠢ ᠪᠣᠯᠬᠤ ᠦᠭᠡᠢ ᠪᠠᠶ᠋ᠢᠨᠠ ᠤᠤ ᠠ᠋ᠰᠠᠭᠦᠯᠠ ᠭᠡᠷᠤᠨ ᠠᠬᠠᠮᠠᠳᠨᠢ ᠪᠤᠯᠬᠤ ᠦᠭᠡᠢ ᠪᠠᠢ᠍ᠢ᠍ᠨᠠ ᠤᠤ？ ᠬᠡᠨᠨᠢ ᠪᠣᠯᠬᠤ ᠦᠭᠡᠢ ᠪᠠᠶ᠋ᠢᠭᠠ ᠪᠣᠯ？ ᠠ᠋ᠨᠡ ᠠᠰᠠᠭᠤᠳᠠᠯᠢ ᠪᠥᠬᠦ ᠲᠠᠯᠠᠪᠠᠷ ᠰᠡᠳᠬᠢᠵᠦ ᠨᠠᠷᠢᠨ ᠵᠠᠳᠠᠯᠣᠯᠳᠠ ᠬᠢᠬᠦ ᠭᠡᠷᠡᠭᠳᠠᠢ᠃ ᠣᠳᠣᠬᠠᠨᠳᠤ ᠭᠡᠷᠤᠨ ᠠᠬᠠᠮᠠᠳᠤᠨ ᠬᠦᠮᠦᠵᠢᠯ ᠪᠤᠯᠪᠠᠰᠤᠷᠠᠯᠢ ᠰᠠᠶ᠋ᠢᠳᠤᠷ ᠬᠢᠬᠦᠳᠤ ᠪᠠᠰᠠ ᠨᠡᠯᠢᠶᠡᠳ ᠬᠦᠴᠢᠷ ᠠᠰᠠᠭᠤᠳᠠᠯ ᠤᠷᠤᠰᠢᠵᠤ ᠪᠠᠶ᠋ᠢᠨᠠ᠃ ᠨᠠᠰᠣᠨᠳᠤ ᠬᠦᠷᠦᠭᠰᠡᠳᠤᠨ ᠬᠦᠮᠦᠵᠢᠯ ᠪᠤᠯᠪᠠᠰᠤᠷᠠᠯ ᠶᠡᠭᠡᠪᠠᠷ ᠲᠤᠲᠠᠭᠳᠠᠵᠦ ᠪᠠᠢ᠍ᠢ᠍ᠨᠠ ᠭᠡᠵᠦ ᠲᠤᠰᠬᠠᠢ ᠮᠠᠷᠭᠡᠵᠢᠯᠳᠠᠳ ᠦᠵᠠᠵᠤ ᠪᠤᠢ᠃ ᠤᠯᠠᠨ ᠵᠶ᠋ᠠᠷ ᠵᠶ᠋ᠠᠨ ᠬᠡᠦᠬᠡᠳᠤᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠲᠠᠯᠠᠳᠤ ᠠᠮᠵᠢᠯᠳᠠ ᠣᠯᠬᠤ ᠵᠢ ᠶᠡᠭᠡᠳᠡ ᠭᠦᠰᠠᠵᠤ ᠪᠤᠢ᠃ ᠭᠡᠪᠡᠴᠤ ᠨᠠᠢ᠍ᠢ᠍ᠭᠡᠮ ᠳᠡᠭᠡᠷᠠ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠠᠮᠵᠢᠯᠳᠠ ᠵᠢ ᠨᠡᠶ᠋ᠢᠳᠡᠮᠳᠤᠪᠠᠨ ᠶᠡᠭᠡ ᠰᠣᠷᠭ᠋ᠠᠭᠤᠯᠢ ᠵᠢᠨ ᠣᠶᠣᠳᠠᠨ ᠪᠤᠯᠬᠤ᠂ ᠣᠯᠣᠰᠤᠨ ᠠᠯᠪᠠᠳᠠᠨ ᠪᠤᠯᠵᠤ 《ᠲᠡᠮᠣᠷ ᠠᠶᠠᠭᠠ》 ᠤᠯᠵᠤ ᠴᠢᠳᠠᠭᠰᠠᠨ ᠵᠶ᠋ᠠᠷ ᠪᠠᠷᠢᠮᠵᠢᠶᠡ ᠪᠣᠯᠭ᠋ᠠᠬᠤ ᠭᠡᠳ ᠪᠠᠶ᠋ᠢᠬᠤ ᠶᠤᠮ᠃ ᠭᠡᠭᠦᠳᠤᠪᠠᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯ ᠪᠣᠯ ᠠ᠋ᠶ᠋ᠢᠮᠦ ᠥᠬᠦᠮᠡᠯ ᠪᠢᠰᠢ᠂ ᠨᠢᠭᠡ ᠯᠡ ᠵᠥᠭᠲᠤ ᠬᠠᠨᠳᠣᠬᠤ ᠪᠢᠰᠢ᠂ ᠬᠠᠷᠢᠨ ᠣᠬᠤᠷᠢᠵᠦ ᠭᠠᠷᠬᠤ ᠣᠷᠣᠨ ᠵᠠᠢᠲᠠᠢ ᠪᠠᠶ᠋ᠢᠬᠤ ᠬᠡᠷᠡᠭᠲᠠᠢ᠃ ᠪᠢᠷ · ᠭᠧᠰ ᠬᠠᠷᠸᠠᠳ᠋ ᠶᠡᠭᠡ ᠰᠤᠷᠭ᠋ᠠᠭᠤᠯᠢᠳᠤ ᠰᠢᠯᠭ᠋ᠠᠭᠤᠯᠵᠤ ᠣᠷᠣᠭᠰᠠᠨ ᠪᠣᠯᠪᠠᠴᠦ ᠰᠤᠷᠭ᠋ᠠᠭᠤᠯᠢᠪᠠᠨ ᠲᠡᠭᠦᠰᠦᠭᠰᠡᠨ ᠦᠭᠡᠢ᠂ ᠬᠡᠳᠡᠯᠡ ᠲᠡᠭᠦᠨᠤ ᠨᠡᠶ᠋ᠢᠭᠡᠮᠳᠤ ᠠ᠋ᠭᠦᠳᠦᠭᠰᠡᠨ ᠥᠷᠳᠡᠭᠢ ᠬᠡᠮᠵᠢᠶᠡᠯᠡᠬᠦ ᠵᠢᠨ ᠠᠷᠭᠠ ᠦᠭᠡᠢ ᠶᠤᠮ᠃ ᠠᠮᠸᠷᠢᠺᠠ ᠵᠢᠨ ᠣᠯᠣᠰᠤᠨ ᠠᠯᠪᠠᠳᠠᠨ ᠰᠢᠯᠭ᠋ᠠᠬᠤ ᠨᠣᠷᠮᠠᠨᠢ 3%ᠳᠤ ᠬᠦᠷᠴᠦ ᠪᠠᠶ᠋ᠢᠬᠤᠳᠤ᠂ ᠲᠣᠮᠳᠠᠳᠦ ᠣᠯᠣᠰᠤᠨᠬᠢ 76%ᠳᠤ ᠬᠦᠷᠳᠡᠭ ᠭᠡᠰᠡᠨ ᠮᠠᠳᠠᠭᠡᠯᠡᠯ ᠪᠤᠢ᠃
ᠰᠣᠷᠭ᠋ᠠᠨ ᠬᠦᠮᠦᠵᠢᠯᠨᠢ ᠭᠡᠤᠭᠡᠳᠲᠤ ᠰᠣᠷᠬᠤ ᠵᠣᠬᠢᠰᠳᠠᠢ ᠮᠡᠳᠡᠯᠭᠡ ᠪᠤᠯᠪᠠᠰᠤᠷᠠᠯᠢ ᠡᠵᠡᠮᠰᠢᠭᠦᠯᠵᠦ᠂ ᠪᠡᠶᠡ ᠰᠡᠳᠬᠢᠴᠡ ᠪᠥᠬᠦ ᠲᠠᠯᠠᠪᠠᠷ ᠬᠦᠮᠦᠵᠢᠭᠰᠡᠨ ᠬᠦᠮᠦᠨᠢ ᠬᠦᠮᠦᠵᠢᠭᠦᠯᠬᠦᠪᠠᠷ ᠵᠤᠷᠢᠯᠭᠠ ᠪᠤᠯᠭ᠋ᠠᠳᠠᠬ᠃ ᠥᠨᠣᠳᠦᠷᠤᠨ ᠨᠡᠶ᠋ᠢᠭᠡᠮ ᠠᠬᠤᠢᠳᠤ ᠬᠡᠦᠬᠡᠳᠤᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠲᠠᠯᠠᠪᠠᠷ ᠲᠣᠯᠢ ᠪᠣᠯᠭ᠋ᠠᠬᠤ ᠲᠤᠷᠰᠢᠯᠭᠠ ᠰᠤᠷᠭ᠋ᠠᠮᠵᠢ ᠮᠠᠰᠢ ᠣᠯᠠᠨ ᠪᠠᠢ᠍ᠢ᠍ᠳᠠᠬ᠃
ᠭᠡᠷᠤᠨ ᠠᠬᠠᠮᠠᠳ ᠪᠣᠯ ᠭᠡᠤᠭᠡᠳᠤᠨ ᠤᠤᠭ᠋ᠠᠨ ᠪᠠᠭᠰᠢ᠂ ᠰᠤᠶᠤᠨ ᠭᠡᠭᠡᠷᠡᠭᠦᠯᠦᠭᠴᠢ ᠥᠯᠢᠭᠡᠷ ᠲᠠᠭᠤᠷᠢᠶᠠᠯ ᠪᠤᠯᠬᠤ ᠶᠤᠮ᠃ ᠲᠡᠭᠡᠭᠦᠯᠡᠷ ᠭᠡᠷᠤᠨ ᠠᠬᠠᠮᠠᠳᠤᠨ ᠵᠠᠩ ᠠᠷᠡᠨᠰᠢᠨ᠂ ᠥᠭᠡ ᠶᠠᠷᠢᠶᠠ᠂ ᠥᠢ᠍ᠯᠡ ᠬᠦᠳᠡᠯᠭᠡᠭᠡᠨ ᠵᠢᠴᠢ ᠶᠣᠰᠣ ᠤᠴᠢᠷᠢ ᠤᠯᠠᠮᠵᠢᠯᠠᠵᠦ ᠣᠶ᠋ᠢᠯᠠᠭ᠋ᠠᠭᠤᠯᠬᠤ ᠠᠷᠭᠠ ᠠᠪᠴᠠᠯ᠂ ᠮᠡᠳᠡᠯᠭᠡ ᠵᠢᠨ ᠥᠷᠭᠡᠴᠢ ᠭᠦᠨᠴᠠ ᠵᠡᠷᠭᠡ ᠠᠯᠢ ᠪᠥᠬᠦᠨᠨᠢ ᠬᠡᠦᠬᠡᠳᠢ ᠮᠡᠳᠡᠭᠡ ᠣᠷᠣᠬᠤᠠᠴᠠ ᠠᠪᠣᠭ᠋ᠠᠳ ᠲᠣᠮᠣ ᠬᠦᠮᠦᠨ ᠪᠣᠯᠳᠠᠯᠠ ᠰᠠᠯᠣᠯᠳᠠ ᠦᠭᠡᠢ ᠬᠥᠳᠦᠯᠣᠨ ᠨᠥᠯᠣᠭᠡᠯᠡᠨᠡ᠃ ᠠ᠋ᠶ᠋ᠢᠮᠦ ᠪᠣᠯᠬᠤᠷ ᠠᠩᠬᠠᠨᠤ ᠪᠠᠭᠰᠢ ᠪᠤᠯᠬᠤ ᠠᠪᠤ ᠡᠵᠢ ᠨᠠᠷ ᠬᠡᠦᠬᠡᠳ ᠵᠶ᠋ᠠᠨ ᠰᠣᠷᠭ᠋ᠠᠵᠦ ᠬᠦᠮᠦᠵᠢᠭᠦᠯᠬᠦᠳᠤ ᠶᠡᠭᠤᠨᠤ ᠠ᠋ᠮᠣᠨᠡ ᠬᠡᠦᠬᠡᠳᠤᠨ ᠣᠷᠮᠠ ᠪᠠᠬᠠ ᠵᠢ ᠬᠥᠭᠵᠢᠭᠡᠬᠦ ᠬᠡᠷᠡᠭᠲᠠᠢ᠃ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠷᠠᠯᠢᠭᠨᠢ ᠣᠷᠮᠠᠰᠢᠭᠤᠯᠵᠦ ᠬᠥᠭᠵᠢᠭᠡᠬᠦ᠂ ᠰᠡᠩᠭᠡᠷᠡᠭᠦᠯᠵᠦ ᠰᠡᠷᠢᠭᠡᠬᠦ᠂ ᠣᠮᠣᠭᠰᠢᠭᠤᠯᠵᠦ ᠵᠣᠷᠢᠬ᠍ᠵᠢᠭᠤᠯᠬᠤᠳᠤ ᠪᠠᠶ᠋ᠢᠭᠠ ᠶᠤᠮ᠃
ᠭᠡᠷᠤᠨ ᠠᠬᠠᠮᠠᠳᠨᠢ ᠬᠡᠦᠬᠡᠳᠢ ᠪᠠᠭᠠ ᠪᠠᠶ᠋ᠢᠬᠤᠳᠤᠨᠢ ᠡᠪ ᠵᠶ᠋ᠠᠷ ᠰᠤᠷᠭ᠋ᠠᠵᠤ ᠪᠣᠯᠣᠨᠠ᠂ ᠬᠦᠴᠦᠪᠠᠷ ᠰᠤᠷᠭ᠋ᠠᠵᠤ ᠪᠣᠯᠣᠨᠠ᠃ ᠭᠡᠪᠡᠴᠦ ᠬᠡᠦᠬᠡᠳ ᠲᠣᠮᠣ ᠪᠣᠯᠣᠭ᠋ᠠᠳ ᠢᠷᠡᠪᠡᠯ ᠭᠡᠷᠤᠨ ᠠᠬᠠᠮᠠᠳᠠᠴᠠ ᠠᠶᠣᠬᠤ ᠰᠢᠷᠬᠢᠬᠦᠪᠠᠨ ᠪᠤᠯᠢᠵᠤ ᠶᠣᠰᠣ ᠬᠡᠯᠡᠯᠴᠡᠵᠦ ᠮᠡᠳᠬᠡᠯᠳᠤᠨᠡ᠃ ᠬᠡᠦᠬᠡᠳ ᠬᠦᠮᠦᠨᠤ ᠵᠡᠷᠭᠡᠳᠤ ᠬᠦᠷᠪᠡᠯ ᠭᠡᠷᠤᠨ ᠠᠬᠠᠮᠠᠳᠨᠢ ᠬᠡᠦᠬᠡᠳᠲᠠᠢᠪᠠᠨ ᠵᠥᠪᠬᠡᠨ ᠶᠣᠰᠣ ᠬᠡᠯᠡᠯᠴᠡᠬᠦᠠᠴᠠ ᠥᠭᠡᠷᠡ ᠰᠠᠶ᠋ᠢᠨ ᠠᠷᠭᠠ ᠵᠠᠮ ᠪᠠᠢ᠍ᠢ᠍ᠬᠤ ᠦᠭᠡᠢ ᠶᠤᠮ᠃ ᠬᠦᠮᠦᠨ ᠲᠡᠭᠷᠢ ᠭᠠᠵᠠᠷ᠂ ᠪᠤᠷᠬᠠᠨ ᠰᠠᠬᠢᠭᠤᠯᠰᠤᠨᠳᠤ ᠰᠦᠭᠦᠷᠡᠭᠦ ᠦᠭᠡᠢ ᠪᠠᠶ᠋ᠢᠵᠦ ᠪᠣᠯᠣᠨᠠ᠂ ᠭᠡᠪᠡᠴᠦ ᠶᠣᠰᠣᠨᠳᠤ ᠪᠥᠬᠦᠶ᠋ᠢᠬᠦ ᠬᠡᠷᠡᠭᠲᠠᠢ᠃ ᠬᠡᠦᠬᠡᠳᠢ ᠪᠠᠭᠠᠠᠴᠠᠨᠢ ᠶᠣᠰᠣ ᠣᠴᠢᠷᠢ ᠲᠠᠨᠢᠭᠤᠯᠵᠦ᠂ ᠨᠡᠶ᠋ᠢᠭᠡᠮᠤᠨ ᠨᠢᠭᠡ ᠬᠡᠰᠢᠭᠦᠨ ᠪᠤᠯᠤᠭᠰᠠᠨᠤ ᠬᠤᠪᠢᠳᠤ ᠵᠤᠬᠢᠬᠤ ᠠ᠋ᠮᠬᠢ ᠵᠢᠷᠤᠮᠢ ᠵᠢᠷᠤᠮᠯᠠᠬᠤ ᠭᠡᠷᠡᠭᠳᠠᠢ ᠭᠡᠳᠡᠭᠢ ᠮᠠᠳᠠᠭᠦᠯᠭᠦ ᠭᠡᠷᠡᠭᠳᠠᠢ᠃ ᠬᠡᠦᠬᠡᠳᠢ ᠬᠦᠮᠦᠵᠢᠭᠦᠯᠬᠦᠳᠤ ᠶᠠᠭᠤᠨᠤ ᠠ᠋ᠮᠦᠨᠡ ᠬᠦᠮᠦᠨ ᠪᠣᠯᠬᠤ ᠵᠢ ᠬᠦᠮᠦᠵᠢᠭᠦᠯᠣᠨᠡ᠃ ᠬᠡᠦᠭᠡᠳᠢ ᠬᠦᠮᠦᠵᠢᠭᠦᠯᠬᠦᠳᠤ ᠥᠬᠦᠮᠡᠯ ᠪᠠᠶ᠋ᠢᠬᠤ ᠵᠢ ᠴᠡᠭᠡᠷᠯᠡᠭᠦ ᠭᠡᠷᠡᠭᠳᠠᠢ᠃ ᠬᠦᠮᠦᠨᠢ ᠬᠦᠮᠦᠵᠢᠭᠦᠯᠬᠦ ᠥᠢ᠍ᠯᠡᠰ ᠶᠡᠷᠦᠨᠢ ᠲᠣᠭᠳᠠᠭᠰᠠᠨ ᠬᠡᠪ ᠵᠠᠭᠪᠣᠷ᠂ ᠬᠤᠪᠢᠷᠠᠰᠢ ᠦᠭᠡᠢ ᠵᠣᠷ ᠭᠡᠵᠦ ᠪᠠᠢ᠍ᠢ᠍ᠬᠤ ᠦᠭᠡᠢ᠃ ᠲᠠᠭ᠋ᠠᠭ᠋ᠠᠴᠠ ᠲᠡᠰᠪᠣᠷᠢ᠂ ᠬᠠᠳᠠᠭᠤ ᠵᠥᠭᠡᠯᠡᠨ᠂ ᠣᠶᠠᠨ ᠬᠠᠳᠠᠨ ᠵᠶ᠋ᠠᠷ ᠬᠦᠮᠦᠵᠢᠭᠦᠯᠬᠦ ᠵᠠᠷᠴᠢᠮᠢ ᠪᠠᠷᠢᠮᠳᠠᠯᠠᠵᠦ ᠬᠡᠦᠬᠡᠳᠤᠨ ᠪᠣᠳᠠᠲᠠᠢ ᠪᠠᠶ᠋ᠢᠳᠠᠯᠳᠤ ᠵᠣᠬᠢᠴᠠᠭᠰᠠᠨ᠂ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠴᠢᠭᠯᠡᠯᠳᠡ ᠵᠣᠷᠢᠯᠭᠠᠳᠤ ᠲᠣᠬᠢᠷᠠᠭᠰᠠᠨ ᠠᠷᠭᠠ ᠪᠠᠷᠢᠯᠢ ᠰᠥᠪᠡᠭᠴᠢᠯᠡᠨᠡ᠃ ᠬᠡᠳᠦ ᠴᠢᠩᠭ᠋ᠠᠯᠠᠭᠰᠠᠨ ᠬᠥᠪᠴᠢ ᠠᠮᠠᠷᠬᠠᠨ ᠲᠠᠰᠣᠷᠠᠨᠠ᠃ ᠠ᠋ᠢ᠍ᠢ᠍ᠮᠦᠠᠴᠠ ᠭᠡᠤᠭᠡᠳᠢ ᠭᠦᠮᠦᠵᠢᠭᠦᠯᠭᠦ ᠠ᠋ᠷᠴᠢᠮ ᠭᠦᠴᠦ ᠵᠢ ᠲᠤᠬᠢᠳᠠᠢ ᠪᠠᠢ᠍ᠢ᠍ᠯᠭ᠋ᠠᠬᠤ ᠭᠡᠷᠡᠭᠳᠠᠢ᠃ ᠲᠤᠬᠠᠢ᠍ᠢ᠍ᠯᠠᠪᠠᠯ᠂ ᠬᠡᠦᠬᠡᠳᠲᠤ ᠥᠪᠡᠷᠲᠤᠪᠠᠨ ᠲᠣᠬᠢᠷᠠᠭᠤᠯᠬᠤ ᠴᠢᠯᠦᠭᠡᠲᠠᠢ ᠤᠷᠴᠢᠨ ᠲᠤᠭᠤᠷᠢᠨ ᠪᠠ ᠴᠠᠭ ᠮᠥᠴᠡ ᠵᠢ ᠬᠠᠩᠭ᠋ᠠᠬᠤ ᠴᠢᠬᠤᠯᠠᠲᠠᠢ᠃ ᠬᠡᠦᠬᠡᠳᠢ ᠬᠦᠮᠦᠵᠢᠭᠦᠯᠬᠦᠳᠤ ᠠᠷᠭᠠ ᠣᠬᠠᠭ᠋ᠠᠨ ᠣᠷᠠ ᠲᠡᠮ ᠶᠡᠭᠡ ᠱᠠᠭ᠋ᠠᠷᠳᠠᠭᠳᠠᠨᠠ᠃ 《ᠠᠮᠢ ᠮᠢᠩᠭ᠋ᠠᠨ ᠯᠠᠩ ᠠᠷᠭᠠ ᠲᠥᠮᠡᠨ ᠯᠠᠩ》 ᠭᠡᠭᠦ ᠬᠠᠭᠤᠴᠢ ᠦᠭᠡ ᠪᠤᠯ ᠮᠠᠨᠤ ᠠᠷᠠᠳ ᠲᠦᠮᠡᠨᠤ ᠦᠢ᠍ᠯᠠᠳᠤᠯᠭᠡ ᠵᠢᠨ ᠳ᠋ᠦᠨᠭᠨᠡᠯᠳᠠ ᠪᠤᠯᠬᠤ ᠶᠤᠮ᠂ ᠠ᠋ᠭᠦᠨᠠᠴᠠ ᠭᠡᠤᠭᠡᠳᠢ ᠭᠦᠮᠦᠵᠢᠭᠦᠯᠭᠦᠳᠤ ᠠᠷᠭᠠ ᠤᠬᠠᠭ᠋ᠠᠨ ᠭᠡᠷᠡᠭᠳᠠᠢ ᠭᠡᠳᠡᠭᠢ ᠮᠠᠳᠠᠵᠤ ᠪᠤᠯᠤᠨᠠ᠃ ᠬᠤᠨᠠᠨᠤ ᠨᠢᠭᠡ ᠰᠣᠷᠭ᠋ᠠᠭᠤᠯᠢᠳᠤ × × ᠭᠡᠳᠡᠭ ᠨᠠᠷᠠᠲᠠᠢ ᠰᠤᠷᠤᠭᠴᠢ ᠴᠣᠬᠢᠭᠳᠠᠵᠦ ᠦᠬᠦᠭᠰᠡᠨ ᠣᠴᠢᠷᠢ ᠮᠠᠳᠡᠭᠡᠯᠡᠵᠦ ᠪᠢᠯᠡ᠃ ᠬᠡᠨ ᠴᠦ᠍ ᠬᠡᠦᠬᠡᠳ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠨᠠ᠃ ᠭᠡᠭᠦᠳᠤ ᠨᠡᠶ᠋ᠢᠭᠡᠮ ᠬᠡᠦᠬᠡᠳᠢ ᠴᠢᠨᠢ ᠥᠭᠡᠳᠡᠨᠢ ᠲᠠᠳᠠᠭ᠍ᠤ ᠴᠦ᠍ ᠮᠠᠭ᠋ᠠᠳ ᠦᠭᠡᠢ᠂ ᠤᠷᠣᠭᠤᠨᠢ ᠲᠥᠯᠬᠢᠴᠢᠭᠡᠭᠦ ᠴᠦ᠍ ᠮᠠᠭ᠋ᠠᠳ ᠦᠭᠡᠢ᠃ ᠢᠨᠭᠬᠢᠭᠦᠯᠡᠷ ᠬᠠᠰᠢ ᠯᠠ ᠬᠠᠶ᠋ᠢᠷᠠᠪᠠᠨ ᠲᠣᠳᠣᠷᠠᠪᠠᠨ ᠬᠠᠯᠠᠪᠠᠨ ᠭᠠᠳᠠᠨᠠᠪᠠᠨ ᠪᠠᠶ᠋ᠢᠯᠭ᠋ᠠᠵᠦ ᠪᠠᠶ᠋ᠢᠭ᠋ᠠᠳ ᠬᠠᠳᠠᠭᠤᠪᠠᠷ ᠲᠠᠪᠳᠠᠵᠦ ᠪᠣᠯᠪᠠᠰᠣᠷᠠᠭᠤᠯᠬᠤᠨᠢ ᠬᠡᠦᠬᠡᠳᠤᠨ ᠦᠰᠦᠨ ᠪᠤᠢ᠍ᠢ᠍ᠵᠢᠯᠳᠠᠳᠤ ᠠᠴᠢ ᠲᠣᠰᠠ ᠦᠯᠠᠮᠵᠢ ᠶᠤᠮ᠃ ᠴᠠᠭᠤᠨ ᠠᠨᠢᠷ ᠴᠢᠮᠡᠭᠡ ᠵᠢ ᠴᠢᠩᠨᠠᠵᠦ ᠨᠡᠶ᠋ᠢᠭᠡᠮᠤᠨ ᠬᠥᠭᠵᠢᠯᠳᠡ ᠵᠢ ᠪᠣᠷᠪᠢᠳᠠᠨ ᠲᠠᠭ᠋ᠠᠨᠠ ᠭᠡᠵᠦ ᠠᠮᠠᠷᠬᠠᠨ ᠪᠢᠰᠢ᠃ ᠨᠡᠶ᠋ᠢᠭᠡᠮ ᠬᠥᠭᠵᠢᠬᠦ ᠲᠣᠳᠣᠮ ᠬᠦᠮᠦᠨᠳᠤ ᠲᠠᠯᠪᠢᠬᠤ ᠱᠠᠭ᠋ᠠᠷᠳᠠᠯᠭᠠ ᠥᠨᠳᠦᠷ ᠪᠤᠯᠵᠦ᠂ ᠥᠷᠢᠰᠦᠯᠳᠦᠭᠡᠨ ᠴᠤ᠌ ᠰᠢᠷᠦᠭᠦᠨ ᠪᠣᠯᠣᠨᠠ᠃ ᠰᠢᠨᠠ ᠴᠠᠭ ᠦᠶᠠ ᠵᠢᠨ ᠪᠠᠶ᠋ᠢᠳᠠᠯᠳᠤ ᠵᠣᠬᠢᠴᠠᠭᠤᠯᠵᠦ ᠬᠡᠦᠬᠡᠳᠢ ᠬᠦᠮᠦᠵᠢᠭᠦᠯᠬᠦ ᠪᠣᠯ ᠭᠡᠷᠤᠨ ᠠᠬᠠᠮᠠᠳᠤᠨ ᠤᠶᠣᠨ ᠵᠶ᠋ᠠᠨ ᠰᠢᠪᠬᠠᠵᠦ ᠬᠦᠴᠦ ᠬᠥᠯᠥᠰᠦᠪᠠᠨ ᠭᠠᠷᠭ᠋ᠠᠵᠦ ᠬᠥᠳᠡᠯᠮᠥᠷᠢᠪᠠᠨ ᠵᠠᠷᠤᠴᠠᠭᠤᠯᠬᠤ ᠨᠠᠷᠢᠯᠢᠬ ᠠᠵᠢᠯ ᠪᠣᠯᠣᠨᠠ᠃ ᠬᠡᠦᠬᠡᠳᠤᠨ ᠲᠠᠪᠤ ᠵᠢ ᠴᠢᠯᠣᠭᠡᠯᠡᠬᠦ ᠵᠢᠨ ᠰᠠᠶ᠋ᠢᠨ ᠲᠠᠯᠠᠠᠴᠠ ᠭᠠᠷᠳᠠᠵᠤ ᠪᠤᠳᠠᠳᠠᠢ ᠵᠠᠳᠠᠯᠤᠶᠠ᠃
1. ᠭᠡᠯᠡ ᠵᠢᠨᠢ ᠴᠢᠯᠣᠭᠡᠯᠡᠬᠦ᠄ ᠬᠡᠦᠬᠡᠳᠢ ᠴᠢᠯᠦᠭᠡᠳᠠᠢ ᠶᠠᠷᠢᠭᠤᠯᠬᠤᠨᠢ ᠢᠯᠡᠳᠬᠡᠭᠦ ᠴᠢᠳᠠᠪᠣᠷᠢᠪᠠᠨ ᠲᠡᠭᠡᠭᠰᠢᠯᠡᠭᠦᠯᠬᠦ᠂ ᠰᠠᠨᠠᠭᠠ ᠵᠣᠷᠢᠯᠭᠠᠪᠠᠨ ᠲᠤᠳᠤ ᠢᠯᠡᠳᠬᠡᠬᠦ᠂ ᠪᠣᠰᠣᠳᠲᠠᠢ ᠬᠠᠷᠢᠯᠴᠠᠵᠦ ᠥᠢ᠍ᠯᠠᠭ᠋ᠠᠯᠴᠠᠭ᠍ᠤ ᠵᠡᠷᠭᠡ ᠲᠠᠯᠠᠪᠠᠷ ᠰᠠᠢ᠍ᠢ᠍ᠨ ᠪᠠᠢ᠍ᠢ᠍ᠳᠠᠬ᠃
2. ᠴᠢᠬᠢ ᠵᠢᠨᠢ ᠴᠢᠯᠤᠭᠡᠯᠡᠬᠦ᠄ ᠮᠡᠳᠡᠯᠭᠡᠨᠢ ᠰᠣᠨᠣᠰᠬᠤᠪᠠᠷ ᠲᠠᠮᠵᠢᠵᠦ ᠲᠠᠷᠢᠬᠢᠨᠳᠤ ᠬᠤᠷᠠᠮᠳᠣᠭᠳᠠᠨᠠ᠃ ᠬᠡᠳᠦᠢ ᠠᠷᠪᠢᠨ ᠶᠠᠭᠤᠮᠠ ᠰᠣᠨᠣᠰᠴᠦ ᠪᠠᠶ᠋ᠢᠪᠠᠯ ᠬᠦᠮᠦᠨᠤ ᠲᠠᠷᠢᠬᠢᠨᠳᠤ ᠬᠡᠳᠦᠢ ᠠᠷᠪᠢᠨ ᠶᠠᠭᠤᠮᠠ ᠤᠷᠤᠵᠤ ᠢᠷᠠᠨᠠ᠃ ᠣᠯᠠᠨ ᠶᠠᠭᠤᠮᠠ ᠰᠣᠨᠣᠰᠬᠤᠨᠢ ᠬᠡᠦᠬᠡᠳᠤᠨ ᠰᠣᠨᠢᠭᠤᠴᠢ ᠵᠠᠩ ᠠᠷᠠᠨᠰᠢᠨᠳᠤ ᠶᠠᠪ ᠴᠠᠪ ᠨᠡᠶ᠋ᠢᠴᠡᠨᠡ᠃ ᠬᠡᠦᠬᠡᠳ ᠨᠡᠶ᠋ᠢᠭᠡᠮ ᠪᠠ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠲᠡᠷᠡ ᠤᠯᠠᠨ ᠬᠡᠷᠡᠭ ᠤᠴᠢᠷᠢ ᠰᠣᠨᠣᠰᠴᠦ ᠪᠠᠶ᠋ᠢᠮᠠᠨᠵᠢᠨ ᠮᠡᠳᠡᠯᠭᠡᠨᠢ ᠪᠠᠭᠠ ᠪᠠᠭᠠᠪᠠᠷ ᠠᠯᠭᠤᠷ ᠠᠭ᠋ᠠᠵᠢᠮ ᠵᠶ᠋ᠠᠷ ᠬᠤᠷᠠᠮᠳᠣᠨ᠂ ᠨᠠᠢ᠍ᠢ᠍ᠭᠡᠮ ᠪᠠ ᠪᠠᠢ᠍ᠢ᠍ᠭ᠋ᠠᠯᠢ ᠵᠢᠨ ᠲᠤᠬᠠᠢ ᠰᠠᠷᠠᠯᠤᠨ ᠲᠠᠨᠢᠯᠳᠠᠨᠢ ᠪᠦᠷᠢᠯᠳᠤᠨᠠ᠃
3. ᠨᠢᠳᠦ ᠵᠢᠨᠢ ᠴᠢᠯᠣᠭᠡᠯᠡᠬᠦ᠄ ᠰᠤᠨᠤᠰᠬᠤᠠᠴᠠ ᠭᠠᠳᠠᠨᠠ ᠪᠠᠰᠠ ᠦᠵᠡᠭᠦ ᠭᠡᠷᠡᠭᠳᠠᠢ᠃ ᠦᠵᠠᠭᠦᠨᠢ ᠲᠤᠷᠰᠢᠯᠭᠠ ᠬᠤᠷᠠᠮᠳᠤᠭᠤᠯᠤᠨᠠ᠃ 《ᠠ᠋ᠷᠳᠡ ᠪᠣᠰᠪᠠᠯ ᠨᠢᠭᠡ ᠵᠢ ᠥᠵᠡᠵᠦ ᠣᠷᠣᠢ ᠣᠨᠳᠠᠪᠠᠯ ᠨᠢᠭᠡ ᠵᠢ ᠰᠣᠨᠣᠰᠣᠨᠠ》 ᠭᠡᠳᠡᠭ ᠪᠢᠰᠢᠤ᠃
4. ᠬᠥᠯᠢᠨᠢ ᠴᠢᠯᠣᠭᠡᠯᠡᠬᠦ᠄ ᠬᠡᠦᠬᠡᠳ ᠪᠡᠶᠡᠪᠠᠨ ᠲᠠᠭ᠋ᠠᠭ᠋ᠠᠵᠦ ᠬᠠᠷᠠᠭ᠋ᠠᠨ ᠰᠡᠷᠡᠯ᠂ ᠰᠤᠨᠤᠰᠬᠤ ᠰᠠᠷᠠᠯ ᠵᠶ᠋ᠠᠨ ᠲᠥᠰᠢᠵᠦ᠂ ᠪᠡᠶᠡᠪᠠᠷ ᠵᠶ᠋ᠠᠨ ᠪᠠᠶ᠋ᠢᠭ᠋ᠠᠯᠢ ᠪᠠ ᠨᠡᠶ᠋ᠢᠭᠡᠮᠲᠠᠢ ᠥᠢ᠍ᠷᠠᠳᠴᠤ ᠮᠠᠳᠠᠯᠭᠡ ᠲᠤᠷᠰᠢᠯᠭᠠᠪᠠᠨ ᠨᠡᠮᠡᠭᠳᠠᠭᠦᠯᠭᠦ ᠭᠡᠷᠡᠭᠳᠠᠢ᠃ ᠬᠠᠷᠢᠨ ᠲᠠᠳᠠᠨᠢ ᠰᠢᠩᠭᠡᠯᠢᠭᠲᠤ ᠬᠤᠷᠢᠭᠰᠠᠨ ᠰᠢᠪᠠᠭᠤ ᠰᠢᠬ ᠠ᠋ᠷᠬᠡ ᠴᠢᠯᠣᠭᠡ ᠵᠢᠨᠢ ᠬᠠᠰᠤᠵᠤ ᠪᠣᠯᠬᠤ ᠦᠭᠡᠢ᠃ ᠨᠡᠩ ᠴᠦ᠍ ᠬᠥᠯᠡᠮᠵᠢᠨᠳᠤ ᠪᠣᠶ᠋ᠢᠵᠢᠭᠤᠯᠵᠦ ᠪᠣᠯᠬᠤ ᠦᠭᠡᠢ᠃
5. ᠭᠠᠷᠢᠨᠢ ᠴᠢᠯᠥᠭᠡᠯᠡᠬᠦ᠄ ᠭᠠᠷ ᠬᠥᠳᠡᠯᠬᠦᠨᠢ ᠤᠶᠣᠨᠤ ᠲᠠᠨᠢᠯᠳᠠ ᠵᠢ ᠪᠠᠳᠣᠳᠬᠠᠨᠠ᠃ ᠥᠢ᠍ᠯᠡᠳᠦᠯᠭᠡ ᠪᠣᠯ ᠬᠠᠮᠤᠭᠤᠨ ᠰᠠᠶ᠋ᠢᠨ ᠬᠢᠴᠢᠶᠡᠯ᠃ ᠲᠡᠷᠡᠨᠢ ᠬᠠᠷᠠᠭ᠋ᠠᠨ ᠰᠡᠷᠡᠯ᠂ ᠭᠠᠷᠤᠨ ᠮᠡᠳᠡᠷᠡᠮᠵᠢ ᠵᠢ ᠭᠦᠭᠵᠢᠭᠦᠯᠭᠦ ᠪᠣᠳᠠᠲᠠᠢ ᠬᠢᠴᠢᠶᠡᠯ ᠪᠣᠯᠣᠨᠠ᠃
ᠲᠠᠭᠡᠷᠠ ᠬᠡᠦᠬᠡᠳᠤᠨ ᠲᠠᠪᠤᠨ ᠠ᠋ᠷᠬᠡᠳᠡᠨᠳᠤ ᠪᠦᠷᠢᠨ ᠠ᠋ᠷᠬᠡ ᠴᠢᠯᠣᠭᠡ ᠣᠯᠭᠤᠬᠤ ᠵᠢᠨ ᠴᠢᠬᠤᠯᠠ ᠴᠢᠨᠠᠷᠢ ᠦᠭᠦᠯᠡᠭᠰᠡᠨ ᠪᠠᠢ᠍ᠢ᠍ᠨᠠ᠃ ᠬᠡᠦᠬᠡᠳᠢ ᠭᠦᠮᠦᠵᠢᠭᠦᠯᠭᠦᠳᠤ ᠴᠣᠷᠤᠨ ᠭᠠᠭᠴᠠ ᠰᠣᠷᠣᠯᠭᠠᠪᠠᠷ ᠪᠢᠰᠢ᠂ ᠬᠠᠷᠢᠨ ᠪᠥᠬᠦ ᠲᠠᠯᠠᠪᠠᠷ ᠲᠠᠪᠳᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠬᠤᠯᠠᠲᠠᠢ᠃ ᠠᠮᠧᠷᠢᠺᠠᠳᠤ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠳᠤ ᠰᠣᠷᠣᠭᠴᠢ ᠠ᠋ᠯᠰᠠᠭᠦᠳᠤ ᠵᠢᠵᠢᠭ ᠪᠠᠷᠠᠭᠠ ᠬᠤᠳᠠᠯᠳᠣᠭᠤᠯᠳᠠᠬ ᠭᠡᠨᠠ᠃ ᠭᠡᠤᠭᠡᠳᠤᠳ ᠣᠯᠠᠨ ᠬᠦᠮᠦᠨᠲᠠᠢ ᠬᠠᠷᠢᠴᠠᠨᠠ᠂ ᠰᠠᠨᠠᠭᠠ ᠵᠣᠷᠢᠯᠭᠠᠪᠠᠨ ᠵᠦᠪ ᠢᠯᠡᠳᠬᠡᠨᠡ᠂ ᠪᠠᠷᠠᠭᠠ ᠪᠣᠷᠣᠯᠠᠭᠤᠯᠬᠤ ᠶᠠᠪᠣᠴᠠ ᠵᠢ ᠪᠡᠶᠡᠳᠡᠨ ᠥᠩᠭᠡᠷᠡᠭᠦᠯᠦᠨᠡ᠃ ᠠ᠋ᠨᠡ ᠪᠤᠯ ᠨᠠᠢ᠍ᠢ᠍ᠭᠡᠮᠴᠢᠯᠡᠭᠦ ᠵᠢᠨ ᠠᠨᠭ᠌ᠬᠠᠨᠤ ᠠᠯᠬᠤᠮᠢ ᠶᠠᠪᠤᠵᠤ ᠪᠠᠢ᠍ᠢ᠍ᠭᠠ ᠤᠴᠢᠷᠲᠠᠢ ᠶᠤᠮ᠃
ᠭᠡᠷᠤᠨ ᠠᠬᠠᠮᠠᠳᠤᠨ ᠠᠩᠬᠠᠷᠬᠤ ᠵᠥᠢ᠍ᠯ ᠲᠤᠩ ᠣᠯᠠᠨ ᠪᠠᠶ᠋ᠢᠨᠠ᠃ ᠠᠮᠢᠳᠣᠷᠠᠯ ᠠᠵᠢᠯ ᠥᠢ᠍ᠯᠡᠰᠲᠤᠪᠠᠨ ᠢᠳᠡᠪᠬᠢᠲᠠᠢ᠂ ᠢᠳᠡᠭᠡᠯᠲᠠᠢ ᠪᠠᠶ᠋ᠢᠬᠤ ᠭᠡᠷ ᠪᠥᠯᠢ ᠵᠢᠨ ᠠᠭᠤᠷ ᠠᠮᠢᠰᠬᠤᠯᠨᠢ ᠬᠡᠦᠬᠡᠳᠤᠨ ᠪᠡᠶᠡᠳᠤᠪᠠᠨ ᠢᠳᠡᠬᠡᠯᠲᠠᠢ ᠪᠣᠯᠵᠦ ᠬᠦᠮᠦᠵᠢᠬᠦᠳᠤ ᠰᠠᠭᠤᠷᠢ ᠪᠣᠯᠣᠨᠠ᠃ ᠬᠡᠦᠬᠡᠳᠲᠤ ᠤᠶᠣᠨ ᠰᠠᠨᠠᠭ᠋ᠠᠨᠤ ᠰᠢᠮᠡ ᠲᠡᠵᠢᠭᠡᠯ ᠬᠡᠵᠢᠶᠡ ᠴᠦ᠍ ᠲᠣᠳᠠᠵᠦ ᠪᠣᠯᠬᠤ ᠦᠭᠡᠢ᠃ ᠠᠶ᠋ᠢᠯ ᠭᠡᠷᠲᠤ ᠪᠣᠯᠣᠭᠰᠠᠨ ᠠᠯᠢᠪᠠ ᠪᠠᠶᠠᠷ ᠬᠥᠷ᠂ ᠵᠣᠪᠠᠭᠤᠷᠢ ᠵᠥᠳᠡᠭᠦᠷᠢ ᠵᠢ ᠬᠡᠦᠬᠡᠳᠲᠠᠢ ᠬᠤᠪᠢᠶᠠᠯᠴᠠᠨᠠ᠃ ᠠ᠋ᠨᠡᠨᠢ ᠬᠡᠦᠬᠡᠳᠤᠨ ᠬᠦᠴᠢᠷ ᠪᠡᠷᠬᠡ᠂ ᠵᠣᠪᠠᠭᠤᠷᠢ ᠵᠥᠳᠡᠭᠦᠷᠢ ᠵᠢ ᠲᠠᠰᠪᠤᠷᠢᠯᠠᠵᠤ ᠲᠠᠪᠠᠬᠤ ᠴᠢᠳᠠᠪᠣᠷᠢ ᠪᠠ ᠤᠶᠣᠨ ᠰᠠᠨᠠᠭ᠋ᠠᠨᠤ ᠲᠠᠭ᠋ᠠᠭ᠋ᠠᠴᠠ ᠲᠡᠰᠪᠦᠷᠢ ᠵᠢ ᠬᠦᠮᠦᠵᠢᠭᠦᠯᠬᠦ ᠶᠤᠮ᠃ ᠮᠥᠨ ᠴᠦ᠍ ᠨᠣᠭᠤᠷᠡᠯ ᠪᠦᠳᠦᠷᠢᠯ ᠬᠢᠭᠡᠳ ᠢᠯᠠᠭᠳᠠᠯᠤᠨ ᠴᠣᠬᠢᠯᠳᠠ ᠵᠢ ᠲᠠᠭ᠋ᠠᠭ᠋ᠠᠵᠦ ᠭᠠᠷᠬᠤ ᠵᠠᠩ ᠠᠷᠠᠠᠰᠢᠨᠤ ᠰᠠᠭᠤᠷᠢ ᠪᠤᠯᠤᠨᠠ᠃ ᠰᠢᠳᠠᠷᠠᠳᠤ 《ᠪᠤᠳᠠ ᠠᠯᠳᠠᠭ᠍ᠤ ᠭᠠᠶ᠋ᠢᠭᠤᠢ ᠪᠣᠳᠤᠯᠭᠠ ᠠᠯᠳᠠᠭ᠍ᠤ ᠬᠡᠴᠡᠭᠦᠦ》 ᠭᠡᠳᠡᠭ ᠶᠤᠮ᠃ ᠭᠡᠷᠤᠨ ᠠᠬᠠᠮᠠᠳ ᠴᠠᠭ ᠥᠷᠭᠦᠯᠵᠢ ᠥᠪᠡᠷᠤᠨ ᠮᠡᠳᠡᠯᠭᠡ ᠪᠣᠯᠪᠠᠰᠣᠷᠡᠯ ᠵᠶ᠋ᠠᠨ ᠲᠡᠭᠡᠭᠰᠢᠯᠡᠭᠦᠯᠵᠤ᠂ ᠪᠤᠳᠤᠯᠭᠠ ᠠᠯᠳᠠᠵᠤ ᠪᠤᠯᠬᠤ ᠦᠭᠡᠢ᠃ ᠲᠠᠬᠢᠪᠠᠯ ᠬᠡᠦᠬᠡᠳᠤᠨ ᠲᠣᠷᠠ ᠪᠠᠬᠠ ᠵᠢ ᠬᠦᠨᠳᠦᠳᠬᠡᠵᠦ᠂ ᠢᠯᠡᠷᠡᠭᠦᠯᠵᠦ᠂ ᠨᠤᠳᠠᠯᠠᠵᠦ ᠵᠣᠷᠢᠬ᠍ᠵᠢᠭᠤᠯᠣᠨᠠ᠃ ᠰᠣᠳᠣᠯᠣᠭᠴᠢᠠᠴᠠ ᠬᠦᠮᠦᠨᠤ ᠲᠣᠷᠠ ᠪᠠᠬᠠ ᠵᠢ ᠲᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠬᠢᠷᠢ ᠲᠥᠪᠰᠢᠨᠠᠴᠠ ᠥᠨᠳᠦᠷ ᠥᠨᠡᠯᠡᠵᠦ ᠪᠠᠶ᠋ᠢᠨᠠ᠃ ᠥᠪᠡᠷᠤᠨ ᠲᠣᠷᠠ ᠪᠠᠬᠠᠲᠠᠢ ᠵᠥᠢ᠍ᠯᠳᠤᠪᠠᠨ ᠰᠢᠬᠢᠳᠴᠦ ᠥᠢ᠍ᠯᠡᠰ ᠪᠥᠳᠦᠭᠡᠵᠦ ᠤᠯᠤᠰ ᠲᠥᠮᠡᠨᠤᠪᠠᠨ ᠲᠤᠮᠳᠠ ᠨᠡᠷᠡ ᠮᠠᠨᠳᠦᠵᠦ᠂ ᠬᠥᠨᠳᠦᠳᠬᠡᠯ ᠪᠠᠭ᠍ᠠᠷᠣᠯᠢ ᠤᠯᠤᠭᠰᠠᠨ ᠬᠦᠮᠦᠨ ᠲᠣᠳᠦᠭ᠋ᠠᠳᠦ ᠭᠠᠳᠠᠭ᠋ᠠᠳᠦᠳᠤ ᠤᠯᠠᠨ ᠭᠠᠷᠣᠭᠰᠠᠨᠢ ᠪᠦᠭᠦᠳᠡᠭᠡᠷ ᠰᠠᠢ᠍ᠢ᠍ᠨ ᠮᠠᠳᠠᠨᠠ᠃ ᠤᠳᠤ ᠬᠡᠦᠬᠡᠳᠲᠤ ᠤᠯᠠᠨ ᠵᠥᠢ᠍ᠯᠢ ᠰᠣᠷᠭ᠋ᠠᠨᠠ ᠭᠡᠵᠦ ᠵᠣᠪᠠᠭ᠋ᠠᠵᠦ ᠪᠠᠶ᠋ᠢᠨᠠ᠃ ᠵᠠᠷᠢᠮ ᠲᠣᠰᠬᠠᠢ ᠮᠡᠷᠭᠡᠵᠢᠯᠨᠢ ᠲᠣᠷᠠ ᠪᠠᠬᠠ ᠬᠢᠭᠡᠳ ᠠᠪᠢᠶᠠᠰ ᠪᠢᠯᠢᠭ ᠵᠶ᠋ᠠᠷ ᠨᠥᠬᠦᠴᠡᠯ ᠪᠣᠯᠭ᠋ᠠᠨᠠ᠃ ᠭᠡᠤᠭᠡᠳᠲᠤ ᠶᠠᠭᠤ ᠰᠣᠷᠭ᠋ᠠᠨᠠ ᠭᠡᠪᠡᠯ ᠲᠠᠳᠠ ᠴᠢᠨᠢ ᠰᠣᠷᠣᠭ᠋ᠠᠳ ᠦᠭᠴᠢᠭᠡᠭᠦ ᠪᠢᠰᠢ ᠰᠢᠤ᠃ ᠪᠠᠰᠠ ᠭᠡᠷᠤᠨ ᠠᠬᠠᠮᠠᠳᠴᠤᠳ ᠪᠥᠬᠦ ᠤᠴᠢᠷᠢ ᠪᠠᠭᠰᠢ ᠪᠠ ᠰᠣᠷᠭ᠋ᠠᠭᠤᠯᠢᠳᠤ ᠨᠠᠶ᠋ᠢᠳᠠᠵᠦ᠂ ᠬᠡᠦᠬᠡᠳᠤᠨ ᠪᠡᠶᠡ ᠰᠡᠳᠬᠢᠴᠡ ᠵᠢᠨ ᠠ᠋ᠷᠡᠭᠦᠯ ᠴᠢᠬᠢᠷᠠᠭᠢ ᠠᠩᠬᠠᠷᠬᠤ ᠦᠭᠡᠢ᠂ ᠬᠠᠯᠠᠮᠵᠢᠯᠠᠭ᠍ᠣ ᠦᠭᠡᠢᠪᠠᠷ ᠬᠡᠦᠬᠡᠳᠤᠨ ᠴᠣᠬᠤᠮ ᠴᠢᠬᠤᠯᠠᠲᠠᠢ ᠴᠠᠭᠲᠤᠨᠢ ᠵᠣᠬᠢᠰᠳᠠᠢ ᠵᠢᠯᠣᠭᠤᠳᠣᠯᠭᠠ ᠬᠢᠬᠦ ᠦᠭᠡᠢ᠂ ᠬᠡᠦᠬᠡᠳᠤᠨ ᠰᠠᠨᠠᠯ ᠪᠣᠳᠣᠯᠢ ᠥᠢ᠍ᠯᠠᠭ᠋ᠠᠬᠤ ᠦᠭᠡᠢ᠂ ᠰᠠᠶ᠋ᠢᠳᠤᠷ ᠨᠡᠪᠳᠡᠷᠡᠯᠴᠡᠬᠦ ᠦᠭᠡᠢ᠂ ᠬᠡᠦᠬᠡᠳᠤᠨ ᠲᠠᠯᠠᠠᠴᠠ ᠠᠰᠠᠭᠤᠳᠠᠯᠢ ᠪᠣᠳᠣᠯᠬᠢᠯᠠᠭ᠍ᠣ ᠦᠭᠡᠢᠪᠠᠷ ᠰᠢᠢ᠍ᠳᠪᠦᠷᠢ ᠭᠠᠷᠭ᠋ᠠᠳᠠᠭ ᠪᠠᠶ᠋ᠢᠳᠠᠯ ᠪᠠᠶ᠋ᠢᠩᠭᠤ ᠣᠷᠣᠰᠢᠵᠦ ᠮᠠᠭᠤ ᠥᠷᠡ ᠳ᠋ᠦᠩ ᠠᠪᠴᠢᠷᠠᠭ᠍ᠣ ᠪᠣᠶᠣ ᠭᠡᠤᠭᠡᠳᠲᠤ ᠨᠠᠰᠣᠨᠤ ᠬᠠᠷᠠᠮᠰᠠᠯ ᠥᠯᠡᠳᠡᠭᠡᠳᠡᠭ ᠤᠴᠢᠷ ᠣᠯᠠᠨ ᠭᠠᠷᠴᠦ ᠪᠠᠶ᠋ᠢᠨᠠ᠃
ᠬᠡᠦᠬᠡᠳᠤᠨ ᠬᠦᠮᠦᠵᠢᠯᠨᠢ ᠬᠦᠮᠦᠨ ᠪᠣᠯᠬᠤ ᠵᠢᠨ ᠤᠭ ᠶᠣᠰᠣ ᠵᠢ ᠡᠵᠡᠮᠰᠢᠭᠦᠯᠬᠦᠠᠴᠠ ᠠ᠋ᠬᠢᠯᠡᠵᠦ ᠨᠡᠶ᠋ᠢᠭᠡᠮ ᠲᠡᠭᠡᠷᠡ ᠭᠠᠷᠬᠤ᠂ ᠢᠷᠡᠭᠡᠳᠦᠢᠳᠤ ᠬᠠᠨᠳᠣᠬᠤ ᠬᠥᠭᠵᠢᠯᠳᠡᠳᠤ ᠵᠣᠬᠢᠴᠠᠭ᠍ᠤ ᠭᠡᠭᠦ ᠮᠠᠳᠤᠴᠢᠯᠠᠨ ᠤᠯᠠᠨ ᠲᠠᠯᠠᠳᠤ ᠰᠠᠭᠤᠷᠢ ᠲᠠᠯᠪᠢᠵᠤ ᠪᠠᠢ᠍ᠢ᠍ᠭᠠ ᠶᠠᠪᠤᠳᠠᠯ ᠮᠦᠨ᠃ ᠬᠡᠦᠬᠡᠳᠤᠨ ᠬᠥᠭᠵᠢᠯᠳᠡ ᠵᠢᠨ ᠵᠠᠩᠭᠢᠯᠠᠭᠠᠨᠢ ᠪᠦᠬᠦ ᠲᠠᠯᠠᠪᠠᠷ ᠬᠦᠮᠦᠵᠢᠭᠳᠡᠵᠤ ᠴᠢᠳᠠᠭᠰᠠᠨ ᠠ᠋ᠰᠡᠬᠦᠳᠤ ᠪᠤᠢ᠃ ᠬᠦᠯ ᠠᠯᠳᠠᠭᠰᠠᠨ ᠬᠡᠦᠬᠡᠳᠤᠨ ᠣᠯᠠᠩᠬᠢᠨᠢ ᠤᠶᠣᠨ ᠰᠠᠨᠠᠭ᠋ᠠᠨ ᠲᠡᠭᠡᠷᠡᠪᠠᠨ ᠰᠢᠷᠬᠠ ᠰᠣᠷᠪᠢᠲᠠᠢ ᠪᠠᠶ᠋ᠢᠵᠦ᠂ ᠪᠣᠳᠣᠯᠤᠨ ᠭᠦᠨᠳᠤᠪᠠᠨ ᠮᠠᠨᠠᠨᠲᠠᠢ ᠪᠠᠶ᠋ᠢᠳᠠᠭ᠃ ᠬᠡᠷᠡᠭ ᠲᠠᠳᠠᠭᠰᠠᠨ ᠬᠡᠦᠬᠡᠳᠤᠨ ᠣᠯᠠᠩᠬᠢᠨᠢ 《ᠭᠠᠭᠴᠠ ᠪᠡᠶᠡ ᠭᠡᠷ ᠪᠥᠯᠢ》ᠳᠤ ᠥᠰᠣᠨ ᠪᠣᠶ᠋ᠢᠵᠢᠵᠦ ᠬᠠᠶ᠋ᠢᠷᠠ ᠪᠠ ᠬᠠᠯᠠ ᠬᠤᠶᠠᠷᠨᠢ ᠲᠡᠩᠴᠡᠭᠦᠷᠢᠪᠠᠨ ᠠᠯᠳᠠᠭᠰᠠᠨ ᠪᠠᠶ᠋ᠢᠳᠠᠭ᠃ ᠴᠣᠬᠤᠮ ᠶᠣᠰᠣᠨ ᠲᠡᠭᠡᠷᠡᠪᠠᠨ ᠬᠡᠦᠬᠡᠳᠲᠤ ᠬᠠᠶ᠋ᠢᠷᠠ ᠪᠠ ᠬᠠᠯᠠ ᠬᠤᠶᠠᠷᠤᠨ ᠠᠯᠢᠨᠢ ᠴᠤ᠌ ᠲᠣᠳᠠᠵᠦ ᠪᠣᠯᠬᠤ ᠦᠭᠡᠢ᠃ ᠡᠴᠢᠭᠡ ᠠ᠋ᠬᠡ ᠬᠤᠶᠠᠷᠤᠨ ᠠᠯᠢᠨᠢ ᠴᠦ᠍ ᠲᠣᠳᠠᠵᠦ ᠪᠣᠯᠬᠤ ᠦᠭᠡᠢ᠃ ᠪᠦᠷᠢᠨ ᠪᠦᠳᠤᠨ ᠭᠡᠷ ᠪᠦᠯᠢ ᠵᠢᠨ ᠬᠦᠮᠦᠵᠢᠯ ᠬᠦᠷᠳᠡᠬᠦ ᠪᠠ ᠭᠠᠭᠴᠠ ᠪᠡᠶᠡ ᠭᠡᠷ ᠪᠦᠯᠢ ᠵᠢᠨ ᠬᠦᠮᠦᠵᠢᠯᠢ ᠬᠦᠷᠳᠡᠬᠦᠨᠢ 50%ᠪᠠᠷ ᠵᠥᠷᠢᠨᠡ᠃ ᠭᠡᠷ ᠪᠥᠯᠢ ᠵᠢᠨ ᠣᠷᠴᠢᠨ ᠲᠤᠭᠤᠷᠢᠨ᠂ ᠠᠭᠤᠷ ᠠᠮᠢᠰᠬᠤᠯ ᠵᠡᠷᠭᠡ ᠠᠯᠢ ᠪᠣᠯᠭ᠋ᠠᠨᠨᠢ ᠬᠡᠦᠬᠡᠳᠤᠨ ᠪᠣᠳᠣᠯ ᠤᠬᠠᠭ᠋ᠠᠨᠳᠤ ᠪᠠᠶ᠋ᠢᠩᠭᠤ ᠨᠡᠪᠴᠢᠨᠡ᠃ ᠠ᠋ᠶ᠋ᠢᠮᠦ ᠤᠴᠢᠷᠠᠴᠠ ᠥᠰᠬᠦ ᠬᠡᠦᠬᠡᠳᠤᠨ ᠤᠭᠤᠷᠠᠭ ᠲᠠᠷᠢᠬᠢᠨᠳᠤ ᠰᠡᠪ ᠣᠷᠣᠭᠤᠯᠬᠤ ᠵᠢ ᠲᠠᠰᠤ ᠴᠡᠭᠡᠷᠯᠡᠬᠦ ᠬᠡᠷᠡᠭᠲᠠᠢ ᠶᠤᠮ᠃ ᠬᠡᠦᠬᠡᠳᠤᠨ ᠰᠡᠳᠬᠢᠯᠤᠨ ᠲᠠᠭᠤᠨᠢ ᠬᠡᠵᠢᠶᠡ ᠥᠷᠭᠦᠯᠵᠢ ᠰᠣᠨᠣᠰᠴᠦ᠂ ᠰᠡᠳᠬᠢᠯᠤᠨ ᠬᠦᠳᠡᠯᠭᠡᠭᠡᠨᠢᠨᠢ ᠪᠠᠶ᠋ᠢᠩᠭᠤ ᠣᠶ᠋ᠢᠯᠠᠭ᠋ᠠᠵᠦ᠂ ᠬᠡᠦᠬᠡᠳᠤᠨ ᠪᠠᠶ᠋ᠢᠳᠠᠯᠳᠤ ᠵᠤᠬᠢᠴᠠᠭᠰᠠᠨ ᠤᠷᠠ ᠲᠡᠮᠢ ᠰᠡᠳᠦᠵᠦ᠂ ᠰᠣᠷᠭ᠋ᠠᠨ ᠭᠦᠮᠦᠵᠢᠭᠦᠯᠬᠦ ᠠᠷᠭᠠ ᠪᠠᠷᠢᠯᠢ ᠠᠮᠢᠳᠣᠯᠢᠭ ᠪᠠᠶ᠋ᠢᠯᠭ᠋ᠠᠬᠤ ᠴᠢᠬᠤᠯᠠᠲᠠᠢ᠃ ᠠ᠋ᠶ᠋ᠢᠮᠦᠠᠴᠠ ᠭᠡᠷ ᠪᠥᠯᠢ ᠵᠢᠨ ᠪᠥᠳᠦᠴᠡ ᠵᠢ ᠪᠠᠬᠢᠵᠢᠭᠦᠯᠵᠦ ᠭᠡᠷ ᠪᠥᠯᠢ ᠵᠢᠨ ᠬᠠᠷᠢᠴᠠᠭᠠ ᠵᠢ ᠰᠠᠶ᠋ᠢᠵᠢᠷᠠᠭᠤᠯᠵᠦ᠂ ᠭᠡᠷ ᠪᠥᠯᠢ ᠵᠢᠨ ᠲᠤᠳᠦᠭ᠋ᠠᠳᠦ ᠵᠢᠨ ᠬᠠᠮᠢᠶᠠᠷᠣᠯᠳᠠ ᠵᠢ ᠴᠢᠩᠭ᠋ᠠᠳᠬᠠᠬᠤᠨᠢ ᠭᠠᠵᠠᠷ ᠲᠡᠭᠡᠷᠡ ᠭᠠᠭᠴᠠ ᠬᠤᠶᠠᠷ ᠬᠡᠦᠬᠡᠳ ᠵᠶ᠋ᠠᠨ ᠬᠦᠮᠦᠨᠤ ᠰᠥᠷᠦᠭᠲᠤ ᠬᠦᠮᠦᠨᠲᠠᠢ ᠠᠳᠠᠯᠢ ᠶᠠᠪᠣᠭᠤᠯᠬᠤ ᠵᠢᠨ ᠵᠠᠶ᠋ᠢᠯᠠᠰᠢ ᠦᠭᠡᠢ ᠤᠷᠢᠳᠠᠯ ᠨᠥᠬᠦᠴᠡᠯ᠂ ᠵᠠᠪᠠᠯ ᠭᠦᠢ᠍ᠴᠡᠳᠭᠡᠭᠦ ᠠ᠋ᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠣᠯᠣᠨᠠ᠃ ᠭᠡᠷᠲᠤᠪᠠᠨ ᠬᠠᠷᠢᠬᠤ ᠲᠣᠷᠠ ᠦᠭᠡᠢ᠂ ᠭᠡᠷᠠᠴᠠᠪᠠᠨ ᠤᠷᠭᠤᠨ ᠲᠣᠳᠠᠭ᠋ᠠᠬᠤ᠂ ᠡᠴᠢᠭᠡ ᠠ᠋ᠬᠡᠳᠤᠪᠠᠨ ᠬᠤᠷᠣᠰᠣᠯ ᠡᠪᠦᠷᠯᠡᠬᠦ᠂ ᠣᠨᠴᠠ ᠵᠠᠷᠢᠮᠨᠢ ᠡᠴᠢᠭᠡ ᠠ᠋ᠬᠡᠪᠠᠨ ᠠᠯᠠᠵᠦ ᠪᠤᠯᠠᠨᠠ ᠭᠡᠬᠦ ᠤᠴᠢᠷ ᠶᠠᠪᠣᠳᠠᠯᠤᠳ ᠮᠠᠨᠤ ᠲᠤᠭᠤᠷᠢᠨᠳᠤ ᠮᠤᠩ ᠦᠭᠡᠢ ᠭᠠᠷᠴᠤ ᠪᠠᠢ᠍ᠢ᠍ᠨᠠ᠃ ᠬᠡᠦᠬᠡᠳ ᠪᠣᠯ ᠡᠴᠢᠭᠡ ᠠ᠋ᠬᠡᠳᠤᠪᠠᠨ ᠬᠠᠶ᠋ᠢᠷᠠᠯᠠᠭᠳᠠᠵᠦ᠂ ᠬᠠᠯᠠᠮᠵᠢᠯᠠᠭᠳᠠᠵᠦ᠂ ᠥᠢ᠍ᠯᠠᠭ᠋ᠠᠭᠳᠠᠭᠰᠠᠨ ᠪᠠᠶ᠋ᠢᠬᠤ ᠬᠡᠷᠡᠭᠲᠠᠢ᠃ ᠢᠩᠭᠢᠪᠡᠯ ᠰᠠᠶᠢ ᠬᠡᠦᠬᠡᠳᠤᠨ ᠥᠰᠣᠨ ᠪᠣᠶ᠋ᠢᠵᠢᠬᠤᠨᠢ ᠠ᠋ᠷᠡᠭᠦᠯ ᠰᠠᠷᠠᠭᠤᠯ ᠪᠠᠶ᠋ᠢᠵᠦ ᠴᠢᠳᠠᠨᠠ᠃ ᠬᠠᠶ᠋ᠢᠷᠠ ᠪᠣᠯ ᠬᠠᠮᠤᠭᠤᠨ ᠠᠷᠢᠭᠤᠨ ᠲᠠᠷᠬᠠᠨ ᠬᠦᠮᠦᠵᠢᠯ ᠶᠤᠮ᠃ ᠯᠦ᠍ ᠰᠢᠶᠦ᠋ᠨ᠄ 《ᠪᠠᠭᠠᠳᠤᠨᠢ ᠬᠦᠮᠦᠨ ᠵᠶ᠋ᠠᠷ ᠥᠵᠡᠬᠦ ᠦᠭᠡᠢ ᠪᠣᠯ ᠲᠣᠮᠤ ᠪᠣᠯᠣᠭ᠋ᠠᠳ ᠬᠦᠮᠦᠨ ᠪᠣᠯᠵᠦ ᠴᠢᠳᠠᠭ᠍ᠤ ᠦᠭᠡᠢ》 ᠭᠡᠵᠦ ᠬᠡᠯᠡᠵᠦ ᠥᠩᠭᠡᠷᠡᠭᠰᠡᠨ ᠪᠢᠯᠡ᠃ ᠣᠯᠠᠨ ᠭᠡᠷᠤᠨ ᠠᠬᠠᠮᠠᠳ ᠬᠡᠦᠬᠡᠳᠲᠤᠪᠠᠨ ᠶᠠᠭᠤᠮᠠ ᠰᠣᠷᠭ᠋ᠠᠨᠠ ᠭᠡᠵᠦ ᠤᠬᠠᠭ᠋ᠠᠨ ᠦᠭᠡᠢ ᠶᠠᠭ᠋ᠠᠷᠠᠨᠠ᠃ ᠬᠡᠦᠬᠡᠳ ᠵᠶ᠋ᠠᠨ ᠪᠣᠰᠣᠳᠠᠴᠠ ᠬᠤᠴᠣᠷᠣᠯᠠ ᠭᠡᠵᠦ ᠰᠠᠨᠳᠤᠷᠴᠤ ᠪᠠᠴᠢᠮᠳᠠᠨᠠ᠃ ᠲᠡᠭᠡᠭᠡᠳ ᠬᠡᠦᠬᠡᠳᠤᠨ ᠵᠶ᠋ᠠᠨ ᠠᠶᠠᠨᠳᠠᠭ᠋ᠠᠨᠤ ᠠᠮᠠᠷᠠᠬᠤ᠂ ᠲᠤᠭᠯᠠᠬᠤ ᠴᠠᠭᠢ ᠠᠯᠪᠠᠳᠠᠯᠭᠠ ᠵᠢᠨ ᠬᠢᠴᠢᠶᠡᠯ ᠨᠦᠭᠦᠭᠦ ᠳᠡᠭᠡᠷᠠ ᠵᠠᠷᠤᠴᠠᠭᠤᠯᠵᠤ᠂ ᠨᠡᠶ᠋ᠢᠭᠡᠮᠢ ᠠᠩᠬᠠᠷᠣᠭᠤᠯᠬᠤ ᠦᠭᠡᠢ᠂ ᠪᠠᠶ᠋ᠢᠭ᠋ᠠᠯᠢ ᠵᠢ ᠰᠣᠨᠢᠷᠬᠠᠭᠤᠯᠬᠤ ᠦᠭᠡᠢ᠂ ᠲᠠᠷᠠ ᠮᠦᠷᠳᠡᠭᠡᠨ ᠰᠣᠷᠬᠤ ᠶᠠᠭᠤᠮᠠᠨᠢ ᠠᠷᠪᠢᠨ᠂ ᠰᠣᠷᠴᠦ ᠵᠠᠪᠳᠣᠬᠤ ᠦᠭᠡᠢ᠂ ᠰᠢᠩᠭᠡᠭᠡᠵᠦ ᠲᠡᠶ᠋ᠢᠯᠬᠦ ᠦᠭᠡᠢ᠂ ᠮᠠᠷᠭᠡᠵᠢᠯ ᠪᠤᠶᠤ ᠮᠡᠷᠭᠡᠰᠢᠯᠤᠨ ᠪᠤᠯᠪᠠᠰᠤᠷᠠᠯ ᠵᠶ᠋ᠠᠷ ᠰᠤᠯᠢᠳᠠᠬ᠃ ᠰᠣᠷᠬᠤ ᠲᠣᠷᠠ ᠦᠭᠡᠢ᠂ ᠰᠣᠷᠬᠤ ᠪᠠᠬᠠ ᠦᠭᠡᠢ᠂ ᠠᠪᠢᠶᠠᠰᠨᠢ ᠢᠯᠡᠷᠡᠬᠦ ᠦᠭᠡᠢ᠂ ᠵᠣᠷᠢᠭᠨᠢ ᠬᠥᠪᠴᠢᠯᠡᠭᠳᠡᠬᠦ ᠦᠭᠡᠢ᠂ ᠤᠷᠮᠠ ᠠᠯᠳᠠᠷᠠᠵᠦ᠂ ᠤᠷᠤᠭᠤ ᠴᠢᠷᠠᠢ᠍ᠢ᠍ᠯᠠᠬᠤ᠂ ᠬᠢᠳᠡᠯ ᠠᠯᠳᠠᠵᠦ ᠪᠣᠳᠣᠯᠨᠢ ᠲᠥᠭᠡᠷᠢᠭᠦ ᠪᠠᠢ᠍ᠢ᠍ᠳᠠᠯ ᠴᠦ᠍ ᠵᠦᠨᠭᠳᠡᠭᠡᠨ ᠪᠠᠢ᠍ᠢ᠍ᠳᠠᠬ᠃ ᠠ᠋ᠨᠡ ᠪᠣᠯ ᠬᠡᠦᠬᠡᠳᠤᠨ ᠤᠶᠣᠨ ᠰᠠᠨᠠᠭᠠ ᠪᠠ ᠪᠡᠶᠡ ᠮᠠᠭ᠍ᠠᠪᠣᠳᠢ ᠵᠡᠷᠭᠡᠳᠤᠨᠢ ᠲᠠᠮᠣᠯᠠᠵᠦ᠂ ᠰᠣᠷᠬᠤᠠᠴᠠᠨᠢ ᠠ᠋ᠮᠣᠨᠡ ᠬᠠᠰᠢᠷᠠᠭᠠ ᠪᠣᠯᠭ᠋ᠠᠵᠤ ᠪᠠᠢ᠍ᠢ᠍ᠭᠠ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠶᠠᠭ᠋ᠠᠬᠢᠯᠠ ᠭᠡᠳ ᠬᠡᠦᠬᠡᠳᠢ ᠲᠥᠮᠡᠨ ᠭᠠᠵᠠᠷᠤᠨ ᠠᠶᠠᠨᠤ ᠲᠥᠷᠣᠭᠦᠦ ᠠᠯᠬᠤᠮ ᠲᠡᠭᠡᠷᠡᠨᠢ ᠢᠯᠠᠭᠳᠠᠭᠤᠯᠵᠦ ᠵᠣᠷᠢᠭ ᠵᠢᠷᠣᠬᠡ ᠵᠢᠨᠢ ᠬᠤᠭᠤᠯᠵᠤ ᠪᠣᠯᠬᠤ ᠦᠭᠡᠢ ᠭᠡᠵᠦ ᠪᠢ ᠦᠵᠡᠨᠠ᠃ ᠣᠳᠣ ᠵᠢᠨ ᠬᠡᠦᠬᠡᠳ ᠪᠥᠷ ᠰᠡᠴᠡᠨ ᠰᠡᠷᠭᠦᠯᠡᠩ ᠭᠡᠪᠡᠴᠦ ᠰᠡᠴᠡᠨ ᠰᠡᠷᠭᠦᠯᠡᠩ᠂ ᠬᠡᠦᠬᠡᠳᠲᠤ ᠮᠡᠳᠡᠯᠭᠡ ᠡᠵᠡᠮᠰᠢᠭᠦᠯᠵᠦ ᠴᠢᠳᠠᠪᠣᠷᠢᠳᠡᠨ ᠪᠣᠯᠭ᠋ᠠᠵᠦ ᠬᠦᠮᠦᠵᠢᠭᠦᠯᠣᠨᠡ ᠭᠡᠳᠡᠭ ᠪᠠᠰᠠ ᠴᠦ᠍ ᠦᠯᠡᠮᠵᠢ ᠤᠬᠠᠭ᠋ᠠᠨ ᠱᠠᠭ᠋ᠠᠷᠳᠠᠭᠳᠠᠬᠤ ᠥᠨᠳᠣᠷ ᠱᠠᠭ᠋ᠠᠷᠳᠠᠯᠭᠠᠲᠠᠢ ᠨᠠᠷᠢᠯᠢᠬ ᠠᠵᠢᠯ ᠪᠣᠯᠣᠨᠠ᠃ ᠰᠡᠴᠡᠨ ᠰᠡᠷᠭᠦᠯᠡᠩ ᠭᠡᠤᠭᠡᠳ ᠭᠡᠳᠡᠭ ᠪᠣᠯ ᠥᠶᠡ ᠬᠤᠷᠠᠭᠴᠤᠤᠯᠤᠨ ᠲᠣᠳᠣᠷᠠᠪᠠᠨ ᠪᠣᠳᠣᠵᠦ ᠰᠡᠳᠬᠢᠬᠦ᠂ ᠥᠢ᠍ᠯᠠᠭ᠋ᠠᠵᠦ ᠡᠵᠡᠮᠰᠢᠬᠦ᠂ ᠰᠢᠩᠭᠡᠭᠡᠵᠦ ᠲᠣᠩᠭ᠋ᠠᠬᠤ ᠵᠡᠷᠭᠡ ᠣᠯᠠᠨ ᠲᠠᠯᠠᠪᠠᠷ ᠲᠠᠪᠠᠭᠤᠯᠢᠭ ᠪᠠᠶ᠋ᠢᠬᠤ ᠵᠢ ᠬᠡᠯᠡᠨᠡ᠃ ᠰᠡᠴᠡᠨ ᠰᠡᠷᠭᠦᠯᠡᠩ ᠬᠡᠦᠬᠡᠳᠲᠤ ᠲᠣᠳᠣᠷᠬᠠᠢ ᠵᠠᠭ᠋ᠠᠭ ᠪᠣᠶᠣ ᠢᠯᠡᠷᠬᠡᠢ ᠨᠣᠳᠠᠯᠠᠯᠳᠠ ᠪᠠᠶ᠋ᠢᠬᠤ ᠦᠭᠡᠢ᠃ ᠤᠴᠢᠷᠨᠢ ᠠ᠋ᠭᠡᠬᠡ ᠠᠳᠠᠯᠢ ᠲᠥᠷᠣᠯᠬᠢ ᠠᠪᠢᠶᠠᠰ ᠪᠢᠯᠢᠭᠲᠠᠢ ᠬᠡᠦᠬᠡᠳ ᠪᠠᠶ᠋ᠢᠳᠠᠯᠠ ᠬᠤᠵᠢᠮ ᠬᠤᠶ᠋ᠢᠰᠢᠬᠢ ᠵᠢᠨ ᠬᠦᠭᠵᠢᠯᠳᠡᠨᠢ ᠲᠤᠩ ᠶᠡᠭᠡ ᠵᠦᠷᠢᠶᠡᠲᠠᠢ ᠪᠠᠢ᠍ᠢ᠍ᠳᠠᠬ᠃ ᠬᠡᠦᠬᠡᠳ ᠪᠣᠯ ᠥᠯᠢᠭᠡᠷ ᠲᠡᠦᠬᠡ ᠰᠣᠨᠣᠰᠬᠤ ᠲᠣᠷᠠᠲᠠᠢ᠃ ᠰᠠᠶ᠋ᠢᠬᠠᠨ ᠥᠯᠢᠭᠡᠷ ᠵᠶ᠋ᠠᠨ ᠲᠠᠬᠢᠨ ᠲᠠᠪᠳᠠᠨ ᠰᠣᠨᠣᠰᠬᠤᠳᠤ ᠥᠢ᠍ᠳᠬᠤ ᠦᠭᠡᠢ᠃ ᠬᠡᠷᠪᠡ ᠴᠢᠮᠠᠳᠤ ᠶᠠᠷᠢᠭ᠋ᠠᠳ ᠪᠠᠷᠠᠭ᠍ᠤ ᠦᠭᠡᠢ ᠥᠯᠢᠭᠡᠷ ᠲᠡᠦᠬᠡ ᠪᠠᠶ᠋ᠢᠳᠠᠭ ᠪᠤᠯ ᠲᠠᠨᠤ ᠬᠡᠦᠬᠡᠳᠤᠨ ᠮᠡᠳᠡᠯᠭᠡ ᠪᠠᠭᠠᠠᠴᠠᠪᠠᠨ ᠥᠷᠭᠡᠨ ᠲᠡᠯᠭᠡᠷ ᠪᠠᠶ᠋ᠢᠵᠦ᠂ ᠬᠤᠵᠢᠮᠤᠨ ᠬᠢᠨᠢ ᠰᠣᠷᠬᠤ᠂ ᠰᠢᠩᠭᠡᠭᠡᠬᠦ ᠪᠦᠳᠦᠭᠡᠭᠦᠳᠤᠨᠢ ᠰᠠᠶ᠋ᠢᠨ ᠰᠠᠭᠤᠷᠢ ᠵᠢ ᠲᠠᠯᠪᠢᠬᠤ ᠪᠣᠯᠣᠨᠠ᠃ ᠱᠠᠩᠬᠠᠢ ᠬᠤᠳᠠ ᠵᠢᠨ ᠢᠷᠭᠡᠳᠤᠨ ᠨᠣᠮ ᠤᠩᠰᠢᠬᠰᠠᠨ ᠲᠤᠭᠠᠨᠢ ᠪᠦᠭᠦ ᠤᠯᠤᠰᠲᠤ ᠣᠷᠣᠶ᠋ᠢᠯᠠᠵᠦ ᠲᠤᠮᠳᠠᠴᠢᠪᠠᠷ ᠵᠢᠯ ᠪᠦᠷᠢᠳᠤ ᠬᠦᠮᠦᠨ ᠪᠦᠭᠦᠨ 8 ᠲᠡᠪᠳᠡᠷ ᠨᠣᠮ ᠤᠩᠰᠢᠭᠰᠠᠨ ᠪᠠᠶ᠋ᠢᠬᠤᠳᠤ᠂ ᠢᠰᠷᠸᠯᠳᠤ ᠢᠪᠷᠡᠢ᠍ᠢ᠍ᠴᠤᠳ ᠵᠢᠯᠳᠤ ᠭᠦᠮᠦᠨ ᠪᠦᠷᠢ ᠲᠤᠮᠳᠠᠴᠢᠪᠠᠷ 64 ᠲᠡᠪᠲᠡᠷ ᠨᠣᠮ ᠤᠩᠰᠢᠳᠠᠭ ᠭᠡᠨᠡ᠃ ᠪᠣᠰᠣᠳ ᠤᠯᠣᠰ ᠥᠨᠳᠦᠰᠦᠳᠡᠨ ᠬᠡᠪᠡᠯᠢᠳᠤᠬᠢ ᠬᠡᠦᠬᠡᠳᠤᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠢ ᠶᠠᠷᠢᠭ᠋ᠠᠳ ᠰᠣᠳᠦᠯᠣᠭ᠋ᠠᠳ ᠨᠢᠭᠡ ᠬᠡᠮᠵᠢᠶᠡᠨᠳᠤ ᠬᠦᠷᠦᠭᠰᠡᠨ ᠪᠠᠶ᠋ᠢᠬᠤᠳᠤ᠂ ᠮᠠᠨᠤ ᠣᠯᠣᠰ ᠠ᠋ᠨᠡ ᠭᠦ᠌ ᠲᠠᠯᠠᠪᠠᠷ ᠨᠠᠯᠢᠶᠠᠳ ᠬᠤᠴᠤᠷᠤᠨᠭ᠌ᠭᠤᠢ ᠪᠠᠶ᠋ᠢᠨᠠ᠃ ᠬᠡᠦᠬᠡᠳᠢ ᠬᠥᠯᠡᠮᠵᠢᠨᠳᠤ ᠪᠣᠶ᠋ᠢᠵᠢᠭᠤᠯᠵᠦ ᠪᠣᠯᠬᠤ ᠦᠭᠡᠢ᠂ ᠨᠡᠩ ᠴᠦ᠍ ᠰᠢᠩᠭᠡᠯᠢᠭᠲᠤ ᠬᠤᠷᠢᠵᠦ ᠪᠣᠯᠬᠤ ᠦᠭᠡᠢ ᠭᠡᠳᠡᠭ ᠶᠣᠰᠣ ᠵᠢ ᠬᠡᠨ ᠴᠦ᠍ ᠪᠥᠷ ᠮᠡᠳᠡᠨᠡ᠃ ᠭᠡᠪᠡᠴᠦ ᠪᠣᠳᠠᠲᠠᠢ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠶᠠᠪᠣᠴᠠᠳᠤ ᠬᠡᠦᠬᠡᠳᠢ ᠰᠢᠩᠭᠡᠯᠢᠭᠲᠤ ᠬᠤᠷᠢᠭ᠋ᠠᠳ ᠪᠠᠶ᠋ᠢᠨᠠ᠃ ᠠ᠋ᠨᠡ ᠭᠦ᠌ ᠠᠯᠳᠠᠭᠠ ᠵᠢ ᠭᠡᠷᠤᠨ ᠠᠬᠠᠮᠠᠳᠴᠤᠳ ᠭᠠᠷᠭ᠋ᠠᠵᠦ ᠥᠩᠭᠡᠷᠡᠭᠰᠡᠨ ᠪᠢᠯᠡ᠃ ᠬᠦᠮᠦᠨ ᠪᠣᠯ ᠲᠡᠭᠡᠳᠦ ᠵᠡᠷᠭᠡ ᠵᠢᠨ ᠠᠮᠢᠳᠠᠨ ᠪᠣᠯᠬᠤᠷ ᠮᠥᠨ ᠲᠡᠭᠡᠳᠦ ᠵᠡᠷᠭᠡ ᠵᠢᠨ ᠠᠮᠢᠳᠠᠨᠤ ᠱᠠᠭ᠋ᠠᠷᠳᠠᠯᠭᠠᠪᠠᠷ ᠠᠮᠢᠳᠣᠷᠠᠵᠦ ᠣᠷᠣᠰᠢᠨᠠ᠃
ᠨᠢᠭᠡ ᠤᠯᠣᠰ ᠣᠷᠣᠨᠳᠤ ᠪᠥᠬᠦ ᠠᠷᠠᠳ ᠢᠷᠭᠡᠳᠤᠨ ᠴᠢᠨᠠᠷ ᠴᠢᠨᠰᠠᠭᠠ ᠪᠤᠯ ᠶᠠᠭᠤᠨᠠᠴᠠ ᠴᠦ᠍ ᠴᠢᠬᠤᠯᠠ ᠶᠤᠮ᠃ 《ᠶᠠᠭᠤᠮᠠ ᠪᠥᠬᠦᠨᠳᠤ ᠬᠡᠦᠬᠡᠳᠲᠤ ᠨᠠᠶ᠋ᠢᠷ ᠲᠠᠯᠪᠢᠵᠦ ᠠᠯᠢᠪᠠᠪᠠᠨ ᠥᠷᠡᠭᠳᠡᠭᠦᠯᠬᠦ᠂ ᠴᠢᠨᠠᠭᠰᠢᠯᠠᠪᠠᠯ ᠥᠪᠡᠷᠤᠨ ᠵᠤᠯ ᠵᠢᠷᠭ᠋ᠠᠯ ᠵᠶ᠋ᠠᠨ ᠦᠷᠡᠭᠳᠡᠭᠦᠯᠬᠦ ᠪᠣᠯ ᠡᠴᠢᠭᠡ ᠠ᠋ᠬᠡᠠᠴᠠ ᠬᠡᠦᠬᠡᠳᠲᠤᠪᠠᠨ ᠥᠭᠭᠦᠭᠰᠡᠨ ᠬᠠᠮᠤᠭᠤᠨ ᠠᠶᠣᠮᠰᠢᠭᠲᠠᠢ ᠪᠡᠯᠡᠭ ᠶᠤᠮ》 ᠭᠡᠵᠦ ᠣᠷᠣᠰᠤᠨ ᠮᠠᠺᠸᠯᠢᠶᠠᠨᠽᠦ᠋ᠨ ᠬᠡᠯᠡᠪᠡ᠃ ᠮᠠᠨᠤ ᠠᠷᠠᠳ ᠲᠥᠮᠡᠨ ᠴᠦ᠍ 《ᠬᠠᠶ᠋ᠢᠷᠠ ᠶᠡᠬᠡᠳᠪᠡᠯ ᠬᠠᠯᠠ ᠪᠣᠯᠣᠨᠠ》 ᠭᠡᠵᠦ ᠶᠠᠷᠢᠭ᠋ᠠᠳ ᠪᠠᠶ᠋ᠢᠳᠠᠭ᠃ 《ᠬᠡᠷᠪᠡ ᠮᠠᠨᠣᠰᠲᠤ ᠰᠣᠷᠳᠠᠯ ᠬᠦᠮᠦᠵᠢᠯ ᠲᠣᠳᠠᠭᠰᠠᠨ ᠪᠠᠶ᠋ᠢᠪᠠᠯ ᠬᠡᠦᠬᠡᠳᠢ ᠬᠦᠮᠦᠵᠢᠭᠦᠯᠬᠦ ᠭᠡᠳᠡᠭ ᠱᠠᠯ ᠲᠡᠮᠡᠢ ᠴᠠᠯᠴᠢᠶᠠ ᠪᠣᠯᠣᠨᠠ》 ᠭᠡᠰᠡᠨ ᠭᠤᠷᠺᠢ ᠵᠢᠨ ᠥᠭᠡ ᠪᠠᠶ᠋ᠢᠨ ᠲᠠᠬᠢᠨ ᠰᠠᠨᠠᠭ᠋ᠠᠨᠳᠤ ᠣᠷᠣᠵᠦ ᠢᠷᠡᠭᠡᠳ ᠪᠠᠶ᠋ᠢᠳᠠᠭ᠃ 《ᠬᠡᠦᠬᠡᠳᠤᠨ ᠬᠤᠪᠢ ᠵᠠᠶᠠᠭᠠ ᠵᠢ ᠡᠴᠢᠭᠡ ᠠ᠋ᠬᠡᠨᠢ ᠲᠣᠭᠳᠠᠭ᠋ᠠᠨᠠ》 ᠴᠤ᠌ ᠭᠡᠳᠡᠭ᠃ ᠠ᠋ᠨᠡ ᠪᠣᠯ ᠡᠴᠢᠭᠡ ᠠ᠋ᠬᠡ ᠵᠢᠨ ᠠ᠋ᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠲᠣᠶ᠋ᠢᠯᠤᠨ ᠬᠦᠨᠳᠦ ᠴᠢᠬᠤᠯᠠ ᠭᠡᠰᠡᠨᠢ ᠬᠠᠷᠠᠭᠤᠯᠵᠦ ᠪᠠᠶ᠋ᠢᠨᠠ᠃ ᠬᠡᠦᠬᠡᠳᠲᠤ ᠠ᠋ᠬᠡ ᠵᠢᠨ ᠬᠢᠨᠢ ᠬᠠᠶ᠋ᠢᠷᠠ ᠲᠣᠳᠠᠵᠦ ᠪᠣᠯᠬᠤ ᠦᠭᠡᠢ ᠭᠡᠬᠦᠳᠤ ᠡᠴᠢᠭᠡ ᠵᠢᠨ ᠬᠢᠨᠢ ᠬᠠᠯᠠ ᠴᠦ᠍ ᠲᠣᠳᠠᠵᠦ ᠪᠣᠯᠬᠤ ᠦᠭᠡᠢ᠃ ᠬᠠᠶ᠋ᠢᠷᠠᠨᠢ ᠠᠬᠠᠳᠠᠭᠰᠠᠨ ᠪᠤᠶᠤ ᠬᠠᠯᠠᠨᠢ ᠬᠡᠳᠦᠷᠡᠭᠰᠡᠨ ᠵᠢᠱ᠌ᠢᠶᠡ ᠪᠣᠳᠠᠳᠦ ᠠᠮᠢᠳᠣᠷᠠᠯᠳᠤ ᠵᠦᠨᠭᠳᠡᠭᠡᠨ ᠬᠠᠷᠠᠭᠳᠠᠨᠠ᠃ ᠭᠡᠪᠡᠴᠦ ᠬᠡᠦᠬᠡᠳᠤᠨ ᠪᠡᠶᠡ ᠲᠡᠭᠡᠷᠡ ᠲᠠᠯᠪᠢᠬᠤ ᠬᠦᠰᠡᠯ ᠠ᠋ᠷᠡᠮᠡᠯᠵᠡᠯᠳᠤ ᠬᠢᠵᠠᠭ᠋ᠠᠷ ᠪᠠᠶ᠋ᠢᠬᠤ ᠦᠭᠡᠢ᠃ ᠭᠡᠳᠡᠯᠡ ᠬᠡᠦᠬᠡᠳ ᠪᠤᠯ ᠶᠠᠮᠠᠷ ᠪᠤᠯ ᠶᠠᠮᠠᠷ ᠵᠶ᠋ᠠᠷ ᠵᠶ᠋ᠠᠨ ᠥᠨᠡᠨ ᠪᠣᠳᠠᠳᠠᠢ ᠠᠬᠤᠶ᠋ᠢᠴᠢᠪᠠᠷ ᠥᠰᠴᠦ ᠪᠣᠶ᠋ᠢᠵᠢᠨᠠ᠂ ᠬᠠᠷᠢᠨ ᠴᠢᠨᠣ ᠬᠦᠰᠡᠯᠡᠩᠤᠨ ᠶᠢᠷᠳᠢᠨᠴᠦ ᠵᠢᠨ ᠲᠤᠳᠤᠷᠠ ᠬᠦᠮᠦᠵᠢᠵᠦ ᠪᠣᠶ᠋ᠢᠵᠢᠬᠤ ᠪᠢᠰᠢ ᠶᠤᠮ᠃
ᠰᠣᠶᠣᠯ ᠰᠣᠷᠬᠤ ᠵᠢ ᠠ᠋ᠷᠬᠢᠮᠯᠡᠵᠦ᠂ ᠶᠣᠰᠣ ᠰᠣᠷᠳᠠᠭ᠍ᠤᠨᠢ ᠤᠮᠳᠤᠭ᠋ᠠᠶ᠋ᠢᠯᠠᠭ᠍ᠤ ᠥᠵᠡᠭᠳᠡᠯ ᠴᠦ᠍ ᠬᠠᠷᠠᠭᠳᠠᠨᠠ᠃ ᠬᠡᠦᠬᠡᠳᠢ ᠬᠦᠮᠦᠵᠢᠭᠦᠯᠬᠦᠳᠤ ᠪᠡᠶᠡ ᠮᠠᠭ᠍ᠠᠪᠣᠳ᠂ ᠶᠣᠰᠣ ᠰᠤᠷᠳᠠᠭ᠍ᠤᠨ᠂ ᠤᠶᠤᠨ ᠣᠬᠠᠭ᠋ᠠᠨ᠂ ᠭᠤᠸᠠ ᠰᠠᠢ᠍ᠢ᠍ᠬᠠᠨ᠂ ᠭᠦᠳᠠᠯᠮᠤᠷᠢ ᠠ᠋ᠨᠡ ᠲᠠᠪᠤ ᠵᠢᠨ ᠠᠯᠢ ᠨᠢᠭᠡ ᠵᠢᠨᠢ ᠴᠦ᠍ ᠬᠥᠩᠭᠡᠪᠴᠢᠯᠡᠵᠦ ᠪᠣᠯᠬᠤ ᠦᠭᠡᠢ᠂ ᠬᠡᠷᠪᠡ ᠶᠣᠰᠤ ᠰᠣᠷᠳᠠᠭ᠍ᠤᠨᠢ ᠠᠩᠬᠠᠷᠬᠤ ᠦᠭᠡᠢ ᠪᠤᠯ ᠠᠶᠣᠯᠤᠨ ᠥᠨᠳᠦᠰᠦ ᠵᠢ ᠲᠠᠷᠢᠵᠤ ᠪᠠᠢ᠍ᠢ᠍ᠨᠠ ᠭᠡᠰᠡᠨ ᠦᠭᠡ᠃ ᠵᠠᠯᠠᠭᠤ ᠪᠠᠭ᠋ᠠᠴᠣᠳᠤᠨ ᠶᠠᠯᠠ ᠬᠢᠬᠦ ᠨᠤᠷᠮᠠ ᠲᠡᠭᠡᠭᠰᠢᠯᠡᠵᠦ ᠪᠠᠶ᠋ᠢᠨᠠ᠃ ᠭᠡᠤᠭᠡᠳᠢ ᠬᠡᠳᠦ ᠬᠢᠵᠠᠭ᠋ᠠᠷᠯᠠᠭ᠍ᠤ᠂ ᠭᠡᠳᠤ ᠲᠣᠷᠠᠪᠠᠷᠨᠢ ᠲᠠᠯᠪᠢᠬᠤ ᠵᠡᠷᠭᠡ ᠪᠤᠯ ᠬᠡᠦᠬᠡᠳ ᠪᠠᠭ᠋ᠠᠴᠣᠳᠤᠨ ᠪᠡᠶᠡ ᠰᠡᠳᠬᠢᠴᠡ ᠵᠢᠨ ᠠ᠋ᠷᠡᠭᠦᠯ ᠰᠠᠷᠠᠭᠤᠯ ᠪᠣᠶ᠋ᠢᠵᠢᠬᠤ ᠵᠢ ᠬᠠᠷᠰᠢᠯᠠᠭ᠍ᠤ ᠬᠤᠣᠷᠤᠨ ᠥᠨᠳᠦᠰᠦ ᠪᠤᠯᠤᠨᠠ᠃ ᠶᠠᠮᠠᠷᠪᠠ ᠶᠠᠭᠤᠮᠠ ᠬᠡᠮᠵᠢᠶᠡ ᠬᠢᠵᠠᠭ᠋ᠠᠷ ᠦᠭᠡᠢ ᠪᠠᠶ᠋ᠢᠵᠦ ᠪᠤᠯᠬᠤ ᠦᠭᠡᠢ᠂ ᠲᠠᠯᠠ ᠬᠦᠷᠦᠭᠰᠡᠨ ᠴᠦ᠍ ᠲᠠᠷᠣᠯᠭᠠᠲᠠᠢ ᠪᠠᠶ᠋ᠢᠳᠠᠭ᠃ ᠰᠣᠷᠭ᠋ᠠᠨ ᠬᠦᠮᠦᠵᠢᠯ ᠪᠣᠯ ᠲᠣᠶ᠋ᠢᠯᠤᠨ ᠨᠠᠷᠢᠯᠢᠬ ᠪᠥᠭᠡᠳ ᠲᠠᠭ᠋ᠠᠭ᠋ᠠᠴᠠᠲᠠᠢ ᠪᠠᠶ᠋ᠢᠬᠤ ᠵᠢ ᠪᠠᠶ᠋ᠢᠩᠭᠤ ᠱᠠᠭ᠋ᠠᠷᠳᠠᠳᠠᠭ ᠣᠨᠴᠠᠭ᠋ᠠᠢ ᠠᠵᠢᠯ ᠲᠥᠷᠣᠯ ᠮᠦᠨ᠃ ᠪᠣᠳᠣᠯ ᠰᠠᠨᠠᠭᠠ ᠪᠤᠯ ᠨᠢᠳᠦᠨᠳᠤ ᠥᠵᠡᠭᠳᠡᠵᠦ ᠭᠠᠷᠲᠤ ᠪᠠᠷᠢᠭᠳᠠᠭ᠍ᠣ ᠶᠠᠭᠤᠮᠠ ᠪᠢᠰᠢ᠃ ᠬᠦᠮᠦᠨᠤ ᠪᠡᠶᠡ ᠰᠡᠳᠬᠢᠴᠡ ᠵᠢ ᠵᠠᠰᠠᠵᠦ ᠵᠠᠯᠠᠨᠠ ᠭᠡᠳᠡᠭ ᠪᠤᠯ ᠮᠠᠰᠢ ᠨᠠᠷᠢᠯᠢᠬ ᠬᠥᠳᠡᠯᠮᠣᠷᠢ ᠵᠢ ᠱᠠᠭ᠋ᠠᠷᠳᠠᠬᠤ ᠶᠤᠮ᠃
ᠬᠤᠶᠠᠷ᠂ ᠪᠠᠭᠰᠢ
ᠭᠡᠤᠭᠡᠳᠢ ᠶᠠᠭ᠋ᠠᠬᠢᠵᠤ ᠭᠦᠮᠦᠵᠢᠭᠦᠯᠭᠦ ᠪᠤᠢ？ ᠬᠡᠦᠬᠡᠳᠲᠤ ᠶᠠᠭ᠋ᠠᠬᠢᠵᠦ ᠠ᠋ᠷᠳᠡᠮ ᠮᠡᠳᠡᠯᠭᠡ ᠡᠵᠡᠮᠰᠢᠭᠦᠯᠬᠦ ᠪᠣᠢ ᠭᠡᠳᠡᠭ ᠪᠣᠯ ᠪᠠᠭᠰᠢ ᠨᠠᠷᠤᠨ ᠪᠠᠶ᠋ᠢᠩᠭᠤ ᠰᠣᠳᠣᠯᠬᠤ ᠰᠡᠳᠦᠪ ᠪᠠᠢ᠍ᠢ᠍ᠭᠠ᠃ ᠭᠡᠭᠦᠳᠤᠪᠠᠨ ᠭᠡᠷᠤᠨ ᠠᠬᠠᠮᠠᠳᠨᠢ ᠭᠡᠤᠭᠡᠳᠢ ᠰᠤᠷᠭ᠋ᠠᠨ ᠭᠦᠮᠦᠵᠢᠭᠦᠯᠭᠦ ᠠ᠋ᠭᠦᠷᠭᠡ ᠵᠢ ᠪᠦᠭᠦᠨᠢ ᠪᠠᠭᠰᠢᠳᠤ ᠨᠠᠶ᠋ᠢᠳᠠᠭ᠋ᠠᠳ ᠪᠣᠯᠬᠤ ᠦᠭᠡᠢ᠃ ᠬᠠᠷᠢᠨ ᠪᠠᠭᠰᠢ ᠨᠠᠷᠲᠠᠢ ᠥᠷᠭᠦᠯᠵᠢ ᠬᠠᠷᠢᠴᠠᠵᠦ᠂ ᠭᠡᠷ ᠪᠥᠯᠢ ᠵᠢᠨ ᠪᠠᠶ᠋ᠢᠳᠠᠯ᠂ ᠬᠡᠦᠬᠡᠳᠤᠨ ᠪᠣᠳᠣᠯ ᠰᠠᠨᠠᠭᠠ᠂ ᠥᠢ᠍ᠯᠡ ᠠᠵᠢᠯᠯᠠᠭ᠋ᠠᠨᠤ ᠲᠤᠬᠠᠢ ᠶᠠᠷᠢᠯᠴᠠᠨ ᠵᠥᠪᠳᠡᠯᠴᠡᠬᠦᠨᠢ ᠮᠠᠰᠢ ᠴᠢᠬᠤᠯᠠ ᠪᠠᠶ᠋ᠢᠳᠠᠭ᠃ ᠬᠡᠦᠬᠡᠳᠲᠤ ᠲᠠᠪᠠᠭᠤᠯᠢᠭ ᠲᠠᠯᠠ ᠠᠷᠪᠢᠨ ᠪᠠᠶ᠋ᠢᠨᠠ ᠭᠡᠬᠦᠳᠤ ᠪᠠᠭᠤᠷᠠᠢ ᠲᠠᠯᠠ ᠴᠦ᠍ ᠴᠦᠭᠡᠨ ᠪᠠᠶ᠋ᠢᠨᠠ᠃ ᠬᠠᠶ᠋ᠢᠷᠠᠨᠢ ᠠᠬᠠᠳᠠᠬᠤ᠂ ᠬᠠᠢ᠍ᠢ᠍ᠷᠠᠨᠢ ᠪᠠᠭ᠋ᠠᠳᠠᠬᠤ ᠪᠦᠷ ᠲᠠᠭ᠋ᠠᠷᠠᠬᠤ ᠦᠭᠡᠢ᠃ ᠨᠥᠭᠦᠭᠡ ᠲᠠᠯᠠᠪᠠᠷ ᠨᠡᠶ᠋ᠢᠭᠡᠮᠤᠨ ᠠᠭᠤᠷ ᠠᠮᠢᠰᠬᠤᠯ᠂ ᠵᠢᠱ᠌ᠢᠶᠡᠯᠡᠪᠡᠯ᠂ ᠰᠦᠯᠵᠢᠶᠡᠨ ᠨᠠᠭ᠋ᠠᠳᠤᠮ᠂ ᠸᠢᠴᠠᠲᠲᠤ ᠰᠢᠨᠣᠬᠤ ᠮᠡᠳᠦ ᠵᠢᠨ ᠵᠥᠢ᠍ᠯ ᠬᠡᠦᠬᠡᠳᠤᠨ ᠬᠠᠷᠠᠭ᠋ᠠᠨᠳᠤ ᠦᠷᠳᠡᠵᠦ ᠨᠢᠯᠬᠠ ᠪᠠᠯᠴᠢᠷ ᠪᠡᠶᠡ ᠰᠡᠳᠬᠢᠯᠢᠨᠢ ᠪᠣᠷᠣᠭᠤ ᠲᠠᠢ᠍ᠢ᠍ᠰᠢ ᠬᠥᠳᠦᠯᠵᠦ ᠪᠠᠶ᠋ᠢᠨᠠ᠃ ᠠ᠋ᠳᠡᠭᠡᠷᠨᠢ ᠪᠠᠭᠰᠢ ᠨᠠᠷᠤᠨ ᠵᠢᠭ᠋ᠠᠨ ᠵᠢᠯᠤᠭᠤᠳᠬᠤᠳᠤ ᠬᠠᠷᠰᠢ ᠰᠠᠭ᠋ᠠᠳ ᠤᠴᠠᠷᠠᠭᠤᠯᠵᠦ᠂ ᠪᠠᠭᠰᠢ ᠨᠠᠷᠤᠨ ᠠ᠋ᠭᠦᠷᠭᠡ ᠲᠠᠷᠣᠭ᠋ᠠᠰᠣ ᠵᠢ ᠬᠥᠨᠳᠦᠷᠡᠭᠦᠯᠵᠦ ᠪᠠᠶ᠋ᠢᠨᠠ᠃ ᠬᠡᠦᠬᠡᠳ ᠪᠣᠯ ᠶᠠᠮᠠᠷ ᠴᠦ᠍ ᠶᠠᠭᠤᠮᠠᠨᠳᠤ ᠰᠣᠨᠢᠭᠤᠴᠢ ᠪᠠᠢ᠍ᠢ᠍ᠳᠠᠬ᠃ ᠭᠡᠭᠦᠳᠤᠪᠠᠨ ᠪᠠᠭᠰᠢ ᠵᠢᠨ ᠦᠭᠡ ᠶᠠᠷᠢᠶᠠ᠂ ᠥᠢ᠍ᠯᠡ ᠠᠵᠢᠯᠯᠠᠭᠠᠨᠢ ᠰᠣᠷᠣᠭᠴᠢᠳᠤ ᠨᠠᠰᠣᠨ ᠲᠣᠷᠰᠢᠳᠤᠪᠠᠨ ᠮᠠᠷᠳᠠᠭᠳᠠᠰᠢ ᠦᠭᠡᠢ ᠰᠠᠶ᠋ᠢᠬᠠᠨ ᠠ᠋ᠷᠬᠢᠴᠡᠭᠦᠯᠣᠯ ᠪᠣᠶᠣ ᠪᠠᠭ᠍ᠠᠷᠣᠯ ᠲᠣᠷᠠᠰᠣᠮᠵᠢ ᠪᠣᠯᠵᠦ᠂ ᠠᠬᠤᠢ ᠠᠮᠢᠳᠣᠷᠠᠯᠳᠤᠨᠢ ᠣᠷᠠ ᠤᠬᠠᠭ᠋ᠠᠨ ᠰᠡᠯᠪᠢᠵᠦ᠂ ᠠᠵᠢᠯ ᠥᠢ᠍ᠯᠡᠰᠲᠤᠨᠢ ᠵᠢᠯᠤᠭᠤᠳᠣᠮᠵᠢ ᠪᠣᠯᠳᠠᠭ᠃ ᠰᠣᠷᠣᠭᠴᠢ ᠵᠢᠨ ᠬᠤᠪᠢᠳᠤ ᠪᠠᠭᠰᠢ ᠵᠢ ᠪᠢᠰᠢᠷᠡᠬᠦ ᠲᠠᠯᠠ ᠪᠠᠶ᠋ᠢᠬᠤ ᠮᠦᠷᠳᠡᠭᠡᠨ ᠦᠵᠡᠨ ᠶᠠᠳᠠᠭ᠍ᠤ ᠵᠦᠢ᠍ᠯ ᠴᠦ᠍ ᠪᠠᠢ᠍ᠢ᠍ᠳᠠᠬ᠃ ᠦᠭᠡᠷᠠᠪᠠᠷ ᠭᠡᠯᠡᠪᠡᠯ᠂ ᠰᠣᠷᠣᠭᠴᠢᠳᠤ ᠥᠭᠬᠦ ᠪᠠᠭᠰᠢ ᠬᠦᠮᠦᠨᠤ ᠨᠥᠯᠤᠭᠡᠨᠢ ᠮᠠᠰᠢ ᠭᠦᠨ ᠬᠦᠨᠵᠡᠭᠡᠢ ᠪᠠᠶ᠋ᠢᠳᠠᠭ᠃ ᠪᠠᠭᠰᠢ ᠵᠢᠨ ᠠᠵᠢᠯ ᠥᠢ᠍ᠯᠡᠰ ᠪᠣᠯ ᠰᠤᠷᠤᠭᠴᠢ ᠵᠢ ᠢᠷᠡᠭᠡᠳᠦᠢ ᠵᠢᠨ ᠴᠢᠳᠠᠪᠣᠷᠢᠳᠠᠨ ᠪᠤᠯᠬᠤᠳᠤᠨᠢ ᠪᠠᠳᠦ ᠪᠠᠬᠢ ᠰᠠᠭᠤᠷᠢ ᠵᠢ ᠲᠠᠯᠪᠢᠵᠦ ᠪᠠᠢ᠍ᠢ᠍ᠬᠤ ᠠᠵᠢᠯ ᠪᠤᠯᠤᠨᠠ᠃ ᠭᠡᠷᠤᠨ ᠠᠬᠠᠮᠠᠳ᠂ ᠬᠡᠨ ᠴᠦ᠍ ᠪᠣᠯᠤᠭ ᠪᠠᠭᠰᠢ ᠬᠦᠮᠦᠨᠤ ᠠᠵᠢᠯ ᠥᠢ᠍ᠯᠡᠰᠤᠨ ᠬᠦᠨᠳᠦ ᠴᠢᠬᠤᠯᠠ ᠴᠢᠨᠠᠷᠢ ᠥᠢ᠍ᠯᠠᠭ᠋ᠠᠬᠤ ᠬᠡᠷᠡᠭᠲᠠᠢ᠃ ᠨᠢᠭᠡᠨ ᠪᠠᠭᠰᠢ ᠵᠢᠨ ᠰᠢᠯᠢᠳᠡᠭ ᠠ᠋ᠰᠠᠭᠦ ᠵᠢ ᠰᠣᠷᠣᠭᠴᠢᠳᠤᠨ ᠥᠨᠡᠯᠡᠯ ᠬᠦᠨᠳᠦᠳᠬᠡᠯᠠᠴᠠ ᠢᠯᠠᠳᠳᠠ ᠥᠵᠡᠨ ᠭᠠᠷᠴᠤ ᠪᠤᠯᠤᠨᠠ᠃ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠰᠢᠳᠢᠨᠢ ᠬᠠᠶ᠋ᠢᠷᠠᠳᠤ ᠪᠠᠶ᠋ᠢᠵᠦ᠂ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠷᠠᠯᠢᠭᠨᠢ ᠵᠦᠪᠭᠡᠨ ᠮᠠᠳᠠᠯᠭᠡ ᠵᠢ ᠤᠯᠠᠮᠵᠢᠯᠠᠭ᠍ᠣᠳᠤ ᠯᠠ ᠪᠠᠶ᠋ᠢᠬᠤ ᠪᠢᠰᠢ᠂ ᠬᠠᠷᠢᠨ ᠤᠷᠮᠠᠰᠢᠭᠤᠯᠬᠤ᠂ ᠰᠡᠬᠡᠬᠡᠷᠡᠭᠦᠯᠬᠦ᠂ ᠵᠣᠷᠢᠬ᠍ᠵᠢᠭᠤᠯᠬᠤᠳᠤ ᠪᠠᠶ᠋ᠢᠨᠠ ᠭᠡᠵᠦ ᠵᠠᠷᠢᠮ ᠬᠦᠮᠦᠨ ᠦᠵᠡᠳᠡᠭ᠃ ᠪᠠᠭᠰᠢ ᠬᠦᠮᠦᠨ ᠰᠣᠷᠣᠭᠴᠢᠪᠠᠨ ᠬᠠᠶ᠋ᠢᠷᠠᠯᠠᠭ᠍ᠤ ᠵᠢᠨ ᠬᠦᠴᠦᠨᠳᠤ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠰᠢᠳᠢᠨᠢ ᠭᠠᠷᠳᠠᠭ᠃ ᠤᠨᠳᠣᠷᠣᠭᠰᠠᠨ ᠬᠠᠶ᠋ᠢᠷᠠ ᠵᠢᠨ ᠬᠦᠴᠦᠨᠳᠤ ᠪᠠᠭᠰᠢ ᠬᠦᠮᠦᠨ ᠠᠯᠢᠪᠠ ᠠ᠋ᠷᠳᠡᠮ ᠮᠡᠳᠡᠯᠭᠡᠪᠠᠨ ᠰᠣᠷᠣᠭᠴᠢᠳᠤᠪᠠᠨ ᠬᠠᠷᠠᠮ ᠦᠭᠡᠢ ᠶᠡᠭᠦᠯᠡᠵᠦ᠂ ᠥᠭᠡ ᠲᠠᠭᠤ ᠦᠭᠡᠢ᠂ ᠥᠨᠡᠷᠬᠡᠵᠦ ᠭᠠᠪᠢᠶᠠᠷᠬᠠᠬᠤ ᠦᠭᠡᠢ ᠥᠬᠦᠨ ᠵᠢᠳᠬᠦᠳᠡᠭ᠃ ᠪᠠᠭᠰᠢ ᠬᠦᠮᠦᠨᠤ ᠠᠵᠢᠯ ᠠ᠋ᠭᠦᠷᠭᠡ ᠬᠦᠨᠳᠦ᠂ ᠬᠠᠷᠢᠭᠤᠴᠠᠯᠭᠠ ᠴᠢᠩᠭᠠ ᠤᠴᠢᠷᠠᠴᠠ ᠠᠷᠠᠳ ᠲᠥᠮᠡᠨᠳᠤᠪᠠᠨ᠂ ᠠ᠋ᠬᠡ ᠣᠷᠣᠨᠳᠤᠪᠠᠨ ᠣᠰᠣᠯᠳᠣᠬᠤ ᠦᠭᠡᠢ ᠪᠠᠶ᠋ᠢᠬᠤ ᠵᠢ ᠬᠢᠴᠢᠶᠡᠳᠡᠭ᠃ ᠬᠡᠳᠡᠯᠡ ᠪᠠᠭᠰᠢ ᠬᠦᠮᠦᠨᠤ ᠪᠠᠭᠠ ᠯᠠ ᠠᠩᠬᠠᠷᠣᠮᠵᠢ ᠦᠭᠡᠢᠠᠴᠠ ᠪᠣᠯᠵᠦ ᠶᠠᠷᠢᠭᠰᠠᠨ ᠥᠭᠡ ᠶᠠᠷᠢᠶᠠ᠂ ᠥᠢ᠍ᠯᠡ ᠠᠵᠢᠯᠯᠠᠭᠠᠨᠢ ᠵᠠᠷᠢᠮ ᠬᠡᠦᠬᠡᠳᠤᠨ ᠨᠢᠭᠡ ᠨᠠᠰᠣ ᠵᠢ ᠦᠭᠡᠶ ᠬᠢᠭᠦ ᠪᠣᠯᠣᠮᠵᠢ ᠶᠡᠭᠡ ᠪᠠᠶ᠋ᠢᠳᠠᠭ᠃ ᠨᠢᠭᠡ ᠬᠤᠶᠠᠷ ᠤᠴᠢᠷ ᠵᠶ᠋ᠠᠷ ᠨᠢᠭᠡ ᠬᠡᠦᠬᠡᠳᠤᠨ ᠢᠷᠡᠭᠡᠳᠦᠢ ᠵᠢ ᠲᠣᠭᠳᠠᠭ᠋ᠠᠬᠤ ᠪᠣᠶᠣ ᠮᠠᠭᠤ ᠮᠠᠭᠤᠬᠠᠢ ᠳ᠋ᠦᠩᠨᠡᠯᠳᠡ ᠭᠠᠷᠭ᠋ᠠᠵᠦ ᠪᠣᠯᠬᠤ ᠦᠭᠡᠢ᠃ ᠪᠠᠭᠰᠢ ᠵᠢᠨ ᠥᠭᠡ ᠶᠠᠷᠢᠶᠠᠨᠤ ᠰᠣᠷᠣᠭᠴᠢ ᠵᠢ ᠨᠦᠯᠦᠭᠡᠯᠡᠬᠦ ᠢᠳᠡ ᠬᠦᠴᠦ ᠵᠢ ᠪᠢᠳᠡ ᠪᠥᠬᠦᠨ ᠥᠢ᠍ᠯᠠᠭ᠋ᠠᠨᠠ᠃ ᠵᠣᠷᠢᠯᠭᠠᠲᠠᠢ ᠬᠡᠯᠡᠭᠰᠡᠨ ᠤᠳᠬᠠᠲᠠᠢ ᠥᠭᠡᠨᠢ ᠰᠣᠷᠣᠭᠴᠢᠳᠤ ᠲᠣᠶ᠋ᠢᠯᠤᠨ ᠶᠡᠭᠡ ᠵᠤᠷᠢᠬ᠍ᠵᠢᠭᠤᠯᠤᠯ ᠪᠤᠯᠳᠠᠬ᠃ ᠠᠮᠧᠷᠢᠺᠠ ᠵᠢᠨ ᠨᠢᠭᠡ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠵᠠᠬᠢᠷᠣᠯ ᠨᠢᠭᠡ ᠠᠯᠢᠶᠠ ᠬᠡᠦᠬᠡᠳᠲᠤ᠄ 《ᠪᠢ ᠴᠢᠨᠣ ᠨᠢᠳᠦᠨᠠᠴᠠ ᠣᠯᠵᠦ ᠮᠡᠳᠡᠯᠡ᠃ ᠴᠢ ᠪᠣᠯ ᠵᠧᠦ ᠵᠢᠨ ᠲᠠᠷᠤᠭᠠ ᠪᠣᠯᠬᠤ ᠬᠦᠮᠦᠨ》 ᠭᠡᠵᠦ ᠬᠡᠯᠡᠵᠠᠢ᠃ ᠠ᠋ᠨᠡ ᠰᠣᠷᠣᠭᠴᠢᠨᠢ 52 ᠨᠠᠰᠣᠨ ᠲᠡᠭᠡᠷᠡᠪᠠᠨ ᠨᠢᠦ᠋ ᠶᠤᠷᠺ ᠵᠧᠦ ᠵᠢᠨ ᠲᠠᠷᠤᠭᠠ ᠪᠣᠯᠣᠭᠰᠠᠨ ᠪᠠᠶ᠋ᠢᠨᠠ᠃ ᠰᠣᠷᠪᠣᠯᠵᠢᠯᠠᠭᠴᠢ ᠲᠠᠷᠠᠭᠦ ᠵᠠᠬᠢᠷᠤᠯᠠᠴᠠ᠄ 《ᠲᠠ ᠴᠢᠨᠢ ᠵᠦᠨᠭᠴᠢ ᠪᠠᠶ᠋ᠢᠨᠠ᠃ ᠶᠠᠭ᠋ᠠᠬᠢᠵᠤ ᠲᠡᠭᠦᠨᠤ ᠨᠢᠦ᠋ ᠶᠤᠷᠺ ᠵᠸᠤ ᠵᠢᠨ ᠲᠠᠷᠤᠭᠠ ᠪᠣᠯᠬᠤ ᠵᠢ ᠮᠡᠳᠡᠭᠰᠡᠨ ᠪᠣᠢ？》 ᠭᠡᠭᠦᠳᠤ᠄ 《ᠪᠢ ᠵᠦᠨᠭᠴᠢ ᠪᠢᠰᠢ᠂ ᠬᠡᠦᠬᠡᠳ ᠶᠠᠮᠠᠷ ᠴᠦ᠍ ᠪᠣᠯᠤᠭ᠂ ᠪᠢ ᠲᠣᠬᠠᠢ ᠵᠢᠨ ᠵᠢᠯᠤᠳᠲᠤ ᠲᠡᠳᠡᠭᠡᠷ ᠬᠡᠦᠬᠡᠳᠲᠤ ᠣᠨᠴᠠᠭ᠋ᠠᠢ ᠬᠠᠶ᠋ᠢᠷᠠᠲᠠᠢ ᠪᠠᠶ᠋ᠢᠭᠰᠠᠨᠠᠴᠠ ᠪᠣᠯᠣᠭᠰᠠᠨ ᠶᠤᠮ》 ᠭᠡᠵᠠᠢ᠃ ᠠ᠋ᠨᠡ ᠪᠣᠯ ᠢᠪᠢᠯᠦᠭᠰᠡᠨ ᠬᠠᠶ᠋ᠢᠷᠠ ᠵᠢᠨ ᠬᠦᠴᠦᠨ᠂ ᠮᠥᠨ ᠴᠦ᠍ ᠬᠡᠦᠬᠡᠳᠢ ᠬᠦᠮᠦᠵᠢᠭᠦᠯᠬᠦ ᠣᠨᠴᠠᠭ᠋ᠠᠢ ᠣᠷᠠ ᠲᠡᠮ ᠪᠣᠯᠬᠤ ᠶᠤᠮ᠃ 《ᠬᠡᠦᠬᠡᠳ ᠮᠠᠭᠳᠠᠭ᠋ᠠᠯ ᠵᠶ᠋ᠠᠷ ᠬᠦᠮᠦᠵᠢᠭᠳᠡᠨᠡ》 ᠭᠡᠵᠦ ᠮᠠᠨᠤ ᠠᠷᠠᠳ ᠲᠥᠮᠡᠨ ᠰᠠᠴᠠᠯᠡᠭᠰᠡᠨ ᠪᠠᠢ᠍ᠢ᠍ᠳᠠᠬ᠃ ᠭᠡᠷᠤᠨ ᠠᠬᠠᠮᠠᠳᠤᠨ ᠴᠥᠬᠦᠷᠡᠰᠢ ᠦᠭᠡᠢ ᠴᠢᠷᠮᠠᠶ᠋ᠢᠯᠭᠠ ᠵᠢᠨ ᠲᠣᠣᠷᠠ ᠬᠡᠦᠬᠡᠳᠤᠳ ᠵᠦᠪ ᠭᠦᠮᠦᠨ ᠪᠤᠯᠵᠤ ᠭᠦᠮᠦᠵᠢᠭᠳᠡᠨᠡ᠃ ᠠᠬᠠᠮᠠᠳ ᠺᠡᠷᠸᠲ᠄ 《ᠠᠪᠢᠶᠠᠰ ᠪᠢᠯᠢᠭᠳᠡᠨᠢ ᠡᠵᠡᠨ ᠲᠡᠭᠷᠢᠠᠴᠠ ᠢᠪᠡᠭᠡᠵᠦ ᠬᠠᠶ᠋ᠢᠷᠠᠯᠠᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠭᠦᠯᠥᠭᠰᠡᠨᠤ ᠥᠷᠡ ᠳ᠋ᠦᠩ ᠮᠥᠨ》 ᠭᠡᠵᠦ ᠬᠡᠯᠡᠭᠰᠡᠨ ᠪᠠᠶ᠋ᠢᠳᠠᠭ᠃ ᠪᠠᠭᠠ ᠬᠡᠦᠬᠡᠳᠤᠨ ᠠᠩᠬᠠᠷᠣᠯ ᠲᠥᠪᠯᠡᠷᠡᠬᠦ ᠴᠠᠭ ᠮᠥᠴᠡ ᠲᠣᠶ᠋ᠢᠯᠤᠨ ᠣᠬᠤᠷ ᠪᠠᠶ᠋ᠢᠳᠠᠭ᠃ ᠢᠯᠠᠩᠭᠤᠶᠠ ᠲᠣᠷᠠ ᠪᠠᠬᠠ ᠦᠭᠡᠢ ᠪᠣᠶᠣ ᠠᠯᠪᠠᠳᠠᠯᠭᠠ ᠵᠢᠨ ᠴᠢᠨᠠᠷᠲᠠᠢ ᠥᠢ᠍ᠯᠡ ᠬᠡᠷᠡᠭᠲᠤ ᠲᠣᠮᠣ ᠬᠦᠮᠦᠨ ᠴᠦ᠍ ᠠᠷᠭᠠ ᠪᠠᠷᠠᠭᠳᠠᠵᠦ ᠠᠭ᠋ᠠᠰᠢ ᠠᠯᠳᠠᠷᠠᠨᠠ᠃ ᠨᠢᠭᠡ ᠵᠥᠢ᠍ᠯᠤᠨ ᠶᠠᠭᠤᠮᠠᠪᠠᠷ ᠤᠳᠠᠭ᠋ᠠᠨ ᠣᠷᠣᠯᠳᠣᠬᠤᠨᠢ ᠶᠠᠳᠠᠷᠠᠭᠠᠲᠠᠢ ᠰᠠᠨᠠᠭᠳᠠᠵᠦ ᠵᠠᠯᠬᠠᠭᠤ ᠬᠦᠷᠭᠡᠳᠡᠭ᠃ ᠣᠯᠠᠩᠬᠢ ᠪᠠᠶ᠋ᠢᠳᠠᠯ ᠲᠣᠣᠷᠠ ᠠᠩᠬᠠᠷᠴᠦ ᠬᠢᠴᠢᠶᠡᠬᠦ ᠦᠭᠡᠢᠠᠴᠠ ᠪᠣᠯᠵᠦ ᠪᠠᠭᠰᠢ ᠪᠠ ᠭᠡᠷᠤᠨ ᠠᠬᠠᠮᠠᠳᠠᠴᠠ ᠬᠡᠦᠬᠡᠳᠢ ᠱᠠᠭ᠋ᠠᠷᠳᠠᠭ᠍ᠣᠨᠢ ᠬᠡᠦᠬᠡᠳᠤᠨ ᠪᠣᠳᠠᠳᠦ ᠪᠠᠶ᠋ᠢᠳᠠᠯᠠᠴᠠ ᠬᠤᠯᠠ ᠬᠡᠳᠦᠷᠴᠤ᠂ ᠬᠡᠦᠬᠡᠳᠤᠨ ᠤᠷᠮᠠ ᠵᠣᠷᠢᠭᠢ ᠬᠤᠭᠤᠯᠳᠠᠬ᠃ ᠬᠡᠦᠬᠡᠳᠤᠨ ᠲᠠᠭ᠋ᠠᠭ᠋ᠠᠴᠠ ᠲᠡᠰᠪᠦᠷᠢ ᠲᠣᠶ᠋ᠢᠯᠤᠨ ᠬᠢᠵᠠᠭ᠋ᠠᠷᠲᠠᠢ ᠪᠠᠶ᠋ᠢᠳᠠᠭ ᠣᠨᠴᠠᠯᠢᠭᠢ ᠥᠢ᠍ᠯᠠᠭ᠋ᠠᠵᠦ ᠠᠩᠬᠠᠷᠬᠤ ᠴᠢᠬᠤᠯᠠᠲᠠᠢ ᠶᠤᠮ᠃ ᠬᠡᠦᠬᠡᠳᠤᠨ ᠨᠠᠭ᠋ᠠᠳᠬᠤ᠂ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨ ᠬᠢᠬᠦ᠂ ᠲᠠᠰᠬᠠᠯ ᠬᠢᠬᠦ᠂ ᠠᠮᠠᠷᠠᠬᠤ ᠴᠠᠭᠢ ᠵᠥᠢ ᠵᠣᠬᠢᠰᠳᠠᠢ ᠲᠣᠬᠢᠷᠠᠭᠤᠯᠬᠤ ᠪᠦᠭᠡᠳ ᠵᠦᠢ ᠶᠤᠰᠤᠪᠠᠷ ᠭᠡᠷᠡᠭᠵᠢᠭᠦᠯᠪᠡᠯ ᠲᠠᠭ᠋ᠠᠷᠠᠨᠠ᠃ ᠬᠡᠦᠬᠡᠳ ᠬᠡᠳᠦᠢ ᠪᠠᠭᠠ ᠴᠦ᠍ ᠨᠢᠭᠤᠷ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠨᠠ᠃ ᠨᠢᠭᠤᠷ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠭ᠍ᠣᠨᠢ ᠵᠢᠩᠬᠢᠨᠢ ᠪᠤᠯᠪᠠᠰᠤᠨ ᠰᠠᠶ᠋ᠢᠬᠠᠨ ᠵᠠᠩ ᠠᠷᠠᠨᠰᠢᠨᠤ ᠰᠢᠨᠵᠢ ᠲᠡᠮᠲᠡᠭ ᠰᠢᠤ ᠳ᠋ᠠ᠃ ᠢᠴᠢᠬᠦ ᠨᠢᠭᠤᠷᠳᠠᠢ ᠰᠠᠶ᠋ᠢᠬᠠᠨ ᠶᠤᠮ᠃ ᠠ᠋ᠷᠳᠡ ᠠ᠋ᠳᠦᠭᠡ ᠲᠣᠳᠦᠭ᠋ᠠᠳᠦ ᠭᠠᠳᠠᠭ᠋ᠠᠳᠦᠳᠤ ᠪᠠᠭᠰᠢ ᠬᠦᠮᠦᠨ ᠰᠣᠷᠣᠭᠴᠢ ᠵᠢᠨ ᠨᠢᠭᠤᠷᠢ ᠪᠠᠷᠠᠭ᠍ᠤ ᠪᠣᠶᠣ ᠪᠡᠶᠡ ᠵᠢᠨ ᠬᠦᠨᠳᠦᠳᠬᠡᠯᠢ ᠬᠥᠨᠳᠡᠬᠦᠠᠴᠠ ᠶᠡᠭᠡ ᠴᠡᠭᠡᠷᠯᠡᠳᠡᠭ᠃ ᠬᠡᠳᠡᠯᠡ ᠪᠣᠳᠠᠳᠦ ᠠᠮᠢᠳᠣᠷᠠᠯᠳᠤ ᠬᠡᠦᠬᠡᠳ ᠵᠶ᠋ᠠᠨ ᠪᠣᠶᠣ ᠰᠣᠷᠣᠭᠴᠢ ᠵᠢᠨ ᠬᠠᠮᠤᠭᠤᠨ ᠠ᠋ᠮᠵᠡᠭ ᠲᠠᠯᠠ ᠵᠢ ᠪᠠᠷᠢᠵᠦ ᠣᠯᠠᠨᠤ ᠠ᠋ᠮᠦᠨᠡ ᠨᠢᠭᠤᠷᠢᠨᠢ ᠪᠠᠷᠠᠭ᠍ᠣ ᠪᠠᠶ᠋ᠢᠳᠠᠯ ᠬᠠᠶᠠ ᠭᠠᠷᠳᠠᠭ᠃ ᠪᠡᠶᠡ ᠰᠡᠳᠬᠢᠯᠤᠨ ᠬᠠᠯᠠ ᠲᠠᠮᠦ ᠵᠢ ᠲᠠᠭ᠋ᠠᠭ᠋ᠠᠵᠦ ᠲᠡᠰᠦᠭᠰᠡᠨ ᠦᠭᠡᠢ ᠪᠡᠶᠡᠪᠠᠨ ᠦᠭᠡᠶ ᠬᠢᠭᠰᠡᠨ ᠬᠡᠦᠬᠡᠳ ᠡ᠊ᠨᠳᠡ ᠲᠡᠨᠳᠡ ᠦᠭᠡᠢ ᠭᠠᠷᠴᠦ ᠪᠠᠶ᠋ᠢᠳᠠᠭ᠃ ᠨᠡᠶ᠋ᠢᠭᠡᠮᠤᠨ ᠥᠢ᠍ᠯᠡᠳᠦᠯᠭᠡᠠᠴᠠ ᠦᠵᠡᠪᠡᠯ᠂ ᠪᠠᠭᠰᠢ ᠬᠦᠮᠦᠨ ᠮᠡᠳᠡᠯᠭᠡ ᠪᠣᠯᠪᠠᠰᠣᠷᠠᠯᠤᠨ ᠥᠷᠭᠡᠨ ᠭᠦᠨ᠂ ᠬᠢᠴᠢᠶᠡᠯᠯᠡᠬᠦ ᠣᠷᠠ ᠲᠡᠮ᠂ ᠰᠣᠷᠣᠭᠴᠢ ᠵᠢ ᠲᠠᠳᠠᠭ᠍ᠤ ᠢᠳᠡ ᠬᠦᠴᠦ᠂ ᠠᠵᠢᠯᠤᠨ ᠬᠠᠷᠢᠭᠤᠴᠠᠯᠭᠠ ᠵᠡᠷᠭᠡ ᠲᠠᠯᠠᠪᠠᠷ ᠰᠣᠷᠣᠭᠴᠢ ᠪᠠ ᠨᠡᠶ᠋ᠢᠭᠡᠮ ᠨᠡᠶ᠋ᠢᠳᠡ ᠵᠢᠨ ᠬᠦᠨᠳᠦᠳᠬᠡᠯ ᠪᠢᠰᠢᠷᠡᠯᠢ ᠣᠯᠳᠠᠭ᠃ ᠨᠡᠶ᠋ᠢᠭᠡᠮᠤᠨ ᠤᠯᠠᠷᠢᠨ ᠬᠦᠭᠵᠢᠬᠦ ᠵᠢ ᠲᠠᠭ᠋ᠠᠵᠦ ᠬᠡᠦᠬᠡᠳ ᠪᠠᠭ᠋ᠠᠴᠣᠳᠤᠨ ᠵᠠᠩ ᠴᠢᠨᠠᠷ᠂ ᠪᠣᠳᠣᠯ ᠰᠡᠳᠬᠢᠴᠡ᠂ ᠲᠣᠷᠠ ᠪᠠᠬᠠ ᠥᠪᠡᠷ ᠥᠪᠡᠷᠤᠨ ᠤᠨᠴᠠᠯᠢᠭ ᠵᠶ᠋ᠠᠷ ᠨᠠᠩ ᠲᠤᠪᠤᠢ᠍ᠢ᠍ᠮᠠ ᠪᠤᠯᠵᠤ ᠪᠠᠢ᠍ᠢ᠍ᠨᠠ᠃ ᠠ᠋ᠢ᠍ᠢ᠍ᠮᠦᠠᠴᠠ ᠪᠠᠭᠰᠢ ᠵᠢᠨ ᠬᠤᠪᠢᠳᠤ ᠰᠣᠷᠣᠭᠴᠢ ᠵᠢᠨ ᠥᠵᠡᠯᠳᠡ᠂ ᠲᠠᠨᠢᠯᠳᠠ᠂ ᠵᠣᠭᠰᠣᠯᠳᠠ᠂ ᠰᠠᠨᠠᠭ᠋ᠠᠰᠢᠷᠠᠯ ᠪᠠ ᠬᠠᠷᠠᠭ᠋ᠠᠨ ᠴᠡᠭᠠᠴᠠ ᠠᠰᠠᠭᠤᠳᠠᠯᠢ ᠪᠣᠳᠣᠯᠬᠢᠯᠠᠵᠦ ᠢᠯᠡᠭᠦᠦ ᠬᠠᠷᠢᠴᠠᠵᠦ ᠬᠠᠶ᠋ᠢᠷᠠᠪᠠᠨ ᠬᠦᠷᠳᠡᠭᠡᠬᠦᠪᠠᠷ ᠲᠠᠮᠵᠢᠵᠦ᠂ ᠲᠡᠳᠡᠨᠤ ᠰᠡᠳᠬᠢᠯᠤᠨ ᠲᠠᠭᠤᠨᠢ ᠰᠣᠨᠣᠰᠬᠤ ᠴᠢᠬᠤᠯᠠᠲᠠᠢ ᠪᠠᠢ᠍ᠢ᠍ᠨᠠ᠃ ᠬᠡᠦᠬᠡᠳ ᠪᠠᠭ᠋ᠠᠴᠣᠳ ᠪᠡᠶᠡᠳᠤᠨᠢ ᠲᠣᠯᠭ᠋ᠠᠷᠠᠭᠰᠠᠨ ᠬᠡᠷᠡᠭ ᠤᠴᠢᠷᠤᠳᠢ ᠲᠤᠮᠦ ᠬᠦᠮᠦᠨᠳᠤ ᠲᠡᠷᠡ ᠪᠣᠯᠭ᠋ᠠᠨᠢ ᠲᠣᠭ᠋ᠠᠴᠢᠵᠦ ᠪᠥᠷᠢᠨ ᠢᠯᠡᠳᠬᠡᠵᠦ ᠴᠢᠳᠠᠭ᠍ᠤ ᠦᠭᠡᠢ ᠪᠣᠶᠣ ᠶᠠᠷᠢᠵᠦ ᠲᠤᠭ᠋ᠠᠴᠢᠬᠤᠠᠴᠠ ᠰᠢᠷᠬᠡᠶ᠋ᠢᠳᠡᠭ ᠴᠦ᠍ ᠪᠤᠢ᠃ ᠬᠡᠦᠬᠡᠳ ᠪᠠᠰᠠ ᠠᠬᠤᠢ ᠠᠮᠢᠳᠣᠷᠠᠯ ᠰᠣᠷᠣᠯᠭᠠ ᠵᠢᠨ ᠶᠠᠪᠣᠴᠠᠳᠤ ᠤᠴᠠᠷᠠᠭᠰᠠᠨ ᠵᠠᠷᠢᠮ ᠬᠡᠷᠡᠭᠢ ᠤᠬᠠᠭ᠋ᠠᠨ ᠲᠥᠬᠦᠭᠡ ᠵᠢᠨᠢ ᠤᠯᠵᠤ ᠶᠠᠳᠠᠬᠤ ᠶᠤᠮ᠃ ᠭᠡᠷ ᠪᠥᠯᠢ ᠵᠢᠨ ᠠᠵᠦ ᠠᠬᠤᠢ ᠵᠢᠨ ᠨᠦᠭᠦᠴᠡᠯ᠂ ᠡᠪᠡᠳᠴᠢᠨ ᠵᠣᠪᠠᠯᠠᠩ᠂ ᠭᠠᠢ ᠭᠠᠮᠰᠢᠭ᠂ ᠭᠡᠷ ᠵᠠᠭᠤᠷᠠ ᠵᠢᠨ ᠵᠥᠷᠢᠴᠡᠯ ᠮᠥᠷᠬᠦᠯᠳᠦᠭᠡᠨ ᠵᠡᠷᠭᠡ ᠪᠥᠬᠦ ᠤᠴᠢᠷ ᠶᠠᠪᠣᠳᠠᠯᠨᠢ ᠬᠡᠦᠬᠡᠳᠤᠨ ᠪᠣᠳᠣᠯ ᠰᠠᠨᠠᠭᠠ ᠵᠢ ᠲᠠᠯᠳᠠᠭᠤᠷ ᠲᠠᠷᠴᠢᠯᠭ᠋ᠠᠨᠠ᠃ ᠣᠳᠣ ᠵᠢᠨ ᠨᠡᠶ᠋ᠢᠭᠡᠮᠳᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠬᠠᠭ᠋ᠠᠨ᠂ ᠰᠡᠳᠬᠢᠴᠡ ᠵᠢᠨ ᠵᠥᠢ᠂ ᠨᠡᠶ᠋ᠢᠭᠡᠮᠤᠨ ᠬᠥᠭᠵᠢᠯᠳᠡ᠂ ᠢᠷᠡᠭᠡᠳᠦᠢ ᠵᠢᠨ ᠬᠠᠨᠳᠣᠰᠢ᠂ ᠪᠣᠯᠪᠠᠰᠣᠨ ᠮᠣᠷᠠᠯᠲᠠᠢ ᠨᠡᠶ᠋ᠢᠴᠡᠬᠦ ᠦᠭᠡᠢ ᠬᠡᠷᠡᠭ ᠤᠴᠢᠷ ᠪᠠ ᠰᠣᠨᠢᠨ ᠬᠠᠴᠢᠨ ᠦᠵᠡᠭᠳᠡᠯ ᠭᠠᠷᠤᠭᠰᠠᠭ᠋ᠠᠷ ᠯᠠ ᠪᠠᠶ᠋ᠢᠨᠠ᠃ ᠵᠤᠬᠢᠬᠤ ᠤᠳᠬᠠᠨᠠᠴᠠ ᠭᠡᠯᠡᠪᠡᠯ᠂ ᠨᠠᠭ᠋ᠠᠳᠬᠤᠨᠢ ᠲᠡᠭᠡᠳᠦ ᠲᠡᠭᠷᠢᠠᠴᠠ ᠬᠡᠦᠬᠡᠳᠲᠤ ᠥᠭᠭᠦᠭᠰᠡᠨ ᠠ᠋ᠷᠬᠡ ᠴᠢᠯᠣᠭᠡ ᠪᠠᠶ᠋ᠢᠳᠠᠯᠠ ᠨᠠᠭ᠋ᠠᠳᠬᠤ ᠴᠢᠯᠣᠭᠡ ᠦᠭᠡᠢ᠂ ᠨᠣᠶ᠋ᠢᠷᠨᠢ ᠪᠠᠰᠠ ᠬᠠᠨᠣᠬᠤ ᠦᠭᠡᠢ ᠪᠠᠶ᠋ᠢᠨᠠ᠃ ᠪᠠᠭᠰᠢ ᠵᠢᠨ ᠬᠤᠪᠢᠳᠤ ᠬᠡᠦᠬᠡᠳᠤᠨ ᠨᠠᠰᠣ ᠵᠢᠯ᠂ ᠲᠠᠭ᠋ᠠᠭ᠋ᠠᠴᠠ ᠲᠡᠰᠪᠣᠷᠢ᠂ ᠴᠢᠨᠠᠷᠤᠨ ᠢᠯᠭ᠋ᠠᠯ᠂ ᠣᠨᠴᠠᠯᠢᠭ᠂ ᠮᠠᠳᠠᠯᠭᠡ ᠵᠢ ᠰᠢᠩᠭᠡᠭᠡᠬᠦ ᠴᠢᠳᠠᠪᠣᠷᠢᠳᠤ ᠲᠣᠬᠢᠷᠠᠭ᠍ᠣ ᠠᠷᠭᠠ ᠲᠡᠮᠢ ᠬᠠᠶ᠋ᠢᠬᠤ ᠴᠢᠬᠤᠯᠠᠲᠠᠢ᠃
ᠭᠤᠷᠪᠠ᠂ ᠰᠣᠷᠭ᠋ᠠᠭᠤᠯᠢ
ᠰᠣᠷᠭ᠋ᠠᠭᠤᠯᠢ ᠪᠣᠯ ᠬᠡᠦᠬᠡᠳ ᠪᠠᠭ᠋ᠠᠴᠣᠳᠤᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯ ᠭᠦᠷᠳᠡᠬᠦ ᠲᠣᠰᠬᠠᠢ ᠥᠯᠣᠭᠡᠢ᠃ ᠬᠡᠦᠬᠡᠳᠤᠨ ᠥᠰᠬᠦ᠂ ᠪᠣᠶ᠋ᠢᠵᠢᠬᠤ᠂ ᠭᠦᠮᠦᠵᠢᠬᠦ᠂ ᠪᠣᠯᠪᠠᠰᠣᠷᠠᠬᠤ ᠣᠨᠴᠠᠭ᠋ᠠᠢ ᠣᠷᠣᠨ ᠵᠠᠢ ᠶᠤᠮ᠃ ᠨᠢᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠣᠷᠤᠯᠴᠠᠬᠤ ᠠᠭᠤᠷ ᠠᠮᠢᠰᠬᠤᠯ᠂ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠵᠠᠩ ᠵᠢᠷᠣᠮ ᠵᠢᠴᠢ ᠠᠵᠢᠯᠴᠢ ᠪᠣᠷᠣᠭᠵᠢᠭᠤᠨ ᠬᠡᠪ ᠰᠣᠷᠳᠠᠯᠨᠢ ᠬᠡᠦᠬᠡᠳ ᠪᠠᠭ᠋ᠠᠴᠣᠳᠤᠨ ᠬᠤᠵᠢᠮᠤᠨ ᠢᠷᠡᠭᠡᠳᠤᠢᠳᠤ ᠭᠦᠨᠵᠡᠭᠡᠢ ᠨᠦᠯᠦᠭᠡ ᠦᠵᠡᠭᠦᠯᠳᠡᠭ᠃ ᠪᠠᠭᠰᠢ ᠰᠣᠷᠭ᠋ᠠᠭᠤᠯᠢ ᠬᠤᠶᠠᠷ ᠵᠶ᠋ᠠᠨ ᠪᠠᠶ᠋ᠢᠨ ᠲᠠᠬᠢᠨ ᠲᠣᠷᠡᠰᠴᠦ ᠰᠠᠨᠠᠭ᠋ᠠᠯᠵᠠᠵᠦ ᠶᠠᠪᠣᠳᠠᠭ ᠰᠣᠷᠣᠭᠴᠢ ᠬᠠᠶᠠ ᠦᠭᠡᠢ ᠲᠠᠭ᠋ᠠᠷᠠᠳᠠᠭ᠃ ᠠ᠋ᠬᠡ ᠰᠣᠷᠭ᠋ᠠᠭᠤᠯᠢᠪᠠᠨ ᠭᠡᠵᠦ ᠠ᠋ᠯᠢᠭᠡ ᠵᠢᠷᠦᠬᠡᠨᠢ ᠲᠣᠭᠳᠣᠯᠵᠦ ᠶᠠᠪᠣᠭᠰᠠᠨ ᠵᠢᠱ᠌ᠢᠶᠡ ᠴᠦ᠍ ᠠᠷᠪᠢᠨ ᠪᠠᠶ᠋ᠢᠳᠠᠭ᠃ ᠰᠤᠷᠭ᠋ᠠᠭᠤᠯᠢ ᠪᠣᠯ ᠰᠣᠶᠣᠯᠤᠨ ᠥᠯᠣᠭᠡᠢ᠂ ᠰᠣᠷᠬᠤ ᠨᠠᠰᠣᠨᠤ ᠬᠡᠦᠬᠡᠳ ᠪᠠᠭ᠋ᠠᠴᠣᠳᠤᠨ ᠠᠯᠣᠰᠤᠨ ᠠᠶᠠᠨᠤ ᠬᠢᠨᠢ ᠠᠩᠬᠠᠨᠤ ᠲᠥᠷᠣᠭᠡ᠂ ᠠᠰᠢᠳᠠ ᠠ᠋ᠷᠢᠭ᠌ᠳᠡᠬᠦ ᠮᠥᠩᠬᠡ ᠵᠢᠨ ᠵᠣᠯᠠ᠃ ᠬᠡᠦᠬᠡᠳ ᠪᠠᠭ᠋ᠠᠴᠣᠳᠤᠨ ᠣᠶᠣᠨ ᠤᠬᠠᠭ᠋ᠠᠨ ᠤᠭᠤᠷᠠᠭ ᠲᠠᠷᠢᠬᠢ ᠵᠢ ᠰᠣᠶᠣᠨ ᠭᠡᠭᠡᠷᠡᠭᠦᠯᠥᠭᠴᠢ 《ᠰᠣᠷᠭ᠋ᠠᠭᠤᠯᠢ》 ᠭᠡᠭᠴᠢ ᠪᠠᠶ᠋ᠢᠭᠤᠯᠣᠮᠵᠢ ᠪᠣᠢ ᠪᠣᠯᠣᠭ᠋ᠠᠳ ᠣᠳᠣ ᠨᠢᠭᠡᠨᠳᠡ ᠬᠡᠳᠦᠨ ᠮᠢᠩᠭ᠋ᠠᠨ ᠵᠢᠯᠤᠨ ᠲᠡᠦᠬᠡᠨ ᠶᠠᠪᠣᠴᠠ ᠵᠢ ᠥᠩᠭᠡᠷᠡᠭᠡᠵᠦ᠂ ᠰᠣᠷᠭ᠋ᠠᠭᠤᠯᠢ ᠵᠢᠨ ᠠᠯᠳᠠᠨ ᠪᠣᠱ᠌ᠤᠭᠠ ᠵᠢ ᠲᠠᠮᠵᠢᠨ ᠲᠣᠭ᠋ᠠᠯᠠᠰᠢ ᠦᠭᠡᠢ ᠣᠯᠠᠨ ᠠ᠋ᠷᠳᠡᠮᠳᠡᠨ ᠬᠦᠮᠦᠵᠢᠭᠳᠡᠨ ᠭᠠᠷᠴᠦ᠂ ᠬᠦᠮᠦᠨ ᠲᠥᠷᠣᠯᠬᠢᠳᠡᠨᠤ ᠬᠥᠭᠵᠢᠯᠳᠡ ᠪᠠ ᠪᠣᠯᠪᠠᠰᠣᠨ ᠲᠡᠦᠬᠡᠨᠳᠤ ᠬᠤᠪᠢ ᠨᠠᠮᠠᠷᠢ ᠦᠵᠡᠭᠦᠯᠦᠭᠰᠡᠭᠡᠷ ᠥᠨᠣᠳᠦᠷᠲᠤ ᠬᠦᠷᠴᠦ ᠢᠷᠡᠯᠡ᠃ ᠬᠦᠮᠦᠨ ᠲᠥᠷᠣᠯᠬᠢᠳᠡᠨᠤ ᠬᠥᠭᠵᠢᠯᠳᠡ ᠪᠠ ᠪᠣᠯᠪᠠᠰᠣᠨᠤ ᠲᠡᠦᠬᠡ ᠪᠣᠯ ᠪᠥᠬᠦ ᠬᠦᠮᠦᠨ ᠲᠥᠷᠣᠯᠬᠢᠳᠡᠨᠤ ᠬᠠᠮᠳᠦ ᠵᠢᠨ ᠥᠪ ᠬᠦᠷᠣᠩᠭᠡ ᠪᠣᠯᠬᠤ ᠶᠤᠮ᠃ ᠲᠣᠮᠳᠠᠳᠦ ᠤᠯᠤᠰ ᠪᠣᠯ ᠠ᠋ᠷᠳᠡᠨᠤ ᠲᠥᠷᠪᠡᠨ ᠪᠣᠯᠪᠠᠰᠣᠨ ᠣᠯᠣᠰᠤᠨ ᠨᠢᠭᠡ ᠪᠠᠶ᠋ᠢᠵᠦ᠂ ᠲᠠᠪᠣᠨ ᠮᠢᠩᠭ᠋ᠠᠨ ᠵᠢᠯᠤᠨ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠪᠣᠯᠪᠠᠰᠣᠨᠤ ᠲᠡᠦᠬᠡ ᠵᠢ ᠠ᠋ᠭᠦᠳᠴᠦ᠂ ᠬᠦᠮᠦᠨ ᠲᠥᠷᠣᠯᠬᠢᠳᠡᠨᠤ ᠲᠡᠦᠬᠡᠨᠳᠤ ᠪᠠᠯᠠᠷᠠᠰᠢ ᠦᠭᠡᠢ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠥᠭᠰᠡᠨ ᠪᠢᠯᠡ᠃
ᠲᠡᠯᠡᠬᠡᠢ ᠲᠡᠭᠡᠷᠡ ᠬᠡᠳᠦᠨ ᠵᠠᠭᠤᠨ ᠵᠢᠯᠤᠨ ᠲᠡᠦᠬᠡᠲᠠᠢ ᠰᠣᠷᠭ᠋ᠠᠭᠤᠯᠢᠨᠤᠭᠤᠳ ᠮᠠᠰᠢ ᠣᠯᠠᠨ ᠪᠠᠶ᠋ᠢᠵᠦ᠂ ᠬᠦᠮᠦᠨ ᠲᠥᠷᠣᠯᠬᠢᠳᠡᠨᠤ ᠬᠥᠭᠵᠢᠯᠳᠡᠳᠤ ᠠᠤᠭᠠ ᠶᠡᠭᠡ ᠥᠢ᠍ᠯᠡᠳᠦᠯ ᠦᠵᠡᠭᠦᠯᠦᠭᠰᠡᠨᠨᠢ ᠪᠢᠰᠢᠷᠡᠯᠲᠠᠢ ᠶᠤᠮ᠃ ᠬᠦᠮᠦᠰᠤᠨ ᠰᠡᠳᠬᠢᠯᠢ ᠤᠶᠠᠷᠠᠭᠤᠯᠣᠭᠰᠠᠨ ᠨᠢᠭᠡ ᠥᠯᠢᠭᠡᠷᠢ ᠲᠣᠷᠠᠳᠪᠠᠯ᠂ 1803 ᠣᠨᠳᠤ ᠠᠮᠧᠷᠢᠺᠠ ᠤᠯᠤᠰᠨᠢ ᠠᠷᠠᠢ ᠭᠡᠵᠦ ᠬᠠᠭ᠋ᠠᠰ ᠺᠣᠯᠣᠨᠢ ᠵᠢᠨ ᠲᠠᠷᠣᠩᠭᠤᠶ᠋ᠢᠯᠠᠯᠠᠴᠠ ᠠᠩᠬᠢᠵᠢᠷᠠᠵᠦ᠂ ᠠᠷᠠᠳ ᠲᠥᠮᠡᠨᠤ ᠠᠮᠢᠳᠣᠷᠠᠯ ᠲᠣᠶ᠋ᠢᠯᠤᠨ ᠬᠦᠴᠢᠷ ᠪᠠᠷᠭᠡᠰᠢᠶᠡᠯᠲᠠᠢ ᠪᠠᠶ᠋ᠢᠭᠰᠠᠨ ᠥᠶᠡᠳᠤ᠂ ᠨᠢᠭᠡᠨ ᠪᠡᠶᠡ ᠪᠠᠭᠤᠷᠠᠢ ᠡᠪᠡᠳᠴᠢᠨ ᠠ᠋ᠮᠬᠡᠭᠲᠤ ᠳᠠᠷᠤᠭᠳᠠᠭᠰᠠᠨ ᠪᠥᠰᠡᠭᠦᠢ ᠪᠢᠴᠢᠬᠠᠨ ᠥᠬᠢᠨ ᠵᠶ᠋ᠠᠨ ᠲᠠᠭ᠋ᠠᠭᠤᠯᠵᠦ ᠭᠤᠶ᠋ᠢᠷᠠᠨᠴᠢᠯᠠᠨ ᠲᠡᠨᠦᠭᠦᠴᠢᠯᠡᠵᠦ ᠶᠠᠪᠣᠭᠰᠠᠭ᠋ᠠᠷ ᠠᠮᠧᠷᠢᠺᠠ ᠵᠢᠨ ᠹᠢᠯᠠᠳ᠋ᠸᠯᠹᠢᠶᠠ ᠬᠤᠳᠠ ᠵᠢᠨ ᠵᠠᠬᠠ ᠵᠢᠨ ᠨᠢᠭᠡᠨ ᠰᠣᠷᠭ᠋ᠠᠭᠤᠯᠢ ᠵᠢᠨ ᠠ᠋ᠭᠦᠳᠡᠨᠳᠤ ᠨᠠᠷᠠᠨᠳᠤ ᠠ᠋ᠭᠡᠭᠡᠵᠦ ᠰᠠᠭᠤᠵᠦ ᠪᠠᠶ᠋ᠢᠳᠠᠯᠠ᠂ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠦᠷᠢᠶᠡᠨᠤ ᠬᠡᠦᠬᠡᠳᠤᠳᠤᠨ ᠪᠢᠴᠢᠭ ᠤᠩᠰᠢᠬᠤ ᠲᠠᠭᠤ ᠪᠤᠯᠤᠨ ᠲᠡᠭᠦᠯᠳᠡᠷ ᠬᠥᠭᠵᠢᠮ ᠲᠠᠳᠠᠬᠤ ᠲᠠᠭᠤᠨ ᠰᠣᠨᠣᠰᠤᠭᠳᠠᠭᠰᠠᠨ ᠪᠠᠶ᠋ᠢᠨᠠ᠃ ᠠ᠋ᠨᠡ ᠭᠦ᠌ ᠲᠠᠭᠤᠨᠢ ᠪᠢᠴᠢᠬᠠᠨ ᠥᠬᠢᠨᠤ ᠰᠡᠳᠬᠢᠯ ᠵᠢᠷᠦᠬᠡ ᠵᠢ ᠥᠪᠡᠷᠤᠨ ᠠ᠋ᠷᠬᠡ ᠦᠭᠡᠢ ᠲᠣᠭᠳᠦᠯᠤᠭᠤᠯᠵᠦ᠂ ᠰᠣᠷᠭ᠋ᠠᠭᠤᠯᠢᠳᠤ ᠰᠠᠭᠤᠬᠤ ᠵᠢ ᠭᠦᠰᠡᠨ ᠮᠥᠷᠣᠭᠡᠳᠦᠭᠰᠡᠨ ᠰᠡᠳᠬᠢᠯᠭᠡᠳᠤᠪᠠᠨ ᠬᠥᠳᠦᠯᠥᠭᠳᠡᠭᠰᠡᠨ ᠪᠢᠴᠢᠬᠠᠨ ᠥᠬᠢᠨ ᠠ᠋ᠭᠦᠨᠠᠴᠠ ᠬᠤᠶ᠋ᠢᠰᠢ ᠥᠷᠭᠦᠯᠵᠢ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠡᠷᠡᠮᠤᠨ ᠭᠠᠳᠠᠨᠠ ᠰᠠᠭᠤᠵᠦ ᠬᠢᠴᠢᠶᠡᠯ ᠰᠣᠨᠣᠰᠳᠠᠭ ᠪᠣᠯᠵᠠᠢ᠃ ᠬᠠᠷᠠᠮᠰᠠᠯᠳᠠᠢᠨᠢ ᠬᠥᠭᠡᠷᠣᠬᠦᠢ ᠥᠬᠢᠨᠤ ᠡᠵᠢᠨᠢ ᠨᠢᠭᠡ ᠵᠢᠯᠤᠨ ᠲᠠᠷᠠᠭᠠ ᠡᠪᠡᠳᠴᠢᠨ ᠵᠶ᠋ᠠᠷ ᠨᠠᠰᠣ ᠪᠠᠷᠠᠵᠠᠢ᠃ ᠭᠡᠪᠡᠴᠦ ᠥᠨᠣᠴᠢᠨ ᠭᠠᠭᠴᠠᠭ᠋ᠠᠷ ᠪᠣᠯᠣᠭᠰᠠᠨ ᠪᠢᠴᠢᠬᠠᠨ ᠥᠬᠢᠨ ᠮᠥᠨ ᠯᠡ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠬᠤ ᠲᠣᠷᠠ ᠬᠦᠰᠡᠯᠠᠴᠠᠪᠠᠨ ᠪᠣᠯᠵᠦ ᠥᠷᠭᠦᠯᠵᠢᠯᠡᠨ ᠰᠣᠷᠭ᠋ᠠᠭᠤᠯᠢ ᠵᠢᠨ ᠭᠠᠳᠠᠨᠠᠠᠴᠠ ᠬᠢᠴᠢᠶᠡᠯ ᠰᠣᠨᠣᠰᠳᠠᠭ ᠪᠠᠶ᠋ᠢᠵᠠᠢ᠃ ᠲᠡᠭᠡᠵᠤ ᠪᠠᠢ᠍ᠢ᠍ᠳᠠᠯᠠ ᠨᠢᠭᠡᠨ ᠪᠠᠭᠰᠢᠲᠠᠢ ᠤᠴᠠᠷᠠᠵᠦ ᠲᠠᠷᠠ ᠪᠠᠰᠠ ᠠ᠋ᠨᠡ ᠰᠣᠷᠭ᠋ᠠᠭᠤᠯᠢᠳᠤ ᠪᠢᠴᠢᠭ ᠦᠵᠡᠵᠤ ᠪᠤᠯᠬᠤ ᠠ᠋ᠰᠡᠭᠦ ᠵᠢ ᠠᠰᠠᠭᠤᠭᠰᠠᠨᠳᠤ ᠠ᠋ᠨᠡ ᠪᠠᠭᠰᠢ ᠪᠢᠴᠢᠬᠠᠨ ᠥᠬᠢᠨᠤ ᠰᠡᠳᠬᠢᠯᠢ ᠬᠥᠨᠳᠡᠬᠦᠠᠴᠠ ᠪᠣᠯᠭᠤᠮᠵᠢᠯᠠᠨ᠄ 《ᠲᠣᠰ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠲᠤᠶ᠋ᠢᠯᠤᠨ ᠪᠠᠭᠠ ᠰᠢᠦ！ ᠵᠥᠪᠬᠡᠨ ᠪᠠᠶᠠᠴᠤᠳᠤᠨ ᠬᠡᠦᠬᠡᠳᠢ ᠯᠠ ᠪᠠᠭᠳᠠᠭ᠋ᠠᠳᠠᠭ》 ᠭᠡᠵᠦ ᠬᠡᠯᠡᠭᠰᠡᠨ ᠪᠠᠶ᠋ᠢᠨᠠ᠃ ᠲᠡᠷᠡ ᠴᠠᠭᠠᠴᠠ ᠠ᠋ᠬᠢᠯᠡᠵᠦ ᠪᠢᠴᠢᠬᠠᠨ ᠥᠬᠢᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠭᠠᠳᠠᠨᠠ ᠬᠢᠴᠢᠶᠡᠯ ᠰᠣᠨᠣᠰᠬᠤ ᠵᠢᠨ ᠲᠠᠭ᠋ᠠᠤ ᠭᠤᠶ᠋ᠢᠷᠠᠨᠴᠢᠯᠠᠵᠦ ᠲᠣᠰ ᠰᠣᠷᠭ᠋ᠠᠭᠤᠯᠢ ᠵᠢ ᠥᠷᠬᠡᠳᠬᠡᠨ ᠪᠠᠶ᠋ᠢᠭᠤᠯᠬᠤᠳᠤ ᠮᠥᠩᠭᠦ ᠬᠤᠷᠠᠮᠳᠣᠭᠤᠯᠵᠦ ᠶᠠᠳᠠᠭᠤᠴᠤᠳᠤᠨ ᠬᠡᠦᠬᠡᠳᠢ ᠪᠥᠷ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠯᠭ᠋ᠠᠬᠤ ᠭᠡᠵᠦ ᠵᠣᠷᠢᠭᠰᠠᠨ ᠪᠠᠶ᠋ᠢᠵᠠᠢ᠃ ᠬᠡᠳᠡᠯᠡ ᠠ᠋ᠨᠡ ᠭᠦ᠌ ᠬᠥᠭᠡᠷᠣᠬᠦᠢ ᠥᠬᠢᠨ ᠴᠠᠰᠣ ᠰᠢᠭᠤᠷᠠᠭ᠋ᠠᠨᠳᠤ ᠡᠪᠦᠯᠤᠨ ᠨᠢᠭᠡ ᠠ᠋ᠳᠦᠷ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠡᠷᠡᠮᠤᠨ ᠭᠠᠳᠠᠨᠠ ᠬᠥᠯᠳᠡᠵᠦ ᠥᠬᠦᠭᠰᠡᠨᠢ ᠬᠦᠮᠦᠰ ᠣᠯᠵᠦ ᠮᠡᠳᠡᠭᠰᠡᠨ ᠪᠥᠭᠡᠳ ᠲᠡᠭᠦᠨᠤ ᠬᠠᠷᠮᠠᠨᠳᠤ 57 ᠮᠥᠩᠭᠦ ᠪᠠ ᠨᠢᠭᠡ ᠴᠠᠭ᠋ᠠᠰᠣᠨ ᠲᠡᠭᠡᠷᠡ ᠮᠣᠷᠣᠢ ᠬᠠᠵᠠᠭ᠋ᠠᠢᠪᠠᠷ 《ᠲᠣᠰ ᠰᠣᠷᠭ᠋ᠠᠭᠤᠯᠢ ᠵᠢ ᠥᠷᠬᠡᠳᠬᠡᠨ ᠪᠠᠶ᠋ᠢᠭᠤᠯᠬᠤᠳᠤ ᠮᠥᠩᠬᠦ ᠬᠤᠷᠠᠮᠳᠣᠭᠤᠯᠵᠦ ᠪᠣᠢ ᠪᠥᠬᠦᠢ ᠶᠠᠳᠠᠭᠤ ᠠᠶ᠋ᠢᠯᠤᠨ ᠬᠡᠦᠬᠡᠳᠢ ᠰᠣᠷᠭ᠋ᠠᠭᠤᠯᠢᠳᠤ ᠰᠠᠭᠤᠯᠭ᠋ᠠᠬᠤ ᠵᠢᠨ ᠲᠥᠯᠣᠭᠡ ᠪᠢ ᠪᠥᠳᠦᠨ ᠨᠢᠭᠡ ᠵᠢᠯ ᠭᠤᠶᠣᠵᠦ ᠣᠯᠣᠭᠰᠠᠨ ᠮᠥᠩᠭᠦ ᠶᠤᠮ》 ᠭᠡᠵᠦ ᠪᠢᠴᠢᠭᠰᠡᠨ ᠪᠠᠶ᠋ᠢᠵᠠᠢ᠃ ᠠ᠋ᠨᠡ ᠭᠦ᠌ ᠴᠢᠮᠡᠭᠡ ᠤᠳᠠᠯ ᠦᠭᠡᠢ ᠲᠠᠷᠬᠠᠭᠳᠠᠵᠤ ᠭᠡᠷ ᠪᠠᠶ᠋ᠢᠰᠢᠩ ᠭᠠᠵᠠᠷ ᠬᠥᠷᠣᠩᠭᠡ ᠵᠢᠨ ᠲᠣᠮᠤ ᠪᠠᠶᠠᠴᠤᠳᠠᠴᠠ ᠪᠢᠴᠢᠬᠠᠨ ᠥᠬᠢᠨᠤ 57 ᠮᠥᠩᠭᠦᠪᠠᠷ ᠵᠠᠭᠤᠨ ᠮᠦ᠍ ᠭᠠᠵᠠᠷᠢ ᠰᠣᠷᠭ᠋ᠠᠭᠤᠯᠢᠳᠤ ᠬᠤᠳᠠᠯᠳᠣᠨ ᠥᠭᠴᠦ᠂ ᠲᠣᠭᠤᠰᠬᠠ᠂ ᠴᠢᠯᠠᠭᠤ᠂ ᠮᠣᠳᠣᠨᠤ ᠠᠷᠠᠯᠵᠢᠶᠠᠴᠢᠳ ᠪᠠᠷᠢᠯᠭᠠ ᠵᠢᠨ ᠮᠠᠲᠸᠷᠢᠶᠠᠯᠢ ᠥᠨᠡ ᠲᠦᠯᠦᠪᠤᠷᠢ ᠦᠭᠡᠢ ᠬᠠᠨᠳᠢᠪᠯᠠᠵᠦ᠂ ᠲᠣᠩ ᠣᠯᠠᠨ ᠪᠠᠷᠢᠯᠭᠠ ᠵᠢᠨ ᠲᠠᠷᠬᠠᠨ ᠬᠦᠴᠦ ᠬᠥᠯᠣᠰᠦ ᠠᠪᠬᠤ ᠦᠭᠡᠢ ᠠᠵᠢᠯᠯᠠᠬᠤᠪᠠᠷ ᠨᠡᠷᠡ ᠮᠡᠳᠡᠭᠦᠯᠵᠦ᠂ ᠠ᠋ᠨᠡ ᠭᠦ᠌ ᠲᠣᠶ᠋ᠢᠯᠤᠨ ᠪᠠᠭᠠ ᠬᠡᠪᠴᠢᠶᠡᠲᠠᠢ ᠢᠵᠠᠭᠤᠷᠳᠠᠨᠤ ᠰᠣᠷᠭ᠋ᠠᠭᠤᠯᠢ ᠵᠢ ᠤᠳᠠᠯ ᠦᠭᠡᠢ ᠵᠠᠭᠤᠨ ᠮᠦ᠍ ᠵᠢᠨ ᠲᠠᠯᠠᠪᠠᠢᠲᠠᠢ ᠨᠢᠭᠡᠨ ᠶᠡᠭᠡ ᠰᠣᠷᠭ᠋ᠠᠭᠤᠯᠢ ᠪᠣᠯᠣᠨ ᠪᠠᠢ᠍ᠢ᠍ᠭᠤᠯᠤᠭᠰᠠᠨ ᠪᠥᠭᠡᠳ ᠰᠣᠷᠭ᠋ᠠᠭᠤᠯᠢ ᠵᠢᠨ ᠨᠡᠷᠡ ᠵᠢ 《ᠹᠢᠯᠠᠳ᠋ᠸᠯᠹᠢᠶᠠ ᠶᠡᠭᠡ ᠰᠣᠷᠭ᠋ᠠᠭᠤᠯᠢ》 ᠭᠡᠮᠡᠨ ᠨᠡᠷᠡᠶ᠋ᠢᠳᠴᠦ᠂ ᠣᠳᠣ ᠪᠣᠯᠬᠤᠳᠤ ᠲᠣᠰ ᠰᠣᠷᠭ᠋ᠠᠭᠤᠯᠢᠨᠢ ᠨᠢᠬᠡᠨᠳᠡ ᠬᠤᠶᠠᠷ ᠵᠠᠭᠤ ᠭᠠᠷᠣᠢ ᠵᠢᠯᠤᠨ ᠲᠡᠦᠬᠡᠲᠠᠢ ᠪᠤᠯᠵᠠᠢ᠃ ᠰᠤᠷᠭ᠋ᠠᠭᠤᠯᠢ ᠭᠡᠬᠦ ᠠ᠋ᠨᠡᠭᠦ ᠠᠷᠢᠭᠤᠨ ᠲᠠᠷᠬᠠᠨ ᠣᠷᠣᠨᠨᠢ ᠬᠡᠦᠬᠡᠳ ᠪᠠᠭ᠋ᠠᠴᠣᠳᠤᠨ ᠬᠦᠰᠡᠯᠡᠩᠤᠨ ᠣᠷᠣᠨ ᠪᠣᠯᠵᠦ᠂ ᠲᠡᠳᠡᠨᠤ ᠣᠶᠣᠨ ᠰᠦᠨᠡᠰᠦ ᠵᠢ ᠲᠠᠭᠤᠳᠠᠨ ᠲᠠᠯᠠᠯᠠᠵᠤ ᠪᠠᠶ᠋ᠢᠳᠠᠭ ᠶᠤᠮ᠃ ᠬᠦᠮᠦᠨ ᠲᠥᠷᠣᠯᠬᠢᠳᠡᠨᠤ ᠥᠨᠢ ᠤᠳᠠᠭ᠋ᠠᠨᠤ ᠣᠷᠤᠭᠠ ᠪᠣᠰᠬᠠᠭᠠ ᠲᠡᠦᠬᠡᠨ ᠶᠠᠪᠣᠴᠠᠳᠤ ᠭᠡᠳᠤᠢ ᠣᠯᠠᠨ ᠬᠡᠦᠬᠡᠳ ᠪᠠᠭ᠋ᠠᠴᠤᠳᠤᠨ ᠰᠣᠷᠭ᠋ᠠᠭᠤᠯᠢ ᠵᠢᠨ ᠠ᠋ᠭᠦᠳᠡᠨ ᠪᠣᠱ᠌ᠤᠭᠠ ᠵᠢ ᠠᠯᠬᠤᠬᠤ ᠬᠦᠰᠡᠯ ᠲᠡᠮᠡᠦᠯᠣᠯᠨᠢ ᠬᠥᠭᠡᠰᠦ ᠪᠣᠯᠣᠨ ᠵᠠᠮᠬᠠᠷᠠᠭᠰᠠᠨᠢ ᠪᠣᠦ ᠮᠡᠳᠡ᠃ ᠰᠣᠷᠭ᠋ᠠᠭᠤᠯᠢᠨᠢ ᠨᠢᠭᠡ ᠬᠦᠮᠦᠨᠤ ᠥᠰᠴᠦ ᠪᠣᠶ᠋ᠢᠵᠢᠬᠤ᠂ ᠰᠣᠷᠤᠯᠴᠠᠬᠤ ᠠᠮᠢᠳᠣᠷᠠᠭ᠍ᠣ᠂ ᠠᠳᠠᠯ ᠥᠢ᠍ᠯᠡᠰ ᠪᠣᠰᠬᠠᠬᠤᠳᠤᠨᠢ ᠬᠢᠵᠠᠭ᠋ᠠᠷ ᠦᠭᠡᠢ ᠶᠡᠭᠡ ᠥᠢ᠍ᠯᠡᠳᠦᠯ ᠥᠵᠡᠭᠦᠯᠳᠡᠭ ᠪᠠᠶ᠋ᠢᠨᠠ᠃ ᠠᠷᠪᠠᠨ ᠬᠡᠳᠦᠨ ᠵᠢᠯᠤᠨ ᠠ᠋ᠮᠦᠨᠡ ᠪᠣᠭᠤᠳᠦ ᠬᠤᠳᠠ ᠵᠢᠨ ᠬᠥᠩᠭᠡᠨ ᠠᠵᠦ ᠥᠢ᠍ᠯᠡᠳᠪᠣᠷᠢ ᠵᠢᠨ ᠲᠣᠮᠳᠠᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠢᠭᠡ ᠰᠣᠷᠣᠭᠴᠢ ᠨᠠᠮᠳᠠᠷᠴᠢᠯᠠᠨ ᠪᠢᠴᠢᠭᠰᠡᠨ ᠲᠡᠦᠬᠡᠨ ᠷᠣᠮᠠᠨ ᠵᠶ᠋ᠠᠨ ᠪᠡᠭᠡᠵᠢᠩᠤᠨ ᠨᠢᠭᠡ ᠬᠡᠪᠯᠡᠯᠤᠨ ᠬᠤᠷᠢᠶᠠᠳᠤ ᠭᠤᠪᠢᠭᠤᠯᠤᠨ ᠢᠯᠡᠭᠡᠭᠰᠡᠨᠳᠤ ᠬᠡᠪᠯᠡᠯᠤᠨ ᠬᠤᠷᠢᠶᠠᠨᠢ ᠲᠣᠰ ᠨᠣᠮᠢ ᠬᠡᠪᠯᠡᠬᠦᠪᠠᠷ ᠪᠣᠯᠵᠦ ᠪᠠᠰᠠ ᠲᠣᠰ ᠰᠣᠷᠣᠭᠴᠢ ᠵᠢ ᠪᠡᠭᠡᠵᠢᠩᠤᠨ ᠲᠠᠪᠣᠨ ᠶᠡᠭᠡ ᠰᠣᠷᠭ᠋ᠠᠭᠤᠯᠢᠳᠤ ᠲᠠᠨᠢᠯᠴᠠᠭᠤᠯᠤᠬᠰᠡᠨᠳᠤ ᠪᠡᠭᠡᠵᠢᠩ ᠶᠡᠭᠡ ᠰᠣᠷᠭ᠋ᠠᠭᠤᠯᠢᠨᠢ ᠵᠣᠷᠰᠢᠯᠢ ᠡᠪᠳᠡᠵᠦ ᠠ᠋ᠯᠰᠡᠵᠦ ᠠᠪᠣᠭᠰᠠᠨ ᠭᠡᠳᠡᠭ᠃ ᠬᠠᠷᠸᠠᠷᠲ ᠶᠡᠭᠡ ᠰᠣᠷᠭ᠋ᠠᠭᠤᠯᠢᠠᠴᠠ ᠲᠡᠭᠦᠰᠦᠭᠰᠡᠨ ᠰᠣᠷᠣᠭᠴᠢᠠᠴᠠ 33 ᠬᠦᠮᠦᠨ ᠨᠤᠪᠸᠯᠤᠨ ᠱᠠᠩᠨᠠᠯ ᠲᠣᠰᠴᠦ᠂ 7 ᠬᠦᠮᠦᠨᠨᠢ ᠠᠮᠸᠷᠢᠺᠠ ᠵᠢᠨ ᠶᠡᠷᠣᠩᠬᠡᠶ᠋ᠢᠯᠡᠭᠴᠢ ᠪᠣᠯᠣᠭᠰᠠᠨ ᠪᠠᠶ᠋ᠢᠨᠠ᠃ ᠴᠢᠳᠠᠪᠣᠷᠢᠳᠠᠨᠨᠢ ᠵᠥᠪᠬᠡᠨ ᠶᠡᠭᠡ ᠰᠣᠷᠭ᠋ᠠᠭᠤᠯᠢᠳᠤ ᠯᠡ ᠬᠦᠮᠦᠵᠢᠭᠳᠡᠬᠦ ᠪᠢᠰᠢ᠂ ᠬᠡᠦᠬᠡᠳᠤᠨ ᠴᠡᠴᠡᠷᠯᠢᠭ᠂ ᠪᠠᠭᠠ ᠰᠣᠷᠭ᠋ᠠᠭᠤᠯᠢ᠂ ᠲᠣᠮᠳᠠᠳᠦ ᠰᠣᠷᠭ᠋ᠠᠭᠤᠯᠢ ᠵᠢᠨ ᠪᠠᠳᠦ ᠪᠠᠬᠢ ᠰᠠᠭᠤᠷᠢ ᠪᠠᠶ᠋ᠢᠬᠤ ᠭᠡᠷᠡᠭᠲᠠᠢ᠃ ᠠ᠋ᠶ᠋ᠢᠮᠦ ᠪᠣᠯᠬᠤᠷ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠱᠠᠳᠦ ᠪᠤᠯ ᠨᠢᠭᠡ ᠭᠦᠮᠦᠨᠤ ᠨᠠᠢ᠍ᠢ᠍ᠭᠡᠮᠳᠤᠪᠠᠨ ᠲᠤᠰᠠᠳᠠᠢ᠂ ᠴᠢᠳᠠᠪᠤᠷᠢᠳᠠᠢ ᠭᠦᠮᠦᠨ ᠪᠤᠯᠵᠤ ᠭᠦᠮᠦᠵᠢᠭᠳᠡᠭᠦ ᠬᠠᠮᠤᠭᠤᠨ ᠦᠨᠳᠤᠰᠤᠨ᠂ ᠬᠠᠮᠤᠭᠤᠨ ᠵᠠᠨᠭ᠌ᠬᠢᠯᠠᠭᠠ ᠵᠢᠨ ᠦᠶᠠ ᠪᠤᠯᠬᠤ ᠶᠤᠮ᠃
ᠲᠥᠷᠪᠡ᠂ ᠨᠡᠶ᠋ᠢᠭᠡᠮ
ᠨᠡᠶ᠋ᠢᠬᠡᠮ ᠪᠣᠯ ᠲᠤᠮᠤ ᠶᠡᠭᠡ ᠭᠡᠷ ᠪᠥᠯᠢ ᠪᠠᠶ᠋ᠢᠵᠦ ᠬᠦᠮᠦᠨᠤ ᠥᠰᠴᠦ ᠪᠣᠶ᠋ᠢᠵᠢᠬᠤ᠂ ᠠᠮᠢᠳᠣᠷᠠᠵᠦ ᠣᠷᠣᠰᠢᠬᠤ ᠥᠷᠭᠡᠨ ᠠᠭᠤᠳᠠᠮ ᠥᠨᠢᠷ ᠪᠠᠶᠠᠯᠢᠭ ᠣᠷᠣᠨ ᠵᠠᠢ ᠪᠣᠯᠣᠨᠠ᠃ ᠨᠡᠶ᠋ᠢᠭᠡᠮᠨᠢ ᠰᠠᠶ᠋ᠢᠨ ᠪᠠ ᠮᠠᠭᠤ᠂ ᠰᠠᠶ᠋ᠢᠬᠠᠨ ᠪᠠ ᠮᠠᠭᠤᠬᠠᠢ᠂ ᠪᠤᠯᠬᠢ ᠪᠠ ᠪᠣᠯᠪᠠᠰᠣᠨ᠂ ᠲᠠᠪᠰᠢᠩᠭᠤᠢ ᠪᠠ ᠬᠤᠴᠣᠷᠣᠩᠭᠤᠢ ᠵᠡᠷᠭᠡ ᠠᠯᠢ ᠪᠥᠬᠦᠨᠢ ᠪᠥᠷᠢᠯᠳᠦᠭᠦᠯᠦᠭᠰᠡᠨ ᠲᠥᠪᠡᠭ ᠪᠣᠳᠦᠯᠢᠶᠠᠨᠳᠤ ᠤᠷᠴᠢᠨ ᠠᠬᠤᠢ ᠪᠠᠶ᠋ᠢᠵᠦ ᠬᠦᠮᠦᠨᠢ ᠦᠭᠡᠳᠡᠯᠡᠵᠦ ᠲᠠᠳᠠᠵᠤ ᠲᠠᠪᠰᠢᠭᠤᠯᠬᠤ᠂ ᠲᠣᠷᠣᠶ᠋ᠢᠳᠠᠭᠤᠯᠬᠤ ᠠᠯᠢ ᠪᠥᠬᠦᠨᠢ ᠭᠦᠢ᠍ᠴᠡᠳᠬᠡᠵᠦ ᠲᠡᠶ᠋ᠢᠯᠬᠦ ᠣᠷᠣᠨ ᠵᠠᠢ ᠪᠠᠢ᠍ᠢ᠍ᠭᠠ ᠶᠤᠮ᠃ ᠨᠡᠶ᠋ᠢᠭᠡᠮ ᠪᠣᠯ ᠮᠥᠨ ᠴᠦ᠍ ᠬᠦᠮᠦᠨ ᠲᠥᠷᠣᠯᠬᠢᠳᠡᠨᠢ ᠬᠥᠭᠵᠢᠭᠦᠯᠬᠦ ᠪᠣᠳᠠᠳᠦ ᠰᠠᠭᠤᠷᠢᠨ ᠭᠠᠵᠠᠷ ᠪᠣᠯᠬᠤᠷ ᠬᠦᠮᠦᠨᠢ ᠲᠣᠬᠠᠢ ᠵᠢᠨ ᠨᠡᠶ᠋ᠢᠭᠡᠮᠤᠨ ᠣᠷᠴᠢᠨ ᠠᠬᠤᠢᠳᠤᠪᠠᠨ ᠵᠣᠬᠢᠴᠠᠭ᠍ᠣ ᠵᠢ ᠱᠠᠭ᠋ᠠᠷᠳᠠᠭ᠍ᠣ ᠶᠤᠮ᠃ ᠨᠡᠶ᠋ᠢᠭᠡᠮᠨᠢ ᠬᠦᠮᠦᠨᠢ ᠰᠢᠯᠢᠬᠦ ᠰᠢᠭᠰᠢᠬᠦ ᠪᠥᠬᠦ ᠶᠠᠪᠣᠴᠠ ᠵᠢ ᠪᠣᠳᠠᠳᠠᠢ ᠠᠮᠢᠳᠣᠷᠠᠯ ᠥᠢ᠍ᠯᠡᠳᠦᠯᠭᠡᠪᠠᠷ ᠲᠠᠮᠵᠢᠭᠤᠯᠵᠦ ᠭᠦᠢ᠍ᠴᠡᠳᠬᠡᠨᠡ᠃ ᠲᠣᠬᠠᠢ ᠵᠢᠨ ᠨᠡᠶ᠋ᠢᠭᠡᠮᠠᠴᠠ ᠲᠠᠪᠠᠭᠰᠠᠨ ᠪᠣᠶᠣ ᠲᠤᠬᠠᠢ ᠵᠢᠨ ᠠᠬᠤᠢᠠᠴᠠ ᠵᠠᠶ᠋ᠢᠯᠠᠵᠦ ᠴᠢᠳᠠᠭ᠍ᠤ ᠬᠦᠮᠦᠨ ᠪᠠᠶ᠋ᠢᠬᠤ ᠦᠭᠡᠢ᠃ ᠬᠦᠮᠦᠨᠤ ᠠᠮᠢᠳᠣᠷᠠᠯ ᠠᠵᠢᠯ ᠥᠢ᠍ᠯᠡᠰᠤᠨ ᠥᠨᠴᠥᠭ ᠪᠣᠯᠣᠩ ᠠᠯᠢ ᠪᠥᠬᠦᠨᠳᠤᠨᠢ ᠲᠣᠬᠠᠢ ᠵᠢᠨ ᠨᠡᠶ᠋ᠢᠭᠡᠮᠤᠨ ᠠᠭᠤᠷ ᠠᠮᠢᠰᠬᠤᠯ ᠨᠡᠪᠴᠢᠵᠦ ᠨᠥᠯᠥᠭᠡ ᠲᠣᠰᠬᠠᠯ ᠭᠠᠷᠭ᠋ᠠᠨᠠ᠃
ᠬᠡᠦᠬᠡᠳ ᠪᠠᠭ᠋ᠠᠴᠤᠳᠤᠨ ᠣᠷᠣᠰᠢᠵᠦ ᠪᠥᠬᠦᠢ ᠲᠣᠬᠠᠢ ᠵᠢᠨ ᠨᠡᠶ᠋ᠢᠭᠡᠮᠨᠢ ᠬᠡᠦᠬᠡᠳᠢ ᠤᠯᠠᠨ ᠲᠠᠯᠠᠪᠠᠷ ᠬᠢᠵᠠᠭ᠋ᠠᠷᠯᠠᠭ᠍ᠤ ᠪᠥᠭᠡᠳ ᠱᠠᠭ᠋ᠠᠷᠳᠠᠨᠠ᠃ ᠶᠢᠷᠳᠢᠨᠴᠦ ᠵᠢᠨ ᠠᠯᠢᠪᠠ ᠬᠡᠷᠡᠭ ᠪᠣᠳᠠᠰ ᠬᠡᠵᠢᠶᠡᠳᠡ ᠤᠯᠠᠷᠢᠵᠦ ᠬᠤᠪᠢᠷᠠᠭ᠍ᠤ ᠬᠦᠳᠡᠯᠭᠡᠭᠡᠨᠤ ᠲᠤᠮᠳᠠ ᠤᠷᠤᠰᠢᠨᠠ᠃ ᠭᠦᠭᠵᠢᠯᠳᠠᠨᠢ ᠨᠡᠶ᠋ᠢᠭᠡᠮᠤᠨ ᠵᠠᠶ᠋ᠢᠯᠠᠰᠢ ᠦᠭᠡᠢ ᠵᠢᠮᠠ ᠶᠤᠰᠤ᠃ ᠨᠡᠶ᠋ᠢᠭᠡᠮ ᠬᠡᠳᠦᠢ ᠬᠥᠭᠵᠢᠬᠦ ᠲᠣᠳᠣᠮ ᠬᠦᠮᠦᠨᠳᠤ ᠲᠠᠯᠪᠢᠬᠤ ᠱᠠᠭ᠋ᠠᠷᠳᠠᠯᠭᠠᠨᠢ ᠲᠡᠳᠦᠢ ᠥᠨᠳᠦᠷ ᠪᠣᠯᠣᠨᠠ᠃ ᠲᠡᠶ᠋ᠢᠮᠦᠳᠤᠪᠠᠨ ᠨᠡᠶ᠋ᠢᠭᠡᠮ ᠭᠡᠳᠡᠭ ᠶᠡᠭᠡ ᠭᠡᠷ ᠪᠥᠯᠢ ᠵᠢᠨ ᠠᠭᠤᠷ ᠠᠮᠢᠰᠬᠤᠯ ᠬᠡᠳᠦᠢ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ᠂ ᠬᠡᠳᠦᠢ ᠠᠷᠢᠭᠤᠨ ᠴᠡᠪᠡᠷ ᠪᠤᠯ ᠬᠡᠦᠬᠡᠳ ᠪᠠᠭ᠋ᠠᠴᠣᠳᠤᠨ ᠥᠰᠥᠨ ᠪᠣᠶ᠋ᠢᠵᠢᠬᠤ᠂ ᠰᠣᠶᠣᠯ ᠬᠦᠮᠦᠵᠢᠯ ᠬᠦᠷᠳᠡᠬᠦᠳᠤ ᠲᠡᠳᠦᠢ ᠠᠴᠢ ᠲᠣᠰᠠᠲᠠᠢ ᠪᠠᠢ᠍ᠢ᠍ᠳᠠᠬ᠃ ᠲᠥᠷᠥ ᠴᠢᠭᠴᠢ ᠪᠣᠯ ᠲᠥᠮᠡᠨ ᠠᠮᠣᠭᠤᠯᠠᠩ᠂ ᠨᠡᠶ᠋ᠢᠬᠡᠮ ᠴᠦ᠍ ᠲᠠᠶ᠋ᠢᠪᠤᠭᠤᠨ ᠪᠠᠶ᠋ᠢᠵᠦ ᠴᠢᠳᠠᠨᠠ᠃ ᠨᠡᠶ᠋ᠢᠭᠡᠮ ᠲᠠᠶ᠋ᠢᠪᠤᠭᠤᠨ ᠪᠠᠶ᠋ᠢᠮᠠᠨᠵᠢᠨ ᠰᠠᠶᠢ ᠠᠷᠠᠳ ᠲᠦᠮᠡᠨᠳᠤ ᠠᠰᠢᠭ ᠲᠣᠰᠠᠲᠠᠢ ᠪᠠᠶ᠋ᠢᠵᠦ᠂ ᠰᠣᠷᠭ᠋ᠠᠨ ᠬᠦᠮᠦᠵᠢᠯ ᠬᠦᠷᠳᠡᠬᠦ ᠪᠣᠰᠣᠳᠴᠢ ᠣᠷᠴᠢᠨ ᠠᠬᠤᠢ ᠨᠥᠬᠦᠴᠡᠯ ᠪᠣᠯᠣᠯᠴᠠᠭᠠ ᠵᠢ ᠬᠠᠨᠤᠮᠵᠢᠲᠠᠢ ᠬᠠᠩᠭ᠋ᠠᠬᠤ ᠪᠤᠯᠤᠮᠵᠢᠲᠠᠢ ᠶᠤᠮ᠃
ᠭᠡᠷ ᠪᠥᠯᠢ᠂ ᠪᠠᠭᠰᠢ᠂ ᠰᠣᠷᠭ᠋ᠠᠭᠤᠯᠢ᠂ ᠨᠡᠶ᠋ᠢᠬᠡᠮ ᠪᠣᠯ ᠥᠰᠬᠦ ᠨᠠᠰᠣᠨᠤ ᠬᠡᠦᠬᠡᠳ ᠪᠠᠭ᠋ᠠᠴᠣᠳᠤᠨ ᠥᠭᠡᠳᠡᠯᠡᠵᠦ ᠬᠥᠭᠵᠢᠬᠦ᠂ ᠠ᠋ᠰᠠᠭᠦᠯᠠ ᠤᠷᠣᠭᠤᠳᠠᠭ᠍ᠤ ᠲᠤᠷᠤᠶ᠋ᠢᠳᠠᠭ᠍ᠤ ᠵᠢ ᠲᠣᠭᠳᠠᠭ᠋ᠠᠬᠤ ᠬᠠᠮᠤᠭᠤᠨ ᠵᠠᠩᠬᠢᠯᠠᠭᠠ ᠵᠢᠨ ᠠᠨᠢᠰᠣ ᠶᠤᠮ᠃ ᠨᠡᠶ᠋ᠢᠭᠡᠮᠤᠨ ᠠᠭᠤᠷ ᠠᠮᠢᠰᠬᠤᠯᠨᠢ ᠲᠥᠷᠥ ᠤᠯᠤᠰ᠂ ᠠᠷᠠᠳ ᠲᠥᠮᠡᠨᠤ ᠤᠯᠠᠮᠵᠢᠯᠠᠯᠳᠦ ᠰᠣᠶᠣᠯ᠂ ᠠᠵᠦ ᠠᠬᠤᠢ᠂ ᠪᠣᠯᠪᠠᠰᠣᠨᠤ ᠬᠢᠷᠢ ᠲᠥᠪᠰᠢᠨ ᠵᠡᠷᠭᠡᠪᠠᠷ ᠰᠠᠭᠤᠷᠢᠯᠠᠵᠦ ᠬᠡᠦᠬᠡᠳᠤᠨ ᠥᠰᠣᠨ ᠪᠣᠶ᠋ᠢᠵᠢᠬᠤ᠂ ᠮᠡᠳᠡᠯᠭᠡ ᠡᠵᠡᠮᠰᠢᠬᠦ᠂ ᠥᠢ᠍ᠯᠡᠰ ᠪᠥᠳᠦᠭᠡᠬᠦᠳᠤ ᠪᠣᠰᠣᠳᠴᠢ ᠨᠥᠭᠦᠴᠡᠯᠢ ᠬᠠᠩᠭ᠋ᠠᠬᠤ ᠶᠤᠮ᠃ ᠵᠠᠰᠠᠭ ᠲᠥᠷᠣ᠂ ᠠᠷᠠᠳ ᠲᠥᠮᠡᠨ ᠠ᠋ᠨᠡ ᠭᠦ᠌ ᠣᠷᠣᠰᠢᠨ ᠲᠣᠭᠳᠠᠨᠢᠵᠦ ᠪᠠᠶ᠋ᠢᠬᠤ ᠨᠡᠶ᠋ᠢᠭᠡᠮᠤᠨ ᠠᠭᠤᠷ ᠠᠮᠢᠰᠬᠤᠯᠢ ᠰᠠᠢ᠍ᠢ᠍ᠳᠤᠷ ᠠᠷᠢᠭᠤᠳᠬᠠᠨ ᠴᠡᠪᠡᠷᠯᠡᠭᠦ ᠴᠢᠬᠤᠯᠠᠲᠠᠢ ᠶᠤᠮ᠃ ᠨᠡᠶ᠋ᠢᠬᠡᠮᠤᠨ ᠬᠡᠰᠢᠬᠦᠨ ᠨᠢᠭᠡ ᠪᠦᠷᠢ ᠠᠷᠭᠠ ᠪᠥᠬᠦᠨᠢ ᠰᠥᠪᠡᠭᠴᠢᠯᠡᠵᠦ ᠬᠡᠦᠬᠡᠳ ᠪᠠᠭ᠋ᠠᠴᠣᠳᠤᠨ ᠥᠰᠴᠦ ᠪᠣᠶ᠋ᠢᠵᠢᠬᠤ ᠬᠥᠷᠥᠰᠦ ᠰᠢᠷᠣᠢ ᠵᠢ ᠠᠷᠢᠭᠤᠨ ᠴᠡᠪᠡᠷ᠂ ᠥᠩ ᠰᠢᠮᠡᠯᠢᠭ᠂ ᠥᠨᠢᠷ ᠪᠠᠶᠠᠯᠢᠭ᠂ ᠠᠭᠤᠳᠠᠮ ᠰᠠᠷᠠᠭᠤᠯ ᠪᠠᠶ᠋ᠢᠯᠭ᠋ᠠᠬᠤᠳᠤ ᠬᠦᠴᠦᠪᠠᠨ ᠠ᠋ᠷᠭᠦᠵᠦ ᠲᠣᠰᠠᠪᠠᠨ ᠥᠵᠡᠭᠦᠯᠬᠦ ᠬᠡᠷᠡᠭᠲᠠᠢ᠃ ᠥᠨᠥᠳᠦᠷᠤᠨ ᠠ᠋ᠨᠡ ᠭᠦ᠌ ᠣᠷᠣᠰᠢᠵᠦ ᠪᠠᠶ᠋ᠢᠬᠤ ᠨᠡᠶ᠋ᠢᠭᠡᠮᠤᠨ ᠣᠷᠴᠢᠨ ᠠᠬᠤᠢ᠂ ᠠᠭᠤᠷ ᠠᠮᠢᠰᠬᠤᠯ ᠵᠡᠷᠭᠡ ᠤᠯᠠᠨ ᠲᠠᠯᠠ ᠵᠢᠨ ᠰᠢᠯᠳᠠᠭ᠋ᠠᠨᠠᠴᠠ ᠪᠣᠯᠵᠦ᠂ ᠴᠥᠭᠡᠨ ᠪᠣᠰᠣ ᠵᠠᠯᠠᠭᠤ ᠪᠠᠭ᠋ᠠᠴᠣᠳ ᠵᠣᠶ᠋ᠢᠯᠤᠨ ᠶᠠᠯᠠᠳᠦ ᠬᠡᠷᠡᠭ ᠬᠢᠵᠦ ᠪᠠᠶ᠋ᠢᠨᠠ᠃ ᠶᠡᠷᠦᠨᠢ ᠪᠠᠯᠠᠮᠠᠳ ᠬᠡᠷᠴᠡᠭᠡᠢ ᠰᠥᠷᠭᠡᠤ ᠶᠠᠭᠤᠮᠠᠨᠢ ᠪᠣᠯᠪᠠᠰᠣᠨ ᠰᠣᠶᠣᠯᠢ ᠪᠣᠷᠪᠢᠳᠠᠨ ᠬᠦᠮᠦᠨ ᠲᠥᠷᠣᠯᠬᠢᠳᠡᠨᠤ ᠪᠣᠯᠪᠠᠰᠤᠨ ᠲᠡᠢ᠍ᠢ᠍ᠰᠢ ᠬᠥᠭᠵᠢᠬᠦ ᠵᠢ ᠶᠡᠭᠡ ᠬᠠᠷᠰᠢᠯᠠᠵᠦ ᠪᠠᠶ᠋ᠢᠨᠠ᠃ ᠭᠡᠷᠤᠨ ᠠᠬᠠᠮᠠᠳᠤᠨ ᠪᠣᠳᠣᠯ ᠪᠣᠯᠣᠨ ᠰᠠᠨᠠᠭ᠋ᠠᠰᠢᠷᠠᠨ ᠰᠢᠨᠠᠯᠠᠳᠠᠭᠨᠢ ᠬᠡᠦᠬᠡᠳᠤᠨ ᠠ᠋ᠷᠡᠭᠦᠯ ᠠ᠋ᠩᠭᠡ᠂ ᠠᠵᠦ ᠠᠮᠢᠳᠣᠷᠠᠯ᠂ ᠠᠵᠢᠯ ᠥᠢ᠍ᠯᠡᠰ᠂ ᠠᠯᠣᠰ ᠢᠷᠡᠭᠡᠳᠦᠢ ᠶᠤᠮ᠃ ᠠ᠋ᠶᠡ ᠨᠠᠶ᠋ᠢᠷ ᠪᠢᠯᠬᠠᠭᠰᠠᠨ ᠠ᠋ᠨᠡ ᠭᠦ᠌ ᠨᠡᠶ᠋ᠢᠭᠡᠮ ᠠᠬᠤᠢᠳᠤ ᠵᠠᠯᠠᠭᠤ ᠪᠠᠭ᠋ᠠᠴᠣᠳ ᠥᠪᠡᠷᠤᠨ ᠭᠡᠰᠡᠨ ᠣᠷᠣᠨ ᠵᠠᠢᠪᠠᠨ ᠣᠯᠣᠨᠠ ᠭᠡᠪᠡᠯ ᠪᠥᠬᠦ ᠲᠠᠯᠠᠪᠠᠷ ᠬᠦᠮᠦᠵᠢᠭᠳᠡᠵᠤ ᠭᠦᠭᠵᠢᠭᠦ ᠵᠢ ᠱᠠᠭ᠋ᠠᠷᠳᠠᠨᠠ᠃
ᠲᠠᠪᠤ᠂ ᠰᠡᠳᠬᠢᠴᠡ ᠵᠢᠨ ᠠ᠋ᠷᠡᠭᠦᠯ ᠮᠡᠨᠳᠦ ᠵᠢᠨ ᠬᠦᠮᠦᠵᠢᠯ
ᠲᠡᠭᠡᠷᠠ ᠶᠠᠷᠢᠭᠰᠠᠨ ᠭᠡᠳᠤᠨ ᠲᠠᠯᠠᠠᠴᠠ ᠭᠠᠳᠠᠨᠠ᠂ ᠲᠣᠮᠳᠠᠳᠦ ᠰᠣᠷᠭ᠋ᠠᠭᠤᠯᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠤᠭᠴᠢᠳ ᠰᠡᠳᠬᠢᠴᠡ ᠵᠢᠨ ᠠ᠋ᠷᠡᠭᠦᠯ ᠮᠡᠨᠳᠦ ᠵᠢ ᠴᠢᠬᠤᠯᠠᠴᠢᠯᠠᠨ ᠠᠳᠬᠤᠪᠠᠯ ᠵᠤᠬᠢᠨᠠ᠃ ᠠ᠋ᠨᠡ ᠲᠠᠯᠠᠪᠠᠷ ᠨᠡᠶ᠋ᠢᠭᠡᠮᠤᠨᠬᠢᠨ ᠭᠦᠢ᠍ᠴᠡᠳ ᠭᠦᠨᠳᠤᠳᠭᠡᠭᠦ ᠦᠭᠡᠢ ᠪᠠᠶ᠋ᠢᠨᠠ᠃ ᠰᠡᠳᠬᠢᠯᠤᠨ ᠭᠦᠮᠦᠵᠢᠯᠢ ᠤᠷᠢᠳᠴᠢᠯᠠᠨ ᠰᠡᠷᠭᠡᠶ᠋ᠢᠯᠡᠬᠦ ᠠ᠋ᠭᠦᠳᠡᠨᠠᠴᠠ ᠬᠢᠪᠡᠯ ᠠᠴᠢ ᠲᠣᠰᠠ ᠶᠡᠭᠡ ᠭᠠᠷᠣᠨᠠ᠃ ᠬᠦᠮᠦᠨᠤ ᠪᠣᠬᠢᠨᠢᠳᠣᠯᠢ ᠲᠠᠶ᠋ᠢᠯᠵᠦ ᠪᠠᠴᠢᠭᠤᠳᠠᠭᠰᠠᠨ ᠰᠡᠳᠬᠢᠯᠢ ᠲᠠᠶ᠋ᠢᠪᠣᠰᠢᠷᠠᠭᠤᠯᠬᠤ ᠵᠣᠭᠤᠭ ᠶᠠᠷᠢᠯᠴᠠᠭᠠᠨᠢ ᠭᠠᠵᠢ ᠪᠣᠷᠣᠭᠤ ᠬᠡᠷᠡᠭ ᠬᠢᠬᠦ ᠵᠢ ᠰᠠᠷᠭᠡᠢ᠍ᠢ᠍ᠯᠡᠵᠤ ᠲᠠᠢ᠍ᠢ᠍ᠯᠳᠡᠭ᠃ ᠨᠠᠰᠣᠨᠳᠤ ᠬᠦᠷᠦᠭᠡᠳᠦᠢ ᠬᠡᠦᠬᠡᠳ ᠪᠠᠭ᠋ᠠᠴᠣᠳᠤᠨ ᠶᠠᠯᠠ ᠬᠢᠵᠦ ᠪᠠᠶ᠋ᠢᠭᠠ ᠥᠵᠡᠭᠳᠡᠯ ᠬᠠᠮᠢᠭᠠ ᠴᠦ᠍ ᠪᠥᠷ ᠣᠷᠣᠰᠢᠵᠦ ᠪᠠᠶ᠋ᠢᠨᠠ᠃ ᠠ᠋ᠨᠡ ᠣᠯᠠᠨ ᠬᠡᠦᠬᠡᠳᠤᠨ ᠲᠣᠳᠣᠷᠠ ᠰᠡᠴᠡᠨ ᠰᠡᠷᠭᠦᠯᠡᠩ ᠬᠡᠦᠬᠡᠳ ᠪᠠᠶ᠋ᠢᠬᠤ ᠯᠠ ᠶᠤᠮ᠃ ᠰᠡᠴᠡᠨ ᠰᠡᠷᠭᠦᠯᠡᠩ ᠬᠡᠦᠬᠡᠳᠢ ᠬᠦᠮᠦᠵᠢᠭᠦᠯᠭᠦ ᠭᠡᠭᠴᠢ ᠬᠢᠯᠪᠠᠷᠬᠠᠨ ᠪᠢᠰᠢ᠃ ᠬᠠᠷᠠᠮᠰᠠᠯᠲᠠᠢᠨᠢ ᠭᠡᠪᠡᠯ᠂ ᠦᠨᠦ ᠵᠢᠨ ᠨᠠᠢ᠍ᠢ᠍ᠭᠡᠮᠤᠨ ᠨᠦᠭᠦᠴᠡᠯᠨᠢ ᠰᠡᠴᠡᠨ ᠰᠡᠷᠭᠦᠯᠡᠩ ᠬᠡᠦᠬᠡᠳᠲᠤ ᠲᠣᠬᠢᠷᠠᠭᠰᠠᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠢ ᠰᠢᠰᠲ᠋ᠧᠮᠲᠠᠢ ᠪᠥᠷᠢᠨ ᠲᠡᠭᠦᠯᠳᠡᠷ ᠭᠦᠷᠳᠡᠭᠡᠵᠦ ᠴᠢᠳᠠᠭ᠍ᠤ ᠦᠭᠡᠢ ᠪᠠᠶ᠋ᠢᠨᠠ᠃ ᠮᠠᠯᠵᠢᠬᠤ ᠣᠷᠣᠨᠳᠤ ᠲᠠᠭᠤᠣ ᠤᠷᠠᠯᠢᠭᠲᠤ ᠠᠪᠢᠶᠠᠰ ᠪᠢᠯᠢᠭᠲᠠᠢ ᠲᠣᠷᠠ ᠪᠠᠬᠠᠲᠠᠢ ᠬᠡᠦᠬᠡᠳᠤᠳ ᠪᠠᠶ᠋ᠢᠬᠤ ᠯᠠ ᠶᠤᠮ᠃ ᠭᠡᠪᠠᠴᠤ ᠲᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠰᠠᠭᠤᠷᠢ ᠮᠡᠳᠡᠯᠭᠡ᠂ ᠥᠨᠳᠦᠰᠦᠨ ᠪᠣᠯᠪᠠᠰᠣᠷᠠᠯᠢ ᠰᠢᠰᠲ᠋ᠧᠮᠲᠠᠢ ᠭᠦᠢ᠍ᠴᠡᠳ ᠭᠦᠷᠳᠡᠭᠡᠵᠦ ᠴᠢᠳᠠᠭ᠍ᠤ ᠦᠭᠡᠢ ᠪᠣᠯᠬᠤᠷ ᠤᠷᠠᠯᠢᠭᠤᠨ ᠥᠢ᠍ᠯᠡᠰᠤᠨ ᠠᠶᠠᠨᠤ ᠬᠠᠷᠭᠤᠢᠳᠤᠨᠢ ᠪᠠᠷᠳᠠᠭᠠ ᠲᠦᠭᠦᠷᠠᠩ ᠪᠠᠢ᠍ᠢ᠍ᠨᠠ᠃
《ᠲᠣᠳᠦᠭ᠋ᠠᠳᠦ ᠨᠥᠭᠦᠴᠡᠯᠨᠢ ᠭᠠᠳᠠᠭ᠋ᠠᠳᠦ ᠰᠢᠯᠳᠠᠭ᠋ᠠᠨ ᠵᠶ᠋ᠠᠷ ᠲᠠᠮᠵᠢᠵᠦ ᠥᠢ᠍ᠯᠡᠳᠦᠯ ᠭᠠᠷᠣᠨᠠ》 ᠭᠡᠵᠦ ᠭᠦᠨ ᠤᠬᠠᠭ᠋ᠠᠨᠳᠤ ᠬᠡᠯᠡᠳᠡᠭ᠃ ᠬᠡᠷᠪᠡ ᠥᠨᠳᠡᠭᠡᠨᠳᠤ ᠭᠠᠳᠠᠨᠠᠠᠴᠠ ᠲᠣᠬᠢᠷᠠᠭᠰᠠᠨ ᠬᠠᠯᠠᠭᠤᠨᠢ ᠦᠭᠪᠡᠯ ᠥᠨᠳᠡᠭᠡᠨᠢ ᠲᠣᠭᠳᠠᠮᠠᠯ ᠬᠤᠭᠤᠴᠠᠭ᠋ᠠᠨᠳᠤᠪᠠᠨ ᠴᠣᠷᠪᠠᠭᠠ ᠨᠡᠪᠴᠢᠨᠡ᠃ ᠭᠡᠳᠡᠯᠠ ᠴᠢᠯᠠᠭᠤᠨᠳᠤ ᠲᠣᠭᠳᠠᠮᠠᠯ ᠬᠤᠭᠤᠴᠠᠭᠠᠲᠠᠢ ᠲᠣᠬᠢᠷᠠᠭᠰᠠᠨ ᠬᠠᠯᠠᠭᠤᠨᠢ ᠥᠭᠭᠦᠭᠰᠡᠨ ᠴᠦ᠍ ᠬᠤᠪᠢᠷᠠᠭ᠍ᠤ ᠦᠭᠡᠢ᠃ ᠮᠥᠨ ᠥᠨᠳᠡᠭᠡᠨᠳᠤ ᠭᠠᠳᠠᠨᠠᠠᠴᠠ ᠬᠠᠯᠠᠭᠤᠨ ᠥᠭᠬᠦ ᠦᠭᠡᠢ ᠪᠣᠯ ᠥᠨᠳᠡᠭᠡ ᠴᠦ᠍ ᠬᠤᠪᠢᠷᠠᠭ᠍ᠤ ᠦᠭᠡᠢ᠃ ᠠ᠋ᠨᠡ ᠶᠤᠰᠤᠪᠠᠷ ᠬᠡᠦᠬᠡᠳᠤᠨ ᠲᠠᠯᠳᠠ ᠬᠦᠴᠦᠨ ᠴᠦ᠍ ᠮᠥᠨ ᠬᠤᠵᠢᠮᠤᠨ ᠠ᠋ᠳᠦᠷᠤᠨ ᠬᠦᠮᠦᠵᠢᠭᠦᠯᠭᠦᠪᠠᠷ ᠲᠠᠮᠵᠢᠵᠦ ᠨᠡᠭᠡᠭᠡᠭᠳᠡᠨᠡ ᠭᠡᠰᠡᠨᠢ ᠣᠶ᠋ᠢᠯᠠᠭ᠋ᠠᠵᠦ ᠪᠣᠯᠣᠨᠠ᠃ ᠥᠬᠡᠷᠲᠤ ᠶᠠᠳᠤᠭᠠ ᠲᠡᠯᠡᠳᠬᠦ ᠪᠠ ᠭᠤᠯᠣᠩᠬᠠᠢ ᠬᠤᠨᠢ ᠵᠢ ᠲᠣᠶ᠋ᠢᠭᠯᠠᠭ᠍ᠤ ᠬᠤᠶᠠᠷᠨᠢ ᠠ᠋ᠷᠡᠰ ᠣᠨᠳᠣᠣ ᠥᠷᠡ ᠳ᠋ᠦᠩᠢ ᠠᠪᠴᠢᠷᠠᠨᠠ᠃ ᠲᠣᠶ᠋ᠢᠭᠯᠠᠭ᠍ᠣᠨᠢ ᠠᠶᠠ ᠲᠠᠭᠤᠣᠪᠠᠷ ᠲᠠᠮᠵᠢᠭᠤᠯᠵᠦ ᠬᠤᠷᠠᠭᠠᠪᠠᠨ ᠭᠤᠯᠣᠭᠰᠠᠨ ᠬᠤᠨᠢ ᠵᠢ ᠬᠤᠷᠠᠭᠠᠳᠤᠨᠢ ᠠᠮᠠᠷᠠᠭ ᠪᠣᠯᠭ᠋ᠠᠵᠦ ᠪᠠᠶ᠋ᠢᠨᠠ᠃ ᠠ᠋ᠨᠡ ᠪᠣᠯ ᠮᠥᠨ ᠭᠠᠳᠠᠭ᠋ᠠᠳᠦ ᠬᠦᠴᠦᠨᠤ ᠥᠢ᠍ᠯᠡᠳᠦᠯ ᠪᠤᠯᠤᠨᠠ᠃ ᠬᠡᠦᠬᠡᠳᠤᠨ ᠲᠠᠯᠳᠠ ᠬᠦᠴᠦᠨᠢ ᠨᠡᠭᠡᠭᠡᠨᠡ ᠭᠡᠳᠡᠭ ᠬᠢᠯᠪᠠᠷ ᠪᠢᠰᠢ᠃ ᠬᠡᠦᠬᠡᠳ ᠪᠠᠭ᠋ᠠᠴᠣᠳᠤᠨ ᠰᠣᠷᠣᠯᠭᠠ ᠵᠢᠨ ᠲᠠᠷᠣᠭ᠋ᠠᠰᠤ ᠬᠥᠨᠳᠦ᠂ ᠴᠠᠭ ᠴᠢᠯᠦᠭᠡ ᠪᠠᠴᠢᠮ ᠪᠤᠯᠬᠤᠷ ᠲᠡᠳᠡᠨᠤ ᠰᠠᠨᠠᠭᠠ ᠪᠣᠳᠣᠯᠤᠨ ᠠ᠋ᠮᠵᠡᠭ ᠠᠷᠬᠠᠭᠢ ᠣᠶ᠋ᠢᠯᠠᠭ᠋ᠠᠬᠤᠳᠤ ᠭᠦᠴᠢᠷ᠂ ᠵᠠᠰᠠᠵᠦ ᠵᠠᠯᠠᠷᠠᠭᠤᠯᠬᠤᠳᠤ ᠴᠤ᠌ ᠬᠡᠴᠡᠭᠦᠦ ᠪᠠᠶ᠋ᠢᠳᠠᠭ᠃ ᠬᠡᠦᠬᠡᠳ ᠪᠠᠭ᠋ᠠᠴᠣᠳᠢ ᠪᠠᠶ᠋ᠢᠭ᠋ᠠᠯᠢ ᠨᠡᠶ᠋ᠢᠭᠡᠮ ᠬᠤᠶᠠᠷᠲᠠᠢ ᠢᠯᠡᠭᠦᠣ ᠤᠢ᠍ᠢ᠍ᠷᠠᠳᠤᠭᠤᠯᠵᠤ ᠬᠠᠷᠠᠴᠠ ᠵᠢᠨᠢ ᠥᠷᠭᠡᠳᠬᠡᠵᠦ ᠪᠣᠳᠠᠳᠦ ᠠᠮᠢᠳᠣᠷᠠᠯᠤᠨ ᠲᠣᠮᠳᠠ ᠲᠠᠳᠣᠯᠭᠠ ᠬᠢᠯᠭᠡᠭᠦᠨᠢ ᠶᠡᠭᠡ ᠠᠴᠢ ᠲᠣᠰᠠᠲᠠᠢ ᠪᠠᠢ᠍ᠢ᠍ᠳᠠᠬ᠃ ᠰᠤᠶᠣᠯ ᠤᠷᠠᠯᠢᠭᠤᠨ ᠰᠡᠬᠡᠭᠡᠷᠡᠯᠤᠨ ᠬᠤᠭᠤᠴᠠᠭ᠋ᠠᠨᠳᠤ ᠨᠡᠷᠡ ᠭᠠᠷᠣᠭᠰᠠᠨ ᠬᠦᠮᠦᠰᠤᠨ ᠤᠯᠠᠩᠬᠢᠨᠢ ᠪᠠᠯᠴᠢᠷ ᠨᠠᠰᠣᠨᠤ ᠬᠦᠮᠦᠵᠢᠯᠢ ᠰᠢᠰᠲ᠋ᠧᠮᠲᠠᠢ ᠬᠦᠷᠳᠡᠭᠰᠡᠨ ᠭᠡᠵᠦ ᠰᠡᠭᠦᠯᠤᠨ ᠥᠶᠡ ᠵᠢᠨ ᠠᠵᠢᠭᠯᠠᠭᠴᠢ ᠣᠯᠵᠦ ᠮᠡᠳᠡᠭᠰᠡᠨ ᠪᠠᠶ᠋ᠢᠪᠠ᠃ ᠪᠠᠯᠴᠢᠷ ᠥᠶᠡᠳᠤᠪᠠᠨ ᠠᠯᠳᠠᠵᠦ ᠣᠷᠬᠢᠭᠰᠠᠨ ᠵᠥᠢ᠍ᠯᠢ ᠪᠠᠭᠠ ᠨᠠᠰᠣᠨᠳᠤᠪᠠᠨ ᠣᠯᠵᠦ ᠴᠢᠳᠠᠭ᠍ᠣ ᠦᠭᠡᠢ᠂ ᠨᠠᠰᠣᠨᠳᠤ ᠬᠦᠷᠪᠡᠯ ᠨᠡᠩ ᠴᠦ᠍ ᠠ᠋ᠷᠡᠮᠡᠯᠵᠡᠯ ᠦᠭᠡᠢ ᠪᠣᠯᠣᠨᠠ᠃ ᠵᠠᠷᠢᠮ ᠬᠡᠦᠬᠡᠳᠨᠢ ᠭᠡᠷᠲᠤᠪᠠᠨ ᠬᠠᠶ᠋ᠢᠷᠠ ᠲᠣᠳᠠᠵᠦ ᠠ᠋ᠷᠭᠡ ᠴᠢᠯᠥᠭᠡ᠂ ᠣᠷᠣᠨ ᠪᠠᠶ᠋ᠢᠷᠢ ᠦᠭᠡᠢ ᠪᠠᠶ᠋ᠢᠬᠤ᠂ ᠵᠠᠷᠢᠮ ᠰᠤᠷᠤᠭᠴᠢ ᠰᠣᠷᠭ᠋ᠠᠭᠤᠯᠢᠳᠤᠪᠠᠨ ᠣᠴᠢᠪᠠᠯ ᠬᠠᠮᠳᠤ ᠰᠤᠷᠤᠯᠭ᠋ᠠᠳᠠᠨᠳᠤᠪᠠᠨ ᠲᠠᠷᠣᠯᠠᠭᠳᠠᠵᠦ᠂ ᠵᠦᠢ᠍ᠯᠤᠨ ᠰᠢᠯᠳᠠᠭ᠋ᠠᠨᠠᠴᠠ ᠤᠯᠠᠨᠳᠠ ᠰᠣᠷᠭ᠋ᠠᠭᠤᠯᠢ ᠰᠢᠯᠵᠢᠬᠦ᠂ ᠰᠣᠷᠣᠯᠭᠠ ᠵᠣᠭᠰᠣᠬᠤ᠂ ᠭᠡᠷᠠᠴᠠᠪᠠᠨ ᠤᠷᠭᠤᠬᠤ᠂ ᠣᠨᠴᠠ ᠵᠠᠷᠢᠮᠨᠢ ᠪᠡᠶᠡᠪᠠᠨ ᠬᠤᠣᠷᠯᠠᠭ᠍ᠤ ᠥᠵᠡᠭᠳᠡᠯ ᠭᠠᠷᠴᠦ ᠪᠠᠶ᠋ᠢᠨᠠ᠃ ᠬᠡᠷᠪᠡ ᠬᠦᠮᠦᠨᠤ ᠤᠶᠣᠨ ᠰᠠᠨᠠᠭᠠ ᠬᠠᠷᠰᠢ ᠰᠠᠭ᠋ᠠᠳᠲᠠᠢ ᠪᠣᠯᠪᠠᠯ ᠵᠢᠯᠤᠭᠤᠳᠬᠤ ᠲᠥᠪᠨᠢ ᠠᠰᠠᠭᠤᠳᠠᠯᠲᠠᠢ ᠪᠣᠯᠬᠤᠨᠢ ᠲᠡᠷᠡ᠃ ᠬᠦᠮᠦᠨᠤ ᠵᠢᠯᠤᠭᠤᠳᠬᠤ ᠲᠥᠪᠨᠢ ᠬᠡᠪᠤᠨ ᠵᠢᠷᠣᠮ ᠵᠶ᠋ᠠᠨ ᠠᠯᠳᠠᠭ᠍ᠤᠳᠤ ᠬᠦᠷᠪᠡᠯ ᠬᠠᠮᠤᠭᠤᠨ ᠲᠥᠪᠡᠭᠲᠠᠢ ᠪᠣᠯᠣᠨᠠ᠃ ᠬᠦᠮᠦᠨᠤ ᠠᠯᠢᠪᠠ ᠥᠢ᠍ᠯᠡ ᠠᠵᠢᠯᠯᠠᠭᠠᠨᠢ ᠬᠠᠮᠤᠭᠤᠨ ᠠ᠋ᠷᠡᠭᠦᠯ ᠰᠠᠷᠠᠭᠤᠯ ᠤᠬᠠᠭ᠋ᠠᠨ ᠪᠣᠳᠣᠯᠤᠨ ᠰᠠᠭᠤᠷᠢ ᠲᠡᠭᠡᠷᠡ ᠶᠠᠪᠣᠭᠳᠠᠪᠠᠯ ᠲᠠᠭ᠋ᠠᠷᠠᠭ᠍ᠤ ᠶᠤᠮ᠃ ᠬᠦᠮᠦᠨᠳᠤ ᠶᠠᠮᠠᠷ ᠨᠢᠭᠡ ᠠᠷᠬᠠᠭ ᠪᠠᠶ᠋ᠢᠵᠦ ᠪᠣᠯᠣᠨᠠ᠂ ᠭᠡᠪᠡᠴᠦ ᠲᠥᠪ ᠮᠡᠳᠡᠷᠡᠯᠤᠨ ᠠᠰᠠᠭᠤᠳᠠᠯ ᠪᠠᠶ᠋ᠢᠵᠦ ᠪᠣᠯᠬᠤ ᠦᠭᠡᠢ᠃ ᠰᠤᠳᠤᠯᠭ᠋ᠠᠳᠠᠳᠤᠨ ᠦᠵᠠᠭᠦᠪᠠᠷ ᠣᠳᠣᠬᠠᠨᠳᠤ ᠲᠠᠯᠠᠭᠡᠢ ᠵᠢᠨ ᠪᠥᠮᠪᠥᠷᠴᠡᠭ ᠲᠠᠭᠡᠷᠡ ᠠᠮᠢᠳᠣᠷᠠᠵᠦ ᠪᠠᠶ᠋ᠢᠭᠠ ᠬᠦᠮᠦᠰᠤᠨ 1/10ᠨᠢ ᠤᠬᠠᠭ᠋ᠠᠨ ᠮᠡᠳᠡᠷᠡᠯᠤᠨ ᠭᠦᠨᠭᠭᠡᠨ ᠭᠡᠮ ᠠᠷᠬᠠᠬᠲᠠᠢ ᠭᠡᠵᠦ ᠪᠠᠶ᠋ᠢᠨᠠ᠃ ᠰᠣᠷᠣᠯᠭᠠ ᠠᠮᠢᠳᠣᠷᠠᠯ ᠠᠵᠢᠯ ᠥᠢ᠍ᠯᠡᠰᠤᠨ ᠶᠠᠪᠣᠴᠠᠳᠤ ᠢᠯᠠᠭᠳᠠᠭ᠍ᠣᠨᠢ ᠠᠶᠣᠮᠰᠢᠭᠲᠠᠢ ᠪᠢᠰᠢ᠂ ᠬᠠᠷᠢᠨ ᠢᠯᠠᠭᠳᠠᠭ᠍ᠤᠠᠴᠠ ᠰᠥᠷᠳᠡᠭᠰᠡᠨ ᠰᠡᠳᠬᠢᠴᠡ ᠪᠤᠯ ᠬᠠᠮᠤᠭᠤᠨ ᠠᠶᠣᠯᠲᠠᠢ ᠶᠤᠮ᠃ 《ᠮᠡᠳᠡᠷᠡᠯᠤᠨ ᠴᠢᠨᠠᠷᠲᠠᠢ ᠬᠤᠳᠣᠭᠤᠳᠦᠨᠤ ᠠᠷᠬᠠᠭ》 ᠭᠡᠬᠦ ᠨᠣᠮᠳᠤ᠂ 《ᠬᠤᠳᠦᠭᠤᠳᠦᠨᠤ ᠰᠢᠷᠬᠠᠯᠠᠭᠠ ᠵᠢᠨ ᠠ᠋ᠭᠦᠰᠦᠯᠨᠢ ᠴᠢᠨᠤ ᠶᠠᠭᠤ ᠢᠳᠡᠭᠰᠡᠨᠳᠤ ᠪᠠᠶ᠋ᠢᠬᠤ ᠪᠢᠰᠢ᠂ ᠬᠠᠷᠢᠨ ᠴᠢᠨᠣ ᠶᠠᠭᠤᠨᠳᠤ ᠰᠡᠳᠬᠢᠯ ᠰᠢᠨᠠᠯᠡᠵᠦ ᠪᠠᠶ᠋ᠢᠬᠤᠳᠤ ᠪᠠᠶ᠋ᠢᠨᠠ》 ᠭᠡᠵᠡᠢ᠃ ᠨᠠᠷᠢᠨ ᠠᠵᠢᠭᠯᠠᠵᠦ ᠰᠢᠨᠵᠢᠯᠡᠬᠦᠳᠤ ᠬᠡᠦᠬᠡᠳᠤᠨ ᠰᠡᠳᠬᠢᠴᠠ ᠵᠢᠨ ᠠ᠋ᠷᠡᠭᠦᠯ ᠮᠡᠨᠳᠦ ᠵᠢᠨ ᠠᠰᠠᠭᠤᠳᠠᠯ ᠪᠣᠯ ᠲᠣᠶ᠋ᠢᠯᠤᠨ ᠨᠠᠷᠢᠯᠢᠬ ᠤᠶᠤᠨᠤ ᠬᠥᠳᠡᠯᠮᠥᠷᠢ ᠱᠠᠭ᠋ᠠᠷᠳᠠᠭᠳᠠᠳᠠᠬ᠃ ᠶᠠᠮᠠᠷ ᠴᠦ᠍ ᠪᠠᠶ᠋ᠢᠳᠠᠯᠤᠨ ᠲᠣᠣᠷᠠ ᠬᠡᠦᠬᠡᠳᠤᠨ ᠪᠡᠶᠡᠪᠠᠨ ᠬᠥᠨᠳᠦᠳᠬᠡᠬᠦ ᠰᠡᠳᠬᠢᠯᠢ ᠬᠥᠨᠳᠡᠵᠦ ᠪᠣᠯᠬᠤ ᠦᠭᠡᠢ᠃
ᠵᠢᠷᠭᠤᠭᠠ᠂ ᠬᠡᠦᠬᠡᠳᠤᠨ ᠪᠠᠶᠠ ᠮᠠᠬᠠᠪᠤᠳᠤᠨ ᠠ᠋ᠷᠡᠭᠦᠯ ᠮᠡᠨᠳᠦ
ᠭᠡᠷᠤᠨ ᠠᠬᠠᠮᠠᠳᠤᠨ ᠠ᠋ᠮᠦᠨᠡ ᠲᠣᠯᠭ᠋ᠠᠷᠠᠵᠦ ᠪᠠᠶ᠋ᠢᠭᠠ ᠪᠠᠰᠠ ᠨᠢᠭᠡ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠪᠣᠯ ᠬᠡᠦᠬᠡᠳᠤᠨ ᠪᠠᠶᠠ ᠮᠠᠬᠠᠪᠤᠳᠤᠨ ᠠ᠋ᠷᠡᠭᠦᠯ ᠮᠡᠨᠳᠦ ᠪᠤᠯᠤᠨᠠ᠃ ᠥᠰᠬᠦ ᠨᠠᠰᠣᠨᠤ ᠬᠡᠦᠬᠡᠳᠤᠨ ᠪᠠᠶᠠ ᠮᠠᠬᠠᠪᠤᠳᠤᠨ ᠠ᠋ᠷᠡᠭᠦᠯ ᠮᠡᠨᠳᠦ ᠪᠤᠯ ᠠᠮᠢᠳᠤᠷᠠᠯ ᠰᠤᠷᠤᠯᠭᠠ ᠵᠢᠨ ᠬᠢᠨᠢ ᠤᠷᠢᠳᠠᠯ ᠨᠥᠬᠦᠴᠡᠯ ᠪᠣᠯᠬᠤ ᠶᠤᠮ᠃ ᠣᠳᠣ ᠵᠥᠪᠬᠡᠨ ᠬᠡᠦᠬᠡᠳᠤᠨ ᠬᠠᠷᠠᠭᠠ ᠵᠢ ᠬᠠᠮᠠᠭ᠋ᠠᠯᠠᠭ᠍ᠣ ᠨᠢᠭᠡ ᠯᠠ ᠠᠰᠠᠭᠤᠳᠠᠯᠳᠤ ᠬᠦᠴᠢᠷ ᠲᠥᠪᠡᠭ ᠲᠣᠯᠭ᠋ᠠᠷᠠᠵᠦ ᠠᠷᠭᠠ ᠪᠠᠷᠠᠭᠳᠠᠭᠤᠯᠵᠦ ᠰᠠᠨᠠᠭᠠ ᠠᠯᠳᠠᠭᠤᠯᠵᠦ ᠪᠠᠶ᠋ᠢᠨᠠ᠃ ᠰᠢᠯ ᠵᠡᠭᠦᠬᠦ ᠦᠭᠡᠢ ᠬᠡᠦᠬᠡᠳᠤᠨ ᠲᠤᠭᠠ ᠠ᠋ᠳᠦᠷᠠᠴᠠ ᠠ᠋ᠳᠦᠷ ᠴᠥᠭᠡᠷᠡᠵᠦ ᠪᠠᠶ᠋ᠢᠨᠠ᠃ ᠬᠤᠯᠪᠤᠭᠳᠠᠬᠤ ᠮᠠᠲᠸᠷᠢᠶᠠᠯᠢ ᠦᠨᠳᠤᠰᠤᠯᠠᠪᠠᠯ᠂ ᠠᠮᠧᠷᠢᠺᠠ ᠵᠢᠨ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠡᠦᠬᠡᠳᠤᠨ ᠰᠣᠷᠣᠯᠭᠠ ᠵᠢᠨ ᠲᠠᠷᠣᠭ᠋ᠠᠰᠣ ᠬᠥᠩᠭᠡᠨ ᠪᠠᠶ᠋ᠢᠵᠦ ᠨᠢᠳᠦᠪᠠᠨ ᠬᠥᠰᠢᠳᠡᠯᠡ᠂ ᠭᠠᠷ ᠵᠶ᠋ᠠᠨ ᠡᠪᠡᠷᠰᠢᠳᠡᠯᠡ᠂ ᠣᠨᠳᠠᠭ᠍ᠣ ᠴᠠᠭ ᠦᠭᠡᠢ ᠪᠣᠯᠳᠠᠯᠠ ᠲᠠᠰᠬᠠᠯ ᠬᠢᠬᠦ ᠦᠭᠡᠢ᠃ ᠬᠠᠷᠢᠨ ᠭᠡᠷᠤᠨ ᠭᠠᠳᠠᠨᠠᠬᠢ ᠬᠦᠳᠡᠯᠭᠡᠭᠡᠨ ᠠᠷᠪᠢᠨ᠃ ᠠᠭᠤᠯᠠ ᠲᠠᠯᠠ ᠣᠰᠣ ᠭᠤᠪᠢᠪᠠᠷ ᠬᠡᠬᠡᠷᠡᠯᠡᠵᠦ ᠨᠠᠭ᠋ᠠᠳᠬᠤᠨᠢ ᠠᠷᠪᠢᠨ᠃ ᠨᠡᠶ᠋ᠢᠳᠡ ᠵᠢᠨ ᠴᠡᠴᠡᠷᠯᠢᠭᠲᠤ ᠪᠠᠶᠠ ᠵᠢᠨ ᠲᠠᠮᠢᠷᠤᠨ ᠲᠠᠯᠠᠪᠠᠢ᠂ ᠲᠠᠮᠢᠷᠤᠨ ᠬᠡᠷᠡᠭᠰᠡᠯᠤᠨ ᠵᠦᠢ᠍ᠯ ᠪᠥᠷᠢᠨ ᠪᠠᠶ᠋ᠢᠨᠠ᠃ ᠲᠡᠳᠡ ᠪᠠᠶᠠ ᠵᠢᠨ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨᠳᠤ ᠶᠠᠳᠠᠷᠠᠵᠦ ᠬᠥᠰᠢᠳᠡᠯᠡᠪᠠᠨ ᠣᠷᠣᠯᠴᠠᠨᠠ᠃ ᠮᠠᠨᠤ ᠣᠯᠣᠰᠤᠨ ᠬᠡᠦᠬᠡᠳ ᠪᠣᠯ ᠣᠶᠣᠨ ᠰᠠᠨᠠᠭᠠ ᠪᠠ ᠪᠡᠶᠡ ᠮᠠᠭ᠍ᠠᠪᠣᠳ ᠬᠤᠶᠠᠷ ᠲᠠᠯᠠ ᠵᠢᠨ ᠲᠠᠷᠣᠭ᠋ᠠᠰᠣ ᠵᠢ ᠬᠥᠯᠢᠶᠡᠵᠦ ᠥᠰᠴᠦ ᠪᠠᠶ᠋ᠢᠨᠠ᠃ ᠢᠳᠡᠭᠡᠨ ᠣᠮᠳᠠᠭ᠋ᠠᠨ᠂ ᠣᠰᠣ᠂ ᠠᠭ᠋ᠠᠷ᠂ ᠤᠷᠴᠢᠨ ᠠᠬᠤᠢ᠂ ᠠᠮᠢᠳᠣᠷᠠᠯᠳᠤ ᠱᠠᠭ᠋ᠠᠷᠳᠠᠭᠳᠠᠭ᠍ᠤ ᠵᠦᠢ᠍ᠯ ᠪᠤᠬᠢᠷᠳᠤᠵᠤ ᠪᠠᠢ᠍ᠢ᠍ᠨᠠ᠃ ᠣᠳᠣ ᠪᠣᠯ ᠰᠣᠷᠣᠭ᠋ᠠᠳ ᠪᠠᠷᠠᠭ᠍ᠤ ᠦᠭᠡᠢ᠂ ᠰᠣᠷᠣᠭ᠋ᠠᠳ ᠵᠣᠭᠰᠣᠬᠤ ᠦᠭᠡᠢ ᠴᠠᠭ ᠥᠶᠡ ᠪᠣᠯᠣᠭᠰᠠᠨ᠃ ᠬᠢᠴᠢᠶᠡᠯᠤᠨ ᠲᠥᠷᠣᠯ ᠣᠯᠠᠨ᠂ ᠠᠭᠤᠯᠭᠠᠨᠢ ᠭᠦᠨ ᠵᠡᠷᠭᠡ ᠰᠢᠯᠳᠠᠭ᠋ᠠᠨᠠᠴᠠ ᠪᠣᠯᠵᠦ ᠬᠡᠦᠬᠡᠳ ᠰᠣᠷᠬᠤᠠᠴᠠᠪᠠᠨ ᠠ᠋ᠮᠦᠨᠡ ᠬᠠᠯᠠᠰᠢᠷᠠᠭᠠ ᠪᠣᠯᠵᠦ ᠪᠡᠶᠡ ᠰᠡᠳᠬᠢᠯ ᠲᠡᠭᠡᠷᠡᠪᠠᠨ ᠲᠠᠷᠣᠭ᠋ᠠᠰᠣ ᠶᠡᠭᠡ ᠪᠠᠶ᠋ᠢᠨᠠ᠃
ᠪᠠᠭᠴᠠᠯᠠᠭ᠋ᠠᠳ ᠭᠡᠯᠡᠪᠡᠯ᠂ ᠰᠤᠷᠤᠭᠴᠢᠳᠢ ᠶᠤᠰᠤ ᠮᠤᠷᠠᠯ᠂ ᠤᠶᠤᠨ ᠤᠬᠠᠭ᠋ᠠᠨ᠂ ᠪᠠᠶᠠ ᠮᠠᠬᠠᠪᠤᠳ᠂ ᠭᠤᠸᠠ ᠰᠠᠢ᠍ᠢ᠍ᠬᠠᠨ᠂ ᠭᠦᠳᠠᠯᠮᠤᠷᠢ ᠵᠡᠷᠭᠡ ᠪᠦᠭᠦ ᠲᠠᠯᠠᠪᠠᠷ ᠭᠦᠭᠵᠢᠭᠰᠡᠨ ᠭᠦᠮᠦᠨ ᠪᠤᠯᠭ᠋ᠠᠨ ᠭᠦᠮᠦᠵᠢᠭᠦᠯᠭᠦᠳᠤ ᠭᠡᠷ ᠪᠦᠯᠢ᠂ ᠰᠤᠷᠭ᠋ᠠᠭᠤᠯᠢ᠂ ᠨᠠᠢ᠍ᠢ᠍ᠭᠡᠮᠤᠨ ᠦᠢ᠍ᠯᠠᠳᠤᠯ ᠴᠢᠳᠠᠮᠵᠢ ᠵᠢ ᠪᠦᠷᠢᠮᠤᠰᠤᠨ ᠪᠠᠳᠠᠷᠠᠭᠤᠯᠬᠤ ᠭᠡᠷᠡᠭᠳᠠᠢ᠃
ᠠᠵᠢᠯᠯᠠᠵᠤ ᠪᠠᠢ᠍ᠢ᠍ᠭᠠ ᠪᠠᠢ᠍ᠢ᠍ᠭᠤᠯᠭᠠ᠄ ᠰᠢᠯᠣᠭᠤᠨ ᠬᠥᠪᠡᠭᠡᠳᠦ ᠴᠠᠭ᠋ᠠᠨ
ᠬᠤᠰᠢᠭᠤᠨᠤ ᠨᠠᠮᠤᠨ ᠰᠣᠷᠭ᠋ᠠᠭᠤᠯᠢ
（ᠠᠯᠳᠠᠨᠰᠦᠢ᠍ᠭᠡ ᠨᠠᠢ᠍ᠢ᠍ᠷᠠᠭᠤᠯᠪᠠ）
2021 ᠣᠨᠤ 3 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ