ᠪᠡᠯᠴᠢᠬᠡᠷ᠎ᠢ ᠠᠮᠠᠷᠠᠭᠤᠯᠬᠤ ᠭᠡᠳᠡᠭ᠎ᠨᠢ ᠪᠡᠯᠴᠢᠭᠡᠷ ᠵᠶ᠋ᠠᠨ ᠵᠢᠯ ᠪᠥᠷᠢ ᠲᠤᠬᠳᠠᠬᠰᠠᠠ ᠬᠤᠭᠤᠴᠠᠭ᠋ᠠᠨ᠎ᠳᠤ ᠮᠠᠯ ᠪᠡᠯᠴᠢᠭᠡᠷᠯᠡᠬᠦᠯᠬᠦ ᠦᠭᠡᠢ ᠪᠠᠶ᠋ᠢᠯᠭ᠋ᠠᠵᠦ᠂ ᠪᠡᠯᠴᠢᠭᠡᠷ᠎ᠲᠠᠬᠢ ᠤᠷᠭᠤᠮᠠᠯ᠎ᠤᠨ ᠪᠥᠷᠬᠦᠴᠡ᠎ᠳᠤ ᠰᠡᠷᠬᠦᠨ ᠤᠷᠭᠤᠬᠤ ᠲᠤᠬᠢᠶᠠᠯ ᠤᠯᠭᠤᠬᠤ ᠠᠷᠭ᠎ᠠ ᠪᠠᠷᠢᠯ᠎ᠢ ᠭᠡᠯᠡᠵᠦ ᠪᠠᠶ᠋ᠢᠨ᠎ᠠ᠃ ᠡᠬᠦᠨ᠎ᠳᠤ ᠬᠠᠪᠤᠷ᠎ᠤᠨ ᠤᠯᠠᠷᠢᠯ᠎ᠳᠤ （ᠨᠤᠭᠤᠭ᠎ᠠ ᠭᠠᠷᠬᠤ ᠦᠶ᠎ᠡ） ᠠᠮᠠᠷᠠᠭᠤᠯᠬᠤ᠂ ᠨᠠᠮᠤᠷ᠎ᠤᠨ ᠤᠯᠠᠷᠢᠯ᠎ᠳᠤ （ᠦᠷᠡᠯᠡᠬᠦ ᠦᠶ᠎ᠡ） ᠠᠮᠠᠷᠠᠭᠤᠯᠬᠤ ᠬᠡᠬᠦ ᠮᠡᠲᠥ ᠠᠷᠭ᠎ᠠ ᠪᠠᠷᠢᠯ᠎ᠢ ᠭᠡᠷᠡᠭᠯᠡᠵᠦ ᠪᠤᠯᠤᠨ᠎ᠠ᠃
      ᠪᠡᠯᠴᠢᠭᠡᠷ᠎ᠢ ᠠᠮᠠᠷᠠᠭᠤᠯᠬᠤ

     1᠂ ᠠᠮᠠᠷᠠᠭᠤᠯᠬᠤ ᠪᠡᠯᠴᠢᠭᠡᠷ᠎ᠢ ᠰᠤᠩᠭᠤᠬᠤ᠄ ᠶᠡᠷᠥ᠎ᠳᠡᠭᠡᠨ ᠬᠠᠰᠢᠶᠠᠯᠠᠨ ᠲᠡᠵᠢᠭᠡᠬᠦ ᠨᠥᠬᠦᠴᠡᠯ᠎ᠲᠠᠢ᠂ ᠲᠠᠴᠢᠷᠳᠠᠬᠰᠠᠠ ᠪᠤᠶᠤ ᠡᠯᠡᠰᠤᠷᠭᠡᠭᠵᠢᠭᠰᠡᠡ ᠪᠤᠯᠪᠠᠴᠦ ᠰᠡᠷᠬᠦᠨ ᠰᠢᠨᠡᠳᠬᠦ ᠴᠢᠳᠠᠪᠤᠷᠢ᠎ᠪᠠᠨ ᠠᠯᠳᠠᠬᠰᠠᠠ ᠦᠬᠡᠢ ᠪᠡᠯᠴᠢᠭᠡᠷ᠎ᠢ ᠰᠤᠩᠭᠤᠵᠦ ᠠᠮᠠᠷᠠᠭᠤᠯᠪᠡᠯ ᠲᠤᠬᠢᠷᠠᠮᠵᠢᠳᠠᠢ ᠪᠠᠶ᠋ᠢᠳᠠᠬ᠃

     2᠂ ᠠᠮᠠᠷᠠᠭᠤᠯᠬᠤ ᠴᠠᠬ ᠬᠤᠭᠤᠴᠠᠭ᠎ᠠ᠄ ᠪᠡᠯᠴᠢᠭᠡᠷ᠎ᠢ ᠠᠮᠠᠷᠠᠭᠤᠯᠬᠤ ᠴᠠᠬ ᠬᠤᠭᠤᠴᠠᠭ᠎ᠠ ᠵᠢ ᠲᠤᠬᠳᠠᠭ᠋ᠠᠬᠤ᠎ᠳᠤ ᠭᠤᠤᠯᠳᠠᠭᠤ ᠪᠡᠯᠴᠢᠭᠡᠷ᠎ᠤᠨ ᠵᠶ᠋ᠠᠨ ᠪᠤᠳᠠᠳᠤ ᠪᠠᠶ᠋ᠢᠳᠠᠯ᠂ ᠬᠦᠷᠦᠰᠦ ᠰᠢᠷᠦᠢ ᠪᠠ ᠠᠭᠤᠷ ᠠᠮᠢᠰᠬᠤᠯ᠎ᠤᠨ ᠨᠦᠬᠦᠴᠡᠯ ᠵᠶ᠋ᠠᠨ ᠦᠨᠳᠦᠰᠦᠯᠡᠵᠦ ᠲᠤᠬᠳᠠᠭ᠋ᠠᠨ᠎ᠠ᠃ ᠶᠡᠷᠦ᠎ᠳᠡᠭᠡᠨ ᠡᠬᠢᠯᠡᠬᠦ ᠬᠤᠭᠤᠴᠠᠭ᠎ᠠ᠎ᠨᠢ 4 ᠰᠠᠷ᠎ᠠ ᠵᠢᠨ 15— 30᠎ᠤ ᠡᠳᠥᠷ᠂ ᠲᠠᠭᠤᠰᠬᠤ ᠬᠤᠭᠤᠴᠠᠭ᠎ᠠ᠎ᠨᠢ 6 ᠰᠠᠷ᠎ᠠ ᠵᠢᠨ 15 — 30᠎ᠤ ᠡᠳᠦᠷ ᠵᠶ᠋ᠠᠷ ᠪᠠᠷᠢᠮᠵᠢᠶᠠᠯᠠᠵᠦ ᠲᠤᠬᠳᠠᠭ᠋ᠠᠪᠠᠯ ᠪᠤᠯᠴᠢᠬᠠᠨ᠎ᠠ ; 45 —75 ᠡᠳᠦᠷ ᠠᠮᠠᠷᠠᠭᠤᠯᠪᠠᠯ ᠲᠤᠬᠢᠷᠠᠮᠵᠢᠳᠠᠢ ᠶᠤᠮ᠃ ᠪᠡᠯᠴᠢᠭᠡᠷ᠎ᠢ ᠠᠮᠠᠷᠠᠭᠤᠯᠬᠤ ᠬᠤᠭᠤᠴᠠᠭ᠎ᠠ ᠵᠢ ᠶᠡᠷᠥ᠎ᠳᠡᠭᠡᠨ 4 ᠰᠠᠷ᠎ᠠ᠎ᠠᠴᠠ ᠭᠡᠳᠥᠷᠡᠬᠦᠯᠳᠡᠭ ᠦᠭᠡᠢ᠂ ᠦᠭᠡᠢ ᠪᠤᠯ ᠵᠠᠷᠤᠯᠭ᠎ᠠ᠎ᠨᠢ ᠤᠷᠤᠯᠭ᠎ᠠ᠎ᠠᠴᠠ᠎ᠪᠠᠨ ᠭᠡᠳᠦᠷᠡᠵᠦ᠂ ᠠᠵᠦ ᠠᠬᠤᠢ ᠵᠢᠨ ᠲᠠᠯ᠎ᠠ᠎ᠳᠤ ᠠᠰᠢᠬ ᠦᠭᠡᠢ ᠪᠠᠶ᠋ᠢᠳᠠᠬ᠃ ᠬᠠᠪᠤᠷ᠎ᠤᠨ ᠤᠯᠠᠷᠢᠯ᠎ᠳᠤ 2 ᠰᠠᠷ᠎ᠠ ᠠᠮᠠᠷᠠᠭᠤᠯᠬᠤ᠎ᠨᠢ ᠪᠡᠯᠴᠢᠬᠡᠷ᠎ᠢ ᠵᠤᠬᠢᠰᠳᠠᠢ᠎ᠪᠠᠷ ᠬᠠᠮᠠᠭ᠋ᠠᠯᠠᠵᠦ᠂ 6 ᠰᠠᠷ᠎ᠠ ᠵᠢᠨ ᠲᠤᠮᠳᠠᠴᠢ᠎ᠠᠴᠠ ᠬᠤᠶ᠋ᠢᠰᠢ ᠪᠡᠯᠴᠢᠭᠡᠷ᠎ᠤᠨ ᠦᠢ᠍ᠯᠡᠳᠪᠦᠷᠢᠯᠡᠯ᠎ᠤᠨ ᠬᠦᠴᠦ ᠮᠠᠯ᠎ᠤᠨ ᠭᠡᠷᠡᠭᠴᠡᠭᠡ ᠵᠢ ᠬᠦᠢ᠍ᠴᠡᠳ ᠬᠠᠨᠭ᠌ᠭ᠋ᠠᠵᠦ ᠲᠡᠶ᠋ᠢᠯᠬᠦ ᠪᠤᠯᠬᠤᠷ ᠭᠡᠳᠦ ᠠᠮᠠᠷᠠᠭᠤᠯᠬᠤ᠎ᠨᠢ ᠪᠠᠰᠠ ᠠᠰᠢᠬ ᠦᠭᠡᠢ ᠶᠤᠮ᠃ ᠡᠬᠦᠨ᠎ᠠᠴᠠ ᠭᠠᠳᠠᠨ᠎ᠠ᠂ ᠳᠠᠴᠢᠷ ᠪᠡᠯᠴᠢᠭᠡᠷ᠎ᠲᠠᠬᠢ ᠲᠡᠵᠢᠭᠡᠯ ᠡᠪᠡᠰᠤᠨ᠎ᠤ ᠦᠷᠡᠯᠡᠬᠦ ᠪᠤᠶᠤ ᠤᠷᠭᠤᠯᠳᠠ ᠵᠤᠬᠰᠤᠬᠤ᠎ᠠᠴᠠ 30 ᠡᠳᠥᠷ᠎ᠤᠨ ᠡᠮᠤᠨ᠎ᠡ ᠠᠮᠠᠷᠠᠭᠤᠯᠬᠤ᠎ᠨᠢ ᠰᠠᠶ᠋ᠢᠨ ᠪᠠᠶ᠋ᠢᠳᠠᠬ᠃ ᠤᠴᠢᠷ᠎ᠨᠢ ᠲᠤᠰ ᠬᠤᠭᠤᠴᠠᠭ᠋ᠠᠨ᠎ᠳᠤ ᠪᠡᠯᠴᠢᠭᠡᠷ᠎ᠤᠨ ᠲᠡᠵᠢᠭᠡᠯ ᠡᠪᠡᠰᠤ᠎ᠨᠢ ᠦᠷᠡᠯᠡᠵᠦ ᠪᠤᠯᠪᠠᠰᠤᠷᠠᠬᠤ ᠵᠢᠨ ᠬᠠᠮᠳᠥ ᠪᠠᠰᠠ ᠭᠠᠵᠠᠷ ᠲᠤᠤᠷᠠᠬᠢ ᠡᠷᠭᠡᠳᠡᠨ᠎ᠳᠡᠭᠡᠨ ᠰᠢᠮ᠎ᠡ ᠲᠡᠵᠢᠬᠡᠯ᠎ᠤᠨ ᠪᠤᠳᠠᠰ᠎ᠢ ᠬᠤᠷᠠᠮᠳᠤᠭᠤᠯᠤᠨ ᠬᠠᠳᠠᠭ᠋ᠠᠯᠠᠵᠦ ᠡᠪᠤᠯᠵᠢᠬᠦ᠎ᠳᠡᠭᠡᠨ ᠪᠡᠯᠡᠳᠭᠡᠯ ᠬᠢᠬᠦ ᠴᠠᠬ ᠬᠤᠭᠤᠴᠠᠭ᠎ᠠ ᠪᠤᠯᠤᠨ᠎ᠠ᠃