ᠰᠠᠨᠵᠢᠶᠠᠩ ᠴᠠᠭ᠋ᠠᠨ ᠭᠠᠬᠠᠢ （三江白猪）
     1. ᠪᠡᠶ᠎ᠡ ᠵᠢᠨ ᠬᠡᠯᠪᠡᠷᠢ ᠪᠠ ᠭᠠᠳᠠᠷ ᠳᠦᠷᠰᠦ
      ᠰᠠᠨᠵᠢᠶᠠᠩ ᠴᠠᠭ᠋ᠠᠨ ᠭᠠᠬᠠᠢ ᠵᠢᠨ ᠪᠦᠷᠭᠦᠬᠦᠯ ᠦᠰᠦ᠎ᠨᠢ ᠴᠠᠭ᠋ᠠᠨ᠂ ᠦᠰᠦᠨ᠎ᠤ ᠪᠠᠭᠴᠠ᠎ᠨᠢ ᠨᠡᠯᠢᠶᠡᠳ ᠨᠢᠭᠲᠠ᠂ ᠲᠤᠯᠤᠭ᠋ᠠᠢ᠎ᠨᠢ ᠬᠦᠩᠭᠡᠨ᠂ ᠠᠮᠠ᠎ᠨᠢ ᠰᠢᠯᠤᠭᠤᠨ᠂ ᠴᠢᠬᠢ᠎ᠨᠢ ᠤᠨᠵᠢᠭᠢᠷ᠂ ᠵᠤ ᠨᠢᠷᠣᠭᠣ᠎ᠨᠢ ᠲᠡᠭᠰᠢ ᠦᠷᠭᠡᠨ᠂ ᠭᠤᠶ᠎ᠠ ᠪᠠ ᠬᠤᠨᠳᠤᠯᠠᠢ᠎ᠨᠢ ᠳᠦᠭᠦᠷᠡᠩ᠂ ᠳᠦᠷᠪᠡᠨ ᠬᠦᠯ᠎ᠨᠢ ᠲᠤᠮᠤ ᠮᠦᠷᠲᠡᠭᠡᠨ ᠴᠢᠬᠢᠷᠠᠭ᠂ ᠲᠤᠭᠤᠷᠠᠢ ᠵᠢᠨ ᠡᠳ᠋᠎ᠨᠢ ᠪᠦᠬᠡᠯᠢᠭ᠂ ᠶᠡᠷᠦᠳᠡᠭᠡᠨ 7 ᠬᠣᠣᠰ ᠬᠦᠬᠦᠨ ᠲᠤᠪᠴᠢ᠎ᠲᠠᠢ᠂ ᠵᠢᠭᠰᠠᠭ᠋ᠠᠯᠲᠠ᠎ᠨᠢ ᠵᠢᠭᠲᠡ ᠪᠠᠢ᠌ᠳᠠᠭ᠃
     2. ᠦᠢ᠍ᠯᠡᠳᠪᠦᠷᠢᠯᠡᠯ᠎ᠤᠨ ᠴᠢᠳᠠᠪᠤᠷᠢ
      ᠨᠠᠰᠤ ᠭᠦᠢ᠍ᠴᠡᠭᠰᠡᠨ ᠰᠠᠨᠵᠢᠶᠠᠩ ᠴᠠᠭ᠋ᠠᠨ ᠭᠠᠬᠠᠢ ᠵᠢᠨ ᠠᠵᠢᠷᠭ᠋ᠠᠨ ᠭᠠᠬᠠᠢ ᠵᠢᠨ ᠪᠡᠶ᠎ᠡ ᠵᠢᠨ ᠬᠦᠨᠳᠦ᠎ᠨᠢ 200 ᠺᠢᠯᠦᠭᠷᠡᠮ ᠣᠷᠴᠢᠮ᠂ ᠨᠠᠰᠤ ᠭᠦᠢ᠍ᠴᠡᠭᠰᠡᠨ ᠮᠡᠭᠡᠵᠢ ᠵᠢᠨ ᠪᠡᠶ᠎ᠡ ᠵᠢᠨ ᠬᠦᠨᠳᠦ᠎ᠨᠢ 140 ᠺᠢᠯᠦᠭᠷᠡᠮ ᠤᠷᠴᠢᠮ ᠶᠤᠮ᠃
      ᠠᠩᠬ᠎ᠠ ᠲᠤᠷᠤᠢ᠌ᠯᠠᠬᠤ ᠮᠡᠭᠡᠵᠢ᠎ᠨᠢ ᠲᠡᠭᠰᠢᠳᠭᠡᠭᠡᠳ 10.2 ᠲᠤᠷᠤᠢ᠌ᠯᠠᠨ᠎ᠠ᠂ ᠲᠤᠷᠤᠢ᠌ᠯᠠᠵᠤ ᠦᠩᠭᠡᠷᠡᠭᠰᠡᠨ ᠮᠡᠭᠡᠵᠢ᠎ᠨᠢ ᠡᠭᠦᠷ ᠪᠦᠷᠢ᠎ᠳᠤ ᠲᠡᠭᠰᠢᠳᠭᠡᠭᠡᠳ 12.4 ᠲᠤᠷᠤᠢ᠌ᠯᠠᠨ᠎ᠠ᠃
      ᠪᠤᠷᠳᠤᠯᠭ᠎ᠠ ᠵᠢᠨ ᠬᠤᠭᠤᠴᠠᠭ᠋ᠠᠨ᠎ᠤ ᠡᠳᠦᠷ᠎ᠤᠨ ᠨᠡᠮᠡᠭᠳᠡᠬᠦ ᠬᠦᠨᠳᠦ᠎ᠨᠢ 666 ᠭ᠋ᠷᠡᠮ᠂ ᠲᠡᠵᠢᠭᠡᠯ᠎ᠤᠨ ᠠᠰᠢᠭᠯᠠᠯᠲᠠ ᠵᠢᠨ ᠨᠤᠷᠮ᠎ᠠ 1∶ 3.51 ᠪᠣᠯᠣᠨ᠎ᠠ᠃ 90 ᠺᠢᠯᠦᠭᠷᠡᠮ ᠪᠡᠶ᠎ᠡ ᠵᠢᠨ ᠬᠦᠨᠳᠦ ᠳᠡᠭᠡᠷ᠎ᠡ᠎ᠨᠢ ᠨᠢᠲᠤᠯᠬᠤ᠎ᠳᠤ ᠨᠢᠷᠤᠭᠤᠨ᠎ᠤ ᠲᠠᠷᠭᠤ ᠵᠢᠨ ᠵᠤᠵᠠᠭ᠋ᠠᠨ᠎ᠨᠢ 32.5 ᠮᠢᠯᠢᠮᠧᠲᠷ᠂ ᠨᠢᠷᠤᠭᠤᠨ ᠪᠣᠯᠴᠢᠩ （ᠨᠢᠷᠤᠭᠤᠨ᠎ᠤ ᠬᠤᠶᠠᠷ ᠬᠠᠵᠠᠭᠤ ᠵᠢᠨ ᠪᠣᠯᠴᠢᠩ）᠎ᠤᠨ ᠲᠠᠯᠠᠪᠠᠢ᠎ᠨᠢ 30 ᠺᠦᠸᠠᠲ ᠰᠡᠨᠲ᠋ᠢᠮᠧᠲᠷ ᠪᠠᠢ᠌ᠵᠤ᠂ ᠠᠯᠠᠰᠢᠨ ᠪᠡᠶ᠎ᠡ ᠵᠢᠨ ᠬᠠᠷ᠎ᠠ ᠮᠢᠬᠠᠨ᠎ᠤ ᠨᠤᠷᠮ᠎ᠠ᠎ᠨᠢ 58.64％ ᠪᠠᠢ᠌ᠵᠤ᠂ ᠮᠢᠬᠠᠨ᠎ᠤ ᠴᠢᠨᠠᠷ᠎ᠨᠢ ᠮᠠᠰᠢ ᠰᠠᠢ᠌ᠨ ᠪᠠᠢ᠌ᠳᠠᠭ᠃
     
     （ᠢᠷᠡᠯᠲᠡ᠄ ᠦ᠊· ᠪᠤᠶᠠᠨᠳᠡᠯᠭᠡᠷ ᠨᠠᠷ᠎ᠤᠨ ᠨᠠᠢ᠌ᠷᠠᠭᠤᠯᠤᠭᠰᠠᠨ 《ᠭᠠᠬᠠᠢ ᠵᠢᠨ ᠰᠠᠢ᠌ᠨ ᠡᠭᠦᠯᠳᠡᠷ ᠰᠤᠩᠭᠤᠬᠤ ᠮᠡᠷᠭᠡᠵᠢᠯ》 ᠭᠡᠬᠦ ᠨᠤᠮ᠎ᠠᠴᠠ ᠰᠤᠩᠭᠤᠨ ᠰᠡᠢ᠌ᠷᠡᠭᠦᠯᠪᠡ᠃）