ᠬᠦᠬᠡᠳᠠᠪᠠᠯᠭ᠋ᠠᠨ
ᠵᠣᠬᠢᠶᠠᠭᠴᠢ ᠮᠠᠯᠴᠢᠨ ᠲᠠᠷᠢᠶᠠᠴᠢᠳᠤᠨ ᠨᠠᠮᠣᠷᠤᠨ ᠬᠤᠷᠢᠶᠠᠯᠳᠡ ᠵᠢ ᠰᠣᠷᠪᠣᠯᠵᠢᠯᠠᠬᠤᠪᠠᠷ ᠪᠠᠭ᠋ᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠵᠡᠬᠦᠨ ᠠ᠋ᠮᠣᠨᠡ ᠵᠠᠬᠠ ᠵᠢ ᠪᠠᠷᠢᠵᠣ ᠰᠠᠭᠤᠭᠰᠠᠨ ᠰᠢᠷᠡᠮᠦ᠋ᠷᠡᠨ ᠰᠣᠮᠣ ᠵᠢᠨ ᠰᠢᠷᠡᠭᠡ ᠭᠠᠴᠠᠭᠠ ᠵᠢᠨ ᠣᠪᠣᠭᠠ ᠲᠣᠭᠤᠶ᠋ᠢᠯᠠᠩᠳᠤ ᠬᠦᠷᠴᠣ ᠪᠢᠯᠨ᠃ ᠰᠣᠷᠪᠣᠯᠵᠢᠯᠠᠭ᠍ᠣ ᠲᠣᠮᠳᠡ᠂ ᠲᠡᠨᠳᠡᠬᠢ ᠨᠢᠭᠡ ᠮᠠᠯᠴᠢᠨᠤ 《ᠮᠠᠨᠤ ᠣᠪᠣᠭᠠ ᠲᠣᠭᠤᠶ᠋ᠢᠯᠠᠩᠳᠤ ᠨᠢᠭᠡᠨ ᠰᠣᠷᠭ᠋ᠠᠭᠤᠯᠢ ᠪᠠᠶ᠋ᠢᠳᠠᠭ ᠰᠢᠣ᠂ ᠬᠠᠰᠣᠵᠣ ᠨᠡᠶ᠋ᠢᠯᠡᠬᠦᠯᠬᠦ ᠣᠷᠣᠰᠬᠠᠯᠳᠤ ᠲᠠᠭ᠋ᠠᠷᠢᠭᠳᠠᠭᠰᠠᠨ ᠪᠣᠯᠪᠠᠴᠣ ᠮᠠᠯᠴᠢᠳ ᠠᠷᠠᠳ ᠰᠡᠳᠬᠢᠯ ᠨᠢᠭᠡᠳᠣᠨ ᠲᠡᠮᠵᠢᠵᠣ ᠠ᠋ᠳᠦᠢᠳᠤ ᠲᠣᠯᠳᠠᠯᠠ ᠠ᠋ᠷᠬᠢᠯᠡᠭᠰᠡᠭᠡᠷ ᠪᠠᠶ᠋ᠢᠨᠠ᠃ ᠭᠡᠳᠦᠶ᠋ᠢᠪᠡᠷ ᠣᠷᠢᠳᠣ ᠵᠢᠨ ᠠᠳᠠᠯᠢ ᠪᠠᠭᠰᠢ ᠰᠣᠷᠣᠭᠴᠢ ᠤᠯᠠᠨ ᠦᠬᠡᠢ ᠪᠣᠯᠪᠠᠴᠣ ᠬᠤᠷᠢᠨ ᠭᠡᠳᠣᠨ ᠵᠢᠯ ᠰᠣᠷᠭ᠋ᠠᠭᠤᠯᠢᠪᠠᠨ ᠰᠠᠬᠢᠭᠰᠠᠨ ᠨᠢᠭᠡ 〈ᠮᠠᠯᠴᠢᠨ ᠪᠠᠭᠰᠢ〉 ᠪᠠᠢ᠍ᠢ᠍ᠵᠤ᠂ ᠰᠣᠷᠭ᠋ᠠᠭᠤᠯᠢ ᠵᠢᠨ ᠨᠠᠰᠣᠨᠠᠴᠠ ᠠ᠋ᠮᠣᠨᠡᠬᠢ ᠴᠡᠴᠡᠷᠯᠢᠭᠤᠨ ᠠᠩᠬᠢ ᠪᠡ ᠨᠢᠭᠡᠳᠦᠭᠡᠷ ᠣᠨᠢ ᠠ᠋ᠷᠬᠢᠯᠡᠵᠣ᠂ ᠲᠦᠷᠪᠡᠨ ᠭᠠᠴᠠᠭᠠ ᠵᠢᠨ ᠭᠡᠣᠭᠡᠳ ᠡ᠊ᠨᠳᠡ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠵᠣ᠂ ᠰᠣᠷᠣᠯᠭᠠ ᠵᠢᠨ ᠬᠢᠷᠢ ᠪᠦᠳᠦᠮᠵᠢ ᠡᠯᠡ ᠲᠠᠯᠠᠪᠠᠷ ᠮᠦᠨ ᠪᠣᠰᠣᠳᠠᠴᠠ ᠲᠠᠪᠠᠭᠤ ᠰᠢᠣ！》 ᠭᠡᠵᠣ ᠣᠮᠣᠭᠰᠢᠨ ᠶᠠᠷᠢᠬᠤ ᠵᠢ ᠰᠣᠨᠣᠰᠴᠣ ᠦᠪᠡᠷᠤᠨ ᠠ᠋ᠷᠭᠡ ᠦᠭᠡᠢ ᠭᠠᠶ᠋ᠢᠬᠠᠯ ᠲᠦᠷᠦᠵᠣ ᠰᠣᠷᠭ᠋ᠠᠭᠤᠯᠢᠳᠤ ᠤᠴᠢᠵᠤ ᠦᠵᠡᠶᠠ ᠭᠡᠰᠡᠨ ᠪᠣᠳᠣᠯ ᠲᠦᠷᠦᠭᠳᠡᠭᠰᠡᠨ ᠪᠢᠯᠡ᠃ ᠲᠠᠭᠡᠭᠡᠳ ᠣᠷᠡᠨ ᠪᠢᠴᠢᠯᠭᠡ ᠲᠠᠮᠠᠭᠠ ᠰᠡᠶ᠋ᠢᠯᠦᠮᠡᠯᠤᠨ ᠬᠠᠰᠢᠷ ᠪᠠᠭᠰᠢ᠂ ᠭᠠᠴᠠᠭ᠋ᠠᠨᠤ 《ᠨᠢᠭᠡᠳᠦᠭᠡᠷ ᠱᠦᠵᠢ》ᠪᠠᠷ ᠠᠵᠢᠯᠯᠠᠵᠣ ᠪᠠᠶ᠋ᠢᠭᠠ ᠰᠣᠶᠣᠯᠤᠨ ᠺᠠᠳ᠋ᠷ ᠲᠦᠷᠪᠠᠨᠳᠠᠯᠠᠢ ᠭᠤᠸᠠᠢᠲᠠᠢ ᠵᠠᠮ ᠲᠠᠭ᠋ᠠᠷᠠᠵᠣ ᠣᠪᠣᠭᠠ ᠲᠣᠭᠤᠶ᠋ᠢᠯᠠᠩᠢ ᠵᠣᠷᠢᠵᠣ ᠬᠦᠷᠬᠦᠳᠤ᠂ ᠮᠦᠩᠬᠦᠨ ᠣᠪᠣᠭᠠ ᠨᠣᠳᠤᠭ ᠵᠶ᠋ᠠᠨ ᠰᠠᠬᠢᠭᠰᠠᠨ ᠵᠠᠩᠵᠣᠨ ᠮᠡᠳᠣ ᠣᠮᠠᠷᠠ ᠵᠢᠨ ᠬᠦᠢ᠍ᠳᠡᠨ ᠰᠠᠯᠬᠢ ᠵᠢ ᠰᠦᠷᠦᠨ ᠰᠦᠨᠳᠡᠷᠯᠡᠨ ᠰᠡᠬᠦᠶ᠋ᠢᠵᠣ᠂ ᠠ᠋ᠩᠭᠡᠷ ᠬᠤᠷᠮᠦᠢᠳᠤᠬᠢ ᠬᠤᠭᠤᠯᠠᠢ ᠵᠢᠨ ᠭᠤᠣᠯ ᠴᠢᠮᠡᠭᠡ ᠦᠭᠡᠢ ᠤᠷᠤᠰᠤᠨᠠ᠃ ᠬᠤᠶᠠᠷ ᠵᠠᠭᠤ ᠢᠯᠡᠬᠦᠦ ᠭᠠᠵᠠᠷᠢ ᠬᠦᠷᠳᠣ ᠵᠢᠨ ᠬᠤᠷᠳᠣᠨ ᠵᠶ᠋ᠠᠷ ᠡᠪᠭᠡᠵᠣ ᠬᠤᠭᠤᠯᠠᠢ ᠵᠢᠨ ᠭᠤᠣᠯᠤᠨ ᠬᠦᠬᠦᠷᠭᠡ ᠵᠢ ᠣᠷᠣᠭᠰᠢ ᠲᠠᠪᠠᠨ ᠭᠠᠷᠴᠣ ᠶᠡᠭᠡ ᠵᠠᠮᠠᠴᠠ ᠵᠡᠬᠦᠨᠰᠢ ᠪᠠᠭᠤᠮᠠᠭᠴᠨ ᠠᠶ᠋ᠢᠯᠤᠨ ᠪᠠᠷᠠᠭᠤᠨ ᠵᠠᠬᠠᠳᠤᠬᠢ ᠠᠶᠠᠰᠤᠨ ᠰᠠᠯᠬᠢᠨᠳᠤ ᠨᠠᠮᠢᠷᠠᠭ᠍ᠣ ᠣᠯᠣᠰᠤᠨ ᠲᠤᠭᠲᠠᠢ᠂ ᠠᠯᠪᠠᠨ ᠪᠠᠶ᠋ᠢᠭᠤᠯᠭᠠ ᠭᠡᠮᠡᠷᠭᠡᠨ ᠴᠡᠪ ᠴᠡᠪᠡᠷᠭᠡᠨ ᠲᠣᠮᠣ ᠬᠦᠷᠢᠶᠡ᠂ ᠣᠯᠠᠭ᠋ᠠᠨ ᠸᠠᠭ᠋ᠠᠷ ᠴᠠᠭ᠋ᠠᠨ ᠬᠠᠨᠠᠲᠠᠢ ᠨᠢᠭᠡ ᠮᠦᠷ ᠪᠠᠶ᠋ᠢᠰᠢᠩᠲᠠᠢ ᠣᠪᠣᠭᠠ ᠠᠶ᠋ᠢᠯᠤᠨ ᠰᠣᠷᠭ᠋ᠠᠭᠤᠯᠢ ᠵᠢᠨ ᠠ᠋ᠬᠦᠳᠡᠨᠳᠤ ᠪᠠᠭᠤᠪᠠ᠃
ᠬᠦᠷᠢᠶᠡᠨ ᠠ᠋ᠬᠦᠳᠡ ᠤᠢ᠍ᠢ᠍ᠷᠠᠳᠤᠬᠤᠳᠤ᠂ ᠨᠢᠭᠡᠨ ᠲᠣᠮᠳᠡ ᠵᠢᠨ ᠪᠡᠶᠡᠲᠠᠢ᠂ ᠬᠢᠵᠢᠶᠡᠯ ᠨᠠᠰᠣᠨᠤ ᠪᠦᠰᠡᠬᠦᠢ ᠶᠠᠭ᠋ᠠᠷᠠᠪᠴᠢᠯᠡᠨ ᠭᠠᠷᠴᠤ ᠢᠷᠡᠭᠡᠳ ᠲᠣᠮᠣ ᠲᠡᠮᠣᠷ ᠬᠠᠭ᠋ᠠᠯᠭᠠ ᠵᠢ ᠤᠨᠭ᠌ᠭᠤᠢ᠍ᠢ᠍ᠯᠭ᠋ᠠᠬᠤᠳᠤ ᠪᠢᠳᠡᠨᠤ ᠠᠭᠤᠯᠵᠠᠬᠤᠪᠠᠷ ᠢᠷᠡᠭᠰᠡᠨ ᠪᠠᠭᠰᠢ ᠪᠣᠯᠬᠤ ᠵᠢ ᠲᠠᠨᠢᠵᠣ ᠠᠮᠤᠷ ᠮᠠᠨᠳᠤᠪᠠᠨ ᠠᠰᠠᠭᠤᠯᠴᠠᠨ ᠲᠤᠳᠤᠭᠰᠢ ᠤᠷᠤᠪᠠ᠃ ᠭᠡᠷᠲᠤ ᠤᠷᠤᠬᠤᠳᠤ ᠲᠤᠯᠠᠭ᠋ᠠᠨ ᠲᠠᠭ᠋ᠠᠯᠠᠮᠵᠢᠳᠠᠢ ᠰᠠᠨᠠᠭᠳᠠᠵᠣ᠂ ᠵᠡᠬᠦᠨ ᠦᠷᠦᠭᠡᠳᠤ ᠣᠷᠣᠬᠤᠳᠤ ᠨᠢᠳᠣᠨᠳᠤᠪᠠᠨ ᠭᠠᠯᠲᠠᠢ ᠨᠢᠭᠤᠷᠲᠤᠪᠠᠨ ᠴᠤᠭᠲᠠᠢ ᠵᠢᠭ᠋ᠠᠯ ᠭᠡᠣᠭᠡᠳᠤᠳ ᠬᠦᠷ ᠬᠢᠳᠡᠯᠡ ᠪᠣᠰᠣᠨ ᠵᠣᠭᠰᠣᠵᠣ᠄ 《ᠲᠠ ᠰᠠᠶ᠋ᠢᠨ ᠦᠦ！》 ᠭᠡᠮᠡᠨ ᠮᠡᠨᠳᠦᠴᠢᠯᠡᠨ ᠣᠭᠳᠣᠨᠠ᠃ ᠭᠤᠣᠯ ᠲᠠᠰᠣᠯᠭᠠᠨᠢ ᠪᠠᠭᠰᠢ ᠵᠢᠨ ᠠᠯᠪᠠᠨ ᠭᠡᠷ᠂ ᠪᠠᠷᠠᠭᠤᠨ ᠦᠷᠦᠭᠡᠳᠤᠨᠢ ᠰᠢᠨᠡ ᠮᠠᠶᠢᠭᠤᠨ ᠲᠤᠯᠠᠭ᠋ᠠᠯᠠᠭᠠ ᠵᠢᠨ ᠵᠤᠤᠬᠠ ᠬᠦᠷᠴᠢᠬᠢᠨᠡᠵᠦ᠂ ᠤᠰᠤ ᠪᠤᠴᠠᠯᠬᠤ ᠳᠠᠭᠤᠨ ᠰᠤᠨᠤᠰᠳᠠᠨᠠ᠃ ᠲᠡᠬᠦᠨᠠᠴᠠ ᠪᠠᠷᠠᠭᠤᠨᠳᠡᠬᠢ ᠦᠷᠦᠭᠡᠨᠢ ᠭᠡᠣᠭᠡᠳᠤᠨ ᠬᠤᠭᠤᠯᠠᠨ ᠭᠡᠷ᠃ ᠪᠢᠴᠢᠬᠠᠨ ᠪᠣᠳᠠᠭ᠋ᠠᠨ ᠰᠢᠷᠡᠭᠡᠨᠦᠭᠦᠳᠢ ᠬᠤᠶᠠᠷ ᠮᠦᠷ ᠵᠶ᠋ᠠᠷ ᠲᠡᠷᠢ ᠲᠡᠭᠰᠢ ᠵᠢᠭᠰᠠᠭ᠋ᠠᠨ᠂ ᠴᠡᠩᠭᠡᠷ ᠵᠢᠵᠢᠭ ᠰᠠᠨᠳᠠᠯᠢᠨᠤᠭᠤᠳᠢ ᠬᠠᠨᠠ ᠲᠠᠭ᠋ᠠᠭᠤᠯᠣᠨ ᠲᠠᠪᠬᠤᠷᠯᠠᠨ ᠲᠠᠯᠪᠢᠵᠣ᠂ ᠠᠶᠠᠭᠠ ᠰᠠᠪᠠ ᠵᠢᠨ ᠠᠷᠢᠭᠤᠳᠬᠠᠯᠤᠨ ᠬᠠᠶ᠋ᠢᠷᠴᠠᠭ ᠠ᠋ᠷᠬᠢᠨᠡᠭᠤᠨ ᠪᠠᠶ᠋ᠢᠷᠢᠳᠤ ᠵᠣᠭᠰᠣᠨᠠ᠃ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢ ᠵᠢᠨ ᠠᠯᠪᠠᠨ ᠭᠡᠷᠨᠢ ᠮᠦᠨ ᠴᠦ᠍ ᠲᠡᠬᠦᠨᠤ ᠪᠠᠶ᠋ᠢᠷᠢ ᠪᠠᠢ᠍ᠢ᠍ᠵᠤ᠂ ᠨᠢᠭᠡ ᠠᠮᠠᠷᠠᠭ᠍ᠣ ᠣᠷᠣ ᠲᠡᠭᠡᠷᠡᠨᠢ ᠭᠡᠳᠣᠨ ᠦᠩᠭᠡ ᠵᠢᠨ ᠦᠳᠦᠨ ᠬᠤᠪᠴᠠᠰᠣ ᠨᠢᠭᠡ ᠨᠢᠭᠡᠪᠠᠷ ᠵᠶ᠋ᠠᠨ ᠵᠢᠭᠳᠡ ᠡᠪᠭᠡᠭᠳᠡᠨ᠂ ᠲᠡᠪᠡᠯ ᠪᠦᠰᠨ ᠮᠠᠰᠢ ᠲᠢᠭᠯᠢᠮᠲᠠᠢ ᠲᠠᠯᠪᠢᠭᠳᠠᠵᠤ ᠪᠠᠢ᠍ᠢ᠍ᠪᠠ᠃ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢ ᠵᠢᠨ ᠠᠶᠠᠭ᠋ᠠᠯᠠᠭᠰᠠᠨ ᠬᠠᠯᠠᠭᠤᠨ ᠴᠠᠢ ᠵᠢ ᠤᠤᠭᠤᠵᠤ ᠦᠭᠡ ᠠ᠋ᠬᠦᠰᠭᠡᠨ ᠵᠣᠭᠤᠭᠳᠠᠵᠤ ᠪᠠᠢ᠍ᠢ᠍ᠬᠤᠳᠤ ᠵᠢᠭ᠋ᠠᠯ ᠭᠡᠣᠭᠡᠳᠤᠳ᠄ 《ᠪᠠᠭᠰᠢ ᠡ᠂ ᠪᠢᠳᠡ ᠭᠠᠳᠠᠨᠠ ᠨᠠᠭ᠋ᠠᠳᠬᠤᠪᠠᠷ ᠭᠠᠷᠣᠯᠠ ᠰᠢᠣ！》 ᠭᠡᠳ ᠭᠡᠳᠣ ᠭᠡᠳᠣᠪᠠᠷ ᠣᠷᠣᠵᠣ ᠢᠷᠡᠭᠡᠳ ᠬᠤᠪᠴᠠᠰᠣᠪᠠᠨ ᠲᠠᠪᠬᠤᠷᠯᠠᠨᠠ᠃ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢ ᠶᠡᠭᠡ ᠰᠢᠭ ᠭᠡᠰᠡᠨᠳᠤᠨᠢ ᠲᠠᠪᠠᠯ ᠦᠳᠦᠨ ᠬᠤᠪᠴᠠᠰᠣ ᠵᠢᠨᠢ ᠠᠪᠴᠣ ᠦᠭᠬᠦᠨ᠂ ᠪᠠᠭᠠ ᠭᠡᠤᠭᠡᠳᠤᠳᠲᠤᠨᠢ ᠨᠢᠭᠡ ᠨᠢᠭᠡᠪᠠᠷ ᠠ᠋ᠮᠣᠰᠭᠡᠵᠣ ᠦᠭᠭᠦᠨᠡ᠃ ᠪᠠᠰᠨ ᠨᠢᠭᠡᠨ ᠰᠢᠷᠡ ᠲᠣᠯᠣᠭ᠋ᠠᠢ ᠲ᠋ᠠᠢ ᠪᠢᠴᠢᠬᠠᠨ ᠵᠢᠭ᠋ᠠᠯ᠄ 《ᠠ᠋ᠮᠡᠭᠡ ᠡ᠂ ᠪᠢ ᠰᠦ ᠣᠣᠭᠤᠨᠠ》 ᠭᠡᠬᠦᠳᠤᠨᠢ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢ ᠪᠦᠯᠢᠶᠡᠨ ᠰᠦ ᠵᠢ ᠣᠭᠵᠢ ᠭᠡᠮᠡᠷᠭᠡᠨ ᠰᠠᠪᠠᠨᠳᠤ ᠬᠢᠵᠣ ᠭᠠᠷᠲᠤᠨᠢ ᠪᠠᠷᠢᠭᠤᠯᠣᠨᠠ᠃
ᠠ᠋ᠷᠳᠡᠨᠢᠴᠡᠴᠡᠭ᠂ 1969 ᠤᠨᠳᠤ ᠪᠠᠭ᠋ᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠰᠢᠷᠠᠮᠦᠢ᠍ᠷᠡᠨ ᠰᠤᠮᠤᠨᠤ ᠰᠦᠵᠢ ᠭᠠᠴᠠᠭᠠ ᠵᠢᠨ ᠵᠡᠬᠦᠨ ᠰᠦᠵᠢ ᠲᠣᠭᠤᠶ᠋ᠢᠯᠠᠩᠳᠤ ᠠᠷᠠᠳᠤᠨ ᠪᠠᠭᠰᠢ ᠪᠠᠳᠮᠠᠳᠣᠷᠵᠢ ᠮᠠᠯᠴᠢᠨ ᠡᠵᠢ ᠰᠠᠭᠰᠣ ᠵᠢᠨ ᠵᠢᠷᠭᠤᠭ᠋ᠠᠨ ᠦᠷᠡ ᠵᠢᠨ ᠭᠤᠷᠪᠠᠳᠣᠭ᠋ᠠᠷᠨᠢ ᠪᠣᠯᠵᠣ ᠵᠠᠶᠠᠭ᠋ᠠᠵᠠᠢ᠃ ᠨᠠᠰᠣᠨ ᠲᠣᠷᠰᠢ ᠠᠷᠠᠳᠤᠨ ᠪᠠᠭᠰᠢ ᠵᠢᠨ ᠠᠵᠢᠯᠳᠤ ᠵᠢᠳᠬᠦᠵᠣ ᠶᠠᠪᠣᠭᠰᠠᠨ ᠠᠪᠤ ᠵᠢᠨ ᠵᠶ᠋ᠠᠨ ᠨᠦᠯᠦᠭᠡ ᠪᠠ ᠭᠡᠷ ᠪᠦᠯᠢ ᠵᠢᠨ ᠵᠶ᠋ᠠᠨ ᠴᠢᠩᠭᠠ ᠰᠣᠷᠭ᠋ᠠᠯ ᠵᠶ᠋ᠠᠷ ᠠ᠋ᠷᠳᠡᠨᠢᠴᠡᠴᠡᠭ ᠬᠠᠷᠠᠭ᠍ᠠᠨ ᠪᠠᠭᠠᠠᠴᠠᠪᠠᠨ ᠰᠣᠷᠣᠯᠭᠠ ᠮᠣᠷᠡᠯᠢ ᠠ᠋ᠷᠬᠢᠮᠯᠡᠵᠣ᠂ ᠠᠪᠤᠲᠠᠢᠪᠠᠨ ᠠᠳᠠᠯᠢ ᠪᠠᠭᠰᠢ ᠪᠣᠯᠬᠤ ᠶᠣᠮ ᠰᠠᠨ ᠭᠡᠰᠡᠨ ᠬᠦᠰᠡᠯᠢ ᠡᠪᠦᠷᠯᠡᠨ ᠴᠢᠷᠮᠠᠶ᠋ᠢᠨ ᠰᠣᠷᠣᠯᠴᠠᠵᠣ᠂ 1988 ᠤᠨᠳᠤ ᠳ᠋ᠠᠪᠠᠨᠤ ᠨᠢᠭᠡᠳᠦᠭᠡᠷ ᠲᠣᠮᠳᠠᠳᠣ ᠰᠣᠷᠭ᠋ᠠᠭᠤᠯᠢᠠᠴᠠ ᠲᠡᠭᠡᠳᠣ ᠲᠣᠮᠳᠠᠳᠣᠪᠠᠨ ᠲᠡᠬᠦᠰᠭᠡᠵᠦ ᠨᠣᠳᠤᠭᠲᠤᠪᠠᠨ ᠬᠠᠷᠢᠵᠣ ᠮᠠᠯᠵᠢᠬᠤ ᠦᠢ᠍ᠯᠡᠳᠪᠦᠷᠢᠯᠡᠯᠳᠤ ᠣᠷᠣᠯᠴᠠᠵᠠᠢ᠃ ᠮᠦᠨ ᠵᠢᠯᠤᠨ 9 ᠰᠡᠷᠡᠳᠤ᠂ ᠠᠶ᠋ᠢᠯ ᠣᠯᠠᠨᠤᠪᠠᠨ ᠰᠣᠩᠭᠤᠯᠳᠡᠪᠠᠷ ᠰᠦᠵᠢ ᠭᠠᠴᠠᠭᠠ ᠵᠢᠨ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠳᠤ ᠣᠷᠢᠭᠳᠠᠨ ᠬᠢᠴᠢᠶᠡᠯ ᠣᠷᠣᠯᠠᠭᠴᠢ ᠪᠠᠭᠰᠢ ᠪᠣᠯᠵᠠᠢ᠃ ᠲᠡᠷᠨ ᠠ᠋ᠳᠦᠷᠠᠴᠠ ᠠ᠋ᠷᠳᠡᠨᠢᠴᠡᠴᠡᠭ ᠬᠦᠮᠦᠨᠤ ᠠᠮᠢᠳᠣᠷᠡᠯᠤᠨ ᠰᠢᠨᠡ ᠣᠷᠳᠣ ᠠᠶᠠᠨ ᠵᠶ᠋ᠠᠨ ᠠ᠋ᠬᠢᠯᠡᠬᠦᠯᠵᠣ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠠ᠋ᠮᠦᠨᠡ ᠹᠷᠣᠨᠲ ᠲᠡᠭᠡᠷᠡ ᠭᠠᠪᠰᠢᠭ᠋ᠠᠶ᠋ᠢᠯᠠᠨ ᠠᠵᠢᠯᠯᠠᠵᠤ᠂ ᠣᠷᠢᠳ ᠬᠤᠵᠢᠳ ᠰᠦᠵᠢ ᠭᠠᠴᠠᠭᠠ᠂ ᠬᠠᠷᠭ᠋ᠠᠨᠠᠳᠣ ᠪᠠᠭᠠ ᠰᠣᠷᠭ᠋ᠠᠭᠤᠯᠢ᠂ ᠰᠢᠷᠡᠭᠡ ᠭᠠᠴᠠᠭᠠ ᠵᠢᠨ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠳᠤ ᠨᠠᠢ᠍ᠮᠠᠨ ᠵᠢᠯ ᠪᠠᠭᠰᠢᠯᠠᠵᠠᠢ᠃ 1993 ᠣᠨᠳᠤ ᠠ᠋ᠷᠳᠡᠨᠢᠴᠡᠴᠡᠭ ᠣᠪᠣᠭᠠ ᠲᠣᠭᠤᠶ᠋ᠢᠯᠠᠩᠤᠨ ᠠ᠋ᠷᠳᠡᠨᠢᠪᠠᠳᠣᠲᠠᠢ ᠭᠡᠷᠯᠡᠵᠡᠢ᠃ ᠠ᠋ᠷᠳᠡᠨᠢᠪᠠᠳᠣ ᠠᠬᠠ ᠠ᠋ᠭᠡᠴᠢ ᠲᠡᠬᠦᠦ ᠠᠷᠪᠠᠭᠤᠯᠨ ᠵᠢᠨ ᠵᠶ᠋ᠠᠨ ᠣᠳᠬᠤᠨᠨᠢ ᠭᠡᠨᠡ᠃ ᠠ᠋ᠷᠳᠡᠨᠢᠴᠡᠴᠡᠭ ᠰᠣᠷᠭ᠋ᠠᠭᠤᠯᠢᠳᠤᠪᠠᠨ ᠪᠣᠯ ᠪᠠᠭᠰᠢ᠂ ᠰᠣᠷᠭ᠋ᠠᠭᠤᠯᠢᠠᠴᠠᠪᠠᠨ ᠬᠠᠷᠢᠪᠠᠯ ᠪᠡᠷᠢ᠂ ᠠ᠋ᠭᠡᠨᠡᠷ᠂ ᠡᠵᠢ᠂ ᠮᠠᠯᠴᠢᠨ ᠶᠤᠮ᠃ ᠲᠡᠷᠨ ᠲᠠᠯᠠ ᠭᠠᠷᠣᠭᠰᠠᠨ ᠪᠠᠶᠠ ᠪᠠᠭᠤᠷᠠᠢ ᠬᠠᠳᠠᠮ ᠡᠵᠢᠪᠠᠨ ᠲᠣᠯᠣᠭ᠋ᠠᠨ ᠵᠢᠯ ᠠᠰᠠᠷᠠᠨ ᠬᠦᠨᠳᠦᠯᠡᠵᠣ᠂ ᠬᠠᠨᠢ ᠨᠦᠬᠦᠷ ᠠ᠋ᠷᠳᠡᠨᠢᠪᠠᠳᠣᠲᠠᠢᠪᠠᠨ ᠬᠠᠮᠳᠣ ᠠ᠋ᠷᠳᠡᠯᠡᠵᠤ ᠣᠷᠣᠶ᠋ᠢᠯᠠᠨ ᠮᠠᠯ ᠲᠠᠷᠢᠶᠠ ᠵᠢᠨ ᠠᠵᠢᠯᠳᠤ ᠣᠷᠣᠯᠴᠠᠵᠣ ᠠ᠋ᠬᠦᠳᠡ ᠠ᠋ᠷᠦᠭᠡᠪᠠᠨ ᠦᠭᠡᠳᠡ ᠲᠠᠳᠠᠵᠣ ᠦᠷᠡ ᠭᠡᠤᠭᠡᠳ ᠵᠶ᠋ᠠᠨ ᠦᠰᠭᠡᠵᠡᠢ᠃ ᠬᠦᠦ ᠲᠡᠯᠭᠡᠷᠬᠠᠩᠭ᠋ᠠᠢᠨᠢ ᠣᠳᠣ ᠦᠪᠦᠷ ᠮᠣᠩᠭᠤᠯᠤᠨ ᠪᠠᠭᠰᠢ ᠵᠢᠨ ᠶᠡᠭᠡ ᠰᠣᠷᠭ᠋ᠠᠭᠤᠯᠢᠳᠤ ᠰᠣᠷᠣᠯᠴᠠᠵᠣ ᠪᠠᠢ᠍ᠢ᠍ᠬᠤ ᠶᠤᠮ ᠭᠡᠨᠡ᠃ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢ 1994 ᠣᠨᠳᠤ ᠨᠠᠮᠳᠤ ᠠ᠋ᠯᠰᠡᠭᠳᠡᠵᠣ᠂ 1996 ᠣᠨᠠᠴᠠ ᠰᠢᠷᠡᠭᠡ ᠭᠠᠴᠠᠭᠠ ᠵᠢᠨ ᠤᠪᠤᠭᠠ ᠰᠣᠷᠭ᠋ᠠᠭᠤᠯᠢᠳᠤ ᠰᠢᠯᠵᠢᠨ ᠢᠷᠡᠵᠣ ᠪᠠᠭᠰᠢᠯᠠᠭᠰᠠᠭ᠋ᠠᠷ ᠣᠳᠣ ᠪᠣᠯᠳᠠᠯᠠ ᠨᠢᠭᠡᠨᠳᠡ ᠪᠦᠬᠦᠯᠢ ᠭᠤᠴᠢᠨ ᠬᠠᠪᠣᠷ ᠨᠠᠮᠣᠷᠢ ᠦᠳᠡᠵᠣ᠂ 《ᠠ᠋ᠭᠡᠴᠢ ᠪᠠᠭᠰᠢ》 ᠪᠠᠶ᠋ᠢᠭᠰᠠᠨᠠᠴᠠᠪᠠᠨ 《ᠠᠨᠢᠶᠠ ᠪᠠᠭᠰᠢ》 ᠪᠣᠯᠵᠣ᠂ ᠣᠳᠣ 《ᠠ᠋ᠮᠡᠭᠡ ᠪᠠᠭᠰᠢ》 ᠪᠣᠯᠵᠠᠢ᠃ 1997 ᠣᠨᠳᠤ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠨᠢᠭᠡᠳᠣᠭᠡᠷ ᠲᠡᠰᠤᠨ ᠪᠠᠭᠰᠢᠪᠠᠷ ᠦᠨᠡᠯᠡᠭᠳᠡᠪᠡ᠂ ᠲᠡᠷᠨ ᠣᠪᠣᠭᠠ ᠰᠣᠷᠭ᠋ᠠᠭᠤᠯᠢᠳᠤ ᠠᠵᠢᠯᠯᠠᠭᠰᠠᠨ ᠠᠩᠬᠠᠨᠤ ᠣᠨᠳᠤᠪᠠᠨ ᠠᠯᠪᠠᠨᠤ ᠨᠢᠭᠡ ᠪᠠᠭᠰᠢᠲᠠᠢ ᠵᠢᠯ ᠰᠢᠬᠠᠮ ᠬᠠᠮᠳᠣ ᠠᠵᠢᠯᠯᠠᠵᠣ᠂ ᠲᠡᠬᠦᠨᠠᠴᠠ ᠨᠠᠭ᠋ᠠᠰᠢ ᠭᠠᠬ᠍ᠴᠠᠭ᠋ᠠᠷ ᠵᠶ᠋ᠠᠨ ᠠ᠋ᠨᠡ ᠰᠣᠷᠭ᠋ᠠᠭᠤᠯᠢ ᠵᠢ ᠬᠤᠷᠢ ᠢᠯᠡᠬᠦᠦ ᠵᠢᠯ ᠰᠠᠬᠢᠵᠣ ᠰᠣᠷᠭ᠋ᠠᠭᠤᠯᠢ ᠵᠢᠨ ᠵᠠᠬᠢᠷᠦᠯ᠂ ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ᠂ ᠭᠡᠯᠨ ᠲᠤᠭᠠ ᠲᠠᠮᠢᠷ ᠲᠠᠭᠤᠣ ᠬᠦᠭᠵᠢᠮ ᠵᠢᠷᠤᠭᠤᠨ ᠪᠠᠭᠰᠢ᠂ ᠠᠮᠣᠷᠢ ᠬᠠᠮᠠᠭ᠋ᠠᠯᠠᠭᠴᠢ᠂ ᠲᠣᠭᠤᠭ᠋ᠠᠴᠢ᠂ ᠠ᠋ᠷᠡᠬᠦᠯ ᠬᠠᠮᠠᠭ᠋ᠠᠯᠠᠯᠤᠨ ᠪᠠᠭᠰᠢ᠂ ᠠᠰᠠᠷᠠᠭᠴᠢ ᠵᠢᠨ ᠣᠯᠠᠨ ᠲᠦᠷᠢ ᠵᠢ ᠭᠠᠭᠴᠠᠭ᠋ᠠᠷ ᠵᠶ᠋ᠠᠨ ᠲᠣᠭᠯᠠᠵᠣ ᠭᠤᠴᠢᠨ ᠬᠠᠪᠣᠷ ᠨᠠᠮᠣᠷ 《ᠤᠷᠤᠯᠴᠠᠬ᠍ᠴᠢ ᠪᠠᠭᠰᠢ》 ᠬᠢᠭᠰᠡᠭᠡᠷ ᠶᠠᠪᠤᠵᠠᠢ᠃ ᠤᠤᠯᠳᠤᠪᠠᠨ ᠭᠤᠷᠪᠠ ᠲᠦᠷᠪᠡᠳᠦᠭᠡᠷ ᠣᠨ ᠬᠦᠷᠳᠡᠯᠡ ᠪᠠᠶ᠋ᠢᠵᠣ ᠪᠠᠶ᠋ᠢᠭᠰᠠᠨ ᠵᠶ᠋ᠠᠨ 2010 ᠣᠨᠠᠴᠠ ᠨᠠᠭ᠋ᠠᠰᠢ ᠨᠢᠭᠡᠳᠦᠭᠡᠷ ᠣᠨ ᠯᠨ ᠦᠯᠡᠳᠡᠵᠠᠢ᠃ ᠭᠠᠭᠴᠠᠭ᠍ᠠᠨ ᠰᠣᠷᠣᠭᠴᠢᠲᠠᠢ ᠰᠣᠷᠬᠤ ᠵᠢᠯ ᠭᠠᠷᠣᠭᠰᠠᠨᠳᠤ᠂ ᠠ᠋ᠷᠳᠡᠨᠢᠴᠡᠴᠡᠭ ᠲᠡᠷᠨ ᠰᠣᠷᠣᠭᠴᠢᠪᠠᠨ ᠭᠡᠷᠲᠤᠪᠠᠨ ᠲᠣᠰᠣᠨ ᠠᠪᠠᠴᠢᠵᠣ ᠨᠢᠭᠡ ᠵᠢᠯ ᠵᠢᠭ᠋ᠠᠪᠠ᠃ ᠤᠪᠤᠭᠠ ᠰᠣᠷᠭ᠋ᠠᠭᠤᠯᠢᠳᠤ ᠣᠳᠣᠬᠠᠨᠠ ᠨᠢᠭᠡᠳᠦᠭᠡᠷ ᠣᠨᠤ ᠰᠣᠷᠣᠭᠴᠢ 7 ᠨᠡᠷᠡ᠂ ᠭᠡᠣᠭᠡᠳᠤᠨ ᠴᠡᠴᠡᠷᠯᠢᠭᠤᠨ ᠶᠡᠭᠡ ᠠᠩᠬᠢᠳᠤ 3 ᠭᠡᠣᠭᠡᠳ᠂ ᠲᠣᠮᠳᠡ ᠠᠩᠬᠢᠳᠤ 4 ᠭᠡᠣᠭᠡᠳ᠂ ᠪᠠᠭᠠ ᠠᠩᠬᠢᠳᠤ 1 ᠭᠡᠣᠭᠡᠳ ᠪᠠᠶ᠋ᠢᠨᠠ᠃
ᠰᠣᠷᠣᠭᠴᠢᠳᠤᠨ ᠦᠳᠡ ᠵᠢᠨ ᠬᠤᠭᠤᠯᠠᠨᠤ ᠴᠠᠭ ᠪᠣᠯᠪᠠ᠃ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢ ᠬᠤᠶᠠᠷ ᠰᠠᠪᠠᠨᠳᠤ ᠬᠠᠯᠠᠭᠤᠨ ᠣᠰᠣ ᠬᠢᠵᠣ ᠭᠠᠵᠠᠷ ᠲᠠᠯᠪᠢᠭᠰᠠᠨᠳᠤ ᠵᠢᠭ᠋ᠠᠯ ᠭᠡᠣᠭᠡᠳᠤᠳ ᠬᠦᠶᠦᠵᠣ ᠣᠷᠣᠵᠣ ᠢᠷᠡᠭᠡᠳ ᠭᠠᠷ ᠵᠶ᠋ᠠᠨ ᠣᠬᠢᠶᠠᠨ ᠮᠦᠷᠯᠡᠨ ᠵᠣᠭᠰᠣᠨᠠ᠃ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢ ᠬᠠᠨᠠ ᠲᠠᠭ᠋ᠠᠭᠤᠯᠣᠨ ᠲᠠᠯᠪᠢᠭᠰᠠᠨ ᠪᠢᠴᠢᠬᠠᠨ ᠴᠡᠩᠭᠡᠷ ᠰᠠᠨᠳᠠᠯᠢᠨᠤᠭᠤᠳᠢ ᠨᠢᠭᠡ ᠨᠢᠭᠡᠪᠠᠷ ᠪᠣᠳᠠᠭ᠋ᠠᠨ ᠰᠢᠷᠡᠭᠡᠨᠤ ᠲᠡᠷᠭᠡᠳᠡ ᠲᠠᠯᠪᠢᠵᠣ᠂ ᠰᠡᠨᠵᠢᠲᠠᠢ ᠲᠡᠮᠣᠷ ᠰᠠᠪᠠᠨᠳᠤ ᠰᠠᠶᠢᠬᠠᠨ ᠪᠣᠯᠭᠤᠭ᠋ᠠᠭᠰᠠᠨ ᠲᠣᠳᠣᠷᠭ᠋ᠠᠨ ᠪᠣᠳᠠᠭᠠ ᠵᠢ ᠨᠢᠭᠡ ᠨᠢᠭᠡ ᠰᠢᠨᠠᠭᠠᠪᠠᠷ ᠰᠠᠪᠠᠯᠠᠵᠣ ᠰᠢᠷᠡᠭᠡᠨ ᠲᠡᠭᠡᠷᠡ ᠵᠡᠷᠭᠡᠴᠡᠬᠦᠯᠦᠨ ᠲᠠᠯᠪᠢᠵᠣ ᠠᠳᠠᠯᠢ ᠪᠣᠰᠣ ᠵᠢᠵᠢᠭ ᠰᠠᠪᠠᠲᠠᠢ ᠲᠠᠪᠣᠰᠣᠯᠠᠭᠰᠠᠨ ᠨᠣᠭᠤᠭᠠ ᠪᠣᠶᠣ ᠵᠠᠭᠤᠰᠢ ᠵᠢ ᠨᠢᠭᠡ ᠨᠢᠭᠡᠪᠠᠷ ᠨᠡᠭᠡᠭᠡᠵᠣ ᠲᠠᠯᠪᠢᠭ᠋ᠠᠳ᠂ ᠶᠡᠭᠡ ᠪᠠᠭᠠᠨᠢ ᠲᠡᠭᠰᠢ ᠦᠬᠡᠢ ᠠᠷᠪᠠᠨ ᠲᠠᠪᠣᠨ ᠬᠠᠯᠪᠠᠭᠠ ᠵᠢ ᠪᠣᠳᠠᠭ᠋ᠠᠨ ᠰᠠᠪᠠᠳᠤᠨᠢ ᠬᠢᠨᠡ； ᠪᠠᠰᠨ ᠨᠠᠷᠢᠨ ᠣᠷᠳᠣ ᠬᠤᠪᠬᠢᠯᠲᠠᠢ ᠪᠢᠴᠢᠬᠠᠨ ᠣᠰᠣᠨ ᠣᠩᠭᠤᠴᠨ ᠰᠢᠬ ᠪᠠᠭ᠋ᠠᠵᠢᠳᠤ ᠨᠢᠭᠡ ᠨᠢᠭᠡ ᠣᠭᠤᠳᠡ ᠰᠦ ᠬᠢᠵᠣ ᠲᠠᠯᠪᠢᠵᠠᠢ᠃ ᠢᠩᠬᠢᠬᠦᠨᠢ ᠭᠡᠣᠭᠡᠳᠤᠳ ᠰᠦᠪᠠᠨ ᠠᠰᠬᠠᠬᠤ ᠣᠴᠢᠷ ᠭᠠᠷᠬᠤ ᠦᠬᠡᠢ ᠭᠡᠨᠡ᠃ ᠪᠢᠴᠢᠬᠠᠨ ᠬᠡᠣᠭᠡᠳᠤᠳ ᠮᠠᠰᠢ ᠨᠠᠮ ᠵᠢᠮ ᠲᠢᠭᠯᠢᠮᠲᠠᠢ ᠬᠤᠭᠤᠯᠠᠨ ᠭᠡᠷᠲᠤ ᠣᠷᠣᠵᠣ ᠰᠠᠭᠤᠯᠴᠠᠨ ᠬᠤᠭᠤᠯᠨᠪᠠᠨ ᠢᠳᠡᠵᠡᠭᠡᠪᠡ᠃ ᠰᠢᠷᠡᠭᠡ ᠭᠠᠴᠠᠭᠠ ᠵᠢ ᠪᠠᠭᠳᠠᠭ᠋ᠠᠭᠰᠠᠨ ᠦᠢ᠍ᠷᠡ ᠵᠡᠷᠭᠡᠯᠡᠳᠡᠭᠡ ᠪᠠᠶᠠᠠᠭᠤᠣᠯ᠂ ᠪᠠᠶᠠᠠᠳᠠᠯᠠ᠂ ᠱᠠᠩᠰᠢᠨᠮᠣᠳᠣ ᠵᠡᠷᠭᠡ ᠭᠡᠳᠣᠨ ᠭᠠᠴᠠᠭᠠ ᠵᠢᠨ ᠮᠠᠯᠴᠢᠨ ᠠᠷᠠᠳᠤᠨ ᠠᠷᠪᠠᠨ ᠲᠠᠪᠣᠨ ᠭᠡᠣᠭᠡᠳ ᠴᠦᠮ ᠦᠪᠡᠷ ᠦᠪᠡᠷᠤᠨ ᠬᠠᠯᠪᠠᠭᠠᠪᠠᠨ ᠵᠠᠷᠣᠵᠣ᠂ ᠦᠪᠡᠷ ᠦᠪᠡᠷᠤᠨ ᠭᠡᠷᠠᠴᠠᠪᠠᠨ ᠠᠪᠴᠢᠷᠠᠭᠰᠠᠨ ᠨᠣᠭᠤᠭᠠ ᠵᠠᠭᠤᠰᠢᠪᠠᠨ ᠢᠳᠡᠵᠣ᠂ ᠦᠪᠡᠷ ᠦᠪᠡᠷᠤᠨ ᠣᠷᠣᠨᠳᠤᠪᠠᠨ ᠰᠠᠭᠤᠵᠣ ᠦᠳᠡᠯᠡᠳᠡᠭ ᠵᠠᠩᠰᠢᠯᠲᠠᠢ ᠪᠣᠯᠵᠣ᠂ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢ ᠰᠣᠷᠣᠭᠴᠢᠳᠤᠨ ᠵᠶ᠋ᠠᠨ ᠡᠪᠬᠡᠵᠣ ᠲᠠᠯᠪᠢᠭᠰᠠᠨ ᠲᠡᠪᠡᠯ ᠬᠤᠪᠴᠠᠰᠣ ᠵᠢᠨ ᠠᠯᠢᠨᠢ ᠭᠡᠨᠤ ᠪᠣᠯᠬᠤ ᠵᠢ ᠲᠠᠨᠢᠬᠤᠪᠠᠷ ᠪᠠᠷᠠᠭ᠍ᠣ ᠦᠬᠡᠢ ᠵᠢᠪ ᠵᠢᠵᠢᠭ ᠬᠠᠯᠪᠠᠭᠠᠳᠤᠨᠢ ᠬᠦᠷᠳᠡᠯᠡ ᠠᠨᠳᠠᠳᠠᠭ ᠦᠬᠡᠢ ᠪᠣᠯᠣᠭᠰᠠᠨ ᠶᠣᠮ ᠪᠠᠶ᠋ᠢᠨᠠ᠃ ᠵᠠᠷᠢᠮ ᠭᠡᠣᠭᠡᠳᠨᠢ ᠢᠳᠡᠵᠣ ᠪᠠᠶ᠋ᠢᠭ᠋ᠠᠳ ᠣᠰᠣ ᠣᠣᠭᠤᠨᠠ ᠭᠡᠬᠦᠳᠤᠨᠢ ᠬᠠᠯᠠᠭᠤᠨ ᠪᠦᠯᠢᠶᠡᠨᠨᠢ ᠲᠣᠬᠢᠷᠠᠭᠰᠠᠨ ᠣᠰᠣ ᠵᠢ ᠴᠣᠮᠣᠳᠤ ᠬᠢᠵᠣ ᠦᠭᠬᠦᠨ᠂ ᠵᠠᠷᠢᠮᠨᠢ ᠣᠳᠠᠯ ᠦᠬᠡᠢ ᠨᠦᠢ᠍ᠷᠮᠣᠭᠯᠠᠵᠣ ᠠ᠋ᠬᠢᠯᠡᠬᠦᠳᠤ 《ᠢᠳᠡ ᠡ᠂ ᠣᠣᠭᠤ！》 ᠭᠡᠮᠡᠨ ᠢᠳᠬᠠᠨ ᠠᠷᠭ᠋ᠠᠳᠠᠵᠣ᠂ ᠨᠢᠯᠬᠠ ᠪᠠᠭᠠ ᠨᠢᠭᠡᠳᠤᠨᠢ ᠪᠠᠰᠨ ᠬᠠᠯᠪᠠᠭᠠᠪᠠᠷ ᠠᠮᠠᠨᠳᠤᠨᠢ ᠪᠣᠳᠠᠭᠠ ᠬᠢᠵᠦ ᠦᠭᠴᠦ ᠪᠠᠢ᠍ᠢ᠍ᠪᠠ᠃
《ᠨᠠᠮᠠᠢ᠍ᠢ ᠠᠩᠬᠠ ᠢᠷᠡᠬᠦᠳᠤ ᠣᠪᠣᠭᠠ ᠰᠣᠷᠭ᠋ᠠᠭᠤᠯᠢ ᠬᠦᠷᠢᠶᠡ ᠬᠠᠰᠢᠶᠠᠨᠢ ᠵᠠᠳᠠᠭ᠋ᠠᠢ᠂ ᠭᠡᠳᠣᠨ ᠲᠠᠰᠣᠯᠭᠠ ᠨᠣᠷᠠᠭ᠍ᠣ ᠰᠢᠬᠠᠭᠰᠠᠨ ᠮᠠᠶ᠋ᠢᠵᠢᠬᠢ ᠰᠢᠪᠡᠷ ᠭᠡᠷᠲᠠᠢ ᠯᠨ ᠪᠠᠶ᠋ᠢᠭᠰᠠᠨ ᠶᠣᠮ᠃ ᠲᠣᠭᠤᠶ᠋ᠢᠯᠠᠩᠤᠨ ᠮᠠᠯᠴᠢᠳ᠂ ᠰᠣᠷᠣᠭᠴᠢᠳᠤᠨ ᠭᠡᠷᠤᠨ ᠠᠬᠠᠮᠠᠳ ᠪᠠ ᠭᠠᠴᠠᠭᠠ ᠰᠣᠮᠣ ᠬᠤᠰᠢᠭᠤ ᠭᠡᠳᠣᠨ ᠱᠠᠳᠣᠨᠤ ᠬᠠᠶ᠋ᠢᠷᠡ ᠬᠠᠯᠠᠮᠵᠢᠪᠠᠷ ᠦᠢ᠍ᠷᠡ ᠵᠢᠨ ᠵᠢᠯᠠᠴᠠ ᠭᠡᠷ ᠬᠦᠷᠢᠶᠡ ᠰᠢᠨᠡᠳᠣᠨ᠂ ᠵᠢᠭ᠋ᠠᠨ ᠰᠣᠷᠭ᠋ᠠᠬᠤ ᠨᠦᠬᠦᠴᠡᠯ ᠲᠦᠬᠦᠭᠡᠷᠦᠮᠵᠢ ᠢᠯᠡᠳᠳᠡ ᠲᠦᠷᠭᠡᠨ ᠰᠠᠶ᠋ᠢᠵᠢᠷᠠᠵᠣ ᠣᠰᠣ ᠴᠠᠬᠢᠯᠭ᠋ᠠᠨ ᠪᠦᠷᠢᠳᠣᠨ ᠣᠣᠭᠤᠬᠤ ᠣᠰᠣ ᠠᠷᠢᠭᠤᠨ ᠴᠡᠪᠡᠷ᠂ ᠲᠣᠯᠠᠭ᠋ᠠᠯᠭᠠᠲᠠᠢ ᠪᠣᠯᠵᠣ᠂ ᠭᠠᠴᠠᠭ᠋ᠠᠨ ᠵᠦᠪᠯᠡᠯᠤᠨ ᠠᠯᠪᠠᠯᠠᠭ᠍ᠣ ᠨᠦᠬᠦᠴᠡᠯᠠᠴᠠ ᠪᠠᠰᠨ ᠰᠠᠢ᠍ᠢ᠍ᠨ ᠪᠤᠯᠵᠠᠢ》 ᠭᠡᠵᠣ ᠭᠡᠯᠡᠭᠰᠡᠨᠠᠴᠠ ᠦᠵᠡᠪᠡᠯ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢ ᠦᠪᠡᠷᠤᠨ ᠰᠣᠷᠭ᠋ᠠᠭᠤᠯᠢ ᠪᠣᠯᠣᠨ ᠠ᠋ᠷᠬᠢᠯᠡᠵᠣ ᠪᠠᠶ᠋ᠢᠭᠠ ᠠᠵᠢᠯᠳᠤᠪᠠᠨ ᠮᠠᠰᠢ ᠬᠠᠨᠣᠮᠵᠢᠳᠠᠢ ᠪᠠᠶ᠋ᠢᠭᠠᠨᠢ ᠢᠯᠡᠭᠡᠨ᠃ ᠬᠢᠴᠢᠶᠡᠯᠤᠨ ᠭᠡᠷᠤᠨ ᠵᠡᠭᠦᠨ ᠲᠠᠯᠠᠳᠤᠨᠢ ᠭᠡᠣᠭᠡᠳᠤᠨ ᠨᠠᠭ᠋ᠠᠳᠣᠮ ᠲᠣᠭᠯᠠᠭ᠋ᠠᠮᠤᠨ ᠭᠡᠷ᠂ ᠨᠢᠭᠡᠳᠦᠭᠡᠷ ᠣᠨᠳᠤᠪᠠᠨ ᠰᠢᠨᠡ ᠬᠢᠴᠢᠶᠡᠯ ᠵᠢᠭ᠋ᠠᠬᠤ ᠦᠶᠡᠰ ᠴᠡᠴᠡᠷᠯᠢᠭᠤᠨ ᠠᠩᠬᠢ ᠵᠢᠨ ᠭᠡᠣᠭᠡᠳ ᠠ᠋ᠨᠡ ᠦᠷᠦᠭᠡᠳᠤ ᠢᠷᠡᠵᠣ ᠲᠣᠭᠯᠠᠳᠠᠭ᠂ ᠴᠠᠭ᠋ᠠᠨᠠᠨᠢ ᠭᠡᠣᠭᠡᠳᠤᠨ ᠣᠨᠳᠠᠵᠣ ᠠᠮᠠᠷᠠᠭ᠍ᠣ ᠲᠠᠰᠤᠭ ᠪᠠᠢ᠍ᠢ᠍ᠳᠠᠬ᠃ ᠴᠣᠩᠬᠤᠨ ᠲᠣᠳᠣᠷᠡ ᠲᠠᠶ᠋ᠢᠰᠠᠨ ᠲᠡᠭᠡᠷᠡ 《ᠬᠤᠷᠠᠬᠠ ᠰᠣᠮᠣ ᠵᠢᠨ ᠣᠪᠣᠭᠠ ᠪᠠᠭᠠ ᠰᠣᠷᠭ᠋ᠠᠭᠤᠯᠢ》 ᠭᠡᠮᠡᠭᠦ ᠲᠡᠮᠣᠷ ᠫᠠᠶ᠋ᠢᠵᠨ ᠲᠠᠯᠪᠢᠭ᠋ᠠᠰᠣᠳᠠᠢ᠃ 2006 ᠣᠨᠳᠤ᠂ ᠰᠣᠮᠣ ᠰᠢᠶᠠᠩᠢ ᠬᠠᠰᠣᠵᠣ ᠨᠡᠶ᠋ᠢᠯᠡᠬᠦᠯᠬᠦᠳᠤ ᠣᠣᠯᠤᠨ ᠬᠤᠷᠠᠬᠠ ᠰᠣᠮᠣᠨᠢ ᠰᠢᠷᠠᠮᠦ᠋ᠷᠡᠨ ᠰᠣᠮᠣ᠂ ᠶᠡᠭᠡᠨᠠᠭᠤᠷ ᠰᠣᠮᠣᠲᠠᠢ ᠨᠡᠶ᠋ᠢᠯᠡᠨ ᠣᠳᠣ ᠵᠢᠨ ᠰᠢᠷᠠᠮᠦ᠋ᠷᠡᠨ ᠰᠣᠮᠣ ᠪᠣᠯᠵᠣ᠂ 2008 ᠣᠨᠳᠤ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠠ᠋ᠬᠢ ᠪᠠᠶᠠᠯᠢᠭᠢ ᠰᠢᠯᠢᠳᠡᠭᠵᠢᠬᠦᠯᠵᠣ ᠪᠦᠬᠦ ᠬᠤᠰᠢᠭᠤᠨᠤ ᠮᠣᠩᠭᠤᠯ ᠵᠶ᠋ᠠᠷ ᠬᠢᠴᠢᠶᠡᠯᠯᠡᠬᠦ ᠠᠩᠬᠠ ᠲᠣᠮᠳᠠᠳᠣ ᠰᠣᠷᠭ᠋ᠠᠭᠤᠯᠢ ᠵᠢ ᠬᠤᠰᠢᠭᠤᠨᠳᠤ ᠲᠦᠪᠯᠡᠷᠡᠬᠦᠯᠦᠨ ᠨᠢᠭᠡᠳᠭᠡᠭᠰᠡᠨ ᠵᠶ᠋ᠠᠷ ᠭᠠᠴᠠᠭᠠᠳᠤ ᠪᠠᠶ᠋ᠢᠭᠰᠠᠨ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠰᠣᠮᠣᠨᠳᠤ ᠲᠦᠪᠯᠡᠷᠡᠵᠣ᠂ ᠭᠠᠭᠴᠠ ᠬᠦ᠌ 1～3 ᠳ᠋ᠤᠭ᠋ᠠᠷ ᠣᠨᠲᠠᠢ ᠪᠠᠶ᠋ᠢᠭᠰᠠᠨ ᠣᠪᠣᠭᠠ ᠰᠣᠷᠭ᠋ᠠᠭᠤᠯᠢ ᠦᠯᠡᠳᠡᠵᠣ᠂ 2010 ᠣᠨᠠᠴᠠ ᠨᠠᠭ᠋ᠠᠰᠢ ᠪᠠᠭᠰᠢ ᠵᠢᠨ ᠬᠦᠴᠦᠨ ᠨᠦᠬᠦᠵᠣ ᠲᠡᠶ᠋ᠢᠯᠬᠦ ᠦᠬᠡᠢᠠᠴᠠ ᠨᠢᠭᠡᠳᠦᠭᠡᠷ ᠣᠨ ᠯᠨ ᠦᠯᠡᠳᠡᠵᠡᠢ᠃ ᠭᠡᠣᠭᠡᠳᠤᠳ ᠬᠤᠭᠤᠯᠨᠪᠠᠨ ᠢᠳᠡᠵᠣ ᠪᠠᠷᠠᠭ᠋ᠠᠳ ᠭᠠᠳᠠᠨᠠ ᠨᠠᠭ᠋ᠠᠳᠴᠣ᠂ ᠭᠡᠷᠲᠤ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢ ᠪᠣᠳᠠᠭ᠋ᠠᠨ ᠰᠠᠪᠠ ᠭᠡᠷᠡᠭᠰᠡᠯᠢ ᠣᠬᠢᠶᠠᠵᠣ ᠠᠷᠴᠢᠨ ᠲᠤᠯᠠᠭ᠋ᠠᠯᠠᠭᠠ ᠵᠢᠨ ᠵᠤᠤᠬᠠᠨᠳᠤ ᠨᠡᠬᠦᠷᠡᠰᠣ ᠨᠡᠮᠡᠨᠡ᠃ 《ᠪᠠᠭᠰᠢ ᠲᠠ ᠦᠢ᠍ᠷᠡ ᠵᠢᠨ ᠵᠢᠯᠳᠤ ᠲᠣᠮᠳᠠᠳᠣ ᠣᠯᠣᠰᠤᠨ ᠵᠠᠯᠠᠭᠤᠴᠣᠳ ᠪᠠᠭ᠋ᠠᠴᠣᠳᠤᠨ ᠰᠠᠭᠤᠷᠢ ᠮᠦᠩᠬᠦ ᠵᠢᠨ ᠨᠡᠶ᠋ᠢᠭᠡᠮᠯᠢᠭᠤᠨ 〈ᠯᠠᠪᠤᠨ ᠭᠡᠷᠡᠯ〉 ᠱᠠᠩᠢ ᠲᠣᠰᠴᠣ᠂ ᠪᠠᠰᠨ ᠱᠠᠩᠨᠠᠯᠤᠨ ᠮᠦᠩᠭᠦᠪᠠᠨ ᠰᠣᠷᠭ᠋ᠠᠭᠤᠯᠢ ᠪᠠ ᠰᠣᠷᠣᠭᠴᠢᠳᠲᠤᠪᠠᠨ ᠬᠠᠨᠳᠢᠪᠯᠠᠵᠣ᠂ ᠣᠯᠠᠭ᠋ᠠᠠᠭ᠍ᠠᠳᠠ ᠬᠤᠳᠡ ᠵᠢᠨ 〈ᠮᠠᠨᠤ ᠲᠡᠷᠭᠡᠳᠡᠬᠢ ᠬᠠᠮᠤᠭᠤᠨ ᠰᠠᠶ᠋ᠢᠬᠠᠨ ᠪᠦᠰᠡᠬᠦᠢ〉ᠪᠠᠷ ᠰᠣᠩᠭᠤᠭᠳᠠᠯᠠ ᠭᠡᠰᠡᠨ᠂ ᠲᠠᠨᠤ ᠣᠯᠣᠭᠰᠠᠨ ᠢᠷᠠᠭᠤ ᠠᠯᠳᠡᠷ ᠣᠯᠠᠨ ᠪᠠᠶ᠋ᠢᠬᠠ ᠡ᠂ ᠠ᠋ᠬᠦᠨᠤᠪᠠᠨ ᠲᠣᠬᠠᠢ ᠵᠢᠭ᠋ᠠᠬᠠᠨ ᠬᠠᠭᠤᠴᠢᠯᠠᠬᠤ ᠦᠭᠡᠢ ᠤᠤ？》 ᠭᠡᠬᠦᠳᠤ 《ᠭᠤᠴᠢᠨ ᠵᠢᠯᠤᠨ ᠲᠣᠷᠰᠢ ᠰᠣᠮᠣ ᠬᠤᠰᠢᠭᠤ ᠵᠢᠨ ᠨᠠᠮ ᠵᠠᠰᠠᠭᠤᠨ ᠠᠷᠪᠠᠨ ᠰᠣᠳᠣᠨ ᠵᠠᠯᠠᠭᠤ᠂ 〈3 · 8〉ᠤ ᠣᠯᠠᠭ᠋ᠠᠨ ᠲᠣᠭᠴᠢ᠂ ᠵᠢᠭ᠋ᠠᠨ ᠰᠣᠷᠭ᠋ᠠᠬᠤ ᠴᠢᠳᠠᠪᠦᠷᠢᠳᠡᠨ᠂ ᠰᠢᠯᠢᠳᠡᠭ ᠬᠠᠪᠰᠣᠷᠣᠨ ᠵᠢᠯᠣᠭᠤᠳᠣᠭᠴᠢ᠂ ᠵᠢᠱ᠌ᠢᠶᠡᠴᠢ ᠪᠠᠭᠰᠢ᠂ ᠰᠢᠯᠢᠳᠡᠭ ᠨᠠᠮᠤᠨ ᠭᠡᠰᠢᠬᠦᠨ ᠵᠡᠷᠭᠡ ᠣᠯᠠᠨ ᠣᠯᠠᠨ ᠱᠠᠩᠨᠠᠯ ᠰᠠᠶ᠋ᠢᠰᠢᠶᠡᠯᠢ ᠬᠦᠷᠳᠡᠵᠣ ᠶᠠᠪᠣᠵᠠᠢ᠃ ᠨᠠᠳᠠᠳᠣ ᠬᠠᠶ᠋ᠢᠷᠠ ᠬᠠᠯᠠᠮᠵᠢ᠂ ᠢᠳᠡᠭᠡᠯ ᠬᠦᠴᠦ ᠣᠯᠭᠤᠭᠰᠠᠨ ᠨᠠᠮ ᠵᠠᠰᠠᠭ ᠪᠣᠯᠣᠨ ᠠᠶ᠋ᠢᠯ ᠠᠶ᠋ᠢᠮᠠᠭᠤᠨᠬᠢᠨᠳᠤᠪᠠᠨ ᠪᠠᠶᠠᠷᠯᠠᠨ ᠲᠠᠯᠠᠷᠬᠠᠭ᠋ᠠᠳ ᠪᠠᠷᠠᠭ᠍ᠣ ᠦᠬᠡᠢ ᠪᠠᠶ᠋ᠢᠨᠠ᠃ ᠰᠡᠳᠬᠢᠭᠳᠡᠯ ᠭᠡᠮᠡᠷ ᠶᠠᠭᠤ ᠯᠨ ᠪᠠᠶ᠋ᠢᠨᠠ ᠳ᠋ᠠ᠂ ᠨᠠᠳᠠᠳᠣ ᠲᠡᠬᠦᠨᠢ ᠲᠡᠯᠭᠡᠬᠦ ᠰᠡᠳᠬᠢᠯ ᠴᠦ᠍ ᠦᠬᠡᠢ᠂ ᠵᠠᠪ ᠴᠦ᠍ ᠦᠬᠡᠢ᠃ ᠣᠯᠠᠨ ᠲᠦᠮᠡᠨ ᠲᠦᠰᠢᠭ ᠪᠣᠯᠵᠣ ᠣᠪᠣᠭᠠ ᠰᠣᠷᠭ᠋ᠠᠭᠤᠯᠢ ᠮᠢᠨᠢ ᠣᠷᠣᠨᠳᠤᠪᠠᠨ ᠣᠪᠣᠶ᠋ᠢᠵᠣ᠂ ᠣᠯᠠᠨ ᠭᠡᠣᠭᠡᠳ ᠮᠢᠨᠢ ᠰᠣᠷᠭ᠋ᠠᠭᠤᠯᠢᠳᠤᠪᠠᠨ ᠲᠣᠭᠯᠠᠵᠣ ᠪᠠᠶ᠋ᠢᠪᠠᠯ ᠮᠢᠨᠣ ᠬᠠᠮᠤᠭᠤᠨ ᠲᠡᠭᠡᠳᠣ ᠱᠠᠩᠨᠠᠯ ᠰᠠᠶ᠋ᠢᠰᠢᠶᠠᠯ ᠲᠡᠷᠨ ᠰᠢᠣ！》 ᠭᠡᠵᠣ ᠶᠦᠮᠦᠷᠯᠢᠭ ᠮᠦᠷᠳᠡᠭᠡᠨ ᠢᠳᠡᠭᠡᠯᠲᠠᠢ ᠮᠦᠰᠢᠶᠡᠨ ᠶᠠᠷᠢᠭ᠋ᠠᠳ 《ᠪᠠᠭᠰᠢ ᠲᠠ ᠮᠢᠨᠣ ᠦᠭᠡ ᠭᠡᠯᠡᠬᠦ ᠵᠢ ᠪᠢᠳᠡᠭᠡᠢ ᠠ᠋ᠯᠡᠭᠯᠡᠭᠡᠴᠢ ᠳ᠋ᠠ》 ᠭᠡᠪᠡ᠃ ᠣᠣᠯᠨᠢ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢ ᠬᠤᠶᠠᠷ ᠣᠳᠠᠭᠠ ᠠᠶ᠋ᠢᠯᠤᠨ ᠨᠣᠬᠠᠢᠳᠤ ᠬᠠᠵᠠᠭᠳᠠᠵᠦ ᠦᠩᠭᠡᠷᠡᠵᠠᠢ᠃ 1990 ᠣᠨᠤ ᠬᠠᠪᠣᠷᠤᠨ ᠨᠢᠭᠡᠨ ᠦᠳᠡᠰᠢ ᠰᠣᠷᠭ᠋ᠠᠭᠤᠯᠢ ᠲᠠᠷᠬᠠᠭ᠋ᠠᠳ ᠲᠤᠭᠤᠢ ᠣᠨᠣᠵᠣ ᠭᠡᠷ ᠵᠦᠭ ᠵᠶ᠋ᠠᠨ ᠪᠣᠴᠠᠭ᠍ᠣ ᠵᠠᠮ ᠵᠠᠭᠤᠷᠠ ᠠᠶ᠋ᠢᠯᠤᠨ ᠨᠣᠬᠠᠢᠳᠤ ᠬᠠᠵᠠᠭᠳᠠᠵᠣ᠂ 2014 ᠣᠨᠤ ᠰᠢᠨᠡ ᠣᠨᠤ ᠰᠢᠨᠡ ᠵᠢᠨ ᠨᠢᠭᠡᠨᠤ ᠠ᠋ᠮᠣᠨᠡ ᠠ᠋ᠳᠣᠷ᠂ ᠲᠡᠷᠡ ᠰᠣᠷᠣᠭᠴᠢᠳᠤᠨ ᠵᠶ᠋ᠠᠨ ᠬᠤᠭᠤᠴᠠᠭ᠋ᠠᠨ ᠡᠴᠣᠰᠤᠨ ᠰᠢᠯᠭ᠋ᠠᠯᠳᠠ ᠵᠢᠨ ᠬᠢᠷᠢ ᠪᠦᠳᠦᠮᠵᠢ ᠵᠢᠨ ᠬᠠᠭᠤᠳᠠᠰᠣ ᠵᠢ ᠲᠠᠷᠬᠠᠭ᠋ᠠᠵᠣ ᠶᠠᠪᠣᠬᠤᠳᠤᠪᠠᠨ ᠠᠶ᠋ᠢᠯᠤᠨ ᠨᠣᠬᠠᠢᠳᠤ ᠨᠢᠭᠤᠷ ᠣᠷᠣᠭᠤᠯ ᠵᠶ᠋ᠠᠨ ᠬᠦᠷᠳᠡᠯᠡ ᠣᠷᠠᠭᠤᠯᠵᠦ ᠰᠣᠮᠣ ᠬᠤᠰᠢᠭᠤᠨᠤ ᠠ᠋ᠮᠨᠡᠯᠭᠡ ᠲᠠᠮᠵᠢᠨ 27 ᠵᠡᠬᠦᠦ ᠣᠶᠣᠭᠤᠯᠵᠣ ᠰᠣᠷᠪᠢ ᠠᠷᠬᠠᠭ ᠦᠯᠡᠳᠡᠭᠰᠡᠨ ᠪᠠᠶ᠋ᠢᠨᠠ᠃ ᠲᠡᠷᠨ ᠨᠢᠭᠡ ᠵᠢᠯ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢ ᠵᠢ ᠭᠠᠢ ᠲᠡᠭᠡᠷᠡ ᠭᠠᠮᠰᠢᠭ ᠲᠠᠭ᠋ᠠᠷᠢᠵᠣ ᠣᠷᠢᠳ ᠬᠤᠵᠢᠳ ᠪᠠᠮᠪᠠᠢ ᠪᠣᠯᠴᠢᠷᠬᠠᠢ ᠵᠢᠨ ᠮᠡᠰᠨ ᠵᠠᠰᠠᠯ᠂ ᠭᠡᠪᠳᠡᠰᠢ ᠵᠢᠨ ᠪᠡᠳᠡᠬᠢ ᠵᠢᠨ ᠮᠡᠰᠨ ᠵᠠᠰᠠᠯ ᠬᠢᠯᠭᠡᠵᠣ ᠡᠪᠡᠷᠰᠢᠶᠡᠯ ᠡᠪᠡᠳᠦᠯᠤᠨ ᠲᠠᠷᠴᠢᠯᠭ᠋ᠠᠯ ᠪᠠ ᠰᠣᠷᠭ᠋ᠠᠭᠤᠯᠢ ᠰᠣᠷᠣᠭᠴᠢᠳ ᠵᠶ᠋ᠠᠨ ᠰᠠᠨᠠᠭ᠍ᠣ ᠰᠡᠳᠬᠢᠯᠤᠨ ᠵᠣᠪᠠᠯᠠᠩᠳᠤ ᠣᠨᠠᠭ᠋ᠠᠵᠠᠢ᠃ ᠠᠯᠪᠠᠨ ᠭᠡᠷᠤᠨ ᠦᠨᠴᠦᠭᠲᠤ ᠠ᠋ᠨᠡ ᠵᠣᠨ ᠲᠡᠬᠦᠰᠦᠭᠰᠡᠨ ᠨᠢᠭᠡᠳᠦᠭᠡᠷ ᠣᠨᠤ ᠰᠣᠷᠣᠭᠴᠢᠳᠠᠴᠠ ᠬᠦᠷᠭᠡᠭᠰᠡᠨ ᠨᠢᠭᠡ ᠭᠡᠮᠡᠷᠯᠢᠭ ᠲᠤᠭ ᠲᠠᠯᠪᠢᠭ᠋ᠠᠰᠣᠳᠠᠢ᠂ ᠲᠡᠭᠡᠷᠡᠨᠢ 《ᠠ᠋ᠷᠬᠢᠮ ᠬᠦᠨᠳᠣᠳᠣ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢᠳᠤᠪᠠᠨ᠄ ᠰᠢᠨᠡ ᠨᠣᠭᠤᠭᠠ ᠰᠣᠷᠭᠤᠭ ᠴᠡᠴᠡᠭ ᠪᠦᠬᠦᠨᠳᠤ / ᠰᠢᠮᠡᠪᠠᠨ ᠢᠪᠡᠭᠡᠭᠰᠡᠨ ᠬᠦᠷᠦᠰᠦ ᠰᠢᠷᠦᠢ ᠮᠡᠳᠣ / ᠰᠢᠮᠡᠳᠣ ᠰᠣᠶᠣᠯ ᠪᠢᠯᠢᠭ ᠠ᠋ᠷᠳᠡᠮ ᠵᠶ᠋ᠠᠷ ᠣᠷᠭᠤᠬᠤ / ᠰᠢᠨᠡ ᠠ᠋ᠷᠡᠨᠤ ᠪᠠᠭ᠋ᠠᠴᠣᠳ ᠪᠢᠳᠡᠨᠳᠤ ᠨᠠᠷᠨ ᠮᠡᠳᠣ ᠲᠠ ᠮᠢᠨᠢ！》 ᠭᠡᠰᠡᠨ ᠠᠯᠳᠠᠨ ᠰᠢᠷᠭ᠋ᠠᠯ ᠲᠦᠷᠪᠡᠨ ᠮᠦᠷ ᠲᠣᠮᠣ ᠦᠰᠦᠭ ᠲᠣᠷᠠᠶ᠋ᠢᠨᠠ᠃ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢ ᠵᠢᠨ ᠰᠣᠷᠣᠭᠴᠢᠳᠠᠴᠠ ᠣᠳᠣ ᠭᠠᠷᠨᠢ ᠭᠠᠨᠵᠣᠭ᠋ᠠᠨᠳᠤ᠂ ᠬᠦᠯᠨᠢ ᠲᠦᠷᠦᠭᠡᠨᠳᠤ ᠬᠦᠷᠦᠭᠡᠳ ᠪᠠᠭᠰᠢ᠂ ᠰᠣᠪᠢᠯᠠᠭᠴᠢ᠂ ᠠᠵᠣ ᠠᠬᠤᠶ᠋ᠢᠯᠠᠯᠳᠡᠨ᠂ ᠦᠨᠳᠦᠰᠦᠨ ᠱᠠᠳᠣᠨᠤ ᠨᠠᠮ ᠵᠠᠰᠠᠭᠤᠨ ᠣᠳᠣᠷᠢᠳᠬᠤ ᠺᠠᠳ᠋ᠷ ᠪᠣᠯᠵᠣ ᠡᠯᠡ ᠹᠷᠣᠨᠲ ᠲᠡᠭᠡᠷᠡ ᠬᠢᠯᠠᠯᠵᠠᠭᠤᠯᠵᠤ ᠶᠠᠪᠣᠭᠠ ᠦᠨᠳᠦᠷ ᠰᠣᠶᠣᠯ ᠦᠷᠭᠡᠨ ᠮᠡᠳᠡᠯᠭᠡ ᠦᠯᠡᠮᠵᠢ ᠠᠮᠵᠢᠯᠳᠡᠲᠠᠢ ᠬᠦᠮᠣᠰ ᠵᠦᠩᠳᠡᠭᠡᠨ ᠪᠠᠶ᠋ᠢᠨᠠ᠃
《ᠪᠠᠭᠰᠢ ᠡ᠂ 10 ᠵᠢᠨ ᠪᠦᠳᠦᠴᠨ ᠵᠢ ᠢᠩᠬᠢᠵᠣ ᠵᠠᠳᠠᠯᠣᠭᠰᠠᠨ ᠲᠠᠭ᠋ᠠᠷᠠᠨᠠ ᠦᠦ？》 ᠭᠡᠵᠣ ᠨᠢᠭᠡ ᠭᠡᠣᠭᠡᠨ ᠰᠣᠷᠣᠭᠴᠢ ᠲᠠᠰᠬᠠᠯ ᠪᠠᠷᠢᠵᠣ ᠢᠷᠡᠭᠡᠳ ᠦᠵᠡᠬᠦᠯᠵᠣ ᠪᠠᠶ᠋ᠢᠨᠠ᠃ ᠬᠢᠴᠢᠶᠠᠯ ᠤᠷᠤᠬᠤ ᠴᠠᠭ ᠴᠤ᠌ ᠪᠤᠯᠪᠠ᠃ ᠣᠪᠣᠭᠠ ᠰᠣᠷᠭ᠋ᠠᠭᠤᠯᠢᠠᠴᠠ ᠠ᠋ᠷᠳᠡᠨᠢᠴᠡᠴᠡᠭ ᠪᠠᠭᠰᠢᠲᠠᠢ ᠠᠶᠠᠷᠯᠠᠨ ᠪᠣᠴᠠᠭ᠍ᠣ ᠵᠠᠮᠳᠤᠪᠠᠨ ᠪᠢ ᠮᠠᠣ ᠲᠡᠷᠢᠬᠦᠯᠡᠭᠴᠢ ᠵᠢᠨ 《ᠨᠢᠭᠡ ᠬᠦᠮᠦᠨ ᠨᠢᠭᠡ ᠵᠢᠭ᠋ᠠᠬᠠᠨ ᠰᠠᠶ᠋ᠢᠨ ᠶᠠᠪᠣᠳᠠᠯ ᠬᠢᠬᠦ ᠲᠡᠮᠡᠢ ᠬᠦᠴᠢᠷ ᠪᠢᠰᠢ᠂ ᠬᠦᠴᠢᠷᠨᠢ ᠨᠠᠰᠣᠨ ᠲᠣᠷᠰᠢᠳᠡ ᠰᠠᠶ᠋ᠢᠨ ᠶᠠᠪᠣᠳᠠᠯ ᠬᠢᠵᠣ ᠮᠠᠭᠤ ᠭᠡᠷᠡᠭ ᠬᠢᠬᠦ ᠦᠬᠡᠢ᠂ ᠢᠮᠠᠭᠳᠠ ᠦᠷᠭᠡᠨ ᠣᠯᠠᠨ ᠲᠦᠮᠡᠨᠳᠤ ᠲᠣᠰᠠᠳᠠᠢ᠂ ᠢᠮᠠᠭᠳᠡ ᠵᠠᠯᠠᠭᠤᠴᠣᠳᠲᠤ ᠲᠣᠰᠠᠳᠠᠢ᠂ ᠢᠮᠠᠬᠳᠠ ᠬᠤᠪᠢᠰᠬᠠᠯᠳᠤ ᠲᠣᠰᠠᠳᠠᠢ᠂ ᠭᠡᠳᠣᠨ ᠠᠷᠪᠠᠨ ᠵᠢᠯ ᠨᠢᠭᠡ ᠠ᠋ᠳᠦᠷ ᠮᠡᠳᠣ ᠬᠠᠳᠠᠭᠤᠵᠢᠯᠳᠠᠢ ᠲᠡᠮᠡᠴᠡᠬᠦ ᠪᠣᠯ ᠰᠠᠶᠢ ᠬᠦᠴᠢᠷᠠᠴᠠ ᠬᠦᠴᠢᠷ》 ᠭᠡᠰᠡᠨ ᠨᠢᠭᠡ ᠪᠠᠳᠠᠭ ᠦᠬᠡ ᠵᠢ ᠦᠪᠡᠷᠤᠨ ᠠ᠋ᠷᠭᠡ ᠦᠬᠡᠢ ᠰᠠᠨᠠᠵᠣ ᠣᠯᠪᠠ᠃
ᠬᠠᠶᠢᠬ᠄ ᠪᠠᠭ᠋ᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠤᠯᠤᠰ ᠲᠦᠷᠦ ᠵᠢᠨ ᠵᠦᠪᠯᠡᠯᠭᠡᠨ
（ᠠ᠋ᠾᠤᠢ᠍ᠩ ᠮᠸᠢ ᠨᠠᠢ᠍ᠢ᠍ᠷᠠᠭᠤᠯᠪᠠ）
2019 ᠣᠨᠤ 2 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ