ᠯᠢᠮᠤᠰᠢᠨ ᠦᠬᠡᠷ᠄ ᠯᠢᠮᠤᠰᠢᠨ ᠦᠬᠡᠷ ᠪᠣᠯ ᠹᠷᠠᠨᠼᠢ ᠵᠢᠨ ᠳᠣᠮᠳᠠᠳᠣ ᠬᠡᠰᠡᠭᠤᠨ ᠯᠢᠮᠤᠰᠢᠨᠤ ᠦᠨᠳᠦᠷᠯᠢᠭᠠᠴᠠ ᠤᠭ ᠭᠠᠷᠤᠯᠲᠠᠢ᠃ ᠡᠨᠡ ᠦᠬᠡᠷᠢ ᠬᠦᠯᠦᠰᠢᠨᠳᠤ ᠪᠠ ᠢᠳᠡᠰᠢᠨᠳᠤ ᠪᠦᠷ ᠬᠡᠷᠡᠭᠯᠡᠵᠦ ᠪᠠᠢ᠌ᠪᠠ᠂ 1850 ᠤᠨᠠᠴᠠ ᠮᠢᠬᠠᠨᠤ ᠦᠬᠡᠷ ᠪᠣᠯᠭ᠋ᠠᠨ ᠰᠣᠩᠭᠣᠨ ᠪᠣᠢ᠌ᠵᠢᠭᠣᠯᠪᠠ᠂ ᠣᠳᠤ ᠠᠯᠠᠰᠢᠨᠳᠤ ᠶᠡᠬᠡᠪᠠᠷ ᠬᠡᠷᠡᠭᠯᠡᠬᠦ ᠡᠭᠦᠯᠳᠡᠷ ᠪᠣᠯᠣᠭ᠋ᠠᠳ ᠪᠠᠢ᠌ᠨᠠ᠃ ᠹᠷᠠᠨᠼᠢᠳᠤ ᠡᠨᠡ ᠦᠬᠡᠷ ᠲᠤᠭᠠ ᠲᠤᠯᠤᠭ᠋ᠠᠢᠪᠠᠷ ᠵᠶ᠋ᠠᠨ ᠴᠠᠷᠣᠯᠧᠰ ᠦᠬᠡᠷᠤᠨ ᠳᠠᠷᠠᠭᠠ ᠤᠷᠤᠨᠠ᠃ ᠮᠠᠨᠤ ᠣᠯᠣᠰ 1947 ᠤᠨᠳᠤ ᠹᠷᠠᠨᠼᠢᠠᠴᠠ ᠤᠷᠤᠭᠤᠯᠵᠤ ᠡᠬᠢᠯᠡᠵᠡᠢ᠃ ᠤᠳᠣ ᠵᠡᠭᠦᠨ ᠬᠤᠢ᠌ᠲᠣ ᠣᠷᠣᠨ᠂ ᠱᠠᠨᠳᠦ᠋ᠩ᠂ ᠾᠧᠨᠠᠨ ᠵᠡᠷᠭᠡ ᠭᠠᠵᠠᠷᠲᠤ ᠲᠠᠷᠬᠠᠵᠤ ᠪᠤᠢ᠃
ᠯᠢᠮᠤᠰᠢᠨ ᠦᠬᠡᠷᠤᠨ ᠦᠰᠦᠨᠢ ᠤᠯᠠᠭ᠋ᠠᠨ ᠪᠣᠶᠣ ᠰᠢᠷᠠ ᠦᠩᠭᠡᠲᠡᠢ᠂ ᠠᠮᠠ ᠬᠠᠮᠠᠷᠤᠨ ᠲᠤᠭᠤᠷᠢᠨ᠂ ᠨᠢᠳᠦᠨᠤ ᠲᠤᠭᠤᠷᠢᠨ᠂ ᠳᠦᠷᠪᠡᠨ ᠮᠦᠴᠢ ᠵᠢᠨ ᠳᠤᠲᠤᠷᠠ ᠲᠠᠯᠠ ᠪᠣᠯᠣᠨ ᠰᠡᠭᠦᠯᠤᠨ ᠦᠵᠦᠭᠦᠷᠤᠨ ᠦᠰᠦᠨᠤ ᠦᠩᠭᠡᠨᠢ ᠨᠡᠯᠢᠶᠡᠳ ᠭᠦᠢ᠍ᠬᠡᠨ᠂ ᠡᠪᠡᠷᠨᠢ ᠴᠠᠭ᠋ᠠᠨ᠂ ᠲᠤᠭᠤᠷᠠᠢᠨᠢ ᠤᠯᠠᠭ᠋ᠠᠨ ᠬᠦᠷᠡᠩ᠂ ᠲᠤᠯᠤᠭ᠋ᠠᠢᠨᠢ ᠪᠠᠭ᠋ᠠᠪᠲᠤᠷ ᠮᠠᠩᠨᠠᠢ᠂ ᠴᠡᠭᠡᠵᠢᠨᠢ ᠦᠷᠭᠡᠨ᠂ ᠪᠡᠶᠡᠨᠢ ᠨᠡᠯᠢᠶᠡᠳ ᠤᠷᠲᠤ᠂ ᠪᠦᠭᠰᠡᠨ ᠪᠡᠶᠡ ᠵᠢᠨ ᠪᠣᠯᠴᠢᠩ ᠮᠢᠬᠠᠨᠢ ᠵᠤᠵᠠᠭ᠋ᠠᠨ᠂ ᠳᠦᠷᠪᠡᠨ ᠮᠦᠴᠢᠨᠢ ᠨᠠᠷᠢᠪᠲᠤᠷ ᠶᠣᠮ᠃
ᠰᠠᠶᠢ ᠭᠠᠷᠤᠭᠰᠠᠨ ᠡᠷᠡ ᠲᠤᠭᠤᠯᠤᠨ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 36kg᠂ ᠦᠬᠢᠨ ᠲᠤᠭᠤᠯᠤᠨ ᠬᠢᠨᠢ 35kg ᠪᠦᠭᠡᠳ ᠦᠰᠴᠦ ᠪᠣᠢ᠌ᠵᠢᠬᠣᠨᠢ ᠲᠦᠷᠭᠡᠨ ᠪᠣᠯᠬᠣᠷ 7～8 ᠰᠠᠷᠠ ᠪᠣᠯᠪᠠᠯ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 240～300kgᠳᠤ ᠬᠦᠷᠴᠦ᠂ ᠡᠳᠦᠷᠲᠤ ᠳᠣᠮᠳᠠᠴᠢᠪᠠᠷ 900～1000g ᠨᠡᠮᠡᠭᠳᠡᠨᠡ᠂ ᠪᠦᠬᠦᠯᠢ ᠨᠢᠭᠡ ᠵᠢᠯ ᠪᠣᠯᠪᠠᠯ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 450～480kgᠳᠤ ᠬᠦᠷᠦᠨᠡ᠃
ᠨᠠᠰᠤ ᠭᠦᠢ᠍ᠴᠡᠭᠰᠡᠨ ᠡᠷᠡ ᠦᠬᠡᠷᠤᠨ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 950～1000kg᠂ ᠦᠨᠢᠶᠡ ᠵᠢᠨ ᠬᠢᠨᠢ 600kg᠂ ᠨᠢᠲᠤᠯᠭ᠋ᠠᠨᠤ ᠨᠤᠷᠮᠠᠨᠢ 68％～70％᠃ ᠮᠢᠬᠠᠨᠢ ᠨᠠᠷᠢᠯᠢᠭ ᠵᠦᠭᠡᠯᠡᠨ᠂ ᠦᠭᠡᠬᠦᠯᠡᠬᠦᠨᠢ ᠨᠢᠮᠭᠡᠨ᠂ ᠦᠭᠡᠬᠦᠨᠢ ᠪᠠᠭᠠ ᠬᠠᠷᠠ ᠮᠢᠬᠠᠨᠢ ᠠᠷᠪᠢᠨ᠂ ᠬᠠᠷᠠ ᠮᠢᠬᠠᠨᠢ 80％～85％ ᠵᠢ ᠡᠵᠡᠯᠡᠨᠡ᠃ ᠦᠨᠢᠶᠡᠨᠠᠴᠠᠨᠢ ᠵᠢᠯ ᠪᠦᠷᠢ ᠳᠣᠮᠳᠠᠴᠢᠪᠠᠷ 1200kg ᠰᠦ ᠭᠠᠷᠤᠨᠠ᠂ ᠰᠦᠨᠤ ᠨᠦᠮᠵᠦᠭᠤᠨ ᠨᠤᠷᠮᠠᠨᠢ 5.0％ ᠪᠤᠯᠤᠨᠠ᠃
ᠮᠠᠨᠤ ᠣᠯᠣᠰ ᠯᠢᠮᠤᠰᠢᠨ ᠦᠬᠡᠷᠢ ᠤᠷᠤᠭᠤᠯᠤᠨ ᠠᠪᠴᠢᠷᠠᠭ᠋ᠠᠳ ᠣᠷᠣᠨ ᠨᠤᠲᠤᠭᠤᠨ ᠰᠠᠢ᠌ᠨ ᠡᠭᠦᠯᠳᠡᠷᠤᠨ ᠰᠢᠷᠠ ᠦᠬᠡᠷᠤᠨ ᠡᠭᠦᠯᠳᠡᠷᠢ ᠰᠠᠢ᠌ᠵᠢᠷᠠᠭᠤᠯᠬᠤᠳᠤ ᠬᠡᠷᠡᠭᠯᠡᠵᠡᠢ᠂ ᠾᠧᠨᠠᠨ᠂ ᠱᠠᠨᠳᠦ᠋ᠩᠤᠨ ᠲᠤᠷᠰᠢᠯᠭᠠ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠯᠢᠮᠤᠰᠢᠨ ᠪᠤᠬᠠᠪᠠᠷ ᠨᠠᠨᠶᠠᠩ ᠦᠬᠡᠷ᠂ ᠯᠦᠰᠢ ᠦᠬᠡᠷᠤᠨ ᠡᠭᠦᠯᠳᠡᠷᠢ ᠡᠷᠯᠢᠰᠡᠭᠦᠯᠦᠭᠰᠡᠨ ᠡᠷᠯᠢᠰᠡ ᠦᠬᠡᠷᠤᠳᠤᠨ ᠦᠰᠦᠨᠤ ᠦᠩᠭᠡᠨᠢ ᠭᠢᠯᠠᠭ᠋ᠠᠷ᠂ ᠦᠰᠦᠯᠲᠡᠨᠢ ᠲᠦᠷᠭᠡᠨ᠂ ᠪᠡᠶᠡ ᠪᠢᠯᠳᠠᠷ ᠭᠠᠳᠠᠷ ᠳᠦᠷᠬᠦᠨᠢ ᠰᠠᠢ᠌ᠬᠠᠨ ᠪᠣᠯᠬᠣᠷ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠬᠦᠮᠦᠰᠲᠤ ᠶᠡᠬᠡ ᠲᠤᠭᠤᠭᠳᠠᠵᠤ ᠪᠠᠢ᠌ᠨᠠ᠃ ᠡᠢ᠌ᠮᠦᠠᠴᠠ ᠳᠡᠯᠭᠡᠷᠡᠭᠦᠯᠬᠦ ᠠᠴᠢ ᠬᠤᠯᠪᠤᠭᠳᠠᠯ ᠶᠡᠬᠡᠬᠡᠨ ᠪᠠᠢ᠌ᠨᠠ᠃
（ᠢᠷᠡᠯᠲᠡ᠄ ᠰᠤᠳᠤᠭᠡᠷᠡᠯ᠂ ᠪᠠᠪᠤᠯᠠᠢ᠂ ᠬᠦᠭᠵᠢᠯᠲᠦ ᠵᠢᠨ ᠨᠠᠢ᠌ᠷᠠᠭᠤᠯᠤᠭᠰᠠᠨ 《ᠮᠠᠯᠤᠨ ᠲᠡᠵᠢᠭᠡᠯᠭᠡ ᠪᠤᠷᠳᠤᠯᠭᠠ ᠪᠠ ᠠᠰᠢᠭ ᠰᠢᠮᠡ ᠵᠢᠨ ᠪᠤᠯᠪᠠᠰᠤᠷᠠᠭᠤᠯᠭᠠ》 ᠭᠡᠬᠦ ᠨᠤᠮᠠᠴᠠ ᠰᠤᠩᠭᠤᠨ ᠰᠡᠢ᠌ᠷᠡᠭᠦᠯᠪᠡ᠃）