ᠲᠦᠯᠡᠭᠡ ᠲᠦᠯᠡᠰᠢ᠂ ᠡᠮ᠎ᠤᠨ ᠤᠷᠭᠤᠮᠠᠯ᠎ᠢ ᠲᠤᠷ᠎ᠠ᠎ᠪᠠᠷ ᠵᠶ᠋ᠠᠨ ᠲᠡᠭᠦᠵᠤ ᠮᠠᠯᠳ᠋ᠬᠠᠰᠠᠨ ᠶᠠᠪᠤᠳᠠᠯ ᠪᠤᠯ ᠵᠠᠷᠢᠮ ᠭᠡᠰᠡᠭ ᠭᠠᠵᠠᠷ ᠤᠷᠤᠨ᠎ᠤ ᠭᠦᠷᠦᠰᠤ ᠰᠢᠷᠤᠢ ᠵᠢᠨ ᠡᠯᠡᠰᠦᠷᠭᠡᠭᠵᠢᠯ ᠦᠷᠭᠡᠵᠢᠭᠰᠡᠨ᠎ᠤ ᠴᠢᠬᠤᠯᠠ ᠰᠢᠯᠳᠠᠭ᠋ᠠᠨ ᠪᠤᠯᠤᠨ᠎ᠠ᠃ ᠲᠦᠯᠡᠭᠡ ᠲᠦᠯᠡᠰᠢ ᠭᠡᠳᠦᠷᠭᠡᠢ ᠬᠠᠳᠤᠵᠤ ᠲᠡᠭᠦᠭᠦ ᠪᠡ ᠬᠠᠤᠯᠢ ᠪᠤᠰᠤ᠎ᠪᠠᠷ ᠮᠠᠯᠳᠠᠵᠤ ᠬᠠᠮᠤᠠᠠᠰᠠᠨ ᠶᠠᠪᠤᠳᠠᠯ᠎ᠨᠢ ᠨᠤᠳᠤᠭ ᠪᠡᠯᠴᠢᠭᠡᠷ᠎ᠤᠨ ᠲᠠᠴᠢᠷᠳᠡᠯ᠎ᠤᠨ ᠠᠭᠢᠴᠡ ᠵᠢ ᠲᠦᠷᠭᠡᠳᠭᠡᠭᠰᠡᠨ ᠪᠠᠶ᠋ᠢᠨ᠎ᠠ᠃ ᠦᠪᠤᠷ ᠮᠤᠩᠭᠤᠯ᠎ᠳᠤ ᠭᠡᠰᠡᠭ ᠭᠠᠵᠠᠷ ᠤᠷᠤᠨ᠎ᠤ ᠮᠠᠯᠴᠢᠨ ᠲᠠᠷᠢᠶᠠᠴᠢᠳ ᠭᠡᠳᠦ᠋ᠢ᠍ᠪᠡᠷ ᠲᠠᠷᠢᠮᠠᠯ᠎ᠤᠨ ᠡᠰᠢ ᠭᠤᠤᠷᠰᠤ᠂ ᠠᠷᠭ᠋ᠠᠯ᠂ ᠨᠡᠭᠦᠷᠡᠰᠤ᠎ᠪᠠᠷ ᠠᠮᠢᠳᠤᠷᠠᠯ᠎ᠤᠨ ᠰᠢᠳᠠᠭ᠋ᠠᠯᠭ᠎ᠠ ᠭᠢᠳᠡᠭ ᠪᠤᠯᠪᠠᠴᠤ ᠠᠯᠢ ᠡᠷᠳᠡ᠎ᠠᠴᠠ ᠲᠤᠠᠠᠳᠠᠪᠤᠷᠢᠵᠢᠨ ᠰᠠᠭᠤᠷᠢᠰᠢᠬᠠᠰᠠᠨ ᠮᠠᠯᠵᠢᠬᠤ ᠤᠷᠤᠨ᠂ ᠬᠠᠭ᠋ᠠᠰ ᠲᠠᠷᠢᠶᠠᠯᠠᠬᠤ ᠬᠠᠭ᠋ᠠᠰ ᠮᠠᠯᠵᠢᠬᠤ ᠤᠷᠤᠨ᠎ᠤ ᠤᠯᠠᠩᠭᠢ ᠠᠷᠠᠳ ᠤᠯᠠᠨ᠎ᠨᠢ ᠵᠡᠷᠯᠢᠭ ᠤᠷᠭᠤᠮᠠᠯ ᠵᠶ᠋ᠠᠷ ᠰᠢᠳᠠᠭ᠋ᠠᠯᠭ᠎ᠠ ᠭᠢᠵᠤ ᠤᠨ ᠵᠢᠯ ᠤᠳᠠᠵᠠᠢ᠃ 1979 ᠤᠨ᠎ᠳᠤ ᠭᠢᠭᠰᠡᠨ ᠨᠢᠭᠡ ᠤᠳᠠᠭ᠋ᠠᠨ᠎ᠤ ᠡᠯᠡᠰᠦᠷᠭᠡᠭᠵᠢᠯ᠎ᠤᠨ ᠪᠠᠶ᠋ᠢᠴᠠᠭ᠋ᠠᠯᠳᠠ ᠵᠢ ᠦᠨᠳᠦᠰᠦᠯᠡᠪᠡᠯ ᠤᠤᠯ᠎ᠤᠨ ᠶᠡᠭᠡ ᠵᠤᠤ ᠠᠶ᠋ᠢᠮᠠᠬ᠎ᠤᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠠᠮᠢᠳᠤᠷᠠᠯ᠎ᠤᠨ ᠰᠢᠳᠠᠭ᠋ᠠᠯᠭ᠎ᠠ ᠭᠢᠭᠦ᠂ ᠫᠧᠩ ᠰᠠᠷᠠᠪᠴᠢ ᠪᠠᠷᠢᠬᠤ᠂ ᠭᠡᠷᠡᠮ ᠭᠦᠷᠢᠶ᠎ᠠ᠎ᠪᠠᠨ ᠪᠠᠭᠢᠯᠡᠭᠦ ᠪᠡ ᠠᠵᠤ ᠠᠬᠤᠢ ᠵᠢᠨ ᠤᠷᠤᠯᠭ᠎ᠠ᠎ᠪᠠᠨ ᠨᠡᠮᠡᠭᠳᠡᠭᠦᠯᠭᠦ ᠵᠢᠨ ᠲᠤᠰᠠᠳᠠ ᠵᠢᠯ ᠪᠦᠷᠢ ᠶᠡᠭᠡ ᠭᠡᠮᠵᠢᠶᠠᠨ᠎ᠤ ᠲᠤᠰᠤᠨ ᠰᠢᠷᠠᠯᠵᠢ᠂ ᠪᠤᠷᠭ᠋ᠠᠰᠤ ᠪᠤᠳᠠ᠂ ᠬᠠᠷᠭ᠋ᠠᠨ᠎ᠠ ᠬᠠᠳᠤᠵᠤ ᠮᠠᠯᠳᠠᠳᠠᠭ ᠪᠠᠶ᠋ᠢᠵᠠᠢ᠃ ᠵᠢᠱ᠌ᠢᠨ ᠪᠤᠳᠤᠠᠠᠰᠠᠨ ᠵᠶ᠋ᠠᠷ ᠪᠤᠯ ᠲᠠᠪᠤᠨ ᠭᠦᠮᠦᠨ ᠠᠮᠠ᠎ᠲᠠᠢ ᠨᠢᠭᠡ ᠭᠡᠷ ᠪᠦᠯᠢ ᠵᠢᠯ᠎ᠤᠨ ᠲᠦᠯᠡᠰᠢ ᠰᠢᠳᠠᠭ᠋ᠠᠯᠭ᠎ᠠ᠎ᠳᠤ 40 ᠮᠤ᠌ ᠲᠤᠠᠠᠳᠠᠪᠤᠷᠢᠵᠢᠭᠤᠯᠤᠠᠠᠰᠠᠨ ᠪᠠ ᠬᠠᠭ᠋ᠠᠰ ᠲᠤᠠᠠᠳᠠᠪᠤᠷᠢᠵᠢᠭᠤᠯᠤᠠᠠᠰᠠᠨ ᠡᠯᠡᠰᠤᠨ ᠲᠡᠭᠡᠷᠡᠭᠢ ᠪᠦᠭᠦ ᠲᠤᠰᠤᠨ ᠰᠢᠷᠠᠯᠵᠢ ᠵᠢ ᠭᠡᠷᠡᠭᠯᠡᠭᠦ ᠴᠢᠬᠤᠯᠠ᠎ᠲᠠᠢ᠃ ᠲᠤᠬᠠᠶ᠋ᠢᠯᠠᠪᠠᠯ ᠵᠢᠯ ᠪᠦᠷᠢ 40 ᠮᠤ᠌ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠤᠷᠭᠤᠮᠠᠯ᠎ᠤᠨ ᠪᠦᠷᠭᠦᠴᠡ ᠵᠢ ᠰᠦᠢ᠍ᠳᠭᠡᠨ᠎ᠠ ᠭᠡᠰᠡᠨ ᠦᠭᠡ᠃ ᠡᠨᠡ᠎ᠨᠢ ᠭᠡᠳᠦᠷᠭᠡᠢ ᠬᠠᠳᠤᠵᠤ ᠲᠡᠭᠦᠭᠦ᠎ᠨᠢ ᠦᠨᠡᠨ ᠬᠦ᠌ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠤᠷᠭᠤᠮᠠᠯ᠎ᠤᠨ ᠪᠦᠷᠭᠦᠴᠡ ᠵᠢ ᠰᠦᠢ᠍ᠳᠭᠡᠵᠤ᠂ ᠡᠯᠡᠰᠦᠷᠭᠡᠭᠵᠢᠯ᠎ᠢ ᠲᠦᠷᠭᠡᠳᠭᠡᠵᠤ ᠪᠠᠶ᠋ᠢᠬᠤ ᠤᠮᠳᠤᠭ᠋ᠠᠶ᠋ᠢᠯᠠᠵᠤ ᠪᠤᠯᠤᠰᠢ ᠦᠭᠡᠢ ᠨᠢᠭᠡᠨ ᠡᠯᠧᠮᠧᠨ᠋ᠲ ᠮᠦᠨ ᠭᠡᠰᠡᠨ᠎ᠢ ᠬᠠᠷᠠᠭᠤᠯᠵᠤ ᠪᠠᠶ᠋ᠢᠨ᠎ᠠ᠃ ᠨᠤᠳᠤᠭ ᠪᠡᠯᠴᠢᠭᠡᠷ ᠪᠤᠯ ᠨᠢᠭᠡᠨ ᠮᠤᠠᠳᠠᠭ ᠲᠤᠮᠤ ᠡᠮᠳᠤ ᠪᠤᠳᠠᠰ᠎ᠤᠨ ᠡᠭᠢ ᠪᠠᠶᠠᠯᠢᠭ᠎ᠤᠨ ᠡᠷᠳᠡᠨᠢ ᠵᠢᠨ ᠭᠦᠮᠦᠷᠭᠡ ᠮᠦᠨ᠃ ᠡᠭᠦᠨ᠎ᠳᠤ ᠭᠢᠳᠡᠳ ᠡᠪᠡᠰᠤᠨ ᠡᠮ᠎ᠤᠨ ᠮᠠᠲ᠋ᠧᠷᠢᠶᠠᠯ ᠪᠤᠯᠤᠨ ᠵᠡᠷᠯᠢᠭ ᠨᠤᠭᠤᠭ᠎ᠠ ᠴᠠᠭ᠎ᠠ ᠡᠯᠪᠡᠭ ᠤᠷᠭᠤᠳᠠᠭ᠃ ᠠᠵᠤ ᠠᠬᠤᠢ ᠵᠢᠨ ᠠᠰᠢᠭ ᠲᠤᠰᠠ ᠵᠢᠨ ᠭᠦᠭᠡᠭᠡᠴᠡᠯᠳᠦᠯ ᠲᠤᠤᠷ᠎ᠠ ᠦᠪᠤᠷ ᠮᠤᠩᠭᠤᠯ᠎ᠤᠨ ᠲᠤᠮᠳᠠᠳᠤ ᠪᠠᠷᠠᠭᠤᠨ ᠭᠡᠰᠡᠭ᠎ᠤᠨ ᠭᠠᠵᠠᠷ ᠤᠷᠤᠨ᠎ᠳᠤ ᠰᠢᠭᠢᠷ ᠡᠪᠡᠰᠤ᠂ ᠵᠡᠭᠡᠷᠭᠡᠨ᠎ᠡ᠂ ᠭᠤᠶᠤᠤ ᠵᠡᠷᠭᠡ ᠡᠮ᠎ᠤᠨ ᠤᠷᠭᠤᠮᠠᠯ᠎ᠢ ᠡᠭᠢ ᠠᠳᠠᠭ ᠦᠭᠡᠢ ᠲᠡᠭᠦᠵᠤ ᠮᠠᠯᠳᠠᠵᠤ᠂ ᠢᠯᠠᠩᠭᠤᠶ᠎ᠠ 1980 ᠤᠨ᠎ᠤ ᠡᠭᠢ᠎ᠠᠴᠠ 1990 ᠤᠨ᠎ᠤ ᠡᠴᠤᠰ ᠪᠤᠯᠳᠠᠯᠠᠭᠢ ᠬᠤᠭᠤᠴᠠᠭ᠋ᠠᠨ᠎ᠳᠤ ᠵᠡᠷᠭᠡᠯᠡᠳᠡᠭᠡ ᠤᠷᠤᠨ᠎ᠤ 200 ᠭᠠᠷᠤᠢ ᠲᠦᠮᠡᠨ ᠲᠠᠷᠢᠶᠠᠴᠢᠳ ᠰᠢᠯᠢ ᠵᠢᠨ ᠭᠤᠤᠯ᠂ ᠤᠯᠠᠭ᠋ᠠᠠᠴᠠᠪ᠂ ᠤᠷᠳᠤᠰ᠂ ᠠᠯᠠᠱ᠌ᠠ ᠵᠡᠷᠭᠡ ᠠᠶ᠋ᠢᠮᠠᠭ ᠬᠤᠳᠠ ᠵᠢᠨ ᠲᠠᠯ᠎ᠠ ᠨᠤᠳᠤᠭ᠎ᠲᠤ ᠲᠦᠷᠢᠨ ᠤᠷᠤᠵᠤ ᠢᠷᠡᠭᠡᠳ ᠭᠡᠵᠢᠭᠡ ᠡᠪᠡᠰᠤ ᠬᠠᠮᠤᠵᠤ᠂ ᠬᠤᠷᠢᠭ᠋ᠠᠳ ᠵᠢᠯ ᠦᠷᠭᠦᠯᠵᠢᠯᠡᠵᠤ᠂ 700 ᠲᠦᠮᠡᠨ ha ᠨᠤᠳᠤᠭ ᠪᠡᠯᠴᠢᠭᠡᠷ᠎ᠢ ᠭᠦᠨᠳᠤ ᠨᠤᠴᠢᠳᠠᠢ ᠰᠦᠢ᠍ᠳᠭᠡᠵᠤ᠂ ᠡᠭᠦᠨ᠎ᠳᠤ 400 ᠲᠦᠮᠡᠨ ha ᠨᠤᠳᠤᠭ ᠪᠡᠯᠴᠢᠭᠡᠷ᠎ᠢ ᠨᠢᠭᠡᠨᠳᠡ ᠲᠠᠴᠢᠷᠳᠠᠭᠤᠯᠵᠠᠢ᠃ ᠰᠢᠯᠢ ᠵᠢᠨ ᠭᠤᠤᠯ ᠠᠶ᠋ᠢᠮᠠᠭ᠎ᠤᠨ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤ᠎ᠪᠠᠷ ᠵᠢᠱ᠌ᠢᠶᠡᠯᠡᠪᠡᠯ ᠭᠠᠳᠠᠷ ᠮᠤᠵᠢ ᠤᠷᠤᠨ᠎ᠤ ᠲᠤᠰ ᠬᠤᠰᠢᠭᠤᠨ᠎ᠳᠤ ᠢᠷᠡᠵᠤ ᠭᠡᠵᠢᠭᠡ ᠡᠪᠡᠰᠤ ᠮᠠᠯᠳ᠋ᠬᠠᠰᠠᠨ ᠭᠦᠮᠦᠨ᠎ᠤ ᠲᠤᠭ᠎ᠠ 5 ᠲᠦᠮᠡ ᠭᠠᠷᠤᠢ᠎ᠳᠤ ᠭᠦᠷᠴᠤ᠂ ᠭᠡᠳᠦᠨ ᠠᠷᠪᠡᠨ ᠲᠦᠮᠡᠨ ᠾᠧᠺᠲ᠋ᠠᠷ ᠬᠠᠳᠤᠯᠠᠩ ᠪᠠᠯᠴᠢᠭᠡᠷ᠎ᠢ ᠲᠠᠴᠢᠷᠳᠠᠭᠤᠯᠤᠠᠠᠰᠠᠨ ᠪᠠᠶ᠋ᠢᠨ᠎ᠠ᠃

     （ᠢᠷᠡᠯᠲᠡ᠄ ᠪᠦᠷᠢᠨᠪᠠᠶᠠᠷ᠂ ᠮᠦᠩᠬᠡᠪᠠᠭ᠋ᠠᠲᠤᠷ᠂ ᠬᠤᠩ ᠮᠧᠢ ᠨᠠᠷ᠎ᠤᠨ ᠨᠠᠶ᠋ᠢᠷᠠᠭᠤᠯᠤᠭᠰᠠᠨ 《ᠮᠠᠯᠵᠢᠯ᠎ᠤᠨ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ》 ᠭᠡᠬᠦ ᠨᠤᠮ᠎ᠠᠴᠠ ᠰᠤᠩᠭᠤᠨ ᠰᠡᠶ᠋ᠢᠷᠡᠭᠦᠯᠪᠡ᠃）