ᠠᠩᠭᠧᠰ ᠦᠬᠡᠷ ᠪᠣᠯ ᠡᠷᠲᠡᠨᠤ ᠪᠡᠶᠡ ᠪᠠᠭ᠋ᠠᠲᠠᠢ ᠢᠳᠡᠰᠢᠨ ᠦᠬᠡᠷ ᠪᠣᠯᠣᠨᠠ᠃ ᠠᠩᠭ᠍ᠯᠢ ᠵᠢᠨ ᠰᠺᠦ᠍ᠲᠯᠠᠨᠳ᠋ᠤᠨ ᠬᠤᠢ᠌ᠲᠤ ᠬᠡᠰᠡᠭᠠᠴᠠ ᠤᠭ ᠭᠠᠷᠤᠯᠲᠠᠢ᠃ ᠠᠯᠢ ᠡᠷᠲᠡ 19 ᠳ᠋ᠦ᠍ᠭᠡᠷ ᠵᠠᠭᠤᠨᠤ ᠦᠶᠡᠳᠤ ᠳᠡᠯᠡᠬᠡᠢ ᠵᠢᠨ ᠡᠯᠡ ᠣᠯᠣᠰᠲᠤ ᠭᠠᠷᠭ᠋ᠠᠵᠤ ᠪᠠᠢ᠌ᠵᠠᠢ᠃ ᠡᠨᠡ ᠦᠬᠡᠷ ᠪᠣᠯ ᠠᠩᠭ᠍ᠯᠢ᠂ ᠠᠮᠧᠷᠢᠺᠡ᠂ ᠺᠠᠨᠠᠳᠠ᠂ ᠰᠢᠨᠡ ᠽᠢᠯᠠᠨᠳ᠋ ᠪᠣᠯᠣᠨ ᠠᠷᠭᠧᠨ᠋ᠲ᠋ᠢᠨᠤ ᠭᠤᠤᠯ ᠪᠣᠯᠬᠣ ᠢᠳᠡᠰᠢᠨ ᠦᠬᠡᠷ ᠶᠣᠮ᠃ ᠮᠠᠨᠤ ᠣᠯᠣᠰ 1974 ᠤᠨᠳᠤ ᠠᠩᠭ᠍ᠯᠢ᠂ ᠠᠦ᠋ᠰᠲᠷᠠᠯᠢᠶᠠᠠᠴᠠ ᠠᠩᠭᠧᠰ ᠦᠬᠡᠷᠢ ᠤᠷᠤᠭᠤᠯᠤᠨ ᠠᠪᠴᠢᠷᠠᠵᠠᠢ᠃ ᠤᠳᠣ ᠵᠡᠭᠦᠨ ᠬᠣᠢ᠌ᠲᠤ ᠤᠷᠤᠨᠤ ᠡᠯᠡ ᠮᠤᠵᠢᠳᠤ ᠲᠠᠷᠬᠠᠵᠤ ᠪᠤᠢ᠃
ᠠᠩᠭᠧᠰ ᠦᠬᠡᠷ ᠡᠪᠡᠷ ᠦᠭᠡᠢ᠂ ᠪᠦᠬᠦ ᠪᠡᠶᠡᠨᠢ ᠬᠠᠷᠠ ᠪᠣᠯᠬᠣᠷ 《ᠲᠤᠢ᠌ᠮᠤᠭ ᠬᠠᠷᠠ ᠦᠬᠡᠷ》 ᠭᠡᠳᠡᠭ᠃ ᠪᠡᠶᠡᠨᠢ ᠤᠷᠲᠤ᠂ ᠪᠦᠭᠡᠷᠡᠩᠬᠡᠢ᠂ ᠮᠦᠴᠢᠨᠢ ᠪᠤᠭᠤᠨᠢ ᠬᠦᠵᠦᠭᠦᠦᠨᠢ ᠤᠬᠤᠷ᠂ ᠵᠣ᠋ ᠪᠣᠯᠣᠨ ᠪᠦᠭᠰᠡᠨᠤ ᠬᠡᠰᠡᠭᠨᠢ ᠪᠦᠳᠦᠭᠦᠨ ᠵᠤᠵᠠᠭ᠋ᠠᠨ᠂ ᠢᠳᠡᠰᠢᠨᠳᠤ ᠬᠡᠷᠡᠭᠯᠡᠬᠦ ᠰᠠᠢ᠌ᠨ ᠦᠬᠡᠷ ᠶᠤᠮ᠃ ᠭᠤᠶᠠᠨᠤ ᠬᠢᠨᠢ ᠪᠤᠯᠴᠢᠩ ᠮᠢᠬᠠᠨᠢ ᠲᠠᠬᠠᠢ ᠵᠢᠨ ᠦᠶᠡᠳᠤ ᠬᠦᠷᠳᠡᠭ᠃ ᠠᠷᠠᠰᠤᠨᠢ ᠰᠣᠯᠠ ᠨᠢᠮᠭᠡᠨ ᠪᠦᠭᠡᠳ ᠬᠠᠷᠢᠮᠠᠬᠠᠢ ᠴᠢᠨᠠᠷᠲᠠᠢ᠃
ᠨᠠᠰᠤ ᠭᠦᠢ᠍ᠴᠡᠭᠰᠡᠨ ᠡᠷᠡ ᠦᠬᠡᠷᠤᠨ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 800～900kg᠂ ᠦᠨᠢᠶᠡ ᠵᠢᠨ ᠬᠢᠨᠢ 500～600kg᠂ ᠰᠠᠶᠢ ᠭᠠᠷᠤᠭᠰᠠᠨ ᠲᠤᠭᠤᠯᠤᠨ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 25～32kg᠂ ᠦᠰᠴᠦ ᠪᠤᠢ᠌ᠵᠢᠬᠤᠨᠢ ᠲᠦᠷᠭᠡᠨ᠂ ᠲᠤᠷᠨᠢᠬᠤᠨᠢ ᠡᠷᠲᠡ᠂ ᠪᠤᠷᠳᠤᠵᠤ ᠪᠤᠢ᠌ᠵᠢᠭᠤᠯᠬᠤᠳᠤ ᠠᠮᠠᠷᠬᠠᠨ᠂ ᠪᠡᠯᠴᠢᠭᠡᠷ ᠰᠠᠢ᠌ᠲᠠᠢ ᠭᠠᠵᠠᠷᠲᠤ ᠲᠤᠭᠤᠯᠯᠠᠭᠰᠠᠨᠠᠴᠠ ᠠᠪᠤᠭ᠋ᠠᠳ ᠵᠢᠯᠤᠨ ᠤᠢ ᠪᠤᠯᠲᠠᠯᠠ ᠪᠡᠶᠡ ᠵᠢᠨ ᠬᠦᠨᠳᠦᠨᠢ ᠡᠳᠦᠷᠲᠤ 900～1000g ᠨᠡᠮᠡᠭᠳᠡᠵᠦ ᠳᠡᠢ᠌ᠯᠦᠨᠡ᠂ ᠨᠢᠲᠤᠯᠭ᠋ᠠᠨᠤ ᠨᠤᠷᠮᠠᠨᠢ 60％～65％ ᠪᠣᠯᠣᠨᠠ᠃
ᠡᠨᠡ ᠦᠬᠡᠷ ᠤᠷᠴᠢᠨ ᠠᠬᠤᠢᠳᠠᠭᠠᠨ ᠵᠤᠬᠢᠴᠠᠬᠤᠨᠢ ᠰᠠᠢ᠌ᠨ᠂ ᠦᠯᠴᠢᠷ ᠪᠦᠭᠡᠳ ᠡᠪᠡᠳᠴᠢᠨ ᠭᠡᠮ ᠣᠯᠬᠣ ᠦᠭᠡᠢ᠃ ᠦᠨᠢᠶᠡᠨᠢ ᠮᠡᠳᠡᠷᠡᠯᠤᠨ ᠭᠡᠮ ᠰᠣᠭᠣᠭᠲᠠᠢ᠂ ᠡᠨᠡ ᠪᠣᠯ ᠲᠤᠰ ᠦᠬᠡᠷᠤᠨ ᠲᠤᠳᠠᠭᠳᠠᠯ ᠪᠣᠯᠣᠨᠠ᠃
（ᠢᠷᠡᠯᠲᠡ᠄ ᠰᠤᠳᠤᠭᠡᠷᠡᠯ᠂ ᠪᠠᠪᠤᠯᠠᠢ᠂ ᠬᠦᠭᠵᠢᠯᠲᠦ ᠵᠢᠨ ᠨᠠᠢ᠌ᠷᠠᠭᠤᠯᠤᠭᠰᠠᠨ 《ᠮᠠᠯᠤᠨ ᠲᠡᠵᠢᠭᠡᠯᠭᠡ ᠪᠤᠷᠳᠤᠯᠭᠠ ᠪᠠ ᠠᠰᠢᠭ ᠰᠢᠮᠡ ᠵᠢᠨ ᠪᠤᠯᠪᠠᠰᠤᠷᠠᠭᠤᠯᠭᠠ》 ᠭᠡᠬᠦ ᠨᠤᠮᠠᠴᠠ ᠰᠤᠩᠭᠤᠨ ᠰᠡᠢ᠌ᠷᠡᠭᠦᠯᠪᠡ᠃）