ᠤᠷᠤᠨᠤ ᠭᠠᠬᠠᠢ ᠵᠢ ᠠᠰᠢᠭᠯᠠᠬᠤ ᠶᠠᠪᠤᠴᠠᠳᠤ ᠤᠷᠤᠨᠤ ᠭᠠᠬᠠᠢ ᠵᠢᠨ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢᠨᠢ ᠳᠤᠤᠷᠠ ᠪᠠᠢ᠌ᠳᠠᠭ ᠲᠤᠳᠠᠭᠳᠠᠯᠢ ᠦᠭᠡᠷᠡᠴᠢᠯᠡᠨ ᠰᠠᠢ᠌ᠵᠢᠷᠠᠭᠤᠯᠬᠤ ᠵᠢᠨ ᠲᠦᠯᠦᠭᠡ ᠡᠷᠯᠢᠰᠡᠵᠢᠭᠦᠯᠬᠦ ᠠᠷᠭᠠᠪᠠᠷ ᠰᠢᠨᠡ ᠡᠭᠦᠯᠳᠡᠷᠤᠨ ᠭᠠᠬᠠᠢ ᠵᠢ ᠪᠤᠢ᠌ᠵᠢᠭᠤᠯᠤᠭᠰᠠᠨ ᠪᠣᠶᠣ ᠤᠯᠠᠨ ᠵᠢᠯ ᠪᠤᠳᠤᠯᠢᠶᠠᠨᠲᠠᠢ ᠡᠷᠯᠢᠰᠡᠵᠢᠭᠦᠯᠦᠭᠰᠡᠨ ᠭᠠᠬᠠᠢ ᠵᠢ ᠬᠠᠷᠠᠯᠲᠠᠲᠠᠢᠪᠠᠷ ᠰᠤᠩᠭᠣᠨ ᠪᠤᠢ᠌ᠵᠢᠭᠤᠯᠤᠭᠰᠠᠨ ᠰᠠᠭᠤᠷᠢ ᠳᠡᠭᠡᠷᠡ ᠨᠡᠯᠢᠶᠡᠳ ᠤᠷᠲᠤ ᠬᠤᠭᠤᠴᠠᠭᠠ ᠰᠢᠰᠲ᠋ᠧᠮᠲᠠᠢ ᠰᠢᠯᠢᠵᠦ ᠪᠤᠢ᠌ᠵᠢᠭᠤᠯᠤᠭᠰᠠᠨ ᠭᠠᠬᠠᠢ ᠪᠤᠢ ᠪᠣᠯᠪᠠ᠃ ᠡᠳᠡᠭᠡᠷ ᠭᠠᠬᠠᠢᠳᠤ᠂ ᠰᠦ᠍ᠲᠠᠢ ᠭᠠᠬᠠᠢ᠂ ᠪᠡᠭᠡᠵᠢᠩ ᠬᠠᠷᠠ ᠭᠠᠬᠠᠢ᠂ ᠰᠠᠨᠵᠢᠶᠠᠩ ᠴᠠᠭ᠋ᠠᠨ ᠭᠠᠬᠠᠢ᠂ ᠱᠠᠩᠬᠠᠢ ᠴᠠᠭ᠋ᠠᠨ ᠭᠠᠬᠠᠢ᠂ ᠬᠤᠪᠧᠢ ᠴᠠᠭ᠋ᠠᠨ ᠭᠠᠬᠠᠢ ᠵᠡᠷᠭᠡ ᠪᠠᠢ᠌ᠳᠠᠭ᠃ ᠤᠳᠤᠬᠠᠨᠳᠤ ᠰᠦ᠍ᠲᠠᠢ ᠭᠠᠬᠠᠢ᠂ ᠪᠡᠭᠡᠵᠢᠩ ᠬᠠᠷᠠ ᠭᠠᠬᠠᠢ ᠵᠢ ᠠᠰᠢᠭᠯᠠᠵᠤ ᠪᠠᠢ᠌ᠬᠤᠨᠢ ᠨᠡᠯᠢᠶᠡᠳ ᠰᠠᠢ᠌ᠨ᠂ ᠭᠠᠬᠠᠢ ᠵᠢ ᠰᠤᠩᠭᠤᠨ ᠪᠤᠢ᠌ᠵᠢᠭᠤᠯᠬᠤ ᠠᠵᠢᠯᠤᠨ ᠳᠤᠮᠳᠠ ᠨᠡᠯᠢᠶᠡᠳ ᠦᠷᠭᠡᠨ ᠬᠡᠪᠴᠢᠶᠡᠪᠠᠷ ᠳᠡᠯᠭᠡᠷᠡᠭᠦᠯᠵᠦ ᠪᠠᠢ᠌ᠭᠠ ᠭᠠᠬᠠᠢᠳᠤ ᠤᠷᠤᠨᠠ᠃
ᠰᠦ᠍ᠲᠠᠢ ᠭᠠᠬᠠᠢ （苏太猪）
1. ᠪᠡᠶᠡ ᠵᠢᠨ ᠬᠡᠯᠪᠡᠷᠢ ᠪᠠ ᠭᠠᠳᠠᠷ ᠳᠦᠷᠰᠦ
ᠰᠦ᠍ᠲᠠᠢ ᠭᠠᠬᠠᠢ ᠵᠢᠨ ᠪᠦᠬᠦ ᠪᠡᠶᠡ ᠵᠢᠨ ᠪᠦᠷᠬᠦᠭᠦᠯ ᠦᠰᠦᠨᠢ ᠬᠠᠷᠠ᠂ ᠴᠢᠬᠢᠨᠤ ᠶᠡᠬᠡ ᠪᠠᠭᠠᠨᠢ ᠳᠤᠮᠳᠠ ᠵᠢᠨ᠂ ᠡᠮᠦᠨᠡᠰᠢᠪᠠᠨ ᠤᠨᠵᠢᠭᠢᠷ᠂ ᠨᠢᠭᠤᠷᠨᠢ ᠭᠦᠢ᠍ᠬᠡᠨ ᠠᠲᠤᠷᠢᠶᠠᠰᠤᠲᠠᠢ᠂ ᠠᠮᠠᠨᠤ ᠤᠷᠲᠤᠨᠢ ᠳᠤᠮᠳᠠ ᠵᠢᠨ ᠮᠦᠷᠲᠡᠭᠡᠨ ᠰᠢᠯᠤᠭᠤᠨ᠂ ᠳᠦᠷᠪᠡᠨ ᠮᠦᠴᠢᠨᠢ ᠴᠢᠬᠢᠷᠠᠭ᠂ ᠵᠣ᠋ ᠨᠢᠷᠤᠭᠣᠨᠢ ᠲᠡᠭᠰᠢ᠂ ᠬᠡᠪᠡᠯᠢᠨᠢ ᠪᠠᠭᠠ᠂ ᠪᠡᠶᠡ ᠵᠢᠨ ᠬᠤᠢ᠌ᠲᠤ ᠬᠡᠰᠡᠭᠨᠢ ᠳᠦᠭᠦᠷᠡᠩ᠂ ᠪᠦᠲᠦᠴᠡᠨᠢ ᠠᠪᠴᠠᠯᠳᠤᠩᠭᠤᠢ ᠮᠦᠷᠲᠡᠭᠡᠨ ᠬᠠᠷᠠ ᠮᠢᠬᠠᠨᠤ ᠬᠡᠷᠡᠭᠴᠡᠭᠡᠲᠦ ᠭᠠᠬᠠᠢ ᠵᠢᠨ ᠤᠨᠴᠠᠯᠢᠭᠨᠢ ᠢᠯᠡᠷᠬᠡᠢ ᠪᠠᠢ᠌ᠳᠠᠭ ᠶᠣᠮ᠃ ᠬᠦᠬᠦᠨ ᠲᠤᠪᠴᠢᠨᠢ 7 ᠬᠤᠤᠰᠠᠴᠠ ᠳᠡᠭᠡᠭᠰᠢ᠂ ᠵᠠᠷᠢᠮ ᠭᠠᠬᠠᠢ ᠵᠢᠨ ᠬᠠᠮᠠᠷᠤᠨ ᠦᠵᠦᠭᠦᠷᠨᠢ ᠴᠠᠭ᠋ᠠᠨ ᠦᠩᠭᠡᠲᠠᠢ᠃
2. ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢ
（1） ᠦᠰᠦᠯᠲᠡ ᠪᠣᠢ᠌ᠵᠢᠯᠲᠠ
ᠰᠦᠨᠠᠴᠠ ᠰᠠᠯᠭ᠋ᠠᠭᠰᠠᠨᠠᠴᠠ 50 ᠺᠢᠯᠦᠭᠷᠡᠮ ᠪᠡᠶᠡ ᠵᠢᠨ ᠬᠦᠨᠳᠦᠲᠠᠢ ᠪᠣᠯᠲᠠᠯᠠ ᠡᠳᠦᠷᠤᠨ ᠨᠡᠮᠡᠭᠳᠡᠬᠦ ᠬᠦᠨᠳᠦᠨᠢ 570±25.6 ᠭ᠋ᠷᠡᠮ᠂ 50～90 ᠺᠢᠯᠦᠭᠷᠡᠮ ᠪᠤᠯᠲᠠᠯᠠ ᠡᠳᠦᠷᠤᠨ ᠨᠡᠮᠡᠭᠳᠡᠬᠦ ᠬᠦᠨᠳᠦᠨᠢ
710 ±28.5 ᠭ᠋ᠷᠡᠮ᠃
（2） ᠦᠷᠡᠵᠢᠯᠤᠨ ᠴᠢᠳᠠᠪᠤᠷᠢ
ᠲᠤᠷᠤᠢ᠌ᠯᠠᠵᠤ ᠦᠩᠭᠡᠷᠡᠭᠰᠡᠨ ᠮᠡᠭᠡᠵᠢ ᠵᠢᠨ ᠲᠡᠭᠰᠢᠳᠭᠡᠭᠰᠡᠨ ᠨᠢᠭᠡ ᠡᠭᠦᠷ ᠲᠤᠷᠤᠢᠨᠢ 14.5±1.06 ᠲᠤᠯᠤᠭ᠋ᠠᠢ᠂ ᠠᠮᠢᠳᠤ ᠲᠤᠷᠤᠢᠨᠢ 13.78±0.98 ᠲᠤᠯᠤᠭ᠋ᠠᠢ᠂ 35 ᠡᠳᠦᠷ ᠳᠡᠭᠡᠷᠡᠨᠢ ᠰᠦᠨᠠᠴᠠ ᠰᠠᠯᠭ᠋ᠠᠬᠤ ᠦᠶᠡᠰᠤᠨ ᠪᠡᠶᠡ ᠵᠢᠨ ᠬᠦᠨᠳᠦ 7.85±0.56 ᠺᠢᠯᠦᠭᠷᠡᠮ ᠪᠤᠯᠳᠠᠭ᠃
（3） ᠪᠤᠷᠳᠤᠯᠭᠠ
90 ᠺᠢᠯᠦᠭᠷᠡᠮ ᠪᠡᠶᠡ ᠵᠢᠨ ᠬᠦᠨᠳᠦᠲᠠᠢ ᠪᠣᠯᠬᠣ ᠦᠶᠡᠰᠤᠨ ᠡᠳᠦᠷᠤᠨ ᠨᠠᠰᠤᠨᠢ 178±3.45 ᠡᠳᠦᠷ᠂ ᠪᠤᠷᠳᠤᠯᠭᠠ ᠵᠢᠨ ᠬᠤᠭᠤᠴᠠᠭ᠋ᠠᠨᠤ ᠲᠡᠵᠢᠭᠡᠯᠤᠨ ᠠᠰᠢᠭᠯᠠᠯᠲᠠ ᠵᠢᠨ ᠨᠤᠷᠮᠠᠨᠢ 1∶3.11 ᠪᠣᠯᠣᠨᠠ᠃
（4） ᠠᠯᠠᠰᠢᠨ ᠪᠡᠶᠡ ᠵᠢᠨ ᠴᠢᠨᠠᠷ
ᠠᠯᠠᠰᠢᠨ ᠪᠡᠶᠡ ᠵᠢᠨ ᠬᠠᠷᠠ ᠮᠢᠬᠠᠨᠤ ᠨᠤᠷᠮᠠᠨᠢ （56.5± 1.32）％᠂ ᠪᠣᠯᠴᠢᠩᠤᠨ ᠦᠭᠡᠬᠦᠨᠢ 3％ ᠬᠦᠷᠦᠨᠡ᠃ ᠮᠢᠬᠠᠨᠤ ᠦᠩᠭᠡᠨᠢ ᠰᠢᠨᠡᠬᠡᠨ ᠤᠯᠠᠭ᠋ᠠᠨ᠂ ᠮᠢᠬᠠᠨᠤ ᠴᠢᠨᠠᠷᠨᠢ ᠰᠢᠨᠡ ᠰᠤᠷᠭᠤᠭ᠂ ᠵᠦᠭᠡᠯᠡᠨ ᠪᠦᠭᠡᠳ ᠰᠢᠭᠦᠰᠦ ᠤᠯᠠᠨ᠂ ᠲᠠᠷᠭᠤᠨ ᠡᠴᠡᠩᠬᠡᠢᠨᠢ ᠲᠤᠬᠢᠷᠠᠮᠵᠢᠲᠠᠢ ᠪᠣᠯᠬᠣᠷ ᠬᠠᠭᠤᠷᠤᠯᠭᠠ ᠨᠤᠭᠤᠭᠠ ᠬᠢᠬᠦᠳᠤ ᠮᠠᠰᠢ ᠲᠤᠬᠢᠷᠠᠨᠠ᠃
3. ᠡᠷᠯᠢᠰᠡᠵᠢᠭᠦᠯᠵᠦ ᠠᠰᠢᠭᠯᠠᠬᠤ
ᠰᠦ᠍ᠲᠠᠢ ᠭᠠᠬᠠᠢᠪᠠᠷ ᠡᠬᠡ ᠪᠡᠶᠡ ᠪᠣᠯᠭ᠋ᠠᠵᠤ᠂ ᠲᠤᠮᠤ ᠴᠠᠭ᠋ᠠᠨ ᠠᠵᠢᠷᠭ᠋ᠠᠨ ᠭᠠᠬᠠᠢ ᠪᠣᠶᠣ ᠤᠷᠲᠤ ᠴᠠᠭ᠋ᠠᠨ ᠠᠵᠢᠷᠭ᠋ᠠᠨ ᠭᠠᠬᠠᠢᠪᠠᠷ ᠡᠷᠯᠢᠰᠡᠵᠢᠭᠦᠯᠬᠦ ᠪᠣᠯ ᠨᠢᠭᠡᠨ ᠮᠠᠰᠢ ᠰᠠᠢ᠌ᠨ ᠵᠢᠱ᠌ᠢᠶᠡ ᠪᠣᠯᠣᠨᠠ᠃
ᠰᠦ᠍ᠲᠠᠢ ᠡᠷᠯᠢᠰᠡ ᠭᠠᠬᠠᠢ ᠵᠢᠨ ᠠᠯᠠᠰᠢᠨ ᠪᠡᠶᠡ ᠵᠢᠨ ᠬᠠᠷᠠ ᠮᠢᠬᠠᠨᠤ ᠨᠤᠷᠮᠠᠨᠢ 59％～60％᠂ 90 ᠺᠢᠯᠦᠭᠷᠡᠮ ᠪᠡᠶᠡ ᠵᠢᠨ ᠬᠦᠨᠳᠦᠲᠠᠢ ᠪᠣᠯᠬᠣ ᠦᠶᠡᠰᠤᠨ ᠡᠳᠦᠷᠤᠨ ᠨᠠᠰᠤᠨᠢ 160～165 ᠡᠳᠦᠷ᠂ 25～90 ᠺᠢᠯᠦᠭᠷᠡᠮ ᠪᠣᠯᠳᠠᠯᠠᠬᠢ ᠬᠤᠭᠤᠴᠠᠭ᠋ᠠᠨᠤ ᠡᠳᠦᠷᠤᠨ ᠨᠠᠮᠠᠭ᠌ᠳᠠᠬᠦ ᠬᠦᠨᠳᠦᠨᠢ 700～750 ᠭ᠋ᠷᠡᠮ᠂ ᠲᠡᠵᠢᠭᠡᠯᠤᠨ ᠠᠰᠢᠭᠯᠠᠯᠲᠠ ᠵᠢᠨ ᠨᠤᠷᠮᠠᠨᠢ 1∶ 2.98 ᠶᠣᠮ᠃
4. ᠲᠡᠵᠢᠭᠡᠵᠦ ᠠᠷᠠᠴᠢᠯᠠᠬᠤ ᠤᠨᠴᠠᠯᠢᠭ
ᠪᠣᠢ᠌ᠵᠢᠭᠣᠯᠣᠭᠰᠠᠨ ᠭᠠᠬᠠᠢ ᠠᠵᠢᠷᠭ᠋ᠠᠨ ᠭᠠᠬᠠᠢ ᠵᠢ 7～8 ᠰᠠᠷᠠ ᠵᠢᠨ ᠨᠠᠰᠤ （ᠪᠡᠶᠡ ᠵᠢᠨ ᠬᠦᠨᠳᠦᠨᠢ 80 ᠺᠢᠯᠦᠭᠷᠡᠮᠠᠴᠠ ᠳᠡᠭᠡᠭᠰᠢ） ᠪᠣᠯᠬᠣ ᠦᠶᠡᠰᠲᠤ ᠠᠩᠬᠠ ᠡᠬᠢᠯᠡᠵᠦ ᠬᠡᠭᠡᠯᠳᠦᠭᠦᠯᠭᠡ ᠬᠢᠯᠭᠡᠨᠡ᠃ ᠮᠡᠭᠡᠵᠢ ᠵᠢ 6～7 ᠰᠠᠷᠠ ᠵᠢᠨ （ᠪᠡᠶᠡ ᠵᠢᠨ ᠬᠦᠨᠳᠦᠨᠢ 70 ᠺᠢᠯᠦᠭᠷᠡᠮᠠᠴᠠ ᠳᠡᠭᠡᠭᠰᠢ） ᠦᠶᠡᠰᠲᠤ ᠬᠡᠭᠡᠯᠳᠦᠭᠦᠯᠪᠡᠯ ᠲᠤᠬᠢᠷᠠᠮᠵᠢᠲᠠᠢ ᠶᠣᠮ᠃ ᠮᠡᠭᠡᠵᠢ ᠵᠢᠨ ᠤᠷᠤᠭ᠋ᠠᠨᠤ ᠡᠷᠭᠢᠯᠲᠡ ᠵᠢᠨ ᠬᠤᠭᠤᠴᠠᠭᠠᠨᠢ ᠲᠡᠭᠰᠢᠳᠭᠡᠭᠡᠳ 20.5 ᠡᠳᠦᠷ᠂ ᠤᠷᠤᠭ᠋ᠠᠨᠤ ᠦᠷᠭᠦᠯᠵᠢᠯᠡᠬᠦ ᠬᠤᠭᠤᠴᠠᠭᠠᠨᠢ 3.95 ᠡᠳᠦᠷ᠃ ᠮᠡᠭᠡᠵᠢ ᠵᠢᠨ ᠤᠷᠤᠭᠠ ᠤᠷᠤᠭᠰᠠᠨ ᠰᠢᠨᠵᠢ ᠲᠡᠮᠳᠡᠭᠨᠢ ᠤᠷᠤᠨᠳᠠᠭᠠᠨ ᠦᠯᠢᠢ᠍ᠵᠦ ᠵᠤᠭᠰᠤᠬᠤ᠂ ᠤᠮᠠᠢ ᠵᠢᠨ ᠭᠠᠳᠠᠷ ᠠᠮᠠᠰᠠᠷᠨᠢ ᠤᠯᠠᠢ᠌ᠵᠤ ᠬᠠᠪᠤᠳᠤᠨᠠ᠃ ᠪᠠᠰᠠ ᠰᠠᠯᠢᠰᠤᠯᠢᠭ ᠰᠢᠩᠭᠡᠨ ᠭᠤᠭᠤᠵᠢᠭᠣᠯᠬᠣ ᠵᠠᠷᠢᠮ ᠮᠡᠭᠡᠵᠢ ᠵᠢᠨ ᠢᠳᠡᠬᠦ ᠳᠤᠷᠠᠰᠢᠯᠨᠢ ᠮᠠᠭᠤᠲᠠᠵᠤ᠂ ᠪᠣᠰᠣᠳ ᠭᠠᠬᠠᠢ ᠵᠢᠨ ᠳᠡᠭᠡᠷᠡ ᠬᠠᠷᠠᠢ᠌ᠬᠤ᠂ ᠬᠠᠰᠢᠶᠠ ᠦᠰᠦᠷᠬᠦ᠂ ᠴᠠᠷᠬᠢᠷᠠᠬᠤ ᠵᠡᠷᠭᠡ ᠢᠯᠡᠷᠡᠯ ᠭᠠᠷᠤᠨᠠ᠃ ᠨᠢᠷᠤᠭᠤᠨ ᠳᠡᠭᠡᠷᠡᠨᠢ ᠳᠠᠷᠤᠬᠤᠳᠤ ᠬᠦᠳᠡᠯᠬᠦ ᠦᠭᠡᠢ᠂ ᠤᠮᠠᠢ ᠵᠢᠨ ᠭᠠᠳᠠᠷ ᠠᠮᠠᠰᠠᠷ （ᠪᠡᠯᠭᠡ ᠵᠢᠨ ᠤᠷᠤᠭᠤᠯ）ᠤᠨ ᠬᠠᠪᠤᠩᠨᠢ ᠪᠠᠭᠤᠷᠠᠬᠤ ᠦᠶᠡᠰ ᠪᠣᠯ ᠬᠡᠭᠡᠯᠳᠦᠭᠦᠯᠬᠦ ᠬᠠᠮᠤᠭ ᠲᠤᠬᠢᠷᠠᠮᠵᠢᠲᠠᠢ ᠴᠠᠭ ᠶᠣᠮ᠃ ᠬᠡᠭᠡᠯᠳᠦᠭᠦᠯᠬᠦ ᠠᠷᠭᠠᠨᠢ ᠳᠤᠷᠠ ᠵᠢᠨ ᠬᠡᠭᠡᠯᠳᠦᠭᠦᠯᠭᠡ ᠬᠢᠬᠦ ᠪᠣᠶᠣ ᠭᠠᠷ ᠬᠡᠭᠡᠯᠳᠦᠭᠦᠯᠭᠡ ᠬᠢᠬᠦ ᠪᠣᠯᠣᠨᠠ᠃
ᠰᠦ᠍ᠲᠠᠢ ᠭᠠᠬᠠᠢ ᠵᠢᠨ ᠲᠡᠵᠢᠭᠡᠯᠤᠨ ᠱᠠᠭ᠋ᠠᠷᠳᠠᠯᠭᠠᠨᠢ ᠦᠨᠳᠦᠷ ᠪᠢᠰᠢ᠂ ᠪᠦᠳᠦᠭᠦᠯᠢᠭ ᠲᠡᠵᠢᠭᠡᠯᠳᠤ ᠳᠠᠭ᠋ᠠᠭ᠋ᠠᠴᠠᠲᠠᠢ᠂ ᠠᠭ᠋ᠠᠭ᠂ ᠰᠢᠭ᠋ᠠᠷᠤ ᠵᠡᠷᠭᠡ ᠲᠠᠷᠢᠶᠠᠯᠠᠩᠤᠨ ᠳᠠᠭ᠋ᠠᠯᠲᠠ ᠪᠦᠲᠦᠭᠡᠭᠳᠡᠭᠦᠨᠢ ᠭᠦᠢ᠍ᠴᠡᠳ ᠠᠰᠢᠭᠯᠠᠵᠤ ᠪᠣᠯᠣᠨᠠ᠃ ᠮᠡᠭᠡᠵᠢ ᠵᠢᠨ ᠬᠤᠨᠤᠭᠤᠨ ᠲᠡᠵᠢᠭᠡᠯᠳᠤ ᠪᠦᠳᠦᠭᠦᠯᠢᠭ ᠰᠢᠷᠬᠡᠭᠯᠢᠭ ᠪᠤᠷᠳᠤᠭᠠ 20％ᠪᠠᠷ ᠬᠣᠯᠢᠵᠣ ᠪᠣᠯᠣᠨᠠ᠃ ᠭᠡᠪᠡᠴᠦ ᠰᠦ᠍ᠲᠠᠢ ᠭᠠᠬᠠᠢ ᠵᠢᠨ ᠦᠰᠦᠯᠲᠡ ᠵᠢᠨ ᠡᠯᠡ ᠱᠠᠲᠤᠨᠳᠤ ᠰᠢᠮᠡ ᠲᠡᠵᠢᠭᠡᠯᠢ ᠭᠦᠢ᠍ᠴᠡᠳ ᠬᠠᠩᠭ᠋ᠠᠵᠤ᠂ ᠤᠭᠤᠷᠠᠭ᠂ ᠦᠭᠡᠬᠦ᠂ ᠰᠢᠬᠢᠷ ᠪᠠ ᠡᠷᠦᠳᠡᠰᠦ ᠪᠤᠳᠠᠰᠤᠨ ᠬᠡᠷᠡᠭᠴᠡᠭᠡ ᠵᠢ ᠪᠠᠲᠤᠯᠠᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢᠪᠠᠷ ᠲᠡᠵᠢᠭᠡᠵᠦ ᠠᠷᠠᠴᠢᠯᠠᠬᠤ ᠪᠣᠯ ᠰᠦ᠍ᠲᠠᠢ ᠭᠠᠬᠠᠢ ᠵᠢᠨ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢ ᠵᠢ ᠭᠦᠢ᠍ᠴᠡᠳ ᠪᠠᠳᠠᠷᠠᠭᠤᠯᠬᠤᠲᠠᠢ ᠬᠣᠯᠪᠤᠭᠳᠠᠬᠤ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠪᠣᠯᠣᠨᠠ᠃
（ᠢᠷᠡᠯᠲᠡ᠄ ᠦ᠊· ᠪᠤᠶᠠᠨᠳᠡᠯᠭᠡᠷ ᠨᠠᠷᠤᠨ ᠨᠠᠢ᠌ᠷᠠᠭᠤᠯᠤᠭᠰᠠᠨ 《ᠭᠠᠬᠠᠢ ᠵᠢᠨ ᠰᠠᠢ᠌ᠨ ᠡᠭᠦᠯᠳᠡᠷ ᠰᠤᠩᠭᠤᠬᠤ ᠮᠡᠷᠭᠡᠵᠢᠯ》 ᠭᠡᠬᠦ ᠨᠤᠮᠠᠴᠠ ᠰᠤᠩᠭᠤᠨ ᠰᠡᠢ᠌ᠷᠡᠭᠦᠯᠪᠡ᠃）