— 《ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠭᠢᠨ ᠦᠷᠪᠢᠰᠦᠯ》ᠢ ᠬᠣᠷᠢᠭᠯᠠᠬᠤ ᠳᠠᠢ᠌ᠨᠳᠤ᠂
ᠰᠢᠵᠢᠷ ᠠᠯᠲᠠᠨ ᠠᠮᠢ ᠨᠠᠰᠤᠪᠠᠨ ᠵᠣᠷᠢᠭᠤᠯᠤᠭᠰᠠᠨ ᠴᠢᠨ ᠬᠤᠩ ᠱᠦᠵᠢᠳᠤ ᠵᠣᠷᠢᠭᠤᠯᠪᠠ
ᠴ᠊ · ᠪᠦᠬᠡᠳᠡᠯᠭᠡᠷ ᠰᠤᠷᠪᠤᠯᠵᠢᠯᠠᠪᠠ
ᠬᠦᠮᠦᠨᠤ 《ᠠᠮᠢ ᠨᠠᠰᠤ》 ᠵᠢ ᠲᠡᠩᠨᠡᠭᠦᠷ ᠵᠶ᠋ᠡᠷ ᠲᠡᠩᠨᠡᠵᠦ᠂ ᠲᠠᠦᠬᠠᠢ ᠭᠦᠶᠦᠯᠭᠡᠵᠦ ᠳᠠᠩᠰᠠᠯᠠᠵᠤ ᠳᠡᠢ᠌ᠯᠳᠡᠭ ᠬᠣᠢ᠌ᠨᠠ ᠲᠡᠭᠦᠨᠤ 《ᠬᠦᠨᠳᠦ ᠵᠢᠨ ᠵᠢᠩ》ᠨᠢ ᠬᠡᠳᠦᠢ ᠪᠠᠢ᠌ᠳᠠᠭ ᠪᠣᠯ⁈ ᠮᠦᠩᠭᠦᠪᠠᠷ ᠲᠣᠭ᠋ᠠᠴᠠᠯᠠᠵᠤ ᠠᠯᠲᠠᠪᠠᠷ ᠦᠨᠡᠯᠡᠵᠦ ᠪᠣᠯᠳᠠᠭ ᠬᠣᠢ᠌ᠨᠠ ᠲᠡᠭᠦᠨᠤ 《ᠦᠨᠡ ᠦᠷᠲᠡᠭ》ᠨᠢ ᠬᠡᠳᠦᠢ ᠪᠠᠢ᠌ᠳᠠᠭ ᠪᠣᠯ⁈ ᠠᠶᠠ᠂ ᠣᠷᠴᠢᠯᠠᠩ ᠬᠢᠵᠠᠭ᠋ᠠᠷ ᠦᠭᠡᠢᠲᠠᠢ ᠠᠳᠠᠯᠢ᠂ ᠬᠦᠮᠦᠨᠤ ᠠᠮᠢ ᠨᠠᠰᠤ ᠴᠤ᠌ ᠦᠨᠡᠯᠡᠰᠢ ᠦᠭᠡᠢ ᠠᠵᠢ！
《ᠴᠢᠨ ᠬᠤᠩ》 ᠭᠡᠳᠡᠭ ᠨᠢᠭᠡ ᠨᠡᠷᠡ ᠴᠡᠭᠡᠵᠢ ᠤᠶᠤᠨᠤ ᠮᠠᠨᠢ ᠴᠡᠭᠡᠯ ᠦᠨᠳᠦᠷ ᠲᠡᠭᠷᠢᠳᠤ ᠰᠠᠷᠠᠲᠠᠢ ᠰᠦᠨᠢ ᠵᠢᠨ ᠰᠠᠷᠠ᠂ ᠰᠠᠷᠠ ᠦᠭᠡᠢ ᠰᠦᠨᠢ ᠵᠢᠨ ᠨᠠᠷᠠ ᠪᠣᠯᠵᠤ ᠣᠯᠠᠨ ᠣᠯᠠᠨ ᠡᠳᠦᠷ ᠬᠣᠨᠤᠭ ᠭᠡᠷᠡᠯᠳᠦᠵᠡᠢ᠃ ᠶᠠᠭ᠋ᠠᠬᠢᠭ᠋ᠠᠳ ᠶᠤᠮ ᠪᠢᠯᠡ ᠶᠠᠭ᠋ᠠᠬᠢᠭ᠋ᠠᠳ ᠴᠦ᠍ ᠶᠤᠮ ᠪᠢᠯᠡ⁈ ᠭᠡᠵᠦ ᠤᠷᠪᠠᠨ ᠬᠦᠷᠪᠡᠨ ᠣᠯᠠᠨ ᠣᠯᠠᠨ ᠤᠴᠢᠭ ᠪᠣᠳᠤᠯ ᠤᠶᠤᠨᠢ ᠮᠢᠨᠢ ᠢᠷᠯᠡᠵᠦ᠂ ᠤᠬᠠᠭ᠋ᠠᠨᠢ ᠮᠢᠨᠢ ᠬᠡᠭᠡᠯᠡᠵᠦ ᠦᠷᠢᠶᠡᠴᠡᠯᠳᠦᠨ ᠬᠦᠪᠦᠷᠡᠨᠡᠮ ᠪᠢᠯᠡ᠃
ᠰᠢᠪᠠᠭᠤ 《ᠦᠳᠦᠨ》ᠳᠡᠭᠡᠨ ᠡᠭᠡᠯᠢᠲᠡᠢ᠂ ᠬᠦᠮᠦᠨ 《ᠠᠮᠢ ᠨᠠᠰᠤᠨ》ᠳᠠᠭᠠᠨ ᠬᠠᠢ᠌ᠷᠠᠲᠠᠢ᠃ ᠤᠴᠢᠷᠨᠢ 《ᠡᠭᠡᠵᠦ ᠢᠷᠡᠬᠦ ᠦᠭᠡᠢ᠂ ᠣᠯᠠᠨ ᠳᠠᠪᠲᠠᠭᠳᠠᠬᠤ ᠦᠭᠡᠢ》 ᠶᠠᠭᠤᠮᠠᠨᠳᠠᠭᠠᠨ ᠡᠭᠡᠯᠢ ᠬᠠᠢ᠌ᠷᠠᠲᠠᠢ ᠪᠠᠢ᠌ᠳᠠᠭ ᠪᠣᠯ 《ᠠᠮᠢᠲᠠᠨ ᠭᠣᠣᠯᠳᠠᠨᠤ ᠣᠣᠷ ᠠᠷᠠᠨᠰᠢ》 ᠠᠵᠢ᠃
ᠠᠮᠢ ᠨᠠᠰᠤ ᠡᠬᠢᠯᠡᠨ ᠪᠦᠷᠢᠯᠳᠦᠬᠦᠳᠡᠭᠡᠨ 《ᠤᠶᠤᠳᠠᠯᠤᠨ ᠵᠡᠭᠦᠦ》 ᠵᠢᠨ ᠦᠵᠦᠭᠦᠷᠲᠤ᠂ 《ᠬᠣᠨᠤᠭ ᠠᠮᠤ》 ᠲᠣᠭᠲᠠᠬᠤ ᠵᠢᠨ ᠬᠦᠴᠢᠷ ᠲᠠᠪᠢᠯᠠᠩ ᠵᠶ᠋ᠡᠷ ᠪᠦᠷᠢᠯᠳᠦᠳᠡᠭ᠃ ᠠᠮᠢ ᠨᠠᠰᠤ ᠣᠷᠤᠰᠢᠨ ᠲᠣᠭᠲᠠᠨᠢᠬᠤᠳᠠᠭᠠᠨ ᠨᠠᠷᠠ ᠰᠠᠷᠠᠨᠤ ᠭᠡᠷᠡᠯᠤᠨ ᠵᠣᠷᠪᠤᠰ ᠵᠶ᠋ᠠᠷ ᠨᠠᠨᠳᠢᠨ ᠡᠷᠬᠢᠮ ᠪᠦᠬᠦᠨᠢ ᠡᠷᠢᠭᠡᠯᠡᠵᠦ᠂ ᠠᠮᠢᠰᠬᠤᠵᠤ ᠠᠮᠢᠳᠤᠷᠠᠬᠤ ᠵᠢᠨ ᠵᠶ᠋ᠡᠨ ᠲᠤᠭ᠋ᠠᠯᠠᠩ ᠵᠶ᠋ᠠᠷ ᠠᠷᠢᠭᠤᠨ ᠡᠷᠬᠢᠮᠰᠦᠭ ᠴᠡᠩᠬᠡᠷ ᠪᠦᠮᠪᠦᠷᠴᠡᠭᠤᠨ 《ᠠᠮᠢ ᠨᠠᠰᠤᠨᠤ ᠠᠶᠠ》 ᠵᠢ ᠬᠦᠭᠯᠡᠵᠦ ᠣᠷᠤᠰᠢᠳᠠᠭ᠃ ᠠᠮᠢᠳᠤᠷᠠᠵᠤ ᠶᠠᠪᠤᠭᠠ ᠣᠣᠷ ᠬᠡᠨ ᠨᠢᠭᠡᠨᠳᠤ ᠴᠦ᠍ 《ᠠᠮᠢ ᠨᠠᠰᠤ》 ᠡᠷᠭᠢᠵᠦ ᠢᠷᠡᠬᠦ ᠦᠭᠡᠢ᠃ 《ᠠᠮᠢ ᠨᠠᠰᠤ》 ᠵᠢ 《ᠠᠯᠲᠠ》ᠪᠠᠷ ᠵᠦᠢ᠍ᠷᠯᠡᠬᠦ ᠭᠡᠭᠴᠢ ᠮᠠᠨᠠᠢ ᠦᠨᠡᠨᠳᠡᠭᠡᠨ 《ᠠᠳᠠᠭᠤᠨ ᠳᠣᠣᠷᠠᠳᠤ》 ᠵᠦᠢ᠍ᠷᠯᠡᠯ ᠶᠤᠮ ᠰᠠᠨ ᠁
ᠠᠷᠭᠠ ᠵᠢᠨ ᠲᠣᠭ᠋ᠠᠯᠠᠯᠤᠨ 2020 ᠣᠨᠤ 1 ᠰᠠᠷᠠ ᠵᠢᠨ 25᠂ ᠳᠠᠷᠤᠢ ᠪᠢᠯᠢᠭᠤᠨ ᠤᠯᠠᠷᠢᠯᠤᠨ ᠴᠠᠭ᠋ᠠᠨ ᠰᠠᠷᠠ ᠵᠢᠨ ᠰᠢᠨᠡ ᠨᠢᠭᠡᠨᠤ ᠦᠷᠯᠦᠭᠡ— 《ᠬᠢᠵᠢᠭ》ᠤᠨ ᠲᠤᠬᠠᠢ ᠬᠦᠨᠳᠦ ᠴᠢᠮᠡᠭᠡ᠂ ᠬᠠᠲᠠᠭᠤ ᠵᠠᠷᠯᠢᠭ ᠬᠦᠯᠢᠶᠡᠭᠰᠡᠨ ᠨᠢᠭᠡᠨ ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠰᠢᠭᠦᠨ᠂ ᠳᠤᠮᠳᠠᠲᠤ ᠤᠯᠤᠰᠤᠨ ᠨᠢᠭᠡᠨ ᠭᠠᠴᠠᠭᠠ ᠲᠤᠰᠬᠤᠨᠤ ᠭᠣᠣᠯᠯᠠᠭᠴᠢ ᠬᠠᠷᠢᠭᠤᠴᠠᠯᠭ᠋ᠠᠲᠠᠨ᠂ ᠪᠣᠷᠤᠭᠵᠢᠭᠤᠨ ᠡᠷᠡ ᠪᠣᠶᠤ ᠲᠠᠷᠢᠶᠠᠴᠢᠨ ᠬᠦᠮᠦᠨ ᠪᠠᠴᠢᠮᠳᠠᠯ ᠰᠠᠨᠳᠤᠷᠤᠯᠤᠨ ᠳᠤᠮᠳᠠ ᠰᠢᠨᠡ ᠵᠢᠨ ᠨᠢᠭᠡᠨᠤ ᠪᠠᠩᠰᠢᠪᠠᠨ ᠴᠦ᠍ ᠰᠢᠮᠡᠲᠡᠢ ᠬᠡᠳᠦ ᠢᠳᠡᠯ ᠦᠭᠡᠢ ᠴᠡᠮᠴᠡᠭᠡᠷᠭᠡᠨ ᠪᠣᠷᠤ ᠪᠠᠢ᠌ᠰᠢᠩᠤᠨ ᠬᠠᠭ᠋ᠠᠯᠭᠠ ᠬᠠᠶᠠᠵᠤ ᠭᠠᠷᠴᠤ ᠢᠷᠡᠵᠡᠢ᠃
《ᠴᠢᠰᠤᠨ ᠳᠠᠷᠤᠯᠲᠠ ᠪᠠᠭᠤᠷᠠᠭᠤᠯᠬᠤ ᠡᠮ ᠵᠶ᠋ᠡᠨ ᠠᠪᠤᠭᠰᠠᠨ ᠦᠦ⁈》 ᠭᠡᠵᠦ ᠰᠠᠨᠠᠭᠠ ᠪᠣᠯᠵᠤ ᠬᠠᠰᠭᠢᠷᠤᠭᠰᠠᠨ ᠰᠡᠳᠬᠢᠯᠤᠨ ᠬᠠᠢ᠌ᠷᠠᠲᠤ ᠪᠦᠰᠡᠭᠦᠢ ᠵᠢᠨ ᠬᠢᠨᠢ ᠦᠭᠡ᠂ ᠴᠢᠬᠢᠨᠤ ᠬᠢᠨᠢ ᠠᠷᠤᠳᠤ ᠬᠠᠶᠠᠭᠳᠠᠵᠠᠢ᠃
《ᠡᠪᠦᠭᠡ ᠡ᠂ ᠡᠷᠲᠡ ᠬᠠᠷᠢᠵᠤ ᠢᠷᠡ ᠡ ᠁》 ᠭᠡᠵᠦ ᠬᠠᠰᠭᠢᠷᠤᠭᠰᠠᠨ ᠣᠮᠪᠤᠯᠤ ᠦᠬᠢᠨᠤ ᠬᠢᠨᠢ ᠦᠭᠡ᠂ ᠦᠷᠦ ᠵᠢᠷᠦᠬᠡᠨᠠᠴᠠᠨᠢ ᠤᠭᠵᠠᠷᠠᠨ ᠲᠠᠲᠠᠬᠤ ᠰᠢᠭ᠋ ᠰᠣᠨᠤᠰᠳᠠᠭᠰᠠᠨ ᠴᠦ᠍ ᠲᠡᠷᠡ ᠡᠷᠭᠢᠵᠦ ᠬᠠᠷᠠᠬᠤ ᠵᠢ ᠵᠣᠷᠢᠭᠯᠠᠭᠰᠠᠨ ᠦᠭᠡᠢ᠃ ᠤᠴᠢᠷᠨᠢ 《ᠨᠠᠮᠤᠨ ᠵᠢᠭ᠋ᠠᠪᠤᠷᠢ᠂ ᠵᠠᠰᠠᠭᠤᠨ ᠵᠠᠷᠯᠢᠭ ᠪᠣᠯ ᠠᠮᠢ ᠨᠠᠰᠤᠨᠠᠴᠠ ᠬᠦᠨᠳᠦ！》 ᠭᠡᠵᠦ ᠬᠠᠢ᠌ᠷᠠ᠂ ᠬᠠᠷᠢᠭᠤᠴᠠᠯᠭᠠ ᠵᠢ ᠬᠡᠵᠢᠶᠡᠲᠡ ᠣᠪᠤᠭᠤᠨ ᠵᠶ᠋ᠠᠨ ᠦᠰᠦᠭ᠂ ᠠᠯᠳᠠᠷᠤᠨ ᠵᠶ᠋ᠠᠨ ᠲᠢᠳᠢᠮ ᠪᠣᠯᠭ᠋ᠠᠵᠤ ᠶᠠᠪᠤᠭᠰᠠᠨ ᠡᠨᠡ ᠬᠠᠲᠠᠭᠤ ᠡᠷᠡ ᠠᠯᠢ ᠬᠡᠳᠦᠢ᠌ᠨ ᠪᠣᠳᠤᠵᠤ ᠵᠠᠩᠰᠢᠭᠰᠠᠨ ᠶᠤᠮ ᠪᠦᠯᠦᠭᠡ᠃
ᠢᠩᠭᠢᠬᠦᠳᠤ᠂ ᠡᠨᠡ ᠬᠦᠮᠦᠨ ᠬᠡᠨ ᠶᠤᠮ ᠪᠤᠢ⁈ ᠡᠨᠡ ᠬᠦᠮᠦᠨ ᠪᠣᠯ ᠦᠪᠦᠷ ᠮᠣᠩᠭᠣᠯᠤᠨ ᠲᠦᠩᠯᠢᠶᠣᠣ ᠬᠣᠲᠠ ᠵᠢᠨ ᠬᠣᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨᠤ ᠪᠣᠣ ᠯᠦᠭ ᠱᠠᠨ ᠪᠠᠯᠭ᠋ᠠᠰᠤᠨᠤ ᠪᠠᠷᠠᠭᠤᠨ ᠪᠣᠣ ᠯᠦᠩ ᠱᠠᠨ ᠭᠠᠴᠠᠭ᠋ᠠᠨᠤ ᠱᠦᠵᠢ ᠴᠢᠨ ᠬᠤᠩ！
《ᠦᠨᠡᠨᠤ ᠮᠦᠷᠲᠤ ᠬᠦᠳᠦᠰ ᠡᠷᠡ᠂ ᠠᠮᠢᠳᠤᠷᠠᠯᠤᠨ ᠮᠦᠷᠲᠤ ᠤᠬᠠᠭ᠋ᠠᠯᠢᠭ ᠡᠷᠡ᠂ ᠠᠵᠢᠯᠤᠨ ᠮᠦᠷᠲᠤ ᠠᠪᠢᠶᠠᠰᠯᠢᠭ ᠡᠷᠡ᠂ ᠠᠶᠠᠨᠤ ᠮᠦᠷᠲᠤ ᠲᠠᠭ᠋ᠠᠭ᠋ᠠᠮᠠᠭ᠋ᠠᠢ ᠡᠷᠡ᠂ ᠡᠭᠡᠯ ᠲᠦᠮᠡᠨᠳᠤ ᠰᠢᠳᠤᠷᠭᠤ ᠡᠷᠡ᠂ ᠦᠷᠢᠭᠦᠦ ᠵᠦᠷᠢᠭᠦᠦᠳᠤ ᠬᠠᠲᠠᠭᠤ ᠡᠷᠡ᠂ ᠦᠨᠡᠨᠤ ᠮᠦᠷᠲᠤ ᠦᠨᠡᠨᠴᠢ ᠡᠷᠡ ᠁》 ᠭᠡᠵᠦ ᠠᠶᠠᠯᠠᠨ ᠰᠣᠷᠪᠤᠯᠵᠢᠯᠠᠬᠤ ᠶᠠᠪᠤᠴᠠᠳᠤ ᠠᠷᠠᠳ ᠵᠤᠨᠠᠴᠠ ᠰᠣᠨᠤᠰᠤᠭᠰᠠᠨ ᠡᠨᠡ ᠬᠦ᠌ 《ᠰᠣᠨᠤᠰᠬᠠᠯ》 ᠵᠶ᠋ᠡᠷ 《ᠠᠷᠠᠳᠤᠨ ᠵᠠᠷᠤᠴᠠ᠂ ᠠᠷᠠᠯᠤᠨ ᠱᠠᠷ》 ᠴᠢᠨ ᠬᠤᠩ ᠱᠦᠵᠢ ᠵᠢ ᠠᠪᠰᠠᠷᠬᠠᠨ ᠲᠠᠨᠢᠯᠴᠠᠭᠤᠯᠬᠤᠳᠤ ᠦᠭᠡ ᠵᠢᠨ ᠬᠣᠮᠰᠠᠳᠠᠯ᠂ ᠦᠭᠦᠯᠡᠪᠦᠷᠢ ᠵᠢᠨ ᠲᠠᠲᠠᠭᠤᠳᠠᠯ ᠭᠡᠵᠦ ᠡᠭᠡᠯ ᠪᠢᠷᠯᠡᠭᠴᠢ ᠪᠢ ᠦᠯᠦ ᠪᠣᠳᠤᠨᠠᠮ ᠡ᠃ ᠤᠴᠢᠷᠨᠢ 《ᠠᠷᠠᠳ ᠲᠦᠮᠡᠨᠤ ᠠᠮᠠᠨ ᠠᠭᠤᠷ ᠠᠯᠲᠠ ᠬᠠᠰᠢ ᠰᠢᠷᠭ᠋ᠠᠭ᠋ᠠᠬᠤ》 ᠶᠤᠮ ᠬᠣᠢ᠌ᠨᠠ ᠳ᠋ᠠ！
2020 ᠣᠨᠤ 1 ᠰᠠᠷᠠ ᠵᠢᠨ 25ᠠᠴᠠ ᠡᠬᠢᠯᠡᠵᠦ᠂ 《ᠪᠠᠷᠴᠢᠳᠲᠤ ᠺᠣᠷᠤᠨᠠ》 ᠵᠢ ᠡᠰᠡᠷᠭᠦᠴᠡᠨ ᠬᠣᠷᠢᠭᠯᠠᠬᠤ ᠪᠠᠲᠤ ᠪᠡᠬᠢᠯᠡᠯᠲᠡ ᠪᠠᠷᠠᠭᠤᠨ ᠪᠣᠣ ᠯᠦᠩ ᠱᠠᠨ ᠭᠠᠴᠠᠭ᠋ᠠᠨᠳᠤ ᠪᠣᠰᠤᠯᠠ᠃ ᠨᠠᠮᠤᠨ ᠭᠡᠰᠢᠭᠦᠨ᠂ ᠰᠠᠢ᠌ᠨ ᠳᠤᠷᠠᠴᠤᠳ ᠲᠡᠷᠢᠭᠦᠯᠡᠵᠦ ᠴᠢᠨ ᠬᠤᠩ ᠱᠦᠵᠢ ᠵᠢᠨ ᠵᠶ᠋ᠡᠨ ᠲᠣᠭᠤᠷᠢᠨᠳᠤ ᠴᠢᠩᠭᠠ ᠪᠠᠲᠤ ᠰᠡᠷᠭᠡᠢ᠌ᠯᠡᠯᠲᠡ ᠵᠢᠨ ᠬᠡᠷᠡᠮ ᠪᠣᠯᠵᠤ ᠪᠣᠰᠤᠯᠠ᠃
《ᠲᠦᠢ᠍ᠳᠭᠡᠷᠲᠦ ᠺᠣᠷᠤᠨᠠ》 ᠵᠢ ᠡᠰᠡᠷᠭᠦᠴᠡᠬᠦ ᠳᠠᠶᠠᠭ᠋ᠠᠷ ᠳᠤᠮᠳᠠᠳᠤ᠂ ᠳᠡᠯᠡᠬᠡᠢ ᠨᠡᠢ᠌ᠲᠡ ᠵᠢᠨ ᠡᠨᠡ ᠬᠦ᠌ 《ᠳᠠᠢ᠌ᠨ》ᠤ ᠪᠠᠭ᠋ᠠᠰᠬᠠᠯ ᠵᠢᠷᠤᠭᠢ ᠪᠢᠳᠡ 《ᠪᠠᠷᠠᠭᠤᠨ ᠪᠣᠣ ᠯᠦᠩ ᠱᠠᠨ ᠭᠠᠴᠠᠭ᠋ᠠᠨ》ᠳᠤ ᠳᠡᠯᠭᠡᠵᠦ ᠦᠵᠡᠬᠦ ᠭᠡᠬᠦ ᠲᠦᠰᠦᠭᠡᠯᠡᠯ ᠬᠢᠬᠦᠳᠤ ᠪᠣᠯᠬᠣ ᠦᠭᠡᠢᠨᠢ ᠶᠠᠭᠤ ᠶᠤᠮ ᠪᠢᠯᠡ⁈ 《ᠪᠠᠭ᠋ᠠᠲᠤᠷᠴᠤᠳ ᠮᠠᠨᠳᠤᠳᠤᠭ᠋ᠠᠢ！》 ᠁ ᠠᠶᠤᠯ ᠭᠠᠮᠰᠢᠭ ᠵᠶ᠋ᠠᠷ ᠳᠦᠭᠦᠷᠦᠭᠰᠡᠨ ᠠᠮᠢ ᠬᠦᠵᠢᠷᠡᠬᠦ ᠲᠤᠯᠤᠯᠳᠤᠭ᠋ᠠᠨᠳᠤ ᠦᠷᠦᠭᠡᠯ ᠪᠣᠰᠤᠳᠤᠨ ᠲᠦᠯᠦᠭᠡ᠂ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠵᠢᠨ ᠲᠦᠯᠦᠭᠡ᠂ ᠦᠵᠡᠯᠲᠡ ᠵᠣᠭᠰᠤᠯᠲᠠ ᠦᠨᠡᠨ ᠲᠠᠩᠭ᠋ᠠᠷᠢᠭᠤᠨ ᠲᠦᠯᠦᠭᠡ ᠦᠬᠦᠵᠦ ᠤᠨᠠᠬᠤᠪᠠᠨ ᠦᠯᠦ ᠬᠠᠢ᠌ᠬᠤᠷᠤᠭᠴᠢ 《ᠠᠭᠤᠤ ᠶᠡᠬᠡ ᠪᠠᠭ᠋ᠠᠲᠤᠷᠴᠤᠳ ᠮᠠᠨᠳᠤᠳᠤᠭ᠋ᠠᠢ！》 ᠭᠡᠵᠦ ᠤᠷᠢᠶᠠᠯᠠᠬᠤᠳᠤ ᠶᠠᠭᠤᠲᠠᠢ ᠵᠢᠪᠬᠤᠭ᠋ᠠᠯᠢᠭ᠂ ᠶᠠᠭᠤᠲᠠᠢ ᠴᠣᠣᠷᠢᠶᠠᠯᠢᠭ ᠠᠵᠢ᠃
2020 ᠣᠨᠤ 2 ᠰᠠᠷᠠ ᠵᠢᠨ 1ᠤ ᠡᠳᠦᠷ᠂ ᠡᠨᠡᠨᠢ ᠡᠷᠡᠰ ᠬᠠᠲᠠᠨ᠂ ᠢᠳᠡ ᠲᠠᠭ᠋ᠠᠭ᠋ᠠᠮᠠᠭ᠋ᠠᠢ ᠵᠠᠩᠲᠠᠢ ᠡᠷᠡ ᠬᠦᠮᠦᠨ — ᠴᠢᠨ ᠬᠤᠩᠤᠨ ᠬᠤᠪᠢᠳᠤ 《ᠡᠷᠯᠢᠭ ᠺᠣᠷᠤᠨᠠ》ᠲᠠᠢ ᠪᠠᠢ᠌ᠯᠳᠤᠵᠤ ᠶᠠᠪᠤᠭᠰᠠᠨ ᠨᠠᠢ᠍ᠮᠠᠳᠡᠬᠢ ᠡᠳᠦᠷ᠃
ᠳᠠᠢ᠌ᠨ ᠪᠣᠯ ᠳᠠᠢ᠌ᠨ᠂ ᠳᠠᠢ᠌ᠰᠤᠨ ᠪᠣᠯ ᠳᠠᠢ᠌ᠰᠤᠨ᠃ 《ᠲᠦᠢ᠍ᠳᠭᠡᠷᠲᠦ ᠬᠢᠵᠢᠭ ᠺᠣᠷᠣᠨᠠ》 ᠵᠢᠨ ᠬᠤᠪᠢᠳᠤ ᠴᠢ ᠨᠢᠭᠡ ᠡᠳᠦᠷ ᠭᠡᠷᠲᠡᠭᠡᠨ ᠠᠮᠠᠷ ᠰᠠᠭᠤᠬᠤᠳᠤ᠂ ᠰᠢᠨᠡ ᠺᠣᠷᠤᠨᠠ ᠬᠢᠵᠢᠭ ᠬᠠᠷᠢᠨ ᠴᠢᠨᠦ ᠠᠢ᠌ᠯ ᠲᠤᠰᠬᠤᠨ ᠤᠷᠤᠭᠤ ᠴᠢᠨᠡᠭᠡᠪᠠᠷ ᠵᠶ᠋ᠡᠨ ᠨᠢᠭᠡ ᠠᠯᠬᠤᠮ ᠤᠢ᠌ᠷᠠ ᠲᠦᠭᠦᠵᠦ ᠢᠷᠡᠬᠦ ᠪᠣᠯᠤᠯᠴᠠᠭᠠ ᠪᠦᠷᠢᠨ ᠪᠠᠢ᠌ᠬᠤ ᠵᠢ ᠴᠠᠭ᠋ᠠᠨᠠᠨᠢ ᠭᠠᠷᠲᠠᠯᠠ ᠮᠡᠳᠡᠵᠦ᠂ ᠰᠡᠳᠬᠢᠯᠳᠡᠭᠡᠨ ᠰᠡᠷᠡᠮᠵᠢ ᠵᠢᠨ ᠬᠣᠩᠬᠤ ᠤᠶᠠᠵᠤ ᠶᠠᠪᠤᠭᠰᠠᠨ ᠬᠦᠮᠦᠨᠤ ᠨᠢᠭᠡ ᠪᠣᠯ ᠴᠢᠨ ᠬᠤᠩ！
ᠦᠷᠯᠦᠭᠡ ᠵᠢᠨ ᠬᠣᠭᠤᠯᠠᠪᠠᠨ ᠰᠡᠩᠳᠡ ᠮᠡᠩᠳᠡ ᠢᠳᠡᠵᠦ᠂ ᠡᠳᠦᠷᠤᠨ ᠵᠢᠵᠢᠭᠦᠷ ᠪᠠᠢ᠌ᠴᠠᠭ᠋ᠠᠬᠤᠪᠠᠷ ᠭᠠᠷᠬᠤ ᠪᠣᠯᠤᠯᠠ᠃ ᠰᠦᠨᠢ ᠵᠢᠵᠢᠭᠦᠷᠯᠡᠵᠦ ᠬᠣᠨᠤᠭᠰᠠᠨ ᠬᠦᠮᠦᠨᠤ ᠬᠤᠪᠢᠳᠤ᠂ ᠴᠢᠨ ᠬᠤᠩ ᠡᠳᠦᠷᠤᠨ ᠡᠭᠡᠯᠵᠢᠨᠳᠤ ᠭᠠᠷᠬᠤ ᠦᠭᠡᠢᠳᠤ ᠪᠣᠯᠤᠨᠠ᠃ ᠭᠡᠲᠡᠯᠡ ᠲᠡᠷᠡ ᠶᠡᠷᠦᠨᠢ ᠰᠡᠳᠬᠢᠯ ᠠᠮᠤᠷ ᠦᠭᠡᠢ᠃ ᠵᠠᠮ ᠬᠣᠷᠢᠵᠤ᠂ ᠬᠦᠯ ᠬᠣᠷᠢᠵᠤ ᠬᠢᠵᠢᠭᠤᠨ ᠬᠠᠯᠳᠠᠪᠤᠷᠢᠯᠠᠯᠠᠴᠠ ᠬᠢᠴᠢᠶᠡᠨ ᠰᠡᠷᠡᠮᠵᠢᠯᠡᠵᠦ ᠪᠠᠢ᠌ᠭᠠ ᠬᠦᠨᠳᠦ ᠬᠡᠴᠡᠭᠦᠦ ᠡᠨᠡ ᠡᠷᠢᠨᠳᠤ 《ᠬᠠᠷᠢᠭᠤᠴᠠᠯᠭᠠ ᠵᠢᠨ ᠭᠣᠣᠯᠯᠠᠭᠴᠢ ᠬᠦᠮᠦᠨ》 ᠪᠣᠯ ᠲᠡᠷᠡ ᠰᠢᠦ ᠳ᠋ᠠ！
ᠭᠡᠷᠠᠴᠠᠪᠠᠨ ᠭᠠᠷᠬᠤ ᠦᠶᠡᠳᠤ ᠲᠡᠷᠡ᠂ ᠬᠡᠷᠬᠡᠢ ᠯᠢᠦ ᠭᠣᠸᠠ ᠤᠷᠤᠭᠤᠪᠠᠨ ᠬᠠᠷᠠᠵᠤ ᠪᠠᠬᠠᠨ ᠡᠷᠡᠭ ᠳᠤᠷᠠᠭ ᠭᠡᠰᠡᠨ ᠵᠶ᠋ᠡᠨ 《ᠦᠳᠡᠳᠤ ᠭᠣᠭᠣᠳᠤᠨ ᠰᠢᠶᠠᠨᠰᠠᠲᠠᠢ ᠪᠠᠩᠰᠢ ᠢᠳᠡᠬᠦ ᠰᠠᠨᠠᠭᠠ》ᠪᠠᠨ ᠬᠠᠯᠲᠤ ᠴᠣᠬᠤᠢ᠌ᠯᠭ᠋ᠠᠵᠠᠢ᠃ ᠭᠡᠷ ᠭᠠᠳᠠᠨᠠᠬᠢ ᠠᠵᠢᠯᠳᠤ ᠪᠡᠬᠡᠷᠡᠭᠦᠯ ᠡᠭᠡᠷᠡᠭᠦᠯ ᠰᠢᠭ ᠡᠷᠬᠢᠵᠦ᠂ ᠪᠣᠷᠪᠢ ᠪᠣᠭᠢᠰᠭᠢᠬᠦ ᠵᠠᠪ ᠦᠭᠡᠢ ᠪᠣᠵᠢᠭᠢᠨᠠᠵᠤ ᠶᠠᠭ᠋ᠠᠷᠠᠬᠤ ᠵᠢᠨ ᠳᠡᠭᠡᠷᠡ ᠡᠪᠡᠳᠴᠢᠨᠲᠠᠢ ᠠᠪᠤ ᠡᠵᠢ ᠵᠢᠨᠢ ᠡᠮᠰᠡᠭᠯᠡᠨ ᠬᠢᠮᠠᠭ᠋ᠠᠳᠠᠵᠤ ᠵᠦᠳᠡᠷᠡᠭᠡ ᠡᠬᠡᠨᠡᠷ ᠵᠶ᠋ᠡᠨ ᠲᠡᠷᠡ 《ᠦᠷᠦ ᠡᠪᠡᠳᠬᠦ》 ᠵᠢᠨ ᠲᠦᠯᠦᠭᠡᠨᠠᠴᠠ 《ᠡᠷᠡᠭ ᠲᠤᠷᠠᠭ》 ᠭᠡᠰᠡᠨᠨᠢ ᠯᠠᠪᠲᠠᠢ᠃ ᠬᠦᠨᠳᠦ ᠵᠢ ᠳᠠᠭ᠋ᠠᠭ᠋ᠠᠵᠤ᠂ ᠬᠦᠴᠢᠷᠢ ᠮᠡᠳᠡᠳᠡᠭ ᠬᠦᠮᠦᠨᠨᠢ ᠯᠠ ᠰᠠᠶᠢ 《ᠬᠦᠮᠦᠨᠢ ᠣᠢ᠌ᠯᠠᠭ᠋ᠠᠵᠤ》 ᠴᠢᠳᠠᠳᠠᠭ ᠠᠵᠢ᠃
ᠬᠡᠷᠬᠡᠢᠨᠢ ᠭᠡᠭᠡᠭᠡᠨ ᠢᠨᠢᠶᠡᠵᠦ᠂ ᠲᠤᠶᠠᠭ᠋ᠠᠬᠠᠨ ᠮᠢᠰᠢᠶᠡᠵᠦ ᠲᠣᠯᠤᠭ᠋ᠠᠢ ᠳᠣᠬᠢᠭᠰᠠᠨᠨᠢ ᠲᠡᠭᠦᠨᠢ ᠲᠤᠩ ᠪᠠᠶᠠᠷᠯᠠᠭᠤᠯᠵᠠᠢ᠃ ᠰᠡᠳᠭᠢᠯᠤᠨ ᠮᠡᠳᠡᠯᠴᠡᠭᠡ᠂ ᠬᠠᠢ᠌ᠷᠠ ᠵᠢᠨ ᠣᠢ᠌ᠯᠠᠭ᠋ᠠᠯᠴᠠᠭᠠᠨᠢ ᠬᠦᠮᠦᠨᠳᠤ ᠢᠲᠡᠭᠡᠯᠤᠨ ᠲᠡᠩᠬᠡᠭᠡ ᠬᠠᠢ᠌ᠷᠠᠯᠠᠵᠤ᠂ ᠵᠢᠳᠭᠦᠯᠤᠨ ᠵᠢᠭᠦᠷ ᠤᠷᠭᠤᠭᠤᠯᠳᠠᠭ ᠤᠴᠢᠷᠲᠠᠢ ᠪᠠᠢ᠌ᠵᠠᠢ᠃
ᠭᠠᠴᠠᠭᠠ ᠨᠡᠢ᠌ᠲᠡ ᠵᠢᠨ ᠠᠵᠢᠯ ᠭᠡᠵᠤ ᠭᠠᠷᠤᠨ ᠣᠷᠤᠨ ᠶᠠᠭ᠋ᠠᠷᠠᠳᠠᠭ ᠪᠠᠢ᠌ᠭᠰᠠᠨ ᠴᠢᠨ ᠬᠤᠩᠢ ᠬᠡᠷᠬᠡᠢ ᠯᠢᠤ ᠭᠤᠸᠠᠨᠢ ᠲᠡᠷᠡ ᠪᠣᠯᠭ᠋ᠠᠨ ᠤᠭᠲᠤᠵᠤ ᠦᠳᠡᠳᠡᠭ ᠦᠭᠡᠢ ᠪᠠᠢ᠌ᠭᠰᠠᠨ᠃ ᠭᠡᠲᠡᠯᠡ ᠦᠨᠦ ᠬᠦᠷᠢᠶᠡ ᠡᠭᠦᠳᠡᠪᠠᠨ ᠬᠦᠷᠲᠡᠯᠡ ᠬᠦᠷᠭᠡᠵᠦ ᠬᠣᠢ᠌ᠨᠠᠠᠴᠠᠨᠢ ᠤᠲᠠᠲᠠᠯᠠ ᠬᠠᠷᠠᠵᠤ ᠵᠣᠭᠰᠤᠵᠠᠢ᠃
ᠭᠡᠲᠡᠯᠡ 《ᠪᠠᠩᠰᠢ ᠬᠢᠯᠭᠡᠬᠦᠪᠠᠷ ᠨᠠᠢ᠌ᠳᠠᠭᠰᠠᠨ》 ᠪᠦᠲᠦᠨ ᠲᠡᠷᠡ ᠡᠳᠦᠷᠲᠡᠭᠡᠨ ᠴᠢᠨ ᠬᠤᠩ ᠪᠤᠴᠠᠵᠤ ᠢᠷᠡᠭᠰᠡᠨ ᠦᠭᠡᠢ ᠪᠠᠰᠠ ᠯᠠ 《ᠵᠢᠵᠢᠭᠦᠷᠤᠨ ᠭᠠᠵᠠᠷ》ᠲᠠᠭᠠᠨ ᠬᠣᠨᠤᠵᠠᠢ᠃
《ᠲᠦᠢ᠍ᠳᠭᠡᠷᠲᠦ ᠬᠢᠵᠢᠭ ᠲᠣᠭᠰᠢᠷᠠᠬᠤᠪᠠᠷ ᠵᠶ᠋ᠠᠨ ᠲᠤᠭᠰᠢᠷᠠᠬᠤ ᠴᠤ᠌᠂ ᠲᠡᠭᠷᠢ ᠨᠠᠷᠠ ᠣᠷᠴᠢᠬᠤᠪᠠᠷ ᠵᠶ᠋ᠠᠨ ᠣᠷᠴᠢᠬᠤ ᠵᠢ ᠬᠡᠷᠬᠢᠨ ᠰᠠᠭ᠋ᠠᠲᠠᠭ᠋ᠠᠵᠤ ᠳᠡᠢ᠌ᠯᠬᠦ ᠶᠣᠮ ᠪᠣᠢ！》 ᠭᠡᠬᠦ ᠰᠢᠭ ᠳᠠᠷᠠᠭᠠ ᠡᠳᠦᠷᠤᠨ ᠬᠢᠨᠢ ᠨᠠᠷᠠ ᠲᠠᠯᠠ ᠵᠣ᠋ ᠵᠢᠨ ᠳᠡᠷᠲᠡᠭᠡᠠᠴᠠ ᠮᠠᠨᠳᠤᠬᠣᠪᠠᠷ ᠵᠶ᠋ᠠᠨ ᠮᠠᠨᠳᠤᠨ᠂ 2020 ᠣᠨᠤ 2 ᠰᠠᠷᠠ ᠵᠢᠨ 2 ᠤᠨ ᠥᠷᠯᠥᠭᠡ ᠪᠣᠯᠵᠠᠢ᠃
ᠵᠢᠩᠳᠠᠮᠠ ᠬᠦᠢ᠍ᠲᠡᠨ 《ᠵᠢᠵᠢᠭᠦᠷᠤᠨ ᠮᠠᠢ᠌ᠬᠠᠨ》ᠳᠠᠭᠠᠨ ᠵᠢᠭᠡᠭᠦᠰᠦᠨ ᠰᠡᠷᠡᠭᠰᠡᠨ ᠴᠢᠨ ᠬᠤᠩ᠂ 5 ᠴᠠᠭᠤᠨ ᠦᠶᠡᠪᠠᠷ 《ᠬᠢᠵᠢᠭᠤᠨ ᠪᠠᠢ᠌ᠳᠠᠯᠢ ᠰᠡᠷᠭᠡᠢ᠌ᠯᠡᠨ ᠡᠵᠡᠮᠳᠡᠬᠦ 》 ᠲᠤᠬᠠᠢ ᠳᠡᠭᠡᠲᠦ ᠱᠠᠲᠤᠨᠤ ᠵᠢᠭ᠋ᠠᠪᠤᠷᠢ ᠵᠢ ᠭᠠᠴᠠᠭ᠋ᠠᠨᠤ ᠤᠳᠤᠷᠢᠳᠬᠤ ᠪᠠᠭ ᠪᠣᠯᠤᠨ ᠨᠠᠮᠤᠨ ᠭᠡᠰᠢᠭᠦᠳᠲᠡᠭᠡᠨ ᠸᠢᠴᠠᠲ ᠵᠶ᠋ᠠᠷ ᠳᠠᠮᠵᠢᠭᠤᠯᠵᠤ᠂ ᠳᠤᠭᠬᠢᠵᠤ ᠵᠢᠭ᠋ᠠᠬᠠᠨ ᠨᠣᠢ᠌ᠷ ᠠᠪᠤᠯᠠ᠃
ᠰᠡᠳᠭᠢᠯᠳᠡᠭᠡᠨ ᠳᠠᠷᠤᠭ᠋ᠠᠰᠤᠲᠠᠢ ᠤᠨᠲᠠᠭᠰᠠᠨ ᠲᠡᠷᠡᠪᠠᠷ ᠰᠡᠭᠭᠢᠵᠦ ᠤᠳᠠᠯ ᠦᠭᠡᠢ ᠰᠡᠷᠡᠵᠦ᠂ 《8 ᠴᠠᠭᠤᠨ ᠦᠶᠡᠪᠠᠷ ᠭᠠᠴᠠᠭᠠ ᠵᠢᠨ ᠭᠡᠷᠲᠤ ᠬᠤᠷᠠᠯᠲᠠᠢ！》 ᠭᠡᠵᠦ ᠡᠯᠡ ᠳᠣᠭᠤᠢ᠌ᠯᠠᠩᠤᠨᠬᠢᠨᠤ ᠳᠠᠷᠤᠭᠠ ᠨᠠᠷᠲᠠᠭᠠᠨ ᠮᠡᠳᠡᠭᠳᠡᠬᠦ ᠵᠢᠨ ᠬᠠᠮᠲᠤ 《ᠵᠢᠵᠢᠭᠦᠷ ᠮᠠᠢ᠌ᠬᠠᠨ》ᠠᠴᠠᠪᠠᠨ ᠭᠠᠷᠴᠤ ᠶᠠᠪᠤᠯᠠ᠃
ᠰᠢᠨᠡ ᠨᠢᠭᠡ ᠡᠳᠦᠷᠤᠨ ᠨᠠᠷᠠ ᠴᠡᠭᠡᠵᠢ ᠣᠩᠭᠤᠢ᠌ᠯᠭ᠋ᠠᠵᠤ᠂ ᠨᠢᠳᠦ ᠭᠢᠯᠪᠠᠭᠤᠯᠵᠤ ᠲᠡᠭᠦᠨᠢ ᠤᠭᠲᠤᠨᠠ᠃ ᠴᠢᠨ ᠬᠤᠩ ᠰᠢᠨᠡ ᠨᠢᠭᠡ ᠡᠳᠦᠷᠤᠨ ᠨᠠᠷᠠ ᠵᠢ ᠬᠠᠷᠠᠮᠠᠭᠴᠠ ᠠᠮᠢ ᠨᠠᠰᠤᠨᠤ ᠠᠭᠤᠤ ᠶᠡᠬᠡ᠂ ᠠᠮᠢ ᠨᠠᠰᠤᠨᠤ ᠬᠦᠴᠢᠷ ᠬᠦᠨᠳᠦ ᠵᠢ ᠠᠭᠱ᠌ᠠᠨ ᠵᠶ᠋ᠠᠷ ᠣᠢ᠌ᠯᠠᠭ᠋ᠠᠬᠤ ᠰᠢᠭ᠋ ᠪᠣᠯᠵᠤ᠂ ᠴᠡᠯᠮᠡᠭ ᠲᠤᠩᠭ᠋ᠠᠯᠠᠭ ᠨᠤᠲᠤᠭᠤᠨ ᠵᠶ᠋ᠠᠨ ᠠᠭ᠋ᠠᠷᠢ ᠴᠡᠭᠡᠵᠢ ᠲᠡᠨᠢᠬᠦᠨ ᠭᠦᠨ ᠭᠡᠭᠴᠢ ᠠᠮᠢᠰᠬᠤᠵᠠᠢ᠃
ᠬᠠᠪᠢ ᠲᠣᠭᠤᠷᠢᠨ ᠵᠶ᠋ᠠᠨ ᠡᠷᠭᠢᠨ ᠤᠷᠪᠠᠨ ᠬᠠᠷᠠᠬᠤᠳᠤ ᠭᠠᠴᠠᠭ᠋ᠠᠨᠤ ᠭᠡᠷᠨᠢ ᠵᠡᠭᠦᠨᠡ ᠬᠠᠷᠠᠭᠳᠠᠵᠤ᠂ ᠦᠪᠡᠷᠤᠨ ᠭᠡᠷᠨᠢ ᠪᠠᠷᠠᠭᠤᠨᠠ ᠬᠠᠷᠠᠭᠳᠠᠬᠤ ᠪᠦᠭᠡᠳ ᠲᠡᠷᠡᠪᠠᠷ ᠦᠨᠦ ᠶᠠᠭ ᠭᠠᠴᠠᠭ᠋ᠠᠨᠤ ᠭᠡᠷ ᠪᠠ ᠦᠪᠡᠷᠤᠨ ᠭᠡᠷᠤᠨ ᠵᠶ᠋ᠡᠨ ᠲᠦᠪ ᠳᠤᠮᠳᠠᠬᠢ ᠵᠠᠢ ᠳᠡᠭᠡᠷᠡ ᠵᠣᠭᠰᠤᠬᠤ ᠠᠵᠢ᠃
ᠦᠪᠡᠷᠤᠨ ᠭᠡᠷᠤᠨ ᠬᠢᠨᠢ ᠬᠤᠯᠠᠩᠠᠴᠠ ᠤᠲᠤᠭᠠ ᠰᠤᠭᠤᠨᠠᠭᠯᠠᠵᠤ 《ᠠᠮᠢ ᠨᠠᠰᠤᠨ》 ᠤ ᠦᠭᠡᠳᠡ ᠦᠷᠨᠢᠭᠦᠨᠢ ᠪᠡᠯᠭᠡᠳᠡᠬᠦ ᠰᠢᠭ᠃ ᠠᠯᠪᠠᠨ ᠭᠠᠵᠠᠷ — ᠭᠠᠴᠠᠭ᠋ᠠᠨᠤ ᠭᠡᠷᠤᠨ ᠬᠢᠨᠢ ᠬᠦᠷᠢᠶᠡᠨᠳᠤ ᠤᠯᠠᠭ᠋ᠠᠨ ᠲᠤᠭ ᠨᠠᠮᠢᠷᠠᠵᠤ᠂ 《ᠠᠷᠠᠳ ᠲᠦᠮᠡᠨᠳᠤ ᠦᠢ᠍ᠯᠡᠴᠢᠯᠡᠶᠡ》 ᠭᠡᠳᠡᠭ ᠠᠭᠤᠤ ᠶᠡᠬᠡ ᠦᠭᠡ ᠵᠢ ᠠᠶᠠᠯᠭᠤᠨ ᠲᠠᠩᠰᠤᠭ ᠳᠠᠭᠤᠯᠠᠬᠤ ᠴᠦ᠍ ᠰᠢᠭ᠋ ᠡ！
ᠲᠡᠷᠡ᠂ ᠭᠡᠷ ᠪᠠ ᠠᠯᠪᠠᠨᠤᠪᠠᠨ ᠭᠣᠣᠯ ᠲᠦᠪ — ᠳᠤᠮᠳᠠ ᠵᠠᠢ ᠳᠡᠭᠡᠷᠡ ᠵᠣᠭᠰᠤᠨᠠ᠃ ᠲᠡᠷᠡ ᠬᠡᠷᠬᠡᠢᠳᠡᠭᠡᠨ 《ᠪᠠᠩᠰᠢ ᠬᠢᠯᠭᠡᠬᠦᠪᠠᠷ ᠨᠠᠢ᠌ᠳᠠᠭᠰᠠᠨ》 ᠵᠶ᠋ᠠᠨ ᠬᠤᠷᠤᠮᠬᠠᠨ ᠵᠠᠭᠤᠷᠠ ᠪᠣᠳᠤᠵᠤ ᠠᠮᠵᠢᠭᠰᠠᠨ ᠴᠦ᠍ ᠬᠠᠰᠢ ᠯᠠ ᠭᠠᠴᠠᠭ᠋ᠠᠨᠤᠪᠠᠨ ᠭᠡᠷ ᠤᠷᠤᠭᠤ ᠰᠢᠭᠤᠳᠤᠮᠠᠭ ᠡᠷᠭᠢᠵᠦ ᠠᠯᠬᠤᠯᠠᠵᠠᠢ᠃
ᠥᠷᠯᠥᠭᠡ ᠵᠢᠨ 8 ᠴᠠᠭᠤᠨ ᠦᠶᠡᠪᠠᠷ ᠴᠢᠨ ᠬᠤᠩ ᠱᠦᠵᠢ ᠭᠠᠴᠠᠭ᠋ᠠᠨᠤᠪᠠᠨ ᠭᠡᠷ ᠤᠷᠤᠭᠤ ᠬᠤᠷᠠᠯ ᠬᠤᠷᠠᠯᠳᠤᠬᠤᠪᠠᠷ ᠶᠠᠪᠤᠵᠤ ᠪᠠᠢ᠌ᠭ᠋ᠠᠳ 《ᠲᠠᠷᠢᠬᠢᠨᠳᠤᠨᠢ ᠴᠢᠰᠦ ᠬᠠᠷᠪᠣᠵᠤ》 ᠭᠠᠵᠠᠷ ᠣᠢ᠌ᠴᠢᠵᠠᠢ᠃
᠁ ᠬᠡᠷᠪᠡ 《ᠲᠦᠢ᠍ᠳᠭᠡᠷᠲᠦ ᠬᠢᠵᠢᠭ ᠺᠣᠷᠣᠨᠠ》 ᠳᠡᠯᠡᠬᠡᠢ ᠲᠠᠶᠠᠭ᠋ᠠᠷᠢ ᠲᠦᠢ᠍ᠪᠡᠭᠡᠭᠰᠡᠨ ᠦᠭᠡᠢ ᠪᠣᠯ ᠁ ᠬᠡᠷᠪᠡ 《ᠠᠶᠤᠯᠲᠤ ᠬᠢᠵᠢᠭ》 ᠢ ᠬᠣᠷᠢᠭᠯᠠᠬᠤᠪᠠᠷ ᠠᠷᠪᠠᠨ ᠡᠳᠦᠷ ᠰᠦᠨᠢ ᠲᠣᠷᠰᠢ ᠠᠮᠢ ᠬᠠᠢ᠌ᠷᠠᠨ ᠦᠭᠡᠢ ᠲᠡᠮᠡᠴᠡᠭᠰᠡᠨ ᠦᠭᠡᠢ ᠪᠣᠯ ᠁ ᠬᠡᠷᠪᠡ ᠠᠷᠤ ᠭᠡᠷᠲᠡᠭᠡᠨ ᠭᠡᠳᠡᠢ᠌ᠵᠦ ᠠᠮᠤᠷ ᠠᠮᠤᠭᠤᠯᠠᠩ ᠰᠠᠭ᠋ᠠᠲᠠᠭᠰᠠᠨ ᠪᠣᠯ ᠁ ᠬᠡᠷᠪᠡ 《ᠴᠢᠰᠦᠨ ᠳᠠᠷᠤᠯᠲᠠ ᠪᠠᠭᠤᠷᠠᠭᠤᠯᠬᠤ ᠡᠮ》 ᠵᠶ᠋ᠠᠨ ᠴᠠᠭ ᠲᠤᠬᠠᠢᠳᠤᠨᠢ ᠤᠤᠭᠤᠭᠰᠠᠨ ᠪᠣᠯ ᠁ ᠬᠡᠷᠪᠡ᠂ ᠬᠡᠷᠪᠡ᠂ ᠬᠡᠷᠪᠡ ᠁ ᠬᠡᠴᠢᠨᠡᠬᠡᠨ ᠣᠯᠠᠨ 《ᠬᠡᠷᠪᠡ》 ᠪᠠᠢ᠌ᠯᠠ ᠶᠠᠮᠠᠷ ᠯᠠ ᠲᠣᠰᠠ ᠪᠣᠯᠬᠤ ᠪᠣᠢ！
2020 ᠣᠨᠤ 2 ᠰᠠᠷᠠ ᠵᠢᠨ 3ᠤ ᠡᠳᠦᠷ ᠬᠠᠲᠠᠭᠤ ᠡᠷᠡ᠂ ᠬᠠᠷᠢᠭᠤᠴᠠᠯᠭᠠᠲᠠᠢ ᠡᠷᠡ᠂ ᠬᠣᠪᠢᠨᠤ ᠬᠠᠢ᠌ᠷᠠ ᠵᠢ ᠬᠠᠮᠲᠤ ᠨᠡᠢ᠌ᠲᠡ ᠵᠢᠨ ᠬᠠᠢ᠌ᠷᠠᠪᠠᠷ ᠣᠷᠤᠯᠠᠭᠤᠯᠣᠭᠰᠠᠨ ᠡᠷᠡ᠂ ᠬᠡᠯᠡᠬᠦ ᠬᠢᠬᠦᠨᠢ ᠬᠡᠪ ᠨᠢᠭᠡ ᠡᠷᠡ᠂ ᠬᠦᠰᠡᠯ ᠢᠷᠡᠭᠡᠳᠦᠢᠨᠢ ᠲᠣᠳᠤ ᠨᠢᠭᠡ ᠡᠷᠡ᠂ ᠬᠦᠴᠢᠷᠤᠨ ᠡᠮᠦᠨᠡ ᠬᠦᠯ ᠨᠤᠭᠤᠷᠠᠳᠠᠭ ᠦᠭᠡᠢ ᠡᠷᠡ᠂ ᠬᠦᠮᠦᠨᠤ ᠮᠦᠷᠲᠤ ᠬᠦᠯ ᠠᠯᠳᠠᠳᠠᠭ ᠦᠭᠡᠢ ᠡᠷᠡ — ᠬᠠᠮᠤᠭᠤᠨ ᠦᠨᠳᠦᠰᠦᠨ ᠱᠠᠲᠤᠨᠤ ᠡᠪ ᠬᠠᠮᠲᠤ ᠨᠠᠮᠤᠨ ᠬᠡᠰᠢᠭᠦᠨ ᠴᠢᠨ ᠬᠤᠩ ᠱᠦᠵᠢ᠂ ᠬᠦᠨᠳᠦ ᠡᠪᠡᠳᠴᠢᠨᠠᠴᠠᠪᠠᠨ ᠪᠣᠯᠵᠤ ᠬᠣᠷᠸᠠᠠᠴᠠ ᠬᠠᠯᠢᠵᠠᠢ᠃
ᠳᠦᠴᠢᠨ ᠨᠠᠢ᠍ᠮᠠᠨ ᠨᠠᠰᠤ！ ᠳᠦᠯᠦ ᠰᠢᠭ ᠳᠦᠷᠡᠯᠵᠡᠵᠦ ᠲᠦᠷᠦᠭᠡ ᠰᠢᠭ ᠬᠠᠩᠭᠢᠨᠠᠵᠤ ᠶᠠᠪᠤᠭᠰᠠᠨ ᠳᠦᠴᠢᠨ ᠨᠠᠢ᠍ᠮᠠᠨ ᠨᠠᠰᠤ！ ᠬᠠᠢ᠌ᠷᠠᠨ ᠳᠦᠴᠢᠨ ᠨᠠᠢ᠍ᠮᠠᠨ ᠨᠠᠰᠤ ᠡ ᠁ 《ᠲᠣᠭ᠋ᠠᠯᠠᠭ᠋ᠠᠳ ᠲᠠᠯᠪᠢᠭᠰᠠᠨ ᠨᠠᠰᠤ᠂ ᠲᠦᠭᠡᠯᠡᠭᠡᠳ ᠲᠠᠯᠪᠢᠭᠰᠠᠨ ᠪᠡᠶᠡ》 ᠬᠡᠭᠴᠢ ᠡᠨᠡ ᠦᠦ？ 《ᠰᠠᠢ᠌ᠨ ᠬᠦᠮᠦᠨᠤ ᠨᠠᠰᠤᠨᠢ ᠣᠬᠣᠷ》 ᠭᠡᠳᠡᠭ ᠦᠨᠡᠨ ᠦᠦ？ ᠪᠦᠦ ᠮᠡᠳᠡ！
ᠴᠢᠨ ᠬᠤᠩ — ᠡᠪ ᠡᠩᠤᠨ ᠨᠢᠭᠡ ᠬᠦᠮᠦᠨ᠂ ᠡᠭᠡᠯ ᠵᠢᠷᠤᠨ ᠨᠢᠭᠡ ᠡᠪ ᠬᠠᠮᠲᠤ ᠨᠠᠮᠤᠨ ᠬᠡᠰᠢᠭᠦᠨ᠃ ᠲᠡᠷᠡ ᠶᠠᠪᠤᠯᠠ᠃ ᠭᠡᠬᠦᠳᠤ ᠲᠡᠷᠡ ᠦᠷᠦ ᠵᠢᠷᠦᠬᠡᠨᠠᠴᠠᠨᠢ ᠤᠶᠠᠭ᠋ᠠᠲᠠᠢ ᠣᠯᠠᠨ ᠶᠠᠭᠤᠮᠠᠪᠠᠨ ᠣᠷᠬᠢᠭ᠋ᠠᠳ ᠶᠠᠪᠤᠵᠠᠢ᠃ ᠡᠨᠡᠨᠢ ᠶᠠᠭᠤ ᠶᠠᠭᠤ ᠪᠣᠢ⁈ ᠪᠦᠬᠦ ᠪᠠᠷᠠᠭᠤᠨ ᠪᠣᠤ ᠯᠦᠩ ᠱᠠᠨ ᠭᠠᠴᠠᠭ᠋ᠠᠨᠤ 165 ᠡᠷᠦᠭᠡ ᠵᠢᠨ 796 ᠬᠦᠮᠦᠨ ᠠᠮᠠ᠂ ᠡᠭᠦᠨᠤ ᠳᠣᠲᠤᠷᠠᠬᠢ 18 ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠡᠷᠦᠭᠡ ᠵᠢᠴᠢ ᠡᠪᠡᠳᠴᠢᠲᠡᠢ ᠠᠴᠢᠲᠤ ᠠᠪᠤ ᠡᠵᠢ᠂ ᠡᠷᠬᠡ ᠪᠦᠪᠡᠢ ᠣᠮᠪᠤᠯᠤ ᠬᠡᠦᠬᠡᠳ᠂ ᠡᠬᠡᠨᠡᠷ ᠯᠢᠤ ᠭᠤᠸᠠ᠂ ᠪᠠᠰᠠ ᠪᠠᠰᠠ ᠪᠠᠰᠠ ᠁ ᠡᠬᠡᠨᠡᠷ ᠯᠢᠤ ᠭᠤᠸᠠ ᠵᠢᠨ ᠬᠢᠨᠢ 《ᠦᠪᠡᠷᠲᠤᠨᠢ》 ᠭᠡᠵᠦ ᠪᠠᠷᠢᠵᠤ ᠬᠦᠯᠳᠡᠭᠡᠭᠰᠡᠨ 《ᠭᠤᠭᠤᠳᠤᠨ ᠰᠢᠶᠠᠨᠰᠠ》ᠲᠠᠢ ᠳᠠᠪᠢᠨ ᠪᠠᠩᠰᠢ ᠁ ᠭᠠᠯ ᠴᠤᠭᠲᠠᠢ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠵᠤ᠂ ᠭᠠᠢ᠌ᠬᠠᠯᠲᠠᠢ ᠨᠠᠮ ᠵᠢᠮᠬᠡᠨ ᠶᠠᠪᠤᠴᠢᠬᠠᠵᠠᠢ ᠁
ᠲᠡᠷᠡ᠂ ᠦᠲᠡᠯᠦᠭᠡ ᠠᠪᠤ ᠴᠢᠨ ᠲᠣᠭᠲᠠᠬᠤ ᠪᠠ ᠠᠬᠠᠰᠢᠷᠠᠭᠠ ᠡᠵᠢ ᠪᠣᠣ ᠪᠠ ᠶᠦᠸᠠᠢ᠂ ᠦᠰᠦᠪᠠᠨ ᠬᠣᠯᠪᠤᠵᠤ ᠦᠲᠡᠯᠲᠡᠯᠡᠪᠠᠨ ᠬᠠᠮᠲᠤ ᠠᠮᠢᠳᠤᠷᠠᠬᠤᠪᠠᠷ ᠠᠮᠠᠯᠳᠠᠭᠰᠠᠨ ᠦᠨᠡᠨᠴᠢ ᠲᠤᠰᠠᠷᠬᠠᠭ ᠭᠡᠷᠭᠡᠢ ᠯᠢᠦ ᠭᠣᠸᠠ᠂ ᠦᠬᠡᠷᠤᠨ ᠬᠣᠶᠠᠷ ᠡᠪᠡᠷ ᠰᠢᠭ ᠬᠦᠪᠡᠭᠦᠨ ᠴᠢᠨ ᠡᠷᠳᠡᠨᠢ ᠪᠠ ᠬᠡᠦᠬᠡᠨ ᠴᠢᠨ ᠰᠠᠷᠠᠨᠠ᠂ ᠦᠰᠦᠭᠡᠢ ᠦᠰᠦᠭᠡᠢᠪᠠᠨ ᠵᠠᠯᠭ᠋ᠠᠵᠤ ᠵᠠᠶᠠᠭ᠋ᠠᠭᠰᠠᠨ ᠠᠬᠠ ᠪᠠ ᠳᠡᠭᠦᠦ ᠵᠢᠴᠢ ᠬᠡᠦᠬᠡᠨ ᠳᠡᠭᠦᠦ ᠁ ᠦᠶᠡᠷᠬᠡᠵᠦ ᠲᠣᠭᠯᠠᠳᠠᠭ ᠦᠶᠡ ᠵᠢᠨ ᠨᠠᠢ᠌ᠵᠠ ᠪᠠ ᠦᠷᠦ ᠵᠢᠷᠦᠬᠡ ᠦᠢ᠍ᠯᠡᠰ ᠬᠦᠭᠡᠭᠡᠴᠡᠯᠳᠦᠯ ᠨᠢᠭᠡᠲᠡᠢ ᠨᠦᠬᠦᠳᠲᠡᠭᠡᠨ ᠨᠢᠭᠡᠭᠡᠬᠡᠨ ᠦᠭᠡ ᠵᠠᠬᠢᠶᠠ ᠴᠦ᠍ ᠦᠯᠡᠳᠡᠭᠡᠯ ᠦᠭᠡᠢ ᠶᠠᠭ᠋ᠠᠷᠠᠦᠬᠠᠨ ᠶᠠᠪᠤᠴᠢᠬᠠᠵᠠᠢ᠂ ᠨᠢᠮᠭᠡᠬᠡᠨ ᠦᠪ ᠬᠦᠷᠦᠩᠭᠡ ᠴᠦ᠍ ᠦᠯᠡᠳᠡᠭᠡᠯ ᠦᠭᠡᠢ ᠶᠠᠭ᠋ᠠᠷᠠᠦᠬᠠᠨ ᠶᠠᠪᠤᠴᠢᠬᠠᠵᠠᠢ ᠁
ᠲᠡᠭᠦᠨᠤ ᠦᠯᠡᠳᠡᠭᠡᠵᠦ ᠦᠭᠭᠦᠭᠰᠡᠨᠨᠢ 《ᠦᠭᠡᠢ᠌ᠭᠦᠦ ᠶᠠᠳᠠᠭᠤ ᠵᠢ ᠲᠡᠳᠭᠦᠬᠦ》 ᠵᠣᠷᠢᠭ ᠰᠠᠨᠠᠭᠠ᠂ 《ᠦᠢ ᠲᠦᠮᠡᠨᠳᠤ ᠦᠢ᠍ᠯᠡᠴᠢᠯᠡᠬᠦ》 ᠵᠣᠷᠢᠭ ᠰᠠᠨᠠᠭᠠ᠂ 《ᠦᠢ᠍ᠯᠡᠰᠲᠡᠭᠡᠨ ᠰᠢᠭᠢᠳᠷᠡᠬᠦ》 ᠵᠣᠷᠢᠭ ᠰᠠᠨᠠᠭᠠ᠂ 《ᠦᠬᠦᠬᠦᠠᠴᠠ ᠨᠢᠴᠤᠰᠢ ᠦᠭᠡᠢ》 ᠵᠣᠷᠢᠭ ᠰᠠᠨᠠᠭᠠ ᠁
ᠲᠡᠭᠦᠨᠤ ᠦᠪᠯᠡᠭᠦᠯᠵᠦ ᠬᠣᠴᠤᠷᠭ᠋ᠠᠭᠰᠠᠨᠨᠢ ᠤᠯᠠ ᠮᠦᠷ᠂ ᠣᠣᠷ ᠴᠢᠨᠠᠷ᠂ ᠤᠭ ᠰᠠᠨᠠᠭᠠ ᠵᠢᠴᠢ ᠦᠢ᠍ᠯᠡ ᠨᠠᠮᠲᠠᠷ᠂ ᠦᠩᠭᠡ ᠭᠡᠷᠡᠯ᠂ ᠦᠨᠢᠳᠡ ᠵᠢᠨ ᠬᠦᠰᠢᠶᠡ ᠁
《ᠠᠮᠢ ᠨᠠᠰᠤᠨᠤ ᠬᠦᠨᠳᠦ》 ᠵᠢᠨ ᠲᠤᠬᠠᠢ ᠡᠷᠬᠢᠮᠯᠡᠨ ᠳᠤᠷᠠᠳᠬᠤ ᠴᠠᠭ ᠡᠭᠡᠰᠢ ᠦᠭᠡᠢ ᠬᠦᠷᠴᠦ ᠢᠷᠡᠵᠠᠢ᠃ 《ᠠᠷᠠᠳ ᠲᠦᠮᠡᠨᠳᠤ ᠦᠢ᠍ᠯᠡᠴᠢᠯᠡᠬᠦ》᠂ 《ᠠᠷᠠᠳ ᠲᠦᠮᠡᠨᠢ ᠳᠡᠭᠡᠳᠦᠯᠡᠬᠦ》᠂ 《ᠠᠷᠠᠳ ᠲᠦᠮᠡᠨ ᠵᠶ᠋ᠠᠷ ᠭᠤᠤᠯ ᠪᠣᠯᠭ᠋ᠠᠬᠣ》᠂ 《ᠠᠷᠠᠳ ᠲᠦᠮᠡᠨᠢ ᠲᠦᠰᠢᠭᠯᠡᠬᠦ》᠂ 《ᠠᠷᠠᠳ ᠲᠦᠮᠡᠨᠤ ᠳᠤᠮᠳᠠ ᠦᠨᠳᠦᠰᠦᠯᠡᠬᠦ》᠂ 《ᠠᠷᠠᠳ ᠲᠦᠮᠡᠨᠳᠤ ᠪᠤᠶᠠᠨ ᠦᠢ᠍ᠯᠡᠳᠬᠦ》 ᠁ᠨᠢ 《ᠠᠮᠢ ᠨᠠᠰᠤᠨᠤ ᠬᠦᠨᠳᠦ》 ᠵᠢ ᠲᠣᠳᠤᠷᠠᠭᠤᠯᠤᠭᠰᠠᠨ 《ᠠᠭᠤᠤ ᠶᠡᠬᠡ ᠵᠢᠭ᠋ᠠᠯᠲᠠ ᠲᠣᠭᠠ》 ᠭᠡᠳᠡᠭᠢ ᠡᠭᠡᠯ ᠵᠶ᠋ᠡᠷᠤᠨ ᠨᠢᠭᠡ ᠡᠪ ᠬᠠᠮᠲᠤ ᠨᠠᠮᠤᠨ ᠬᠡᠰᠢᠭᠦᠨ ᠴᠢᠨ ᠬᠤᠩ ᠱᠦᠵᠢ ᠬᠠᠷᠠᠭᠤᠯᠤᠭᠰᠠᠨ ᠶᠤᠮ ᠡ！
《ᠠᠷᠠᠳ ᠲᠦᠮᠡᠨᠳᠤ ᠦᠢ᠍ᠯᠡᠴᠢᠯᠡᠶᠡ！》 ᠂ 《ᠠᠷᠠᠳ ᠲᠦᠮᠡᠨᠢ ᠳᠡᠭᠡᠳᠦᠯᠡᠶᠡ ！》᠂ 《ᠠᠷᠠᠳ ᠲᠦᠮᠡᠨ ᠵᠶ᠋ᠡᠷ ᠭᠣᠣᠯ ᠪᠣᠯᠭ᠋ᠠᠶᠠ！》᠂ 《ᠠᠷᠠᠳ ᠲᠦᠮᠡᠨᠳᠤ ᠪᠣᠶᠠᠨ ᠦᠢ᠍ᠯᠡᠳᠦᠶᠡ！》 ᠁ ᠠᠮᠢ ᠨᠠᠰᠤᠨᠤ ᠤᠷᠲᠤ ᠣᠬᠣᠷ ᠬᠠᠮᠢᠶᠠ ᠦᠭᠡᠢ᠂ 《ᠠᠮᠢ ᠨᠠᠰᠤᠨᠤ ᠬᠦᠨᠳᠦ》 ᠬᠠᠷᠢᠨ ᠦᠷᠦᠭᠡᠯᠤᠨ ᠲᠦᠯᠦᠭᠡ ᠦᠪᠡᠷᠢᠪᠠᠨ ᠵᠣᠷᠢᠭᠤᠯᠤᠭᠰᠠᠨᠳᠤ ᠯᠠ ᠪᠠᠢ᠌ᠳᠠᠭ ᠁